Mon Oct 26 2020 18:30:43 GMT+0800 (Malay Peninsula Standard Time)

01/01.txt

@@ -0,0 +1,2 @@
+Yesus akeketa nee surga liia bia ne banna mai Ngau Ama Tua
+\v 1 Nee surata dana nepatulisagu a ullu, Teofilus, tagu ngarakuana ne Yesus patura papaghillina monno papa dungngada. \v 2 dukkie ne loddo ghetti Nia bana makeketa, nababa Nia aya pareta, ledena Nghau Matua, barrada rasul-rasul a ullu Nia papedena. \v 3 Barrada ghidda, Nia dommo kaina naboghoge tou douna namoripa ghetti bana baba Nia banna karoduka, monno nauage tada, gaige nabogho wekkina barrada ghidda ne pata kabullu loddona monno napa neghe tagu umma Allah.

01/04.txt

@@ -0,0 +1 @@
+\v 4 Neba nee di palolo dangngadi ghidda, Nia napareta ghidda gaika dagaikage Yerusalem, takka aremage lii Ama, nebaghinna, " narengnge wali barragu, \v 5 orona yohanes napa righo waina wee, takka yemmi apa righo waimi Ngau Amatua, danna madoike wali nebaghinna."

01/06.txt

@@ -0,0 +1,2 @@
+Yesus Nama keketa ne Surga
+\v 6 Orona ghetti, baneedi ghidda apakuabana, ghidda atua barra-Na,"Mori, apawe ne rapa bupadua umma taguda Israel? " \v 7 Nia natekki barrada ghidda,"indaniake ne tagumu gaika paddege tagu rapa monno kira ne patekkibana Ama ne tillu dedi dakkana. \v 8 Takka ghinna, yemmi bi deibawe dedi dakka-Na ghetti Ngau Amatua namaiba barramu yemmi ba jadi saksi-saksi-Gu nee Yerusalem,nee ngarakua Yudea monno Samaria, monno nadukkiwe nebarra tana kadukka lawina."

01/09.txt

@@ -0,0 +1 @@
+\v 9 Monno nabawe Nia natekkiwe neghe-neghe patekki, neba needi ghidda baeta, Nia namakeketa monno karoba a ghiddiza namuana wali aro matada ghidda. \v 10 Monno, ghetti ghidda neba needi apa zarrana langita deta, neba neei Nia kako, etawe, ghaide adoda kabani atau kalabbi kaka adede netidida ghidda, \v 11monno natekkiwe, " Hai ata Galilea, apa kaneebawime dede sambi neemia eta karoba deta? yesus do nagha, ama keket a ba wali barramu ghou nee surga dana amai bali lede pata azama aghinna kaina bi eta banna kako nee surga."

01/12.txt

@@ -0,0 +1,2 @@
+Apede Ata Rasul Abaru
+\v 12 Langngana apababana ghetti, ghidda a bali nee Yerusalem wali ama detana nepa ghiddana  zaitum, aghina nee barra yerusalem, morrona nepa kakoge iyya douna. \v 13 ne ghidda batama, ghidda apenne nee padou togona, padouda ghidda ba dangngi Petrus, monno Yohanes, monno Yakous,monno Andreas, Filipus, monno Tomas, Bartolomeus, monno Matius, Yakobus anai Alfeus, monno Simon ata selot, monno Yudas anai Yakobus. \v 14 Ghidda ngarakua iyya atena barramu tabaya dabba monno ngara maghinne monno Maria, innana Yesus, monno ole dai-ole dadi-Na.

01/15.txt

@@ -0,0 +1 @@
+\v 15 Netti loddo-loddo ghetti, Petrus nadede ne tilluda ole dadi-ole dadi iyya ate (ata aluana kira-kira ngau duaka bullu luana), monno natekkia, \v 16 Ole dadi-ole dadi, surata bia, ghinna takka bawe banna bonnuge , patekki bada a ullu kedde nagha Ngau Amatua, pledena ngadai Daut tagu Yudas, aka towage taguda ata aghappa Yesus.

01/17.txt

@@ -0,0 +1 @@
+\v 17 Orona, Nia nama kira ole barradaghitto monno nakolena tagu paghilli neghe. \v 18 Neba ghinna, nagha ata nagha naghoi azabidangnga tana monno upa wali parawina, monno ghetti katowana nawarraka ulluo, ne tilluna touna nabua monno ngarakua itiana terburai. \v 19 Monno, neghe apadde bage ngarakua ata adangngi nee yerusalem lappata tana neghe barra bahasada ghidda atekkiwe Hakal-Dama, artinawe 'Tana Raa'

01/20.txt

@@ -0,0 +1 @@
+\v 20 Orona, aka rada bawe barra surat masmur : ' taudage padou dangngana naka ringngiwe, monno taudage nee daiki iyya ata nee adangngi barrana, Mazmur' 69:26 ' monno, taudage awadeka adekena padou madiina 'Mazamur' 109:8'

01/21.txt

@@ -0,0 +1 @@
+\v 21 Orona ghetti, ata wali ghidda enganiage oleni monno ghitto baghipu Tuhan Yesus bana tama monno louza walibarrada ghitto, \v 22 keddena wali prigho Yohanes dukkie loddo ngetti Nia bana makeketa wali barrada ghitto,kzala iyya wali ghidda neghe harus ba jadi saksi tagu pamakeketa dangnga-Na mangngu oleda ghitto." \v 23 Monno, ghidda a usuladi adoda ata, nagha Yusupa paghiddana barsabas,napaghiddana Yustus, monno Matias.

01/24.txt

@@ -0,0 +1 @@
+\v 24 Amurri, ghidda atabaya '' Ghou, Mori apaddeda ateda ngarakua ata. Boghoma ne barrama zamme garrai ne tillu barrada doda ata neghe nepa pede-Mu, \v 25 tagu deiba tora pagilli neghe monno padou madii rasul, wali Yudas a elena tagu akako padou douna," \v 26 kamurrina, ngara rasula aletona undi nebarrada ghidda monno unndia nawarraka barrai Matias gai nia nama kira ole monno kabullu iyya rasul.

01/title.txt

@@ -0,0 +1 @@
+Pasal 1

02/01.txt

@@ -0,0 +1,2 @@
+Baammini Ngau Matua
+\v 1 Neloddo pentakosta nadukkiwe, ghidda ngara kua APA lolo ne,edi padou ahsama. \v 2 Monno, rengnge paghaddawe walina langita deta, punni yongngu papoghi paringngi ahpaghezzi, monno punni netti ahponnuwe ngara kua ina umma padouda ghidda bamadi,i. \v 3 Monno, paetana nebarra ghidda lamma-lamma yongngo wegara api ah mawezara monno reito neponnuda ghidda iya monno iya. \v 4 Neka, ghidda ngara kuana ahponnuzi Ngau Matua monno apaneghe neghe ngara paneghe ahghaina, tuddda ghetti payana Ngau Matua taguna batekkizi.

