Tue Jul 07 2020 16:44:31 GMT+0800 (Malay Peninsula Standard Time)
This commit is contained in:
commit
3ba40a3506
|
@ -0,0 +1 @@
|
|||
\c 1 \v 1 Ni’nyamo kinatareani Injil ni Yesus Kristus yoki ni yempung \v 2 tanua ni pantik wia nalkitabpi Nabi Yesaya: “Loho’onomi, niaKu rimeho’i rerehoangKu rumior wia ni’Kou, nisia ma’ange meitiro lalan-neMu; \v 3 wewehane tou mereke-rekei wana padang gurun: Tiroono lalani yempung, paka rendaienange lalan’neNa”,
|
|
@ -0,0 +1 @@
|
|||
\v 4 teintumo Yohanes Pembaptis rimengkamange wana padanggurun o rumekeiye: “Makiampungo o wehemomako nawakemu baptisen, ka nampunganokan yempung pakasa kasumelokanu”. \v 5 Tumondongako niitu, o sea mai pakasane tou wana Yudea o e tou mahana wanamange Yerusalem wia Yohanes o sea makiampung, osea baptisen wanamange so’so’an maka ngaran Yordan \v 6 toroni’tu Yohanes nimakei mantel buuk ni unta, o ne’eret kuli’, o paka’annena e korontungan o rina.
|
|
@ -0,0 +1 @@
|
|||
\v 7 Nyaimo nipengila-ngila’na: “Tumondongako niaku, ni-Siai lembeh mailek wia pakasa-pakasa taan niaku; tumu’tuk o muka i, bawa’kes sapatuNate, niaku rai mamoali. \v 8 Niaku maptis ni’kamu o dano, taan ni-Sia maptisi kamu o Roh Kudus.
|
|
@ -0,0 +1 @@
|
|||
\v 9 Toroni’itu, osia mai Yesus wanamange Nazaret witu tana’ ne Galilea, ni-Sia binaptis Yohanes witu so’soan maka ngaran Yordan. \v 10 Paka baptisenako Sia, o-Sia kumaluari witu ndano, o itu loho’onamange langit nimawuka, o Roh tanuai Merpati, timumpami wia natas ro’kose-Na. \v 11 o kalingaan wana pakolanoan: “Nikou-Mo yoki kaupuse-Ku, nikoumoi kinapaarang-Ku.”
|
|
@ -0,0 +1 @@
|
|||
\v 12 Toro ni’itu, Roh nimaali ni-Sia wanamange padanggurun. \v 13 Wanamange padanggurun, ni’sia ni’mena wanamange nepat ngapulu’ ngaendo kaure, pinemowaan ni setang. Wanamange, ni-Sia mawali-walie binatang ma’waya-waya o weweha’ne malaikat menele-nelewir ni-Sia.
|
|
@ -0,0 +1 @@
|
|||
\v 14 Mai timboianakoi Yohanes, osia mai Yesus witu Galilea oitu pakata’u name, nai nge’nge ni yempung, \v 15 koan’namo: “Nendona nimalekeppo; Pakolanoan yempung tawimokan. Waloieno, o emaneno ni nge’nge ni yempung”.
|
|
@ -0,0 +1 @@
|
|||
\v 16 Wanamange tembiri lour maka ngaran ni Galilea, Yesus mengelang-ngelang witu tembirena, o kalohoanamangei Simon oi Andreas patuarini Simon. Nisea e mata’an puket witu lour ka niseamo e tumata’an puket o meniko-nikope sera’. \v 17 O sia mehe nge’-nge’nge Yesus wia nisea: “Mai, kumiito nia-Ku, siwongkumokan kamu, mapukete tou.” \v 18 O sea tumilau i puket nea o kumiit ni-Sia.
|
|
@ -0,0 +1 @@
|
|||
\v 19 Kalaus’sako’i Yesus, osia memehe-mehemamako’oki witu pa’akoanna, o sia loho’onamangei Yakobus yanak ni Zebedeus, na’ani Yohanes patuarina-e meniro-niro’i puket witu londei. \v 20 o sea towa’anne ni Yesus, osia tila’unea papana, i maka ngaran Zebedeus mawali-wali oe pasewanea witu londei.
|
|
@ -0,0 +1 @@
|
|||
\v 21 O sea kalausange wana Kapernaum. Ku’tuuri nari sabat, osia gumoremako Yesus witu mbaleni Yempung o mehe tuturu wia nisea \v 22 o sea mengerang-ngerang simongol paka weheni Yesus tuturu, ka tuturu-Na, tuturu ne tou mailek tantu pakasa-pakasa, ndai tanua e tou palinga-lingaan witu Yahudi (ahli turat).
|
|
@ -0,0 +1 @@
|
|||
\v 23 Toro ni’tu, wewehani tou witu, tinahkenan. Nisia i mereke-rekei: \v 24 “Sapa kapaar’ pei’siwonnu, wia nikami, he Yesus tou Nazaret? Kou nimai, ma’ai ma’patei ni kami? Pa’ilekengku sei-Kou: Tou lenas wana Yempung omai.” \v 25 Taan Yesus ‘gimahlo-mako wia nisia, koana-Mo: “Maka punek, su’meketo kou wia nisia!.” \v 26 osia siasani roh timahken wia nisia, osia makawehe mereke-rekei, osia sume’keti roh lewo wia nisia.
