Tue Jul 07 2020 16:50:37 GMT+0800 (Malay Peninsula Standard Time)

01/01.txt

@@ -0,0 +1 @@
+\c 1 \v 1 Hei Teofilus, wia bukuku ih katare nyaku teinulis wia pakasana waya pinaayang naan niajari ni Yesus, \v 2 Ka ambo nendo sia maangkat ih daipe niitu nisia ni mehe mo paerintahNa wia ih Roh Kudus wia rasul-rasul ih pinilina. \v 3 Wia nisea sia tumuru mo ih nawak kena setelah kasusaana nimaapa, oh kahin laker tanda Nisia ka sia timon. Ka selama empat puluh nyaendo Nisia mengulang-ulang matuturu ih nawak oh malila wia nisea eng kerajaan ni Opo Empung.

01/04.txt

@@ -0,0 +1 @@
+\v 4 Waktu nendo ni itu sia kuman mawali-wali naan nisea, sia lumarang nesea tumilanh Yerusalem, oh maturu nesea mena wia niitu janji Bapa, oh demikian lilama. ka ni kamu sumoyolo wia Niaku. \v 5 Ka ih Yohanes ih nimaptis oh dano, dai ure nikamu baptiseno oh Roh Kudus.

01/06.txt

@@ -0,0 +1 @@
+\v 6 Mawoimo sea eh kimumpul wia niitu: "Tuhan, toro Nikon wia masa nyai mapulikan kerajaan wia Israel?" \v 7 Wingkoteka: "niko da toro mailek masa naan waktu, nitetapo ni Bapa sandiri ih maakit ingkuasaNa. \v 8 Taan nikamu ma terima kuasa, sa Roh Kudus tumumpa wia natas nikamu, oh nikamu mamuali saksiku wia Yerusalem naan wia seluruh Yudea oh Samaria makar wia pakasa ih tempok koatan."

01/09.txt

@@ -0,0 +1 @@
+\v 9 Setelah sia lumila teintu, ni mangkato sia limoho nea, oh rambun kumelew wia nisia wia palohoan nea. \v 10 nendo sea melolo-loho wana langit nendo nisia pahangkaten niitu, kasenyemokani rua ton nimake putih tawi nea. \v 11 oh sia lumila wia nisea: "hei eh tou Galilea, ka'kamu timoor limoho wana langit? Yesus yai ih ni kaangkat wana sorga timilau nikamu, ih mai sumoup eh teintu kengkahi tanu nikamu limoho nisia nimange wana sorga.

01/12.txt

@@ -0,0 +1 @@
+\v 12 O sea marengi rasul-rasul nitu wia Yerusalem wana toka e paila toka zaitun, e kelangante sangaendo sabat rou'na wia Yerusalem. \v 13 Ka ambo mako sea wia kota, lumongkote sea wana ruang natas, tampa nea tinuli sea nitu Petrus o Yohanes, Yakobus o Andreas, Filipus o Tomas, Bartolomius o Matius, Yakobus yoki Alfeus, o Simon tou selot o Yudas yoki Yakobus. \v 14 Sea waya timekun o esa nate wia sombayang mawali-wali, oe wo pira wewene o Maria, mama ni Yesus, oe patuari ni Yesus.

01/15.txt

@@ -0,0 +1 @@
+\v 15 Nendo-endo nitu tumo'ora Petrus wia mpuser patuari-patuari e minerut witu, wona sanga atus rua ngapulu tou lakerena, o lumila: \v 16 "Hei patuari-patuari, memang lekepen nas kitab suci, e nituila ni Roh Kudus o perantaraan Daud tentang Yudas, minimpin tou-tou e timimboi Yesus nitu.

01/17.txt

@@ -0,0 +1 @@
+\v 17 Irior sia gimorem bilangan neymi o mahindo wowa wia paayangen yai." \v 18 Yudas yai i timeleso sanga weteng tana  o upah kejahatannya o sia kanawu kakepa, o tianena makewe pakasa nggorem tiana katia wia luar. \v 19 Niitu kinailekan waya ne pakasa penduduk Yerusalem, o tana' nitu sea mahila wia bahasa nea sandiri "hakal Dama", nartina tana' raha'-.

01/20.txt

@@ -0,0 +1 @@
+\v 20 "Ka wehan nika tulis wia kitab Mazmur: waya mako pahenaana ma kingken, o waya mo mako rai wana mahena wia nggoremena; o: wayamako kadudukana nindon ne tou laeng.

01/21.txt

@@ -0,0 +1 @@
+\v 21 Nitumo musti i awesomi wia nikami esa tou wia nesea ei salalu mahai maherus o nikami kalaartan Tuhan Yesus mawali-wali o nikami, \v 22 nitu tumuut eia baptisan Yohanes makar nendo Yesus kaangkat wana sorga timilau nikami, o mamuali sairi o nikami i kebangkitan Na." \v 23 O sea musulako rua tou: Yusuf patowaan barsabas o kahi maka ngaran Yustus, o Matias.

01/24.txt

@@ -0,0 +1 @@
+\v 24 Sea waya masombayang o lumila: "Ya Tuhan, nikoumo i mailek nate pakasa tou, turumi sa sei i pasisireNu wia e rua tou yai, \v 25 o makailek jabatan pelayanan, e kerasulan nitilaume ni Yudas i nikanawu wia tampa e cocok wia nisia." \v 26 O sea tumia undi wia w rua tou nitu o i tinena undi siamo Matias o niitu sia i yawes wia bilangan mapulu o esa rasul nitu.

01/title.txt

@@ -0,0 +1 @@
+Pasal  1

02/01.txt

@@ -0,0 +1 @@
+\c 2 \v 1 Nikaambo nendo Pentakosta, pakasa tou percaya nimarur wia esa tampa. \v 2 Ka sengimi tumumpami wia langit e lengkuan tanu sengoan reges wangko i nimutami pakasa wale, wisa nesea rimuhmun; \v 3 O rumengkami wea nesea lili-lila tanu m'baha malayas isemperari o tumeka wia nesea masing-masing. \v 4 O mawutamo nesea oh Roh Kudus, o nesea tumuur maila-ila wia bahasa-bahasa laeng, tanu ni wehe i Roh nitu wia nesea for pailana.

