Mon Sep 05 2022 08:25:19 GMT+0800 (Singapore Standard Time)

12/01.txt

@@ -0,0 +1,4 @@
+YESUS HORO HAIR SAH O' LAHTAL
+
+\v 1 selhomi, yesus lame aladil a'lai, sariho hairsah om mi, honie o'sakola aibar malihing, horo he,e supi alapa' ho hi'ade.
+\v 2 Sobo farisi hinung a'hol horo he'e, supi yesus a'ra mateng, "E'dun, o'sakola aibar naba hair sah ommi panen he'e a'hal horofe supi hair sah om mi panen."

12/03.txt

@@ -0,0 +1,2 @@
+\v 3 Sobo Yesus supi a'ramateng, "Nabafe daud med o'a'taan ernu a'ra supi malihinge supi panen ie'ta'an dai, 
+\v 4 taro'nife samid Lahtal O'bang om mi, no'he'e rotiba name puin med name a'ra tohuil hodi a'de, seilalho imam e'reeng horo a'ai?

12/05.txt

@@ -0,0 +1,2 @@
+\v 5 Eme, i Taurat Sura' miho i e'taan dai, sariho hair Sah a'raham honin he'e, imam ernu hair sah ho lafang sobo supi e'ahal nene?
+\v 6 Honin sobo, Na ira mateng; o'mimate Lahtal O'bang e'motaho a'ra ho'omi.

12/07.txt

@@ -0,0 +1,7 @@
+\v 7 Sobo, mang fede' i o'lel a'holam; Nei inungho ukarang e'sah, sobo e'dang pew nene, o' a'hal neneho i e'hukung dai.
+
+
+
+      \v 8 Fede', Nameno' Ai horofe hairsah ho o'Lahtal."
+
+YESUS HAIR SAH MI NAME A'NO'BIRANG

12/09.txt

@@ -0,0 +1,2 @@
+\v 9 Yesus hemomi hel lame sam supi o'aome bangmi. 
+\v 10 Edun, name lote ho, a'tang denle sah. supi Yesus a'tan ubangho,"Hairsah om mi name a'no birangho as'bulem a'ai?" honinsa supi Yesus a'no' a'hal no.

12/11.txt

@@ -0,0 +1,3 @@
+\v 11 Horo, he'e supi A'ra mateng ubangho, "Inaihomi namenu o'nub pirnu, sari nub ho hairsah a'raham muj lafo lehel, ma' sa sona ataain lafo lehel med a'ra madong em a'ai?
+
+\v 12 Nameno' ho eifali so mi mate nub ho e'mota! honife, hairsah om mi nano' panen ho a'bul."

12/13.txt

@@ -0,0 +1,6 @@
+\v 13 No horo he'e, Yesus Sari Ailoteba atang minho, "A'how satang a'hir." sa anono' ano'birang, mangfede' atang denle honin.
+
+
+\v 14 Sobo, Farisi hinung homi sahirtoh sam, supi sara pec honie A'ri lafang, taro'nife ma' supi Yesus ho a'mine no.
+
+YESUSHO, LAHTAL SONA U A'LE A'HOW A'TITING

12/15.txt

@@ -0,0 +1,4 @@
+\v 15 Sobo, Yesus, supi o'tanutho a'hol horo he'e, saladimang a'hal sam.
+Name tofang a'taain sam horo he'e, sa a'no' birang barpi.
+\v 16 no sa supi a'ar mateng honie, supi ha'ai A'ri ubang lame name a'how a'hol e.
+\v 17 Sarina ho' a'ra honie, nabafe Nabi Yesaya umatengho a'no' an:

12/18.txt

@@ -0,0 +1 @@
+\v 18 "E'dun, name A'how atiting ei na u a'le' u tara, na ukarang ei a'rahamho no lamandi u inung. Na no roh med a'rita, honie sa na a'bul umateng bang ernu e'maring.

12/19.txt

@@ -0,0 +1,10 @@
+\v 19 Sa e'name lafang nene, sa e'beat nene, name selolho pirnudi e' a'mang ma eh nene. 
+
+
+\v 20 Falo hid sa e' a'hi' med nene, sumbuba min eham sa e' a'no' min nene, sam sa o' a'bul ho a'no' somitale, 
+
+
+\v 21 med bang ernu pali' ernu ei a'nifemi udume." Yesaya 42:1-4
+
+
+YESUS O'TUTUNG KUFA'HO, LAHTAL O'ROH BOLANGFEMI

12/22.txt

@@ -0,0 +1,2 @@
+\v22 No' he'e, ainuho setang halup, engsah, matenglurung sah ho, name a'raho' Yesus o'lap ho. Yesus a'no' birang no' he'e, ai engsah med matenglurung sah ho, mateng no, med dun na'hol.
+\v 23 Name tofang sahoir, no' he'e utaain, " Sari horo ma'a Daud o'Ai?"

12/24.txt

@@ -0,0 +1,3 @@
+\v 24 Sobo, farisi hinung ma eh horo he'e supi ubangho, "Ai ho' setang o'afen beelzebulho a'ra tohuil nene honi he'e, sa setang a'tetel sah."
+
+\v 25 "Yesus supi o'tanutho a'hol horo he'e sa supi a'ra mateng, " Bang pali, a'ri'an parentanu om mi, sobo sobobom sari lafange tabite honi he'e, med meng. mede, bang mate serang tofang, eme bang om nu, sobobom sari lafang tabite honi he'e, supi tahangsah.

12/26.txt

@@ -0,0 +1,2 @@
+\v 26 Mangfede' setangso setang a'tetel, honi he'e supi tabite fede' supi sobobom sari lafang. mangfede honiso, ho he'e supi o'bang pali' parentanu e'far ho ma' sa tahang no' eme a'ai?
+\v 27 Honife, mang fede' Na Beelzebulfe puin setang a'tetel, honi he'e i aibar ma'a anofe a'ra setang a'tetel? honife setang horofe i ahal abul e'dun o'name.

