Fri Jul 22 2022 12:56:57 GMT+0800 (Singapore Standard Time)

01/01.txt

@@ -0,0 +1,10 @@
+YOHANIS SURA' HOO OLEL BIT
+
+\v 1 Yesus Kristus o' tino' olel, sariho Lahtal med en honin e Sa med so man sia en sariho nabafe maa ara latelfe.
+Yesus Kristus o' atino' olel ho med So malaikat ahow puin Yohanes, So man sia ho a'ramateng. 
+
+
+\v 2 Yohanes ho Lahtal o' mateng pa' e med Yesus Krstus o' sakola, honin di lelang airnu ba Sa a'hol am ho di. 
+        \v 3 Utu fetang med name ba Lahtal amang pa' ba u'paha' am ho ta'an mang u'lofe id u' a'raham honindi untu fetang med nameba nabafe sura' bolang om mi bit eh ho ma'eh' a'lepang a'lol a'taain ho a'raham.
+
+YOHANIS ADA MAHEN TAHOW JEMAAT BANG ITITO ASIA A'RAHAM.

01/04.txt

@@ -0,0 +1,3 @@
+\v 4 Yohanie amang pa', med jemaat bang itito Asia mi ho araham.
+    Untu fetang i'raham sariho Sa A'ra, Sa A'ra am, honin di Sa foil Ho' so; honindi hamoi bolang itito A'pong emele bolang ho mi,
+      \v 5 e med Kristus Yesus, som abul puin usaka, horo o a' ainag sofetang name min tofang anai homi honidi afen airnu pali' mate ta ho u meng. Sa'ri horo, piri u'karang honindi pi doc a'hal ho Sa so fui tepuin hafo',   \v 6 Sa tano' lubung matenu, e Omang Lahtal odor bu'ang, honidi O' amalang ei inung ho sam em so em ho ameng! so atino.*

01/07.txt

@@ -0,0 +1,5 @@
+\v 7 I'edun, Yesus tafiing bo' taho', honin e name tofang efail ta A'hol, honindi name ba A'ri te' amine di; honindi bang airnu pali' ho'o ta ho A'ri upe' bang. Ya, sari ho'o uil-uil mimeng! So Atino'.
+
+       \v 8 "Nari horo O' A ainang e med o amujmi, Tuhan Lahtal amang pa' Sa Ara, Sa Ara am, sam Sa foil Sabor ho, Horo o Amalang Mate." 
+
+YOHANIS NAMENO' AI AHOL

01/09.txt

@@ -0,0 +1,3 @@
+\v 9 Nari, ho'o Yohanes, i'di a'il i'raham mahip ma'ar a'hol, lubung mate mi, honin bo' na mang abul puin Yesus om mi, ara pali' nu ba name ubang Patmos fede' Lahtal amang pa' e Yesus usaka ei.
+
+       \v 10 Hamoi bolang nari boloil* Tuhan o hair mi, honin e Yesus amamg pa' lel-lel namot mi amang mang fede' huling mate honin, \v 11 sa ubang, "Nabafe a a'hol am ho a'hul med sura' mi honin e tahow med jemaat itito: Efesus, Smirna, pergamus, Tiatira, Sardis, Filadelfia, med Laodikia en."

01/12.txt

@@ -0,0 +1,2 @@
+\v 12 Horo, nana mot mi dun name ba nara mateng eh ho edun. Nana dimang dun he'e, falofang hid ludung sel itito,
+    \v 13 ludung sel itito o anai nu ho, nadun he'e namenu ho mang fede' Nameno' Ai honi,* fen lai sam e'fa lahel hupuin honindi falofag hid sanai ho A' del talil.

01/14.txt

@@ -0,0 +1 @@
+\v 14 Elafung e lafung ari nemang ho afel nub beng honi, afel tafiing honin; e'fail ho huring mang fede' afail huring eh honin. \v 15 E'fa ho lel mang fede' lahang afail om mi fail eh honin e A'mang pa' ho mang fede' sei lafoh honi. \v 16 Atang tani mi ho, Sa ibing itito puin, At om ho ne' ar amu' di huding ho At om lol hel, A'pong A'dang ne' ho lel mang fede' fed mate dang honi.

01/17.txt

@@ -0,0 +1 @@
+\v 17 Ho araham nadun A'hol he'e, na ol E' fa sel lehel mang fede' name min am honin. Honin sobo, Sa satang a'ra nari tameng Sa u'bang ho, "Haai baroic e; Nari horo o A'ainang he o A'muj mi, \v 18 emed Fetang Asel. Na min amso, honi sobo a edun Na no fetang sam so em ameng, Na min he lafopana o kunci puin.

01/19.txt

@@ -0,0 +1 @@
+\v 19 Honinfe, nabafe a' a'hol am ho hul, emed nabaso sel fed ho'o mi ara amed oba mong sel o amuj mi ara. \v 20 Ho natafuning fa ibing itito Na'tang om mi ba a' a'hol emed falofang hid ludung itito ho. Ibing itito ho jemaat itito ho o malaikat; honidi falofang hid ludung itito ho jemaat itito."

01/title.txt

@@ -1 +1 @@
-Pasal 1
+HALOW O'SURA' O'ASEL MATE NU MI

02/01.txt

@@ -0,0 +1,6 @@
+SURA' TAHOW JUMAAT MI EN
+
+   \v 1 "Malaikat jumaat Efesus mi na hoo hul: Aiba ibing pa' itito Satang tani mipuin, med lampu epa' mas itito o'anai lame eh horo o'mateng pa':
+
+
+   \v 2 O karesang tofang o' latutung her om tahang Na a'hol, taro' nife nasah uiri tahang sah, med nameba saridi rasulho i o'atino' lap,* sobo o'abul ho supi e'rasul nene, i a'hol honi he'e supiho e' rasul abul nene.

