Tue Feb 13 2024 18:16:57 GMT+0700 (Western Indonesia Time)

01/01.txt

@@ -0,0 +1 @@
+\v 1 Buta be atage  kabaige tolhawe wu hatolha tutu kadadibe ta jongada yitta, \v 2 katujana ha tolha hadikki beda tabarada yitta rada ata ta puge ka eta waige mata  mono hadikki ge Lina. \v 3 Oro nauwa ug hakola beyi tangadi waige hamataradi wali puge, nyi bataudage nauwa ug tolha dummowe kaha nujjina tubami, ta  Teofilus kamanada, \v 4 dajalage yau kamau tadawe katena tutu hada paha nua bewu tabaramu.  TAKKIWE TUTUI YOHANES PEMBAPTIS

01/05.txt

@@ -0,0 +1 @@
+\v 5 Ta kabu kah rehanai Herodes, Raja Yudea, dani wu rato ka ngaranai Zakaria kawali ta kalibbo rato Abia. Ole ummana walina ta ana huhu Harun, mono ngaranai Elisabet. \v 6 Zakharia monoi Elisabet yidda ata katenai ta matanai Allah. Yidda morha wale da otorakma dokudi tangadi ukku mono parehanai Mori. \v 7 Ta nyiduwe, yidda wale lakma anada oroi Elisabet woto mono kadudana da katubena.

01/08.txt

@@ -0,0 +1 @@
+\v 8 Kole dikiwe rahige kalibona bada rayige, Zakharia nyi ha yanna hakakowe dadi ratona ta aronai Allah. \v 9 Dokuge ka damma ba ratoyi, Zakharia nayanna kole ha mowala we tutu tama ta Ummanai Allah mono tunnu maraka. \v 10 Ba kole ha tunuyi ukupan manuta tangana ana huhu da sembayangna ta bali haddu.

01/11.txt

@@ -0,0 +1 @@
+\v 11 Kadadaka ngidiwe malaikatnai Mori naha dedala wikkina tabarai Zakharia mono na dede tabbara kawana natara ukupan. \v 12 Kole etayi malaikata nadda, Zakharia na ka yikkawe ngihina mono hadda madautayi. \v 13 Ta nyiduwe, malaikat nada linage tabarana, "I;am madautawu, Zakharia, oro sembayang marainomu range bewe. Ole ummamu, Elisabet, enga hadadi nani wuyo lakawa kabani tubamu mono yau um hangara dahoni Yihanes.

01/14.txt

@@ -0,0 +1 @@
+\v 14 yau enga lagaharamu mono egewe atemu, mono buta jala ata ka lagahara dangagu oro dadina. \v 15 Nyi nadadi madakka ta araonai Mori mono walena enukma anggur waleka enu weyo halango danga wadeka. Lphhp, wali ta ti inyana nyi enga na panuyi Waddi Katenguna.

01/16.txt

@@ -0,0 +1 @@
+\v 16 Nyi enga narayige butai ata Israel kahagga tabarai Mori, Allah yidda. \v 17 Nyi na kako ulluni larai Mori waini waddi mono kawaha Elia, ' kapa hadayi ate ha ama hagga tabara anada yidda'. Nyi dummo enga rayi nadi ata aika ka manuddu hagga ta angta ata katena. Waige katauna, nyi naha inyakayi ana huhu paha inyaka tubanai Mori."

01/18.txt

@@ -0,0 +1 @@
+\v 18 Zakharia liange ta malaikat nadda, "Aga lina dawe bagu tadawe tutu hada inna? Oro, nauwa inna ug katubena mono ole ummagu kawedabe." \v 19 Malaikat nadda balehawe, "Nauwa  gabrielwa, malaikat kadede ta aronai Allah. Nauwa paha lewawa hanewe dangagu yau mono hadikki guge li ege ate inna tabaramu. \v 20 Tabolo. batauge rangwela! Yau enga dadi kabanga homu mono walena dadik mawe hanewe kahha ta laddo kole bana dadiwe oro yau aimu hatenawe inna hatakkigu, hapannuwe ta rahige."

01/21.txt

@@ -0,0 +1 @@
+\v 21 Tamrage inna, ana huhu kaha remani Zakharia. Yidda dakanuwe ahhai Zakharia mana moja higuna lari ta Ummanai Allah. \v 22 Kole bana huna, Zakharia walena dadikma hanewe tabarada yidda. Yidda dummo tadawe Zakharia dawe ha etana lari ta Ummanai Allah oro nyi bana waina hanewe kabakna tabarada yidda, tabolo wale na dadikma hanewe. \v 23 Kole mahiggo ha ulla ratona bewe, hagga nage Zakharia ta ummana.

01/24.txt

@@ -0,0 +1 @@
+\v 24 Kole bana dadiwe inna, Elisabet hatinage mono naka bunyi wikina kalimma wullana. Nyi linage, \v 25 "Inne nyiwe Morigu harayina tabaragu. Nyi naha mataraga mono na hopi gage otoragu wali ta jonga ata buta. TAKKIWE TUTUNAI YESUS KRISTUS

01/26.txt

@@ -0,0 +1 @@
+\v 26 Ba ko;e anni wullana bana hatiyo elisabet, Allah naha lewayi malaikat Gabriel ta wu ha dauyo ta kalingora Galilea, ka ngarana Nazaret. \v 27 Nyi halewayi hatabo ka dangani wu lakawa bau winne  ka duni wu kabani ka ngaranai Yusuf, ana huhui Daud. Ngarana bau winne nada Maria. \v 28 Loho, malaikat nada ammini tabarai Maria mono linage, "Maringina, ta yau ha kanyuruna! nai Mori na olegu." \v 29 Rangewe hanewe inna, maria nadadi hangatara. Nyi naka nukawe ta atena tutu kappege maringina inna.

