See in Reader
Wed Sep 25 2024 11:18:45 GMT+0800 (China Standard Time)
This commit is contained in:
commit
e881441b14
|
|
@ -0,0 +1 @@
|
|||
\v 1 o'ou sanu naadaangome ulela'e pamulanye, sanu ilongomamime, sanu initomamime kangkai matamame, sanu pinatasangomame ma dinadanu umbungomame, injoo'ume s Gombo'e tutuhuang, \v 2 tutuhuange injoo'e nanyatame ma initomami-Me. Li'ame nonyabii ma obambala'e kangkai'oe tentaange tutuhuange seende-endenye injoo'e, sanu adaangome kangkai Siama ma pino'itaa'ome kangkai li'ame.
|
||||
|
|
@ -0,0 +1 @@
|
|||
\v 3 So'ale sanu initomame ma ilongo injoo'e, pineilua'omame teule kangkai'oe ba li'oe teule adaange po'osounange kangkai li'ame. Tutuunye, po'osounangomame injoo'e asalonye la'e Allah Siama ma unga-Nye, Kristus Yesus. \v 4 Jojoo so'ale injeine tinulisa'omame kangkai'oe bala adandalanoome mebali mohu'e. Melampa lilalongu Mensilaag
|
||||
|
|
@ -0,0 +1 @@
|
|||
\v 5 Ineina bambale sanu ilongomame tentaange Liio ma pino'odua'omae kangkai'oe, iome Allah sanu mensilaage ma lilalongo-Nye tu-tutuu labai adaange o'nopang. \v 6 Onjo li'ite momeilua'e adaanga po'osounangote kangkai Liio, tetape li'ite tutuhu lilalongu o'nopang, li'ite mongakale ma labai mogutu sanu paila'e. \v 7 Boi, onjo li'ite melampa lilalong mensilaage, selilio aime Io li lalong mensilaag, li'ite adaange sounge po'osounang kangkai taninye, injopa laani Yesus, Unga-Nye, mongalana'e li'ite jojoo la'e dosa.
|
||||
|
|
@ -0,0 +1 @@
|
|||
\v 8 Onjo li'ite momeilua'e li'ite lauje o'dosa, li'ite monipu ambo-ambo'ote ma lauje adaange sanu tutuu li lalongote. \v 9 Onjo no'akuita dosa-dosate, Io sanu mesetia ma maadil untuke mongampuni dosa-dosate ma mongalana'e li'ite jojoo la'e sanu majaa'e. \v 10 Onjo li'ite momeilua'e li'ite laupe pernah nogutu dosa, li'ite mogutu Liio mebali ponipuong ma gombo'o-Nye lauje adaange li lalongote.
|
||||
|
|
@ -0,0 +1 @@
|
|||
Pasale Soung
|
||||
|
|
@ -0,0 +1 @@
|
|||
\v 1 Unga-unga'e, lia'e monulisa'e so'al-so'ale injeine kangkai'oe bala li'oe inyaa mogutu dosa. Boi, onjo adaanga too mogutu dosa, li'ite adanga topombela li tolonu Siama, injoo'ume Kristus Yesus, Sanu tutuu injoo'e. \v 2 Liiome korban pendamaianu dosate. Ma, labai boi dosa-dosate, tapi untuke dosa-dosanu jojoo juniaa. \v 3 Aiyo'a notoite onjo li'ite mo'ootoi Allah, onjo mesetia li'ite kangkai parinta-Nye.
|
||||
|
|
@ -0,0 +1 @@
|
|||
\v 4 Too sanu megombo'e, "U'otoia Allah," tapi labai nota'atita parintah-Nye, io topo nipu ma labai asanu tutuua lilalongonye. \v 5 Tapi, iga sanu mataate li gombo'o-Nye, a'sayanggu Allah tu-tutuu mempurna li lalongonye. A'iyo'a nootoite lilalongo-Nye. \v 6 Too sanu momeilua'e onjo io momoia lilalongu Allah, io haruse tumuhu selilio aimei Yesus tutuhu. No'asayani Sipada manusia ma Mogutu E'seilunu Allah
|
||||
|
|
@ -0,0 +1 @@
|
|||
\v 7 So-soungaange sanu u'asayani, la'e labai nonulisa'e parintah bou kangkai'oe, boi parintah neendeme sanu adaangome kangkai li'eme ulenge la'e pamulanye. Parintah neendeme injoo'e nu Gombo'e sanu ilongomamime ulenge la'e pamulanye. \v 8 Boi, lia'e pepeese monulisa'e parintah bou antage li'oe. sanu tutuu lilalongo-Nye ma lilalonggoome pa o'onopange nalabatome ma mensilaage sanu tutuu nelalatoma a'alaine.