02/03.txt

@@ -0,0 +1 @@
+\v 3 Om dume med tahang toh a'ra iafahmi fede' Nani ei araham, med lahun lakome i e' ahol nene. \v 4 Sobo, Na iehap fede' i ukarang aainang i med mengam. \v 5 Honife, uma itaromi ol, iom afom, nabafe i aainang panenam, horo foil panen. Aai honi he'e, Na ho' olapho', o'lampu epa' ho Na eleme homi med, mang fede' i e' iom afom nene.

02/06.txt

@@ -0,0 +1,5 @@
+\v 6 Honi sobo, ho'oro imed: Nikolaus o'ataain med o'panen nunho i o'sah ubang, fede' Naridi o'sah ubang. 
+
+   \v 7 Aiba a'fel ara' sei honie nabafe Roh ubang* med jumaat tofang a'ra matengho saridi alepang. Aiba tahang sam o' amujmiho, Ti Fetang mong Lahtal O'dil om miho, Na homi sei namej med en ade."
+
+SURA' TAHOW JUMAAT SMIRNA EN

02/08.txt

@@ -0,0 +1,4 @@
+\v 8 "Med, malaikat mong Smirna mi na ho' hul:     
+      
+     Ho'oro Aiba Aainang ara, sam o' Amuj midi a'ra, minam sobo sofetangam horo o'mateng pa':
+ \v 9 Isusa imalo isah ilahal Na ahol, sobo o'abultaho i kafac! Na ahol, nameba sanibit Yahudi hinung ho iebit ieng el, sobo e' nene, sariho Setang o' airlah so.

02/10.txt

@@ -0,0 +1,7 @@
+\v 10 Sah karang tofang maa ifetang om mi sobo haai ubaroc. Edun, setang maa inai homi pirnu alo med sapirimi name ipate, imaar mahip ahol tareng ernu om mi. Alol ataain sam somin, honie Na fetang o' falofang hideta med ien. 
+
+
+
+\v 11 Sariba afel araho nabafe Roh bit jumaat tofang ara mateng saridi ma eh. Name tahang toh ho sa min o' mialomi o' susa karang a'hol nene." 
+
+SURA' TAHOW JUMAAT PERGAMUS MI EN

02/12.txt

@@ -0,0 +1,4 @@
+\v 12 "Med, malaikat mong Pergamus mi na ho' hul: Ho'oro Aiba nei huding e'fail alo puin ho o mateng:
+
+
+     \v 13 Seleme taromi Na ahol, mong Setang o'lahmatemi; sobo Nani i apuin dume, No udume i e' ukalufe nene, o'mita mong Antipas o' zamangmi, No name ernuba som abul puin Namang pa' ubang eiho, name inai homi amine, mong setang o' lah mi.

02/14.txt

@@ -0,0 +1,5 @@
+\v 14 Sobo, Na iehap fede' inai miho pirnu alo Bileam o'gurpel ataain, Balak hodi sa gurpel honie na u u'fit ei panen med Israel aibar emeng*, sariho namejba fisam ah foi ah eiho supi ahow ade* med ob bar ara doc panen. 
+
+
+
+\v 15 Foil nuho, inai homi pirnu alo Nikolaus o'gurpel apuin hodi honi.

02/16.txt

@@ -0,0 +1,11 @@
+\v 16 Honife, iom afom! sobo aai he'e, Na iolapho' Nei Nat om mi Na puin supi ara mali. 
+
+
+      \v 17 Aiba afel araho, nabafe Roh med jumaat tofang ara mateng ho saridi ma'eh. 
+
+     Aiba tahang toh sam o'amuj mi, Na namej* tafuning med en; foi afel hir med en, med ani habarnu foiho tahul meng, name pirnudi ahol nene seilalho aiba foiho med horo solo ahol."
+
+
+
+
+SURA' TAHOW JUMAAT TIATIRA MI EN

02/18.txt

@@ -0,0 +1,2 @@
+\v 18 "Med, malaikat mong jumaat Tiatira mi na ho' hul:
+    Sari hoo Lahtal Aiba, E'fail huring mang fede' afail honi, E'fa huring talol mang fede' na ol mong afail mi olel honi o'mateng pa': \v 19 I panen aten, iukarang med iudume, ibaleta med iom tahang Na ahol, i karesang tofang o'amuj miho, karesang o' aainangho alihing.

02/20.txt

@@ -0,0 +1,4 @@
+\v 20 Sobo, Na ehap fede' Isebel ob ho imed admeng, ubang sariho nabi, sa gurpel, No name baleta ernu sa med sesah ua'd, ob bar ara nasah panen, med ade na eiba fisam ti ah foi aham ho ade.
+
+
+ \v 21 Na sel med en ahow som afom, sobo ob bar ara nasah panen ho, sa saain u som afom.

02/22.txt

@@ -0,0 +1,4 @@
+\v 22 Edun, Na ari med de' maar mahip tafew, med supiba ara doc panenho* Na med sah karang mate mifew, asala supi ob bar o'panen ernuho usom afom. 
+
+
+\v 23 Med, Na o'aikabar nun amine; honi jumaat ahol Nari horofe name o'tanut med om ah apate, Na med ien iri an, ipanen iatenho ataain.

02/24.txt

@@ -0,0 +1,3 @@
+\v 24 Sobo, iri beng Tiatira miho, o'ba gurpel ho' ataain nene, med Setang ei tafuning ahol dai ho, Na iramateng: Na e natarofe den iri tameng nene. 
+
+\v 25 Honi sobo, nabafe i medam apuin dume sam Na so ho'.

02/26.txt

@@ -0,0 +1,5 @@
+\v 26 Med, nameba tahang toh med No karesang ernu panen sam o'amuj mi, Na tutung kufa' en bang ernu puin, 
+\v 27 med supi dob na ol puin bang ernu parenta, beh apo' kari'-kari' mang fede' name dong faw aputang muj honi, fede' Naridi tutung kufa' Nimang abung medam. 
+
+\v 28 No, Na ibing fed po' lol med en. 
+\v 29 Aiba afel ara' nabafe Roh umateng med jumaat en ma'eh saridi ma'eh alepang."