01/30.txt

@@ -0,0 +1 @@
+\v 30 Malaikat nadda linnage tabarana, "Ilam madautawu, Maria, oroi Allah na yibe guge marada ate manawaraNa tabaramu. \v 31 Rangewela, yau enga hatimu mono um ha anani wu lakawa kabani, mono yau um ha ngara dadhono Nyi Yesus. \v 32 Nyi na dadi madakka mono enga da takkiyi Ana Allah Kahadda Madehta. Mori Allah enga yi nani Nyi hadau ngodi nai Daud, weda waikaNa. \v 33 Nyi naharehayi ana huhui Yakub kaha ana murri mono parehana Nyi walena ha dukkak mawe."

01/34.txt

@@ -0,0 +1 @@
+\v 34 Loho, Maria linage tabarana malaikat nada, "Aga linakwe hada inna bana dadiwe inna nauwa ai da makhona laigu?" \v 35 Malaikat nadda balehawe mono linage tabarana, "Waddi Bihha enga ammini tabaramu  mono kawaha nai Allah Kahada Madehta enga hamawo nagu. Yikwe oroge, Lakawa kadadi nimmila tenguna mono enga takki dani Ana Allah.

01/36.txt

@@ -0,0 +1 @@
+\v 36 Mono, kamu madam muge nadai Elisabet, ole baimu, hatinage batauge tillu katuna. Nyi ulluge  hatakkida woto, batauge naha tibe  lohho anni beyi. \v 37 Oro, wale lakma kama hada aika dadi tubanai Allah." \v 38 Mono, Maria linage, "Tau takka nage, nauwa inne ata nagei Mori. dadi kawe tabaragu katauna yau hatakkimu inna." Bege, malaikat nadda kako nage tannani nyi. MARIA HADIKKI NAGE TAI ELISABET

01/39.txt

@@ -0,0 +1 @@
+\v 39 Ta laddo inna, Maria naha inyaka geha kako ta kalingora kaha letena, ta wuha harona ta Yehuda. \v 40 Nyi tama ta ummai Zakharia mono nayiwe kamaringina tabarai Elisabet. \v 41 Kolei Elisabet rangewe maringinai wali tai Maria, anana lari ta tina takahho kanage monoi Elisabet na bannuni Waddi Bihha.

01/42.txt

@@ -0,0 +1 @@
+\v 42 Bege Elisabet na kawula waige lina ka mawangta, "Ka nyuruwu yaula ta jonga tangana lawai, mono namaringina anamu ta timu. \v 43 Iyawa nauwa dajalage inyana Morigu mai tabaragu? \v 44 Tau takkage, kole limu kamaraingina dikiwe ta katillugu, ana lari ta tigu na talahoka oro lagaharana. \v 45 Maringi kana nyi kaha tenawe agawe hatakki nai Mori tabarana enga na banuge."  MARIA NA MA NYANYI TUBANAI ALLAH

01/46.txt

@@ -0,0 +1 @@
+\v 46 Nyiwe, linagei Maria, "Dewagu naha manadai Allah, \v 47 mono Waddigu lagahara tabaranai Allah, Hadda Hoilagu.

01/48.txt

@@ -0,0 +1 @@
+\v 48 Oroi, Allah na yapudi ataNa ka libawa nada. Rangewela, wali batauge mono kahha nimmi, tangana dalara ata enga takki nani maringina. \v 49 Oro ba Nyi Ka Hadda Bikta parehana na rayi bege hada kama dakka tabaragu, mono tengugela ngaraNa.

01/50.txt

@@ -0,0 +1 @@
+\v 50 ManawaraNa  na yiwe wali dihha dalara-dihha dalara, tabarada ata kama dautani Nyi. \v 51 Nyi naha tingo bege kawahaNa waidi limmaNa. Nyi hai- hainadi ata ka baibo lari taha ngada atena.

01/52.txt

@@ -0,0 +1 @@
+\v 52 Nyi naha burruni tanana ka  kawaha wali taha dau ngododa yidda, mono tanadi ata kalibawa atena. \v 53 Nyi naha boktayi ata kalabba waige kadahha, tabolo ka wugayi ata pote kako waina limma kaluyo.

01/54.txt

@@ -0,0 +1 @@
+\v 54 Allah na yibewe matulluna tabarada Israel, ataNa, oro bana apewe maradda ateNya. \v 55 Katauna aga bewe hatakkina N yi tabara ama weda waikada yitta, tabarai Abaraham mono ana huhuna kahha ana murri."

01/56.txt

@@ -0,0 +1 @@
+\v 56 Mono, Maria engana tai ummanai Elisabet  tauda wulla mojage, nyiwe nyi hagga nage ta ummana.  DADI NAI YOHANES PEMBAPTIS \v 57 Batauge dikki nage rahige tubanai Elisabet bana ha ana mono nyi bana hadadini wu ana kabanina. \v 58 Tangada ole bara ummana mono ole baida rangewe innai Mori naha tingo bege marada ateNa kahada madakka tabarai Elisabet, mono yidda da lagahara dangani.

01/59.txt

@@ -0,0 +1 @@
+\v 59 Taladdo kapodo patana yidda ammidi kapiku kabunyini lakawa nadda. Yidda kabu atege ha ngarani lakawa nadda Zakharia, tujawe ngara amana. \v 60 Ta nyiduwe, inyana linage, "Walekma, nyi ha nagara dahoni Yohanes." \v 61 Ata nadda linnage tabarai elisabet, "Wale lakma wuak ata ta jonga ole baimi ka ngara kataudana inna."

01/62.txt

@@ -0,0 +1 @@
+\v 62 Bege, yidda da kabaddini Zakharia kapiku kanukayi tabarana, aga ngara dahho ha tauyi tabrana nada lakawa. \v 63 Zakharia naka rai wu kapabala dau tolha, mono na tolhawe inna: "Ngaranai Yohanes." Mono, tangana ata da hangatara.