|
|
@ -0,0 +1 @@
|
|||
\v 27 Pakasane witu, mengerang-ngerang, osea meniri-nirita pakasa siniwoni Yesus, koaneamo: “Tuturu weru sapa ni’nya, pakasane roh lewo reken, paperenta-perentanate, o malinga-lingate wia ni-Sia.” \v 28 Oitu kasera mange wana pakasa mbanua Galilia, pakasa siniwoni Yesus witu mbale ni Yempung nitu.
|
|
@ -0,0 +1 @@
|
|||
\v 29 Ka’kaluar natemi witu mbaleni Yempung ni’tu, Yesus oi Yakobus oi Yohanes, mako witu mbale ni Simon oi Andreas. \v 30 Toro ni’tu, manohang wewene ni Simon mawendu paha’goi, o meneke-nekel. O sia lila’nea mako wia Yesus: Manohang wewene ni Simon mawendu. \v 31 O sia mako Yesus witu tampani wewene sakitan, toro ni’tu Yesus timimboi lawasena, osia wongkenamako. Ka wongkenatemako, benduna memehe-mehe maleos’ osia sumelewir Yesus oe maki’i-ki’iti ni-Sia.
|
|
@ -0,0 +1 @@
|
|||
\v 32 Tarei’mbengi, alinemi waya pakasa ne sakitan tinahkenan, \v 33 osea meruri witu sinaru i pepenet pakasa ne tou witu, \v 34 o sea leosenamange waya pakasa ne sakitan, o rimuke mange i setang-setang; rai wehe-Na e setang-setang mu’wuka sumping, ka nisea kangkahi, ma’ileki Yesus.
|
|
@ -0,0 +1 @@
|
|||
\v 35 Ko’ondoli behena momo ondope’ rendai, ko’toor temi ni Yesus memehe-mehe kumaluar, osia sumandiri witu tampa ndai’si’ tou, o sia kumi’ambit witu. \v 36 Taan Simon noe ka’ampitena nimakoite ma’inakut, sumero nisia; \v 37 ku tutul nea temako, o sea lumila: “Pakasa ne tou menero-nero niKou.”
|
|
@ -0,0 +1 @@
|
|||
\v 38 Koano ni Yesus: “Maimo tae, kita mange wana tampa laeng, wana mange Kota-kota ni matawian, ka nyaku ma’ange mi lila’i tuturu ni yempung, ni’itu moaku ni mai. \v 39 O sia ru mon Yesus wana Galilea, o mengila-ngila tutur ni yempung witu mbale pahuntepan nea o rimuke setang-setang.
|
|
@ -0,0 +1 @@
|
|||
\v 40 Wewehani tinenaan ni sumakit kutok, osia mai makiwehe wia Yesus sa toro, tulungenteimi. Nisia maki tulung tantu, osia kumiwehe wia Yesus: “Sa Kou paar, Koute toro lumeos sumakiteku.” \v 41 Nateni Yesus kimutikani, ka maupus limoho nisia, osia peosenamako, koano ni Yesus: “Kapaare-Ku kou maleos wia pemendamenu.” \v 42 Ki’lila’te ni Yesus, pemendamena rai rinekenan ‘telu, ni’maleoso.
|
|
@ -0,0 +1 @@
|
|||
\v 43 Osia reho-Na mangemo!, \v 44 o gena-genangen, tia pengi-ngila e tou walina sapa nimamoali wia nikou, taan mangemo papalohomako nawakemu wanamange imam, o mehe mako tatamber ka, kou nimaleo’so, teintu koa mbia tuturu ni Musa, ni’itu paperlun ne tou
|
|
@ -0,0 +1 @@
|
|||
\v 45 Taan, ni mangenate la’us wia e pakasa ne tou, sapa nimamo’ali wia nisia, oitu ka’sera, mahaka-akar, Yesus rai’mo toro gumorem kota, simero mokan tampa, ndai katouan tou taan, e tou, mahaite wia nisia.
|
|
@ -0,0 +1 @@
|
|||
Pasal 1
|
|
@ -0,0 +1 @@
|
|||
\c 2 \v 1 Toro ni’itu lumawet woo pira ngaendo, maimo Yesus wana Kapernaum, kalingaane tou, Yesus witumo mbale. \v 2 Maimo mai e tou o rumasak e raimo wana tampaan simaru i pepenet, o Sia mehe tuturu’ nei pakatau’ ni yempung.
|
|
@ -0,0 +1 @@
|
|||
\v 3 Wewehane woo pira tou, mange mai mahaki-akit esa tou rai’ makelang, pinopone epat tou \v 4 taan nesea rai mamoali menetetako witu sianaruni Yesus, ka kina’apean ne tou laker, oitubb wukaan nea nai atep, osia wetaneamako tinekelana,
|
|
@ -0,0 +1 @@
|
|||
\v 5 oitu kaloho’an ni Yesus iman pa’ate-atean ne tou yai, osia Yesus lumila’mako wia si tou rai makelang, oh utu anakeku, kaselokan peniwo-niwonu ndai rekenenm \v 6 taan mbitu mbewehane rimuh-mun, woopira ahli torat, mbia natenea! \v 7 Koa sia tou yai taintu paila, mahambuto yopo empung, sei toro mehe ampung wia kasumelokan, mbayai yopo empung imawehe ampung wia kasumelokanne tou,
|
|
@ -0,0 +1 @@
|
|||
\v 8 taan paileken Yesus mbia nggoremi nate nea: Nisea mapikir taintu, o Sia lumilamako wia Nisea: Koana’ taintu wia nggorem nate niu? \v 9 mbisa ree lembeh porak, lumila mako wia’i tou rai mamoali kumelang: Kaselokanu niapungano ka’apa tumooro, angkaten patekelannu o kumelango.
