Fri Aug 07 2020 11:26:31 GMT+0800 (Malay Peninsula Standard Time)

01/01.txt

@@ -0,0 +1 @@
+\c 1 (Yohanis Pembaptis Okarisang) \v 1 Hooro mateng fetan oa ai nang med Yesus Kristus ba, lahtal ai ho ei araham. \v 2 Orupaba, hul mong nabi Yesaya o kitap ommi honi: "Nedun, nanome ba na ahou ey ho nasotur tahau samam, sari horofe masak sekbur panen med ereeng; Maleakhi 3:1 \v 3 Ainu mong laboknu ani gurun nomi toh lofe eh: sekbur panen med lahtal ereeng, sekbur anok mulang med araham." Yesaya 40:3

01/04.txt

@@ -0,0 +1 @@
+\v 4 Okmudmi honin hee, Yohanis ba name ofail anok sarani ho, ara mong gurun hami horo hee, salofe iomfom e ma na ifail, haninfe lahtal idot uampo. \v 5 Selfo araham ho, nameba ara mong Yudea med Yerusalem mi ho, hok sobarpi Yohanis abung sodot sokahal ubang nok horo hee, Yohanis sipi afail mong Yordan mol mi. \v 6 Yohanis ofenho, unta o uil fe, name obeng ho gar anok bolang amfe, anok kod mate, sama. O sapu uil ho tifah, o named ho, fain sey med kafe.

01/07.txt

@@ -0,0 +1 @@
+\v 7 Yohanis saneme tofang ara huktang, mipanekta honim hee ainuba minak tinok nemotaho hok malik hel okalom hei horo afetangdi sah. \v 8 Nariho na seyfe puin ifoil, sobo sariho, saroh bolang fe puin ifail. (Yohanis Yesus Afoil)

01/09.txt

@@ -0,0 +1 @@
+\v 9 Selho araham ho, Yesus mong natsaret mo hok, Galelia mi, nak horo hee Yohanis Yesus med Yordan sei mol homi afoil. \v 10 Mangsei mi hel nok hee, Yesus dan honi hee burang sariduring , a med Roh ho orupa aiu uklo honi hel Yesus arita. \v 11 Nok horo hee saalepang honi hee amang pak nu sorga mi hok, Arihoro no ai nomhel, na ari u karang." (Setang Yesus Pate)

01/12.txt

@@ -0,0 +1 @@
+\v 12 Mangnok horo he Roh Yesus arasam gurun palik mi Yesus ara mong labok gurum homi ho olufang tareng erut, setang ari. \v 13 Mong labok gurun miho Yesus ara eleme ho mi olufangho tereng erut, seta ari pate. Yesus ara monghemomiho binanta falefang tofang o anai med mala ikat hok sana ubaleta. (Yesus ara mong Galelia Mi)

01/14.txt

@@ -0,0 +1 @@
+\v 14 Yohanis nem mangapain hee Yesus hok Galelia mi mateng fetang ba lah tal mi ho saumateng. \v 15 Saubang: sel anam lalital obang soem ho fanangam iomfoni mateng fetang udume." (Yesus sosakola Aibar Olofe oa ai Nanang)

01/16.txt

@@ -0,0 +1 @@
+\v 16 Selmu mi ho Yesus lame-lame mong danau Galelia tut ho ta, Yesus sa Simon med odiail, Anderias, Ahol, Sipi danau homi puko feu eh feduk sipiho name ablap oname. \v 17 Nok horohee, Yesus sipi ara mateng, mae nataain honie naihau namenok fe puku tafeu. \v 18 Simon med Anderias hano noang sopuko meng horo hee fa ata ain.

01/19.txt

@@ -0,0 +1 @@
+\v 19 Sel ho mi sa lame miu lelet apitek hee, Yesus dan Yakobus bo Sebedius o ai, med adiail Yohanis ho ahol, ara ei ta sopuko ano noke. \v 20 Sohoromi hee, Yesus ha nonoang sipi olofe manghoro sipi somang Zebedeus med name sipi ara mih ho med homi eita amihing horo hee sipi sam Yesus ata ain. (Kuasa Yesus ommi Afom Apahang)

01/21.txt

@@ -0,0 +1 @@
+\v 21 Horo hee sipi Kapernau mio heir horo sel palol asel mi, sohorohee Yesus med aome bang omle med name afom apahang. \v 22 Name omupir o fompak mateng pak maeh fedek sa name a fom ho, arupa mangfedek name okti ti nok honi e mang fedek ahli taurat honi nene.

01/23.txt

@@ -0,0 +1 @@
+\v 23 Selho arahamho, mong kumpulan banghomi ailote mu setang ari tamang horo hee sabeat, \v 24 samateng, "Yesus ariho natsaret hinung habaso sah piknai ho mi? Ahal a hok ho ahok nimine soti? Na ihol ari horo bolang lahtal mihok!" \v 25 Sobo, Yesus asiud, ara mateng, por! haraain aiho ommihel!" \v 26 Selhomi Roh ariingho aiho odang beat hel teeng.