01/64.txt

@@ -0,0 +1 @@
+\v 64 Inna mema dummo, banai Zakharia ma bugerawe mono lammana na hoilawe. Nyi dummo kapu nage daikayi Allah. \v 65 Tangada ole bara ummana yidda dadiwe bada madauta mono inna kadadi da dulka dangage ta tangage deha kabodi letena Yudea. \v 66 Mono, tangada ata karangewe hada inna daka nukkawe ta ateda yidda, "Enga dadi aga nage lakawa nimmila?" Oro, limmanai Mori na oleni.  ZAKARIA NA HAMANADAI ALLAH

01/67.txt

@@ -0,0 +1 @@
+\v 67 Zakharia, amanai Yohanes, dummo na banuni Waddi Bihha mono na huru bale, linage, \v 68 "Mahadiyila Mori, Allah Israel oro Nyi banamai ha dikkibe mono kahka beyi ana huhuNa.

01/69.txt

@@ -0,0 +1 @@
+\v 69 Nyi naha kadde beyi kadu hoila tubada yitta wali ta ana huhui Daud, \v 70 katauna hatakki bena Nyi lededi bada nabi-nabi Na ka tenguna wali ullu ge \v 71 dajalage yitta kaha hoilada wali ta muhhuda yitta, mono wali ta limmada tangada ata ka butuda ate yitta.

01/72.txt

@@ -0,0 +1 @@
+\v 72 Nyi na rayige bana ha tingoge manawaraNa tabara weda waikada yitta, mono oro Nyi apewe ha jajiNa ka tenguna, \v 73 halinawe haura Nyi hatakki bena tabara weda waikada yitta, Abraham, \v 74 inna yitta enga pahoilada wali ta limmada muhhuda yitta dajalage yitta dadiwe hanukkuyi Nyi tillu ai madauta, \v 75 lari te tenguna mono tenana ta arona- Nyi, taha dukka morhada yitta.

01/76.txt

@@ -0,0 +1 @@
+\v 76 Mono yau, anagu, enga ha nagragu nabinai Allah Ka hadda Madehta, oro yau enga kako ullumu wali ta Mori, kapikku ha inyaka nani lara tubana-Nyi. \v 77 Kapiku yini yappawe tutu manemara tabara ana huhu-Na ledege hawalidi tangadi jalada yidda.

01/78.txt

@@ -0,0 +1 @@
+\v 78 Oro mardda mono manawarana Allahda yitta, magakaha Mata laddo enga ha magakaha nada yitta wali taha dau madehta \v 79 kapiku hama gakaha nadi yidda ka engana lari ta kapagta mono kadana lari ta mawo mate, kapiku irru dadi leduda yitta aro ta lara moli kamaringina."

01/80.txt

@@ -0,0 +1 @@
+\v 80 Nyiwe, lakawa nadda na matuyo kiki madakka, mono kiki kulha nage lari ta waddi. Nyi na engana ta marada gilra kahha dikkige rahige bana ha tingoge tauna ta barada Israel.

01/title.txt

@@ -0,0 +1 @@
+KAWUKKU 1 HALARA ULLUWE

02/01.txt

@@ -0,0 +1 @@
+\v 1 Ta rahi inna, Kaisar Agustus na pahuge hareha kapiku tolhayia ngarada tangada ata ta panu tana. \v 2 Inne nyiwe tolha ngara ata kawungana pa rayi kolei Kirenius bana dadi Gubernur ta Siria. \v 3 Nyiwe, tangada ata da hagga dahho dau walida dihha-dihha kapiku tolha dage tauda.

02/04.txt

@@ -0,0 +1 @@
+\v 4 Yusuf dummo tannage Nazaret, harona ta Galilea, mono aro ta Yudea, ta ha ronai Daud paha ngarada Betlehem, oro nyi ba walina dalara ana huhui Daud, \v 5 dajalage nyi ka tolha nage ngarana gauni Maria, lakawa winne na, katamrana hatiyo.

02/06.txt

@@ -0,0 +1 @@
+\v 6 Kolei Yusuf monoi Maria dikki ta Betlehem, dikki nage rahige maria bana ha ana. \v 7 Maria dummo naha anani wuyo lakawa kabani ana bodina. Nyi na ublayi Nyi waini kaba karakta mono naha baikani Nyi neda lari ta karaba oro ai dayo koro tubada yidda dau dau. TANGADA KAJAWA RANGA ETAYI YESUS

02/08.txt

@@ -0,0 +1 @@
+\v 8 Taha dau nedda dummo, dadi kapirana kajawa ranga ka engana ta maradda jawayi bebbeda yidda bana gaddige. \v 9 Kadada ngidiyi, malaikat nai Mori na dede ta aroda yidda mono manadanai Mori magakahage ka kiloradi yidda dajalage yidda hadda madautayi.

02/10.txt

@@ -0,0 +1 @@
+\v 10 Ta nyiduwe, malaikat naddalinage tabarada yidda, "Ilam madauta mi oro rangewela, Nauwa mai takki guge tabarami liyo ka dahha tutu ege ate kama dakka paha yanna tubada tangada ata. \v 11 Ta laddi inna, na dadi be tubami wu ata Hadda hoila, halinawe Kristus, Mori, ta haronai Daud. \v 12 Inne nyiwe tadagwe tubami: Miyo diki mini lakawa ha boro wai kaba karakta mono paha baika lari ta karaba."

02/13.txt

@@ -0,0 +1 @@
+\v 13 Ha yaddawe, dalidi kalibbo malaikat rada katau kalina butana tentara ta surga ka daikayi Allah mono lidage, \v 14 "Manadana tubanai Allah taha dau hada madehta mono moli kama ringina  ta panu tana, ta jonga ata ka tuba ta arona tabaraNa.'

02/15.txt

@@ -0,0 +1 @@
+\v 15 Kole tangada malaikat ijakadi tangada kajawa ranga rada mono hagga ta surga, tangada kajawa ranga radda lidage dihha-dihha,' Mai da yitta ta Betlehem kapiku eta dage agawe kadadi inna, ha takki benadai Mori tabarada yitta." \v 16 Lohho, yidda da geha kako mono da tabokayi Maria monoi Yusuf lohho lakawa kabaika taka karaba ranga.