|
||||
|
|
@ -0,0 +1 @@
|
|||
\v 9 Too sanu negombo'e onjo io lilalongu e'nsilaagange, tapi no'o u'alonya soungaangonye, io ulenge adaange li lalongu o'nopang dua'e a'alaine. \v 10 too masayange kangkai soungaangonye momoia li ensilaagange ma lauje adaange sabii sotoo sanu mogutuio tesangkil. \v 11 Tapi, too no'osumpugonya soungaangonye momoiya lilalongu o'nopang. Labai nootoinya bai gauma'a nolampanye lantarane sanu moonope nopo o'hulolo matanye.
|
||||
|
|
@ -0,0 +1 @@
|
|||
\v 12 Tinuliso'e li'omoma'e, hai unga-unga, pa dosa-dosaame inampunangome lantarane tope-Nye. \v 13 Tinuliso'e li'omoma'e, hai si-siama, lantarane li'oe no'otoime Liio ulenge la'e pamulanye. Tinuliso'e li'omoma'e, hai too-too molumba, lantarane li'oe naadaage sanu Majaa'e. Tinuliso'e li'omoma'e, hai unga-unga, lantarane nootoiimoma Siama. \v 14 Tinuliso'e li'omoma'e, hai si-siama, lantarane nootoiimoma Liio la'e pamulanye. Tinuliso'e li'omoma'e, hai unga-unga molumba, lantarane li'oe mo'uige, ma Gombo'u Allah lilalongoome, ma dinaagoomoma sanu majaa'e.
|
||||
|
|
@ -0,0 +1 @@
|
|||
\v 15 Inyaa no'eseilua'a juniaaine atau so'al-so'ale sanu adaange li lalongu juniaa. Onjo o'too umeseilua'e juniaa, a'sayanggu Siama labai adaange li lalongonye. \v 16 Pa, jojoo sanu adaange li lalongu juniaa, injoo'ume e'seilunu daging, e'seilunu mata, ma tutuhuange mosombong asalonye labai la'e Siama, tapi boi la'e juniaa. \v 17 Juniaa injeine nanlanyapome kangkaima'e e'seilunye, tapi too sanu nongogutu e'seilunu Allah tumuhu seende-endenye. Inyaa Monuru'e Anti-Kristis
|
||||
|
|
@ -0,0 +1 @@
|
|||
\v 18 Unga-unga'e, a'alaine pongopusome nu jaman; ma selilio sanu ilongomamime onjo anti-Kristus modua'omae, ma a'alaine gootoma modua'e anti-Kristis. Aiyo'ume nootoitoma onjo a'alaine pongopusome nu jaman. \v 19 Jimo modua'e la'e antarate, tapi jimo labai bagiane la'e li'ite. Pa, onjo bagiane la'e li'ita jimo, tetaapa jimo kangkai li'ite. Boi, jimo nolinjo'i li'ite Injoma nanyatame onjo jimo labai bagiane la'e li'ite.
|
||||
|
|
@ -0,0 +1 @@
|
|||
\v 20 Tapi, li'oe na'adaangome pengurapane la'e Sanu Mokudus, ma nootoime jojooma'e. \v 21 La'e nonulise li'omoma'e labai lantarane laupe nootoima sanu tutuu, tapi lantarane notoimome ma lantarane labai adaanga sanu mongakale asalonye la'e sanu tutuu.
