Tue Jul 07 2020 15:44:17 GMT+0800 (Malay Peninsula Standard Time)

01/01.txt

@@ -0,0 +1 @@
+\c 1 \v 1 Katare-tare Firman; Firman nitu mawali-wali o i opo empung o Firman nitu i opo empung. \v 2 Nisia katare-tare mawali-wali o i opo empung. \v 3 Pakasa nimamuali ka nisia o sa rai nisia ndai wana nimamuali wia e pakasa siniwo.

01/04.txt

@@ -0,0 +1 @@
+\v 4 Wia nisia wewehan nidop o nidop nitu nterang ne tou. \v 5 nterang nitu tumerang wia karimbunan o karimbunan nitu ndai kumuasa nisia.

01/06.txt

@@ -0,0 +1 @@
+\v 6 Maimo esa tou ni utus ni mapiara, ngaranna Yohanes; \v 7 Nisia mai nimamuali saksi ka masasaksi e nterang nitu, orior ka nisia pakasa etou maeman. \v 8 Nisia ndai nterang nitu, taan nisia musti mehe kesaksian e nterang nitu.

01/09.txt

@@ -0,0 +1 @@
+\v 9 Nterang kasa ulit, materangi e tou, mahai wia nggorem kaoatan.

01/10.txt

@@ -0,0 +1 @@
+\v 10 Nisia wia mo nggorem kaoatan o kaoatan siniwona, taan kaoatan ndai kumenal Nisia. \v 11 Nisia nimai wia kapunyaanNa, taan e tou kapunyaan Na ndai tumerima Nisia.

01/12.txt

@@ -0,0 +1 @@
+\v 12 Taan pakasa e tou timerima nisia winehan Na kuasa orior mamuali oki Na ka pakasa e mapercaya wia nggorem ngaran Na. \v 13 Pakasa etou manakki ndai wia ndaha o loona, ndai kahi wia numa kapaaran ni esa tuama, taan wia opo empung.

01/14.txt

@@ -0,0 +1 @@
+\v 14 Firman nitu nimamualimo tou o nimunekko wia nelet ta, o nikita limohomo kamuliaan Na, nitumo kamuliaan nimehe wia Nisia tanu oki pengesan ni opo empung mbinutah kasih karunia o kabenaran. \v 15 Yohanes nimehe kesaksian tentang Nisia o lumila: "Yai mo sia i pailaku: tumondongi nyaku mai sia i rimioromi nyaku, ka Nisia wiamo rior nyaku.

01/16.txt

@@ -0,0 +1 @@
+\v 16 Ka wia kinawutaan Na nikita waya timerimamo kasih karunia o kasih karunia. \v 17 Ka nukum torat niwehemi ni Musa, taan kasih karunia o kabenaran nimai wia. \v 18 ndai wana i esa tou i limoho mapiara taan i oki nea pengesan ni opo empung, i wia kekekepan ni mapiara siamo i nimapaloi Nisia.

01/19.txt

@@ -0,0 +1 @@
+\v 19 O nyaimo kesaksian Yohanes wia tou Yahudi wana Yerusalem rimeho e wopira imam o e pakasa Lewi wia nisia ka mawuwuei nisia "sei re sia? \v 20 Nisia nimangku o ndai timowo, lilana: "Nyaku ndai mesias." \v 21 Nitumo sea nimuei wia nisia: "sa tentu, sei re kou? Elia? "Osia mingkot: "ndai! "Nikoumo re i nabi maayi? "O sia mingkoti: "ndai".

01/22.txt

@@ -0,0 +1 @@
+\v 22 O lila nea wia nisia: "sei re kou? ka nikami lumila wia nisea e rimeho nikami sapa lilamu e nawakmu sandiri?" \v 23 wingkotnami: "Nyakumo tou i merekei-rekei wana padang gurun: Rendaien nako lalan nimapiara! tanu nimoilila ni nabi Yesaya."

01/24.txt

@@ -0,0 +1 @@
+\v 24 O wia nelet e tou waya nireho nitu wewehan e pira tou Farisi. \v 25 Sea mawuei wia nisia, lilana: kakou mabaptis, sakou ndai mesias, ndai Elia, o ndai nabi i maaai?"

01/26.txt

@@ -0,0 +1 @@
+\v 26 Yohanes mingkot nisea, lilana: "Nyaku mabaptis ondano; taan wia puser niu timoor sia i ndai kenalen niu, \v 27 Siamo nimai tumondong nyaku mawuwuka tali sapatuna nyaku ndai toro. \v 28 Nitu nimamuali wana Betania wana lewet sosoan Yordan, wana pa baptisan ni Yohanes.

01/29.txt

@@ -0,0 +1 @@
+\v 29 Kawoondoani Yohanes limoho Yesus mai wia nisia o lumila: "lohoon i Anak Domba Allah, i mararai kasumelokan kaoatan. \v 30 Nisiamo sipemandungenku tanu ni kuilila: Tumodongi nyaku maaai i esa tou, i rimioromi nyaku, ka Nisia i wiamo rior nyaku. \v 31 Nyaku kangkahi irior ndai kumenal Nisia, taan nitumo nyaku nimai mabaptis o ndano, orior sia papalohomi wia Israel."