01/27.txt

@@ -0,0 +1 @@
+\v 27 Namenok tofong om upir horohee sipi satan hooni, naba soe? Fompak habar nu bo okuasa ra! Yesus roh sah ho ahouhel roh sah ho ata ain." \v 28 Sohoromiho hamoi lamail mitoh horoba Yesus ani ho lil Galelia palikho mipir. Simon oobofo med name tofang anok Birang

01/29.txt

@@ -0,0 +1 @@
+\v 29 Sipi mong kumpulanbang homihel Yesus med Yohanis sammong Simon e Andrias o bang mi. \v 30 Simon o ob ofoho tareh ho asel mode tasok. Sipi sohoro hee obto opan atanho a Yesus ara mateng. \v 31 Yesus sammong abto emele abung homi sohoro he sa obto ho saatang mi puin bakungtoh, horo hee otasokho suhuin - sohorohee obtoho sipi u baleta.

01/32.txt

@@ -0,0 +1 @@
+\v 32 Fed mud dil pana honi hee, sipi name mode med name setang tamaho arahok Yesus abung. \v 33 Sohomi horo hee name tofang sipi o lubang ara sear homi. \v 34 Yesus name mode tofang-tofang ho anok birang nok horo hee sasetang ara lil; sasetang nun ho ehap haai mateng, fedek sipi ahol. (Yesus Saaome nokhe sa Fompak Umatang)

01/35.txt

@@ -0,0 +1 @@
+\v 35 Lalami ba dilsel tabarung Yesus satel toh sam emele oh nu mi, horo hee sa hemomi a ome. \v 36 Sahoro hee Simon med o bengta ho sam Yesus lap. \v 37 Sipi manglap ahol horo hee sipi Yesus ara mateng, name tofang arilapeh.

01/38.txt

@@ -0,0 +1 @@
+\v 38 Sohomi ho, Yesus sipi aramateng, mapi sam bang palik o fanang homi honie na, fom pak ho med sipi di ara mateng fe, fedek hooro eife nahok. \v 39 Mang horo hee Yesus sammong lame Galelia ho mipir. Yesus fompak ho ubang mong name o kumpulan bangha mi nok hee, sa setang ara lil. (Nape hape Burang anak Birang)

01/40.txt

@@ -0,0 +1 @@
+\v 40 Ai nuba mode hape burang anok ho hok Yesus olap-sari ainuho sasefaur muding Yesus ekfa selmi nok he sa Yesus abang ara mateng, mang fedek a inungso, a nohape burangho anok suhun. \v 41 Mang horo he Yesus odamur farufing asel ommud, horo he Yesus satang ahodfa, aiho ator nokhe Yesus aino aramateng: Na inung, noamba ohape burangho suhun. \v 42 Sosel horomi he ai modeho ohepe burangho suhun.

01/43.txt

@@ -0,0 +1 @@
+\v 43 Yesus aiho ahou hanoang sam bo daiehho Yesus aiho ehap. Yesus aiho ehou hanoangsam bo daiehho Yesus aiho ehap. \v 44 Na aramateng, nahoo eiho mangano horodi naden u sipi ara mateng nene. Sobo, sam afah ahirho imam etub nok hani he onaba so ara apeu med obirangho arahan mang fedek Musa uparenta eh honi anok utub umaring sipi ahou hol.

01/45.txt

@@ -0,0 +1 @@
+\v 45 Honin sobo, aiho sam horo he sasarinaho bit nok horo he samang umatang lame eleme arian. Horo eife, Yesus epetan petang sam kota leam nene, sabo samong lulingmi, mong eme ohfe mi, name tofang-tofang mong emele arian araho solame hok Abung.

01/title.txt

@@ -0,0 +1 @@
+Pasal 1

02/01.txt

@@ -0,0 +1 @@
+\c 2 (Yesus Doit uampo Med name tuung ano Birang) \v 1 Sawi Selho mangmi alai, Yesus saborho Kapernaum mi, name maeh bite. \v 2 Sari ara mong bang miam. Nang horo he'e name to fangho lubung bang om homi afeng alihing sam mong sear adilefa, horo he'e sa fompa ho u name ara mateng.

02/03.txt

@@ -0,0 +1 @@
+\v 3 Horo he'e name pirut aitu unghod nu ho supi tefang olapho. \v 4 Hunin sobo supi olap fa sah fe'de name sari buir mang horo he'e supi Yesus emota ho mi bang ado ari, mang during horaham ho supi arahel atarang.

02/05.txt

@@ -0,0 +1 @@
+\v 5 Sari ho arahan ho, Yesus dun supi oudume ara, sa ai tuung hod ho ara mateng, o no ai o done ho na uampo am. \v 6 Hunin sobo Ahli Taurat aynu ho mih som mi tanut, \v 7 Minaba e fe sa mateng ho nin u bang? Sasano lahtal solo ano hunin horo fe doie nunho nampo no?

02/08.txt

@@ -0,0 +1 @@
+\v 8 Yesus supi om aho o hamoy bokang fe alay. Sa supi ara mateng minaba e fe tanut hunin ho ara iom mi? \v 9 O taro ro horo mino, mateng med name tu ung hod ho ara ham, ro doie nonho na uampo, em na ubang ho toh, eme ho tefang e lame?