02/title.txt

@@ -0,0 +1 @@
+HALOW O'SURA' O'ASEL MATE ALO MI

03/01.txt

@@ -0,0 +1,10 @@
+SURA' TAHOW JUMAAT SARDIS MI EN
+
+   \v 1 "Med, malaikat jumaat Sardis mi na ho' hul:
+
+   Ho'oro Aiba Lahtal o' Roh itito* med ibing pa' itito ara abungho o' mateng:
+
+ Na ipanen aten ernu Na ahol. Name ubang ifetang, honi sobo o'abul ho imin.
+
+
+    \v 2 Iri bu'ang, an tofangba edai minam sobo dai ara eh ho, ano' kufa' fede' ikaresangho, Lahtal araham homi no' hamam, sobo Na e' ahol dai.

03/03.txt

@@ -0,0 +1,4 @@
+\v 3 Honife, nabafe ialepang medam, sariho alol ataain med iom afom! Mang fede' ibu'ang nene, Na ho' mang fede' name na ta'u honi, med Na ho' od den i e ahol nene. 
+
+
+\v 4 Honi sobo, iei name oinu mong Sardismi supi sofendi e ano' kome dai; supi fen afel puin Nara lame fede' Na uinung.

03/05.txt

@@ -0,0 +1,6 @@
+\v 5 Name tahang toh fen afel puin med supi ani Sura' Fetang mi Na e' luh nene. Na Nimang med O'malaikat tofang araham mi aniho o'atino' ubang.
+
+
+ \v 6 Aiba afel araho, sei honi sa nabafe Roh ubang jumaat ara matengho, saridi ma'eh alepang."
+
+SURA' TAHOW JUMAAT FILADELFIA MI EN

03/07.txt

@@ -0,0 +1,9 @@
+\v 7 "Med, malaikat jumaat Filadelfia mi na ho' hul:
+
+   Sari Ho'oroba Bolang, Abul, Daud o'kunci puin,* sa during name nudi utel sah; sa utel name nudi during sah:
+
+
+
+
+
+ \v 8 I panen aten Na ahol. Edun, Na sear during iere'engam, name nudi telsah fede' iei kufa' kaai, sobo No fom pa' i ataain, med Nani i e ukalufe nene.

03/09.txt

@@ -0,0 +1,7 @@
+\v 9 Edun, Setang o' aome bang Na panen araham, supiba ubang Yahudi hinung, sobo e' abul nene, supi aba, Na supi akala sa supi ma i'e'fa selmi fa'ur muding, panen supi ahol Na iri ukarang. 
+
+
+\v 10 Fede' No fom pa' dume i ugariang, Na iri gariang mong sel sah karang ba ho' pali' mate ta, puin name pali' mate ta apate om homi.
+
+
+\v 11 Na hano'ang ho'. Naba a'ra ibungho apuin dume, honie sa name nudi ohid mate med e'.

03/12.txt

@@ -0,0 +1,4 @@
+\v 12 Aiba tahang toh, Na ano' No Lahtal O'bang om Bolangho o' ludung matu, med sa homi hel lame neneam; Na No Lahtal ani med No Lahtal O' bang bolang sari ho Yerusalem med ari tahul, sariho tong No Lahtal sorgami abung hel, med Nani habar om mi. 
+\v 13 Aiba, afel araho, seihonie, nabaso Roh ubang jumaat ara mateng he'e, saridi ma'eh alepang."
+
+SURA TAHOW JUMAAT LAODIKIA MI HO EN

03/14.txt

@@ -0,0 +1,4 @@
+\v 14 "Med, malaikat jumaat Laodikia mi na ho hul: Ho'oro ta ahol ta ma'eh, med mulang ernu turlo Lahtal atenho o'aainang, sariho so atino' o' matengpa':
+ \v 15 Ipanen aten Na ahol, sariho imaab nene soeme bune. O' mino'ho imaab aai he'e bune. 
+
+\v 16 Fede', i pan-pan honife, e'bune nene soeme maab, Na iri puin uj Nat om lol hel.

03/17.txt

@@ -0,0 +1 @@
+\v 17 Fede' iubangho, 'Na kafac, tofang lu'ung, nanudi e' kurang bo' nene,' sobo i e' ahol nene sariho o'abulta he'e iriho fasah masah, sah lahal, ieng sah med a'boi tang oh. \v 18 Na ifom honi Nabung masfel, masho afail puin ano' mas a'bulam honie ikafac, Nabung fen afel-afel fel honie itew puin, honie ihaai mala maniang ahol e' fede' name e' i a'boi ahol neneam, med ie'fail ho dafang mi, honie idun na ahol.

03/19.txt

@@ -0,0 +1,3 @@
+\v 19 Supi Na ukarang, Na beh, Na e'hap; honife iom abole, iom afom! 
+
+\v 20 Edun! Na se'ar mitoh se'ar a'faw eh. Mang fede' nameden Namang ma'eh so se'ar during, Namid olap mid, honie sari med Nari, ni ham-ham mih na'de.

03/21.txt

@@ -0,0 +1 @@
+\v 21 Aiba tahang toh ho, Na u inung sa Nara ham-ham No kadere mate tamih, mang fede' Na tahang toh, no' Na Nimang ara ham-ham o' kadere mate tamih honi. \v 22 Aiba a'fel araho, nabafe Roh ubang jumaat ernu ara mateng saridi ma'eh alepang."