12/28.txt

@@ -0,0 +1,3 @@
+\v 28 Honi sobo, mangfede' na Lahtal o'Roh bolangfe puin setang a'tetel, honi he'e Lahtal o'parenta bang ho' iri taam.
+\v 29 Soeme, namenu omho sasam name kufa' o'bang om lemid tot kalaping sobo sa aiho a'pec  a'mihing dai honi he'e, ma'a sa o'tot o'kalapingno? sadai nameho a'pec a'mihingamfe, sa o'bang omho utot ukalaping. 
+\v 30 Anoso nara tohuil nene he'e, sa nari lafang. med anoso nara abuil ta'unung nene, honi he'e, sa a'bite a'dakang.

12/31.txt

@@ -0,0 +1,4 @@
+\v 31 Honife na iramateng, doc med e'bit e'ng el nameno a'rahamho uampo no, honi sobo e'bit e'ng el fa Roh a'raham e' uampo nene.
+\v 32 Med, anoso mateng lurung Nameno' Ai lafang honi he'e uampo no, sobo anoso mateng lurung Roh lafang, honi he'e e' uampo nene, sariho fed ho'omi sam mong sel maeh ho a'meng."
+
+TIHO, O'PIRFEMI A'HOL

12/33.txt

@@ -0,0 +1,4 @@
+\v 33 Mang fede' tiho no, honi he'e o'pirhodi no, Sobo mangfede' tiho sah, honi he'e o'pirhodi sah. fede', tiho o'pirfemi pi a'hol. 
+\v 34 Hoi, mon arofang o'diing bap, iri a'riingfail o'nameho ma'a i na o'no' ham ubang no? fede' iom mimadong, iatmihel. 
+
+\v 35 Name oba no'ho, sa sei kafac no'femi nano'tofang a'rahel, sobo name o'sah ho, sa sei kafac sah horomi nasah tofang a'rahel.

12/36.txt

@@ -0,0 +1,5 @@
+\v 36 Sobo Na iramateng, mateng pa'oh fawba name ubangho, mong a'bui a'hal lap o'selmi honi he'e supi sona umateng ulurung.
+
+
+\v 37 Fede' imatengpa mi,  honi he'e i abul, med imatengpa' fe mi honi he'e i hukung salang med.
+FARISI HINUNG MED TAURAT O'NAME NA'HOL UTUB UDAM NU BANG

12/38.txt

@@ -0,0 +1,3 @@
+\v 38 No' honi he'e, Taurat o'name na'hol med Farisi hinung supi Yesus a'ra mateng, Guru, a utub nu panen honie ni e'dun.
+\v 39 Sobo Yesus supi a'ra mateng. Iriba a'riing fail med ob bar o'a'hal o'name, i nahow utubnu panennu. utub den napanen supi e'reeng ei ho a'ai, sei lalho Nabi Yunus horo sano' utub.
+\v 40 Fede, Yunusho mong abmate a'to'mi dil lel mitow, dilpaka mitow,  Nameno Ai di o'rupa honi, sa ma' a'ra pali' mate a'to' om mi paka tow lel tow.

12/41.txt

@@ -0,0 +1 @@
+\v 41 Niniwe hinung ma' name fed ho'mi ho a'ra ham-ham hukung salang fede' supi Yunus o'fompahang ma ehamfe supi som a'fom. E'dun, o'mimate Yunus e'mota ho a'ra ho'omi.

12/42.txt

@@ -0,0 +1,2 @@
+\v 42 Afen ob pong fi'ing lol ho' sahirtoh name fedho' a'ra mong a'bul a'hal lap o'selmi honie supi hukung, fede' sa pong pali' taportami ho' Salomo ei na'hol dilmaeh ho ualepang. E'dun o'mimate Salomo e'motaho a'ra ho'omi.
+OH A'AIHO EI SAH EI KARANG

12/43.txt

@@ -0,0 +1,8 @@
+\v 43 Setangho sa name no' om mi hel horo he'e, sa lame pali' lairang tofang a'lai, sa ti uh airlah lap sobo e' a' hol nene. 
+
+\v 44 Horo he'e sa ubangho, no bangba namihel horofe, nafoil samleam. sa sam he'e, bang ho so oh, parin bolang, taro' alap rupa rac.
+\v 45 Horo he'e', setangho safoil sam so tenang el pir itito sobo mi a'riing bi' ho' horo he'e supi homi mih mitar.
+Horo he'e sar aiho o'fetang mang sahta, turho so mino.
+Nameba fed ho'miho, selnumi honin he'e na ho' a'rupa' a'holdang.
+
+YESUS O'FO O'MANG, MED O'DI' O'MATU O'A'BUL

12/46.txt

@@ -0,0 +1,3 @@
+\v 46 Yesus name tofangho dai a'ra mateng eh he'e, o'fo med o'diailbar ho' lulingmi tifeh, supi panen taro'nie a'ra matengfe.
+
+\v 47 Namenu a'ra mateng, Adai dun, ife med o'diailbar pong liling mi tufeh, supi a'ra hu'tang uma.

12/48.txt

@@ -0,0 +1,6 @@
+\v 48 Sobo Yesus sari aiho a'ramateng ubangho,Ano soba nifeho, med ano soba no diailbar?
+
+\v 49 No' horo he'e, sa satang so sakola aibarho utub sa ubangho, ong ho'oro nife med no diailbar!
+
+
+\v 50 Fede' name anoso nimang sorgamiho, ei i'nungho panen, honi he'e, sari horo no diail lotebar, sari horo no u'dingbar, med sari harofe nife.

12/title.txt

@@ -0,0 +1 @@
+BAANG KAAI NU SAM ERNU FALING UT MIMENG

13/01.txt

@@ -0,0 +1,3 @@
+NAME FIN BAHITE A'NO' UPAPAIN
+\v 1 Selho a'raham Yesus bangmi helsam mong tut pa'tamih. 
+\v 2 Name tofang ho' o'lubung. Horo he'e samid pelngtamid mih, med name tofangho tut pa' tatoh.