02/17.txt

@@ -0,0 +1 @@
+\v 17 Kole tangada kajawa ranga etayi Nyi, yidda da takkiwe hanwe hatakki beda tabarada yidda tutu Lakawa nadda. \v 18 Mono, tangada ata karangewe kama hada inna hangatara wali tangage hatakkida ata kajawa ranga tabarada yidda. \v 19 Ta nyiduwe, Maria ijalawe tangage inna mono daha ha gukkuwe lari ta ateda. \v 20 Loho, ata jawa bebbe hagga ta bebbeda yidda hagapege hamanadayi mono daikayi Allah oro tangage inna yidda ha etada mono ha rangeda tujawe hatakki tabarada yidda.

02/21.txt

@@ -0,0 +1 @@
+\v 21 Mono, kole podo pata laddona tutu ba kabunyini Lakawa nadda, ngaraNa Yesus lidani, tujawe ngara ha yina malaikat Nyi ai hatihoni. YESUS DA NGIDIYI TA UMMA ALLAH

02/22.txt

@@ -0,0 +1 @@
+\v 22 Kole laddo ba hamurahana dokuge ukkui Musa ba bewe, Maria monoi Yusuf ngidiyi Yesus ta Yerusalem kapiku ba yiyi Nyi tabarai Mori, \v 23 tujawe kama tolha lari ta ukku nai Mori, "Tangadi lakawa kabani ana bodi paha tengu dahoyi tubanai Mori \v 24 mono tutu yiyo manuta dokuge agawe hatakki lari ta ukku parehanai Mori, rada duda rawa waleka duda ta gukku maupa bodi,"  SIMEON MONOI HANA ETAYI YESUS

02/25.txt

@@ -0,0 +1 @@
+\v 25 Dani wuyo ata katuna kabani ka ngaranai Simeon engana ta Yerusalem. Nyi ata katenayi mono hatena, karemage agu ate  Allah Israel, mono Waddi Katenguna oleni. \v 26 Waddi Katenguna na takki nage inna nyi wale na matekma aina eta dahoyi Kristus ha dede nai Mori.

02/27.txt

@@ -0,0 +1 @@
+\v 27 Nyiwe Simeon ammini ta Umma Allah oro Waddi Katenguna, kolei Yusuf monoi Maria ngidiyi Yesus ta Umma Allah tutu pahadawe tangage tabaraNa agawe paha yanna be ta Ukku Pareha taurat . \v 28 Bege, Simeon lairuyi lakawa nadda mono daikayi Allah, linage, \v 29 "Batauge, o Mori, bana dadik kawe Yau bamu pahaini ataMu nadde kako waina moli, dokuge liMu;

02/30.txt

@@ -0,0 +1 @@
+\v 30 oro matagu eta bewe mane mara wali tabaramu, \v 31 paha ganna bemu Yau ta arona tangana ata; \v 32 inna magakaha enga kama gakahani tangana ata ai ka tadayi Mori, mono manadana tuba ana huhuMu, Israel."

02/33.txt

@@ -0,0 +1 @@
+\v 33 Yusuf mono inyana Lakawa nadda da hangatara agawe hatakki nai Simeon tutuna Nyi. \v 34 Bege, Simeon naha maringiyi Maria, inyanai Yesus, "Rangewe, Lakawa nadde paha inyaka benani tutu ha monudi mono ha kaddeyi ata buta Israel, lohho dadi tadka nani ata buta. \v 35 (Mono, gayu katopo enga duhka nani urramu) dajalage ngihi atena ata buta enga dedoge."

02/36.txt

@@ -0,0 +1 @@
+\v 36 Neda bali dumo dani wu ata nabiah ka ngaranai Hana, anai Fanuel wali ta kabihu Asyer. Nyi naka tu hingna. Nyi dukka morha dangani laina kapitu dauna kole bada nikah, \v 37 mono be inna lawai balu nage kahha ba podo pata kabulu dauna. Nyi wale kali tanak mage Ummanai Allah, tabolo kangote laddo mono gaddi wai kabukta mono sembayang. \v 38 Ta mahiggo inna, ammini Hana mono nyi wai linage tabarai allah lohho na takkiwe tutui Yesus tabara tangada ata ka remage kah kawe Yerusalem.  YUSUF MONOI MARIA HAGGA TA NAZARET

02/39.txt

@@ -0,0 +1 @@
+\v 39 Kolei Yusuf monoi Maria rayige tangage dokuge Ukku nai Mori, yidda hagga ta Galilea, ta harona dau walida yidda, ta Nazaret. \v 40 Lakawa nadda dummo kiki matunage, kulha, mono na tada, monoi Allah naha maraingiyi-nyi. YESUS TA UMMAI ALLAH

02/41.txt

@@ -0,0 +1 @@
+\v 41 Nahiyi dau, ata katunai Yesus kako ta Yerusalem ta Laddo Madakka Paskah. \v 42 Kole Yesus ba kabulu duda dauna, yidda da kako neda bali dokuge ka damma ta lado madakka nada. \v 43 Kole ba beyo raya rameni, yidda hagga dage. Tabolo, Yesus engana ta Yerusalem wale da tadak mayi ata katuna-Nyi. \v 44 Oro ata katuna Yesus paha ngadada Nyi enga dani ta jonga ta buta, yidda dummo ha kita dage kako kahha mamali pannuyi dihha laddo. Nyiwe, yidda halege dage mayegani-Nyi ta jonga ole baida mono ata ha tadada.