03/title.txt

@@ -0,0 +1 @@
+HALOW O'SURA O'ASEL MATE TOW MI

04/01.txt

@@ -0,0 +1,5 @@
+YOHANIS DUN SORGA A'HOL
+   \v 1 No' na dun hee, sorgami se'ar nu sari during, med name amang pa'ba fede na ma'eh o'rupa huling mate honi, sa ubangho, "Madong ho'o lemadong, med ho'o no', honi he'e nabaso foil a'raho na etub."
+
+ \v 2 Mang selhomi, Roh bolang nari baloil* nadun he'e, kadere matenu ara tong sorgami, namenu tami eh. 
+\v 3 Med, Aiba kadere tamieh ho, mang fede' foi huring mer honi; med haai bo'nu kadere mateho fading, edun maru bain honi.

04/04.txt

@@ -0,0 +1,3 @@
+\v 4 Kadere mate efading homi, kadere pa' eralo falingut a'ra, tumo'bar pir eralo falingut* nadun he'e kadere ho tamieh, kod lai afel mang, hide mas selafung tamang. 
+
+\v 5 Med, dil mer laai laher kadere mate homi hel. Med, lampu pa itito kadere mate a'hoi mi fail eh, sariso Lahtal o' Roh pa' itito.

04/06.txt

@@ -0,0 +1 @@
+\v 6 Med, Kadere mate ahoi miho, nanu mang fede' tang hukung lel honi. Kadere o'ham mi med e'fadingho, nafetang pirut ara homi, om med amotho mang e'fail horo mamang.

04/07.txt

@@ -0,0 +1,11 @@
+\v 7 Nafetang aainangho Singa honi, med nafetang o'mialo nub lote honi, med nafetang o'mitow ho apongfa' nameno' apongfa', med nafetang o'miut mang fede' elmate lil ehoni. 
+
+
+\v 8 Nafetang pirutho, barpi a'fitang pa' talang, e'fail a'feng om mi amotmi; dil lel dil paka supi mateng sei masing ubangho,
+
+
+
+
+
+     "Bolang, bolang, bolang Tuhan, Lahtal somi tutung kufa',
+      ara am, so ara eh, med mong maehdi ara."

04/09.txt

@@ -0,0 +1,11 @@
+\v 9 Med, nafetang ho lel madal ubang, ada ahol, mahen few med Aiba kadere tamieh ho, med fetang em sam so emho araham,
+ \v 10 tumo' pir eralo faling utho, Ai kadere tamieh ahoi mi fa'ur muding med uada ahol, Sariho fetang em sam so em ho araham, supi sohide med kadere ahoi homi few no' he'e, ubangho,
+
+
+
+      \v 11 "O ni Afen med ni Lahtal, 
+      Ariso lel madal, ada'hol med tutung kufa' Amed
+
+        fede' ernu turlo Ariso aten ahome
+
+     med Ei inung barpi A aten ahome ara."

04/title.txt

@@ -0,0 +1 @@
+HALOW O'SURA O'ASEL MATE UT MI

05/01.txt

@@ -0,0 +1,5 @@
+SURA' KOL MED NUB AI
+
+   \v 1 No' nadun he'e, Ai kadere tamieho, sura' kolnu satang tani mi puin meng* sari sura' kol ho nahul ara omdimi amot dimi, o'pec dume pa' itito. 
+
+\v 2 Med, nadun he'e malaikat o'karangnu a'tino' lofe ubangho, "Anoso maa no' ham honie sa sura' hoo med o' pec amine pa' itito ho during no?"

05/03.txt

@@ -0,0 +1,5 @@
+\v 3 Honi sobo, name pirnudi aai, sorgamidi aai, pali' matetadi aai, pali' mate e'far mi, name pirnudi sura'ho during sah, om edundi sah. 
+\v 4 Horo, na morang a'titino' fede' name om no' sa sura'ho during med om edun no'ho o'name pirnudi aai. 
+
+
+\v 5 Honi sobo, tumo' barho* nu nara mateng, "Sono' por! Edun, Yahuda o'lelang om, Daud o'fol ei Singa peh ernu ta do' sariso no' ham, sariso sura' kol med o'pec dumeho a'fetang."

05/06.txt

@@ -0,0 +1 @@
+\v 6 Na foil dun he'e, kadere mate o'ham ham ho, med nafetang pirut fede' ho, med tumo' bar o'anaiho, Nub Ainu tufeh, mang fede' name doro ta oin am honi, a'mu' pa' itito, e'fail pa' itito, sariho Lahtal o' Roh ititoba name a'how pali' mate mipir ho \v 7 Nub Aiho ma Ai kadere mate tamieh ho atang tani mi sura' ho med.

05/08.txt

@@ -0,0 +1 @@
+\v 8 Nub ai mang sura' ho med he'e, nafetang pirut med tumo' pir eralo falingut ho Nub Ai apong adang mi fa'ur muding, huling kaai sarian, tuai mas ti manem afeng, sariho name bolang ernu o' aome pa'.

05/09.txt

@@ -0,0 +1,13 @@
+\v 9 No supi dal habarnu puin dal, ubangho:
+
+
+        "Ariso no'ham sura' ho med
+
+       o'pec amine afetang name O'doro taoinam,
+
+      O'fui horo, A puin bang ernu lelang ernu o'fali med ano' Lahtal o' lelang o' bar.
+
+
+
+     \v 10 Ariso supi ano' bang mate lelang tofang, supi med Lahtal o'dor bu'ang, 
+   supi pali' mate taparenta."

05/11.txt

@@ -0,0 +1,5 @@
+\v 11 No' nadun, med alepang he'e, malaikat tofangba kadere fading, nafetang pirut med tumo' bar amang na ma'eh. Supi o'tofangho rib mirib, 
+
+    \v 12 supi atitino' lofe id, ubangho,
+
+      "Nub Aiba doro taoinam horofe no'ham, kufa' med, kafac, na'hol dil ma'eh, lel madal med dal orang med araham."