02/10.txt

@@ -0,0 +1 @@
+\v 10 Hunin e i ahol name no ay ho o kuasa ara palile mate mi puin doic nun ho uampo." Yesus ai tuung ho ara mateng, \v 11 Na ara mateng : toh, o buh med, abor obang leam. \v 12 Ai tuung hod he meng horo hee sahir toh. Sa sobuh med no sa hel luling lehel name tofang arahan homi. Name homiko barpi lahtal o tino ahel horo hee supi lahtal ani utarain, hero hee supi ubang ho na honim ho niday ahol. (Lewi Yesus Ataan)

02/13.txt

@@ -0,0 +1 @@
+\v 13 Yesus foil sam mong Danau adileam, horo he e name ho barpi ulubung lubung horo he e Yesus name he afom apahang. \v 14 Yesus lame fa eh, sa dun Lewi ahol, Alfius o ay, mong pajak mana emele mimieh. Horo, hee Yesus ara mateng, maeh nataain, mang horo hee Lewi sahirtoh mang ataain.

02/15.txt

@@ -0,0 +1 @@
+\v 15 Yesus mong name Lewi o bang mirah naade eh, o om mi ho name pajak u falihing di ara lafoh emeid name do'e e ahal panen di ara, bang homi am fe supi ham-ham Yesus ara naade med. O sakola aibar nun ara. Asel ho name tofang di ara, mang horo he supi Yesus atain. \v 16 Sari sel ho aura ham ho Ahli Taurat oy nu ho supi ho Farisi hinu dun sam hunin hee Yesus, name doit ahal panen e'med name pajale utalihing. Sara ham mih navade eh, supi Yesus e sakola aibar num atan. Mitarale nin fe sa name pajak talihing e med name doie panel ho ara ham-ham Naade?

02/17.txt

@@ -0,0 +1 @@
+\v 17 Ho ara ham ho Yesus supi o mateng maeh sa o, aborho, namebirang ho elafurung lap nene hunin sobo naime ba omade horo name lho, e name abul nonho na ho olofe nene, sobo name doie ahal nun horo. (Puait Utaain)

02/18.txt

@@ -0,0 +1 @@
+\v 18 Yohanis o sakola aibar e med Farisi hinung supi malihing atep. Name oynu ho atan minaba e fe Yohanis asakola aibar e med name Farisi o sakola aibar sara malihing atep, honinbo osakola ai bar ho emalihing atep mene? \v 19 Horo hee Yesus supi omateng abor, abul em alay pengantin lote tenang elbar ho puae ataam honimsobo pengantin lote ho dai ham-ham supiara? Pengantin lote ho supi dai sara ham-ham e, supi ho pau ade nene .

02/20.txt

@@ -0,0 +1 @@
+\v 20 Hunin sobo o hain maeh pengan lote ho name med, sari hair huni horo supi cuil puae hene. \v 21 Fen habar ho puin fen pah ba peh am ho bulang ho name e panen eh nene. Asel ho fen habar ba puin fen pah peh bulang ko sa uilpeh, no he o'peh ho sa mang mate ta.

02/22.txt

@@ -0,0 +1 @@
+\v 22 No hee name Anggor baru ho e med kantong kukit ba paham ho e mi ahuin eh nene. So atino ahol fe hee. Anggor ho sauit kantoni med kantong kulit homi hee sa uilpeh hunin fe Anggor e med. Kantong ho so alo sah foil o bor mi anggor habar ho med kantong kulit habur ommi taro." (Yesus ho Tuhan hair palolsa Emota)

02/23.txt

@@ -0,0 +1 @@
+\v 23 Hair sabat nu arahan Yesus aha dil mi lame, alai salame om ho miho o sakolah aibar tabubul ala atir. \v 24 Horo hee Farisi hinu atan, aday edun, minaba e fe supi naho panen naho hair sabat alahaun?"

02/25.txt

@@ -0,0 +1 @@
+\v 25 Horo hee sa supi o mateng abor i sura bolang ho taam am emday, naba hunin horo fe daut panenam ho, rarahan sari med, o name nun ara fetang ho kurang bo med malihing? \v 26 Mitaroknife sa lahtal o bang om ke mid. Sel ho arahan ho abiata mate puin sari ho imam mate horo hee roti ba persembahan ho imam-imam so adeno hunin sobo roti ho supi foil med name nonun ba supi abung hoen?"

02/27.txt

@@ -0,0 +1 @@
+\v 27 O'ataan hunin hee Yesus, Farisi himung arama teng hari sabat ho sa panen med name no arahan, e med heir sabat ho arahan nene sa emola. \v 28 Huninfe, nameno, ai horoba Tuhan, hunin fe, hair sabat ho sa emota.

02/title.txt

@@ -0,0 +1 @@
+Pasal 2

03/01.txt

@@ -0,0 +1,2 @@
+YESUS HAIR PALOL MI NAME ANO BIRANG
+\v 1 Sel nu mi Yesus sam A'ome bang leam, sari o Sinagoge, om le'mid he e name mode nu ho atang habuden min. \v 2 Sipi Yesus ho edun, Ai ho ma atino name mode ho' anok birang nok em ha'aimi ho name mode atang den le min. Hemo mi ho name Yesus o ahal ho edumeh fe de hair ho hair bolang. mang fe'de Yesus name mode ho ano birang. Honi e sipi Yesus ho o se'bur lap.

03/03.txt

@@ -0,0 +1,2 @@
+\v 3 Yesus name mode ho olofe. so nok Ahritoh nameno tofang o anai homi.
+\v 4 Yesus ubang ho Hair Bolang om homiho Pi nanok panen horo abuleme, "Nasah panen horo abul? name ano illuling  eme name amine?" horo he'e, sipi por.