02/45.txt

@@ -0,0 +1 @@
+\v 45 Kole yidda aida tabaokayi Yesus, yidda hagga dage ta Yerusalem bada mayegani-Nyi. \v 46 Kole tauda laddoda, yidda da tabo kayi ta Ummanai Allah tamra ngodo nage ta jonga guru-guru agama, ha gapege bana rangeyi mono kanukayi tabarada yidda. \v 47 Tangada ata ka rangeyi-Nyi da hangatara oro tadana mono gtangadi baleha-Na,

02/48.txt

@@ -0,0 +1 @@
+\v 48 Kole ata ka tuNa etayi Nyi, yidda dummo hangatara. Nyiwe, inyana nakanukayi, "Ana,ahha Yau mamu rayige inna tabarama nami? Ama-Mu mono nauwa paratama mayega-Gu." \v 49 Balehawei Yesus tabarada yidda, "Ahha miyo mami mayegaga Nauwa? Walem tadak mawe yau inna Nauwa bagu enga dahona ta umma Ama-gu?" \v 50 Ta nyiduwe, yidda wale da yapak mawe agawe inna hatakki-Na tabarada yidda.

02/51.txt

@@ -0,0 +1 @@
+\v 51 Nyuwe, Yesus hagga oledi yidda ta Nazaret mono dokudi yidda. Tabolo, inya-Na na ijalawe  hanewe inna  lari ta atena. \v 52 Yesus dummo kiki matunage mono kiki maniwola. Nyi  dummo kiki na baini Allah mono ata.

02/title.txt

@@ -0,0 +1 @@
+KAWUKKU 2

03/01.txt

@@ -0,0 +1 @@
+\v 1 Ta dau ha kabulu limma wai harehanai Kaisar Tiberius, kolei Pontius Pilatus dadi Gubernur Yudea, Herodes dadi raja Galilea; Filipus angu wuyo Herodes dadi raja kalingora Iturea mono Trakhonitis; mono Lisanias dadi raja Abilene, \v 2 Hanas monoi Kayafas bana narroge bai rato, ammige linai Allah tabrai Yohanes, anai Zakharia, ka engana tamaradda gilra.

03/03.txt

@@ -0,0 +1 @@
+\v 3 Nyiwe, kako nagei Yohanes ta tangage kalingora Yordan mono talarage hariha jarra tutu hawali jala,

03/04.txt

@@ -0,0 +1 @@
+\v 4 katauna kama tolha lari ta jurata Nabi Yesaya: "Inne nyiwe lina ata kawula ta marada gilra, ' Ha inya kayi lara tubanai Maori, kamu halurhayi lara tuba-Na.

03/05.txt

@@ -0,0 +1 @@
+\v 5 Tangadi lolana enga bonyidi mono tangadi letena enga halija kayi. Lara kalego enga halurhayi, mono tangadi lara aika lijana enga halijakayi. \v 6 Mono, tangada ata enga eta dage manemara wali tai Mori!"' Yesaya 40 : 3-5

03/07.txt

@@ -0,0 +1 @@
+\v 7 Nyiwei, Yohanes linage tabara ata buta kamai harihayi nyi, "Ta, miyo ana huhui kaboko kahajalora! Iya kaha ape mige mamu malaimi wali ta bani nimi ka ammina?

03/08.txt

@@ -0,0 +1 @@
+\v 8 Nyi oro bataudage inna, kamu wumila kaha tingoge jarrami. Ilam takki kawe tutu daumi, ' Abraham nyi ama weda mani!' Nauwa luguge tabarami, tau takka nage wali ta watu inne Allah na dadiwe ha dadidi lakawa tuba nai Abraham!

03/09.txt

@@ -0,0 +1 @@
+\v 9 Lohho, wali batauge pogo ijala bewe ta kalarta pu yayu. Tangadi pu yayu aika wu dahha enga katodayi mono tubadi lari ta latti."

03/10.txt

@@ -0,0 +1 @@
+\v 10 Ata daka nukawe tabarai Yohanes, "Nyi bataudage, aga dahona nami harayima?" \v 11 Nyi na balehawe, "Tangada ata kamngu do balla na kalabbe, nyi na bawe dahoyi ta ata aik kadayo kalabbena. Mono, tangana ata ai kamngu ha yana, nyi na rayi jala hoge katauna."

03/12.txt

@@ -0,0 +1 @@
+\v 12 Kapirrana ata kahha walu katakku dummo ammidi kaha harihayi. Yidda da kanukawe tabrai Yohanes, "Guru, aga dahona nami harayima?" \v 13 Yohanes na takki dage yidda,  "Ilam karai kami walu katakku rehi wali ha yannabe tubami."

03/14.txt

@@ -0,0 +1 @@
+\v 14 Kapirana tentara kanukkawe tabarana, "Aga linna dawe nami? Aga dahona harayima?" Yohanes linnage tabrada yidda, "Ilam karai kami ammaha wali ta iya hingkayi waina karuhhuwe waleka waina hawau palekana. Hatutuwela taumu waidi gajimu."

03/15.txt

@@ -0,0 +1 @@
+\v 15 KLole tangada ata tamrada mann ege ba ammini Mesias. yidda tangada da kanukawe lari ta ateda tutui Yohanes, appa nyiyo Kristus appa ba walle. \v 16 Yohanes na balehayi yidda mono linage, "Nauwa ug harihami waina weyo. Ta nyiduwe, Wu ata karehi bikta parehana wali ta nauwa enga ammini. Tutu ladda nadi kalarri kopa leduna nauwa dummo waleg marakkak mawa. Nyi enga hariha nagimi waini Waddi Katenguna mono latti.

03/17.txt

@@ -0,0 +1 @@
+\v 17 Tapi nyura dabeni ta limmaNya tutu hamurrahage tana hadau hamo mono kahhayi gandum ka dahha lari ta galu-Na. Ta nyiduwe, Nyi enga tunnu nadi kuwa neda lari ta latti ai ka hilu badda."