01/32.txt

@@ -0,0 +1 @@
+\v 32 O Yohanes mehemi kesaksian, lilana: "Nyaku limoho Roh timumpami wia langit tanu e merpati, o nisia nimena wia natas Na. \v 33 O nyaku kangkahi ndai kumenal Nisia, i rimeho nyaku mabaptis, o ndano, i limilamo wia nyaku; sakamu lumoho Roh nitu tumumpa wia natas esa tou o mena wia natas Na, nisiamo i mabaptis o Roh Kudus. \v 34 O nyaku limohomo nisia o nimehe kesaksian: Nisiamo i oki ni opo empung.

01/35.txt

@@ -0,0 +1 @@
+\v 35 witu kawoondoana Yohanes timoor witu kaampit e rua tou. \v 36 O sia lumoho i Yesus lumangkoy, lilana: Lohooni Anak Domba Allah!

01/37.txt

@@ -0,0 +1 @@
+\v 37 E rua murid witu liminga sapa ni nailila o mange kumiit i Yesus. \v 38 Taan Yesuss kumirite lowis. LohoonNa, kasea ree makiit Nisia o lila Na wia nisea: "Sapa peneron niu? "Lila nea wia Nisia: "Rabi Guru, wisa pahanaan Nu?" \v 39 Lila Na wia nisea: "Maimo o lohoon niu."Sea mai o lumoho wisa pahanaan Na, o nendo nitu sea mena mawali-wali o Nisia, nendo nitu wo tuminting nepat.

01/40.txt

@@ -0,0 +1 @@
+\v 40 Esa wia nisea rua liminga tanu nilila Yohanes o kumiit Yesus, siamo i Andreas patuari ni Simon Petrus. \v 41 Andreas katare tare nimailekan o i Simon, patuarina, o sia limila wia nisia: "kinailekan neimi mo i Mesias (Kristus)" \v 42 Sia i nimalimewia Yesus. Yesus lumoho nisia o lumila: "kou e Simon, oki ni Yohanes, kou ngarananku Kefas (Petrus)."

01/43.txt

@@ -0,0 +1 @@
+\v 43 Witu kawoondoanna Yesus timantumo mako mange wana Galilea. sia nimasungkul oi Filipus, o llila Na: "Kumiitomi Nyaku!" \v 44 Filipus tii i tou Betsaida, kota ni Andreas o i Petrus. \v 45 Filipus nimasungkul oi Natanael o lumila wia nisia: "Tinutul neimimo sia, i nilila ni Musa wia kitab Torat o e para Nabi, siamo i Yesus, oki ni Yusuf tou Nasaret."

01/46.txt

@@ -0,0 +1 @@
+\v 46 Lila ni Natanael wia nisia: "Torokan e leos mai wana Nasaret?" \v 47 Lila ni Filipus wia nisia: "mai o lohoon!" Yesus limoho Natanael mai wia nisia, o lumila sumuat nisia: "loan, yaimo i tou isreal ulit ndai wana towo wia nisia!" \v 48 Lila ni Natanael wia Nisia: "kumura kou kumenal nyaku?" mingkoti Yesus wia nisia: "karaipe Filipus tumowa nikou, linoho ku mo kou wia buwai Pohon Ara."

01/49.txt

@@ -0,0 +1 @@
+\v 49 Lila ni Natanael wia Nisia: "Rabi, kou oki ni opo empung, kou Raja ne tou Israel!" \v 50 Mingkoti Yesus, lilaNa: "Ka nyaku limila nikou: Nyaku limoho nikou wia bawa pohon Ara, o kou maeman? Kou kahi lumoho e lebe wangko o ni itu." \v 51 O lilaan ni Yesus sia: "Nyaku lumila nikou, nuli-ulit kou maloloho langit mawuka o malaekat-malaekat Allah tumumpa o sumosor wia oki ni opo empung.

01/title.txt

@@ -0,0 +1 @@
+Pasal 1

02/01.txt

@@ -0,0 +1 @@
+\c 2 \v 1 Nendo katelu wewehan kinawengan witu kana wana Galilea, naan mama ni Yesus witu mange. \v 2 Yesus naan ne makiit-kiit ni sia ni undang witu kinawengan.

02/03.txt

@@ -0,0 +1 @@
+\v 3 Toro nitu Anggor noki mokan mama ni Yesus lumila wia nisia nisea kinaapuano Anggor". \v 4 Yesus lumila wia nisia: mai masapa kou wia niaku ma? nyai ndaipe nendoku." \v 5 Taan mama ni Yesus lumila wia eh masele-selewir: "Sapa ni lilah wia nikou siwono nitu."

02/06.txt

@@ -0,0 +1 @@
+\v 6 Witume wewehan nenem sampe sinadia paoasan tanu adat ne tou Yahudi, tinampa-tampa goremena rua telu tutuasan. \v 7 Yesus limilah wia eh masele-selewir witu "pumpunano sampe nitu wutan naan ndano." Oh nitu pumpunan nea makar mawuta. \v 8 Oh limilamako ni Yesus wia ni sea: "mako oh alinomako wia eh kapala koki." Oh nitu alineamako.

