Thu Feb 20 2020 12:13:18 GMT+0800 (Malay Peninsula Standard Time)

01/01.txt

@@ -0,0 +1,3 @@
+PAULUS GE TEMEINT
+
+\v 1 Paulus de ge rasul yo hok i'ninok ge u'yal nang deho Yesus Kristus ge u'yal. Piman Lahtal gewe i'ninok e'ber ganar mi gedob me'teh. \v 2 Ik om noon, de pi iman nuk ma'de n'ou, pi gonuk go'ak ma Jemaat Galatia mi.

01/03.txt

@@ -0,0 +1 @@
+\v 3 Piman Lahtal Yesus Kristus ge anugerah, damai sejahtera, ma e'gen. \v 4 Ge gi'ihbok yo ga gatal ma pe'dos pe'gal yong u'wain de pin yong pa pi nok pa pi e'mei, wed ma yong yah. Kat bo gotohok Piman Lahtal ge huih ge gelul. \v 5 Nok poih bo u'teyen, u'bren gen wawa po le adob.

01/06.txt

@@ -0,0 +1,3 @@
+INJIL NUK EK
+
+\v 6 Na'u heran tion bo i'gi geltikin, gewe o'gokar ma Kristus ge anugerah mi, nab ge i'gi injil e'beng e'lel. \v 7 Injil e'beng yeh nang, de i'ninok u'eeden ma a'agal a'bang Injil Kristus yo hok i'eben nang.

01/08.txt

@@ -0,0 +1 @@
+\v 8 Nige e nang bo malaikat sorga le ad ma injil u'ege huih yong i'eben nang yoho ga'aklok e'ber. \v 9 Nabe makna ni u'ege huih, wed yong na awa mu ge huih, deho i'ninok e'beng ga ma injil e'beng u'huih de munuk nang yo ga aklok e'ber. \v 10 Wed yong na i'ninok gebet erem bo e'lel, e Lahtal gebet erem bo e'lel. He nang bo i'ninok ge gawal nok bo na alel. Yoho nang yong hok Kristus ge mley nang.

01/11.txt

@@ -0,0 +1,3 @@
+PAULUS GE KERASULAN YO GA'ATA BEN
+
+\v 11 Ne nuk ne'ebeng noon, na u'ege huih de aga gel, injil de na u'ege huih a'gai yo hok i'ninok ge geten nang. \v 12 Hok na i'ninok gab mi u'skol bo med nang.

01/13.txt

@@ -0,0 +1 @@
+\v 13 Ne mih ne meteh de molot po Agama Yahudi mi, i'migih a'gai Lahtal ge jemaat yo na mu i'ni gotej go to boy de ga teteng tibrak. \v 14 Agama Yahudi ge yo newe nami gel, deho ne'ebeng noon de ni eben nuk. Yo a'da nan yong pidol pidom ge adat istiadat na'griyan nok-nok.

01/15.txt

@@ -0,0 +1 @@
+\v 15 Mak'na na a'da noi eben mi, Lahtal ga u'gawai u'gabak, ga ge nok ge poih ge gulul nokar. \v 16 Lahtal ge Ul ma nihmi, de gegene yo na i'ninok de hok Yahudi nang noon ge huih. Na hok u'kakad i'ni e'beng ge wom gebang. \v 17 Nahok Yerusalem eben lewa de i'ni de rasul mi etur noon gotohok. Deho na u'kakad Arab ehek lewa, koih mi nawar Damaskus eben a'gai.

01/18.txt

@@ -0,0 +1 @@
+\v 18 Tun ginutong gama na Yerusalem a'gai Kefas go tohok, de ne gele gonuk a'lah gen midi karnuk awa e'weh. \v 19 Deho rasul-rasul e'beng nahok gel nang, deho Yakobus, Yesus ge sodara bo gotohok. \v 20 Nabe na Lahtal gen mara godan mi e'ge huih yo adob. Nabe na a'loin de ma e'gen yo hok tin ak nang.