|
|
@ -0,0 +1 @@
|
|||
\v 10 O iya pailekeniu mbia koatan, YESUS KUASA MAWEHE AMPUNG WIA KASUMELOKAN. \v 11 Osia lumila’mako: Kou lila’ankume, tumoor, angkateno tetekelannu o marengo witu mbalemu. \v 12 Osia tumoor, akitena tetekelanna, osia kumaluar wia sinaru ne tou witu. Pakasane tou witu, maherang o lumila: Nyaisamo ndaipe linohota.
|
|
@ -0,0 +1 @@
|
|||
\v 13 Osia Yesus tumoromakoi niakaran lour kalakerne tou witu makowitu sia. Osia Yesus mehe tuturu. \v 14 osia kumelang, lumawetako witu, Yesus masungkul o lumohomako Lewi yokini Alfius rimuhmun witu mbale cukai, osia lumila mako: Maimo, kumiito niaKu. Osia Lewi tumoor osia kumiit Yesus.
|
|
@ -0,0 +1 @@
|
|||
\v 15 Osia kumaan witu mbalena, mawali-wali o se pemungut cukai o setou rai lenas naane laker taou mengi’i-ngi’it Yesus. \v 16 I toro niitu ahli-alhi Torat golongan Parisi lumoho o mehe genang kimaan mawali-wali oe taou rai lenas ose pemungut cukai ose ahli-ahli torat golongan Parisi, lumilamako wia se murid-murid: Ku’a sia kumaan mawali-wali o nisea.
|
|
@ -0,0 +1 @@
|
|||
\v 17 Yesus lumingamako nai lila’ nea, osia lumila’mako! Rai tou reisa sumakit maperlu mahundam, taan tou wehan pemendamen. Niaku mai ndai matowa tou lenas, taan matowa e tou rai lenas.
|
|
@ -0,0 +1 @@
|
|||
\v 18 Toro niitu e murid-murid Yohanes naane tou Parisi, matahangi naharem, osea makomai tou lumila Yesus: Kaa sea murid-murit Yohanes oe murid-murid Paris matahangi naharem, taanne muridte-Mu e rai? \v 19 osia Yesus mengkotako wia nisea: Torokan ka’ampiti predegom tumahangi naharem sa predegom mawali-wali kangkahi nisea? Sa pregom mawali-walipe nisea, ndai toro sea tumahangi naharem.
|
|
@ -0,0 +1 @@
|
|||
\v 20 makasa mokan nendo nai tantu, predegom ai indon wia nisea, nendomo niitu, sea tumahangi naharem. \v 21 Ndai wanai tou tumampali tiras weru witu karai tu’a mo,tantu tiras nai tampal, kumesei karai niitu, o maka selamo kese’na.
|
|
@ -0,0 +1 @@
|
|||
\v 22 Taintu kangkahi, ndaiwanai toui mumpunako anggur weru wia kantong kulit tu’a. Ka sa taintu, nonoten nitu kumese sompoi, oitu katia, o ndaimowanai katila’u, Niitumo, anggur weru wehe wia sompoi weru.
|
|
@ -0,0 +1 @@
|
|||
\v 23 Bewehan nendo pahasengane tou, Yesus mengela-ngelang witu numai gamdun, o toro niitu, nisea mengela-ngelang o murid Yesus maitingako gandum niitu. \v 24 Ose lumilamakoe tou Parisi, lohoonomako e tou makiiti paareMu, masiwomoi ndai toro siwon nendo paasengan.
|
|
@ -0,0 +1 @@
|
|||
\v 25 Mingkotomakoi Yesus: Pailekeniu siniwo ni Daud? Nisia kinapuan pakaanen? \v 26 Osia muntep witu mbale ni yopo empung, toro niitu, Abyatari nimamoali imam besar, osea kumaan ni roti nei reta’ taan roti niitu, rai toro kaanene tou biasa, torote kumaan niitu, imam-imam, taan neite wiae makii,kiiti nisia?
|
|
@ -0,0 +1 @@
|
|||
\v 27 Osia lumila, naio pantik: Nendo pahasengan, siniwo kaipian ne tou, ndai siniwi setou kaipiani nendo pahasengan. \v 28 Niitumo, yokine tou nimamoali nendo pahasengan.
|
|
@ -0,0 +1 @@
|
|||
Pasal 2
|
|
@ -0,0 +1 @@
|
|||
\c 3 \v 1 Toro ni itu Yesus gimorem wia mbale pahuntepan witu wewehan itou ni mate e lawas na esa. \v 2 Hisea meloho-loho Yesus, sasia ma leleos itou nisia wia nendo sabat, orior nisea makailek eng kasumelokkan na.
|
|
@ -0,0 +1 @@
|
|||
\v 3 O Yesus wia itou ni mate lawas na esa niitu : “mai tumoor wiampuser!” \v 4 O sia lumila wia nisea : “sapa reken toro siwon wia nendo sabat, sumiwo leos kaapa sumiwo lewo, su melamat nawak ni tou kaapa mate tou?” taan nisea memune-munek te.
|
|
@ -0,0 +1 @@
|
|||
\v 5 Sia masusah ka ka ketèan natenea oh kaampit inggahlo sia lumoho ka lendong ngena oh wia ne sea o sia lumila wia i tou nisia wehemi lawas semu! Oitu wehenamako oitu maleos lawas sena iitu. \v 6 o sea ku maluari waya epakasa e touparisi o sea maesaan o e tou herodian o ma papate Ni sia.