02/09.txt

@@ -0,0 +1 @@
+\v 9 Oh kapala koki meanako ih ndano nitu ih nimamualimo anggor nitu naan nitu ndai paileken wisa omai, taan eh masela-selewir eh ni malo ndano nitu pailekenea oh sia tumowa ih Bredegom. \v 10 Oh sia lumila wia nisia: "Pakasaan ne tou selewirako anggor nomor satu mako nitu eh tou sedapo nimonot, oh wehe mako ih nomor dua; taan nikamu simimpang anggor leos makar tekan.

02/11.txt

@@ -0,0 +1 @@
+\v 11 Teintumo siniwo ni Yesus witu kana wia Galilea ka ih kakatare wia ni turunami oh naan nitu ni lohonamomi kamuliaannya. Oh eh makiit-kiit nisia maeman wia nisia.

02/12.txt

@@ -0,0 +1 @@
+\v 12 Tumondongngako nitu Yesus mako witu kapernaum, mawali-wali naan ni mamana naan eh patuari-patuarina naan eh makiit-kiit nisia, oh nisea mena witu pira hari te.

02/13.txt

@@ -0,0 +1 @@
+\v 13 Toro nitu nendo wangko paskah ne tou yahudi tawimokan, Yesus mako witu Yerusalem. \v 14 Gorem baleh ni empung sumpakanamako eh mawangker-mawangker lembu, kambing, domba, naan merpati, naan ne pasawelan loit eh rimuhmun witu.

02/15.txt

@@ -0,0 +1 @@
+\v 15 Nisia sumiwo lilihti wia tali o rumuke ni sea waya wia mbaleh ni empung naan waya eh kambing, domba, oh lembu nea; loit nisawel nea niparutena waya wia tanah naan mja-mejanea ni suinamako. \v 16 Wia eh mawangker-mawangker merpati oh sea lilahna mako." Indone waya nyai wi yai tia kou masiwo mbaleh ni papaku mamuali tampa pawangkeran."

02/17.txt

@@ -0,0 +1 @@
+\v 17 Oh kagenanggo eh makiit-kiit nisia ka wewehan nitulis: nupus wia mbaleh Mu marengis niaku." \v 18 Yesus sinaru ne tou yahudi "kuanamo sapa reken tanda toro turunumi wiami kami, sakou toro sumiwo tenintu?" \v 19 Lilah ni Yesus wia nisea "rombean mbaleh ni empung nyai, katelu ngaando tinoorkumo  sumoup.

02/20.txt

@@ -0,0 +1 @@
+\v 20 Oh sea lumila eh tou timoorako mbaleh ni empung nyai oh nikou masiwo nitu wayate teluh ngaando? \v 21 Taan maksudtena naan mbaleh ni empung nitumo nawakena sandiri. \v 22 Tumondong ngako nitu, oh sia tumou taan eh tou nimate laeng rai, oh nitu kagenangan ne makiit-kiit nisia ka nitu ni namoih lilah, oh nisea waya ma eman ih kaol oh pakasa nailila ni Yesus.

02/23.txt

@@ -0,0 +1 @@
+\v 23 Oh nisia witu Yerusalem toro nitu nendo wangko paskah, laker tou ma eman ih ngaranena, ka nisia e limohomo i tanda naililahna. \v 24 Taan Yesus sandiri ndai ma emannako nawakena wia nisea, kanisea eh pailekena waya. \v 25 Ka nisia rai ma perlu eh tou ma sai wia nisia tanu eh tou, ka pailekena wia nate netou.

02/title.txt

@@ -0,0 +1 @@
+Pasal 2

03/01.txt

@@ -0,0 +1 @@
+\c 3 \v 1 Wewehan itou Farisi makangaran Nikodemus, mapimpin agama Yahudi. \v 2 Nisia nimai witu mapaharua bengi, wia Yesus o lumila: "Rabi, nikou pailekenami kou nimai tanu guru naireho ni empung, ndai wana yesa tou toro sumiwo in tanda-tanda tanu pasiwonu sarai pawali-wali ni opo empung:

03/03.txt

@@ -0,0 +1 @@
+\v 3 O mingkot i Yesus wia nisia, tanai: "Nyaku lumila me wia nikou uli-ulit sa itou rai katoumi sumaup nisia rai toro lumoho ing pakolanoan ni empung. \v 4 Lumila i Nikodemus wia nisia: "Kumura reken nyai, itou paakatoumi, sasia tuamo? Torope sia gumerem wia gorem poot ni mamana osia katouna mikahi?

03/05.txt

@@ -0,0 +1 @@
+\v 5 Mingkot i Yesus: "Nyaku lumila me wia nikou, uli-ulit i tou sarai katoumi wia dano o Roh, sia rai toro gumerem wana pakolanoan ni empung. \v 6 Sapa nai katoumi wia leona, ni itumo liona, o sapa nai katoumi wia Roh, ni itumo Roh.

03/07.txt

@@ -0,0 +1 @@
+\v 7 Tia kou maerang nyaku maila wia nikou: kamu musti katoumi sumaup. \v 8 Reges sumengomi wisa kapaarana, nikou luminga lengkuanna, taan nikou dai mailekenu wisa nakoanna, o wisa sia mai kaapa wisa nangena: "Taintumo kaadaan ne waya ne tou naika toumi wia Roh.