02/05.txt

@@ -0,0 +1 @@
+\v 5 Ghetti waina, gha,i ata-ata Yahudi ahdangngi ne Yerusalem, ata-ata ahdua wali iya-iya padou ne kabu langita. \v 6 Monno, barengngewe netti punni, apakuana ata mangeda ammidi apalolo monno ahngade orona ngara ata ne,ede rengngezi ghidda hetti apaneghe nepaneghe ghidda douna. \v 7 Ghidda ah deika monno mangaddala, monno batekkiwe, " indaghiddaki ghidda ngara kua ahne,ena paneghe takka ata-ata Galilea?

02/08.txt

@@ -0,0 +1 @@
+\v 8 Monno, peipatanawe ngarra-ngarra ghitto rengngezi ghidda monno paneghe padouda ghitto bapadadida? \v 9 Ata-ata Partia, monno Media, monno Elam, monno ata Mesopotamia, Yudea, monno Kapadokia,Pontus, monno Asia, \v 10 Frigia,monno Pamfilia, Mesir monno padou-padou Libia barrana Kirene, monno atamai-atamai wali Roma, baka ata-ata Yahudi lappata ngara proselit, \v 11 ata-ata Kreta monno Arab. Ghitto tarengnge ghidda paneghe waina panegheda ghitto tubana parawi-parawina  ahkaladana Allah.

02/12.txt

@@ -0,0 +1 @@
+\v 12 Monno, ghidda ngara kua ahdeikawe monno ngade lappata batekkiwe iya monno iya, "appa gunana ngarra kuana neghe?" \v 13 Takka ghinna, ata waddeka ahmaditage monno batekkiwe, "ghidda apakabillirai angnggur ghuddi parawi."

02/14.txt

@@ -0,0 +1,2 @@
+Petrus napaneghe barrana ata mangeda 
+\v 14 Lakkaghinnakowe, Petrus nadede dangngadi ah kabullu iya rasul, nakeketa li,ina monno batekkiwe barrada ghidda, " Oh ata-ata Yahudi monno ngarakua ahdangngi ne Yerusalem, ga,ikoge kupaddege gho,u monno mattarage patekkigu. \v 15 Orona, ata-ata ghidda dakabilliraki, zama ghetti yemmi papangaddami orona loddo baru jam pakatoudada,

02/16.txt

@@ -0,0 +1 @@
+\v 16 takka neniawe patekkina ledena Nabi Yoel: \v 17 Monno, netti loddo-loddo kadukkana enga marawinawe, Allah natekkiwe: bane Yauwa enga paburruguni Nau-Gu neponnu ngarra kua ata pi,a. Monno ana-anamu kabni-kabani monno ana-anamu maghinne-maghinne enga tekkiwe ullu GHA,ida , monno ana-ana no,umu ah etawe papaeta, monno ata-ata matto ne barrramu ahkanappanippiwe kanapanippi-kanapanippi.

02/18.txt

@@ -0,0 +1 @@
+\v 18 Lappata, neponnu papawede-papawede-Gu kabani-kabani monno papawede-papawede-Gu maghinne-maghine ne lodddo ghetti, Yauwa enga paburruguni Ngau-Gu monno ghidda ahtekki ullu gha,iwe \v 19 Monno, Yauwa kupaetadawe pakarabba-pakarabbadangnga ne ponnu langita, ne togona, monno tada-tada pakarabba ne ponnu tana, ne kabu, ra,a, monno apu, monno kaghuta mau.

02/20.txt

@@ -0,0 +1 @@
+\v 20 Mataloddo ahghungngani dadi kapattana monno ghulla dadi ra,a, badadukkipowe loddona Mori akaladana monno ammige mai. \v 21 Monno enga marawilawe, ngarra ata akadangngage ngarana Mori ahpatolekaza.

02/22.txt

@@ -0,0 +1 @@
+\v 22 Oh ata Israel, rengngewe nepatekki neghe. Yesus, Ata Nasaret, iya ata papaetada Garrani yemmi payana Allah boghoge barrami ngarra-ngarra pakarabba dangnga, pakarabba a pakarabba dangnga, monno tada-tada, ghetti pabogho baba Allah ne barrami ledena Nia, tudda neti yemmi papadde doumi. \v 23 Yesus nagha, payanada dekuge papa pera patekki mema monno paddena Allah badana dukkipoge, yemmi pamate monno pakadei-Ya lededa limma ata-ata damanoto. \v 24 takka ghinawe, Allah napakedde-Ya , monno napazalla-Za wali karodduka mate orona danadadike barra-Na banorroni pamate dangnga.

02/25.txt

@@ -0,0 +1 @@
+\v 25 Orona, Daut gha,ige paiya loddona bana tekke tubana Yesus , Yauwa kuetaya Mori engage bane,eni nearogu, orona Nia bane,eni tuba kawanogu nekane yauwa kadakku mawiduraki. \v 26 Neka orona netti, ategu namaghehera, monno lammagu makoddo-makoddokawe.Tougu kaina engage bane,ege ne pakaloura dana,

02/27.txt

@@ -0,0 +1 @@
+\v 27 orona gho,u duga,itakkabaki dewagu bane,eni barra tanada ata mate, baka baga,ige tou ata singira-Mu etawe pamadda dangnga. \v 28 Gho,u mutekkibaga barragu lara pamoripa dangnga. Gho,u enga burawiga madita paneghe waige mata-Mu.

02/29.txt

@@ -0,0 +1 @@
+\v 29 Dughu dadi, yauwa kubisa paneghe barramu ba mannuge tubada ama kawedada ghitto, Daud, bania bana mateba monno ataneni, monno odina gha,ipuni manno ole dangngada ghitto dukki loddo neghe. \v 30 Nekaghinna, orona nia gobana ata nabiza monno napadde bana Allah bana tekki ullu gha,ibawe waige aura barrana taguna bapadi,ini iya wali ubbuna Daud ne ponnu padumadi,ina. \v 31 Orona nekke, Daud ahetawe neghe netti ulluna, nia napaneghe tubana bana bana moripa Bali Krittu baghinnabawe: Nia danna gai,i takkakini ne ponnu tanada ata mate, monno tou-Na danna etake pamadda dangnga.

02/32.txt

@@ -0,0 +1 @@
+\v 32 Yesus nania ah Allah makeketa monno yamme ngarakua gobana ah norrona patekki tubana Bettina.\v 33 Neka orona netti, dukkighetti bana ga,ibani limma kawanona Allah monno deibawe patekki ullu gha,i wali barra Ama tubana Ngau Matua, Nia napaburrubani, taguna yemmi paetami lappata parengnge.

