ret_jas_text_reg/04/01.txt

\c 4 IDIRI MIAMA LAHATALA GENANG \v 1 Tota orang, pikiran tata ra iha hahamami anga ta'ang gegoa adu? Pipikiran phela piomi gomimi mada senghise ing teng lalafang piboga aji gomi anga kalu pi ganukung phela mi adu? \v 2 Anga gelang, ping bo hula il joa dapa, agani ibase pingka dapa banaga, anga muse ping tene tamina, to tomi takakurang, ibase ing  ka il joa harak banaga, ang a gelang ping tomi miama takalila, oli tota orang, ka il joa harak banaga sebab ingka sambajang banaga. \v 3 Nagaba ing oli ae pha na bagang, agani ibase ing ka harak banaga, sebab iba gang gomi anga miga hala, sebab ing iganukung phela gomimi phana ga bagang.