03/09.txt

@@ -0,0 +1 @@
+\v 9 Nikodemus jumawab, sia lumila: "Kumurah nyai mamuali? \v 10 Mingkot Yesus: "Nikou maturu e israel kakou rai mangarti baya inyai? \v 11 Nyaku maila wia nikou, uli-ulit kami, maila ila, sumuat sapa pailekenami linoho nami, taan kamu dai tumerima pasai nami.

03/12.txt

@@ -0,0 +1 @@
+\v 12 Kamu dai maeman nyaku maila-ila sumuat i kaoatan, kumura kamu maeman, saaku mangila-ngila wia nikamu sumuat im pakolanoan? \v 13 Dai wana itou itoro lumongkot wana sorga, kacuali nisia, timumpami wana sorga, nisiamo Anak manusia.

03/14.txt

@@ -0,0 +1 @@
+\v 14 O masuat tanu Musa, nimangkat rantai-rantai iloloi witu padang gurun, taintu kangkahi anak manusia musti angkaten ranta-rantai. \v 15 Orior waya netou maeman wia nisia makailek nidop kaure-ure.

03/16.txt

@@ -0,0 +1 @@
+\v 16 Kan taintu kawangko nupus ni opo empung wia kaoatan yai, aka-akaran sia minehemi Anak Na mae-esa, orior waya ne tou maeman wia nisia, dai macilaka, taan makailek hidop makar ingkaure-ure. \v 17 Ka opo empung rimehomi anak Na, wia kaoatan, dai ingkaoatan, taan maseselaka. \v 18 Seimo sia maeman wia nisia, rai ukumen kanisia rai maeman wia ngarani anak Na maesa-esa opo empung.

03/19.txt

@@ -0,0 +1 @@
+\v 19 Nyaimo nukuman: "Terang nimaimo wia kaoatan taan e tou lebeh mapaar ing karimbunan, taan terang ka peniwo-niwon nea lewo. \v 20 Ka sei sia masiwo-siwo lewo, maseso terang, o rai paar mai wia terang, orior pasiwo-siwona lewo di kalohoan. \v 21 Taan seimo sia masiwo-siwo i leos, mai wia terang orior katumi waya pasiwo-siwon nea, simiwo nea wia gorem ni mapiara.

03/22.txt

@@ -0,0 +1 @@
+\v 22 Lumangkoyako niitu, Yesus kaampit e makii-kiit nisia mako witu tanah Yudea osia mena wana mawali-wali nisea o mabaptis. \v 23 Taan Yohanes kangkahi mabaptis witu ainun, makawati salim, ka witu laker rano, e tou-tou waya mahai witu mapabaptis. \v 24 Ka intoro niitu i Yohanes daipe nai gorem witu nukuman.

03/25.txt

@@ -0,0 +1 @@
+\v 25 Witu rumengka pipet ne murid-murid Yohanes o i yesa tou yahudi sumuat kasucian. \v 26 Osea mai wia Yohanes o lumila wia nisia: "Rabi, itou mawali-wali nikou waname sosoan Yarden, o sumuat nisia nikou minehe sairi, nisia mabaptis kangkahi, laker e tou mahai wia nisia.

03/27.txt

@@ -0,0 +1 @@
+\v 27 Mingkot i Yohanes: "Dai wana yesa tou toro maindo, sapaite nawake sarai nai yoweri wia nisia wana pakolanoan. \v 28 Kamu sandiri toro mehe kaapa sumairi, niaku lumilame: Nyaku dai mesias, taan nyaku nai reho rumior wia Nisia.

03/29.txt

@@ -0,0 +1 @@
+\v 29 Makapunya kimaweng wewene kimaweng tuama, taan i kaampit ni kimaweng tuama, i timoor tawina oi malilinga nisia, mapaa-paar malinga suara ni kimaweng. tuama tii niitu kapaarangku? Taeakan kapaarangku minawutamo. \v 30 Nisia musti mahawes o mawangko, taan niaku makareinteko.

03/31.txt

@@ -0,0 +1 @@
+\v 31 Sei nimai wia natas, sia wia natas, wia natas baya waya. sei sia wia kaoatan, nai kagorem wia kaoatan, o meniri-nirita i bahasa kaoatan. sei nimai wana pakolanoan wia natas baya waya. \v 32 Nisia simairi sumuat sapa linohona, o sapa liningana, taan daiwana timerima impasairina. \v 33 Seimo timerima impasairina, siamo mangaku, opo empung i kaulitan.

03/34.txt

@@ -0,0 +1 @@
+\v 34 Ka sei nai rehomi ni opo empung, siamo mawehe i Firman Tuhan, ka opo empung, minehemi Roh-Na dai wana batas. \v 35 Opo empung maupusi anak o nimowero baya waya wia Nisia. \v 36 Seimo sia i maeman wia anak, makailek nidop kaure-ure, taan sei sia rai taat wia anak, nisia rai makailek nidop, taan gahlo ni opo empung mena wia natasna.