03/05.txt

@@ -0,0 +1,2 @@
+\v 5 Mang horo hee Yesus ai ba atang den'le min ho o love, Sono atang ahir. horo hee ai mode ho satang air birang med. \v 6 Sel ho araham ho name Farisi sahir toh sam Herodian ara som nu honi sipi Yesus o'sebur lap amine.
+NAMENO TOFANG YESUS O'LAP MA

03/07.txt

@@ -0,0 +1 @@
+\v 7 Yesus sahir toh so sakola aibar ho let mong sei a'lofe honi sobo name tofang ba Galilea om mi ho barpi Sari ve ata'ain sari ho name Yudea mi, \v 8 Yerusalem mi, Idumea, med mong vale Yerusalem mol, Tirus med Sidon, name tofang ho barpi Yesus omateng pa ata'ain lap ma.

03/09.txt

@@ -0,0 +1 @@
+\v 9 Fekde name no tofang bi, horo Yesus so sakola ai'bar aramateng hi ey nu med ere'eng honi supi ha'ay Sari amu'muin e. \v 10 Fekde Yesus name no tofang anok birang, honi sobo name no' tofang ba mode om mi'ho dai mateng eh uil-uil sipi di Yesus ho o'lap ma ator honi e sipi birang ho ahol.

03/11.txt

@@ -0,0 +1 @@
+\v 11 Sobo name oba roh sah om mi hodi ma,u'ada' ahol med araham, honi sipi di ahol, "Ari horo so atino Lahtal ai!" \v 12 Horo he'e, Yesus sipi e,hap' ha'ay ubang ho Nari so honi e. YESUS SAKOLA AI BAR AIRNU FALING ALO U TUB

03/13.txt

@@ -0,0 +1 @@
+\v 13 Mang horo e Yesus doe ta mid name o lofe barpi ma o inung ata'ain ho  so barpi ara olap ma. \v 14 Sa so sakola pir air'nu faling alo barpi ara tohuil honin e sa sipi ahou name afom apahang, \v 15 honin am fe o kufa med sipi en, honin sipi puin setang-setang nu ate'tel. \v 16 Yesus sakola ai bar airnu faling alo u tub: sari ho Simon Petrus,

03/17.txt

@@ -0,0 +1,3 @@
+\v 17 Yakobus, Zebedeus o ai, med Yohanis, o di ail  Yakobus. sari horo Yesus ani den Boanerges, o lel he'e "Guruh o ai," \v 18 Anderias, Filipus, Bartolomeus, Matius, Tomas, Yakobus, Alfeus o ai, Tadeus, Simon name Zelot, \v 19 med Yudas Iskariot, A hu sah.
+
+YESUS O KUFA HO LAHTAL MI HO.

03/20.txt

@@ -0,0 +1 @@
+\v 20 Mang horo he'e, Yesus sam bang nu lemid, horo he'e name no tofang ho o lubung, horo he'e Yesus e med O sakola ai bar ara na'ade sah. \v 21 Horo fe Yesus O keluarga ma eh ho sari u tanut e no nene, sipi om ho Yesus ho sipi uil ara sam ubang hani arasam. \v 22 horo he'e Ahli-ahli Taurat ba Yerusalem mi ho sipi ubang ho, "sari ho Beelzebul om mi am!" med "Sa setang o kufa puin setang ate-tel."

03/23.txt

@@ -0,0 +1 @@
+\v 23 Mang horo he'e Yesus sipi o lofe barpi ho' honi am fe Sa apapail puin, "sari ho taroni fe setang puin setang ate-tel? \v 24 Mang fekde bang nu pali nu tari butung sa e sobo-bom sara mali. \v 25 Med, mang fekde bang nu tari taberang sobo-bom, bang pali ho tari sah.

03/26.txt

@@ -0,0 +1 @@
+\v 26 Mang fekde setang sahir toh sobo-bom tari taberang, sa e sari tahang nene, honi sobo o mateng o lurung ho o amuid mi. \v 27 Name nu di e berani nene, sam name kufa o bang le'am, obit kawaic ho u tot, asala o a'ainang ho sa name kufa ho apeid, e honi am fe sa obang ho ad no."

03/28.txt

@@ -0,0 +1,2 @@
+\v 28 " Na na,o'tino ho ubang i'ramateng, name no air'nu ba doic ahal panen fani med at mi hel ho u ampo no. \v 29 Honi sobo, ano sari so Hamoi Bolang ho ara kalufe sari ho o ampo a'ay, honi sobo sa ahal fekde doic so em. \v 30 Fekde, Taurat o'om hul sipi ubang ho, "hamoi sah om mi.
+YESUS O LELANG ABUL

03/31.txt

@@ -0,0 +1 @@
+\v 31 O ata'ain honin he'e, Yesus ofo med o uding bar ho luling mi toh, sipi ahou Yesus o lofe. \v 32 Ho araham ho name no tofang Yesus e fading efalofe mi mih, honi'am fe sipi mateng, "Edun, i'fe med o uding bar luling mi ari lap eh."

03/33.txt

@@ -0,0 +1 @@
+\v 33 Horo he'e Yesus sipi o mateng abor, "Anohoro nife med no uding bar?" \v 34 Honi am fe Sa mateng Ne dun, i'ri mih eh horo nife, med i'ri mih eh horo No uding bar! \v 35 Fekde, ano name nu so Lahtal o parenta ho alol ata'ain nono sari horo No uding lote bar, med No uding ob bar, honi sari horo Nife."