05/13.txt

@@ -0,0 +1,10 @@
+\v 13 No na alepang he'e, nafetang sorgami, pali' mate ta, med pali' efar, tang om mi, sobarpi supi ubangho, 
+
+
+
+     "Ai kadere mate ta, med Nub Ai, 
+
+    dal orang, ada'hol, mate lafining med tutung kufa' bit araham em sam so emho a'meng!"
+
+
+     \v 14 Med, nafetang pirut ubangho, "Atino'!"* med Tumo' bar fa'ur muding uada ahol.

05/title.txt

@@ -0,0 +1 @@
+HALOW O'SURA O'ASEL MATE IFIHING MI

06/01.txt

@@ -0,0 +1,3 @@
+NUB AI PAFO AAINANG MIDURING SAM O' MITALANG MIMENG
+
+     \v 1 O'ataain, na edun he'e Nub Ai sa pafo ititoho nuduring, na alepang he'e, nafetang pirut ho numateng amader arib da'ud ehoni, ubangho, "Ma!" \v 2 Horo, nadun he'e, kuda afelnu ainu tamieh, abamate puin; med hide mate mame med e'lafung tamang, no' he'e safa malipun beng ernu sa ano' bol so oh sariho menang.

06/03.txt

@@ -0,0 +1 @@
+\v 3 No', Nub Ai sa foilfa pafo o'mialo ho during, na alepang he'e, nafetang o'mialo ubangho, "Ma!" \v 4 Horo, kuda ten nu mangfede ahuring honi, med ainu tamieh ho, name kufa' en ahow tining talaj pali' mate taho med honie, nameno' samine satubing, no' name neimatenu med en.

06/05.txt

@@ -0,0 +1 @@
+\v 5 No', Nub Aiho pafo o' mitowho during, na alepang he'e nafetang o' mitow ubangho, "Ma!" No' Nadun hee, kuda la'an nu, med Ainu tamieh ho dasingnu puin. \v 6 No' na alepang he'e, mangfede' nafetang pirut a'nai homi name amader ubangho, "Ala makonu he'e senghirnu, falei taring tow he'e senghirnu, sobo haai iping med anggurho asahain e'!"

06/07.txt

@@ -0,0 +1 @@
+\v 7 No' Nub Ai pafo o' miutho during, na alepang he'e nafetang o'miut ubangho, "Ma!" \v 8 Horo, nadun he'e kuda lew nu ainu tamieh ani Min male med Lafo paka ataain. No' pali' mateho, o' habuden mimate o' kufa' supi med, o' nameno' supi mipuin amine, hil malihing med mode maar med araham, med binanta ariing supi mimuj.

06/09.txt

@@ -0,0 +1 @@
+\v 9 Pafo o' mi ifihing Nub Ai during he'e, nadun honi he'e, Lahtal o' dor e'farho* nameba Lahtal o'fompa' ubang pali' mate mipir med supi utahang toh, supi o' laman barpi dorsel homi lahuring eh. \v 10 Supi lofe id ubangho, "O Tuhan bolang med om abul, A Ari tahang o' lufang taro'nife, Aano' hu' botang dasing ap, puin nifui her ho, o' abor med supi pali' mateta en?" \v 11 No', laman tofangho name kod lai afel dalam supi arian, name supi a'ra mateng, ier apite'ta, sam itenang elbar fompa' umateng ei, med supi o'diail bar name a'mine o'rupa supi honi ho, o'tofang an.

06/12.txt

@@ -0,0 +1 @@
+\v 12 Na foildun he'e Nub Ai foil pafo o' mitalangho during, tafufui mate toh; fed eng laan, mangfede' karang ari' nemang honi, med ul eng mangfede fui honi. \v 13 Med ibing burangta laher pali' mate tahel mangfede' aong pa' lew hamoi mate mitoh ba laher honi. \v 14 No' burang peh mangfede sura' kol honi, doi med pali' seleme mi sa luil a'hal seh.

06/15.txt

@@ -0,0 +1,2 @@
+\v 15 Horo he'e, afen ernu pali' mateta, mate-mate ernu, bel lamuil ernu,* name kafac ernu, malang mate ernu, name ahow atiting ernu, name karesang aai ernu, barpi teeng mong foi tofang doitaho a'nai tafuning. \v 16 Supi doi ernu med foi karangho aramateng, "Tarutung niri tahel honiesa Ai kader mate tamieh med Nub Ai o'ariing failho, haai nihol e'!
+\v 17 Fede', ariing med supi ere'eng o' hair mateho o'selmi am, med anoso maa tahang no'?"

06/title.txt

@@ -0,0 +1 @@
+HALOW SURA' O'ASEL MATE TALANG MI

07/01.txt

@@ -0,0 +1,2 @@
+ISRAEL O' NAME RIB RATNU ERUT FALING UT APONGFA' PAFO
+   \v 1 Ho no', nadun he'e malaikat pirut pali' mate o' tapor ut mitufeh, supi hamoi afang ut pali' taho tahang honie, supi haai taat di tatoh e, tangdi tatoh e, med ti lelang ernu mitoh e'. \v 2 No, nadun he'e malaikat bengnu fed po' lolho', Lahtal satang o' pafo puin ho'. Sa malaikat pirut kufa' med puin pali' mate med tang asahain eiho sa o'lofe, \v 3 "Pi Lahtal o' nameno' ernu sa ahow atiting eiho, nipafo dai he'e, pali' mate med tangho asahain dai ten."

07/04.txt

@@ -0,0 +1,4 @@
+\v 4 Na ma'eh he'e supiba apongfa' pafo feho, otofang rib ratnu erut falingut. Supi barpi lelang bar Israel miho o' aibar:*
+
+
+\v 5 "Yahuda" o' lelang miho rib ernu faling alo. "Ruben" o' lelang miho rib ernu faling alo. "Gad" o' lelang miho rib ernu faling alo. \v 6 "Aser" o' lelang miho rib ernu faling alo. "Naftali" o' lelang miho rib ernu faling alo. "Manasye" o' lelang miho rib ernu faling alo.