|
|
@ -0,0 +1 @@
|
|||
\v 7 Toronitu Yesus o maki-ki’it nisia sume’ket tako tu lour, o laker tou wia galilea makiitnisia. O wia yudea. \v 8 Naan Yerusalem, o idumea o lumawet tako yordan ombanua tirus naan sidon mai wia nisia e tou kalaker, kanisea liminga mo mbaya siniwo nawia e laker tou.
|
|
@ -0,0 +1 @@
|
|||
\v 9 Osia rumeho e ma kii-kiit nisia sadiaan nako nyaku londei esa ka etoulaker, orior sea rai lumompit Nyaku. \v 10 Ka nisia lumeos laker tou, o pakasa e tou sakitan mapese-pe setang mai wia Nisia o meosako Nisia.
|
|
@ -0,0 +1 @@
|
|||
\v 11 O eroh-roh lewo lumoho Nisia, nisea kanawu o kakundu mako wia mu ka Na orumekey :”kou mo yoki ni Opo Empung”. \v 12 Taan nisia limila te wia nia sea tia paila-ila sa Nyaku mo nitu.
|
|
@ -0,0 +1 @@
|
|||
\v 13 Osia lumongkot tako I Yesus wia natasi ngkuntung. Osia tumowa e tou wisa I kapaarena o sea kangkahi mai wia Nisia. \v 14 Otantu namako mapulu orua tou ku maampit nisia orehona mange nu muwu Injil. \v 15 O wehanamange kawasa sea maruke e setang. \v 16 Mapulu orua nisea nitantu namomako I : simon, I winehana mako ngara sia Petrus,
|
|
@ -0,0 +1 @@
|
|||
\v 17 Yakobus yoki ni sebedeus, oi Yohanes patuari ni Yakobus, o erua nisea ngaranana mako boanerges, nitu artinya yoki ni mawehetuturu. \v 18 Tumondong nisia Andreas, Filipus, Bartolomeus, Matius, Tomas, Yakobus yokie ni Alfeus, Tadeus, Simon I tou Zelot. \v 19 Oi Yudas Iskariot, I khimianat Nisia.
|
|
@ -0,0 +1 @@
|
|||
\v 20 Oi Yesus gumorem witu mbale esa. O mai waya tou laker rumempot Nisia, makar ing kuman sea raimo toro. \v 21 I nendo kalilingan ne patuari na, sea mai ma aime Nisia ka paila nea sia I sintingo kine. \v 22 Oe ahli-ahli torat witu Yerusalem omai lumila: ”sia itinah’kenano ni beelzebul,” o wangko ne setang sia maruke e setang.
|
|
@ -0,0 +1 @@
|
|||
\v 23 Yesus timowa nisea, o lumila wia nisea wia perumpamaan: kumura reken I setang toro rumuke I setang? \v 24 Sa esa kerajaan mapete, kerajaan nitu ndai tumahang, \v 25 asea nimatampasano ndai mo pailaan sangaawu.
|
|
@ -0,0 +1 @@
|
|||
\v 26 O taintu mokahi ya sai setang mapalelamo malawang I nawakena sandiri asia nimawetengo, sia ndai tu mahang, ka makarowitu sia. \v 27 Taan ndai wana esa toro gumorem wia mbale ne tou ente okumahat ingkasigaana sasia rai wa’kesanape. Tondongi ni itu oi tu indonawa wia nggorem mbale ni’itu.
|
|
@ -0,0 +1 @@
|
|||
\v 28 Nyaku lumilanange wia nikou: nuliulik pakasa kasumelokan onaawiten o eokie ne tou kaampungane, en, pakasa naawiten penotonotoren nea. \v 29 Taan sai tou mojat Roh kudus, sia rai makailek ampung akari kaureure, kasimiwo kasumelokan osimiwo dosa kekal \v 30 sia limila taintu ka paila nea sia I tinah’kenano roh lewo.
|
|
@ -0,0 +1 @@
|
|||
\v 31 o sea mai mamana o patuari ni Yesus. Sea menoo-noor witu lewet, o sea rumeho mako tou tu mowa mako Nisia : \v 32 wewehan tou laker rihmuhmun limendong Nisia, o sea lumila mako wia nisia :” lohoon, mamamu o e patuari mu witu mo lewet, o mainakut mahilekan o nikou.”
|
|
@ -0,0 +1 @@
|
|||
\v 33 o sea wingkotenako ni Yesus :”sei I mamaku o sei patuari-ku?” \v 34 o sia lumoho wia tou rihmuhmun limendong Nisia o lumila:’yaimo mamaku oe patuari Ku! \v 35 A sei sumiwo ingkapaar I Opo Empung, ni siamo e patuariku tuama, nisiamo patuariku wewene, o nisiamo mama Ku.
|
|
@ -0,0 +1 @@
|
|||
Pasal 3
|
|
@ -0,0 +1 @@
|
|||
\c 4 \v 1 Makasa Yesus masirita witu pinggir ilour osea mai e tou laker rumempat ni sia, o sia sumeret witu londeyu taan etou laker witu katanaan, witu tembir ilour. \v 2 Sia mawehe tuturu laker mapake I ande-andean wia mi sea
|
|
@ -0,0 +1 @@
|
|||
\v 3 Lingane, wewehan itou searimengkami kai mapaparut \v 4 Tempo nisia mapaparut imbibit wewehan rimambas witu pinggir ilalan, osea mai eburung oitu kanenea akar maapu. \v 5 wewehan rimambas witu tana lakerwatu o bibit nitu memehe-mehe ka tanana nipis.