03/title.txt

@@ -0,0 +1 @@
+Pasal 3

04/01.txt

@@ -0,0 +1,3 @@
+TUA NU SO FIN BAHITE
+
+\v 1 Fed, Yesus Sa name ajar mong danau o aloma mi name nok tofang ta'unung Yesus olap hok lafok bik horo fe Sa ey tabid om mimih mong danau. Mi panek'ta name tofang ho ara mong ta'at ta, mong danau mi. \v 2 Fed, Sa name nok tofang ara huktang med name lafo araham honin sobo apapay mateng. ona ara huktang sa ubang med name tofang araham,

04/03.txt

@@ -0,0 +1 @@
+\v 3 "Alepang! name nu ho sam fin bahite. \v 4 Sam so fin bahite honin fe naba so ara, e lufang nene hee sa fin bahite. Den muj sekbur adi lehel, sobo hiw hok, e adeam. \v 5 Den muj mong foy karang lehel bo taai apitek nak'afay ho hara'ain abow bo  taay e ulnene.

04/06.txt

@@ -0,0 +1 @@
+\v 6 Mi panekta fed bune nak'afay ho tama'ain fekde o alimang haai, nak'afay ho malot. \v 7 Habuden muj mong namang'atang hel honin e namang ara abow namang nak'fay arap horo hee min, honin he nak'fay ho abung opir haay.

04/08.txt

@@ -0,0 +1 @@
+\v 8 Honin sobo, opitek muj faay onok lehel abow bung'ta pir'ara, abow, sa lafoh mate, honin e o lafo ho hey ertow alihing, hey ertalang alihing, med hey ratnu alihing." \v 9 Honin fe, Yesus Sa ubang, "Ariano so afel ara honin hee alepang, se honin sa alepang!"

04/10.txt

@@ -0,0 +1,3 @@
+\v 10 Sel nu mi Yesus solo, name e fading ho, barpi med o aykabar pir ernu faling alo, ta'ain pak med en o pak ho apapay mateng horo. \v 11Horo hee, Sa foy supi ara huk'tang, natafuning kerajaan Allah hodi name di en am. Honim sobo, med name nok ray araham. Ernu turlo u huk'tang om mi ho appay mateng, \v 12 Honin e supi barpi edun, supi edun sobo ahol nene; med supi alepang sobo supi ahol nene. honin hee supi haay som afom med u ampo."
+
+TUA NU SAM FOM MATENG HO MED APAPAIL MI

04/13.txt

@@ -0,0 +1 @@
+\v 13 Honin fe Yesus supi aramateng, "Mateng apapail ho i ahol so'em a'ay so? Taronin fe i'ri hara'ain ahol barpi apapail mateng ho ahol em a'ay? \v 14  Fin bahite u hu'tang he ho sari ho fom'pak mateng'pak. \v 15 Supi ho mang fe'dek nameno ba muj se adi le'hel, eleme ho fom'pak horo se u'mateng he fe'dek supi ma'eh honin hara'ain setang hok u tot med. Fom'pak ba supi a'lepang honin sobo supi u'hutang.

04/16.txt

@@ -0,0 +1 @@
+\v 16 Honin sobo, supi ba muj mong foy fa'ay sara tolol ho le hel ho fom'pak u'alepang apano honin e med som mi meng. \v 17 Honin sobo, supi o hu dume ha'ay honin fe se'lal o u'dume o mangtanai supi mi paneta ho susah em name hasara. fedek fom'pak alol nene, supi hara'ain muj.

04/18.txt

@@ -0,0 +1 @@
+\v 18 Honin fe name beng mang fedek horo muj mong namang araham mi. Supi mang fedek name tofang ba fom'pak u'alepang, \v 19 sobo om'bol ong pali mate ho mi honin fe ari'ing fai horo ano kafac honin fe u mama horo panen aten ba madong aratanay fom'pak horo honin fe karang lapeit horo fe sa e hil nene. \v 20 Taronin fe, supi ba mong fa'ay o no le'hel horo fe supi ba fom'pak u'alepang med som mi honin fe ano fedek ho ertow alihing, ertalang alihing, med ratnu alihing." APAPAIL HO LAMPU HO ARAHAM

04/21.txt

@@ -0,0 +1 @@
+\v 21 Horo hee Yesus sa ubang med supi, "Mitaroknin fe lampu ho arahui  med ekfa mi meng em med dek efar meng? Taroknin lampu ho abul hee med lampu ekfatak atuhin? \v 22 Taronin fe ara mang fedek natafuning fedek ha'ay u'hutang e. honin sobo, na haay natafuning ho, haay honin fek a'ubang. \v 23 sobo ari ano so fedek afel ara, honin hee, u'alepang honin fe sa se'alepang!"