02/05.txt

@@ -0,0 +1 @@
+\v 5 Nendo ni'tu wana Yerusalem ni munek tou-tou Yahudi e saleh wia pakasa bangsa wia wawa kolong langit. \v 6 Katumpa lengkuan nitu, e mahuriri tou laker. nesea mawilong karna nesea masing-masing liminga rasul-rasul nitu mengila-ngila wia bahasa nesea sandiri. \v 7 Pakasa nesea tercengang-cengang o maherang, o lumilai: "n'dai nesea e mengila-ngila nitu tou Galilea?

02/08.txt

@@ -0,0 +1 @@
+\v 8 Kumura sakita masing-masing luminga nesea mengila-ngila wia bahasa ta sandiri, tanu bahasa i pinaketa wia m'banua ta sandiri: \v 9 Nikita tou Partia, Media, Elam, penduduk Mesapotamia, Yudea, naan Kapadokia, Pontus naan Asia, \v 10 Frigia naan Pamfilia, Mesir naan daerah-daerah Libia minatawian o Kirene, pendatang-pendatang wia Roma, \v 11 baik tou Yahudi o, e makiit agama Yahudi, tou Kreta naan tou Arab, nikita liminga nesea maila-ila wia bahasa ta sandiri wia pasiwon-siwon wangko siniwo ni Empung."

02/12.txt

@@ -0,0 +1 @@
+\v 12 Nesea waya tercengang-cengang o sangat termangu-mangu o lumila esa tou wia e laeng: "sapa nartina nyai?" \v 13 taan tou laeng sumindir! nesea tinelewe o anggur nemis."

02/14.txt

@@ -0,0 +1 @@
+\v 14 O mawongkemi Petrus o tumoor o e mapulus o esa rasul nitu, o sia rumekei lumila wia nisea: "Hei kamu tou Yahudi o nikamu pakasa e mahena wana Yerusalem pailekeno o genangen nikulila yai. \v 15 Tou-tou yai n'dai telewen tanu sangkaan niu, ka nendo taekan tumintinge siow.

02/16.txt

@@ -0,0 +1 @@
+\v 16 Taan niitumo ni patik ni Empung wia perantaraan nabi Yoel: \v 17 O mamuali wia nendo nendo kaamboan niitumo firman ni Empung-o Niaku macucurame Roh Ku wia natas ne pakasa tou; o e yoki mu tuama o wewene bernubuat, o teruna-terunamu e makailek penglihatan-penglihatan, o e tou-tou niu e matua e makailek nipi.

02/18.txt

@@ -0,0 +1 @@
+\v 18 Ka witu natas hamba-hamba ku tuama o wewene kucurahkan Roh Ku witu nendo nendo nitu o nisia e bernubuat. \v 19 O Niaku ma sisiwo mujizat, wana natas, wana langit, o tanda-tanda wia mbawa, wia kaoatan: raha o mbaha o gumpalan-gumpalan terembun.

02/20.txt

@@ -0,0 +1 @@
+\v 20 Yendo minaroba mamuali rimbun rendai oi bulan nimamuali raha sebelum nimai nendo ni Tuhan, nendo e wangko o mulia nitu. \v 21 Sa sei e rumekei wia ngaran ni Tuhan i selamaten.

02/22.txt

@@ -0,0 +1 @@
+\v 22 Hei tou-tou Israel, lingan lilaku yai: maksud ku, nisiamo Yesus wia Nazaret, i yesa tou naitantu ni Empung o i nilila wia nikamu o kaketeran kaketeran o mujizat-mujizat o tanda-tanda e siniwo ni Empung o niantaraan Nisia wia puser niu, tanu paileken niu. \v 23 Nisia i niserakan ni Empung kimiit kapaar i o rencana Na, i sinalib niu o pinate niu o lawas ne bangsa-bangsa lewo. \v 24 Taan i Empung timou Nisia o rimeta' Nisia wia patean, ka n'dai mungkin Sia mena' terus wia kuasa patean nitu.

02/25.txt

@@ -0,0 +1 @@
+\v 25 Ka i Daud lumila tentang Nisia: Niaku lumoho terus wia Tuhan, ka Nisia timoor wia sabla leleos, niaku n'dai mahgoy. \v 26 Niitumo nateku bersukacita, o jiwaku mapelapela; o nawakeku munek o tentram.

02/27.txt

@@ -0,0 +1 @@
+\v 27 Ka Nikou n'dai simerakan niaku wia kaoatan tou nimate, o n'dai mawawaya tou kudusmu lumoho kebinasaan. \v 28 Nikou nimehe pailiken wia niaku lalan katouan; Nikou malimpahi niaku o sukacita wia sinaru Mu.

02/29.txt

@@ -0,0 +1 @@
+\v 29 Patuari-patuari, niaku toro lumila terang terangan wia nikamu tentang Daud, ama bangsa ta. Nisia nimate mo o kinubur, o kuburan na wewehane wia nikita makar nendo yai, \v 30 Ka nisia tou nabi o nisia mailek, i Empung i timaar wia nisia o minangkat sumpah, ka Nisia i maruh rumuni yesa tou wia keturunan ni Daud sandiri wia natas tahta na. \v 31 Karna nitu sia lumoho me wana muka o maila e tentang kabengkitan Mesia, kaila'na mako, ka Nisia ndai timilau wia gorem kaoatan tou nimate, o e daging Na n'dai minalami kebinasaan.

02/32.txt

@@ -0,0 +1 @@
+\v 32 Yesus tii i tinou ni Empung, o tentang niitu kami pakasa nimamuali saksi. \v 33 O makelar nisia niangkat o lawas leleos ni Empung o tumerima Roh Kudus e ni taar niitu, dicurahkan Nya sapa linoho niu o lininga wia nyai.

02/34.txt

@@ -0,0 +1 @@
+\v 34 Ka n'dai Daud i simereto wana sorga, taan Daud sandiri maila: Tuhan limila mo firman wia Tuanku: \v 35 Rumuhmuno wia sabla leleos ku, makar si wonKu e musuh-musuh mu mamuali paleekan nae mu. \v 36 O e pakasa kaum Israel mailek rendai, ka i Empung i simiwo Yesus, i sinalib niu nitu, nimamuali Tuhan o Kristus."