01/21.txt

@@ -0,0 +1 @@
+\v 21 I koih na Siria we Kilikia ehek lewa. \v 22 Jemaat Kristus de ole Yudea ehek mi, hok i'ni a'da nel nang. \v 23 I'ni a'da mu migih. Gan de mak'na tinkob tin ai wed yong na iman de o'gol nagen teten tibrak na wa u'ege huih. \v 24 I'ni Lahtal goteyen go brein yo nene.

01/title.txt

@@ -0,0 +1 @@
+Pasal 1

02/01.txt

@@ -1,3 +1,3 @@
-Paulus Yo Rasul-Rasul Noon di A'Uyal
+PAULUS YO RASUL-RASUL NOON DI A'UYAL
 
-Tun gi karnuk A'wa ut de ma, bo na nawar Yerusalem Le ma Barnabas, Titus nigi A'al. Na, awa i'ni gorap de injil ge huih yong u'ini ge huih. Injil de na u'huih yong, gehel ma i'ninok Yahudi ganar mi de ho nabe na godal, na'ma i'ni de gene gogo. De nabe na godal yong hok sia-sia nang.
+\v 1 Tun gi karnuk A'wa ut de ma, bo na nawar Yerusalem Le ma Barnabas, Titus nigi A'al. \v 2 Na, awa i'ni gorap de injil ge huih yong u'ini ge huih. Injil de na u'huih yong, gehel ma i'ninok Yahudi ganar mi deho nabe na godal, na'ma i'ni de gene gogo. De nabe na godal yong hok sia-sia nang.

02/03.txt

@@ -1 +1 @@
-\v 3 \v 4 \v 5 Titus de ne gele to pu puin lam, hok gin sunat nang. De ho gan'di Yunani i'ni nok. Pe pinuk pi e'beng noon, ge godal, bo pin de Yesus Kristus go puin a'gai, pi a'wa tawar ma' i'ni gebah gemeley. Mu tiyondi mi negemeng, hok geluk ge'hol nang, de Injil genok ge poih i'ni gomi mi.
+\v 3 Titus de ne gele to pu puin lam, hok gin sunat nang. De ho gan'di Yunani i'ni nok. \v 4 Pe pinuk pi e'beng noon, ge godal, bo pin de Yesus Kristus go puin a'gai, pi a'wa tawar ma' i'ni gebah gemeley. \v 5 Mu tiyondi mi negemeng, hok geluk ge'hol nang, de Injil genok ge poih i'ni gomi mi.

02/06.txt

@@ -1 +1 @@
-\v 6 \v 7 \v 8 Nan yong, i'ni nok de gene gogo di na hok geluk nang. Bo Lahtal yo, ga hok gawai ga'bak nang. I'ni nabo ne tang boge. Ge' gawar, i'ni neur nan yong Injil u'huih de i'ninok de hok gin sunat nang, goham a'gai Petrus di injil u'huih de i'ninok sunat noon. Nabe ga'godal yo, ga Petrus gab mi med deho gan yo i'ninok sunat noon, gandi nab mi kreyang, deho ma i'ninok hok Yahudi nang.
+\v 6  Nan yong, i'ni nok de gene gogo di na hok geluk nang. Bo Lahtal yo, ga hok gawai ga'bak nang. I'ni nabo ne tang boge. \v 7 Ge' gawar, i'ni neur nan yong Injil u'huih de i'ninok de hok gin sunat nang, goham a'gai Petrus di injil u'huih de i'ninok sunat noon. \v 8 Nabe ga godal yo, ga Petrus gab mi med deho gan yo i'ninok sunat noon, gandi nab mi kreyang, deho ma i'ninok hok Yahudi nang.

02/09.txt

@@ -0,0 +1 @@
+\v 9 Yakobus, Petrus, Yohanes, i'ni geur a'gai Gur ge al bo jemaat noon i'ni abang anugerah di i'ni nen yong, i'ni gatan tene ma'go nuk. Bernabas ne le negen, koih i'ni a'gai i'ninok de hok Yahudi nang gotohok, deho i'ni a'gai i'ninok bersunat bo gotohok. \v 10 I'ni nigin bang de i'ninok heher a'amai noon yo u'ngetnang gan hal nuk yong neh a'u'mayar godal.