13/03.txt

@@ -0,0 +1,8 @@
+\v 3 Sa natofang umateng sobo, sa a'no' upapain, sa ubangho, "Ainu sam fin bahite, 
+
+\v 4 safin bahiteho, den muj se adi lehel, honie hiw lelang er nu hel a'de oh. 
+
+
+\v 5 Na A'failho den muj foibung lehel, honie fa'ai kurang. na a'failho a'bow sobo o'alimang e'te'eng nene fede' fa'ai tapah nene.
+
+\v 6 Honi sobo fed bune tahoro he'e taat oh, fede o'alimang a'ai.

13/07.txt

@@ -0,0 +1,8 @@
+\v 7 Na A'failho den muj mong namang bung lehel, honie a'bow sobo namang a'pec. 
+\v 8 Na A'failho den muj fa'ai bala lehel, honie a'bow o'pirta, den pir ratnu, den pir ertalang, den pir ertow. 
+
+
+
+\v 9 A'noso a'fel a'ra honi he'e sa ualepang."
+
+YESUS SA UPAPAINHO UMATENG

13/10.txt

@@ -0,0 +1,6 @@
+\v 10 Yesus o'sakola aibar ho' a' tan, "taro'nife na upapainfe ubang supi a'ra mateng?"
+
+
+\v 11 Yesus supi a'ra mateng, na ahol dil ma eh puin Sorga bang bolang o'natafuning a'hol eiho na med "Ienam, honi sobo supiho na e'med supi en nene. 
+\v 12 Fede nameba ei a'ra, honi he'e, med en honie sa a'lihing a'ban.
+Sobo nameba ei a'ai, honi he'e, nabaso a'ra, a'bung name barpi med.

13/13.txt

@@ -0,0 +1,3 @@
+\v 13 Horoba, na o'upapainfe puin supi a'ra mateng, honiesa supi duneh sobo dun a'hol nene, supi alepang eh sobo ma eh nene med o'leldi supi a'hol nene.
+
+\v 14 Supi ei a'rahamho, Yesaya o'matengpa' a'no' an, sariho ubangho, supi safel puin ma eh sobo o'lel a'hol nene, supi se'fail puin dun a'hol honi sobo e' pahang nene.

13/15.txt

@@ -0,0 +1,2 @@
+\v 15 Fede' bang pali' ho'o ah adobe, supi alepang maeh ulahun, med supi se'fail tapai. mang fede' a'ai honi he'e supi se'fail puin dun a'hol, supi safel puin alepang, med o'lel ho a'hol fede supi om ah bala amone, honie supi sabor nolapma birang bu'uin med.
+Yesaya 6:9-10

13/16.txt

@@ -0,0 +1,4 @@
+\v 16 Honi sobo e'fail no'ham med fede dun a'hol, med  afelho no' ham med fede' sa alepang ma eh.
+\v 17 Na iramateng, nabi med name om a'bul tofangho, i nabafe dun a'hol supi om e'dun uma, sobo dun e'a'hol nene, i nabafe ma eh supi om alepang  sobo e' ma eh nene."
+
+NAME FIN BAHITEHO O'LEL

13/18.txt

@@ -0,0 +1,4 @@
+\v 18 "Honinfe name fin bahite o'lelho ualepang.
+
+
+\v 19 Nameba fom pa'ho ualepang sobo e'pahang nene,horo he'e nabafe sa alepang med a'ra om mi eh ho, setang ho' utot med parat. sari name honi horoba, na a'fail muj mong se a'di lehelho.

13/20.txt

@@ -0,0 +1,3 @@
+\v 20 Na a'fail muj toi bung lehelho, nameba fom pa'ho ualepang som sanang sapano'puin med, 
+
+\v 21 sobo o'alimang e' a'ra a'fahmi nene, satahang e'lufang nene. seh-seh he'e sa sah karang a'hol, maar mahip a'hol horo he'e sa muj ol.

13/22.txt

@@ -0,0 +1,8 @@
+\v 22 Na A'fail muj name bung lehelho, nameba fompa'ho alepang no he'e, pali'mate sokafac puin om a'dimang a'pong a'bor puin fom pa'ho arap kombai horo he'e o'pir a'ai. 
+
+
+\v 23 Sobo, na a'failba muj fa ai bala lehelho, sari ho'o nameba fom pa'ho ualepang, no' he'e o'lel a'hol. sari horo a'bul-a'bul o'pir a'ra, o'hir o'pa'ho den pir ratnu, den pir ertalang, den pir ertow.
+
+
+
+MEN MED ALA SANO' UPAPAIN

13/24.txt

@@ -0,0 +1,5 @@
+\v 24 Yesus foil upapain beng usupi a'ra mateng ubangho, "Sorga Bang o'upapainho, mang fede' namenu so na a'fail no'med so dil om mi te' muding honi.
+\v 25 Sobo, name tar oh horo he'e, falefang ho'men a'fail med alaho mi bahite no'horo he'e samam.
+
+
+\v 26 Sam o'selmi alaho bulingta pa' ba oir honin he'e, mendi a'ra tufeh.

13/27.txt

@@ -0,0 +1,5 @@
+\v 27 Horo he'e dil anengho o'name karesang ho'a'tan,Tuang! a e' na a'fail no'fe med dilmi te'nene so? No' he'e men ho taro lol ho?'
+
+
+
+\v 28 Sa supi a'ra mateng ubangho, falefangnuso naho panen. horo he'e o'name karesang ubngho, Taro,ni a i'nung ni sam fet ta unung no?

13/29.txt

@@ -0,0 +1,7 @@
+\v 29 Honin sobo tuangba dil aneng ho sa ubngho, 'Seseh! Mangfede' menho ifet taunung honin he'e, aladi imenho a'rafetam.
+
+
+\v 30 sei honi supi sara ham-ham fetang sam ala atuir o'selmi. ala atuir o'selmi honi he'e, na name na te' a'ra mateng honie, menho sotur fet a'pec taring alo honie a'pew. "Sobo alaho atuir honie taunung med parahmi, a'ra mid no esel mi taro."'''
+
+
+LAHTAL O'BANG HO, MANGFEDE SINA FALEI A'FAIL HONI

13/31.txt

@@ -0,0 +1,3 @@
+\v 31 No'he'e Yesus foil upapain beng usupi a'ramateng ubangho, "Sorga Bangho mangfede' sina falei a'fail honi, name med so dilmi bahite. 
+
+\v 32 Sari sina falei  o' a'failho somi katibi' sobo sa abow honi he'e, sa somi mate falei beng e'mota o'mitata honi he'e, sa sano ti mate horo he'e hiw lelang ernu ho' o' a' baleta so barang pec.