02/37.txt

@@ -0,0 +1 @@
+\v 37 Kalinga nea mako niitu nate nea terharu rendai, o sea muei wia Petrus o e rasul laeng: sapa e toro siwon nami, patuari-patuari?" \v 38 Mingkot Petrus wia nisea: Bertobatlah o hendaklah nikamu masing-masing mehe nawakmu baptisen wia ngaran ni Yesus Kristus ka maampung dosamu, o nikamu makailek karunia Roh Kudus. \v 39 O wia nikamu mo janji nitu, o wia e okimu o wia tou e rou' pe, niitu kalaker e tinowa ni Opo Empung ta."

02/40.txt

@@ -0,0 +1 @@
+\v 40 O e kalaker nilila laeng kahi nisia nimehe nesa kesaksian o ulitulit. O sia mengecam o mawehe tuturu wia nisea, lila'na: "wehe nawak mu selamaten wia angkatan e lewo yai." \v 41 E tou timerima lilana ni'itu ni mehe nawak o'baptisen on nendokan nitu kalakeran nea nimawose wona lelu ngariwu. \v 42 Nesea ma tekun wia najaran ne rasul-rasul o wia persekutuan. O ne sea salalu maherur ka mengembi-ngembi o masombayang.

02/43.txt

@@ -0,0 +1 @@
+\v 43 Ta'a mainde'mo sea waya, ka e rasul-rasul ma siwo mo laker mujizat on tanda. \v 44 O pakasa e tou waya e ni mamuali minaeman tetap ma esa, pakasa impunya nea imamuali ka punyaan nea mawali wali , \v 45 O salalu wehan wia ne sea e ma wangker kapunyaan na, lalu pemeteng-meteng na mako wia pakasa ne tou sesuai kaperluan masing-masing.

02/46.txt

@@ -0,0 +1 @@
+\v 46 E matekun o esa nate nesea maherur susuri nendo wia nggorem Bait Allah. Ne sea mengembi-ngembi i roti wia mbale masing-masing o pa bergilir o kuman. Ma wali-wali o mapela-pela o bersih. \v 47 Ka sak sakan melo'olo'or i Opo Empung. O nesea nai ka pa'ar pa kasa ne tou. O susuri nendo i Tuhan mahawes jumlah nea o e tou si nelamato.

02/title.txt

@@ -0,0 +1 @@
+Pasal  2

03/01.txt

@@ -0,0 +1 @@
+\c 3 \v 1 Witu nendo esa ma ako nendo masombayang, niitu tuminting telu mawingindo, kumantangmaako Petrus o Yohanes witu Bait Allah. \v 2 Witu wewehan i tuama, i rai toro kumelang i katoumi niitumo sia musti wulengan. Susur nendo tou tii ni reta' tawi pepenet wangko Bait Allah, i ngarana gerbang Indah, i makiwehe tatamber wia tou e mahuntepi wia gorem bait Allah. \v 3 Ka lohote nitou tii, i Petrus o Yohanes i ma untep wia Bait Allah, osia kumiwehe tatamber.

03/04.txt

@@ -0,0 +1 @@
+\v 4 Sia tuusen nea o sia lumila Petrus: "Lumohomi nikami." \v 5 O tou niitu tumuus wia nisea o maarap i makailek sapa-sapa wia nisea. \v 6 Taan Petrus lumila: "mas o perak ndai wana wia nyaku, taan sapa punyaku, wehe ku wia nikou: wia ngaran Yesus Kristus, tou Nasaret niitu, kumelongon!"

03/07.txt

@@ -0,0 +1 @@
+\v 7 O timboyana lawas leleos nitou niitu o sumawang nisia tumoor. E niitukan ketero nae o mberen nae tou niitu. \v 8 Sia rumentek tumoro o kumelang mange o mai o kumiit nisea wia gorem Bait Allah, kumelang o mengompo-ngompo o maloor Opo Empung.

03/09.txt

@@ -0,0 +1 @@
+\v 9 Pakasa tou niitu limoho nisia makelang o maloor Opo Empung, \v 10 o sea kumenal nisia tanu tou i kanaramena rimuhmun ma kiwehe tatamber wia gorem indah Bait Allah, kaambo sea maerang o menganga-nganga i sapa i nimamuali wia nisia.

03/11.txt

@@ -0,0 +1 @@
+\v 11 Ka tou tiii  mengii-ngiitite Petrus o Yohanes, e pakasa tou laker i maerang renday niitu merur nisea witu setup i pailaanea setup salomo. \v 12 Petrus limoho tou laker o lumila: "He tou Isareal, ka'kamu maerang i sapa nimamuali yai o ka'akmu tumuus nikami seoah-olah niakmi simiwo tou yai kumelang ka kuasa ka'apa kasalehan nami sandiri?

03/13.txt

@@ -0,0 +1 @@
+\v 13 Opo Empung ni Abraham, Isak o Yakub, Opo Empung nene moyang ta telah memuliakan Hamba Nya, siamo Yesus i niniu yower o ni tolak wia sinaru ni Pilatus, naan kumiit kapaar ni Pilatus sia i retanate. \v 14 Taan niakmu i timolako yang Kudus o benar o mapaar i tou mematetou tanu hadiah mu.

03/15.txt

@@ -0,0 +1 @@
+\v 15 Teintumo sia, pakii-kiitan wia katouan, i pinateniumo, taan sia binang kito ni Opo Empung wia nantara tou nimate; o pakasa niitu a nikamimo sairi. \v 16 O ka paemanen nami wia Ngaran Yesus, i Ngaran niitu mehe kaketeran tou linoho niu o kenalen niu nyai; o paemanen niitu i mehe kasembuhan wia tou yai wia sinar niu waya.

03/17.txt

@@ -0,0 +1 @@
+\v 17 He patuari patuari, pailekenku i nikamu simiwomo teintu ka endai paileken, masuat o pakasa pakii-kiitan niu. \v 18 Taan o lalan teintu Opo Empung i lumekep sapa i nai Na mo Firman i rior perantaraan nabi-nabi Nya, siamo Mesias i ni utus Na musti maalami siksa.