|
||||
|
|
@ -0,0 +1 @@
|
|||
\v 22 Iga pontuulonge injoo'e onjo lauje liio sanu monyangkale onjo i Yesusome Nu Kristus? Injoo'ume anti-Kristis, too sanu monyangkale Siama aiyo'e teule Unga. \v 23 Igaungopa sanu monyangkale Unga labai adaange Siama. Tapi, tunggale too sanu mongakui Unga, io tapi adaange Siama.
|
||||
|
|
@ -0,0 +1 @@
|
|||
\v 24 Patubayama'oma nuga sanu ilongoomome la'e pamulanye tetaape momoiya lilalongoome. Onjo nuga sanu ilongoome la'e pamulanye tetaape momoia lilalongoome, li'oe teule momoiya taruse lilalongu Unga ma Siama. \v 25 Ma, injeinima janji sanu bineea'o-Nye kangkai li'ite, injoo'ume tutuhuange seende-endenye. \v 26 Luulumae so'ale sanu tinulisa'o'e kangkai'oe injeine, bambale kangkai jimo sanu malani meboyongoa'e'oe.
|
||||
|
|
@ -0,0 +1 @@
|
|||
\v 27 Boi, u'rapane sanu tinarimamie la'e Liio tetaapa momoia li lalongoome, ma li'oe labai moraluua'e too taninya mongajari'oe. Tapi pengurapano-Nye injoo'e mongajara'e li'oe tentaange bagiana'onye -- ma so'ale injoo'e tutuu, labai mongakal -- bai gauga Io mongajari li'oe, tetaape pomoiya li lalongo-Nye. \v 28 A'alaine, unga-unga'e, pomoiyame li lilalongo-Nye bala watu mopoita Io, li'ite adaange keyakinane ma labai mesili li tolonu-Nye watuma'e podua'o-Nye. \v 29 Onjo nootoimia onjo Io sanu tutuu, nootoime teule onjo tungalu too mogutu sanu tutuu, neluange la'e Liio.
|
||||
|
|
@ -0,0 +1 @@
|
|||
Pasale Doluo
|
||||
|
|
@ -0,0 +1 @@
|
|||
\v 1 lalambota e'giombangonye a'sasayange sanu bineea'u Siama kangkai li'ite injoma li'ite notope unga-unganu Allah, tutuu li'ite nu unga-unganu Allah. Lantarane injoo'a, labai nootoinu juniaa li'ite pa Liio labai nootoinu juniaa. \v 2 So-soungaange sanu u'asayani, a'alaine li'itome unga-unganu Allah, tapi selilio nuga ke'ada'anote laupe nootoi. Boi, nootoite onjo watu Io modua'e, li'ite mebali selilio Liio pa li'ite ma'o me'e ito Liio lilalongu keada'ano-Nye sanu tutuunye. \v 3 Tungale too sanu adaange poranuange injeine lilalongu Kristus, liio mo po'osuci ambo-ambo'onye, selilio aime Kristus sanu mo suci.
|
||||
|
|
@ -0,0 +1 @@
|
|||
\v 4 Tugale too sanu mogutu dosa monyampange hukume teule pa dosa nu ponyampange antage hukum. \v 5 No'toimia onjo Kristus nanyatame untuke mongagasa'e dosa, ma lilalongo-Nye labai adaanga dosa. \v 6 Tungal too sanu momoia lilalongo-Nye labai mogutu dosa; labai sotoo-tooa sanu o'dosa ne'e ito atau mo'ootoi Liio.
|
||||
|
|
@ -0,0 +1 @@
|
|||
\v 7 Unga-unga'e, inyaa nopatubaya sabii sotooa mopa'asesa'oe. Too mogutu sanu tutuu too sanu tutuu, selilio aime Kristus sanu tutuu. \v 8 Too sanu mogutu dosa asalonye la'e seetan pa seetane no'odosame la'e pamulanye. Unganu Allah modua'e untuke tujuane injeine: mongacura'e pogugutunu seetan.