02/34.txt

@@ -0,0 +1 @@
+\v 34 Orona, Daud danna penneki surga, takka nia napaneghe, "Mori napaneghe barrana Morigu, 'Madi,i ne bali kawano-Gu, \v 35 dukkiwe yauwa bakurawidi gabba-gabba-Mu ah dadi papbodu gha,i-Mu. " \v 36 Orona ghetti, ga,ikudi ngara kua umma Israel pande nommo ghinna takka bana Allah narawiba-Ni Mori monno Krittu, nia bana Yesus napaka deilobami Yemmi."

02/37.txt

@@ -0,0 +1 @@
+\v 37 dukki ghidda barengnge tora netti, madakurawe ateda ghidda, monno ahtekkiwe barrana Petrus monno ngara rasul ahwaddeka, "dughu dadi, appawe ne enga parawi pungnguma ?" \v 38 Baka, Petrus natekkiwe barrada ghidda, " maghungnami monno parighowe toumi iya monno iya nengaradanana Krittu Yesus taguna baopigudi zala-zalamu, monno yemmi enga yemmi mideiba kanurru Ngau Matua. \v 39 Orona, patekki ullu gha,i neghe tagumuwe, monno ana-anamu, monno taguda ngara kua ata ahmarropo, ahluana ne Mori Allah ghitto enga pakadangngana."

02/40.txt

@@ -0,0 +1,2 @@
+\v 40 Monno, bagha,idi patekki ah waddeka, Petrus takkiwe wali atege monno bana kaddangada barra ghidda, ghinnag, "paluputakowe toumu walibarrada wali murri ahkalego neghe!" \v 41 Ata-ata ahdeiba patekkina Petrus ahparighoyi monno netti loddo netti luada ghidda ahtabozi notoge touda rata ata.
+Pakuana ata-ata awaige \v 42 Ghidda ahkatikkawekkina ne papanunga rasul-rasul monno nebarrana bapakuana, barrana bapata kababa, monno barrana tabaya.

02/43.txt

@@ -0,0 +1 @@
+\v 43 Monno, madauta ammige barra ngara tou, monno mangedana ne apakarabba lappata tada-tada ahmarawi lededa ngara rasul. \v 44 Ngara kua ahwaige pakua dabbana monno ah mangnguna ngara ahgha,ina palolodabba. \v 45 Baka, ghidda ahbattadi pote panorro monno ahgha,idi, baka ahbaghe-baghezi barrada ngara kua ata, gobana pabutuda iya monno iya .

02/46.txt

@@ -0,0 +1 @@
+\v 46 Iyaloddo-iyaloddo, waige paiyana ate ghidda pakua dabbana ne ummana Allah monno ah pata-pata kababa ne umma iya umma. Ghidda ahdeiba panga,a ghidda waige madita monno wali atege, \v 47 engage badeika Allah, monno ghidda ahbeidi ngara ata mangeda. Monno, Iyaloddo-iyaloddo Mori natabozi mangedada ghidda, ghaida ata-ata papatolekada.

02/title.txt

@@ -0,0 +1 @@
+Pascal 2

03/01.txt

@@ -0,0 +1 @@
+\v 1 Iya loddona, Petrus monno Yohanes kako ummana Allah bana dukkiwe rapa tabaya, nekkeni netti rapa pakaiwwada. \v 2 Baka, Iya kabini ahkabeko wali bane,eni ti,adana innana ahgotong. Iyaloddo-iyaloddo ghidda ahbaddala nearo binna ummana Allah ahngarana aro binna manadana taguna bana madengngi nemmi ayodina wali barra ata-ata ahtama nekke ummana Allah. \v 3 Ghetti nia banaetai Petrus monno Yohanes ahbeina tama ummana Allah, nia nedengngiwe ahyodina.

03/04.txt

@@ -0,0 +1 @@
+\v 4 Baka, Petrus, bada Yohanes, ahpayarrani monno atekkike, "etama yamme." \v 5 Ata kalillu nakka napazagage papangaddana barrana Petrus monno Yohanes, monno nakalourage banadeiba nemmi ahwalina barrda ghidda. \v 6 Takka ghinna, Petrus napaneghe, "Yauwa dakku mangngukina Perak baka amma, takka neagha,iga enga yadugo barramu. Barra ngarana Krittu Yesus ata Nazaret ghetti,kedde monno kakoghu!"

03/07.txt

@@ -0,0 +1 @@
+\v 7 Lappata, Petrus nanorrone limmana ata nakkka monno natuluni banadede. Neghetti mema, gha,i monno irru wawi bona paghezzi. \v 8 Waige taloka, nia nadede monno nanungngawe kako. Baka, nia natama ne ummana Allah palolo dangngadi Petrus monno Yohanes, engage banakako, monno taloka-taloka, monno nadeikaza Allah.

03/09.txt

@@ -0,0 +1 @@
+\v 9 Ngara kua ata etaza bana kako monno ahdeikaza Allah, \v 10 monno ghidda ahpaddeni banakka ata niadona ah engana madi,i nearo binna manadana umma Allah taguna bana dengngiwe ahyodina. Ghidda ahponnizi ahmadeika monno ah beige gobana netti ah marawiba barrana.

03/11.txt

@@ -0,0 +1,2 @@
+Petrus napaneghe barrada ata mangeda
+\v 11 Banedi ghetti ata panorro wekkina barrana Petrus monno Yohanes, ngara kua ata ahmalle barrada ghidda ne barrana serambi patekkida serambi Salomo, monno waige bao,oge. \v 12 baka, Neba Petrus banaetawe, nia natekkiwe barrada ata mangeda ghaida, " Oh ata-ata Israel, appako yemmi bikarabbage tag neghe baka appa yemmi bipayarrama yamme yongngo-yongngo waina maborroge baka duatakka yamme kanua, yamme marawibai ata nagha bana kako?

03/13.txt

@@ -0,0 +1 @@
+\v 13 Allah Abraham, monno Isak, monno, Yakub, Allah ama kaweda ghitto ahdeika atapapwede-Na Yesus, na payami monno dappa deibami ne arona Pilatus ghetti nia bana potabawe bana palodani. \v 14 Takka ghinnawe, yemmi dideibake na zingira monno ah ghinna takkana, monno yemmi midengngiza ata pamate ata bapayallaza tagumi,

03/15.txt

@@ -0,0 +1 @@
+\v 15 monno yemmi pamateza ah yawe moripa, na Allah papamoripana wali ngara ata mate. Tubana neghe, yamme gobana apamandurawe. \v 16 Monno dedewaige ate wai ngara-Na, nekke ngara Yesus, napaghezzi ba kabani nati yemmi paetami monno papaddemi bagha. Monno, ate wai ahmai ledena Nia nayabami dua wekki ah bonnuna barrana kabani nagha ne aromi yemmi ngara kuana.

03/17.txt

@@ -0,0 +1 @@
+\v 17 Nebaghina, dughu dadigu, yauwa kupandege mi aedouge barrana dappa pandemi tudda kaiwe parawida ngara katowami. \v 18 Takka ghinawe, ne Allah petekkina bada dukkipo nede ngadada ngara nabi bana Krittu enga karoddukana, na Nia ponnubawe.