02/11.txt

@@ -0,0 +1,3 @@
+PAULUS GA PETRUS GE GAHAL YO U'TUB
+
+\v 11 O'gool Kepas Antiokia e'ben lema, ga gahal bo na gotej. \v 12 Mak'na po Yakobus ge i'ninok ma, Kepas gan ga i'ninok Yahuda noon go mahak a'gai. I'nima gan ga i'ni gel tikin, gan i'ninok bersunat noon ge edan.

02/13.txt

@@ -0,0 +1 @@
+\v 13 Yahudi ge i'ninok e'beng noon, mu i'ni gugulul, i'ni ge godal yo mu tin a'ak mang, bo Barnabas di i'ni ge tin a'ak mi mung. \v 14 Mak'na na geur i'ni ge hur yo hok injil ge geglul nang, bo na riyal gen mara gadan mi Kefas ge huih. A'bang i'gin i'ninok Yahudi yong e'ge bah yong, pi geur hok i'ninok Yahudi nang.

02/15.txt

@@ -0,0 +1 @@
+\v 15 Pin yong tahaj her, pi Yahudi e'hek ge i'ninok. Pin yong hok i'ninok dos gahal nang, ge'ur a'gai i'ninok de hok Yahudi nang. \v 16 Pi pagel mang i'ninok unuk di hok i'eben nang. Ga hukum torat ge'glul, deho pe iman yong Yesus Kristus gomi bomi.

02/17.txt

@@ -0,0 +1 @@
+\v 17 Deho wed yong pi mu' godal, de pin di pa pi e'ben ma Yesus Kristus gomi'mi pin di dos gahal ti ihmi Yesus Kristus yos dos gahal go nang. \v 18 Nabe na, gegeteng a'gai, na u'geten, de u'egen tub, nandi gahal a'gai. \v 19 Hukum Taurat ge'glul nan yong neber a'gai. Deho Hukum Taurat ge u'yal na'nies ma Lahtal gomi mi.

02/20.txt

@@ -0,0 +1 @@
+\v 20 Nan yong Kristus go salib a'gai, ne nies yong Kristus ge i'es yo ne ni ihmi, wed nies yong o. Lahtal ge Ul ge a'neomi bo ge giih yo ma'nen. \v 21 Lahtal ge anugerah yo na hok u'hap nang. Nok puih de Hukum Taurat ge'glul yo Kristus ge eber yo hok i'eben nang.

03/01.txt

@@ -0,0 +1,3 @@
+I'NINOK DE IMAN GO YO I'NI GIN GAHAL NANG
+
+\v 1 Wou i'gin i'ninok de Galilea bod kmuk, abe nuk o go mimi, bo e'gebet a'gin u e'rem igeneh. Yesus Kristus bar gen g'dan mi i'ni gin salib di igel nang. \v 2 Nagan nuk na e'ge gatang boge? I'gi Roh med e a'da Hukum Taurat ge glul he nang bo iman ge glul. \v 3 A'ga bod yah? I'gi Roh ge glul a'gai, he wed ong i'gi bulya ge bo puin u'gihib.

03/04.txt

@@ -0,0 +1 @@
+\v 4 Klik mikal obay de i'gotohok, yo mu hai-hai. \v 5 Roh de ga ma e'gen, mujizat de ma i'ni gawar mi godal yo, Hukum Taurat ge glul e iman de i migih.

03/06.txt

@@ -0,0 +1 @@
+\v 6 Go ham a'gai Abraham de ga Lahtal ge huih u werep bo nagan endob Lahtal ma'gen. \v 7 A'gagel mang, i'ninok de ge iman go, yowe Abraham ge ul a'kal. \v 8 Kitab Suci ge huih, mak'na po'mi Lahtal u'huih a'bang i'ninok de hok Yahudi nag di i'eben mang. A'da aspomi injil Abraham u ge huih bang e'hek de bulya mi i a'al nok poih med. \v 9 I'ni de iman go, bo Abraham ibal berkat med.