|
||||
|
|
@ -0,0 +1 @@
|
|||
\v 9 Labai sotoo-tooa sanu neluange la'e Allah mogutu dosa benihnu Allah momoia lilalongu ambo-ambo'onye; ma io labai magaade mogutu dosa pa io iluana'omae la'e Allah. \v 10 Onjo aiyo'e, iga unga-unganu Allah ma iga unga-unganu Iblis mebali nootoi. Too sanu lauje mogutu sanu paila'e asalonye labai la'e Allah, aiyo'e teule too sanu lauje masayange li soungaangonye. Me A'sayanang
|
||||
|
|
@ -0,0 +1 @@
|
|||
\v 11 Pa, injeina bambale sanu ilongoomone ulenge la'e nompamula, li'ite haruse me'asayanange. \v 12 Inyaa mebali selilioi Kain, asalonye la'e sanu majaa'e ma sanu nomate tuainye. Ma, inogai Kain nomate tuainye? Saba'onye, gugutuani Kain majaa'e ma pepeihu'u tuainye tutuu.
|
||||
|
|
@ -0,0 +1 @@
|
|||
\v 13 So-soungaango'e, inyaa teta'ingkinga onjo li'oe nobenciinu juniaaine. \v 14 nootoitoma onjo li'ite neluangome la'e a'pateange monungga tutuhuange lantarane li'ite masayange li soungaange. Too sanu lauje masayange li soungaangonye momoia lilalongu apateange. \v 15 Tungale too sanu mosumpuge li soungaangonye iome topo mate, ma nootoimia onjo labai adaanga topo mate sanu maagaade tutuhuange lilalongu ambo-ambo'onye.
|
||||
|
|
@ -0,0 +1 @@
|
|||
\v 16 A'aina li'ite mo'ootoi sayange: Yesus Kristus nonyarakanome tutuhuango-Nye untuke li'ite. Jadi, li'ite teule haruse monyarakane tutuhuangote untuke so-soungaangote. \v 17 Boi, onjo o'too adaange harta nu juniaa, ma me'e ito soungaangonye momaraluua'e, tapi mebombona'e nyaanye antage soungaangonye injoo'e, labai tutuu sayangu Allah adaange li lalongu nyaanye? \v 18 Unga-unga'e, maime li'ite me'asayanange labai boi gombo'e atau oyo, tapi kangkai pepeihu'e ma sanu tutuu.
|
||||
|
|
@ -0,0 +1 @@
|
|||
\v 19 Kangkai injeine, mo'o nootoita onjo asalote la'e sanu tutuu ma mopo'o'uige nyaate li tolonu Allah. \v 20 Pa, onjobai nyaate monyalaa'e li'ite, giombangonya Allah injopa nyaate, ma nootoi-Nye bagiana'onye. \v 21 So-soungaange sanu U'asayani, onjo nyaate lauje monyalaa'e li'ite, li'ite adaange keyakinannu ambo-ambo'a li tolonu Allah. \v 22 Nugaungopa sanu nopomongite, notarimate la'e Allah pa noturu'ota parinta-Nye injopa nopogututa nuga sanu seilu-Nye.
|
||||
|
|
@ -0,0 +1 @@
|
|||
\v 23 Injopa, injeinima parintah nu Allah, bala li'ite momaracaya lilalong topenu Unga-Nye, Yesus Kristus, ma li'ite me'asayanange selilio sanu pinarintaa'onyome kangkai li'ite. \v 24 Too sanu mata'ate li parintah nu Allah momoia lilalongo-Nye, injopa Allah momoia lilalongonye teule. Kangkai injeine notoite onjo Allah momoia lilalongu ambo-ambo'ote, la'emae Roh sanu binea'u Allah kangkai li'ite.
|
||||
|
|
@ -0,0 +1 @@
|
|||
Pasale totolu
|
||||
|
|
@ -0,0 +1 @@
|
|||
\v 1 So-soungaango'e sanu u'asayani, inyaa no paracaya tungale roh, tapi u'jia roh-roh injoo'e untuke mo'ootoi biasa asalu jimo la'e Allah pa goota nabii palsu nodua'ome li juniaa. \v 2 A'aina bala nootoimia Roh nu Allah: tungalu roh sanu mongaku onjoi Yesus Kristus nodua'ome lilalong rupanu manusia asalonye la'e Allah. \v 3 Tungalu roh sanu lauje mongakui Yesus, asalonye labai la'e Allah. sanu ilongomie modua'omae ma a'alaine adaangome li juniaaine.
