bahasatech.indotengah
/
adn_mat_text_reg
1
0
Fork 0
Files Issues Pull Requests Releases Wiki Activity See in Reader

Mon Sep 05 2022 08:08:21 GMT+0800 (Singapore Standard Time)

This commit is contained in:
tsDesktop 2022-09-05 08:08:22 +08:00
parent 7530b4e63b
commit 8a05719a6f
258 changed files with 549 additions and 2 deletions
Show Stats Download Patch File Download Diff File Expand all files Collapse all files

2
02/01.txt Normal file
View File

@ -0,0 +1,2 @@
\c 2 MATIUS O'SURA' ASEL MATE ALO
BAANG KAAI NU SAM ERNU FALING ALO MIMENG IBING TEP O' NAME YESUS U ADA A'HOL \v 1 Fed Yesus a'fain Betlehem mi, mong Yudea pali' mi, e'dun, ibing tep o'name tong fed po' lol ho' Yerusalem mi. \v 2 Supi ta'ainy, "Yahudi hinung o'afen ba dai a'fain ho a'ra taromi? Fede' o' ibing ho a'ra fed po' mi ni a'hol, honife ni ho' u ada a'hol soba ho'o." \v 3 Afen Herodes mang naho ma'eh horo he'e o' tanut sari buir, med nameba Yerusalem miho sobarpi.

2
02/04.txt Normal file
View File

@ -0,0 +1,2 @@
\v 4 Horo he'e, sa imam o' kapal ernu med Sura' Taurat o' name na' hol ernu Sa ta unung. Sa Kristus a'fain elemeho u name na' hor ernuho fara ain. \v 5 Name na'hol ernu a'ra mateng, "Mong Betlehem mi, Yudea pali' mi, fede' nabi o' sura' mi hul ubang ho:
\v 6 'Ari Betlehem Yudea pali' mi, ariho e mi kaka ai name ba parenta puin Yudea pali' miho o' a'naimi nene, fede ari horo mi name parenta puin nu a'ra, honie sariso no nameno' ernuho e'puin a' tang puin.

1
02/07.txt Normal file
View File

@ -0,0 +1 @@
\v 7 No' horo he'e, Herodes por-por name ibing tepho o'lofe a'tan, sel taromi a'raham he'e, ibing mateho a'ra lel. \v 8 No' he'e, sa supi a'how Betlehem leam, sa ubang ho, "Sam ai ka ai ho lap e'dun no'-no'. Mang fede i sam a'holam, honi he'e ho' nara mateng honie naridi sam u ada a'hol."

1
02/09.txt Normal file
View File

@ -0,0 +1 @@
\v 9 Supi afen ei ma eh no' horo he'e supi sam. E'dun! ibing mateba fed po' mi supi a'hol ho supi o' sepuin sam elemeba ai kaai miho mitoh. \v 10 Ibingho supi mang dun a'hol he'e, supi apano' o'sah.

4
02/11.txt Normal file
View File

@ -0,0 +1,4 @@
\v 11 Supi mid bang om lemid he'e, ai med o'fo Maria a'ra homi. Horo he'e, supi sapongfa' a'dimbut u ada a'hol. Na ernuba supi fisam ho during med puin u ada a'hol sariho: ab'ah, ti manem, fa lofang hir.
\v 12 Sobo apai mi name supi a'ra mateng honie, ha ai sam Herodes a'bung e', horo he'e supi sabor sobang so pali' leamho supi sebangfe lol sam.
PARENTA MED, TE ENG MESIR LEAM

5
02/13.txt Normal file
View File

@ -0,0 +1,5 @@
\v 13 Name ibing tepho mang sabor honi he'e, apai om mi Lahtal o' malaikat sari Yusup o' petang no' he'e a'ramateng ubangho, "Ahir toh honie, ai ka ai ho med o'fo ho a'ra honie te eng Mesir leam. Sam dai hemo mi sam Na a'ra mateng amfe, fede' Herodes om ho' Aiho lap honie amine ubang eh."
\v 14 Horo he'e paka puin Yusup toh Aiho, med o'fo a'ra, supi sam let mong Mesir mi, \v 15 supi dai hemomi sam Herodes min, honie sa fom pa'ba Lahtal bit nabi a'laiho ano' an. Sari ubangho:
"Na No Ai mong Mesir miho o'lofe sabor."
AIKABAR LOTEBAR BETLEHEM MIHO, NAME A'MINE OH

1
02/16.txt Normal file
View File

@ -0,0 +1 @@
\v 16 Herodes a'hol he'e, name ibing tep ho a'ra kalufe am, horo he'e sa a'ri ing empir, sa parenta honie aikabar mong Betlehem miba o' ur tun alo e'far name ibing tep sel bit ho a'ta ain ho amine ano' oh.

8
02/17.txt Normal file
View File

@ -0,0 +1,8 @@
\v 17 Ho'o a'ra puin nabi Yermia o' matengpa' ho a'no' an :
\v 18 "Name a'mang mong Rama miho ma eh,
a'hain a'fe' susa lala a'titino.
Rahel so aibar u a'hain por lap sah,
name a'hen a'monedi med nene fede' supi suhuin am a'ai am."
PARENTA MED SABOR ISRAEL LE HO'

1
02/19.txt Normal file
View File

@ -0,0 +1 @@
\v 19 Herodes min horo he'e, apai om mi Lahtal o' malaikat sari Yusup e'tub mong Mesir mi, \v 20 a'ra mateng ubangho, "Toh, honie aiho med o'fo a'ra honie ibor Israel leam fede' nameba aiho o' se'bur lap amine bit eh ho minam." \v 21 Horo he'e, sa toh aiho med o'fo a'ra supi sabor Israel leam.

2
02/22.txt Normal file
View File

@ -0,0 +1,2 @@
\v 22 Sobo ma eh he'e, Arkhelaus so foil parenta puin somang eleme mi, horo Yusuf baroc sam hemo leam. sobo apai mi name a'ra mateng horo, sa sam mong Galilea fe leam.
\v 23 Yusup sam Galilea mi, no' he'e bang mate lelang lainu a'ni Nazaret homi mih tar; honi puin nabi o' mateng pa' a'no' an, sari ubangho, "Name aiho umateng, aiho Nazaret hinung'."