03/18.txt

@@ -0,0 +1 @@
+\v 18 Waidi li hanua wadeka, Yohanes na talarage li ege ate ta barada ata buta.  YOHANES PEMBAPTIS HATAMANI TA GALLU \v 19 Ta nyiduwe, oroi Yohanes hanamu nagei Herodes, raja kalingora, ta hada harayina tai Herodias, ole umma angu wunai Herodes, mono oro tangage hada japata harayina, \v 20 nyiwe Herodes na tabayi radda ta atngadi waige ha tamani lari tagallu.  YESUS HARIHAYI

03/21.txt

@@ -0,0 +1 @@
+\v 21 Kole tangadi ata harihayi, Yesus dummo harihayi. Mono, kole Nyi bana sembayangna, Langta ma bugerawe \v 22 mono Waddi Bihha naburru tabaraNa napa hada ta gukku maupana. Nyiwe, dage liyo ka wali ta langta mono linaw, "Yau Ana-Gu hama nawaraGu. TabaraMula Nauwa ug baigu." BURRU DADINAI YESUS

03/23.txt

@@ -0,0 +1 @@
+\v 23 Kolei Yesus halegewe ha ulla-Na, Nyi tallu kabulu dau bena. Ata da yappa dawe nadai Yesus anai Yusufuyi. Yusuf anai Eli. \v 24 Eli anai Matat. Matat anai Lewi. Lewi anai Malkhi. Malkhi anai Yanai. Yanai anai Yusuf.

03/25.txt

@@ -0,0 +1 @@
+\v 25 Yusuf anai Matica. Matica anai Amos. Amos anai Nahum.  Nahum anai Hesli. Hesli anai Nagai. \v 26 Nagai anai Maat. Maat anai Matica. Matica anai Simei. Simei anai Yosekh. Yosekh anai Yoda.

03/27.txt

@@ -0,0 +1 @@
+\v 27 Yoda anai Yohanan. Yohanan anai Resa. Resa nai Zerubabel. Zerubabel anai Sealtiel. Sealtiel anai Neri. \v 28 Neri anai Malkhi. Malkhi anai Adi. Adi anai Kosam. Kosam anai Elmadam. Elmadam anai Er. \v 29 Er anai Yesua. Yesua anai Eliezer. Eliezer anai Yorim. Yorim anai Matat. Matat anai Lewi.

03/30.txt

@@ -0,0 +1 @@
+\v 30 Lewi anai Simeon. Simeon anai Yehuda. Yehuda anai Yusuf. Yusuf anai Yonam. Yonam anai Elyakim. \v 31 Elyakim amai Melea. Melea anai Mina. Mina anai Matata. Matata anai Natan. Natan anai daud. \v 32 Daud anai Isai. Isai anai Obed. Obed anai Boas. Boas anai Salmon. Salmon anai Nahason.

03/33.txt

@@ -0,0 +1 @@
+\v 33 Nahason nyiyo anai aminadab. Aminadab anai Admin. Aminadab anai Arni. Arni anai Hezron. Hezron anai Peres. Peres anai Yehuda. \v 34 Yehuda anai Yakub. Yakub anai Ishak.  Ishak anai Abraham. Abraham anai Terah. Terah anai Nahor. \v 35 Nahor anai Serug. Serug anai Rehu. Rehu anai Peleg. Peleg anai Eber. Eber anai Salmon.

03/36.txt

@@ -0,0 +1 @@
+\v 36 Salmon nyiyo anai Kenan. Kenan anai Arpakhsad. Arpakhsad anai Sem. Sem anai Nuh. Nuh anai Lamekh. \v 37 Lamekh anai Metusalah. Metusalah anai Henokh. Henokh anai Yared. Yared anai Mahalaleel. Mahalaleel anai Kenan. \v 38 Kenan anai Enos. Enos anai Set. Set anai Adam. Adam nyikna anai Allah.

03/title.txt

@@ -0,0 +1 @@
+KAWUKKU 3 HA ULLAI YOHANES PEMBAPTIS

04/01.txt

@@ -0,0 +1 @@
+\v 1 Yesus, kabanuna Waddi Bihha hagga wali ta Yordan. Bege, Nyi na kodoni Waddi Bihha aro ta marada gilra \v 2 ka pata kabulu laddona tutu kabani kabalka. Nyi wale na yakma katauna mojana inna. Kole ba nari benage, nyi nakalabba.

04/03.txt

@@ -0,0 +1 @@
+\v 3 Nyiwe, Kabalka linage tabara-Na, "Nyi yau Ana Allahwu, halewayi watu radda dadi kababa." \v 4 Yesus na balehawe, "Dage kama tolha, 'Kadadi ata morha walle wali ta kababa kelma."' Ulanga 8:3

04/05.txt

@@ -0,0 +1 @@
+\v 5 Bege, Kabalka na ngidiyi Yesus taha dau kama dehta mono naha tingo nage tabara-Na tangage parehage panu tana waige hada ka hodi kina. \v 6 Nyiwe, kabalka linage tabara-Na, "Nauwa ug yiguge kawahamono manadana ta tangadi radda, oro tangadi da yibe gadi tabragu. Mono, nauwa ug yiyi tabara ba iya hingkayi nauwa ha kabu ategu. \v 7 Nyiwe, nyi Yau bamu kangak kaga, tangadi radda enga daumu-Di."

04/08.txt

@@ -0,0 +1 @@
+\v 8 Nyiwe, Yesus balehawe, "Dage kama tolha, 'Yau um kangak kadahoni Mori Allahmu,  mono dukka tabarada hona bamu kawojo."' Ulangan 6:13

04/09.txt

@@ -0,0 +1 @@
+\v 9 Bege, Kabalka na ngidiyi Yesus ta Yerusalem lohho natauyi Nyi ta toko Ummanai Allah. Linage kabalka tabarai Yesus, "Nyi yau Ana Allahwu, dolka wiki holamu-Ge wali inne aro inna lari, \v 10 oro badage kama tolha, 'Tutum Yau, Allah enga pareha nadi malaikat-Na tutu bana jawa-wu.' Mazmur 91:11 \v 11 Mono, 'Waidi limmada yidda, yidda enga harema dadi  dajalage ledu-Mu ilna yannayi ta watu."' Mazmur 91:12