03/title.txt

@@ -0,0 +1 @@
+Pasal 3

04/01.txt

@@ -0,0 +1 @@
+\c 4 \v 1 O i Tuhan Yesus mailek se tou-tou Farisi e simongol limingamo ka nisia makailek limeleh murid lebeh laker taan ni Yohanes. \v 2 maan i Yesus sandiri ndai limele, taan murid-murid tena, \v 3 sia kahin tumilau i Yudea naan marengi sumoup witu Galilea.

04/04.txt

@@ -0,0 +1 @@
+\v 4 Nisia musti lumawet imbanua Samaria. \v 5 O sia lumaus sako witu mbanua Samaria, makangaran Sikhar teper intanah ni wehemako ni Yakub in nure wia yanakena, Yusuf.

04/06.txt

@@ -0,0 +1 @@
+\v 6 Mbitu mbewehan imparigi ni Yakub. Yesus malalemo rendai wia pakelangan, oniitu sia rumuhmun witu tawi imparigi niitu. nendo ni itu mbowo tuminting rua ngapuluh. \v 7 O sia mai sitou wewene samaria matimba rano pilani Yesus wia nisia "wehan temi nyaku numonot." \v 8 Ka makiit-kiit nisia ni mangemo wana kota tumeles kakanen.

04/09.txt

@@ -0,0 +1 @@
+\v 9 O Pila ni wewene Samaria tiin wia ni sia "maantu kou tou yahudi mikiwehe numonot wia niaku tou samaria? "ka e tou yahudi naai masembor naan e tou samaria. \v 10 Mingkot Yesus wia nisia: sareken kou mailek ingkarunia ni empung naan sei reken sia limila wia nikou: "wehantemi aku nomonot niitumo kou kumiwehe wia ni sia, naan nisia nimehemo wia nikou ndano limoti.

04/11.txt

@@ -0,0 +1 @@
+\v 11 Pila ni wewene tiin wia nisia: Tuhan, nikou ndai wana timba naan parigi yain rarem rendai, wisa reken kou makailek rano matou niitu? Nikou reen lebe wangko taan yama nami. \v 12 Nikou reen lebe wangko taan i yama nami Yakub, i nimehemi imparigi yain wia nikami naan numonot sandiri wia nggorem mena, nisia naan enakena naan ternakena?

04/13.txt

@@ -0,0 +1 @@
+\v 13 Wingkoten ni Yesus wia nisia: "sa sei numonot indano yain, sia mareope kahin, \v 14 Taan sasei numonot indano niweheku wia nisia, sia ndai mareo makar ure-ure, ndano nai weheku wia nisia, mamuali weren indano witu nggorem nawakena, tumeru-terus sumimperar makar witu nidop ingkakekalan.

04/15.txt

@@ -0,0 +1 @@
+\v 15 Pila ni wewene tiin wia ni sia "Tuhan, wehan temi nyaku ndano niitu, o aku ndai mareo naan ndaimo mai kahin wia nyai o tumimba rano." \v 16 Pila Yesus wia nisia: "Mangemo, o towaeni i kaawumu o mai wia i.

04/17.txt

@@ -0,0 +1 @@
+\v 17 Pila ni wewene tiin: nyaku ndai wana kaawu." Pilani Yesus wia nisia "butul pailamu, kakou ndai wana kaawu. \v 18 Kakou wewehano kaawu, naan wia nikou ntekan, ndai kaawumu. nggorem niitu kou lumila rendai.

04/19.txt

@@ -0,0 +1 @@
+\v 19 Pila ni wewene tiin wia ni sia, "Tuhan, kentara tekan wia niaku ka nikou setou nabi. \v 20 Nenek moyang nami masembah wia natas ingkuntung tiin, taan kamu mailah, e Yerusalem intampa netou masembah,

04/21.txt

@@ -0,0 +1 @@
+\v 21 Pilani Yesus wia nisia: maemano kou wia niaku o wewene, nendo na ka amboan ka nikamu sumembah yana ndai witu ingkuntung tiin naan ndai kangkahi witu Yerusalem. \v 22 Nikamu ma sembah witu sapa ndai paileken niu, nikami masembah witu sapa paileken nami, ka keselamatan mai witu e bangsa yahudi.

04/23.txt

@@ -0,0 +1 @@
+\v 23 Taan nendona otare mai naan lemauso tekan, ka maopo-opo nulit maopo i yama wia nggorem i roh naan kauletan kai yama kapaarena e maopo-opo intaintu. \v 24 I empung niitu Roh naan sa sei ma opo nisia musti maoopo nisia wia nggorem i roh naan kaulitan.

04/25.txt

@@ -0,0 +1 @@
+\v 25 Wingkoten ni wewene tiin wia nisia "nyaku mailek, ka mesias ma ai ka ipatotoren kahin Kristus. ka sia mai, sia mehe kabar niitu waya wia nikami. \v 26 Pila ni Yesus wia nisia, nyaku mo sia menyirita-nyirita naan nikou

04/27.txt

@@ -0,0 +1 @@
+\v 27 Nendo niitu maimo e makiit-kiitena o sea maherang ka nisia manyirita-nyirita oyesa: wewene, taan ndai wana esa tou lumila: "sapa reken kapaareMu? Kaapa: sapa reken pasiritaMu naan nisia?"