03/10.txt

@@ -0,0 +1 @@
+\v 10 I'ninok de Hukum Taurat ya milam, yo ga m'kal bo gotohok. \v 11 Bo wed yong mu pagel mang, Hukum Taurat ge glul, Lahtal gen m'ra gadan u'nuk di hok i'eben nang. \v 12 Bo Hukum Taurat yo iman e'ele tatar meteh, ge mi gawar i'ninok de Hukum Taurat ge glul bo i'ni i'es.

03/13.txt

@@ -0,0 +1 @@
+\v 13 Hukum Taurat ge kutuk yo Kristus ga teben a'gai deho mi oloin a'gai, i'ninok de salib mi hil yo ga a'klok e'ber. \v 14 De Yesus Kristus go mimi, yoho Abraham genok ge poih gen a'gai i'ninok de hok Yahudi nang o'noon di gohid, bo pe iman, Roh de i'ni u'totemein yo pi med a'gai.

03/15.txt

@@ -0,0 +1,3 @@
+LAHTAL E HUKUM TAURAT GE TEMEIN
+
+\v 15 Ni'nuk ne'ebeng, ne mih ne meteh e idil ta'kad bo na u'egentub, te mein tem de yeh a'gai ong. Pin i'ninok mamang e'egen temen tem de yeh a'gai i'ninok nok di iyeh u go utang nang. \v 16 Te men tem de wed Lahtal gama Abraham e ul dat ge huih, Lahtal ga hok ul dat noon ge huih nang. I'ninok bar ge ul ge dat di nang, e'ul dat di nang de Kristus gi'ih bo mi.

03/17.txt

@@ -0,0 +1 @@
+\v 17 Ne nebet u'rem Hukum Taurat de tun eska ut kartong de yeh a'gai. Lahtal ge temen tem de ye ik, i'eben a'gai, go gihin yah. \v 18 Nagan de Hukum Taurat ge glul yo teme'me a'gai yo hok. Temen tem ge glul nang. Deho temen tem nuk yo Abraham bo gen.

03/19.txt

@@ -0,0 +1 @@
+\v 19 Tu oyon odi Hukum Taurat gayeh, pe dos pe gahal odi Hukum Taurat yo ga'ten gen a'gai ul dat u'hid ge u'tamein ge glul. Hukum Taurat yo malaikat e u'huih. \v 20 Deho nabe i'ni tanar mi go lam go meteh yo hok i'ni unuk ge ben nang, Lahtal yo unuk.

03/21.txt

@@ -0,0 +1,3 @@
+HUKUM TAURAT GE U'YAL
+
+\v 21 Yo ho, Hukum Taurat e Lahtal ge temein tem nok ga tewal enang, hok nang. Hukum Taurat yo magen de pa pi'es ge nok poih yo Hukum Taurat le ad. \v 22 Deho, Kitab Suci nagan kar'nuk u'hap u'magar odi i'ninok de dos gahal gaya lam. Bo de Yesus Kristus ge temein yo ya i'ni de iman gogo yo bo gen.

03/23.txt

@@ -0,0 +1 @@
+\v 23 Mak'na de iman a'da manang, pin yong Hukum Taurat bo ge glul gen a'gai iman yo i'ni u'te huih. \v 24 Gan o'ge bo, odi Hukum Taurat ga to jaga to belenta ge Kristus a'u ad de pin yong iman ge glul pi eben mang. \v 25 Wed yong iman ad a'gai, Hukum Taurat ga hok ga to jaga to belenta nang. \v 26 Yesus Kristus gomi mi, i'gi a'al Lahtal ge Ul a'kal mang.

03/27.txt

@@ -0,0 +1 @@
+\v 27 I'gi a'al de mak'na Kristus mi i'gin baptis yo i'gi Kristus gomi mi a'gai. \v 28 I'ninok Yahudi, we i'ninok Yunani mu malai e nang e om'kne, o'kne i'gi a'al munuk Yesus Kristus gomi mi. \v 29 I'gin de Kristus gomi mi a'gai, i'gon yo Abraham ge tayad temein ge ahli waris ge temein ge glul.