|
|
@ -0,0 +1 @@
|
|||
\v 6 ta’an rumengkami I endo maweles, omparera karai kimalat, \v 7 walina rimambas wia kalewoan renday, omakekelewoano ni’itu oitu kopitena akar imate, orai minua,
|
|
@ -0,0 +1 @@
|
|||
\v 8 o walina rimambas witu tanah leos, osia tumou somborrenday omua kinailekana wewehan telungapulu kali lumepat, wewehan menemngapulu kali lumepet, wewehan ma’atus kali lumepat.” \v 9 osia lumila;”sei wewehan lunteng I palilingan, nisia musti luminga!”
|
|
@ -0,0 +1 @@
|
|||
\v 10 Tempo nisia mengesangesa, emaki’iki’it nisia oemapuluorua murid Na maweie nisia, sapa nilila ni’itu. \v 11 Winakotena!” wianikou naimoweheme rahasia pakolanoan, taan wia etou walina pakasa niitu nai lila wia perumpamaan. \v 12 Orior maankan loho, sea erai mailek, maankan sea luminga taan erai mangarti. Orior sea rai mareng o malaikat kaampungan.”
|
|
@ -0,0 +1 @@
|
|||
\v 13 osia lumila wianisea:”dai ree pangartianu perumpamaan yai? Satainti kumura kamu mailek pakasa imperumpamaan walina. \v 14 Imaparut itii maparut in firman, \v 15 pakasa netou wia tembir ilalan, wia tampa I Firman ipaila niseana malinga, in Firman, osia mai I setang oitu indona Firman taekan ildamako nisea.
|
|
@ -0,0 +1 @@
|
|||
\v 16 taintumo kahi naiparut wia tana laker watu, niseamo tou liminga in firman mariorrior sea tumerima kaampit I mapela-pela, \v 17 taan nisea rai kimalat otimahang taekante, saitu maimo kasusahan o kasiksaan karna Firman, sea e mamurtad.
|
|
@ -0,0 +1 @@
|
|||
\v 18 De walina nai parut wia kalewoan, niitumo eliminga in Firman, \v 19 o kaindean in kaoatan yai, okatowoan, kasigaan, opakasa in ta kapaaran o wia walina gumoren kumpoti in Firman oitu nai mua. \v 20 Niakaran iniitu naiparut wia tana leos, nisiamo eliminga otumarima in firman omisamu wewehan etelu ngapulu kali lunepet, wewehan eenem ngapulu kali lunepet, owewehan emaatuskali lumepet, ka Yesus limawelo kahi o londey, e tou laker laker ma royo-royong mai meuri wia ni sia, ka ni sia wana tembir I lowe I nae
|
|
@ -0,0 +1 @@
|
|||
\v 21 oi Yesus lumila wia nisea : “e tou mahali in solo dapawehe rarem ingantang, kaapa witu narem in tetekelan, taan iwehe witu natas in kakidian \v 22 ka, ndai wana I esa onai kasindek orai inyatami, orai wanai rahasia orai kawuka;” \v 23 sei I wewehan lunteng I palilinga I musti luminga!”
|
|
@ -0,0 +1 @@
|
|||
\v 24 o sia kahi lumila : “wehan genang sapa lininganiu! Nukuran I pahukur niu, e nukuren wia nikamu, o kahi niitu awes wia nikamu \v 25 ka isei makapunya, nisia iwehanako, taan sei iraiwana sapa-sapate, wia nisia indoni wia nisia.
|
|
@ -0,0 +1 @@
|
|||
\v 26 oi Yesus lumila Tanaimo engkerajaan ni Opo Empung : tanu e tou minarut imbibit wia tana. \v 27 O witu nendowengimo osia tumekel. O witu nendo noato sia tumoor, ombibit itii kimaluaro suruna on suruna tii makarantaio, kumura niitu mamuali, ndai paileken ne tou. \v 28 Eng kaoatan sandiri kumaluar embuana, katare rendayna, ombulisena, tumendong pakasa imbene minawutamo wia bulis niitu. \v 29 Sakawisa buana niitu wowoso, etou mariorior mupu, kanoraso I mengupu.
|
|
@ -0,0 +1 @@
|
|||
\v 30 osia kahi lumila!”Kaampit in sapa kita mabebedakan ing kerajaan ni Opo Empung, kaapa kaampit in perumpamaan wisa magagambar I niitu? \v 31 Eng kerajaan niitu tanute batuna in sesawi naiparut wia tanah memeang batuna itii kaakaren rintek wia pakasa imbibit wia kaoatan. \v 32 Taan sasia naimo I parutu nisia tumou lembe wangko wia pakasa laharen o kunaluar in saangena bangko waya, oe burung-burung wia udara e toro sumiwo in tampa nea wia rarem iniitu.
|
|
@ -0,0 +1 @@
|
|||
\v 33 Wia kalaker imperumpamaan tanu niitu nisia lumila in firman wia nisea masuat om pangartian nea, \v 34 sarai perumpamaan nisia raipaar lumila wia nisea, Taan sawia e murid-murid Na nisia lumila pakasa iniitu tanu pengesa-ngesa.
|
|
@ -0,0 +1 @@
|
|||
\v 35 nendo niitu tempo I nendo bengimou Yesus lumila wia nisea I “maimo kita mange witu sebelah.” \v 36 Nisea timelaumo e tou lakeritii omange mahali I yesus kumaampit ni sea witu gorem ilondey tii mawuta indeno. \v 37 Oitu mangemai reges lewo ombalolongan sumembur gumorem witu londey akar londey tii mawuta indeno.