03/19.txt

@@ -0,0 +1 @@
+\v 19 Neka orona ghetti, ngaukimi monno kaballekakumi ga,inagu zala-zalami maopizi,\v 20 ga,inagu dukkiwe bana kaloga ammige wali  baha,ini Mori, monno ga,i Nia bana patukani Krittu napatekki tagumi, nakniadona Yesus,

03/21.txt

@@ -0,0 +1 @@
+\v 21 Ne enga padibana surga dukkige rapa banazaga dua ngara kua gha,ina tudda nepababa Allah patekkina lededa ngara nabi-Na ah Zingira bawa rapa ghettipona. \v 22 Musa natekkiwe , ' Mori Allahmu enga pamoripane tagumi nemmi iya nabi tudda yauwa wali tillu dughu dadimu doumi. Yemmi enga rengngeme ngara kuana ne patekkina nia barrami. \v 23 Monno enga marawinawe, ngarra dewa, ah darengngezi nabi ghetti enga pabuttadadi wali ngara bangsa.

03/24.txt

@@ -0,0 +1 @@
+\v 24 Monno, ngarrakua nabi ahgobana panegheba, walige barrana Samuel monno ghidda babania ah tekkikawe loddo-loddo neghe. \v 25 Yemmi ubbudami wali ngara nabi monno wali patekki ullu gha,i ne gobana Allah parawina barra ama kawedami, bana tekkiwe barrana Abraham, 'Lededa winnimu, ngara kua wali murri neponnu tana engana bapayadi paperluda .' \v 26 Allah, langana papamoripa atapapawede-Na paghiddi-Ni barrami reipa ullu  tagu pamaringngimi monno narawidi ngara ata wali barrami akaballeka wali barrada ahbokala."

03/title.txt

@@ -0,0 +1 @@
+Pasal 3

04/01.txt

@@ -0,0 +1,2 @@
+Rasul- monno makamah pawaida Yahudi
+\v 1 Meba nedi Petrus monno Yohanes paneghe barrada ata mangeda, ammidi barrada ghidda ngara imam, barrada ahdagawe ummana Allah, monno ata-ata saduki, \v 2 monno wali atege bani orona ghidda ahpanungngadi ata mangeda monno padukkige ne barra Yesus gha,ge moripabali wali barra ata mate. \v 3 Baka, ghidda ahghappai Petrus monno Yohanes Monno ahpatamadi gollu dana dukkiwe koka kapugeddena orana loddo nageddebage. \v 4 Takka ghinawe, mangedana wali ghidda ah rengngebawe patekkida para rasul ah waibage, monno mangedada kabani ne barrada ghidda ah dukkika baka limma rata ata.

04/05.txt

@@ -0,0 +1 @@
+\v 5 Dukkige koko bana loddo na, ngara katowadi pama-paama, monno pande-pandege taurat ghinna pakua dabbana ne Yerusalem , \v 6 palolodngngani imam kalada Hanas, monno Kayafas, Yohanes, Aleksander, monno ngara kua ata wali dughu imam Kalada. \v 7 Ne ghidda apadou na Petrus monno Yohanes ne tilu-tiluda ghidda amatua. "Waina kuasa appa atau waina ngara appa ghou burawige nghe?

04/08.txt

@@ -0,0 +1 @@
+\v 8 Lalu, Petrus, ahponnuza Ngau Matua, natekkiwe barrada ghidda, " Ngara ahkatowadi ngara ata monno pama-paama, \v 9 neka neyemmi aparetami loddo neghe orana parawe ah dua papalangngana? \v 10 Ga,ikoge neghe kipaddege yemmi ngara kua monno ngara kua ata Israel baka orona ngara Krittu Yesus, ata Nazaret, nati yemmi pakadeilomi, papa moripabana Allah wali barrada ata mate, ata nagha nadede aromu nebadana da,iki appana.

04/11.txt

@@ -0,0 +1 @@
+\v 11 Yesus nagha niadona: ' watu patullarami yemmi, ahpahilli-paghillina umma, ah dadi watu uppubana \v 12 Monno, da,iki patolekadangnga nelakka barra barrakonawe ekanawe orona bada,iki ngara waddeka ne kabu langita payada ne barra ata pi,a ah orona ngara ghitto bisa bapatolekai.

04/13.txt

@@ -0,0 +1 @@
+\v 13 Neghidda baetawe bana bottu Petrus monno Yohanes monno mangertige baghidda niaduzi ata-ata dapapa nungngakidadi monno awam, ghidda ahmauna karabbage monno ammige bapaddege bah ghidda dohda bapa lolodangngabani Yesus\v 14 Monno, baetabaya ata papalangngada nakka nadede ne barrada Petrus monno Yohanes, ghidda danna jadike bagabbage.

04/15.txt

@@ -0,0 +1 @@
+\v 15 Takka ghinawe, neba ghidda baparetazi Petrus monno Yohanes ga,inagu  kaga,ige Sanhedrin, ghidda apaperage iya monno waddeka, \v 16 monno natekkiwe, " Appakowe ghukkuna parawida barrada ghidda ata dohda? orona, iya tada pakarabba dangnga ah mangadi langngu takka namarawiba lededa ghidda monno namarawi takkabawe barra ngara kua ata ah dangnga ne Yerusalem, monno ghitto datta jadiki batapakaige. \v 17 Takka ghinawe, ga,inage neghe ghinnana kadana mawezarakawe ne barrada ata-ata, maida kata pagaggutai ghidda ga,inagu ghidda kada paneghe dommokana lakka barra garrako tubana ngara netti. " \v 18 Dukkidommowe, ghidda akadangngadi Petrus monno Yohanes, monno aparetazi ghidda dohda ga,ika dapaneghekana baka apanungngage lakka appapungnguko barra ngarana Yesus.

04/19.txt

@@ -0,0 +1 @@
+\v 19 Takka ghinawe, Petrus monno Yohanes awalewe monno ah tekkiwe barrada ghidda, " Potawe, ngara ahginna takkana nepapa etana Allah, taguna barengngemi yemmi zeipa wali barrana Allah? \v 20 Orona, yamme damma bisaki dukka kiakidonawe batekkiwe ngara neghe gobana paetabama monno parengnge."

04/21.txt

@@ -0,0 +1 @@
+\v 21 Neka, neba ghidda engadi bapagaggutai Petrus monno Yohanes, ghidda ah ga,idi ngara rasul-rasul bakako, dukkiwe bada tobbokaki lara taguna bahukumdi ah dohda orona ata mangeda ah deika Allah baappabawe amarawi. \v 22 Orona, ata ne barranawe tada palangngadangnga netti bapaetage, naumur waibana zeipa wali pataka bullu douna.