1
02/title.txt Normal file
View File

@ -0,0 +1 @@
Pasal 2

3
03/01.txt Normal file
View File

@ -0,0 +1,3 @@
YOHANIS NAME AFOI EIHO FOM PA' UMATENG
\v 1 Sel ho araham Yohanes name afoi eiho, ara mong Yodea pali' o la mate la lai mi fom pa' u mateng. \v 2 Sa ubang ho : sono' iom afom, fede'sorga bang bolang ara fanangam. \v 3 fede' sari horo Nabi Yesaya umateng eh, ubang ho : ainu mong la mate la lai mi lofe id eh, se'bur utaro' med Lahtal ere'eng, o se'bur ho ano' mulang.

1
03/04.txt Normal file
View File

@ -0,0 +1 @@
\v 4 Yohanis o fen ho Unta o beng, o sapiuil ho ti fah, o na'ade o seina ho kafe med fain sei. \v 5 No' he e, Yerusalem o name, Yudea ei name med name ba Yordan fading tar eh ho, supi barpi Yohanis olap ho, \v 6 Horo he'e, Yohanes sa Yordan mol mi supi afoil, horo he'e supi so doc tofang u mateng.

1
03/07.txt Normal file
View File

@ -0,0 +1 @@
\v 7 Sobo Yohanes edun he'e, Farisi med Saduki hinung di ho' iafoh bi' e sa afoi, horo Sa sipi ara hu'tang ubang ho, " Iri mon o di'ing o bap, ano so ino' na umang fe i Lahtal o bune hala ba ho' eh ma eh ho el te'eng ? \v 8 Hunin fe pir tofang tom afom araham horo fe i panen, \v 9 I ha'ai tanut mi iraham ubang ho ni bap horo ani Abraham, fede' na ira mateng ubang ho, foi bung om ho'omi, Lahtal eka'bar tofang ano' fetang med Abraham ere'eng no !

1
03/10.txt Normal file
View File

@ -0,0 +1 @@
\v 10 hunin sobo Fed ho'o, baling ti abo'oy ei ho name med ti asel arian meng oham, hunin ti ba opir eno' nene ho, name abo'oi hunie feuw afail leam. \v 11 Nari ho'o atino' sei fe puin ifoil hunin e iom afom, sobo ai ba nari tiling ho' ma ho, mi tutung kufa' nemota, o sendal puin di na panen sah. Sari ho sa roh med afai fe puin ifoil. \v 12 Ba' puin na afe' atote ei ara atang mi, sa na poil eleme mi ala pa' u afe' u atote, o bolang sa med parah mi. Sobo o fah ho sa afai bang mi apeuw.

2
03/13.txt Normal file
View File

@ -0,0 +1,2 @@
\v 13 YOHANES PEMBAPTIS SA YESUS AFOIL
\V 13 No' horo he Yesus mong Galelea mi ho' Yordan mi Yohanes olap ho' hunin sa Yohanes afoil. \v 14 Sobo Yohanes ehap ubang ho : o'abulta nari ho o' ang so nafoil fe, naba ei fe nolap ho ?" \v 15 Horo Yesus ubang ho,"Fed ho'oro sei hunin, fede' na horo ara taraham, huni sa na o no' ano' an."fe, Yohanes mang u abole.

1
03/16.txt Normal file
View File

@ -0,0 +1 @@
\v 16 Mang afoil no' Yesus sei om mi sahirtoh hunin he'e, Sorga bang bolang sari during, Lahtal o Roh sano' mang fede' u'lo hunin hel Yesus tahel. \v 17 No' he'e name amang pa' tong sorga bang bolang mi ubang ho,"Ho'oro no' ai na nona u'karang empir, med-Araham horo na u inung."

1
03/title.txt Normal file
View File

@ -0,0 +1 @@
MATIUS O SURA' ASEL MATE ( 3 ) TOUW

2
04/01.txt Normal file
View File

@ -0,0 +1,2 @@
SETANG YESUS APATE
\v 1 Horo he e Roh bolang Yesus e puin atang puin sam mong la mate la lai mi, hunin e setang a'ri pate. \v 2 Sa atep dil lel mi erut dilpaka mi erut, Sa soalepang he'e Sa malihingam. \v 3 Homi setang ho' Ari pate ubang ho:" Mang fede' ari ho Lahtal ai so hunin he e, foi nun ho'o A parenta ano' roti." \v 4 Sobo Yesus o mateng pa' abor ubang ho," ara hul ol meng, roti horo solo nameno' u fetang nene, huni sobo fom pa' Lahtal at afu' mi hel horo nameno' u fetang."

1
04/05.txt Normal file
View File

@ -0,0 +1 @@
\v 5 No' horo he e setang arasam Yerusalem o bang ado ta, \v 6 no' aramateng ubang ho," Ari ho Lahtal ai so he' e, A mujhel fed' ara hul meng, Lahtal so malaikat ernu parenta supi satang pep hunine e'fa haai ufit e

1
04/07.txt Normal file
View File

@ -0,0 +1 @@
\v 7 Yesus aramateng ubang ho," foi minuta ara hul olmeng, a ha'ai o Lahtal pate e." \v 8 Setang foi ara sam tong doi lafining ta, no' he e pali' mate o mura rame airnu ahow edun, \v 9 no' aramateng ubang ho," barpi na meden, sobo A ne'fa fan nani utarain afoh atel fe."

1
04/10.txt Normal file
View File

@ -0,0 +1 @@
\v 10 horo he'e Yesus aramateng ubang ho," Nelet nelihing setang! Ara hul olmeng, ari di o Lahtal hora E'fa fan afoh atel, fe fa horo araham E'fa fan afoh atel." \v 11 Mang horto he'e setang elet elihing, edun ema, malaikat-malaikat ernu ho' edun ah afoil

2
04/12.txt Normal file
View File

@ -0,0 +1,2 @@
YESUS GALILEA MI SO KARASANG BALETA ANO' LAME
\v 12 Ho' araham Yesus maeh he'e Yohanes name apuin am, so horo he e sa saluil Galilea leam. \v 13 Sa Nazaret mi sabor ho' Kapernaum mi, mong Zebulon med Naftali o sara ha' homi tut adita seleme med,

1
04/14.txt Normal file
View File

@ -0,0 +1 @@
\v 14 hunin e' sa naba fe Nabi Yesaya u'mateng am ho ano' an : \v 15 Zebulon med Naftali o" pali' Tiberias o se'bur mong Yordan mol den, Galilea pali' name Yahudi nene o pali' mi,\v 16 pali' mate ba dai paka om mi satining ho, dun lel mate ahol, name bang pali' mi, med min malot o lalaman om mi ho lel mate ta po'.