|
|
@ -0,0 +1 @@
|
|||
\v 38 Toro niitu I Yesus timekel witu londey lowis wia natas in tepe, oh sia wongken ne murid-murid Na, o lumila wia ni sia, “Guru, dai ree pandunge nu sakita macilakamo?” \v 39 Osia tumeer, merenta ireges, o lumimla witu lour : “makapuneko tumenango!” oitu mena ereges o lour niitu minunek renday.
|
|
@ -0,0 +1 @@
|
|||
\v 40 Osia lumila wia nisea: “ kakamu mainderenday? Kakamu rai maeman?” \v 41 sea minainde renday olumila Itou esa wia e walina: “seiree itou yai, kareges olour malinga-linga wia ni sia?”
|
|
@ -0,0 +1 @@
|
|||
Pasal 4
|
|
@ -0,0 +1 @@
|
|||
\c 5 \v 1 O sea kalausse wana sebelah I lour, banua ne tou Geraso. \v 2 te’kan tae Yesus tumumpa ni wia londey, o sia mai I tou esa tinahkenan ni roh lewo wana kuburan o mai mahilahan o ni sia
|
|
@ -0,0 +1 @@
|
|||
\v 3 tou ni sia nimena waname o ndai wana I tou esa I toro maakes ni sia, maan kahi o rante. \v 4 Ka sia I susurokan pa wakesen o parauten taan rantena parangkutenate o bawaakessena ni apunate : ni itu mo ndai wana tou esa kumeter rendai maanaram ni sia.
|
|
@ -0,0 +1 @@
|
|||
\v 5 Nendo o bengi sia memoya-moya wana kuburan o wana toka waya o merekey-rekey o maikewe I nawakkena p mbatu. \v 6 O sia lumohome I Yesus wana ndou, o sia kumalaper mahilahan ni sia omengoko-ngoko ni sia.
|
|
@ -0,0 +1 @@
|
|||
\v 7 O ka ampit ngaran ni Opo Empung tia papeendisen naku. \v 8 Ka Yesus ndai pe limila wia ni sia, o nikou roh lewo rumoumo wia I tou yai.
|
|
@ -0,0 +1 @@
|
|||
\v 9 O sia moi wia I tou ti’i: sapa ngarannemu, mingkoti sia ngaranneku legion. Ka ni kami laker. \v 10 Sia mainakut kumiwehe wia I Yesus rai toro rumuke e roh-roh ni sea kumaluar wana banua ni itu.
|
|
@ -0,0 +1 @@
|
|||
\v 11 Wewehan wana me tembir I pasong laker rendai etiey menero kuman. \v 12 O e roh-roh ti’i kumiwehe wia ni sia, lilana ”i rehono mako kami merah wia gorem ne tiey waya ni sea waya mo mako kami gumorem wia ni sea.” \v 13 Yesus kumiit I kiniwehena, o sea kumaluar e roh-roh lewo o gumorem wia I tiey waya kawanan ne tiey e wona rua ngariwu ka laker nea ni mapa nawu wana tembir I pasong wia goum I lour oikalemes wia goremena.
|
|
@ -0,0 +1 @@
|
|||
\v 14 O sea kumalapar e malayur e tiey ni sea o mange pakatau nimamuali ni itu wana banua o wana kampung-kampung ka lendou gena o sea kumaluari e tou mai lumoho sa sapa nimamuali. \v 15 Sea mai wia I Yesus o lumoho I tou linahkenan rimumun I limambungo o I nimasadarro I tou nentekan linakenan I legion ti’i o sea mainde.
|
|
@ -0,0 +1 @@
|
|||
\v 16 E tou waya limoho sandiri I minamuali ni I tou timahkenan ni setang, o e tiey waya ni sea. \v 17 O sea dumesak I Yesus o sia tumilau I banua nea.
|
|
@ -0,0 +1 @@
|
|||
\v 18 Tempo ni itu I Yesus simereso wia gorem I londey I tou nentekan tinahkenan ni setang makiwehe o sia torode mawali ni sia. \v 19 Yesus ndai mehe ni sia, taan ni sia lumila wia I tou ti’i: “warengo wana imbalemu, wana pakasa ne tou kawanua mu, o pakatan mako wia ni sea waya I siniwo ni Opo Empung wia ni kou, o kumurah sia maupus ni kou. \v 20 I tou ni sia tinun nimangemo, makatau wana banua ni Dekapolis mbaya sapa simiwo ni Yesus wia nawakkena o sea waya maerang.
|
|
@ -0,0 +1 @@
|
|||
\v 21 Ka Yesus limawelo kahi o londey, e tou laker ma royo-royong mai o meruri wia ni sia, ka nisia wana tembir i loure, \v 22 o sia mai I yesa tou pakiikiitan mbale pahuntepan, I maka ngaran Yairus, o sia lumoho I Yesus o sia ka kundu wia sinaru I naena. \v 23 O makiwehe uli-ulit wana ni sia “i okiku wewene I mawendu tawi mate, maimo o mangemo reta wako wia natas sena e lawassemu, o rior sia maleos o tumou lawis. \v 24 O Yesus mange kaampit ni tou ti I, laker e tou ma royo-royong mengi it bi sia o mapese-pesetan wia tawiNa.