04/28.txt

@@ -0,0 +1 @@
+\v 28 O wewene tiin tumilau in tampayangena witu o sia mange wana mbanua o sia lumila wana e tou waya witu. \v 29 Mai lumoho! Mbanua mange mbewehan e tou mailek wia nyaku sapa mbaya pineniwo-niwokumi. Siamo wona i Kristus? \v 30 O sea waya mange wana luar imbanua o sea mako witu i Yesus.

04/31.txt

@@ -0,0 +1 @@
+\v 31 Kasasa kau niitu makiit-kiitena mali nisia, o lumila: "Rabi, kumano"! \v 32 Taan sia lumila wia nisea:"Wia nyaku wewehan kakanen e ndai kenaleniu." \v 33 O makiit-kiit tena lumila yesa naan elaeng "seimo reken nimake sapame wia nisia kakanen?

04/34.txt

@@ -0,0 +1 @@
+\v 34 Pila ni Yesus wia nisea: kakanengku niitu masiwo ingkapaanNa i rimehomi nyaku naan makelar impapaanyangen Na. \v 35 Ndai reen kamu limila: nepat ngaserap pokan o lumaus noras i mupu? taan nyaku lumila wia nikou: lohoen limendongemu naan lohoen e numa yain kimuniro naan bowoso ka patipueno. \v 36 Tekan kau e matipu timerimamo imbawaer naan sia maherur imbuana for nidop wana kaapuan, o e matanem naan e matiupu mawali-wali mapaar-paaran.

04/37.txt

@@ -0,0 +1 @@
+\v 37 Ka wia nggorem yain butuloh sirita: esa tou matanem naan e laeng matipu. \v 38 Nyaku rumeho ingkamu o tumipu sapa endai pineniangkuteniu; e tou laeng maniangkut naan kamu mai tumipu sapa kinailekanea.

04/39.txt

@@ -0,0 +1 @@
+\v 39 Naan laker tou samaria mbia mbanua niitu nimamualimo maeman wia nisia. ntawi nipaila ni wewene tiin, masairi sia maila wia nyaku sapa waya pineniro-niro kumi. \v 40 O e tou samaria tiin kaambomi wia si Yesus, sea kumiwehe wia nisia, o sia menape wia nisea, o sia kahin mena witu rua ngendo kalatena.

04/41.txt

@@ -0,0 +1 @@
+\v 41 naan lebe laker kahin e tou mamuali maeman wia pailaNa \v 42 naan sea lumila wia i wewene tiin: "kami maeman, taan ndai wia sapa impailamu, kaleami sandiri sumongol nisia naan kami mailek, ka nisiamo ulit rendai i juruselamat ingkaoatan.

04/43.txt

@@ -0,0 +1 @@
+\v 43 naan mako rua ngaendo niitu, Yesus mangkalomi wana mange, o mako witu Galilea \v 44 Ka Yesus sandiri simairi mange, sa tou nabi ndai pasigien witu mbanuana sandiri. \v 45 Tekan tae sia kalausi witu Galilea, tou waya Galilea sumungkul nisia, ka nisea waya limohomo sapa pinayangeNa witu Yerusalem kapaaran tiin, ka nisea sandiri kumiit witu kapaaren tiin.

04/46.txt

@@ -0,0 +1 @@
+\v 46 O Yesus kahin marengi witu kana wia galilea, mbisa sia simiwo indano mamuali anggor naan witu kapernaum wewehan setou mapaayang intampa newangko yanakena sakitan. \v 47 Ka songol nate mako i Yesus ni mai witu Yudea o Galilea mange mo sia wia nisia. o kumiwehe rior wia nisia mai naan lumeos i anakena, ka ianakena tiin tumawi mate.

04/48.txt

@@ -0,0 +1 @@
+\v 48 O pila ni Yesus wia nisia: sakamu ndai lumoho intandana naan mujizat i kamu ndai maeman. \v 49 Mapaayang intampa wangko tiin lumila wia nisia: empung i maimo katia sia matemo i anakeku." \v 50 Pila ni Yesus wia nisia "mangemo ka i anak kemu timoukan!" tou tiin maeman naan paila o nailila ni Yesus wia nisea o sia mange.

04/51.txt

@@ -0,0 +1 @@
+\v 51 Otare sia wia pe impuser ilalan pareho-rehona mai wia nisia o mehe berita ka yanakena timoukan. \v 52 sia moi wia nisea tuminting impira i yanak tiin o maleos wingkoten nea, "kahawiin, katarinteng yendo tuminting inesa pagogona o maleos.

04/53.txt

@@ -0,0 +1 @@
+\v 53 O kagenango i yamaha tein ka noras niitu i Yesus lumila wia nisia: e yanakemo timoukan." O sia tae maeman, nisia naan impakasan epatuarina. \v 54 niitumo teken karus siniwo ni Yesus, osia mareng wana yudea witu Galilea.

04/title.txt

@@ -0,0 +1 @@
+Pasal 4

05/01.txt

@@ -0,0 +1 @@
+\c 5 \v 1 Waktu niitu wewehan nendo wangko ne tou Yahudi, o sia mange Yesus wana Yerusalem. \v 2 Witu Yerusalem tawi pepenet gerbang domba em bewehan tambu, wia totoren ne ibrani pahila Betesda; wewehan lima loloangana. \v 3 Wia loloangan-loloangan niitu timekel kalaker etou sakitan; etou rapa e kento o raitoro kumelang ma anah nagoian ndano tambu niitu. \v 4 Lantaran laeng kahi malaikat ni Tuhan iu tumumpa wia tambu niitu oh magoi dano na; sei i kakatare tu mumpa wia nggoremena setelah ngaoina niitu, i maleos sapaiteh sumakitna.