03/19.txt

@@ -0,0 +1 @@
+\v 19 Kaniitu masadaro o matobato orior dosamu kaampungan, \v 20 o wehan ni Tuhan nendo kasinangan i mautus Yesus, o i nai wehe nikamu i rior sebagai Kristus.

03/21.txt

@@ -0,0 +1 @@
+\v 21 Kristus niitu musti mena wana sorga kaambo nendo pemulihan pakasa waya, masuat i nai Firman ni Opo Empung o perantaraan nabi-nabiNa i lenas i zaman i rior, \v 22 Ndai ree' naimo lila ni Musa: Tuhan Allah matotou wia nikou yesa nabi wia nantara e patuarimu, masuat o nyaku: Linganange sia wia sapa waya i pa lililona wia nikou. \v 23 O i mamuali, e pakasa tou i rai luminga nabi niitu, i abisen wia tou ta.

03/24.txt

@@ -0,0 +1 @@
+\v 24 O pakasa nabi e pernah lumila, katuuri wia Samuel, o tondong na, i ninamo nubuat tentang zaman yai. \v 25 Nikamumo e mawaris nubuat-nubuat niitu o makailek wowa wia perjanjian i ni wehe ni Opo Empung o nene moyang ta, nendo sia mehe Firman wia Abraham: o keturunannu pakasa bangsa wia kaoatan i makailek kamang. \v 26 O wia nikamu mo katare-tare Opo Empung i mangkit hamba Na o nimutus Nisia wia nikamu, orior sia mehe kamang nikamu o ma pimpin nikamu pengesa-gesa mareng wia pakasa kalewoanmu."

03/title.txt

@@ -0,0 +1 @@
+Pasal  3

04/01.txt

@@ -0,0 +1 @@
+\c 4 \v 1 Tempo Petrus na'an Yohanes macerita wia tou laker, ne sea ni kasenge ni nai e imam - imm na'one kapala pengawal mbale ni Empung na'an tou waua Saduki. \v 2 Tou waya ni itu magahlo rendai wia ne sea maturu e tou laker na'an mawehe brita, ka wia Yesus wewehan ka tou'an wia mpuser tou ni mate. \v 3 Ne sea kina sinikopan na'an ni yower wia mbai makar kawosudoan name, kanen'do ni itu wengi'mo. \v 4 Ta'an wia mpusere tou malinga tu'turu ni itu laker ni mamuali lima ngariwu tou tuama.

04/05.txt

@@ -0,0 +1 @@
+\v 5 Mai mawo'ondo mako nendonapaki'it - ki'itan Yahudi na'an tua - tua pe ahli - ahli Taurat sumiwo rapat wana Yerusalem. \v 6 Na'an Imam wangko Hanas na'an Kayafas, Yohanes ndan Alexander na'an pakasan ne tou laeng ni kauntep suruhne Imam wangko. \v 7 O i Petrus na'an Yohanes ni sela mako wia sidang ni utu o tumu'ur pa priksan wia pawoinya'in : Na'an kuasa wisa ka'apa wia ngaran sei ni kamu marekei tentu ni itu?

04/08.txt

@@ -0,0 +1 @@
+\v 8 O i Petrus mingkot, mawatu - watu na'an Roh Kudus : "Hei e paki'it ki'itan ne umat na'an tua - tua. \v 9 A kami tek'kan pa priksan katabu kebijakan wia esa tou sakitan na'an materangkan i kuasa wisa tou ni itu line'os. \v 10 Kapaileteniu waya na'an pakasan ne umat Israel, wia ngaran ni Yesus Kristus tou Nazaret, i sinalib niu mo, ta'an tinou mo sumoup ni Empung wia mpuser ne tou ni mate - ka Yesus ni itu mo tou ya'i timoor o sehat tekan wia mukan niu

04/11.txt

@@ -0,0 +1 @@
+\v 11 Yesus ni itumo mbatu ni tia ne masiwo 0 siwo i mbagunan - ni itu mo kamu sendiri. Ta'an ni sia ni mamuali mbatu penjuru. \v 12 Na'an kalawiran, rai wia i sei sia kahi a'rai wia nisia, ka wia mbawa i langit ya'i rai wana ngaran laeng ni wehe wia e tou o kita toro makaeleg kalawiran"

04/13.txt

@@ -0,0 +1 @@
+\v 13 Tempo rapat ni itu limoho  kawuaayaan  Petrus na'an Yohanes na'an mai'leg o ne sea kumenal ne sea ndua e maki'it ki'it Yesus. \v 14 Ta'an ka ne sea limoho tou lineoso ni itu timoor wia sebla rua Rasul ni itu, ne sea rai toro lumila sapa - sapa o mingket.

04/15.txt

@@ -0,0 +1 @@
+\v 15 O sea kahi rumeno rasul - rasul ni itu tumela'u i ntampa pa'adilen, o sea mahilekan. \v 16 O lumila : " tindakan sapa pa'a indonta wia e tou ya'in? ka linoho mo waya ne penduduk Yerusalem kalembemo sea simwo, mujizat na'an ni kita rai toro sumongkal. \v 17 Kaampit ni itu rai laker mai'leg maimo kita, le'osseramokan sea paindeenta mo na'an kelongan sea, o sea rai masirita i sei maka ngorong ni itu. \v 18 O sea ndua ni rehe muntep, sea pinotenta tia ma'ila - ila ka'apa maturu kahi wia ngarang ni Yesus

04/19.txt

@@ -0,0 +1 @@
+\v 19 Ta'an Petrus na'an Yohanes mingkot wia ne sea : ni kamu sandiri ni mai wisa i nulit wia sinaru EMpung : kumi'it wia ni kamu ka'apa ku;muit wia Empung. \v 20 Ka ndai mungkin wia ni kami o rai lumila sapa linoho nami na'an sapa lininganami "

04/21.txt

@@ -0,0 +1 @@
+\v 21 Ne sea lembe kete malende Rasul - rasul ni itu, ta'an ka'akoran namange ne sea ni wetamo, ka wia pahadilen rai limoho lalal kumura ma'ukum ne sea kamainde e tou laker maloor - loor ngaran ni Empung kamaloho sapa ni mamuali.  \v 22 Ka e tou line'oso wia mujizat ni itu lembeno nepat ngapulu ngataon numureng.