|
|
@ -0,0 +1 @@
|
|||
\v 25 O witu ni itu wewehan I yesa tou wewene I mapuluh mo rua ngatanu kalaetanna menderita pendarahan. \v 26 Ni sia I menou-noupohan pa hundamen ne waya-wata tabib, niitumo hinaapuna mo waya mbuya I mbia nisia, taan sama sekali ndai wana I bereguna taan tae sebalikkena e kaadaan nena mahawessite sumakittena \v 27 Nisia limangamo I lila-lia I Yesus o wia puser waya ne tou laker o sia tumawi Yesus wia lowis o meos I jubahNa
|
|
@ -0,0 +1 @@
|
|||
\v 28 Ka pailahna “maan naku meossite I jubahNa nyaku maleos. \v 29 Tempokan meitu kangkahi oitu mena pendarahan o sia mendam nawakkena ni maleosso wia sumakitena.
|
|
@ -0,0 +1 @@
|
|||
\v 30 Teintukan kangkahi, Yesus mailek mbewehan lake e kinaluari wia nawakkeNa o sia kumirit wia puserena tou laker o mai ”sei nimeos I jubahKu?” \v 31 murid-murid Na : nimingkot “ni kou limoho kumurah e tou yai mapese-pesetan wia lawimu, o ni kou mawoi sei ni meos niaku?” \v 32 o sia lumoho makalendong ngena o ma loloho seimi simiwo I ni itu.
|
|
@ -0,0 +1 @@
|
|||
\v 33 I wewene ni sia I ni mainde o magiger ka kinailekkan na mio sa sape nimamuali wia nawakhena, sumaru o kumundu wia sinaruh ni Yesus . O kaampit I nulit makatau mbaya niitu wia nisia. \v 34 O sia lumila wia I wewene ti i : “e oki ku, paemananu simelamato ni kou mangemo ka leosoku o wia sumakittemu!”
|
|
@ -0,0 +1 @@
|
|||
\v 35 I Yesus maila pe wia I tou patuari ni mahali-ali witu mbale pahuntepan o lumila “i oki mu ni matemo sapa pe paperlunu, kou menendu-nendu mokan I Yesus?”
|
|
@ -0,0 +1 @@
|
|||
\v 36 taan I Yesus rai pandung I lila nea o lumila wia i paki i-kiitan wana mbale pahuntepan :”Tian mainde maemanno!” \v 37 O Yesus rai mehe i yesa tou kumiit : Petrus, Yakobus, Yohanes patuari ni Yakobus. \v 38 Kalausena mange wana mbale, ni pakii-kiitan wana mbale pahuntepan o waname sea lumoho e tou waya na ribut mahame maulit o suara rekey.
|
|
@ -0,0 +1 @@
|
|||
\v 39 Gumorem mako sia, o sia lumila wia e tou waya ni sea, “ku’a kamu ma ribut o mahame?” I oki yai ndai ni mate taan timebel?” \v 40 taan ni Sia maineate i ke’eke o sea I ruke Na waya e tou ni sea, o lila I papa o I mama ni oki iti’i o sea mawali-wali o ni Sia gumorem witu kkamar ni oki tii.
|
|
@ -0,0 +1 @@
|
|||
\v 41 O timboyanu ka lawas ni oki ti’i, lila Na “Talita kum.” artina : “e oki, Nyaku lumilame ni kou tumooro!” \v 42 o sia tumoor I oki tii o kinelang, ka woiamo mapuluh o rua mo ngataun, waya e tou witu maerang. \v 43 Kaampit nulit sia mesangnge wia ni sea, ndai esa ndaiesa ane tou mailek I nyai o sia rumeho ni sea wehanno mako kuman I oki ti’i.
|
|
@ -0,0 +1 @@
|
|||
Pasal 5
|
|
@ -0,0 +1 @@
|
|||
\c 6 \v 1 I nendo niitu Yesus kumaluar witu osia kaampo witu tampa kinatouana. \v 2 Etou sinisirena kumiit nisia. I nendo sabat sia tumuurmaturu mbale pahuntepan oejemaaat wangko maerang ka malinga nisia, osea lumila: wisa kinailekana impakasa niitu?. Kapinteran sapa pe kahi nei wehemi nisia, o mujisat-mijisat: eng teintu kumura reken oitu toro siwon I lawasena? \v 3 Rai reen sia tii bas kayu,, oki ni maria patuari ni Yakobus, Yoses, Yudas oi Simon? O rai reen e patuarina wewene I mawali-wali nikita osea maseso’ orumeke nisia.
|
|
@ -0,0 +1 @@
|
|||
\v 4 O Yesus lumila wia nisea: se nabi paandaten wisa nakoanea: kacuali witu tampa kinatowuana, wia nantara pakasa epatuarina o wia mbalena. \v 5 Nisea raitoro sumiwo mujisat waname, kacuali lumeos etou mawedu kaampit rumeta mako lawasna wia natas nea. \v 6 Sia maerang wia ndai paemanan nea. Oi Yesus kumelang rumoon im banua, osia mehe mehe tuturu.
|
|
@ -0,0 +1 @@
|
|||
\v 7 Sia tumowa e mapuluh orua tou, orumeho nisea marua-rua. Sia nimehe kawasa wia natas ne roh-roh lewo. \v 8 Omesang ngange wia nisea, orior tia mahali sapa-sapa wia pakela-kelangan nea kacuali diki-diki, roti kangkahi tia; mbalun kangkahitia, loit wia gorem neeret kangkahi tia. \v 9 Torote make lalampin taan, tia mapapake rua karai.
|
|
@ -0,0 +1 @@
|
|||
\v 10 Yesus limila : wia nisea sawia nesa tampa kamu tinerimamo sia nesa wale, menamo witu akar kamu lumaus witu tampa niitu. \v 11 Oh sawewehan esa tampa rai paar luminga nikou, kumaluaro ni witu tangkaro mako nawu wia naemu tanu nei papagenang wia nisea
|
|
@ -0,0 +1 @@
|
|||
\v 12 oh mangemo sea makatau wia etou harus bertobat. \v 13 Oh nisea rumuke e setang laker, o kumusu etou mawendu kaampit ilana, osea mamleos.