1
04/17.txt Normal file
View File

@ -0,0 +1 @@
\v 17 Ho araham ho, Yesus fom pa' a'ainang bit ubang ho," Iom afom fede' Sorga bang bolang ara fanang am.

2
04/18.txt Normal file
View File

@ -0,0 +1,2 @@
YESUS SEKOLA AIBAR PIRUT SOTUR OLOFE
\v 18 ho araham Yesus pong Galilea tut ta lame eh, Sa dun he'e name di'ail pir alo sariho Simon name ubang Petrus, med o di'ail Anderias, dalang few eh fede' supi ho dalang few o name. \v 19 Hore he'e Yesus supi aramateng :" Mae nata'ain Na ino' nameno' o dalang few." \v 20 Mang horo supi so dalang med meng supi fa Ata'ain.

1
04/21.txt Normal file
View File

@ -0,0 +1 @@
\v 21 Supi foi lame faeh sa dun he'e, name diail beng pir alo, sariho Yakobus, Zabedeus o'ail med o di'ail Yohanes supi somang Zabedeus ho ara pelang om mi so dalang nun ho ano' no' eh. Horo sa supi olofe. \v 22 So horo he'e supi so pelang med somang atayin supi fa Yesus ata'ain.

2
04/23.txt Normal file
View File

@ -0,0 +1,2 @@
YESUS NAME GUR PEL MED NAME TOFANG ANO' BIRANG
\v 23 Horo he'e Yesus lame Galilea pali' ho fading, aome bang arian mi, name gur pel, sura' bolang u mateng, med name mode ma'ar afang-afang, om sah dor palel mi ho' ho ano' birang, med name lafoh o'anai homi. \v 24 Sariho O hamoi lamail te'eng Siria pali' homi'pir. Horo he'e supi name mode ma'ar, name setang tamang, name abib min, name tu'ung doh, barpi araho' horo he'e Sa supi ano' birang parpi. \v 25 Name tofang lubung sariho Galilea, Dekapolis, Yerusalem, Yudea, med Yordan molden oname barpi a'taain

1
04/title.txt Normal file
View File

@ -0,0 +1 @@
MATIUS O SURA' ASEL MATE (4) UT

2
06/01.txt Normal file
View File

@ -0,0 +1,2 @@
UKARANG EI ARAHAM O GUR PEL
\v 1 I Lahtal ata'ain bo i' panen fa nameno' araham ho i'na uma no'-no', h'ai panen aten ho name ahow edun nene. Mangfed' hunin so he'e, Imang tong sorga mi ho e' o' abor o' den med ien nene. \v 2 Huninfe, mangfede' i name ukarang so, honi he'e, i' ha'ai huling mate ta amang mang fed' name aba kalufe panen mong a'ome bang arian, mong se pahi' arian hunin sa name beng ahow supi utarain huni e'. Na o'abul ho u iramateng, sariho o abor o den supi medam.

1
06/03.txt Normal file
View File

@ -0,0 +1 @@
\v 3 Honi sobo i' name ukarang huni he'e, i'tang fi'ing ha'ai nabafe i'tang tani panenam ho ta ahol e, \v 4 hunie sa i' ukarang ho tafuning, e'sa Imang ba na tafuning di ahol ho, sa o abor, oden med ien.

2
06/05.txt Normal file
View File

@ -0,0 +1,2 @@
\v 5 GUR PEL A'OME EI ARAHAM
\V 5 I' a'ome so honi he'e, ha'ai mang fed' name aba kalufe honi e', fede' supi ei apano' ho mang toh, supi a'ome bang arian mitoh a'ome, mong sepahi' arian toh a'ome. \v 6 Sobo iri ho a'ome honi he'e, mid i bangom lemid o sear tel, no'am fe a'ome Imang tong eleme tafuning mi ho aramateng, hunie sa Imang ba tafuning ernu ahol ho o abor o den med ien. \v 7 Mang fed' i' a'ome honi he'e mateng pa' ba ohir opa' ha'ai ho bit e, mang fede' name ba Lahtal ahol nene sei panen eh honi e, fede' supi o tanut he'e, mateng pa' ubang tofang honi e name supi u'alepang.

1
06/08.txt Normal file
View File

@ -0,0 +1 @@
\v 8 Honi fe, ha'ai panen supi ei honi e', fede' naba fe iom iuma i' e ubang dai honi he'e I'mang a'holam. \v 9 a'ome ho'oni : Nimang tong sorgami, Ani' ho ati'tino' so bolang bi'. \v 10 o'bang bolang ahou ho'ma, om taro'ni pali'mate ta honi he'e sorga mi di honi.

1
06/11.txt Normal file
View File

@ -0,0 +1 @@
\v 11 Sei namej sel fed ei ho A' ano' an med nien. \v 12 med ni doc ahal u ampo, mang fede' niri di name o panen aten ahal ma niraham ho u ampo huni. \v 13 Ha'ai nira fa goda pate om ho lefa e, sobo nino' il luling fa ari'ing fail araham fede' ari horo so mi mate so mi lafining, lel madal sam em so em ho a'meng. Atino'.

1
06/14.txt Normal file
View File

@ -0,0 +1 @@
\v 14 Fede' i name beng o'ahal u'ampo hunin he'e , Imang sorgami hodi iri u ampo. \v 15 Honi sobo i' namebeng oahal u'ampo nene honin he'e, Imang di e' i'ahal u'ampo nene.