03/title.txt

@@ -0,0 +1 @@
+Pasal 3

04/01.txt

@@ -0,0 +1,3 @@
+MELEI YEHNANG A'GAI
+
+\v 1 Na u'ege huih o'gol ahli waris yo a'da mamanak gandi ge ur a'gai melei gotiham, deho nagan karnuk mu gemang. \v 2 Gandi amai k'wah bih noon, e a'lah gomi gaya lam, gen a'gai giman getamein u'hid.

04/03.txt

@@ -0,0 +1 @@
+\v 3 Pin ong di, o'gol pi a'da mamanak. Pi roh-roh bulyah ge melei. \v 4 De a'gai ge midi u'hid, Lahtal ga ge ul gohol, ge ad yo ok'ne we nuk gayaid, a'da Hukum Taurat gaya mi, \v 5 i'ninok de Hukum Taurat gaya mi, i'ninok poih med, de pin di a'geul a'ge akal.

04/06.txt

@@ -0,0 +1 @@
+\v 6 I'gin de Lahtal ge ul ge a'kal Lahtal ga ge ul ge Roh nok ma tebet mi gatain de pi gokar Niman Lahtal. \v 7 Bo hok i'gi awa melei nang, deho Ul, i'gin de Lahtal ge ul, bo ga i'gin geten bo Kristus ge ul a'kal.

04/08.txt

@@ -0,0 +1,3 @@
+IYE A'WA BULYA GE ROH GEMELEI NANG
+
+\v 8 As de i'gi a'da Lahtal gel nang, i'gin yo bulya gemelei, hok Lahtal ge nang. \v 9 Deho wed ong i'gin de Lahtal gel a'gai, Lahtal di ga a'gel yo nabe i'awa bulya ge a'gawar ma bulya gemelei bo ge.

04/10.txt

@@ -0,0 +1 @@
+\v 10 I'gin yong, midi takad, ur takad, ton takad, bulya ge mu'ram bo geten. \v 11 Na nedan gahal nesus neras de na godal ma a'gen yo mu hai-hai e nok.

04/12.txt

@@ -0,0 +1 @@
+\v 12 Na u'ege huih, ne nuk ne'ebeng noon, goham a'gai nan yong oyon, deho makna nan di o'gol i'gin yo oyon. I'gin hok no gahal nang. \v 13 I'gi ga gel  injil de mak'na na u ege huih yo nandi klik ni'ihmi. \v 14 Ni'ih yong o'yon de hok i'gi noyol nang i' ne'ur nan yong Lahtal ge malaikat, i'gi nin anggap nan yong Yesus Kristus gogon.

04/15.txt

@@ -0,0 +1 @@
+\v 15 Nok poih de i'gi gotohok wed yong tio'yon? As na i'gin u'huih lam a'bang e'gen men yo go'ki manen di a'ga uyal. \v 16 Wed yong ti'oyon, nok poih de na u'egen tub a'gai yo, nok o'gomi ne klik.

04/17.txt

@@ -0,0 +1 @@
+\v 17 I'ninok de i'gin elel o'gotohok yo i'ni gebet yah. I'ni ge uyal, i'gin i'ni ge let lam, deho i'ni ge u'ya yal, i'gin e i'ni elel. \v 18 Inok nang, wabe i'geten yo nok poih ge mang hok mak'na na o'go to mamar nang.

04/19.txt

@@ -0,0 +1 @@
+\v 19 Ne ul ne a'kal, e'ge ga'da le bo klik mikal di na u'yal, gen a'gai Kristus ma o'go mimi. \v 20 Ne ne'bet u'urem, nan di ma a'go, de wed yong, e'ge ga'da le namang a'uyah.