13/33.txt

@@ -0,0 +1 @@
+\v 33 No he'e, Yesus foil upapain beng supi a'ra mateng, "Sorga Bangho mangfede' na a'fail kakaiba roti a'ra a'bal ei honi, ai obnu med tarigu kilo tow ta a'bal, sam sari na a'failho misel barpi.

13/34.txt

@@ -0,0 +1,10 @@
+\v 34 An tofangho Yesus upapainfe mi name tofang a'ra mateng, sobo supiba O'sakola aibarho sa e' upapain mi supi a'ra mateng nene.
+
+\v 35 Honiesa, nabafe nabi umatengho a'no' an, "Na nat a'be' honi he'e upapain ernuso laher, pali mate a'ra honi he;e, natafuning tofang na umateng ulurung." Mazmur 78:2
+
+
+
+
+
+
+BANANG FALEFANG DIL BUTMI A'NO' UPAPAIN

13/36.txt

@@ -0,0 +1,6 @@
+\v 36 No he'e, Yesus name tofang a'dmeng samid bang om lemid. Horo he'e o'sakola aibar ho' a'bung a'ramateng, men mong dil butmiba a'no' upapainho "O'lel unira matengfe.
+
+
+\v 37 Sa ubangho, "Nameba na a'fail no'te'ho nameno'ai,
+\v 38 dil but ho, pali' mate ho'o. Na A'fail o'no'ho, Sorga bang bolang o'aikabar, menho faletang o'aikabar,
+\v 39 faletangba men a'fail bahiteho setang darah, sel tapeng horlap ho, zamang o' a'mujmi, nameba na a'fail horolapho, malaikat tofang.

13/40.txt

@@ -0,0 +1,11 @@
+\v 40 Honife mangfede' menho ta'unung a'pew, sari horo mong zamang o'amujmi honi he'e, a'ra latel.
+\v 41 Nameno' ai so malaikat ernu a'how, honie supi doc tofang med name sah panen tofangho, ta'unung o'bang o'pali'mi, 
+
+
+\v 42 honie sa few mong afail bang leam. Hemomiho a'hain a'fe' safihing ir sat bac so a'ra. 
+
+\v 43 No' honi he'e, name a'bul ernu somang o'bangmi, lel madal mangfede' fed honi. Anoso a'fel a'ra honi he'e, sa ualepang. 
+
+
+
+SORGA BANGHO MANGFEDE' KAFAC TAFUNING MENG HONI, MED MUTIARA HONI.

13/44.txt

@@ -0,0 +1,8 @@
+\v 44 " Sorga bangho mangfede' kafac mong dil butmi tafuning meng honi, name sam a'hol horo he'e foil med a'bor tafuning. fede' apano' o'sah horo sa sam so na an-an fail a'no'oh, sa dilbutho fel.
+
+
+\v 45 Folinu honi he'e, Sorga bangho, mangfede' name dagangn nu mutiara lap honi. 
+\v 46 Sa mutiara o'fali matenu a'hol horo he'e, sasam so na an-an fail a'no'oh, no' horo he'e sa mutiaraho fel."
+
+
+SORGA BANGHO MANGFEDE' DALANGBA AB AFENG HONI

13/47.txt

@@ -0,0 +1,4 @@
+\v 47 " Sorga banghodi, mangfede dalangba name tangmi few, ab a'fang-a'fang mihil honi.
+
+
+\v 48 Dalangho mang afeng horo he'e, supi baring sam tut pa' ta, supi mih, ab o'no'ho supi ta unung med laatang mate mi, sobo o'sah ho supi a'hel few.

13/49.txt

@@ -0,0 +1,2 @@
+\v 49 Honife, sari horo mong zamang o'amujmi honi he'e a'ra latel. Malaikat ernu hel a'bang name sah panen ho sei, name no' panenho sei, 
+\v 50 no' he'e name sah panenho few mong afailbang leam. hemomiho, a'hain a'fe' safihing ir satbacso ara.

13/51.txt

@@ -0,0 +1,7 @@
+\v 51 Barpi ho'o i a'hol pahangam eme dai? supi ubangho "Iya".
+
+
+\v 52 Yesus supi a'ra mateng, "Honife Turat sura' o'name om a'raba sano' Sorga bang o'sakola amho, sarho mangfede bang anengba so kafac o'em soeme o'balol a'ra hel honi."
+
+NAME MONG YESUS O'BANG ASELMIHO, YESUSHO USAAIN.
+\v 53 Yesus sa upapain ernuho umateng no'horo he'e, sa homi hel sam.

13/54.txt

@@ -0,0 +1,4 @@
+\v 54 Sa sam sobang aselmi horo he'e, sa supi o'aome bang a'ri an supi a'ra sakola, supi sahoir ubangho, ai ho'o "Taromi na ahol dil maeh med na utahoir ernu ho'o med?
+
+\v 55 Horo he'e omangba bang a'ten a'home eh ho eme a'ai? o'fo horo name ubang Maria ho, med o'diailbar horoba Yakobus, Yusuf, Simon mrd Yudasho?
+\v 56 Sari horo o' u'dingbar a'ra tanai ho'miho? No' he'e ai ho'o sa taromi ernu turlo ho'o med?."

13/57.txt

@@ -0,0 +1,2 @@
+\v 57 Horo he'e supi om a'riing a'pangsah. Sobo Yesus supi a'ra mateng ubangho, Nabinu name uada ahol, honi sobo o'bang oselmi, o'pali mi, med o'bang om lah om miho", name e'uada a'hol nene.
+\v 58 Sa sobang oselhomi natahoir tofang panen, fede name e'o'a'tino' bit nene.