|
||||
|
|
@ -0,0 +1 @@
|
|||
\v 4 Unga-unga'e, asalomie la'e Allah ma na'adaagome nabii-nabii palsu injoo'e lantarane Io sanu adaange kangkai'oe giombangonya injopa io sanu adaange li juniaa. \v 5 Nabii-nabii palsu injoo'e asalonye la'e juniaa. Lantarane injoo, nopogonbo'a'u jimo la'e juniaa ma juniaa meilongoa'e jimo. \v 6 Asalote la'e Allah. Too sanu mo'ootoi Allah me'ilongoa'e li'ite, tapi too sanu labai la'e Allah asalonye labai me'ilongoa'e li'ite. Kangkai injeina, nootoita Roh sanu tutuu ma roh penyesaat. Maime Li'ite Me'asayanange
|
||||
|
|
@ -0,0 +1 @@
|
|||
\v 7 So-soungaango'e sanu u'asayani, maime li'ite me'asayanange pa nu sayange asalonye la'e Allah, ma tungalu too sanu masayange neluange la'e Allah ma mo'ootoi Allah. \v 8 Too sanu labai masayange labai mo'ootoi Allah pa nu Allah masayange.
|
||||
|
|
@ -0,0 +1 @@
|
|||
\v 9 A'aina sayanggu Allah pina'anyata li antarate: Allah nejai Unga sosona'o-Nye lalongoma'e nu juniaa bala li'ite tumuhu boi la'e Liio. \v 10 Li lalongomeina sayange injoo'e: labai li'ita sanu nongasayani Allah, tapi Allah me sanu mongasayani li'ite ma noma'atua'e Unga-Nye nebali korban pendamaiane antage dosa-dosate.
|
||||
|
|
@ -0,0 +1 @@
|
|||
\v 11 So-soungaange sanu u'asayani, onjo a'iyoa a'sayanggu Allah kangkai'ite, li'ite teule haruse me'asayanange. \v 12 Laupe adaanga too sanu pernah ne'e ito Allah. Onjo me'asayananga li'ite, momoiya kangkai li'ita Allah ma sayango-Nye injoo'e no sempurnakana kangkai'ite. \v 13 Kangkai so'ale injeine nootoite onjo li'ite momoiya lilalongu Allah ma nu Allah kangkai'ite p bineea'ome nu Allah kangkai li'ite Roh-Nye. \v 14. Injopa, initomami-me ma nonyabii onjo Siama nejaime Unga-Nye nebali Topo Nyalamate juniaa.
|
||||
|
|
@ -0,0 +1 @@
|
|||
\v 15 Tungale too sanu mongakui onjoi Yesus Unga nu Allah, Allah momoia lilalongonye ma li'oe lilalongu Allah. \v 16 Jadi, nootoitome ma pinaracayatome asayangu Allah antage li'ite. Allah me nu sayange, ma too sanu momoiya lilalongu sayange, momoiya lilalongu Allah ma Allah li lalongonye.
|
||||
|
|
@ -0,0 +1 @@
|
|||
\v 17 Kangkai injeine, sayange sinempurnakane kangkai'ite bala li'ite ma'agaade keyakinan injopa la'e Eleo pohakimange, lantarane selilio aime Liio aiyo'e teule li'ite li juniaaine. \v 18 Lilalongu sayange labai a'sanu no'ohulea'a, tapi sayange sanu mesempurna monaimbula sanu mohule lantarane sanu mohule mehubungane kangkai hukuman. Too sanu mohule, laupe sinempurnakane lilalongu sayang.
|
||||
|
|
@ -0,0 +1 @@
|
|||
\v 19 Li'ite mongasayani lantarane luulume Liio mongasayani li'ite. \v 20 Onjo adaanga too sanu negombo'e, "U'asayania Allah", tapi no'o u'alonya soungaangonye, too injoo'e topo nipu. Pa, too sanu lauje masayange li soungaangonye sanu no'ito, labai masayange kangkai Allah sanu labai no'ito. \v 21 Injopa, parintah injeine tinarimate la'e Allah: Tungale too sanu mongasayani Allah, haruse no a'sayaninye teule soungaangonye.