04/23.txt

@@ -0,0 +1 @@
+\v 23 Paka reta' mange sea mangemo i Petrus O i Yohanes wana e kaampit nea, oh ni sia sumurita pakasa waya i ni lila ne Imam - imam wangko oh pakasa ne tu'a ne'a. \v 24 Tempo e kaampit nea sumongol ni itu, o sea rumekei ma wali - wali wana Empung, lila na : " en Ops Empung nikou mo si miwo ni langit naan koatan, lour naan pakasa ing goremena. \v 25 Oh kaampit i Roh Lenas  wia pinuseran ne ni pareho mu Daud. Oh ama nami ni kou limkla tana i : Ka'sea e suku - suku bangsa mengindo - ngindomi in dai si bereguna.

04/26.txt

@@ -0,0 +1 @@
+\v 26 Penguasa wia koatan sumadia naan e wangko - wangko ka masaru i opo naan e niurapena.

04/27.txt

@@ -0,0 +1 @@
+\v 27 Ka eng kaulitan nima kerur ro wia nggorem mbanua ya i Herodes naan Pontius Pilatus mawali e tou - naan e suku - suku Bangsa Israel ma saru i Yesus, pareho rehomu i lenas, i niurapemu, \v 28 Mi sisiswo im pakasan ni itu i ni tantu mu ing katare kaampit oh kuasa naan kapaarmu.

04/29.txt

@@ -0,0 +1 @@
+\v 29 Naan tekan, en Opo loho en temi kumura sea mainde mi kami naan wehantemi wia pareho - reho kaberanian ma wehe mage tuturu'mu \v 30 wehemi lawase mu pa lele os se tou oh wehani tanda - tanda naan mujizat- mujizat o ngarani Yesus, pareho mu o lenas. \v 31 Naan tempo ni sea sombayang hago yentemi tampa paheruran nea ni itu naan ni sea waya ma wuta naan Roh lenas o sea nu u'wu me i tu turu'mu naan keberanian.

04/32.txt

@@ -0,0 +1 @@
+\v 32 Wewehan paheruran ne tou e ma ki it ni itu ni sea nesa ate, naan nesa mukur, naan ndai wana esa tou kahi e lumila, ka ndai wana wia kapunyaan na o ni'itu punya na sandiri, taan pakasa ni itu kapunyaan nea waya. \v 33 Naan kawangkoan kuasa na Rasul - Rasul simairi mange in tinou ana sumoup ni Tuhan Yesus oh pakasa ni sea ti ou wia eng karunya e limembe - lembe.

04/34.txt

@@ -0,0 +1 @@
+\v 34 Ka ndai wana esa tou wia kakurangan wia nelet nea, ka paksse ne tou maka punya tana' naan wale, nimangker ing kapunyaan ni itu o kaampit i narga winangeran ni itu niali nea. \v 35 O itu i reta' nea wia sinaru i na'e e Rasul - rasul : o itu wetengen nea wia e susur re tou kumura pa paken nea.

04/36.txt

@@ -0,0 +1 @@
+\v 36 Taintumo kahi o i Yusuf o e Rasul - rasul ti notor Barnabas, i paila e'oki pangiborab. esa tou lewi ni mai - wana siprus. \v 37 Sia ni mangker im pangumaan, kepunyaan na, o mahali - i loite na ni'tu o reta' nea mako wia sinaru i na 'e ne rasul  - rasul.

04/title.txt

@@ -0,0 +1 @@
+Pasal 4

05/01.txt

@@ -0,0 +1 @@
+\c 5 \v 1 Wewehan esa tou walina maka ngaran Anannias sia ni kaawuna Safira nimangker tama sangatampa. \v 2 Ndai paeleken nikawuna sia temahang wia entinerimana niitu naan mbetengan walina niali naan nireta wia sinaru naena ni rasul.

05/03.txt

@@ -0,0 +1 @@
+\v 3 Taan Petrus lumila : Anannias kuareken nateru punakete ni setang oni kou timowo Roh Kudus naan timahang bewetengan wia kinailekanu wia wi nangteron tana ni itu? \v 4 Makar tama ndai ne wangker? ndaite niitutetap punyamu naan saniwangkere, ndaite hasilena tetap gorem kawasamu? kuareken kou marencana masesiwo niitu gorem natemu? Kou ndai timowo itou taan timowo e Empung. \v 5 Maka linganamako lila niitu karambene Ananisa naan marengkut nasenganan maimo kaindean epakasa tou eliminga hal niitu. \v 6 Omaimo waoira tou mudape : sea simaput inimate niitu aomuteng omukaluar inaann mange kumubur.

05/07.txt

@@ -0,0 +1 @@
+\v 7 Wana telumo jam tumondong gumoremi kaawu ni Ananias, taan sia ndai mailek sapa enimamuali. \v 8 Lila ni Petrus wianisia : lila wianiaku, pira narga winangkeranu tana niitu mingkot wewene ni itu "nulit tentu"

05/09.txt

@@ -0,0 +1 @@
+\v 9 Lila ni Petrus : "kuare nikamu rua mawowa RohTuhan? lohoon, e tou tekan kumumburi kaawumu timoor wia sinaru pepenet onaan esa nimuleng ni kou kahi wia luar?" \v 10 wewene niitu wia sinaru ni Petrus onaan marangkote nasengan de tou mudape gumoremi, sea lumoho sea nimatemo. osia wulengena sea wituluar naan okuburen wia sei kaawuna. \v 11 omai kaindean rendai epakasa jemaat onaan pakasa tou eliminga hal itu.

05/12.txt

@@ -0,0 +1 @@
+\v 12 Naan de rasul rasul mamuali laker tanda wia nelet toulaker pakasa tou maeman salalu maheruru wia empores slomo garam empawali walian engketer. \v 13 Etou walina ndai wana mamuaya mawali  nawali wia nisia naan sea maulit paarmeteng natou laker.