2
06/16.txt Normal file
View File

@ -0,0 +1,2 @@
\v 16 PANEN ATEN SEL A'TEP EH OM MI
\V 16 Mang fede' i' atep om mi he'e i'pongfa' ano karuku mang fede' name aba kalufe ei huni e, sa name beng edun he'e supi atep eh honi. na o abul ho u ira mateng, sari ho o abor o den supi medam. \v 17 Honi sobo iriho mang fede' i atep om mi huni he'e, i'elafung ho iping med mi luh, i'pongfa' harang. \v 18 Honi e i'atep ho namebeng ahol e, sobo I'mang ba ara eleme tafuning mi horo ahol. Hunie i'panen tafuning ho Imang o abor o denn med ien.

2
06/19.txt Normal file
View File

@ -0,0 +1,2 @@
\v 19 SORGA BANG BOLANG FE MI KAFAC TARO'
\V 19 Ha ai pali' mate ho ta kafac adurung med i bo' mate e'reeng e, fede' eleme ho haleiw ade no', name ta'u di aberang few tau no'. \v 20 Sobo tong sorga femi o kafac taro', eleme hetomi ho haliw e ade nene, name tau di e tau nene. \v 21 Fede' i taromi na taro' honi he'e, iom di ara horo mi.

1
06/22.txt Normal file
View File

@ -0,0 +1 @@
\v 22 Te'fai ho, bo'mate o lampu ai. Honife mang fede' ie'fail hono' huni he'e, i'bo'mate barpi lel. \v 23 Sobo mang fede' ie'fail ho sah hunin he'e, i bo'mate ho barpi paka. Honife mang fede' lel o abul ba ara ibung ho paka, huni he'e paka ho so atino' paka empir. \v 24 Name den e Tuang alo ata'ain nene, fede' sa pirnu sompuin ata'ain, sobo nuho sa ukarang, ha'ai honi he'e sa pirnu ale alol ata'ain sobo nu ho sa teteng hasu ara'ham. I Lahtal e med kafac pali'mate ta ho ham-ham u baleta sah.

2
06/25.txt Normal file
View File

@ -0,0 +1,2 @@
\v 25 I HA'AI BAROC E
\V 25 Huni fe na ira'mateng, ha'ai i fetang ho u baroc e, naba fe ma' i ade, nabafe ma' i na. I bo' mate di honi, naba fe ma' i tew puin horo mi atino' bo' mate e'mota? \v 26 Edun! Hiu luling ham ho e nate' muding nene, e na atuir med parah mi nene, sobo Imang sorga miho namej supi en ade. Iriho i'fali e supi ho e'mota nene?

1
06/27.txt Normal file
View File

@ -0,0 +1 @@
\v 27 Inai homi anoso baroc horo he'e sa sour ho fangga nu foilta? \v 28 Med fen ei araham ho i naba u baroc? Bunga bakung mong la ham mi i'dai edun, supi abow ho taro'ni, supi di e na'dew na harot nene. \v 29 sobo Na iramateng Salomo ho kafac bung lehel sobo, fen puin e sari bunga ho araham nene.

1
06/30.txt Normal file
View File

@ -0,0 +1 @@
\v 30 Hunin fe banang ba fed abow, dillel he'e name apeuw sobo Lahtal alelang abubung ba meng ho, iri ho mi emota nene iri i' u'dume bol? \v 31 Hunife i ha'ai baroc ubang ho : Naba fe ma' ni ade? nabafe ma' ni na? eme nabafe ma' ni tew puin?

1
06/32.txt Normal file
View File

@ -0,0 +1 @@
\v 32 Fede' bang ernu na'nun ho so barpi lap, no' he'e Imang sorgami Sa ahol iridi na ho'oro lap te'eng empir. \v 33 Honi sobo bang no' bang ham, med na o abul horo fe sotur lap honie Sa sobarpi mned i'eita. \v 34 Hunife dil lel nu ei araham ho u'baroc e , fede' dillel nu ei baroc banibungho, sari dillel horo solo ere'eng. Susa dillel arian ho e saraham nene.

1
06/title.txt Normal file
View File

@ -0,0 +1 @@
MATIUS O SURA' ASEL MATE ( 6 ) TALANG

2
07/01.txt Normal file
View File

@ -0,0 +1,2 @@
\v 1 HA AI ABUL LAP AHAL LAP E
\V 1 Ha'ai name o'abul o'ahal lap e, honi e iri di name i'abul ahal lap e. \v 2 Fede' i name o abul ahal lap taro'ni he'e name di i abul ahal lap orupa honi, med hu' dap ba i puin name hu' dap horo fe name puin iri hu' dap.

1
07/03.txt Normal file
View File

@ -0,0 +1 @@
\v 3 Taro'ni fe bitang o diail e'fail miho adun ahol, sobo tibo' mate ba e'fail mi ho a e ahol nene? \v 4 em'e taro'ni fe i'diail aramateng ubang ho : Kilange na bitang e'failmiho med huni no'sobo edun he'e tibo' mate e'faimi eh ho? \v 5 Hoi aba kalufe o name, tibo' mate e'failmi ho arahel am fe, bitang ba o'diail e'faimi ho med.

1
07/06.txt Normal file
View File

@ -0,0 +1 @@
\v 6 Ha'ai na bolang med bel en e, ha,ai mutiara few boi fo lehel honi e supi ta'toh ta'lame no' honi he'e supi sadimang iri rat bahite.

2
07/07.txt Normal file
View File

@ -0,0 +1,2 @@
\v 7 BANG, LAP AFAW
\V 7 Bang honi he';e name med ien, lap honi he'e i'med, afauw honi he'e name during med ie'reeng. \v 8 Fede' nameba na bang ho name en' , name ba na lap ho sa med, nameba na afauw ho name during ere'eng. \v 9 Eme inai homi anoso o'ai roti bang sa foi med en? \v 10 Eme mang fede' o'ai abb' bang e sa mon med en?

3
07/11.txt Normal file
View File

@ -0,0 +1,3 @@
\v 11 Honi fe mang fede' iri sah karang sobo i ahol na no' fe med i ail bar en, mi ta-ta honi he'e Imang tong sorga mi ho, Sa na no' fe med nameba a'bang h o en.
HUKUNG O ASEL
\v 12 Hunife na'ernuba i u'inung name panen i'raham ho, horo i foi panen supi araham, fede' sari horo sura' taurat med Nabi ernu o sura' om mi.