|
|
@ -0,0 +1 @@
|
|||
\v 14 I raja Herodes kangkahi limingamo tentang Yesus ka ngarana neimo kaisar, oetou maila Yohanes pembaptis timoumo wia nantara etou nimate oniitumo kawasa-kawasa ni’itu mapaayang wia goremena \v 15 Ewalina maila sia tii Elia, walina kahi maila sia tii enabi masuat oe nabi in tempo.
|
|
@ -0,0 +1 @@
|
|||
\v 16 Tempo Herodes liminga kajadian niitu, sia lumila rai nisia itii, sia Yohanes pinongkolana rokos na siamo iti mou sumoup. \v 17 Ka nuli I Herodes so rimeho e tou sumikop Yohanes oi timorungku nisia wia penjara ka ongkajadian Herodias. Herodias kaawuni Pilipus patuari na. Ka niindomo ni Herodes mamuali kaawu.
|
|
@ -0,0 +1 @@
|
|||
\v 18 Kai Yohanes pernah tumegori Herodes: Raitoro kou mindo kaawu ni patuarimu? \v 19 Niitumo Herodias dendam o wia Yohanes, omapapatemo nisia, taan raimamuali. \v 20 Ka, Herodes mahaku I Yohanes, ka pailekena Yohanes tou benar o lenas, niitumo sia pejaga-jagana. Taan sasia luminga Yohanes, ndai nimatantu natena. Maan sia mapendam senang o malinga nisia.
|
|
@ -0,0 +1 @@
|
|||
\v 21 Akhirnya neikan kaambo wia Herodias wia nendo kinatouan ni Herodes. Simiwo perjamuan kaampit e wangko-wangko nea, perwira-perwira nea, oetou parior-rior witu Galilea. \v 22 Intoro niitu ioki wewene ni Herodias timampil, osia manari osia mapaaro nate ni Herodes o pakasa ne sakey nea. Raja lumila wia I raraha tii “ kiwehen wia niaku sapa kapaarmu, oitu iwehekume wia nikou.
|
|
@ -0,0 +1 @@
|
|||
\v 23 Osia sumumpah wia nisia. Sapate kiwehennu imbeheku wia nikou, naan tae itu sangapaharua ing karajaanku? \v 24 I oki tii mange umuey, wia I mamana : “Sapa ntoro kiwehenku? Kiweheno rokos ni Yohanes pembaptis \v 25 marepe-repet sia mang wia raja : o kumiwehe nyaku paar, tekante wehenumi wia niaku rokos ni Yohanis pembaptis wia mbaki.
|
|
@ -0,0 +1 @@
|
|||
\v 26 O sumakit rendai nate ni raja, taan ka eng sumpah na, okakiit e tamu-tamuna tii sia naipaar tumolak. \v 27 Raja marepe-repet rumeho esa pengawal, orior mindo I rokos ni Yohanes, mako itou tii osia pongkolana I rokos. \v 28 Sia nimali rokos tii wia mbaki. Oi wehena mako wia I raraha tiin oitu wehena mako wia I mamana. \v 29 Oh kalingaanako ne murid-murid Yohanes Osia mai mindo nawakena, osia akonea itekel witu kubur.
|
|
@ -0,0 +1 @@
|
|||
\v 30 Tumondongako ni’itu, e rasul-rasul nisea mutari o kumumpul mawali-wali i Yesus o luma’usakoi wia ni-Sia pakasi pi’nayang o tuturu’ ninia wehe. \v 31 Osia lumila wia nisea: “Mai kita mako witu tampa reisi tou o sumandiri mako, o maseng witu!” Ka kalakerne tou e mahai oe mahange, mahaka-akar maan kuma’an, nisea reimo toro. \v 32 O sea mange sumeret londei, sumero tampa pa asengan wanamange re’isa tou.
|
|
@ -0,0 +1 @@
|
|||
\v 33 Taan laker tou limoho nisea nimange, o pina’ilekneate wisa paangean nea. Taa e tou e kimiit nisea, kimelangte mahakar rinioraneate e rombongani Yesus kala’us. \v 34 Kala sua’te makoni Yesus, osea loho’onamange, kalakere tou, nateni Yesus kimutikani o maupus nisea waya, ka nesia tanuate e domba reisa tou mahali-ali. Osea wehan waya Yesus tuturu’
|
|
@ -0,0 +1 @@
|
|||
\v 35 toro niitu, soremo tantu ka rimbuno, o sea maie maki’i-ki’it Yesus o lumila wia niSia: “Tampa ya’i tampane reisa tou, o makawengimo, “ \v 36 rehomo mange sea mareng, osea toro mange tumeles ke’kaanen witu pakasa banu lawetannea”,
|
|
@ -0,0 +1 @@
|
|||
\v 37 Koanamo: “Nikamu mehe nisea kumaan!, Koaneamo wi Yesus: Hawo’ nikami re’emange tumeles roti! \v 38 Koaneamo kahi: Awo, sa nikami i mange tumeles roti, bayatei narga dua ratus dinar re’e pete’telesako nisea? Koanoni Yesus wia nisia: Pira roi wia nikamu? Loho’onako! Loho’onneamakoitu, koaneamo: Roti lima o sera, rua!,
|
Some files were not shown because too many files have changed in this diff Show More
Loading…
Reference in New Issue