04/24.txt

@@ -0,0 +1,2 @@
+\v 24 Honin fe, Yesus supi aramateng dun fe naba so supi a'lepang hu ba supi puin ho puin ari huk sobo ho honinfe. dai ara eh o' horo puin med ei'ta. \v 25 Honin fe ano so e ara, sa uy med en so. honi sobo ano so e haai naba so e ara horo pi abung med."
+APPAIL HO MED NAAFAY ARAHAM

04/26.txt

@@ -0,0 +1,2 @@
+\v 26 Honin fe, Yesus ubang Kerajaan Allah horo fe mang fekde name nu ba fin bahite ong faay ta. \v 27 Fin bahite ho so tar eh  med toh dil'lel med dil'pana, honi fe nakafac ho sahel hee o'dor honin fe abow. tek sobo ahol tarok, ninfe ara. \v 28 Faai ho untu opir sobo sobobom o a'ainang o'dor, honin fe obuling med namej o afai-afai mong o'om mi \v 29 Honin sobo, namej afai-afai ho adobe, name so hara'ain tareng, horo fe ul o med mi ho ara eh am."  
+APAPAIL HO SAMED SINA FALEY HO ARAHAM

04/30.txt

@@ -0,0 +1 @@
+\v 30  Honin fe, Yesus ubang ho, "i,naba akala fe i med o araham Kerajaan Allah? em, ubang apay mateng tarok nin pi ahol he'e? \v 31 Kerajaan Allah ho mang fekde na afai ho di bahite faai ta honin sobo na afay ho mang fekde mateng apapail ho pali mate ta, \v 32 sobo sel nu mi sabahite, na afai ho sa abow, honin fe mak mi mate bik. honin fe hiu ernu tong lulingham ahol, so barang aten hel lama efar mi."

04/33.txt

@@ -0,0 +1 @@
+\v 33 Naba mang lafoh apapail honin ho Yesus mateng bolang med supi araham naba fe ahol supi ma'eh. \v 34 Sa haai mateng med supi ahol nene. apail mateng ho sa ubang barpiam, mitata o sakola aibar. YESUS SA HAMOY MATE HO ANOK TINING

04/35.txt

@@ -0,0 +1 @@
+\v 35 Fed, mak sel horo, mang noam hel, Yesus so sakola aibar, a'u mae pi sam eleme nu, danau." \v 36 Mi panek ta name lafoh horo, supi naba puin Yesus araham supi hel ey om lehel, eleme so. Yesus ara honin fe ey nun barpi ara ham-ham sari ara. \v 37 Horo he'e, hamoi mate horo okarang fed bob mate ey ahel few, horo hee ey horo fe sey afeng.

04/38.txt

@@ -0,0 +1 @@
+\v 38 Honin sobo Yesus ara por omtining, ey amot mi honin fe supi amuh. \v 39 Honin fe, Yesus toh fe si'ud. hamoy horo he'e sa tang e hap, "por! Tining e ma!" horo, he'e hamoy sonok, fed so abul-abul tining.

04/40.txt

@@ -0,0 +1 @@
+\v 40 Honin fe, sa foy mateng med supi en, tarok nin i baroit? i u dume aai? \v 41 Supi baroit bik-bik fed sabit name nu araham ano so ba ho? mang fekde hamoi mate fed tang honin fe alol atain!"

04/title.txt

@@ -0,0 +1 @@
+Pasal 4

05/01.txt

@@ -0,0 +1,2 @@
+NAMENU GADARA HO HAMOY SAH ANOK SUHUIN
+\v 1 Supi sam tang ho alai, gadara palik homi. \v 2 Yesus hey ta'hel. name nu ho hano no'ang be'in dere ta' sari o name tabur Yesus a'hol.

05/03.txt

@@ -0,0 +1 @@
+\v 3 Sari o dere fe ta'tar name apuin sah, apec di sah. \v 4 sari e,va apec sah sa'mang a'hi name e ku'fa nene.

05/05.txt

@@ -0,0 +1 @@
+\v 5 di'lel dil'pana sa doy ta am'ma sa voy puin sa no bamed. \v 6 day let sa dun Yesus ahol sa teeng sam Yesus e'va sel mi'mih.

05/07.txt

@@ -0,0 +1 @@
+\v 7 so atino sa bit naba so pi anay fe ha o Yesus na aramateng ha'ay nano sah e!" \v 8 sobo Yesus aramateng name no om ho mi hel!"

05/09.txt

@@ -0,0 +1 @@
+\v 9 Honin Yesus atan "hani naba?" horo, sa bit, "nani Legion nani tofang." \v 10 sa Yesus abang ni ha'ay sam e se pali ho'omi.

05/11.txt

@@ -0,0 +1 @@
+\v 11 tong doy ho buy tofang, doy abung na'ade he. \v 12 setang ho Yesus abang, Yesus inung horo setang ho hel sam." \v 13 buy o om'mi tofang rib alo te'eng pe ta muj, den te'eng tang le'hel.

05/14.txt

@@ -0,0 +1 @@
+\v 14 mang horo name buy bu'ang ho name ahol naba so araham' \v 15 horo name ho Yesus name tabur ho no birang horo name baroic.

05/16.txt

@@ -0,0 +1 @@
+\v 16 supi na ho ahol supi med name aramateng fekde taronin ey fe na'ho ara. \v 17 horo fe name Yesus aramateng toh bang ho e'let.

05/18.txt

@@ -0,0 +1,2 @@
+\v 18 horo Yesus mid hey ta ai'tabur ho bit no he'e sang di Yesus ara lame. \v 19 horo Yesus e u'inung nene habor sam ho name aramateng Yesus o u'karang. \v 20 horo name sam o mateng name ba na om' u'pir fekde Yesus na panen name u'sahoir.
+YAERUS O'AI HO ANO FETANG MED OB NU HO O'FUY ANO TA'AT

05/21.txt

@@ -0,0 +1 @@
+\v 21 Ho araham Yesus hey ta sam danau adi ta name tofang abung sa danau adi ta. \v 22 Gereja o mate e ani Yairus samang ho Yesus e fa sel mi'mih. \v 23 so ati'tino Yesus abang ho'oni no ai'ob ka'ay nu ho eday min fe ma Hatang ta'puin honin he sa birang so fetang. \v 24 Yesus med Yairus arasam name tofang Yesus ata'ain ari fading.