04/21.txt

@@ -0,0 +1,3 @@
+HAGAR E SARAH GE HUR GE GLUL
+
+\v 21 Ma' ne huih, i'gin de Hukum Taurat, gaya mi mih meteh yo Hukum Taurat ge huih yo i'migih e nang. \v 22 Mi o'loin ta, Abraham ge ul yo, om k'ne mang u'orok nuk o'kne melei ol e gayaij, nuk o ok'ne a'alah e'nem e'gayaij. \v 23 Deho, ul de melei ge gayaij yo bulya ge u'yal, ul ge o'kne a'lahmi gayaij yo Lahtal ge u'tamain.

04/24.txt

@@ -0,0 +1 @@
+\v 24 Huih yong pi ge ur a'gai, o'kne orok yong o wom orok bo i'ni ute huih. Nuk o Sinai Buk ge wom yo, Hagar mamanak melei bi gayaij. \v 25 Wed yong, Hagar pi ge'ur a'ga Sinai Buk de Arab ehek mi goham a'gai Yerusalem wed ong ge ul ge a'kal yo melei gen wed ong.

04/26.txt

@@ -0,0 +1 @@
+\v 26 Deho Yerusalem de atal tang yo o'kne merdeka bo ganyo po gokar poi. \v 27 Ge mi o'loin ta a'gai o'kne de ul gonang o'mi sus ras nang, u'kar u'olo, u'ohok, u'odoil, o'kne we klik ul gayaij gotohok nang. O'kne de angko'kol ul mi o'bay, om gogo yo nang.

04/28.txt

@@ -0,0 +1 @@
+\v 28 Ne nuk ne'ebeng, i'gin yo ul a'kal de u'wom, ge'ur a'gai Ishak go tiham. \v 29 Mak'na po mi, ul de bulya ge'glul gayaij yo, ga ul de Roh ge'glul gayaij gotej go to boy gen wed midi yong.

04/30.txt

@@ -0,0 +1 @@
+\v 30 Deho nabe Kitab Suci u'huih, o'kne melei yo globey gi ul gi a'kal i a'al, gan yo melei ge ul, bo hok ahli waris nang. Ul de o'kne merdeka gayaij yo we ahli waris. \v 31 Gan yo we, ninok, ni'ebeng noon, pin yong hok o'kne melei ge ul nang de hok o'kne merdeka ge.

04/title.txt

@@ -0,0 +1 @@
+Pasal 4

05/01.txt

@@ -0,0 +1,3 @@
+KRISTUS GA I'NINOK PERSAY O'NON GO GATA'IN IK
+
+\v 1 Adob nok poih, Kristus ga togatain ik. Gan no ge bo de pi meteh betdi, iyeh pia'wa malai nang. \v 2 Namang u'werep, Paulus abang i'gin yo Kristus ge surat terim deho gewe nang.

05/03.txt

@@ -0,0 +1 @@
+\v 3 Na a'wa mu ege huih, i'ninok de sunat trim yo gan po ia'al Hukum Taurat. \v 4 De i'gin g'bet erem adob de hukum taurat go lam, e i'es yo Kristus go gab a'gai i'gin yong anugerah ege let.

05/05.txt

@@ -0,0 +1 @@
+\v 5 Roh gomi, de pi adob lam, nok poih bo ge werep ge'ur nok go tohok. \v 6 Yesus Kristus go mimi yo, mu sunat e mu nang e ge nok yeh nang, iman ge kreyang ma kasih mi yo we inok. \v 7 I'gi tikin a'gai yo inok, abe i'gin tahan nang nok poih bo ge werep. \v 8 Tayar de ma yong hok ge we nang deho, gewe o'gokar.

05/09.txt

@@ -0,0 +1 @@
+\v 9 Bibit i'pit ak de adonan yo i'al mede. \v 10 Nan yong ne keyakinan de ma i'gin mi, Lahtal go mimi bo i'hok kikir-kikir e'beng trim nang deho abe ga i'gin tatar tibrak geten, bo gewe ge hukum trim.

05/11.txt

@@ -0,0 +1 @@
+\v 11 Bo ne nik niom noon, na sunat ge yong bo na a'da huih, tu'oyon bo nan yong a'da ning kob nin ai. \v 12 Na u'harap i'ni de i'gin ganggu yo bo i'ni we angkol g'ghih bok yo u'tokoin.