|
||||
|
|
@ -0,0 +1 @@
|
|||
Pasale apate
|
||||
|
|
@ -0,0 +1 @@
|
|||
\v 1 Tungale too sanu momaracaya onjoi Yesus ijoo'e Kristus neluange la'e Allah; ma Tungale too sanu masayangeli Siama, masayange teule li unga sanu neluange la'e Siama. \v 2 Kangkai injeina, nootoita onjo li'ite noasayanita unga-unganu Allah, watu no'asayanita Allah ma noturu'ita parinta-Nye. \v 3 Pa injeinima sayanggu Allah, onjo notaatita parinta-Nye; ma parintah-parinta-Nye labai moboat.
|
||||
|
|
@ -0,0 +1 @@
|
|||
\v 4 Pa, nugaungopa sanu neluange la'e Allah ma'adaage juniaa; ma injeinima kemenangane sanu na'adaangome juniaa: imaan note. \v 5 O'iga sanu ma'adaage juniaa onjo lauje liio sanu momaracaya onjoi Yesus nu Unga nu Allah? Tumuhu Seende-endenye Adaange li Lalong Yesus
|
||||
|
|
@ -0,0 +1 @@
|
|||
\v 6 Liiomeine sanu nodua'e kangkai ogo ma nu laa: Yesus Kristus; labai boi kangkai ogo, tapi kangkai ogo ma nu laa. Roh me sanu nonyabii pa Roh me injoo'e sanu tutuu. \v 7 Pa, adaange totolu sanu nonyabii li surga: \v 8 Roh, ogo ma nu laa; ma totolunye injoo'e boi soung.
|
||||
|
|
@ -0,0 +1 @@
|
|||
\v 9 Onjo notarimata kesaksiannu manusia, kesaksianu Allah mo'uigonye. Pa, kesaksiane sanu bineea'u Allah injoo'e kesaksian tentaange Unga-Nye. \v 10 Too sanu momaracaya kangkai Unga nu Allah adaange kesaksiane injoo'a kangkai liio. Too sanu lauje momaracaya kangkai Allah nogutume-Io nebali topo nipu lantarane too injoo'e labai momaracaya antage kesaksiane sanu bineea'u Allah tentaange Unga-Nye.
|
||||
|
|
@ -0,0 +1 @@
|
|||
\v 11 Ma, injeinima kesaksiane injoo'e: Bineea'ome nu Allah kangkai li'ita tutuhuange seende-endenye, ma tutuhuange injoo'e adaange li lalongu Unga-Nye. \v 12 Tungalu too sanu naadaange Unga adaange tutuhuang; Tungale too sanu lauje adaange Unga nu Allah labai adaange tutuhuang. Too sanu neluangomae la'e Allah Labai Mogutu Dosa
|
||||
|
|
@ -0,0 +1 @@
|
|||
\v 13 Tinulisa'o'uma so'ale injeine kangkai li'oe sanu momaracaya lilalongu tope Unga nu Allah bala nootoimia onjo li'oe adaange tutuhuang seende-endenye. \v 14 Ma, injeina keyakinane sanu adaange kangkai li'ite li tolo-Nye, injoo'a onjo bai nuga nopomongite sesuai kangkai e'seilu-Nye, no pe'ilongoa'o-Nya li'ite. \v 15 Ma, onjo nootoita Io me'ilongoa'e li'ite, nugaungopa nopomongite, nootoita onjo li'ite adaangome sanu pinomongite la'e-Io.
|
||||
|
|
@ -0,0 +1 @@
|
|||
\v 16 Onjo adaanga too sanu me'e ito soungaangonye mogutu dosa sanu labai momatujua'e a'pateangoma'e, ambo'onya too injoo'e momonggi, ma Allah mombeea'e tutuhuange kangkai too sanu mogutu dosa sanu labai momatujua'e a'pateangoma'e injoo'e. Boi, adaanga sounge dosa sanu momatujua'e a'pateangoma'e; lia'e labai momeilua'e onjo io haruse mo'utanya untuke dosa injoo'e. \v 17 Jojoo sanu labai tutuu injoo'e nu dosa, tapi adaange dosa sanu labai momatujua'e a'pateangoma'e.