05/14.txt

@@ -0,0 +1 @@
+\v 14 Naan makaina makaawu engkalaker netou maeman wia i Tuhan leos tuama de wewenen. \v 15 Onesea mali etou sakitan kumou wia lalan wangko onaan takelange wia natas lalaina onaan tilam. orior sai Petrus lumawet,  saande - ande sarap na timena selok esatou wia nisea. \v 16 Taan kahi tou laker wia ewanua katawi Yerusalem mai masoyor noyong ommahali e tou sakitan enaan etou paraungen roh lewo naan nesea waya nimaleos.

05/17.txt

@@ -0,0 +1 @@
+\v 17 Mailowisena tumuuro timam wangko demakiikiit nisia, siitu pakasa netou wana mazhab, tumindak kanisea memang maate. \v 18 Nisea sumikot Rasul - rasul witu, okahi magogorem nisea witu gorem nukuman kota.

05/19.txt

@@ -0,0 +1 @@
+\v 19 Taan imbengi yesa tou imalaekat neEmpung nimuka pepenet pepenet nukuman niitu omahali kumaluar lilana.  \v 20 Mangemo, tumooromi wia bait ni yempung o lila mako pakasa Firman patoutouan niitu wia e tou laker" \v 21 Nisea malinga ningenge niitu, naan makomo memoondo gomeiemi nisia witu gorem imbait ni Opo Empung, okohi tumuur mehe tuturu witu niitu, tumoro niitu Imam wangko oe makiikiit nisia rumeho mahadil agama merur pakasa pakiikiitan tumu tua ne bangsa Israel, oniitu nisea rumeho mindo Rasul - rasul nisea wia nukuman.

05/22.txt

@@ -0,0 +1 @@
+\v 22 Taan tmuur wangko wangko mai witu nukuman, nisea rai nimakailek niitu owitu. onisea mareng lumila mako.  \v 23 Lilanan : "nikami limoho nukuman kinusih memang nimek opakasa emajaga ewiya tampana wia muka pepenet, taann tumuur nikami muka mako, rai siyesa tou kahi olohoen wia goremena.

05/24.txt

@@ -0,0 +1 @@
+\v 24 Tumuur wangko ne bengawal Bait niopo Empung oe Imam - Imam maroekerokos liminga imberita niitu, nisea mainde omawoi sapa nimamuali wia erasul rasul niitu. \v 25 Taan maimo yesatou makailek nise ongkabar : "lohoen, etou e nainiu gorem nukumam, witu gorem bait niEmpung osea tumuru etou laker.

05/26.txt

@@ -0,0 +1 @@
+\v 26 O sea mangemo wangko ne pengawal kaampit e tou-tou rua mange wana Bait Allah, oh maindo e rua rasul tii, taan ndai i malewo-lewo, ka nesea mainde, ande ande e tou laker mingkil nisea. \v 27 Nisea makali e ma nisea oh i saru wia e Mahkama Agama. Imam besar mulai muei nisea, \v 28 Lilana: "Kaampit i nggoklo kami kumelong kamu turuuru wia nggorem ngaran Na. Taan kailekan, nikamu nimutamo i Yerusalem kaampit i tuturu rua oh nikamu kaampit tumanggong i ndaha netou wia nikami."

05/29.txt

@@ -0,0 +1 @@
+\v 29 Taan Petrus kaampit e rasul-rasul niitu mingkot, lilana: "Nikita musti kumiit wia Empung taan wia e tou. \v 30 Opo Empung nenk moyang nikita timou mi sumoup i Yesus, i rai sangkong wia kayu salib i pinate niu. \v 31 Nisiamo nai telaume ni Opo Empung maesa esa kaampit lawas leleos Na mamuali wangko oh Juruselamat kaambo Israe akat matokat kaambo makailek kaampungan dosa. \v 32 Oh nikami mamuali sairi wia pakasa yai, nikami kaampit Roh Kudus, i rai karunia ni Opo Empung wia mpakasa netou i malinga linga Nisia.

05/33.txt

@@ -0,0 +1,2 @@
+\v 33 Luminga lililaan niitu masusa rendai nate nea oh nisea paaro mapapate e rasul-rasul nitu.
+\v 34 Taan i esa tou Farisi wia nggorem Agama niitu, makangaran Gamaliel, i tou ahli Taurat e memang paor matem pakasa ne tou laker, tumou sumoup oh kumiwehe, kaambo e tou-tou niitu nai reho kumaluare taekan.

05/35.txt

@@ -0,0 +1 @@
+\v 35 Malekepe niitu nisia lumila wia e sidang: "Pakasa ne tou Israel, pikiren leos leos, sapa pasisiwon niu wia e kasuat tou yai!" \v 36 Memang i tempo rimengkamo i Teudas, i marugaku i nawakena i tou makaindeen oh nisia maka punya wona epat maatus tou makiit; taan nisia pinate oh mapisa merak e makiit nisia oh mailang. \v 37 Lumangkoi nisia, tempo palekehan e tou, rumengkami i Yudas, i tou Galilea. Nisia mahali e tou laker wia patokolan, taan nisia kangkahi nimate oh matatas merah me wia e makiit nisia.

05/38.txt

@@ -0,0 +1 @@
+\v 38 Kaambo niitu niaku lumila wia nikamu: Tia masisiwo sapa-sapa wia e tou yai. wayaamo nisiea, yaitu kapaar oh pasiwon nea mai wia i kasuat tou, memang mailang. \v 39 Taan sa mai wana i Opo Empung, nikamu ndai toro ma apa e tou yai; kaambo ande-ande oh kailekan nokan, nikamu sumangkal i Allah. "Nasihat yai tinerima.

05/40.txt

@@ -0,0 +1 @@
+\v 40 Nisea tumowa e rasul -rasul tii, oh sea siksaan nea oh kumelong nisea tumaru wia ngaran ni Yesus, maapume oh sea reta. \v 41 Rasul-rasul tiin temelan e sidang Mahkama Agama kaampit i mpela, ka nisea memang musti siksaan i seseroan sebab ngaran Yesus. \v 42 oh susur i nendo nisea lumaus najaran nea wia Bait Allah oh wia pakasa imbale ne tou kaampit mahajar injil summat i Yesus niseamo i Mesias.