05/25.txt

@@ -0,0 +1 @@
+\v 25 name ob nu ho o'fuy her tun ernu faling alo. \v 26 sa susah ho ahol lufang lafurung tofang abung kafac di hel oh' sobo name ob ho e no nene mang sah. \v 27 sa Yesus ani ma'eh name ob o Yesus o lap ho amod fe lol. name o anay o kod ator.

05/28.txt

@@ -0,0 +1 @@
+\v 28 name ob ho na o kod ator he'e na birang. \v 29 so horo he e o fuy di ta'at avah senang.

05/30.txt

@@ -0,0 +1 @@
+\v 30 Yesus mang sa hol u kufa ara, Sa sadimang name atan hano so no kod ator. \v 31 horo o sakola atan ha naba fe edun ha name lubung ari paksa hano so nator. \v 32 Yesus dun e fading hano so na ho panen.

05/33.txt

@@ -0,0 +1 @@
+\v 33 mang horo ai ob baroic bi'bil sa ho Yesus e'va sel mi. \v 34 Yesus ai ob ho aramateng ho iman hano birang. il'luling puin habor sam.

05/35.txt

@@ -0,0 +1 @@
+\v 35 Yesus day mateng he, name piralo tow Gereja mi "ho' ai minam ha naba fe Guru ho ariko?"

05/36.txt

@@ -0,0 +1 @@
+\v 36 horo fe Yesus e a'lepang nene naba fe bit sa Gereja o mate ho aramateng baroic e hu dume. \v 37 Yesus e u'inung nene o ata'ain ho Petrus, Yakobus, Yohanes, med Yakobus. \v 38 horo supi sam Gereja o haneng o bang mi name lo'il den ahain den sahoir ama mate.

05/39.txt

@@ -0,0 +1 @@
+\v 39 horo Yesus mid supi aramateng naba ey fe i loy den ahaian eka ho emin nene sa nop so." \v 40 sobo supi Yesus o hasal, Yesus supi aramateng i'barpi hel Yesus omang ofo ho med ai ho name bang mi ai ho ara.

05/41.txt

@@ -0,0 +1 @@
+\v 41 horo he'e sa ai ka'ay ho atang apuin, sa bit ho'oni. \v 42 ai ob ho toh horo he'e sa lame o hur ho tun ernu faling halo horo name tofang o atino bit. \v 43 Yesus supi ahou ati'tino naho'o  ho name nu di e'ahol nene ai ho ahou na'ade.

05/title.txt

@@ -0,0 +1 @@
+Pasal 5

06/01.txt

@@ -0,0 +1,3 @@
+YESUS MONG O BANG ASEL MI NAME BAHUT
+
+\v 1 Yesus sa abul sam sobang so pali le'am. O sakola ai'bar ata'ain sam obang asel le'am. hair ho araham Yesus name afom apahang a,o'mebang. \v 2 Hair o mitalang mi, Yesus samid Gereja bang mi name afom apahang, name tofang ma'eh Yesus o fom'pa, "mateng pak name so u sahoir mang homi name utaain ai ho na ho, sataromi med' na,hol dil,ma'eh ho ano fe mi ho? mitaro ni fe sa na o tahoir ho panen. satang puin aten. \v 3 Sari o e Maria o ai nene, o diail horo ba Yakobus, Yoses, Yudas med Simon? ahal horo o'uding obbar ba ara tara ho?" mang honi, sipi somnu honi am fe sipi Yesus ho sipi bahut.

06/04.txt

@@ -0,0 +1,2 @@
+\v 4 Mang homi, Yesus sipi ara mateng, "taro-taro mi name ba Lahtal o mateng pak fetang u na me afom apahang honi name u dala ahol. honi sobo o bang o pali mi ho name e u ada ahol nene." \v 5 Mong o bang o lelang mi Yesus sa e na ba pi uta hoir e ho panen nene sobo samang satang atel med name mode ho tapuin honi name birang. \v 6 Sa sahoir, asel name e'o,tino bit nene o'om mi sa hel bang arian name afom apahang.
+YESUS SAKOLA AI'BAR HO SA U SUPI AHOU

06/07.txt

@@ -0,0 +1 @@
+\v 7 Yesus sa so sakola pir airnu faling alo sa olofe sa dalam alo sa u,a'hou sam hamoi sah ho a suhuin. \v 8 Sa u sipi ahou, u,au i lame toh om mi ho i dob fe puin na mej di e puin nene e seng di med napah mi med i heng apeit nene, honi so bo supi, \v 9 i e om pilang horo puin haai kod alo mang e.