|
||||
|
|
@ -0,0 +1 @@
|
|||
\v 18 Nootoita onjo tungalu too sanu neluange la'e Allah labai mogutu dosa, tapi liio sanu neluange la'e Allah monjagai'io labai dadanye. \v 19 Nootoita onjo asalote la'e Allah, ma jojooma'e juniaa adaanga lilalongu kuasa sanu Majaa'e.
|
||||
|
|
@ -0,0 +1 @@
|
|||
\v 20 Injopa, nootoita onjo Unga nu Allah nodua'ome ma nombeea'e pengertiana kangkai'ite ba nootoita Liio sanu tutuu; injopa li'ite adaange lilalongo-Nye sanu tutuu, lilalongu Unga-Nye, Yesus Kristus. Liiome Allah sanu tutuu ma tutuhu seende-endenye \v 21 Unga-unga'e, agaala'a li'oe la'e berhala-berhala.
|
||||
|
|
@ -0,0 +1 @@
|
|||
Pasale lelima
|
||||
|
|
@ -0,0 +1,39 @@
|
|||
|
||||
## Creative Commons Attribution-ShareAlike 4.0 International
|
||||
|
||||
### Human-Readable Summary
|
||||
|
||||
|
||||
The Creative Commons Attribution-Share Alike 4.0 International License is available at
|
||||
http://creativecommons.org/licenses/by-sa/4.0/.
|
||||
|
||||
#### This is a human-readable summary of (and not a substitute for) the License.
|
||||
|
||||
|
||||
### You are free to:
|
||||
|
||||
|
||||
* **Share** — copy and redistribute the material in any medium or format.
|
||||
|
||||
* **Adapt** — remix, transform, and build upon the material for any purpose, even commercially.
|
||||
|
||||
The licensor cannot revoke these freedoms as long as you follow the license terms.
|
||||
|
||||
### Under the following terms:
|
||||
|
||||
* **Attribution** —You must give appropriate credit, provide a link to the license, and indicate if changes were made. You may do so in any reasonable manner, but not in any way that suggests the licensor endorses you or your use.
|
||||
|
||||
* **ShareAlike** — If you remix, transform, or build upon the material, you must distribute your contributions under the same license as the original.
|
||||
|
||||
* **No additional restrictions** — You may not apply legal terms or technological measures that legally restrict others from doing anything the license permits.
|
||||
|
||||
|
||||
### Notices:
|
||||
|
||||
* You do not have to comply with the license for elements of the material in the public domain or where your use is permitted by an applicable exception or limitation.
|
||||
|
||||
* No warranties are given. The license may not give you all of the permissions necessary for your intended use. For example, other rights such as publicity, privacy, or moral rights may limit how you use the material.
|
||||
|
||||
|
||||
|
||||
This PDF was generated using Prince (https://www.princexml.com/).
|
||||
|
|
@ -0,0 +1,29 @@
|
|||
{
|
||||
"package_version": 6,
|
||||
"format": "usfm",
|
||||
"generator": {
|
||||
"name": "ts-desktop",
|
||||
"build": "543"
|
||||
},
|
||||
"target_language": {
|
||||
"id": "law",
|
||||
"name": "Lauje",
|
||||
"direction": "ltr"
|
||||
},
|
||||
"project": {
|
||||
"id": "1jn",
|
||||
"name": "1 John"
|
||||
},
|
||||
"type": {
|
||||
"id": "text",
|
||||
"name": "Text"
|
||||
},
|
||||
"resource": {
|
||||
"id": "ulb",
|
||||
"name": "Unlocked Literal Bible"
|
||||
},
|
||||
"source_translations": [],
|
||||
"parent_draft": {},
|
||||
"translators": [],
|
||||
"finished_chunks": []
|
||||
}
|
||||
Loading…
Reference in New Issue