13/title.txt

@@ -0,0 +1 @@
+Pasal 13

14/01.txt

@@ -0,0 +1,7 @@
+YESUS A'FAINHO HERODES MAEH 
+
+\v 1 Selnu mi, Herodes, pali' ho o'afen, sa Yesus o'hamoi ma'eh. 
+
+\v 2 Sa so name karesang eyho a'ra mateng, Sari horo Yohanis ba name a'foil eh ho. sa name min o'a'nai homi sofetang am horoba, na utahoir ernu sa o'om homi panen.
+
+PANEN MED YOHANIS NAME A'FOIL EIHO A'RAHAM SAM SO A' MINE

14/03.txt

@@ -0,0 +1,5 @@
+\v 3 Herodes, sa Yohanis ho a'puin a'pec med sapiri mi fede' Herodias, Filipus o'obho, Herodes o'u'ding. 
+
+
+\v 4 Fede' Yohanis sa a'ra mateng ubangho, Herodias a med a'no' eyho e'a'bul nene.
+\v 5 Horofe", Herodes om Yohanis ho a'mine sobo, sa name tofang e'l baroc, fede' Yohanis ho Lahtal ubaleta.

14/06.txt

@@ -0,0 +1,3 @@
+\v 6 Sobo, Herodes a'fain o'selmi sa diang panen, Herodias o'ai ob sipi a'pong a'dang homi sabea Herodes apa no' empir,
+
+\v 7 horo he'e, Herodes so ki so a'rooin min ubangho, nabafe ai lafat ho ubang he'e, sa med en.

14/08.txt

@@ -0,0 +1,2 @@
+\v 8 Mang horo he,e o'fo om lehel mang no' he'e, aika ob ubangho, "Yohanis ba name a'foil eh ho' e' lafung med ping  mate mi, honie med nen".
+\v 9 Afen om muj empir siobo, sa soki so a'ro oin minam, med name tofangba a'ra ham-ham naade ho e'ile horo he'e, sa name a'how honie naho so med en.

14/10.txt

@@ -0,0 +1,7 @@
+\v 10 Sa name a'how sam sapiri mi Yohanis e'lafung hor med.
+\v 11 Horo Yohanis e'lafung name med ping matemi, med ai ob ho en, no' he'e, aika ob fisam sofo en.
+
+\v 12 No' he'e, Yohanis o'sakola aibar ho' o'bo'ho med a'pot, No' honi he'e, sipi sam Yesus a'ra mateng.
+
+
+ROTI PA' IFIHING' AB PA' ALO MED NAME NO' RIB IFIHING E'RE ENG

14/13.txt

@@ -0,0 +1,3 @@
+\v 13 Yesus naho ma eh horo he'e, sa mid einuta sei  solo sam pali' oh nu leam. sobo name tofang ma eh horo he'e, sipi se'fa puin a'taain bang a'ri an, pali'a'ri an.
+
+\v 14 Yesus hel, sa dun honi he'e, name tofang lubung eh. Om nameho ususa, no' horo he'e sa nameno o'mode a'no' birang.

14/15.txt

@@ -0,0 +1 @@
+\v 15 sam dil paka o'selmi, sakola ai bar ho' Yesus a'ra mateng, "Pali ho'o so ohe, dilpaka eham.name tofangho a'how sam bang lap, honie namej fel sere eng".

14/16.txt

@@ -0,0 +1,5 @@
+\v 16 Sobo, Yesus sipi a'ra mateng' "Sipi sam nene. I namej lap sipi en ade".
+
+
+\v 17 Sipi A'ra mateng ubangho, "Naden e'ara nene, sei lal ho roti pa' ifing med ab pa'alo".
+\v 18 Yesus ubangho, "Fit ho'o lema med nen".

14/19.txt

@@ -0,0 +1,11 @@
+\v 19 No' he'e Sa name tofangho a'how mih barpi, Sa roti pa'ifing ab pa'alo ho a'hi'a'her. No' horo he'e sa med so sakola aibar en sipi a'how med name tofangho midalam.
+
+
+
+
+
+\v 20 supi so barpi a'de sam a'to'in. No' supi o'ameh eme o'a'lihing supi med honi he'e, la atang pa' ernu falingalo afeng. 
+
+\v 21 Name ba na adeho lotebar ma' pir rib ifihing, sobo obbar med eikabar e' tadai.
+
+YESUS SEITA LAME

14/22.txt

@@ -0,0 +1,6 @@
+\v 22 Yesus so sakola aibar a'how mid eyta hano'ang mong tangden leam, Sariho name tofangho a'how sabor.
+
+\v 23 Yesus name tofang a'how sabor no'he'e, sa solo mid doe ta mid ao'me. sam dil paka honi he'e, sa solo hemo mi.
+
+
+\v 24 Sobo, eyho ta at e'letam, bob a'doil ipeh mideh, fede hamoi lafang.

14/25.txt

@@ -0,0 +1,4 @@
+\v 25 Od ut dilel maeh he'e  Sa seita lame ho' sipi o'lapho. 
+\v 26 sakola aibar mang dun a'hol sa sita lame eh horo he'e, supi baroc empir, sipi lofe ubangho, "Hemo gor-gor so!". sipi lofe id fede' sipi baroc. 
+
+\v 27 Mang hom, Yesus sipi a'ra mateng, ubangho, "iom a'no'Dume!, ho'o Narisoba, baroc e."

14/28.txt

@@ -0,0 +1,6 @@
+\v 28 Petrus a'ra mateng, Tuhan, mang fede' ariso honi he'e, nahow sei ta lame olapfa 
+
+\v 29 Yesus ubangho,"Soba ma!" horo he'e Petrus ey om mihel seita lamefa Yesus o'lapfa.
+
+
+\v 30 sobo mang dun hamoi a'hol he'e sa baroc horo he'e sa dele hol. Sa lofe, "Tuhan, Nano'il!"