04/23.txt

@@ -0,0 +1 @@
+\v 23 Dukkiwe bapazallazi, Petrus monno Yohanes kako barrada ole-oleda kanua monno ahtekkiwe ngara kuana hetti patekkida ngara imam katowage monno pama-paama barrada ghidda. \v 24 Monno, dukkiwe ghitti ole-oleda ghaida barengngewe, ghidda ah keketa li,ida ghidda barrana Allah monno paiyana ate monno tekkiwe, " Oh Mori, gho,udona ahrawige langita,ponnu tana, bonnu, monno ngara inawe, \v 25 ah paneghe ledena Ngau Matua, ledena ngadana ata papawede-Mu, Daud, ama kawedama yamme: ' Appawe nusza-nusza waddeka ahkawizzaka, monno ata-ata ahpatetige ah dagunana?

04/26.txt

@@ -0,0 +1 @@
+\v 26 Tokko-tokko ponnu tana ahmaga-magawekkibana, monno ngarra ahtorroge ah pakua dabbana, gabbani Mori monno gabbadi Pakanurru-Na

04/27.txt

@@ -0,0 +1 @@
+\v 27 Orona, ah ghinna takkana ne rame dana neghe ah pakua dabbabana taguna bagabbani Yesus, ata papawede-Mu  ah zingira, na Gho,u pakanurrumu, baka Herodes monno Pontius Pilatus, monno ole dangngadi nusza-nusza waddeka, monno ata-ata Israel, \v 28 taguna barawige ngarra gha,ina naorona limma-Mu monno pakabbu-Mu ahtekkimema bawe ulluna taguna banamarawiwe.

04/29.txt

@@ -0,0 +1 @@
+\v 29 Monno Nebaghina, Mori, itakuzi papagagguta-papagaggutada ghidda monno pakunurrukizi atapapawede-atapapwede-Mu ghidda taguna bapa dukkige Li,i-Mu monno ngarakua babrani, \v 30 Nebane,egu Gho,u ahpaburru limma-Mu taguna palangnga dangnga monno tada-tada lappata ah mangadi-mangadi ahmariwi tora ngarana ata papawede-Mu ah zingira, Yesus." \v 31 Monno, ghidda ngarra kuana ahponnuzi monno Ngau Matua, lappata engana batekkiwe li,ina Allah monno damadautaki.

04/32.txt

@@ -0,0 +1 @@
+\v 32 Monno, pakuada ghidda ah waige paizana ate monno dewa. Da,iki iya ata ah paneghe bahdouna panorrona bah doukanuanadi, takka ghinawe ngarrakua gha,ina dou dabbadodadi ghidda ngarra kuana. \v 33 Baka, waige dedi dakka akaladana ngarra rasul ah yadi patekki paneghe ghidda tubana bana moripa Bali Yesus Krittu monno kanurru akaladana gha,ige barrada ghidda ngarra kuana .

04/34.txt

@@ -0,0 +1 @@
+\v 34 Da,iki lakka iyako ata ah damangnguna netillumi yemmi orona ngarra kua ata ah mangnguna oma baka umma, ahbattadi, monno ahghinndi wellida pabattada, \v 35 baka baddalaza ne gha,i detada ngarra rasul, monno ahya-yazi barrada ngarra ghidda ata tutu pabutuda.

04/36.txt

@@ -0,0 +1 @@
+\v 36 Ghinna kaido Yusuf, ata Lewi, ubbuna Siprus, ghitti pakadangngana kaida ngarra rasul ,Barnabas, ah ghinnana' lakawa pamadita dangnga,' \v 37 battage omo douda monno ghindi ritina, baka baddalazi ne gha,i  detada ngarra rasul.

04/title.txt

@@ -0,0 +1 @@
+Pasal 4

05/01.txt

@@ -0,0 +1,2 @@
+Ananias monno Safira ahnungngaza Ngau Mori
+\v 1 Takka ghinawe, gha,ini iya kabani ngarana Ananias, monno oleni maghinnena, Safira, ah battadi ahgha,ini douna.\v 2 Monno, bana paddege maghinnena, Ananias napattuzi waddeka wellina bana battage tagu tou douna, monno niakido bana ghiddizi paraduana, bakana baddalai ne aro gha,ida ngarra rasul.

05/03.txt

@@ -0,0 +1 @@
+\v 3 Takka ghinawe, Petrus natekkewe, "Ananias, appana kaballika bana ponnugo atemu neka ne gho,u buboto barrana Ngau Matua monno bupattuzi paraduana wellina babattage tana nekke? ghetti \v 4 bada battapoge,nekke netana bada doukimowe? Monno, babattabage, inda engakia nekke tana bunorroge? Appawe bupangaddage neah ghinnana ate danamu? gho,u dubotoki barra ata pi,a, takka barrana Allah." \v 5 Baka, nebu rengngewe patekki nekke, Ananias warraka monno napakakowe ngauna dukka gha,ina. \v 6 Pirra ata bo,u ammidi, apakaloburani, monno ahkawa,aza gounga, monno ataneni.

05/07.txt

@@ -0,0 +1 @@
+\v 7 Bakadommo, ne rapa notoge touda jamna, maghinnena Ananias ammini, takka nia danna paddekige appawe amarawi. \v 8 Monno, Petrus natekkiwe barrana, "tekkigawe barragu, appa neyemmi bibattage tana nekke wellina gaiwe neghe? Monno Safira natekkiwe, " o,o,. gaiwe kadana netti."

05/09.txt

@@ -0,0 +1 @@
+\v 9  Bakadommo Petrus natekkiwe barrana, " appakowe gho,u monno la,emu bighoro dabbage taguna binungnga Ngau Mori? Etawe, oro-oro gha,i ata ahtane baguni la,emu gha,ipudi nearo binna monno ghidda kaina ahkawa,agu louya gounga. \v 10 Katattaka ghinde, Safira golena barra gha,ina Petrus monno napa louzage ngau kadukkana. Neba ata-ata no,u batama, ghidda ah eta Safira namateba, monno ghidda kawa,aza gounga monno ataneni ne tidina la,ena\v 11 Neka,dadiwe madauta akaladana ne barrada ngarra kua ata ahwaige monno ata ah rengngewe ne neghe

05/12.txt

@@ -0,0 +1,2 @@
+Tada-tada ah mangadi wali barra Allah 
+\v 12 Luana tada ahmanadina monno pakarabba dangga ahmarawi ne barrada ata mangeda lededa libbada ngarra rasul monno ghidda ngarrakua paiyana ate ne,edi ne serambina Salomo. \v 13 Da,iki wali barra waddeka ah nungnga wekkina bapaiya dangngadi ghidda, takka ata-ata ah ghudalla takkai ghidda.

05/14.txt

@@ -0,0 +1 @@
+\v 14 Monno, gha,idi ahmatabo luana ata ahwaige barrana Mori, luana mangedana, ghaikudi kabani monno maghinne. \v 15 Orona ghetti, hidda lappata basodordi ata-ata karodduka ne barra lara-lara monno apabeika ghidda neponnu tandu monno kasur jerami ga'nagu Petrus baammini, engana na ninnona enga hannai ah pirra wali ghidda. \v 16 Monno, ah mangedadi ata wali kota-kota ne barrana Yerusalem ammidi apalolo, ahghindizi ata-ata karodduka monno ghidda patamada ngau-ngau bokala. ghidda ngarra kuana ah palangngadi.