05/title.txt

@@ -0,0 +1 @@
+Pasal 5

06/01.txt

@@ -0,0 +1 @@
+\c 6 \v 1 Toro nitu kalakeran ne murid maka aweso, o itu rumengka gahlo ne tou-tou Yahudi e mabahasa Yunani, wia e tou-tou Ibrani, ka bewekengan wia janda-janda ndai papandungen wia papaayangen susur nendo.

06/02.txt

@@ -0,0 +1 @@
+\v 2 Ka, ka'adaan taintu minamuali mapulu orua rasul-rasul tumowa baya ne murid merur olumila: "Kami ndai kasa senang, ka nikami ndai kasa mapandung i Firman wia maselewir meja. \v 3 Niitumo patuari, waya susireno mako e pitu tou wia nikamu, e palohoon leos, oe wuta i Roh o hikmat, orior kami, mangkat nisea, wia papaayangen yai. \v 4 Orior kami toro mehe mako genang rendai wia sombayang o malayani i Firman Tuhan.

06/05.txt

@@ -0,0 +1 @@
+\v 5 Usul niitu, tinerima leos waya ne jamaat, o sea sumisir Stefanus, itou wutanamo Roh Kudus o i Pilipus, Prokorus, Nikanor, Timon, Parmenas dan Nikanot, yesa tou makii-kiit agama Yahudi wana Antiokhia. \v 6 Nisea waya nai sarumako wia e rasul-rasul, o rasul-rasul tii sumombayang o rumeta mako ilawas wia natas nea.

06/07.txt

@@ -0,0 +1 @@
+\v 7 Firman ni opo empung maseramo, kalakeran ne murid witu Yerusalem mahawes kalaker, o mahawes kawangko, o kangkahi kalakeran ne imam besar nimower nawak nea o maeman.

06/08.txt

@@ -0,0 +1 @@
+\v 8 Stefanus i wuta ing karunia ongkawasa, masiwo mujizat-mujizat on tanda-tanda wia waya e tou laker. \v 9 Taan rumengkami e woo pira wia jemaat Yahudi e pailaan jemaat libertini anggota-anggota jemaat tii, e tou-tou waya witu Kirene o witu Aleksandria mawali-wali woo pira tou Yahudi wana Kilikia o witu Asia. E tou waya yai mawuwueyan kaampit

06/10.txt

@@ -0,0 +1 @@
+\v 10 Taan nisea rai mampu lumawang i hikmatna o i Roh madorong nisia maila. \v 11 O sea mapengaruh woo pira tou malila: "Kami limingamo nisia kimaluar lia mahojat i Musa o i opo empung.

06/12.txt

@@ -0,0 +1 @@
+\v 12 Kaampit lalan taintu, o sea sumiwo kegerakan wia puser ne tou laker, kaampit e tua-tua o e ahli-ahli torat; o sea sikopen nea i Stefanus, sia alin nea sumaruh Mahkamah Agama. \v 13 Osea riornea mako e masasairi towo maila: "Tou yai rai mena mengila-ngila, masesero, intampa kudus yai o Hukum Torat. \v 14 Kanikami limingamo nisia maila, i Yesus tou Nasaret itii, marorombe intampa yai o masasawel kabiasaan nai tilaume ne Musa wia nikita. \v 15 Pakasa ne tou rimuhmun witu gorem mahkamah agama tumekelako Stefanus, o sea lumoho gio ni Stefanus tanu limoho gio ni malaikat.

06/title.txt

@@ -0,0 +1 @@
+Pasal 6

07/01.txt

@@ -0,0 +1 @@
+\c 7 \v 1 Lila ni iman wangko: "Nulit re tentu? \v 2 Wingkoti ni Stefanus:"E patuari waya o ama-ama, songolen nange opo empung i mahamulia i nimapalohomomi nawagna wia ema rior ni Abraham, toro sia witu pe mesopotamia, rior sia mena wia Haran, \v 3 O berfirman wia nisia: kumaluari wia mbanuamu o wia e patuarimu waya o mangemo wana mbanua i patuturukumi wia nikou.

07/04.txt

@@ -0,0 +1 @@
+\v 4 O kumaluari sia witu mbanua ne tou kasdim, o mena witu Haran. o mate mako amana, opo empung rumeho nisia merami witu mai wia tana yai, tampa pahanaannu tekan; \v 5 O witu opo empung ndai niweheNa kapunyaan pusaka wia nisia, sangarangan tanu kahi ndai, taan nisia timaar pawewehan tana nitu wia nisia mamuali kapunyaanna o kapunyaan taranakna, maan kahi toro nitu nisia ndai wana oki.

07/06.txt

@@ -0,0 +1 @@
+\v 6 Tanaimo Firman ni opo empung, taranakna e malelepu lepu te witu mbanua laeno sea pabababun o paaniaya nepat ngaatus taun kalaatena. \v 7 Taan mbanua e mabababu nisea tii paukumengku Firman opo empung, o kumaluari witu sea maopo wia nyaku wia tampa yai. \v 8 O i opo empung mehe mako wia nisia taaran sunat; o tentukan i Abraham makianak i Ishak, o sumunat nisia wia nendo ka ualu; o Ishak anakna i Yakub, o i Yakub anakna e mapulu orua opo tarior.

07/09.txt

@@ -0,0 +1 @@
+\v 9 Ka maate, amata waya irior mangker Yusuf wana tana Mesir, taan opo empung mawali-wali nisia, \v 10 O i retana sia wia pakasa penindasan o mehemi wia nisia kasih karunia o hikmat, ka sia simaru Firaun, raja Mesir. Firaun nimangkat nisia mamuali kawasa wia tana Mesir o wana pakasa istanana.

07/11.txt

@@ -0,0 +1 @@
+\v 11 O mai makaideen kahareman tumena e pakasa tana Israel o tana kanaan o kapendisan wangko, o kiok e tua rior ta ndai ni makailek kakanen. \v 12 Taan kasogolan ni Yakub, wia tana Mesir wewehan gandum, sia rumeho e tua rior mange wana. Nitumo niaian nea katare; \v 13 Mai sea karua, Yusuf kumenal ako e nawagna wia e patuari na waya, o kailekan ni Firaun wisa i Yusuf omai.