06/10.txt

@@ -0,0 +1 @@
+\v 10 Yesus sipi ahou, aramateng, i sam taromi name o bang om ho lemid ho ni he'e homi sam ibor name e i'ri. \v 11 Sobo name e i'iri med nene, i e fa omaru ho med bang bang ho ta, atote sipi o baleta om mi

06/12.txt

@@ -0,0 +1,2 @@
+\v 12 Supi fom mateng pak fetang ho puin nameno afom apahang supi som afom. sobo supi som afom . \v 13 Homi supi setang supi ahin alol, honi sobo name mode tofang, hodi iping puin arum sam sobirang. 
+HERODES SA YESUS O MATENG MA'EH

06/14.txt

@@ -0,0 +1 @@
+\v 14 Afen Herodes sa Yesus ho ani ahol ani ma'eh am sobo name ubang ho Yohanis name afoil e sofetang sahir toh, name min o ani homi safetang sahir toh om mi sa name no, om upir horo sa panen o fetang om ho mi. \v 15 Den bita, "sariho Elia." honi sobo den bita "Ai ho name nabi u a hou e."

06/16.txt

@@ -0,0 +1,2 @@
+\v 16 Herodes ma'eh sa hubang ho, "Yohanis na lafung med horo so fetang am!" YOHANIS NAME AFOIL E HO NAME AMINE
+\V 17 Aven Herodes so, so name a'hou, honi e sam Yohanis ho apuin apec arasam hukung bang. om'mi fekde Herodias, fekde o di,ail Filipus o'ob ho sa ara fekde Herodes, Herodias ho ara nikah am.

06/18.txt

@@ -0,0 +1 @@
+\v 18 Yohanis sa Herodes aramateng ulang-ulang, "ho o,pa,e no nene pa, sah fe sa u Herodes aramateng i di'ail o,ob fe med." \v 19 Herodias som puin Yohanis ataain, om, ho Yohanes ho amine honin sobo sa amine sah fekde Herodes sa Yohanes ho el baroic. sa ahol honin he'e name om abul, om bolang. \v 20 Herodes o atino, bit Herodes ma'eh Yohanis om, u'pir sobo Herodes sa Yohanes o,mateng alepang apano.

06/21.txt

@@ -0,0 +1 @@
+\v 21 Ho, araham Herodes afain sel o hair mi afain o sel ho mi Perjemuan panen, sa name pangka puin mate-mate, air'nu mong Galilea mi. \v 22 Herodias sa sabea honi e Herodes om ano sanang apang ano no, afen ai ob lafat ho, "Abang naba fe u i'nung e named en."

06/23.txt

@@ -0,0 +1,3 @@
+\v 23 Herodes sa som mi a'hi, som mi a'muj. ana bafe u'bang honi, named en. "sobo na mate puin ho o di na a'bang, ha den med en." \v 24 Lafat ob ho sa sabor, sa sofo ara mateng, "na, naba nu fe bang?" ofo o mateng abor, "Yohanes Pembaptis e lafung horo."
+
+\v 25  med, mang ho mi ai ob  lafat ho, afen atan a'naba fe u'inung named en mang homi, ai lafat afen o'mateng abor, Yohanes name afoil "elafung horo med dulang mi nen."

06/26.txt

@@ -0,0 +1,2 @@
+\v 26 Afen om muj fekde sumpa ho ataain name ba'ara na'ade sei'na o mi'ta o ai ob lafat sa e bahut nene. \v 27 Afen sa so name ari'ing ahou u parenta honi e Yohanes e lafung med dulang mi fit sam ai ob lafat ho en. honi e sa med sofo en. name ari'ing afen ahou sam mong hukung bang Yohanes lafung med. \v 28 Mang homi Yohanes elafung sa atel med dulang mi sa med ai lafat ho en honi e ai lafatfit sam sofo en. \v 29 Yohanes o'tenang el'bar ma'eh sopi sam o' bo ho med apot.
+YESUS SA NAME RIB IVIHING AH ROTI MEDE ADE

06/30.txt

@@ -0,0 +1 @@
+\v 30 Sel ho araham, Yesus sakola ai'bar ara ta'u'nung sa supi atan i naba fe panenam em i naba fe e'u supi aramateng am. \v 31 Yesus sa supi o lofe aramateng, "i barpi ma honi e pi sam pali o tining fe le'am pi homi a'ir api'te." fekde, name tofang sam e ho e, pi nakde di e tom tining nene. \v 32 Yesus med o sakola, ara mid eyta supi sam pali o tining o leam.

06/33.txt

@@ -0,0 +1 @@
+\v 33 Tofang sadail teeng taat lol sam bang pali ari'an, sam, supi mi sotur sam'am fe Yesus o sakola ho fo'il sam. \v 34 Yesus sam mol adi, ho tatoh sa dun nameno tofang, homi om'muj, sa e'dun honi Nub ba o'bu'ang  a'ai honi manghomi Yesus natofang u supi aramateng.

06/35.txt

@@ -0,0 +1 @@
+\v 35 Dil'pana e ham, Yesus o sakola ai'bar ho Yesus aramateng, "eleme ho,o eleme oh homi e dil'pana lufang am. \v 36 Sakola ai'bar Yesus aramateng, name tofang ho, ahou sabor sam bang pali ari'an, namej lap fel e ade."

06/37.txt

@@ -0,0 +1 @@
+\v 37 Yesus supi aramateng ingso namej med supi en ade. sakola ai'bar Yesus atan e honi fe ning so seng rat alo hofit sam na mej fel med supi en ade?" \v 38 Yesus supi atan Roti  pa,' den ara ira i dai sam e dun fe so, atino sam edun "roti pa, ifihing ab pa' alo."