05/17.txt

@@ -0,0 +1,2 @@
+Ngarra Rasul Ahghappai
+\v 17 Takka ghinawe, ngarra imam besal ahkedde, manno oledi ngarra ahdekudi, ghidda ghaida ahwalina Saduki, monno ghinna ahponnuzi  kagoula ngau.\v 18 Ghidda ahghappazi ngarra rasul monno ahpatamadi negollu dana tagu ata mangeda.

05/19.txt

@@ -0,0 +1 @@
+\v 19 Takka ghinnakowe, netti bana geddege, iya malaikat Mori naghukkei binna-binna golludana, nakododi ghidda louza, monno napaneghe, \v 20 Kako, dede, monno tekidawe barrada ata-ata ne ummana Allah ngarra kuana li,ina tubana moripa neghe." \v 21 Monno, neba ghidda babarengngewe, netti rapa manyarri mewa, ghidda ahtama ne ummana Allah monno ah pakere panungngana. Dukkiwe imma kalada monno ata-ata ahmangngu oledi dukki, ghidda ahpakuadi Sanhedrin monno ngarra kua majelis pama-paama Israel, baka tuka ata negollu dana ga,ika ghiddizi rasul-rasul hetti baarodi ghidda.

05/22.txt

@@ -0,0 +1 @@
+\v 22 Takka, ghitti ata-ata papatuka ghetti badukki, ghidda daetakizi ah dohda rasul ghetti ne gollu dana . Bakaghinna, ghidda ah bali monno ah yawe li,i, \v 23 monno tekkiwe, "Yamme madukkige ne gollu napakiziwe monno ngarrakua ahmadanga monno ngarra ahmadaga dede ne aro binna,takka dukkiwe neyamme bama bukkewe, yamme dama zobbroraki iya ata nedhana.

05/24.txt

@@ -0,0 +1 @@
+\v 24 Monno, dukkiwe ah katowage ne gollu ummana Allah monno ngarra imam katowage ahrengngwe patekekki nekke, ghidda ahkabillira takka monno ngarra rasul ghaida monno ah matua-matua peipatanawe ne ghinnana bana marawiwe. \v 25 Bakadommo, iya ata ammini monno ahtekkida ghidda, "Etawe! ata-ata ghetti yemmi papatamami negollu dana ne,ede dede ne ummana Allah monno apanungadi ata mangeda.

05/26.txt

@@ -0,0 +1 @@
+\v 26 Baka, ah katowage gollu ummana Allah monno oledi ahdagazi kako monno ahghindizi rasul-rasul ghetti, takka dawaikidi bani orona ghidda madautage bakabenai watu ngarra ata mangeda. \v 27 Banedi ghidda baghindiza Petrus monno Yohanes, ghidda apaaroni barrana Sanhedrin. Baka, Imam kalada natuai ghidda, \v 28 Ghinnage, "Yamme maeribami waige bapakattoge gaikada panungnga dommokana ne barrana ngara ghetti, takka yemmi nebami ponnuwe Yerusalem waige neti papanungngamu monno yemmi bikabbuge tora patuguda ra,a Ata nagha barrama yamme."

05/29.txt

@@ -0,0 +1 @@
+\v 29 Takka, Petrus monno ngarra rasul awalewe, "Yamme engage yeipa padekuni Allah buddi ata pi,a. \v 30 Allah ama kawedada ghitto napa moripabaya Yesus, na yemmi papamatebami waige biteru-Ni ne ghayu pakadeilo deta. \v 31 Allah nakeketa Nia ne lemma kawano deta-Na nadadi ah katowage monno lede togola taga bayadi bangau taguda Israel monno baopizi ngarra zala-zala. \v 32 Monno, yamme dona gobana ahpalarage ahmarawi  wali ngarra kuana neghe, monno ghinna kaidona Ngau Matua, ghetti payabana Allah barrada ata-ata ahrema-Ni.

05/33.txt

@@ -0,0 +1 @@
+\v 33 Neba neghidda barengngewe ngarra hetti, ateda ghidda namadakura monno baeige bapa matezi ngarra rasul haida. \v 34 Takka ghinawe, iya ata dapagai paddege ngarana Gamaliel, iya ata ahpanungngana Taurat papawellida ngarra kua ata, ahdede nearona Sanhedrin monno patukadi gaina ngarra rasul ghaida ahghidizi gounga yodikido.

05/35.txt

@@ -0,0 +1 @@
+\v 35 Baka, nia natekkiwe barrada ghidda, "Oh ata-ata Israel, paghata dabbakoge appawe ne parawi yemmi barrada ata-ata ghidda. \v 36 Orona, ga,ige ghetti rapa Malawi, Teudas nakedde, natekkiwe touna gobana ata papaulluza monno baradda patangaou ata apaiyya dangngani. Takka ghinawe, nia apamate monno ngarra kua ahdekuni ahpegha-mabegha, dukkiwe bada,i patobbobaki. \v 37 Baba Teudas, Yudas wali Galilea nakedde, netti loddo-loddo sensus monno natongngu mangedana ata taguna badekuni. Nia kaina ahpamateza monno ngarra kua ata ahdekuni ahpegha-mabegha.

05/38.txt

@@ -0,0 +1 @@
+\v 38  Orona ghetti,barrana nemarawi neghe, yauwa kupanungngami yemmi: Marrodi ata-ata ghidda monno ga,ikudi ghidda. Orona, neka ne pakabbu monno parawi neghe Salina barra ata pi'a, ngarra nekke danna bonnukige. \v 39 Takka, neka nepakabbu neghe walina barrana Allah, gho,u dallu ammibage butarra bapangauwe. Baka dommo, gho,u notoge bakolegu nego gabbai Allah."

05/40.txt

@@ -0,0 +1 @@
+\v 40 Ghidda ahdekuge papanungngana Gamaliel. Baka dommo, baba bakadangngadi ah dohda rasul ghetti, ghidda ahpalu ngarrakuazi ahdohda monno bakazi ngarra rasul bapaneghe barra ngarana Yesus, baka apazallazi. \v 41 Orona ghetti, rasul-rasul ghetti kako wali arona Sanhedrin waige madita orona ghidda ahpagaidi ahtuba bakarodduka batekkizi orona ngara-Na. \v 42 Monno, iyaloddo-iyaloddo, ne ummana Allah monno wali iyaumma- iyaumma, ghidda dangau pungnguki panungngana monno padukkige li,i-Na bana Yesus niadona Krittu.