07/07.txt

@@ -0,0 +1,3 @@
+\v 7 "Simeon" o' lelang miho rib ernu faling alo. "Lewi" o' lelang miho rib ernu faling alo. "Isaskar" o' lelang miho rib ernu faling alo. \v 8 "Sebulon" o' lelang miho rib ernu faling alo. "Yusuf" o' lelang miho rib ernu faling alo. Benyamin o' lelang ho apongfa' pafoam.
+
+NAMENO' TANG LA OLEH HONI

07/09.txt

@@ -0,0 +1 @@
+\v 9 No na edun he'e, nameno' tofang empir pi taan sah, sari nameho bang arian, pali' arian, lelang a'rian, o'mateng di a'fang-a'fang, kadere mate med Nub Ai a'dang mitufeh, supi kod mate lai afel ma, ti ani palem o' abale sarian, \v 10 supi lofe id ubangho, "Il luling ni Lahtal kadere mate tamieh ho, Nub Ai araham."

07/11.txt

@@ -0,0 +1 @@
+\v 11 Med, malaikat nunba kadere mate med tumo' bar fading tufeh,* med nafetang pirut ho, supi fa'ur muding Lahtal uada ahol, \v 12 supi ubangho, "Atino'!* dal orang, lel madal, dil maeh, ada mahen, ada hormat, tutung kufa', dume tapor, med Lahtal araham sam em so em a'meng. Atino'!"

07/13.txt

@@ -0,0 +1 @@
+\v 13 No', tumo' bar o'anai homi nunatan ubangho, "Supiba kod afel lai mangho anoso, med supi taromi ho'?" \v 14 Horo, na ara mateng, "No tuang, a a'hol." No', sa naramateng, "Supiho nameba maar mahip mateho om mihelam, Yesus o'atino' ubang, Nub Ai o fui om mi bolangam.

07/15.txt

@@ -0,0 +1 @@
+\v 15 Honife, supi Lahtal o kadere mate adang toh, Ari ubaleta dillel dilpaka, mong o'bang om mi; med Aiba kadere mate tamieh ho, supi ara tohuil. \v 16 Supi malihing med doro taat ahol nene; fede bune med bune bengdi supi e' ahol neneam. \v 17 Fede', Nub Aiba kadere mate o'ham-ham miho, sano' buang no', Sa supi epuin atang puin sam sei engtapir fetang leam; med Lahtal supi eng noiho barpi luh a'no' taat."

07/title.txt

@@ -0,0 +1 @@
+HALOW SURA' O' ASEL MATE ITITO

08/01.txt

@@ -0,0 +1,3 @@
+NUB AI PEC HEI O ITITO MI AFETANG
+
+   \v 1 Nub Ai pec hei omi itito afetang he'e, sorga om tining rameng od bo' om mi. \v 2 Med, nadun he'e malaikat pir itito Lahtal araham mitufeh, med huling mate itito name supi en

08/03.txt

@@ -0,0 +1,3 @@
+\v 3 No', malaikat bengnu ma dortatoh*, mahen apew eleme masnu sapuin; mahen few o' naernu name med en, honie sa name bolang tofang o' aome pa' ara med dor mas kadere mate araham tufeh ho tameng. \v 4 Horo', mahen few o' bano' med name bolang o' aome pa' barpi malaikat atang homi mid Lahtal apong adang holemid. \v 5 No' he'e, malaikat mahen few elemeho med, sa dorta afail med mi sa few pali' mate tahel; horo he'e alepang he'e burang da'ud dil mer tafufui toh.
+
+HULING MATE AAINANG SAM OMIUT NAME APU

08/06.txt

@@ -0,0 +1,2 @@
+\v 6 Ho no' he'e, malaikatba huling mate itito puinho sari utaro' huling apu. 
+\v 7 Malaikat aainang sei huling apu he'e, noi es med afail e fui sara talol; name u'huin pali' mate tahol, horo pali' habuden mimate, ti lelang ernu med banang lew fail oh.

08/08.txt

@@ -0,0 +1,2 @@
+\v 8 Malaikat o' mialo sei huling apu he'e, nanu mang fede' doi afail honi name few tang lehel; tang habuden mate sano' fui, 
+\v 9 horo he'e nafetang ernu tang om miho min oh, med kapala tanglol tofang po' butung.

08/10.txt

@@ -0,0 +1,2 @@
+\v 10 Malaikat o' mitow sei huling apu he'e, ibing matenu huring talol afail honi, muj tofang med sei engtapir tofang lehel. 
+\v 11 Ibing mateho ani Apsintus. Horo, sei mitofang sano' apsintus, name tofang min, fede' seiho maarkio am.

08/12.txt

@@ -0,0 +1 @@
+\v 12 Malaikat o' miut sohuling apu he'e, fed habuden mate, ulhabuden mate, ibing habuden mate hod te'eng, paka oh, dil lel dil paka, dil pakadi honi.

08/13.txt

@@ -0,0 +1 @@
+\v 13 No' nadun med ma'eh he'e, marubain matenu burang ham homi lil lame eh, samateng amang mulang ubangho, "Sah karang, min male, taru' malot, iri pali' matetaho iraham, fede' huling mate o' mitow malaikat bengnuso foil apu ano' amang."

08/title.txt

@@ -0,0 +1 @@
+HALOW SURA' O ASEL MATE TURLO

09/01.txt

@@ -0,0 +1,2 @@
+HULING MATE O' MI IFING NATAFAH ALOIL O' AAINANG PANEN
+     \v 1 No', malaikat o' mi ifihing sohuling apu, nadun he'e, ibingnu burang tamuj pali' mate tahel, name lafo paka o' kunci en. \v 2 Sa lafo paka during, horo abano' mangfede' he'foi mate o'abano' honi lafoho lol madong, horo fed med lulingham paka a'muj.