05/05.txt

@@ -0,0 +1 @@
+\v 5 I witu wewenan tuluhmo puluh oh waluh mo taon sumakitna. \v 6 Waktu loon ni Yesus tou tii timekel witu lantaran pailekena, i tii latoh keadaana nitu, lilana wia nisia "paar kou maleos?"

05/07.txt

@@ -0,0 +1 @@
+\v 7 Wingkoten ni tou sakitan tii wia nisia; "Tuhan dai wana tou mututumpa mako nyaku wia tambu niitu a ndanona mulaio pa hagoy, waktu niaku mulaio mahako witu tambu niitu, rimiorano ne tou laena." \v 8 Pila ni Yesus wia nisia: "tumoor nangkaten tepemu oh kumelang."

05/09.txt

@@ -0,0 +1 @@
+\v 9 Langsungteh noras niitu tou tii langsung maleos oitu angkaten tepena o kumelang taan nendo niitu nendo sabat.

05/10.txt

@@ -0,0 +1 @@
+\v 10 E tou Yahudi langsung lumilah wia in tou tare maleos tii: "nendo yai nendo sabat nikou ndai toro muleng tepehma." \v 11 Taan wingkotena mako wia nisea: "i tou limeos nyaku, sia limila wia niaku: angkaten tepemu o kumelang.

05/12.txt

@@ -0,0 +1 @@
+\v 12 Nisea mui wia nisea: "sei tou limila wia ni kou: "angkaten tepemu o kumelang?" \v 13 Taan tou in tare maleos tii ndai pailekena i tou tadi, lantaran Yesus ni mailango wia kalakeran ne tou wia tampa niitu.

05/14.txt

@@ -0,0 +1 @@
+\v 14 Mako niitu Yesus masungkul o nisia wia mbaleh ni empung o mui wia nisia: "ni kou leoso hamo matiro lewoh, supaya ndai mamuali lebeh lewo pe kahi. \v 15 tou tii kumaluar, o lumila wia e tou Yahudi, i limeos nisia Yesus.

05/16.txt

@@ -0,0 +1 @@
+\v 16 Lantaran niitu e tou Yahudi maniakut ma siksa i Yesus, lantaran nisia masiwo niitu wia nendo sabat. \v 17 Taan lilana wia nisea: "papaku mapaayang makar te hekan, niaku mapaayang kangkahi." \v 18 Lantaran niitu e tou Yahudi lebe maniakut mapapake nisia, ndai cuma lantaran nisia ma tiada nendo sabat, taan lantaran lililaana i opo empung i papa na sandiri o maila nawakena masuat i opo empung.

05/19.txt

@@ -0,0 +1 @@
+\v 19 O lilani Yesus wia nisea, pailana: "ilaku wia nikou, sebenarnya i oki ndai mampu mapaayang neesaan wia nawakna sandiri, a ndai loona papana maayang niitu; lantaran sapa paayangen ni papana, niitu kangkahin paayangen nianakna. \v 20 Lantaran i papana maupu i anakna i turunah wia nisia samua pi naayang na sandiri, malah turunan wia nisia paayangen-paayangen lebeh pe selah kahi, paayangen-paayangen nitu supaya ni sea maherang.

05/21.txt

@@ -0,0 +1 @@
+\v 21 Lantaran masuat papana tumou e tou ni matemo ni idop, taintu i ana mo tou sei i kapaarena. \v 22 Papana dai wana pakiseloken taan ni maimo se rakana em pinaseloken tii wia i anak kena, \v 23 Supaya semua e tou moormate i anak kena masuat nisea mo ormat ti papana. sei irai mo ormat i anakena, i rai mo ormat i papana i kimirim nisia.

05/24.txt

@@ -0,0 +1 @@
+\v 24 Niaku wia nikamu: sunnguh sei ma songol empailaku o mapercaya nisia i rimeho niaku, makailek nidop pakalawiran, ondai ukumen lantaran nisia ni meramo wia patean mako wia patou-touan.

05/25.txt

@@ -0,0 +1 @@
+\v 25 Niaku wia nikamu butul-butul nendona mahaimo o biamo, e tou nimate luminga suara nianak i opo empung, sei i luminga suara nianak i opo empung, sei i luminga i tumou.

05/26.txt

@@ -0,0 +1 @@
+\v 26 Lantaran masuat i papana makapunya nidop wia nawakna sandiri, teintu kangkahi ni wehena wia i anakena nidop wia nawakna sandiri. \v 27 nisia nimehemo kuasa sia nisia for mahakimi, karna nisia anak manusia.

05/28.txt

@@ -0,0 +1 @@
+\v 28 Kamu ndai toro ma erang lantaran niitu, nendona pasti mai, samua eh tou kinuburo pasti luminga suarana. \v 29 nisea e simiwomo gio leos e kumaluar o mangkat makailek nidop pakalawiren, taan nisea e simiwo kalewoan e mangkat for pa ukumen.