05/title.txt

@@ -0,0 +1 @@
+Pasal 5

06/01.txt

@@ -0,0 +1,2 @@
+Pittu ata papededa taguna padukkige li,i tittoda
+\v 1 Hetti loddo-loddo netti, nemangedada ahrengngewe ahmatabo, iyage madengngi oudawe wali ata-ata Helen is barrada ata-ata Ibrani takka oroda maghinne walu-maghinne waluda ghidda daangnga dangngakidi barrana bapaghatadi panga,a iyaloddo-iyaloddo.

06/02.txt

@@ -0,0 +1 @@
+\v 2 Neka, kabullu dohda rasul ghaida kadangnga ngarra kuadi ah rengngewe monno ahtekkiwe, "Danna duakiwe barrama yamme badappa angnga dangngakuge li,ina Mori taguna bapadolana meja. \v 3 Orona ghetti, dughu-dadi, pedeko pittu ata wali barrami yemmi ah ghinna takkana dua, bonnuna Ngau Matua monno mangeilo, nepa keketama taguna nepareta neghe.\v 4 Baka ghidda, yamme enganiage katukku wekkina batabaya monno barrana bapa dukkige li,ina.

06/05.txt

@@ -0,0 +1 @@
+\v 5 Patekki nekke ahpakadada ateda ngarra kua ata. Monno, ghidda ahpedeza Stefanus, ata ah bonnuna ate wai monno Ngau Matua, Lappata Filipus, Prokhorus, Timon, Parmenas, monno Nikolaus iya ata proselit wali Anthiokia. \v 6 Ghidda neghe ahghindizi aroda ngarra rasul, monno baba patabaya, ngarra rasul ahbotidi limma ghidda barra pittu ata ghaida.

06/07.txt

@@ -0,0 +1 @@
+\v 7 Li,ina Allah engage banamawezarawe, monno mangeda ahrengngewe ne Yerusalem engage bamatabo. Lappata, iya pabodo kaladada imam ah dukku badekudi ghaida imam ghetti.

06/08.txt

@@ -0,0 +1,2 @@
+Baghappaza Stefanus 
+\v 8 Monno, Stefanus, bonnuna kanurru monno nanorge, narabibage netti pakarabba dangnga monno tada-tada ah mangadi ne barrada ata mangeda. \v 9 Takka, pirra ata wali sinagoge patekkida ata-ata Libertini, walina ata-ata Kirene lappata ata-ata Aleksandria, monno pirra wali Kilikia monno Asia, kedde monno padekena monno Stefanus.

06/10.txt

@@ -0,0 +1 @@
+\v 10 Takka ghinawe, ghidda ghetti danna bisake bagabbage nemagottu monno Ngau  ay el-Ni Stefanus paneghe-paneghe. \v 11 Baka, monno kanagha-kanagha ghidda bahaidorai pirra ata ga,ika paneghe, "Yamme marengngebaza ata nagha bana tekkiwe paneghe-paneghe natibbolai barrada Musa monno Allah!"

06/12.txt

@@ -0,0 +1,2 @@
+\v 12 Monno, ghidda ahtullaradi ata mangeda, paama-paama, monno ahpande-pandege Taurat, baka ahbarrani Stefanus baghappaza, baka ghindiza arona Sanhedrin.
+\v 13 ghidda apaarodi ah etawe marawi daghinnana, natekkiwe, "Ata nagha danna ngau du,aki bana tekkiwe paneghe-paneghe ah gabbage padou ah zingira monno hukum Taurat. \v 14 Orona, yamma marengngeba nia bana tekkiwe banati Yesus wali Nazaret engana pamubbukawe padou neghe monno naghungage ne parawi ahdamma papaburruda Musa barrada ghitto. \v 15 Monno, bana payarrana matai Stefanus, ngarra kua ata ahmadi,i ne Sanhedrin etanawe matana yongngu mata malaikatwe.

06/title.txt

@@ -0,0 +1 @@
+Pasal 6

07/01.txt

@@ -0,0 +1,2 @@
+Naolewekkina Stefanus
+\v 1 Monno ghetti, Imam kalada napaneghe, "Appaka ghinna takkawe?" \v 2 Monno, Stefanus natekkiwe, dughu dadi monno paama-paama, rengngega yauwa. Allah ahmaege napaetawekkina barrada ama kawedada ghitto Abraham, hetti nia baengapuni ne Mesopotamia, badana dukkipo nia bana dangngi ne Haran, \v 3 monno, natekkiwe barrana, 'kakoghu wali barra tanamu monno walli barra dughu dadimu,baka ammigu ne tanah paghukkuna paboghogu barramu.

07/04.txt

@@ -0,0 +1 @@
+\v 4 Baka, Abraham naga'ige tanahda ata Kasdim monno dangngi ne Haran. Monno wali ne'e, langngana pamateba amana, Allah natukaza dikki ne tanah neghe, podou nebaghinna padoumu gho'u.\v 5 Takka, Allh danna yakini papaburruda barrana, lakka yodipungngukoge tanah indaki, takkana tekki ulluwe taguna banayani barrana Abraham gobana douna monno ubbuda lirana nia, lakka ghinnakopo Abraham bada'ikipo anana.

07/06.txt

@@ -0,0 +1 @@
+\v 6 Takka ghinnawe, Allah napaneghe ghinnage, banemmi ubbuna ahdadi ata maizi ne tanah dappa kali kako monno neba ghidda enga ata papawededadi lappata bapakaroddukazi ne ah patakangau douna. \v 7 'Takka, Yauwa enga hukumgudi ata ah ata papawededi ghidda,' patekkina Allah, 'Monno, bawe ghetti ghidda enga louzada wali nekke monno ahtabaya barra-Gu ne padou neghe. \v 8 Baka, Alllah nayani barrana Abraham patekki ullu gha'i sunat, neka Abrahan dadi amanai Isak monno nasunata ghitti bapoddo loddona, monno isak nadadi amanai Yakub monno Yakub, kabullu dohda ama kaweda.

07/09.txt

@@ -0,0 +1 @@
+\v 9 Orona kagoula ngau barrana Yusuf, amakawedadi ghitto ahbattani ne Mesir. Takka ghinnamo, Allah natotoka raddaza Yusuf, \v 10 monno napalouzani wali barrakua karodduka, lappata nayani kanurru monno papadde dangnga ne arona Firaun, Tokko Mesir ah rawini bana dadi ahkatowage ne Mesir monno ngarra kua istrana.

07/11.txt

@@ -0,0 +1 @@
+\v 11 gha'ige ahpaiyana, nadadiwe kareba ne barra Mesir monno Kanaan, lappata nadadiwe karodduka ah kalada langngu takkana, monno ama kaweda ghitto danna bisakiwe bakolena panga'a.\v 12 Takka ghinnawe, nebana rengngewe Yakup bagha'idi gandum ne Mesir, nia natukazi amakawedada ghitto ammidi ne'e taguna baghuddi niawe.\v 13 dukkiwe kako pi'a pakadohdana, Yususf narawige touna bapaddeni ngarra dughu dadina, monno dughu Yususf nadi tazzara torana Firaun.