14/31.txt

@@ -0,0 +1,8 @@
+\v 31 Yesus satang a'hirfa Petrus a'puin no' a'ra mateng, ari udume bol, taro'nife om a'ba ang. 
+
+
+\v 32 Sipi mang mid eyta he'e, hmoi di tining.
+\v 33 Horo he'e, sipi ey om miho, Yesus uada a'hol ubangho, "So A'ti no' Ariho Lahtal Ai!"
+
+
+YESUS NAME MODE A'NO' BIRANG

14/34.txt

@@ -0,0 +1,5 @@
+\v 34 Sipi sam tang den mi, sam Genesaret pali'mi.
+\v 35 Name pali' homi A'hol horo he'e, sipi sam ubang pali' ho mipir, sipi name mode ho barpi a'ra ho' Yesus o'lap ho. 
+
+
+\v 36 Sipi Yesus a'bang o' kod mate taporho a'tor, horo he'e, nameba o' kod tapor a'torho birang.

15/01.txt

@@ -0,0 +1,6 @@
+LAHTAL O' PARENTA MED NAMENO' EI ASALA
+
+\v 1 O' a'taai, Farisi hinung Taurat o'name na a'hol oinu tong Yerusalem mi ho' Yesus a'bung a'ra mateng, 
+\v 2 "Naba e'sofe, O sakola aibar bap bale o'asalaho lafang? fede' sipi roti ade sobo e' satang hafo' nene!"
+
+\v 3 Yesus sipi a'ra mateng ubangho,"Taro'ni sofe iridi i asalaho puin Lahtal O'parenta lafang?

15/04.txt

@@ -0,0 +1,5 @@
+\v 4 Fede' Lahtal ubangho, ife imangho u ada a'hol, med mang ano horo sa sofo somang e'puir, u'il-u'il minoho med.
+\v 5 Sobo, i ubangho, "Ano horodi sa sofo somangho a'ramateng, na o'ba ien eyho, med Lahtal enam",
+
+
+\v 6 sa sofo somang u ada a'hol nenedi no. honi he'e, iey asalaho puin Lahtal o'fompa'ho luh fewam.

15/07.txt

@@ -0,0 +1,7 @@
+\v 7 I'riho, ladimang labor o'name, so a'bul Yesaya iri bit,
+
+
+\v 8 Bang pali' ho'o, supi sat fe puin Nari u ada a'hol sobo, om ah ho Nelet. 
+
+
+\V 9 Med, sipi o'sodai eh ho, nameno' o' parenta ba supi gur pel horofe sipi puin Nari uada a'hol".

15/10.txt

@@ -0,0 +1,2 @@
+\v 10 No' Yesus name tofangho o'lofe a'ra mateng, A'lepang a'hol!.
+\v 11 Ha ai naba tat om lemid horo name a'no' sah nene sobo, nabaso at om mihel horofe name a'no' sah".

15/12.txt

@@ -0,0 +1,6 @@
+\v 12 Horo he'e, Yesus o'sakola aibar a' tan,"O matengpa' ho Farisi hinung ma eh, supi om a'ri ing A a'hol emaai?"
+
+
+
+\v 13 Sobo, Yesus ubangho, "Te' muding tofangba, Nimang tong sorga bang bolang miho e'te' e' muding neneho, o'selmi he'e, sariho fet sam o'alimangdi baling med.
+\v 14 sipi ho sey honi. sipiho name eng sah baring lame o'nameso. mang fede' name engsah nuso name engsah a'tang puin a'ra lame, sonangalo barpi lafomi muj.

15/15.txt

@@ -0,0 +1,4 @@
+\v 15 Petrus a'ra mateng, upapain ho'o  A "Bita a'no' lel niramatengfe".
+\v 16 Yesus ubangho, I e' pahang dai?
+
+\v 17 Na ernuba tat lemidho sa hel tato' lehel, no' honi he'e, pui fisam fah lafo mi few ho, i e' a'hol dai?

15/18.txt

@@ -0,0 +1,4 @@
+\v 18 Honi sobo naba so tat mihel, sariho tom mi madong, sari horofe name a'sahain. 
+\v 19 Fede' tom mi madongho tanut sah ernu,  name a'mine, bul ta'u, doc panen fa  ai lafat a'raham, ta'u dur, ladimang labor, name e'bit eng el.
+\v 20 Na honi horo name med sah karang mifew, sobo tatang lam bolang nene na adeho, e' name med sah karang mifew nene.
+YESUS SA KANAAN OBNU  UKARANG

15/21.txt

@@ -0,0 +1,5 @@
+\v 21 No' he'e, Yesus sa hemomi saluil Tirus med Sidon leam.
+\v 22 No, kanaan obnu a'ra pali' homi ho' o'lofe o'id ubangho, nari u'karangfe Tuhan, Daud o'ai! No ai ob ho roh sah tamang e, sah empir. 
+
+
+\v 23 Sobo Yesus, e' o' matengho a'bor pa'nudi a'ai, o'sakola aibar a'ra mateng, a'how sam! fede sa tamot mi lofe id sei masing.

15/24.txt

@@ -0,0 +1,6 @@
+\v 24 Yesus ubang ho, Na ho' ho'o, Israel o'nub suhuin fe o'lap ho.
+
+
+\v 25 Seh-seh, he'e obtumo 'ho ho' Yesus a'pong a'dang homi fa'ur muding amfe ubangho, Tuhan nari ukarang fe!
+
+\v 26 Yesus a'ra mateng ubangho, Aikabar o' roti med puin bel tofang en adeho e'no'nene.