05/13.txt

@@ -0,0 +1 @@
+\v 13 Ne ik ne om o'noon, i'gin i'ni o'gokar ma go gatain ik, deho iyeh i'gin e'ge merdeka a'gai yo, i'gi a'wa gahal godal nang ma bulya ge bo mimih. Deho, i'gin mamang i'gi te'ur, kasih bo mi. \v 14 Sebab, yong o hukum taurat yo, i'ni gen ip a'gai ma firman nuk bo mi, pin i'ni nok yong mu te mal, mu temining goham a'gai pe ti ihih bok angkol. \v 15 De i'gi mu teh mu tumuk, yo ho ge barahdi iyeh i'gi tej nang, taboy nang.

05/16.txt

@@ -0,0 +1,3 @@
+ROH GE KIR-KIR YO, NAFSU BULYA GE MU TEWAL
+
+\v 16 Jadi na be na a'huih, Roh go mimi, bo mi hidup, yo ho i'gi hok hal-hal de nafsu bulyah ge geten nang. \v 17 Kir-kir de nafsu bulyah ge yo, ga Roh ge kir-kir e'le tewal, dan Roh ge kir-kir yo nafsu bulya ge ge'le tewal jadi i'ele mu tewal mang bo i'gin i'gi hok e'ge kir-kir yo geten nang. \v 18 Deho, i'gin yong Roh a'ogo bo i'gi hok Hukum Taurat gaya minang.

05/19.txt

@@ -0,0 +1 @@
+\v 19 Nafsu bulya ge kreyang yo jelas a'gai, dos seksual, kecemaran, hawa nafsu. \v 20 Krang u'buih ge, de e'te al, wor al, go'teyen, go brein, yo i'ni gin benci, perbantahan, iri hati, mar gining de go bilin yah, ga peti'ihih angkol, teher temid, mi tawai mi tabak, \v 21 cemburu, mabok-mabok, pesta pora, de'na u'ege huih anok wed yong, makana a'da pomi na'u e'ge huih a'gai abe ga hal yo geten, yo bo ga Kerajaan Allah po hok ga warisi nang.

05/22.txt

@@ -0,0 +1 @@
+\v 22 Deho, Roh ge ih yo kasih, sukacita, damai sejahtera, kesabaran, keramahan, kebaikan, kesetiaan, \v 23 kelemah lembutan, penguasaan diri, yo hok hukum yang tewal nang. \v 24 I'ni de Yesus Kristus go mimi a'gai yo wed nafsu we kir-kir de bulya ge, ma salib mi.

05/25.txt

@@ -0,0 +1 @@
+\v 25 Pi Roh go mimi hidup, yo ho pi munok bo pi Roh go mimi lam. \v 26 Bo iyeh pi sombong nang, tebet teher temid nang.

05/title.txt

@@ -0,0 +1 @@
+Pasal 5

06/01.txt

@@ -0,0 +1,3 @@
+TE MO MOY
+
+\v 1 Wo nenuk ne'ebeng noon, gan yo o'yon de gahal tebel hok i'ni geten, i'gin de rohani yo, i'gi i'ni gawar ma roh barai ge'glul. De a'ga ge na naman, a'wa i'ni ge'glul nang. \v 2 Tokor yo i'gi u'te mo moy i'gin yo Kristus gr huih ge'glul.

06/03.txt

@@ -0,0 +1 @@
+\v 3 Gan yo o'yon de i'ni u'huih a'gel nang de hok yo o'yon nang, yo ga gi'ih ge tin a'ak. \v 4 Made pe kreyang yo pangkol pa ge'ur, koih odi ga ge'ur u'ohok u'o'duil dema i'ni ebeng go to ganal. \v 5 Pe tokor yo, pi pang kokol an put.