2
07/13.txt Normal file
View File

@ -0,0 +1,2 @@
\v 13 FETANG U TALEL O SE'BUR
\V 13 Sear kapuh horo lol mid, fede' sear mate med se'bur berang ho, min tabang u talel, fe name tofang horo lol. \v 14 fede' sear ka'ai med sekapuh horofe fetang u'talel, fe name kurangale ho ahol.

2
07/15.txt Normal file
View File

@ -0,0 +1,2 @@
NABI LADIMANG LABOR ARAHAM PI NAUMAN
\v 15 Sobo Nabi ladimang labor araham ho, iri u buang. fede' supi sano' nub ai huniamfe i'olap ho'sobo, o abulta supi binangta ari'ing so. \v 16 Opir homi huni he'e i supi ahol. Name anggur o pa' ho mong banang o mangta om mi med taunung no' eme name a'ong pa' ho mong ti'mang ta mi'med? \v 17 Honife ti' no' ho o pir di no'sobo ti sah ho o pir sah.

1
07/18.txt Normal file
View File

@ -0,0 +1 @@
\v 18 Ti no' ho pir sah puin hil nene, ti sah ho pir no' puin hil nene. \v 19 Ti ba o pir e no' ne-ne ho name uil abo'oi honie few afail leam. \v 20 Honife opir ernu homi honi he'e i supi ahol.

1
07/21.txt Normal file
View File

@ -0,0 +1 @@
\v 21 Nameno' tofang ba naramateng ubang Tuhan, Tuhan, honi ho e barpi sorga bang bolang ho lemid nene, honi sobo ai ba Nimang tong sorga mi ho ei inung ata'ain horo sorga med. \v 22 Sel ho araham he e, name tofang Naramateng Tuhan, Tuhan niridi Ani fe puin roh sah atetel, mukjizat lafoh akala eh so? \v 23 Horo Na supi aramateng ubang ho : Na e ihol nene ba nelet, fede' iriso na o'sah panen aten!

2
07/24.txt Normal file
View File

@ -0,0 +1,2 @@
U'ALEPANG MED ALOL PANEN
\v 24 Honi fe name tofang ba No mateng pa'ho'o u alepang med alol panen ho. \v 25 No'honi he'e noi mate her, afemate ma, hamoimate bang ho leho' odang, sobo bang ho ol nene fede' foi ta'toh.

1
07/26.txt Normal file
View File

@ -0,0 +1 @@
\v 26 Med name ba No mateng pa' ho ualepang sobo e alol panen nene ho, sano name bodo ba sobang med fec ta atuhuin honi. \v 27 horo he'e noi mate her afe mate ma, hamoi mate bang ho leho' odang horo he'e bang ho ol, tari' taberang mate.

1
07/28.txt Normal file
View File

@ -0,0 +1 @@
\v 28 Yesus na'nun ho mang u'mateng no' honi he'e , name tofang O mateng pa' ho usahoir, \v 29 fade' sa supi au atangta gur pel ho sari ho mi tutung, e'mangfede' supi o name ba sura' Taurat o name na ahol honi n ene.

1
07/title.txt Normal file
View File

@ -0,0 +1 @@
MATIUS O SURA' ASEL MATE (7) ITITO

2
08/01.txt Normal file
View File

@ -0,0 +1,2 @@
YESUS NAME HAPE BURANG ANO' BIRANG
\v 1 Yesus mangtong doita hel horo he'e nameno' lubung mate ata'ain. \v 2 Sa edun he'e name hape burang nu ho' abung ap'pong adang mi sefaur muding,aramateng :" Tuang A inung huni he'e nano' birang. \v 3 Horo he'e Yesus satang ahirfa ator no' horo he'e ubang ho : Na'inung ba a birang, mang ho araham he'e sari ai o hape burang suhuin.

1
08/04.txt Normal file
View File

@ -0,0 +1 @@
\v 4 No' yesus aramateng ubang ho : Alepang, ha'ai name ara hu'tang e', mang ano di ara hu'tang e, sobo sam o bah ho med Imam etub, no' he'e mahen few o rupa Musa parenta arahel maring tub med supi araham huni

2
08/05.txt Normal file
View File

@ -0,0 +1,2 @@
SOLDAJ ROMAWI OARAMIHNU ANO' BIRANG
\v 5 Yesus sam Kapernaum lemid he'e, soldaj omate nu ho' abung,\v 6 sa abang ubang ho :" Tuang no naramih nu tu'ung mong bang mi tar eh, sa rac maeh". \v 7 Yesus aramateng ubang ho : "Na sam honi he'e na ano'birang am".

1
08/08.txt Normal file
View File

@ -0,0 +1 @@
\v 8 Sobo soldaj o mate ubang ho : Tuang a sam nobangom lemid sobo, na e no' nene e ham nene, honi sobo a mateng pite'le ubang di no nara mih ho sa birang no'. \v 9 Fede' naridi name efar, no'he e,soldaj o nefar di ara. na nu aramateng ahow sam he'e sa sam, med beng nun na ahow ho' honi he supi ho', no naramih na ahow nanu panen he'e sa panen. \v 10 Yesus naho maeh sa sahoir, no' name tofang ba ata'ain ho sa supi aramateng ubang ho : Na abul iramateng, udume mate ho'oniho, Israel tofang anai homi na e den ahol dai.

1
08/11.txt Normal file
View File

@ -0,0 +1 @@
\v 11 Na iramateng : Sariho tofang fed po' fed muj lol ho no' honi he'e Abraham' Isak med Yakob ara sorgami ham-ham mih na'de, \v 12 sobo bang pali' ho ei eka'barho, name med paka rumpa' mi few, hemomi ho ahain afe' med safihing irr so ara. \v 13 Yesus soldaj o kapal ho aramateng ubang ho : Abraham fede' o udume ho, ara araham aholdang am. Sel ho araham o aramih ho birang.

2
08/14.txt Normal file
View File

@ -0,0 +1,2 @@
PETRUS O OB OFO, MED NAME TOFANG BIRANG MED
\v 14 Yesus sam petrus obang mi, sa edun he'e, petrus o ob ofo taso' mate tar eh. \v 15 Yesus obtumo' atang ho ator horo he'e, taso' mate ho suhuin. Horo he'e sa toh baleta Yesus ere'eng.