09/03.txt

@@ -0,0 +1 @@
+\v 3 No', kafe tofang abano' ho lol madong, supi malang med orupa pail honi, supi madong pali' mate afeng. \v 4 Med, name supi ahow haai banang med tilelang ernuho a'sahain nene, seilalho supi ba Lahtal o hul o' tanda e a'ra apongfa' taseh nene horo.

09/05.txt

@@ -0,0 +1,2 @@
+\v 5 Name amineho e' usupi a'how nene, sobo mang supi asara ul ifihing om mi; med maar mahip mang fede' pail name eh honi. 
+\v 6 Selhomi, name minlap, sobo supi e' ahol nene. Supi om min uma, sobo  min supi el te'eng.

09/07.txt

@@ -0,0 +1,3 @@
+\v 7 Kafe ribho mang fede' kudaba name alelang sam mali e am honi; nanu supi lafungta mang fede' hide mas honi, apongfa' nameno' apongfa' honi.
+\v 8 Supi elafung ari nemang obbar ei honi, afihing mangfede' singa ei honi, 
+\v 9 Med supi adel mangfede' kod na ol honi, supi a'fitang mangfede' kudaba kereta baring mali leam honi.

09/10.txt

@@ -0,0 +1,7 @@
+\v 10 Med, supi olpa' mangfede' pail ol honi, o' om miho dafang sah med kufa' arami, supi horo puin nameno' ano' maar mahip ul ifihing om mi. 
+\v 11 Afenba supi parentaho lafo paka o' malaikat, a'niho Ibrani o' mateng mi he'e "Abadon", sobo Yunani o' mateng mi he'e "Apolion".
+
+
+       \v 12 Sah karang aainang alaiam, sobo maar mahip ba'ang alo dai maeh.
+
+HULING MATE O' MITALANG AMANG

09/13.txt

@@ -0,0 +1,2 @@
+\v 13 No', malaikat o' mitalang sohuling apu, med na alepang he'e, name amang na a'mu' pa' utba* dormas Lahtal apong adang homi hel, \v 14 malaikat o' mitalang huling mate puin ho ara mateng ubangho, "Malaikat pirut mong Efrat mol matemi apec mengho afetang ad."
+\v 15 Horo he'e, malaikat pirutba, o'ad, o'hair, o'ul med o'tun utaro'amho name ad honie supi nameno' habuden mate amine.

09/16.txt

@@ -0,0 +1,2 @@
+\v 16 Supi o' bel lamuil kuda puinho; o' tofang na maeh juta ratalo.
+\v 17 Med, na aholmi o'rupa honi; kuda med name kuda tamieh; ho kod na ol ma, kodho den ten, den lew paka, den ba oil mangfede belerang honi; supi o' kuda elafungho singa lafung, afail, abano' med belerang supi at om lol hel.

09/18.txt

@@ -0,0 +1 @@
+\v 18 Sari natahowba afail, abano', med belerangba supi at om lol hel horo puin nameno' habuden mate amine. \v 19 Fede' kuda nunho, o kufaho olpa' med at om femi. Fede', supi olpa' mangfede mon honi elafung ara, supi horo puin name asara.

09/20.txt

@@ -0,0 +1 @@
+\v 20 Sobo, nameno' o' il mimuj, sah karangho eumin neneho, satang ei panen atenho usom afom nene, sariho roh sah uada ahol* foiti ah, lahung med na ol mas uada ahol, fede eng aai afel aai, lame sah, \v 21 med name amine, halimang lapar, obbar o'ahal, med tau dur, supi usom afom nene.

09/title.txt

@@ -0,0 +1 @@
+HALOW SURA' O' ASEL MATE TIEINU

10/01.txt

@@ -0,0 +1,3 @@
+MALAIKAT MED SURA' KAAI KOL
+    \v 1 No', nadun he'e malaikat kufa' nu sorga mihel, o'fenho tafiing e'lafung haai bo'ta, apongfa' fed honi, e'fa mangfede ludung afail honi. 
+\v 2 Malaikatho sura' kaai nupuin sobo sari during meng. Sa se'fa tani med tangta atuhuin, se'fa fiing taatta atuhuin,

10/03.txt

@@ -0,0 +1,2 @@
+\v 3 no' sabeat o'amang singa honi, sa amang amuj he'e, burang da'ud mi itito; supi soture da'udho name en maeh.
+\v 4 Burang da'ud mi itito, no' nahul bit sobo, na alepang he'e name amangpa' sorga mihel ubangho, "Nabafe burang da'ud ubang am ho apec! Haai hul nene!"

10/05.txt

@@ -0,0 +1,3 @@
+\v 5 No', malaikatba nadun he'e tang med taat tatufeho satang tani atel burang araham, 
+\v 6 no' sa Aiba fetang em ameng, sariso burang med o'om mi aten, sariso pali' mate med o'om mi aten, sariso tang med o'om mi aten, sa Ani puin soki so arooin min, sa ubangho, sel uta neneam,
+\v 7 sobo, malaikat o'mi ititoho sohuling apu honi he'e, Lahtal o'natafuning ano' an, mangfede' Sa bit Soname ahow ei sariho nabi ara matengam honi*."

10/08.txt

@@ -0,0 +1,2 @@
+\v 8 No' he'e, name amangpa' sorga miho'ba fede' nama eh foil nara mateng ubangho, "Sam sura' kol sari during mengba, malaikat tang med taatta tufeh atang mieh ho med."
+\v 9 Horo, nasam malaikatho abung, sura' kaai kolba sa puin ehho bang med. Med, malaikatho naramateng ubangho, "Sura' ho' med honie ade, sa ato' ano' maar kio, sobo at miho darefang fain sei honi."