07/14.txt

@@ -0,0 +1 @@
+\v 14 Bawa ghetti, Yesuf monno napaghiddina patekki monno naboghoni Yakub, amana, monno ngarrakua dugunana, ngarra kuana luada pittukabullu iwwaza ata. \v 15 Baka, Yakub burru ne Mesir monno nia namate ne'ena, nia monno ama kawedada ghitto. \v 16 Wali ne'ewe, ghidda apadikkidi ne Sikhem monno apabeikai neodidana nati pagho'i bana Abraham noto pirrako riti wali ana-anai Hemor ne Sikhem.

07/17.txt

@@ -0,0 +1 @@
+\v 17 Takka ghinawe, ghetti bana tukkewe rapa papakira ghetti, ne gobana patekkibana Allah barrana Abraham, ata ghaida amatabo monno pabika pakadeddekadi ne Mesir, \v 18 dukkiwe bagha'i tokko waddeka kedde taguna ngarra kua Mesir, ahdapaddege tubana Yusuf. \v 19 Tokko nakka naghago waidi atada ghitto monno nabokala dangngadi ama kawedada ghitto neka napadakkadi ghidda kapettidi lakawaki'i-lakawaki'ida ghidda neka ne ghidda danna bisakiwe bapattu wekkina moripa.

07/20.txt

@@ -0,0 +1 @@
+\v 20 Netti rapa ghettina, Musa nadadi monno nia kabolatakka ne barra matana Allah. Monno, Musa akalaghara ne ummana amana ne touda ghullana. \v 21 Monno, ghetti nia bakapettibani, ana maghinnena Firaun nadekeza monno napa mattoza samawe baana dounani.

07/22.txt

@@ -0,0 +1 @@
+\v 22 Neka, Musa ahpanungnganawe parawina. \v 23 Takka, dukkiwe Musa bana dukkina patakabullu douna, oudawe atedanana taguna bana totoka dughu dadina, yokighaida ubbuda Israel. \v 24 Monno, bana etaza iya wali ghidda banapagaidi danna lurutaki oroda ata Mesir, Musa ammini ah oleni ata pabokala dangngada nakka  monno taudelu waige bana pamateza ata nakka. \v 25 Musa napangaddage bah ghidda dughu dadina enga pandedoda bana Allah bana yadi ghidda patoleka dangngada ledege touna, takka ghidda dapaddekige.

07/26.txt

@@ -0,0 +1 @@
+\v 26 Ne loddo nemmi, Musa namai barada ata Israel apa tauna, monno nia nanungnga banna padame di ghidda, monno natekkiwe, Hoi, indaniadowe ne yemmi yangngo bi paraa ledekona? Baka paka rodduka wekki ana ate?'0 \v 27 Takka, naata paka rodduka ole dadina nagha napa erukia Musa  ne tidina monno natekkiwe, ' garra apatukagu akatowage monno hakim barrana zamme? \v 28 Appawe ne yemmi bi beige pamatega a ghinnana yemmi bi beige bipamate  ata Mesir ghetti manna?'

07/29.txt

@@ -0,0 +1 @@
+\v 29 Parengnge patekina nagha at a ngha, Musa nakedu monno dadi ata mai ne tana Midian. nee, nia na dadi paama wali doda ana kabani. \v 30 Langngana pabaa nabonnuge pata kabullu dou, na malaikat nabogho wekkina barrai Musa ne maradda dana gunung sinai, monno lamma api nee tara dana.

07/31.txt

@@ -0,0 +1 @@
+\v 31 Neba nee Musa bana etaza, nia Baka rabba paetana neghe. Monno, ghetti nia bana tukke bana pazarrage, namaiwe ne liina Mori, \v 32 Zauwa dona Mori ama kawedamu, Allah Abraham, monno Allah Ishak, monno Allah Yakub. ' Musa na katataka madauta monno danna baraniki Hanna pazarrage.

07/33.txt

@@ -0,0 +1 @@
+\v 33 Kamurrina Mori natekina barrana, ' pazallai ghidda kappe ghai ghidda wali ghai detamu orona geniage nepadou paledumu tana suciwe. Zhauwa ghinna takka ponnuna \v 34 kuetawe karoddukada umat-Gu a chains new Mesir monno rengnge bazi kadangngada ghidda. Monno, Zhauwa kuburru ba tagunawe baku tuluzi ghidda. Monno neba ghinna maida, Zhauwa kupatukagu ne Mesir.

07/35.txt

@@ -0,0 +1 @@
+\v 35 Musa, nepa babada ghidda atolaka monno patekki, ' garra apa dadi ata katowage monno hakim barrama zamme? Nia dona ata na Allah papa tukana tagu, dua akatowage monno apa tulu, ledena limmana malaikat abogho wekkina nee barra tara.\v 36 Nagha ata aka towadi ghidda alouza, olege naboghoge paka rabba dangnga monno tada-tada ajaib nee tana Mesir, monno new bonnuo Rarana, monno new maradda dana madoina pata kabullu douna. \v 37 Musa niadona tekkiwe barra bangsa Israel , 'Allah nakeketa tagumu ata nabi a ghinnana Zhauwa wali tillu barrada ole dadi-ole dadimu.

07/38.txt

@@ -0,0 +1 @@
+\v 38 Nia nagha niadona ata ahgha'ina netillu ata awaige li'i netillu maradda dana monno oleni malaikat apaneghe barrana ne gunung Sinai, monno oledi ama kawedada ghitto, monno nia nadeibaba li'i ahmoripa taguna bayadadi barrada ghitto. \v 39 Ama kawedada ghitto dadeibake bah enga waidai Musa, takka ahweitake monno beige bali ne Mesir neate danada ghidda,  \v 40 monno bana tekkiwe barra Harun, 'Rawima yamme dewa-dewa ah kako ne aroma yamme orona Musa nagha, ah katowama yamme louza wali tanah Mesir, yamme damma paddekige appawe ah gobana mariwi barrana.'

07/41.txt

@@ -0,0 +1 @@
+\v 41 Netti rapa hetti, ghidda ahrawina kayalatou ana bebe, monno ahyani maraka barrana marapu nakka, monno pakallaka payaghau monno papaghilli-papaghilli limmana ghidda. \v 42 Takka ghinawe, Allah danna angnga dangngakidi ghidda monno naga'idi ghidda bakaghodo kataba barrana bala tentara langita, ghinnawe netti amatulisa barrana buku ngarra nabi, 'appane yemmi bighindiga barra-Gu ranga padoro monno maraka ne ahpata kabullu douna netillu maradda dana, oh ata Israel?

07/43.txt

@@ -0,0 +1 @@
+\v 43 Gho'u mughindiwe padou kabubbu Molokh monno madubbu dewamu, Refan, kazalatou papaduami taguna bikaghodoni, monno yauwa enga kapittigumi debalina Babel.