1
08/16.txt Normal file
View File

@ -0,0 +1 @@
\v 16 Dilpaka supi name tofang ba roh sah om tamang ho ara ho' abung horo he'e sa mateng pa'nu puin roh sah nun ho atetel ahin alol, med name mode ano' birang, \v 17 honi sa naba ba Nabi Yesaya ubang ho ano' an : Sariso pi moleng bol med pi mode mahip tofang ho, fit fan med tere'eng.

1
08/18.txt Normal file
View File

@ -0,0 +1 @@
TANO' YESUS O ATA'AIN \v 18 Yesus dun honi he 'e, nameno' efading homi tofang bi', horo sa ubang ho pi mong tang den leam. \v 19 Horo he'e, Taurat sura' o'name omara nu ho' aramateng ubang ho," Guru a lame tarolol sam huni he'e naridi ara tohuil. \v 20 Yesus aramateng ubang ho," binangta mate ho o leng baun ara, honi sobo nameno' ai ho, eleme elafeng selafung mimeng ei di ha'ai".

1
08/21.txt Normal file
View File

@ -0,0 +1 @@
\v 21 O sekola aibar nu ho aramateng ubang ho," Lahtal, na abang honie na dai sam nimang apotam fe na ata'ain." \v 22 honi sobo Yesus aramateng ubang ho," Mae nata'ain sohonie, name min so name mi apot."

1
08/23.txt Normal file
View File

@ -0,0 +1 @@
YESUS BOB HAMOI ANO' TINING \v 23 Yesus mid eiyta horo he'e, O sakola aibar di Ata'ain. \v 24 Edun ema, seh-seh he'e, tang homi hamoi mate, bob mate, supi o pelang bob utel pir. Sobo Yesus tareh. \v 25 Horo he'e sakola aibar fa Yesus amuh toh ubang ho,"Lahtal nino' il fe! Pi tabang eh'ham!"

1
08/26.txt Normal file
View File

@ -0,0 +1 @@
\v 27 \v 26 No' Yesus supi aramateng," I naba u'baroc , i udume bol bi'? no' sa sahirtoh horo he'e , sa bob hamoi ho ehap, horo he'e bob hamoi tining rameng. \v Horo name tofang sahoir ubang ho :" ai ho o name naba honi so fe bob hamoi di ei maeh ei alepang.

2
08/28.txt Normal file
View File

@ -0,0 +1,2 @@
GADARA O NAME PIRALO ROH SAH SUPI TAMANG
\v 28 Yesus sam mong tang den mi tut pa'ta Gadara hinung o pali'mi, name piralo roh sah tamang ho ho' ahol . supi dere lelang mi'hel , supi ari'ing bi'fe name den e se'bur ho lolo nene. \v 29 idai edun supi beat ubang ho," Ari med niriho nabanu ara tanaihomi Lahtal Ai? Ehoni e eoselmi dai A ho' nari asara soba'ho?

1
08/30.txt Normal file
View File

@ -0,0 +1 @@
\v 30 Supi abung homi ho, boi barmatenu nalap ade eh. \v 31 Setang nun ho abang ubang ho, mangfede' A ni'tetel so honi he'e, nihouta fa boi bung horo om lemid.\v 32 Yesus ubang ho," Hemoleam!" horo supi fa boi barmate om lemid horo he'e, boi barmate ho te'eng sam pe' ado tamuj sei mate lehel min oh.

1
08/33.txt Normal file
View File

@ -0,0 +1 @@
\v 33 Name boi buang ho te'eng sam bangmi, supi na'ernuho barpi ubang, med name piralo ba setang tamang hodi supi u name tofang aramateng. \v 34 No' idai edun, bang mate lelang lai o name barpi hel sam Yesus olap. supi mang sam dun Yesus ahol horo he'e, supi Abang huni sa supi o pali' ad atain e, foi beng leam.

1
08/title.txt Normal file
View File

@ -0,0 +1 @@
MATIUS O SURA' ASEL MATE ( 8 ) TURLO

3
09/01.txt Normal file
View File

@ -0,0 +1,3 @@
YESUS NAME TU'UNG NU U AMPO, NO'
\v 1 Yesus mid pelangta tang lol sam sobang so pali' mi. \v 2 No' dun he'e, name ai tu'ung nu med de'ta tefang ho' a'bung. Yesus supi o' udume a'hol horo he'e, Sa name tu'ung ho a'ramateng, "No Ai, om ano' dume, odoc tofang ho uampo am.

6
09/03.txt Normal file
View File

@ -0,0 +1,6 @@
\v 3 Mang horo he'e, Taurat Sura' o' name oinu som mi ubangho, "ai ho Lahtal e'bit.!"
\v 4 Sobo Yesus supi o' tanutho a'hol, Sa supi a'ra mateng, "Naba ei sofe inasah iom mi utanut?
\v 5 O' taroso mino' ubangho, 'odoc tofang uampo am,' horo mino' eme, ubangho, 'Tohe lame horo mino'? \v 6 Sobo honie i a'hol, Sariho pali' mate ho' taho, Nameno' Ai somi tutung kufa, Sa puin doc tofang uampo." No horo he'e, Sa name tu'ungho a'ramateng, "Toh, ode'ho tefange, abor!"

5
09/07.txt Normal file
View File

@ -0,0 +1,5 @@
\v 7 Horo, satoh sabor sam. \v 8 Sobo, name tofang naho a'hol horo he'e, supi sahoir no' supi Lahtal utarain, fede' Sari tutung kafa'ho Lahtalso med nameho' en.
MATIUS BA LAFUNG FALI MED O' NAME HO, FA YESUS A'TA AIN
\v 9 Yesus hel lame Sa dun he'e, a'inu a'ni Matius ho mong lafung fali med eleme mimieh. Horo Sa a'ramateng, "Ma Na ta ain." Matius sahirtoh horo he'e fa Yesus a'taain.

1
09/10.txt Normal file
View File

@ -0,0 +1 @@
\v 10 Yesus bang homi mih na'de eh honi he'e, lafungfali med o' name sotofang med name doc tofang ho' horo he'e, supi Yesus med o' sakola a'ra ham-ham mih na'de. \v 11 Farisi hinung mang dun naho a'hol, supi Yesus o' sakola aibar a'ramateng ubangho, "Taro' nisofe iguruho Sa name lafungfali med o' name med name doc a'hal a'ra ham-ham mih na' de?"