15/27.txt

@@ -0,0 +1,7 @@
+\v 27 Ob tumo 'ubangho, A'bul Tuhan, honi sobo, bel tofangho, so aneng o'namej ameh mejata laher hel horofe sipi ade.
+\v 28 No'Yesus a'ra mateng ubangho, obtumo, oudume mate! 
+Ey om uma taro'ni he'e, mimengam. Sel ho a'raham o'ai ob birang.
+
+
+
+YESUS NAME TOFANG A'NO' BIRANG

15/29.txt

@@ -0,0 +1,9 @@
+\v 29 Sari homi, Yesus sa Galilea tut lol.No'sa du'hil sam doita sa homi mih.
+
+
+\v 30 No'he'e, name tofang ho'o'lubung, name e'sah a'tang sah, tu ung doh, engsah,name a'mang sah beng foil ta.Sipi nameho med Yesus e'fasel mi a'tarang no'he'e, Yesus sipi a'no' birang,name tofang sahoir,fede supi e'dun he'e, name a'mang sah mateng no', name e'sah a'tang sah birang, name tuung doh lame no',name engsah dun na ahol.Homi sipi Israel o'Lahtal ani utarain.
+
+
+
+
+YESUS NAMEJ MED NAME PIR RI'BUT A'LIHING EN ADE

15/32.txt

@@ -0,0 +1,13 @@
+\v 32 Horo he' Yesus so sakola aibar o'lofe a'ramateng, Name ho'nom e'sah empir, fede'sipi nara tareng towam, supi o'namej a'ai.
+Na sipi a'how malihing puin sabor sah, honie sipi sabor selai lolho, den tasibung e'.
+
+
+
+\v 33 Sakola aibar a'ra mateng ubangho, pali'oh ho'mi pitaromi roti tofang med puin name tofang ho'en ade sa a'to'in!
+
+
+
+\v 34 Yesus sipi a'tan, Iroti puin ho tofang den? Sipi ubangho pa'itito med ab pa'nu,alo.
+
+
+\v 35 Horo he' Yesus name tofangho a'how mih.

15/36.txt

@@ -0,0 +1,9 @@
+\v 36 Mang no'he'e, Yesus roti pa'itito med abho ara samed. Sa mahen few no' horo he'e, sa a'hid a'her, sa med sakola aibar en,sakola aibar med name tofanghomi da'lam.
+
+
+
+
+\v 37 Sipi a'de sam a'to'in.No'sipi o'ameh a'lihing ho ta'unung honi he'e,la atang itito a'feng.
+
+\v 38 Nameba na adeho,lotebar pir rib'ut,sobo ob bar med aikabar e taan da'i.
+\v 39 Sa name tofangho a'how sabor no'horo he'e,Yesus mid ey'ta,sam mong Magadan pali' leam.

22/01.txt

@@ -0,0 +1,8 @@
+NAME SAM NIKAA O'DIANG LEAM,ANO'UPAPAIN.
+\v 1 Yesus foil upapain ernu usupi a'ra mateng.
+
+
+
+\v 2 "Sorga ho o'upapain ho,mangfede' afen nu o'ai lote nika, sata diang puin honi.
+
+\v 3 Sa soname katesang baleta ey a'how sam nameba sa e'maringamho a'how diang leho'sobo supi a'pang sah.

22/04.txt

@@ -0,0 +1 @@
+\v 4 Horo afen foil name karesang beng a'how, ubang ho, Edun, na na'de seina ho, nausadia oham Ho' nodiang ho'leho.

22/05.txt

@@ -0,0 +1,4 @@
+\v 5 Honi sobo supi e'ho' nene supi sam, nusam sodil sobut leam, nusm sodon salang panen,
+\v 6 beng nun ho supi afen o'name tigu ho, a'puny ano' maar den supi a'mine.
+
+\v 7 Horo he'e afen a'riing, so bel lamuil ernu tahow sam nameho a'mine barpi, no'he'e o'bang o'paliho tub a'pew.

22/08.txt

@@ -0,0 +1,4 @@
+\v 8 Afen foil somname baleta nunho a'ramateng, Nika o'diangho utaro' no'am sobo,nameba pi e'maringho, diang ho'o leho' sah.
+\v 9 Honife isam semate a'rian,nameno'tofang den ia'hol hioni he'e,supi a'ra ho'diang ho'o leho.
+
+\v 10 Horo he'e, name ba a'howho,supi sam swmate a'rian nameba supi a'hol ho,name om sah eme om no' supi barpi ta unung. Horo he'e nika o'diangho, elemeho name afeng tahut.

22/11.txt

@@ -0,0 +1,3 @@
+\v 11 Honi sobo afen bang om lemadong soname ho'nunho a'hol, sadun he'e, ainuho diang o'afen puny nene.
+
+\v 12 Sa aiho aramateng,diail, taro'nife a'how diang leho'sobo,a e'diang o'fen puny nene?med sari aiho poram.

22/13.txt

@@ -0,0 +1,5 @@
+\v 13 Horo afen soname baleta nunho a'ra mateng,sari aiho i e'apec a'tanng a'pec, honie few mong paka luling mi ho leam. sa hemomi a'hain a'fe' safingir.
+
+\v 14 fede'tofang o'lofe honi sobo a'pite utara."
+
+YAHUDI O'NAME TUR SE'BUR MENG PUIN

22/15.txt

@@ -0,0 +1,5 @@
+\v 15 O'ataany, Farisi hinung sam ara pec honie,Yesus o'matengpa'ho supi puin a'behangfe.
+
+\v 16 No'supi so sakola aibar med Herodian o'name a'ra supi sam Yesus a'bung. Supi ubangho, "Guru,ni a'hol Ariho name a'bul, med na a'bul fe puny  Lahtal o'se'bur ho uname e'tub.
+A e'name den e'l baroc nene, fede' A e'name a'le'nene.
+\v 17 Honife otanutho uniramateng. Lafung fali mana Kaisar enho a'bul eme a'ai?"

22/18.txt

@@ -0,0 +1,3 @@
+\v 18 Sobo Yesus supi o'a'ri ing a'hol,Yesus supi a'ra mateng,"Hoi! ladimang labor,naba eysofe inapate?
+
+\v 19 Seng puin lafung fali mana eyho med netub. Horo supi sen hirnu med en.

22/20.txt

@@ -0,0 +1,10 @@
+\v 20 No' Yesus supi a'ra mateng, "Lalaman med nahul ho'ano eyso?"
+\v 21 Supi ubangho; "Kaisar
+ ey."
+ Horo, Yesus Supi a'ra mateng,
+"honi so he'e, an tofangba Kaisar eyho med Kaisar en, med an tofangba Lahtal ey ho med Lahtal en."
+
+
+\v 22 Supi mang maeh horo he'e, supi sahoir empir, supi sam.
+
+SADUKI HINUNG SE'BUR MENG PUIN YESUS A'MUJ LAP

22/23.txt

@@ -0,0 +1,4 @@
+\v 23 Sel nu mi, Saduki hinungba, ubangho name min e'sofetang neneho, ho' Yesus abung.
+
+
+\v 24 Supi ubangho, "Guru, Musa ubangho mangfede' name Lotenu min, o'ai a'ai honi he'e, o'diail lotenu foil o'obho med honie ai a'fain med so diail minamho en."