07/14.txt

@@ -0,0 +1 @@
+\v 14 O reho ni Yusuf sungkulen nako Yakub, amana o pakasa e patuarina, pitungapuluh olima kalaker nea. \v 15 O sia mange Yakub: wana tana Mesir witu sia mate, nisia o e tua irior. \v 16 Mayat nea niera wana Sikhem o ireta witu nggorem pakuburan tineles ni Abraham o loit perak niwehe ne pakasa oki hemor wana sikhem.

07/17.txt

@@ -0,0 +1 @@
+\v 17 Taan makatawimo lumekep tinaaran i niwehe ni opo empung wia Abraham, makalakero e bangsa tii wana Mesir, \v 18 Makar mai i Raja walina mapeperentah tana Mesir, i esa tou ndai kumenal Yusuf. \v 19 Raja tii mapakete tipu daya wia bangsa ta, o maaniaya etua irior o rumeho tumia mako e oki mahape, orior e bangsa ta tii ndai lumaker.

07/20.txt

@@ -0,0 +1 @@
+\v 20 Witu toro nitu o sia matou i Musa o sia tewang wia mberen ni opo empung telu ngaserab laatna sia piniara witu mbale amana. \v 21 O sia itia, taan pinurute ni oki weweni ni Firman o rumeho rawaten sia tanu okiku sandiri.

07/22.txt

@@ -0,0 +1 @@
+\v 22 O i Musa tinuru wia pakasa hikmat ne tou Mesir, o sia kumuasa wia lila o pasiwo-siwona. \v 23 Witu numurna nepat ngapulu taon, rumengkami kapaaran wia natena mange malolohomi e patuarina waya, e tou Israel. \v 24 O wona i esa tou ginio ni tou Mesir, o tulungenna o aparan na tou tii o patena e tou Mesir tii. \v 25 Paarapena patuarina waya e mangarti, sa i opo nimake nisia maseselamat nisea, taan nisea e ndai mangarti.

07/26.txt

@@ -0,0 +1 @@
+\v 26 Kawoondoanna rumengkami kahi sia pas e rua tou Israel matokol, o sia mainakut maleleos nisea, lilana: Patuari waya! Rai re kamu nyai matuari? Ka kamu magigioan. \v 27 Taan i tou simiwo selok wia i kaampitna tii timolak i Musa o lumila: sei i nimangkat nikou mamuali pemimpin o hakim wia nikami? \v 28 Kou ree mapapate niaku, masuat e kahawii nikou nimate tou Mesir tii?

07/29.txt

@@ -0,0 +1 @@
+\v 29 Sumongol lilana tii, tumingaso i Musa o tumou tanu e timaup wana tana midian witu sia manakki e rua oki tuama. \v 30 O lumangkoi ako nepat ngapahe taon mapalohomi i esa malaekat wia padang gurun kuntung Sinai tanu layas mbawa i kimaluari wana kuhun.

07/31.txt

@@ -0,0 +1 @@
+\v 31 Musa maerang linohona niitu, naan o sia mange witu o lumohomako wia tawi, maimo suara Tuhan wia nisia: \v 32 Niakumo opo empung nene moyangemu. Opo empung Abraham, Ishak naan Yakub, o gumigero Musa, naan sia ndai berani kahi lumoho nisia.

07/33.txt

@@ -0,0 +1 @@
+\v 33 O firman opo empung wia nisia: Telaumomi sapatu wia naemu, ka tampa wisa tinooranu niitu, tana'ingkudus. \v 34 Niaku nimehe mo genang leos ka sengsaraan umate-Ku wia tana Mesir naan niaku limingamo keluh kesa nea, naan niaku timumpamo i mareta mako nisea: ka niitu maimo, nikou i parerehoku witu tana Mesir.

07/35.txt

@@ -0,0 +1 @@
+\v 35 Musa yii, i nai tolak nea, naan lumila: seireen i nimangkat nikou mamuali pemimpin naan hakim? Musa yii kahi ni i opo empung i pemimpin naan maselamat oe malaikat, i reho nimapaloho nawak wia nisia wia kekerewiten niitu. \v 36 Nisiamo i nimali nisea kumaluar naan matiro mujizat-mujizat naan tanda-tanda wia tana Mesir, wia pante meha naan wia padang gurun, mapulu o epat taun laantena. \v 37 Musa mo yii kahi i limila wia tou Israel: i esa nabi masuat niaku yii i pabangkiten opo empung wia nikamu wia nantara patuari-patuariMu.

07/38.txt

@@ -0,0 +1 @@
+\v 38 Musa yiimo mamuali pengantara wia sidang jemaah wana padang gurun wia nantara malaikat i mafirman wia nisia wana gunung sinai naan nene moyangeta; naan siamo itumerima Firman-firman i hidop impailanamako wia nikamu. \v 39 taan nene moyangeta ndai paar sumongol wia nisia, taan nisea matolak nisia gorem nate nea paar mareng wana tana Mesir. \v 40 Wia Harun nisea lumila: siwono wia nikami e pira Allah e kumelango wia sinaru nami, ka Musa yai i nimimpino nikamu kumaluar wia tanah Mesir nikami ndai mailek sapa i nimamualimo naan nisia.

07/41.txt

@@ -0,0 +1 @@
+\v 41 O toro niitu nisea masiwo iesa yoki lembu naan mapersembahkan pasembahan wia berhala niitu naan nisea mapela-pela tentang sapa i siniwo nea sandiri. \v 42 O lowisan opo empung wia nisea naan wayanamako nisea maibadah wia bala tentara langit,tanu i nai tulis wia kitab nabi-nabi. Nikamu reken mapersembahmako wia niaku korban paketoren naan pasembahan latena nepat ngapulu taun wia padang gurun niitu, tou Israel?

07/43.txt

@@ -0,0 +1 @@
+\v 43 ndai pernah taan nikamu mawuleng terung molokh naan bintang dewa refan, patong-patong e siniwo niu tii i pasemban. O niaku maali nikamu wana gorem patia'an, makar lewet babel.