5
09/12.txt Normal file
View File

@ -0,0 +1,5 @@
\v 12 Sobo, Yesus naho ma'eh horo he'e, Sa supi a'ramateng, "Name birangho e' lafurung lap nene sobo name modeso lafurung lap.
\v 13 Sobo, sam honie na ho'o o' lel lap, fede' Na ho' ho'o, Na e' name a'bul o'lofe o'id nene sobo, name doc a'hal fe Na o'lofe o'id."
TA'ANY PANEP FA A'TEP EI A'RAHAM

3
09/14.txt Normal file
View File

@ -0,0 +1,3 @@
\v 14 Seh-seh he'e, Yohanis o' sakola aibar ho' Yesus a'tan, "Taro' nife niri med Farisi hinung a'tep panen, sobo sakola aibarho e' a'tep panen nene?"
\v 15 Yesus supi a'ramateng ubangho,
"nameba ob lote a'ra sam a'tain eiho, mang fede ai lote dai supi ara ham-ham eh honi he'e supi susa lala no'? sobo o' selmi name ai lote ho supi a'bung med honi he'e supi a'tep am."

1
09/16.txt Normal file
View File

@ -0,0 +1 @@
\v 16 Nameden e nahabar puin napah bulang nene, fede' nahabar puin bulangho sa napah ho a'peh mang mateta.

3
09/17.txt Normal file
View File

@ -0,0 +1,3 @@
\v 17 No' he'e, nameden e' anggur sei habar med tanib pah mi aw nene. Mang fede honiso, ho he'e, tanib pah ho peh, anggur sei hufa' parat, tanib hodi ta ma ain. Honi sobo, anggurho supi med tanib habarfe mi aw, honie sa soalo ugariang."
YESUS NAME A'NO' FETANG MED NAME A'NO' BIRANG

2
09/18.txt Normal file
View File

@ -0,0 +1,2 @@
\v 18 Yesus na ernuho usupi a'ramateng eh honi he'e, a' o'me bang o' kapalnu ho' Yesus uada a'hol no' a'ramateng ubangho, "No ai ob dai min. Sobo sam A'tang tameng, honie sa sofetang."
\v 19 Mang honi, Yesus med O'sakola aibar sahirtoh aiho a'taain.

8
09/20.txt Normal file
View File

@ -0,0 +1,8 @@
\v 20 Ai ob nuho, ob mode e'tan tun ernu falingalo am, sa Yesus a'mot lol ho' a'bung, sa Yesus o'kod mate o' tapor ho a'tor,
\v 21 fede' sa som mi tanut ubangho,
"Na o'kod mate horo a'tordi, na birang no'."
\v 22 Sobo, Yesus sadimang ai obho e'dun a'ramateng, "Om a'no dume no ai, oudumeho ano' birangam." Mang homi ai obho birang.

1
09/23.txt Normal file
View File

@ -0,0 +1 @@
\v 23 Yesus sam a' o'me bang o'kapal eibanghomi, dun he'e name huling a'pu med name lubung mate susa lala eh, \v 24 Sa name lubung mateho a'ramateng, "Sam barpi, fede' aika ob ho'o e' min nene sobo tar nopeh so." Horo he'e supi Yesus o' asal.

3
09/25.txt Normal file
View File

@ -0,0 +1,3 @@
\v 25 Sobo name tofangho a'tetel luling lehel no; Yesus mid aika a'tangho mipuin no' horo he'e, aika obho toh. \v 26 Sarina ho'o, o' mateng lil pali' homipir.
YESUS NAME ENGSAH PIRALO A'NO' BIRANG

4
09/27.txt Normal file
View File

@ -0,0 +1,4 @@
\v 27 Yesus homi hel lame he'e, name engsah piralo a' taain o'lofe o' id ubangho, "Niri ukarang Daud o'Ai."
\v 28 Sa mid bang om homi he'e, name engsah piraloho ho' a'bang horo he'e, sa a'tan ubangho, "Na ho'o napanen io' a'tino' ubangem a'ai?" Sanangalo ubangho, "Ya, Tuhan!"

7
09/29.txt Normal file
View File

@ -0,0 +1,7 @@
\v 29 Yesus supi e'fail ho ta a'puin no' ubangho, "I udumeho ei a'lol, naho'o a'ra iraham."
\v 30 No' honi he'e supi e'fail sari during. Yesus supi e'hap ubangho, "Uma no'-no', name pirnudi haai naho' a'hol e'."
\v 31 Honi sobo, supi hel horo he'e, supi Yesus ei a'ramatengho umateng pali' homipir.
YESUS NAME A'MANG SAH A'NO' BIRANG

7
09/32.txt Normal file
View File

@ -0,0 +1,7 @@
\v 32 Name piraloho mang hel honi he'e, name foil ainu setang halup a'mangsahho a'ra ho' Yesus a'bung.
\v 33 Setangho sa a'tetel horo he'e, aiho mateng no'. Name tofang sahoir ubangho, "Na ho'oniho, Israel pali' mi pi a'hol dai."
\v 34 Sobo, Farisi hinung ubangho, "Sa roh sahfe puin roh sah nunho a'tetel ehso."
TEN TA'AT TOFANG SOBO O'UKARESANG A'PITE

3
09/35.txt Normal file
View File

@ -0,0 +1,3 @@
\v 35 Yesus lame bang mate lelang lai med bang kaai serang kurangho mipir, mong a' o'me bang a'rian pali' bolang sura' habar om miho umateng med mode tofang a'no' suhuin.
\v 36 Yesus name tofangho e'dun om muj empir, fede' supi moleng malaj, mangtanai o' lame eh, mang fede' nub aibar o' bu'ang o' aneng a'ai honi.

3
09/37.txt Normal file
View File

@ -0,0 +1,3 @@
\v 37 Horo Sa sakola aibar a'ra mateng, "So a'tino' ten la'at tofang sobo, o' ukaresang eiho a'pite'le."
\v 38 Honife Lahtal horo o' na a'fail, honife a'bang sa name o' ukaresang eiho tahow sona a'fail ten ta'atamho leho."