04/12.txt

@@ -0,0 +1 @@
+\v 12 Balehanai Yesus tabarai Kabalka, "Dage kama tolha, 'Ilam kabani Mori Allahmu."' Ulangan 6:16 \v 13 Kolei kabalka bana beha kabani Yesus, nyi kako nage tannani-Nyi mono remage mahiggo wadeka. KAPUGE HA ULLANAI YESUS TA GELILEA

04/14.txt

@@ -0,0 +1 @@
+\v 14 Yesus nahagga ta Galilea waige banuni kawaha waddi, mono liyo tutu-Na matalarawe ta kalingora hadau nedda. \v 15 Nyiwe Nyi halege nage talarage ta sinagoge mono tangada ata Daika-Nyi. YEUSU TULARANI TA HARONA DAU WALINA

04/16.txt

@@ -0,0 +1 @@
+\v 16 Bege Yesus kako nage ta Nazaret, harona dau Ny baha matuyi. Katauna ka kalli damma-Nyi, Yesus kako nage ta Sinagoge ta laddo ngahu mono na dede bana bahha. \v 17 Jurata Nabi Yesaya da yinage tabara-Na, nyiwe Nyi na bugerage jurata inna mono na tabo kawe kama tolha,

04/18.txt

@@ -0,0 +1 @@
+\v 18 "Waddi nai Mori dani tabara-Gu, oro Nyi naha didara bewa Nauwa tutu talarage Liyo kadahha tabara ata milla. Nyi naha lewawa Nauwa talarage hoila tabarada  tangada ata ha lokata, maono tagaha paeta tabarada ata moro, tutu pahoila ta ata hapittada, \v 19 mono ngidiwe inna dau kanyurru Mori ba ammi bege." Yesaya 61:1-2

04/20.txt

@@ -0,0 +1 @@
+\v 20 Yesus na toniwe jurata inna nyiwe mana pahaggage tabara kanarroge umma dau kangote, mono Nyi na ngodo. Mata tangana ata lari ta sinagoge inna da engana ta tau-Na. \v 21 Nyiwe, Yesus kapunage hanewe tabarada yidda, "Laddo nehhe, bannu nage agawe hatolha ta Jurata Bihha inna bamu rangewe." \v 22 Mono, tangada ata dahha tenayi-Nyi hagapege bada hangatara rada hatakkina ka dahhaki ka huna wali ta ba-Na. Yidda lidage, "Nyi nadde wale anai Yusuf kaduyi?"

04/23.txt

@@ -0,0 +1 @@
+\v 23 Bege, Yesus linage tabarada yidda, "Miyi enga takki mini nara newe nadde tabara-Gu, 'Jawa dotera,na hatagaha guge tau dau-Mu! Nami rangeyi hada Yau harayimu ta Kapernaum, rayi jaladi radda ta hadau inne, ta harona ha wali dau-Mu.'" \v 24 Bege Nyi linage, "Nauwa luguge tabarami, tau takka nage lakma nabi pahibba taharona dauna.

04/25.txt

@@ -0,0 +1 @@
+\v 25 Lari katena, Nauwa luguge tabaramu, buta layi lawai balu ta Israel nutu pona tai Elia, kole langta matoniwe ka tauda dauna mono anni wulla, kole kareba kalla dadiwe taha dau nedda. \v 26 Ta nyiduwe, Elia wale halewa awak mayi langka iya hinguyi duka hege ta lawai balu ta Sarfat, ta kalingora Sidon. \v 27 Mono, dadi kabuta kalawara kusta ta Israel ta morihanai Elisa, tabolo wale lahing mana wali ta yidda paha tagaha dukkai Na aman, ata Siria nadda."

04/28.txt

@@ -0,0 +1 @@
+\v 28 Kole rangewe hada inna,  tangada ata lari ta sinagoge inna naka lubbudi bani. \v 29 Nyiwe, dede dage yidda mono werakani Yesus huna wali ta harona inna, dajalage da ngidiyi-Nyi ta pannu letena ta haronada yidda paha kadde kapikku doluni Nyi ta lirra. \v 30 Ta nyiduwe, Yesus na yelana wali ta jongada yidda mono kako nage.  WU KABANI PAHOILANI WADDI JAPATA

04/31.txt

@@ -0,0 +1 @@
+\v 31 Yesus na kako ta Kapernaum, kalingora Galilea, mono naha nuawana ata buta ta laddo Ngahu. \v 32 Yidda da hangatarage hanuawa-Na oro hanewe-na kabannuna kawaha.

04/33.txt

@@ -0,0 +1 @@
+\v 33 a sinagoge, dani wu ata kabani hatamana waddi japata ka akta. Ata nadda nakawula waige lina kama wangta, \v 34 "Yamma gama nami kama meha! Agawe ha orha-Mu tabarama, ta Yesus, Ata Nazaret? Appa Yau maimu ba liloko gama nami?  Nauwa ug tadawe ba iyawu Yau, Ka tenguna Wali tai Allah!"

04/35.txt

@@ -0,0 +1 @@
+\v 35 Ta nyiduwe, Yesus naha gagtayi waddi japata nadda, lina-Ge, "Kadanawu! Kmu hunage wali ta ata nadda!" Kole marapu n adda baktani ata nada ta tana, ta aro tangada ata, nyi na huna wali ta tauna ata nadda mono naha pakhayi. \v 36 Waige banu bannuge bangara, tangada ata kadana nedda lidage dihha-dihha, "Aga hanewe inna?  Oro waige battona mono kawaha, Nyi naha rehayi waddi akta rada mono yidda huna." \v 37 Mono, liyo tutui Yesus ma habarawe ta tangage hadau  kalingora inna.  YERA LAWAI NAI PETRUS MONO ATA BUTA HATAGAHYI

04/38.txt

@@ -0,0 +1 @@
+\v 38 Bege, Yesus na tanage umma kangote inna mono kako ta ummanai Simon. Inna na, yere lawainai Simon tamrana kalikka tetakka, oroge inna yidda da karayiyi Yesus kapiku hatagaha nani. \v 39 Nyiwe, dede nagei Yesus tabarana yera lawaina Simon mono naha gagtawe kalikka inna, mono kalawara dummona tagahawe. Inna memage, yera lawaina Simon kadde nage mono kapunage hanukkuyi yidda.