10/10.txt

@@ -0,0 +1 @@
+\v 10 No', na malaikat abung sura' kaai homed na ade, nat om mi darefang fain sei; sobo na ade no' he'e, nato' maar kio. \v 11 No, sa naramateng, "Bang ernu pali' ernu, mateng lurung tofang, med afen ernu eng adang homi afoil apapail umateng."

10/title.txt

@@ -0,0 +1 @@
+HALOW SURA' O' ASEL ERNU

11/01.txt

@@ -0,0 +1,3 @@
+TA AHOL TA MA EH PIRALO
+   \v 1 No', ulbo' nu mangfede dob na hu' dap ei honi name nen, o'mateng ubangho, "Sam Lahtal O'bang o hemangbo' med nameba o'om mi aome ehho, hu' dap. 
+\v 2 Honi sobo, hemang luling lolho seseh, fede Bang Bolang o' hemang luling lolho, med bang ernu en; honie supi Pali' Bolang manepho tatoh talame ul eralo faling ut om mi.

11/03.txt

@@ -0,0 +1 @@
+\v 3 No', Na tutung kufa' med no name ta ahol ta maeh piralo en supi na tafuning ano' lel* o'lufang tareng ribnu rat alo ertalang om mi, supi ahain a'fe' o'fen puin." \v 4 Supi horoba, Zaitun sel alo med lampu o' tu ei alo Lahtal a'hoi mitufeh, horo pali' mate uaneng. \v 5 Med, mangfede' nameden supi ano' maar mahip uma, afail supi at om mihel puin supi o' falefangho apew fail oh. Mangfede' anoso om supi ano' maar mahip uma, sari na ho'oro supi puin aiho amine.

11/06.txt

@@ -0,0 +1,2 @@
+\v 6 Sanangalo tutung kufa' ara, puin burang tel honie, sel arian supi natafuning bit eh noi her nene; tutung kufa' supi puin sei abor ano' fui, selnu numi supi sah karang puin pali' mate beh par, mangfede' supi om uma. 
+\v 7 Mangfede' ta ahol ta maeh supi ubang mi anam honi he'e, binanta lafo paka mi madong supi ara mali puin, supi bol horo he'e supi min.

11/08.txt

@@ -0,0 +1 @@
+\v 8 Supi o' bo' mate mong semate sam bang mate leam eiho mi oleh, mateng ba tafew ubangho, Sodom* med Mesir, sari horo mi name pi Tuhan med arapti ta haleng. \v 9 Med, bang ernu pali' ernu, lelang bar, barpi sanang alo o' bein edun, o' lufang fed tow bo', sanang alo o'beinho e' apot nene, fede o' u inung aai.

11/10.txt

@@ -0,0 +1,3 @@
+\v 10 Med, o' pali' matetaho bad herang supi a'raham; supi sapano' o' natahow sen, fede' nabi pir alo ho'o supi asara empir pali' mateta. 
+\v 11 Honi sobo, tareng tow bo' ho no', Lahtal o' Roh fetang name alo o'bo' lemid horo he'e supi se'fa tatoh, nameba sananglo edun baroc. 
+\v 12 No supi alepang he'e, name amang pa' sorga mi hel supi aramateng, "Madong ho' lemadong!" Horo, supi lafining omimid sorga lemid, med supi o'falefang nunho dun supi ahol.

11/13.txt

@@ -0,0 +1,4 @@
+\v 13 Med, selho araham, tafufui mate toh, bang mate lelang tofang taberang; nameno' rib itito min, no' he'e name o'min neneho baroc empir horo hee, supi Lahtal sorgamiho utarain. 
+\v 14 Sah karang o mialo a'laiam; dun sah karang o' mitow foil ho' eham.
+
+HULING MATE O' MI ITITO A'MANG

11/15.txt

@@ -0,0 +1,7 @@
+\v 15 No', malaikat o' mi itito sohuling apu, alepang he'e name amang atitino' sorga mihel ubangho,
+
+
+        "Pali' mate o'parenta sano' pi Tuhan o' parenta Om miam*,
+
+
+     med Aiba name Satang ubaringam ho parenta puin sam em so em ho ameng.

11/16.txt

@@ -0,0 +1,9 @@
+\v 16 No' he'e, tumo'bar pir eralofaling utba* Lahtal apong adang mi sokadere tamieh ho, hel fa'ur muding Lahtal u ada ahol,  
+    \v 17 supi ubangho, 
+
+
+         "Ni ada mahen bit Araham,
+ho Tuhan, Lahtal So Kufa',
+       Tutung kufa' Ara, med Araam,
+
+   fede' A tutung kufa' mate ona med, honie Aparenta ano' lame eham.

11/18.txt

@@ -0,0 +1,7 @@
+\v 18 Med, bang ernu a'riingam, 
+        sobo O' ari'ing ho'am,
+
+    sano' dasing ap med name min ernu ere'eng, med nameba odil om mi baleta ho o'abor oden med en, 
+       nabi ernu* med name bolang ernu, 
+       med name Ari ubaroc, mimate mi kaai, 
+              honi puin nameba pali' a'butungho a'butung asele!"

11/19.txt

@@ -0,0 +1 @@
+\v 19 No' he'e, Lahtal O'bang tong sorgami sari during, Lahtal O'hap Maring Bang om miho dun ahol, no' dil mer burang da'ud, tafufui toh med noi es her.

11/title.txt

@@ -0,0 +1 @@
+HALOW SURA' O' ASEL ERNU FALING NU

12/01.txt

@@ -0,0 +1,3 @@
+AI OB NU SAFAIN MED NANGGA
+
+   \v 1 O' ataainho, utub matenu ara burangta: ai obnu o'fenho fed, e'fa farho ul, hideho ibing pa' ernu faling alo e'lafungta. \v 2 Ai obho a'fooi med ai nama'ar safain eham, sa ahew morang fede ai nama'ar.