1
09/title.txt Normal file
View File

@ -0,0 +1 @@
MATIUS O' SURA' ASEL MATE TI EINU

5
11/01.txt Normal file
View File

@ -0,0 +1,5 @@
\v 1 Yesus parenta med sosakola pir ernu faling alo en no' horo he'e, so sam mong supi o'bang o'pali' a'rian fom pa' umateng.
YESUS MED YOHANIS NAME A'FOIL EI
\v 2 Fed, Yohanis mong sapirimiho, sa Kristus o' karesang ernuho ma'eh horo he'e, sa so sakola aibar a'how sam, \v 3 Yesus atan ubangho, "Ari horoba ho' ma ubang eh ho eme, ni uil-uil foil name bengfe a'danang?"

1
11/04.txt Normal file
View File

@ -0,0 +1 @@
\v 4 Yesus supi ei a'bor ubangho, "Ibor sam, honie nabafe i a'hol, ma'eham ho'o ubang Yohanis a'ramateng, \v 5 name engsah dun na'hol, name min sofetang, name sah lahal sura' habar o' pa' ma 'eh. \v 6 Med nameba Nari u u'fit neneho, untu ada a'raham."

1
11/07.txt Normal file
View File

@ -0,0 +1 @@
\v 7 Supi mang sabor he'e, Yesus Sa Yohanis ei a'raham ho u name tofang a'ramateng, "Mong dil oh paling tining hemomi iom naba fe e'dun uma? ulbo' nuso hamoi odang eh? \v 8 Isam naba edun? Ainu fen bala dul muj puin horo? supi ba fen bala dul muj puin ho a'ra mong afen eleme elafeng mi.

3
11/09.txt Normal file
View File

@ -0,0 +1,3 @@
\v 9 Isam naba fe e'dun? Name nabi nu? iya, Na iramateng, sariho so mimate name nabidi e'mota. \v 10 Fede' sari horo ei a'raham ba a'ra hul olmeng ubangho:
'Edun! Na No name tahow misotur med e're 'eng.
Sariso se'bur utaro' ualap med aholdang.'

1
11/11.txt Normal file
View File

@ -0,0 +1 @@
\v 11 Na a'bul iramateng, supiba ob bar a'fain o' a'nai homiho, den e' mimate Yohanisba name a'foil eiho e'mota nene. Honi sobo oba somi kaai tong sorgami horofe somimate e'mota. \v 12 Yohanis name a'foil ei o' samang homi sam fed ho' mimeng ho, Sorga Bang Bolang sah karang a'hol, med name tofang ba a'riing fail so om afeng horo ei panen.

1
11/13.txt Normal file
View File

@ -0,0 +1 @@
\v 13 Fede' nabi tofang med Sura' Taurat umateng sam Yohanis ei samangho mimeng. \v 14 Mang fede' sari horo Elia ba ho' eham honiho, iridi u inung ipang u no'. \v 15 Anoso a'fel a'ra puin ualepang, honi he'e sa ualepang!

9
11/16.txt Normal file
View File

@ -0,0 +1,9 @@
\v 16 Sobo, ma'a na nabafe puin name fed ho'mi fetang eh ho Sara men? Supi mang fede' ai kabar mong lubung tofang eleme mih sotenang el bar o'lofe,
\v 17 no' ubangho, 'Ni huling a'pu iere eng,
hoe i e sabea nene.
Ni dal a'hain a'fe' puin dal hoe,
i e' a'hain nene.'

3
11/18.txt Normal file
View File

@ -0,0 +1,3 @@
\v 18 Fede' Yohanis ho' sa e' na'de seina nene, supi ubangho, 'Aiho setang tamang.' \v 19 Honi sobo, Nameno' Ai ho'e na' de seina honi he'e supi ubangho, 'E'dun, sari a'iho maro' makakang, hufang tabur, name lafung fali med ei o' tenang el, med name doc a'hal o' tenang el.' Honi sobo, na' hol dil ma eh ho o' a'tino bitho, mong panen aten mi."
NAMEBA O' A'TINO' BIT NENEHO A'HOW NA' UMA

1
11/20.txt Normal file
View File

@ -0,0 +1 @@
\v 20 No' he'e Yesus puj a'ome med bang pali'ba sami natahoir tofang panen ho a'raham, fede supi e' som a'fom nene. \v 21 "Khorazim, sah karang iraham! Betsaida, sah karang iraham! fede' na utahoir tofang ba a'ra inai homi latel hodi, a'ra mong Tirus med Sidon dimi latel, honie e supi som a'fom lufangam, sariho supi fen laan puin, supi hel maru mimih. \v 22 Sobo Na iramateng, sariho mong a'bul a'hal lap o' selmi honi he'e, Tirus med Sidon eiho mifilung, sobo ieiho mi tarofe.

3
11/23.txt Normal file
View File

@ -0,0 +1,3 @@
\v 23 Med iri Kapernaum, ma'a denfe name ino' lafining sam burang a'tor? A'ai, iriho name irahel sam pong name minam o' pali' lehel, fede' na utahoir tofang ba a'ra inai mi latelho, mong Sodom dimi a'ra, sari bang pali' ho sodai a'ra sam fed ho' mimeng. \v 24 Sobo Na iramateng sariho, a'bul a'hal lap o' selmi honi he'e, Sodom eiho mifilung, ieiho mi tarofe."
NAMEBA YESUS O'LAP HO' HO, O' TAROFE HING

1
11/25.txt Normal file
View File

@ -0,0 +1 @@
\v 25 Selho a'raham Yesus ubang ho, "Na Ani utarain Nimang Lahtal, burang fa'ai o' Lahtal, fede' barpi ho'o A' med name na' hol dil ma'eh el tafuning, sobo a' med ai kabar kaai e'tub e'dam. \v 26 O, Nimang, sari ho'oni horofe omtamuj Adang homi. \v 27 Ernu turlo ho Nimang med Nenam. Name nudi e' Ai a'hol nene, seilalho Omang; name nudi e' O'mang a'hol nene, seilalho Ai, med nameba Ai u i'nung horofe utanut med no'.

Some files were not shown because too many files have changed in this diff Show More