22/25.txt

@@ -0,0 +1,6 @@
+\v 25 Fed ho'o, niri diail pir itito. o aainangho nika, no' he'e min sobo ai a'ai, sa so obho ad meng meng med so diail e'reeng.
+
+
+\v 26 O'mialo, med o'mitow, sam o'mi ititoho mimeng, barpi honin mamang.
+\v 27 O'a mujmi honi he'e sari ob hodi min.
+\v 28 Name min sofetang o'selmi he'e, lote diail pir itito o'anaihomi ob ho'o ano ano o'ob? fede' sonang ititoho barpi ai obho medam."

22/29.txt

@@ -0,0 +1,3 @@
+\v 29 Sobo Yesus supi aramateng, "ise a'hal, sura' bolang med Lahtal o'kufa' i e' pahang nene.
+
+\v 30 Fede', name min sofetang o'selmi honi he'e, supi e' lote med nene soem lote e supi med nene, sobo mangfede Malaikat nun Sorgami honi.

22/31.txt

@@ -0,0 +1,9 @@
+\v 31 Sobo,name min ernu sofetang ey a'rahamho,nabafe Lahtal iramateng ho, ie' taan dai?
+
+\v 32 Nari horofe,Abraham o'Lahtal nene sobo, name fetang o'Lahtal."
+
+
+
+\v 33 Name tofangba na ho'o,supi Yesus o'matengho usahoir empir.
+
+PANEN A'TEN A'LOL TAROSO MI ATINO

22/34.txt

@@ -0,0 +1,6 @@
+\v 34 Sobo Farisi ma eh he'e, Yesus Saduki o'name a'no'par oh,horo he'e supi sara ta unung.
+
+
+\v 35 No' he'e, supi ho Taurat sura' o'name om hulnu Yesus a'tan a'pate, 
+
+\v 36 "Guru, parenta taro so mi a'tino Taurat sura om homi?"

22/37.txt

@@ -0,0 +1,4 @@
+\v 37 Yesus a'ra mateng ubang ho, I uil-uil i Lahtal ukarang, iom a'bul puin sobarpi i'lamandi so barpi med itanutdi sobarpi.
+
+
+\v 38 Ho oro parenta somi mate, med honiho o'aainang.

22/39.txt

@@ -0,0 +1,3 @@
+\v 39 O'mialo honi he'e, I uil-uil nameno' o'rupa iri honiho, iukarang mangfede ibo'mate ukarang eh honi.
+\v 40 Parenta ba ang alo ho'orofe, Taurat sura med nabi o'sura'om mi sano' asel honiamfe beng ernu uhel."
+MESIAS EY A'RAHAMHO O' TA ANY

22/41.txt

@@ -0,0 +1,3 @@
+\V 41 Fed Farisi hinung sara lubung hjam-ham,Yesus supi a'tan,
+
+\v 42 "Kristus ey a'rahamho iey tanut taro'ni?Sari ano o'ai? Supi Yesus a'ra mateng ubang, Daud o'ai".

22/43.txt

@@ -0,0 +1,4 @@
+\v 43 Sa supi ara mateng,"Mangfede' honiso, naba eysofe Daud Rohmi o'lofe ubang Tuang,
+
+
+\v 44 Lahtal no Tuang ara mateng. matang tani lol ho mimih,sam o'falefgang ernuho named e'fa selo mimeng? Mazmur 110:1

22/45.txt

@@ -0,0 +1,3 @@
+\v 45 Mangfede' Daud sa Kristus o'lofe Tuang, honi he'e taro'nife saiho Daud o'ai?"
+\v 46 Name pirnu di foil mateng pa'nu puin Yesus ey abor sah.
+Sari selhomi so fasam nameden foil Yesus a'tan di aai.

23/01.txt

@@ -0,0 +1,5 @@
+YESUS SA AGAMA O'NAME TUR E'RIING
+\v 1 O'ataain, Yesus sa sakola aibar med name tofang a'ra mateng,
+\v 2 "Taurat om a'hol o'name med Farisi hinung supi Musa o'kadere tamih.
+\v 3 Honife, antofangba supi uira matengho, ipanen med i edun.
+Honi sobo, supi o'panen ernuho i haai panen nene,fede'supi ubang sobo, e'panen nene.

23/04.txt

@@ -0,0 +1,5 @@
+\v 4 Supi natarofe sara apec med namebeng abare tameng. 
+Honi sobo supi satang puin atel beng mimeng supi saain.
+
+\v 5 Supi so panen tofangho panen,honie sa name beng edun. 
+supi so aome o'hei a'no' berang,mede sokod lai o'tapor ano'mate.

23/06.txt

@@ -0,0 +1,2 @@
+\v 6 Perjamuan om mi he'e supi ada ahol o'leme horo lap mimih, aome bang mi he'e supi kadere aainang horo lap tamih,
+\v 7 mong lubung tofang mi he'e ada ahol name tahow,supi ho name ubangho Guru.

23/08.txt

@@ -0,0 +1,3 @@
+\v 8 Honin sobo iriho name haai ubang Guru honie fede' Guruho nu'le, iriho diail.
+\v 9 Pali mate ho'ta, mang ano horo di ano' imang nene,fede' imangho pirnu,sariho a'ra Sorgami.
+\v 10 Name haai ino' name tur nene,fede'iname tur ho pirnu'le sariho Kristus.

23/11.txt

@@ -0,0 +1,2 @@
+\v 11 Sobo somimate inai homife,honi he'e Sa iri u baleta fe.
+\v 12 Anoso sano' lafining he'e name ano' lamang,anoso sano lamang he'e name ano lafining.