04/40.txt

@@ -0,0 +1 @@
+\v 40 Kole mata laddo manari tama nage, tangada ata da ngdiyi ole baida yidda halina kalawara tanga ngara kalwara tabarai Yesus. Begei Yesus na ijalayi limma-Na ta yidda dihha-dihha mono hatagahayi yidda. \v 41 Marapu radda dummo huna wali ta ata buta radda hagapege kawula, "Yau dunage Ana Allah!" Ta nyiduwe, Yesus naha gagtayi yidda, Nyi wale pahai madi yidda hanewe oro yidda tadawe inna Nyi bai Kristus suyi. YESUS NA HOTBAH TAHARONA WADEKA

04/42.txt

@@ -0,0 +1 @@
+\v 42 Damma hege tana Yesus na kako ta wuha dau ka hika bana mehaki. Ata buta na mayegani-Nyi, mono kole yidda tabo kayi- Nyi, yidda darayigwe padekayi Nyi ilna tanadi yidda. \v 43 Ta nyiduwe, Nyi linage tabrada yidda, "Nauwa ug talara dahoge liyo ege ate Kalingora parehai Allah ta tangada harona wadeka dummo oro ba nyiduwe gauge Nauwa maha lewawa." \v 44 Nyiwe, Yesus na hotbah ta sinagoge-sinagoge ta Yudea.

04/title.txt

@@ -0,0 +1 @@
+KAWUKKU 4 KABANI YESUS

05/01.txt

@@ -0,0 +1 @@
+\v 1 Dage wuha dakka, ata buta koporani bada kilorani-Nyi kapiku rangewe linai Allah. Inna na, Yesus nadede ta huppu hoba Genesaret, \v 2 mono na etayi duda tena ka huna ta huppu hoba inna, tabolo ata da hubena wali ta tena radda mono tamrada bahayi jalada yidda. \v 3 Yesus panne nage ta dihha wu tena ta tena nai Simon, mono naha lewayi Simon kapiku bohe hodiyi tena na marau wali ta tana yara. Bege, Yesus ngodo mono naha nuwadi ata buta ta pannu tena.

05/04.txt

@@ -0,0 +1 @@
+\v 4 Kole bana beyo hanewe, Yesus linage tabarai Simon, "Kakowu ta weyo kalibbu hodi tubag jalamu kapiku kolemu kaboko." \v 5 Simon na baleha, "Guru, nami ma rayi ullabe tara gagaddi, tabolo wale lakma ha kole ama aga ana!   Ta nyiduwe, oro ba Yau kaha lewawa, nauwa ug toba hoge jalagu inna." \v 6 Mono, kole yidda bada dokuge, yidda da kolena kaboko buta dajalage jalada hodi mowe majirraka. \v 7 Nyiwe, yidda da baddina ta oleda yidda ta tena wadeka kapiku ammidi tulludi yidda. Bege, ammidila oleda yidda mono taudi tenada radda kaboko dajalage tenada yidda hodi mowe bulloyi.

05/08.txt

@@ -0,0 +1 @@
+\v 8 Kolei Simon Petrus etawe hada inna, nyi naka wojo ta aronai Yesus mono linage, "Yelana wali tabaragu, Morigu, oro nauwa ata dokuwa!" \v 9 Petrus lina dage bana hanewe oro nyi mono tangada ka oleni hangatara dage oro butadi kaboko ha yappada yidda. \v 10 Tauda dummoge Yakobus monoi Yohanes, anai Zebedeus ka oleni Simon.  Yesus linage tabarai Simon, "Ilam madautawu. Wali inna ba tauge, miyo kamu majalami ata." \v 11 Kole yidda bada tingiyi tenada yidda ta tana yara, yidda da tanadi tangadi mono dokuni Yesus. ATA KATOBI HATAGAHAYI

05/12.txt

@@ -0,0 +1 @@
+\v 12 Dihha wu laddo, Yesus na dikki ta wuha rona. Ta harona inna, dani wu ata kabannu na tauna katobi. Kole ata nadda etayi Yesus, nyi nakawojo kahha matana jojawe tana mono na rainoge tabara-Na, "Mori, nyi Yau bamu auka duwu, Yau kamu hatagaha kiwa nauwa." \v 13 Nyiwe, Yesus na ha jolani limma-Na mono jojayi ata nadda. Lina-Ge, "Nauwa ug auwa, dadiwege tagaha."  Inna mema dummoge, katobina ata nadda bungayi.

05/14.txt

@@ -0,0 +1 @@
+\v 14 Taboloi, Yesus naha rehayi ata radda ilda takkiwe langka ta iya hingkayi mono linage,  "Kakowu mono hatingoge taumu tabarada rato. Yiwu maraka aro bamu tagahawu katauna pahareha nai Musa ka wuwe tada tubada yidda."

05/15.txt

@@ -0,0 +1 @@
+\v 15 Liyo tutu nai Yesus kiki mahabara nage dajalage buta ata kama kahha kapiku da rangeyi Nyi mono kapiku hatagahayi wali ta kalawarada yidda. \v 16 Tabolo, Yesus kali kako kabunyi taha dau ka hika bana sembayangna.  ATA KALIKKU HATAGA HAYI

05/17.txt

@@ -0,0 +1 @@
+\v 17 Ta dihha wu laddo, kolei Yesus batamrana hanuadi, ata Farisi mono ahli-ahli Taurat ka mai wali ta tanga harona ta kalingora Galilea, Yudea, mono Harona Yerusalem dummo ngodo neda bali.  Mono, Kawahanai Mori oleni Yesus dajalage Nyi dadiwe patagahayi ata buta.