05/30.txt

@@ -0,0 +1 @@
+\v 30 Niaku ndai toro tumiro sapa-sapa wia nawaku sandiri, nyaku ma ukum masuat o liningaku, o nukumanku jujur, lantaran nyaku ndai kumiit kapaaranku sandiri, taan kapaarana i rimeho niaku. \v 31 O aku sumairi nawaku sandiri maka sairi nitu dai butul. \v 32 Wewehan e laeng masairi tentang niaku, e pailekenku tentang niaku nitu butul.

05/33.txt

@@ -0,0 +1 @@
+\v 33 Nikamu kimirimo i pareho witu Yohanes nisia i masairi e kabenaran. \v 34 Taan niaku dai maperlu serewan ne kah suat tou, taan nyai Ilahku mange supaya kamu selamaten. \v 35 nisia soloh malayas o materang nikamu paarte mapepean teh sementara teranganena.

05/36.txt

@@ -0,0 +1 @@
+\v 36 Taan nyaku wewehan pasaire e lebe penting taan pasairi ni Yohanes, niitu paayangen ni serakan na papaku wia niaku, supaya paayangenku. Paayangen niitu papaayangenku tekan, o niitu mawehe seiri tentang niaku, i papaku i rimeho niaku. \v 37 Papana i rimeho ni aku; nisia i sumerei niaku. nikamu dai pernah luminga suarana, mukana ndai pernah loon niu. \v 38 O Firmana dai tumetap wia nawakmu, lantaran nikamu ndai mapercaya nisia i nirehona.

05/39.txt

@@ -0,0 +1 @@
+\v 39 Nikamu masilidik buk waya suci, o kamu massangka lantaran nisia nikamu makapunya nidop pakalawiren maan kahi buk-buk suci itii mawehe sairi wia niaku. \v 40 Taan kamu daipaar mai wia niaku for makailek nidop niaku.

05/41.txt

@@ -0,0 +1 @@
+\v 41 Niaku ndai maperlu sajian ne tou. \v 42 Tentang nikamu memang pailekenku wia gorem nate niu ndai wana nupus wia i opo empung.

05/43.txt

@@ -0,0 +1 @@
+\v 43 Niaku mai wia ngaran ni appaku taan kamu ndai paar tumerima niaku; a wehan tou mai wia ngarana sandiri, nisia paling terima niu. \v 44 Kumura kamu maeman, nikamu tumerima normat i tou oi tou laeng, i rai menero sigian nimai wia i opo empung ma esa esate?

05/45.txt

@@ -0,0 +1 @@
+\v 45 Tia kamu masangka, niaku ma tutuduh nikamu wia i muka ni papaku; i timuduh nikamu i Musa, i Musa wia nisia nikamu mehe paharapan. \v 46 Sa kamu memang maeman wia i Musa, tantu kamu kangkahi ma eman niaku, lantaran nisia i timulis niaku. \v 47 Taan kamu dai percaya sapa nai tulisna, kumura kamu mapercaya sapa i niku lilah.

05/title.txt

@@ -0,0 +1 @@
+Pasal 5

06/01.txt

@@ -0,0 +1 @@
+\c 6 \v 1 Lumangkoi yako nitu mange Yesus wana lewet lour Galilea, niitumo lour Tiberias. \v 2 Tou laker maremo-remong makiit nisia, ka nisea limoho kakuasaan ma leleos, i siniwona wia muka ne tou waya sakitan. \v 3 Yesus kumantangange natas toka o rumuhmun e makiit kiit nisia.

06/04.txt

@@ -0,0 +1 @@
+\v 4 O Paskah wia nendo wangko netou Yahudi tumawimo. \v 5 Ka Yesus lumohome e rou o lumoho, tou laker maremo-remong mai wia nisia, lumila mo sia wia Pilipus: "wisa kita tumeles roti, osea yai kumaan? \v 6 Witu mailila Na ka mawowowa nisia, ka nisia mengesa mailek, sa sapa pasiwon na.

06/07.txt

@@ -0,0 +1 @@
+\v 7 Wingkoten ni Pilipus wia ni sia: "Roti marga rua ngatus simar rai malekep wia nisea naan no pakasa sea waya makailek sanga ketor oki te. \v 8 Yesa tou makiit-kiit nisia siamo Andreas, patuari ni Simon Patrus lumila wia nisia. \v 9 Wia nyai wewehan esa oki e makapunya lima roti simawoan o rua sera taan sapa tinaroan ni itu wia tou laker yai?"

06/10.txt

@@ -0,0 +1 @@
+\v 10 Lila ni Yesus "Rehomomi e tou waya rumuhmun, ka witu tampa tii laker rukut. O rumuhmun no tou waya tii, wona lima ngariwu tuama kalaker nea. \v 11 O Yesus mindomi Roti tii sumombayang o memele-meleng wia nisea e rimuhmun tentu mo kahi siniwona kaampit sera waya tii, kalaker wia kapaaran nea tii. \v 12 Ka sea masesomo sia lumila wia makii-kiit ni sia, "Erurenomi kinetoran-kinetoran ni kalembe o rai wana i katia."