06/06.txt

@@ -0,0 +1,3 @@
+NOK POIH BO GODAL I'GI NEH
+
+\v 6 Abe ga Lahtal ge huih nok poih yo med na'gan nok poih yo ga gawai ma i'ninok de u'ge huih yo digen. \v 7 Iyeh i'ni gin ak nang, Lahtal yo hok go kukuih yah nabe i'gi midin tek yo bo i'gi u'migil. \v 8 I'ninok bulya ge'glul midin tek bo ga bulya ge nok ge'yah bo ga med. De i'ninok de Roh ge'glul midin tek, yo ga Roh i'e'es gomi mi gen wa pole.

06/09.txt

@@ -0,0 +1 @@
+\v 9 Nagan nok poih godal yo u'el nang. Gen a'gai ge midi u'hid, pi u'med u'pun. \v 10 Gan yo we, ge yel o yeh bo pi nok poih geten ma riyal gen, pe keluarga de iman gomi mi.

06/11.txt

@@ -0,0 +1,3 @@
+PAULUS GE SURAT U'GIHIB
+
+\v 11 Nabe na'aloin ma egen, de i'ge ur yo na nenatan angkol puih aloin. \v 12 I'ninok de i'ni ge nok poih de bulya ge u'huih u'meteng lam yo, i'ni ge ulya yo i'gin sunat de i'ni. We godal yo hok kob ai'nang demi salib Kristus. \v 13 I'ni de gin sunat di hok i'ni Hukum Taurat ge'glul nang, deho i'ni ge kir-kir i'gin di i'gin sunat, de bo i'ni a u'ohok au o'doil.

06/14.txt

@@ -0,0 +1 @@
+\v 14 Na hok u'nohok u'nodoil nang, deho pe Lahtal Yesus Kristus ge salib gomi mi. Ge salib bo odi bulya yo, i'ni u'salib ma nen, nan i'ni ma bulya gen. \v 15 Mu sunat e munang e ge nok yeh nang. Ge ninok yo i'ninok haba. \v 16 I'ninok de i'a'al aturan yong golam, go mateh nok poih Lahtal ge, ma i'ni taher, atal Israel Lahtal ge i'ninok di ataher.

06/17.txt

@@ -0,0 +1 @@
+\v 17 Ge u'gihib yo, iye i'ninok hok nin sus geten nang, nan na Yesus ge tanda-tanda we ni'ihmi. \v 18 Ne nuk ne'ebeng noon, anugerah Tuhan Yesus Kristus yo roh nai a'go. Adob.

06/title.txt

@@ -0,0 +1 @@
+Pasal 6

front/title.txt

@@ -0,0 +1 @@
+GALATIA

manifest.json

@@ -37,6 +37,72 @@
 		}
 	],
 	"finished_chunks": [
-		"02-title"
+		"02-title",
+		"02-03",
+		"02-06",
+		"02-13",
+		"01-title",
+		"01-03",
+		"01-08",
+		"01-18",
+		"01-21",
+		"05-title",
+		"01-06",
+		"01-11",
+		"02-11",
+		"05-01",
+		"05-03",
+		"05-05",
+		"05-09",
+		"05-11",
+		"05-13",
+		"05-25",
+		"01-01",
+		"03-title",
+		"03-10",
+		"03-13",
+		"03-15",
+		"03-17",
+		"03-19",
+		"04-title",
+		"04-01",
+		"04-03",
+		"04-06",
+		"04-08",
+		"03-01",
+		"05-16",
+		"05-19",
+		"05-22",
+		"04-10",
+		"04-12",
+		"04-15",
+		"04-17",
+		"04-19",
+		"04-21",
+		"04-24",
+		"04-26",
+		"04-28",
+		"04-30",
+		"06-title",
+		"06-01",
+		"06-03",
+		"06-06",
+		"06-09",
+		"06-11",
+		"06-14",
+		"front-title",
+		"01-13",
+		"01-15",
+		"02-01",
+		"02-09",
+		"02-15",
+		"02-17",
+		"02-20",
+		"03-04",
+		"03-06",
+		"03-21",
+		"03-23",
+		"03-27",
+		"06-17"
 	]
 }