Tue Jul 26 2022 10:21:17 GMT+0800 (Singapore Standard Time)

01/01.txt

@@ -0,0 +1,4 @@
+YESUS NAME ATEL SORGA LEAM,MED ROH BOLANG U PAHA'
+\v 1 Teofilus, sura'ba dai ehta Nahul o'omho miho, na ernuba Yesus panen a'ten utub udam,
+\v 2 sam name a'tel mid o'selhomi, Roh bolang a'lai Sa uparenta med rasul hinungba, Sa sona tara' medho e'nam.
+\v 3 Sa maar mahip a'lai sam o'a'mujmi, Safah sahir sa med supi e'tub ubang Sa sofetangam. Sa fetangho, o'ta'hol ta maeh tofang a'lai, Safah sahir sa med supi e'tub tareng erut om mi, Lahtal o'parenta bang hodi sa umateng.

01/04.txt

@@ -0,0 +1,4 @@
+\v 4 Supi dai sara tohuil lame eh homi, Sa supi parenta honie, supihaai Yerusalem ad a'tain nene sobo, Omang o'paha' a'danang ubangho; "i Nei alepang,
+\v 5 fede' Yohanis sei puin name a'foil sobo fed hoomi fa, e'lufang nene honi hee, name Roh Bolang puin ifoilam."
+
+YESUS LIL SORGA LEAM

01/06.txt

@@ -0,0 +1,3 @@
+\v 6 Horofe, supi sara ta'u'nung a'rahan hee, supi A'tan; "Tuhan, a bang pali' a'no' tining med Israel e're'engho o'selba hooroso?"
+\v 7 Sa supi a'ra mateng, "Sel hairba Nimang sokufa' mi ubang a'tining am ho, i e'a'hol ei nene.
+\v 8 Honi sobo, Roh Bolang hel irita honi hee, i o'kufa' med, i ta'hol ta ma'eh, i Nari umateng ulurung, mong Yerusalem mi, Yudea med Samaria pali' mipir, sam pali'mate o'alomang o'tapor mimeng."

01/09.txt

@@ -0,0 +1,6 @@
+\v 9 Sa na ernu umateng no' supi e'dun eh hee, sa latel mid, tafiing mate A'ri baloil a'ra sam supi e'fail mi suhuin.
+\v 10 No'supi Ai samho e'dun burang tamid eh hee, name lote piralo fen afel puin supi a'bung homi tufeh,
+\v 11 name aloho supi a'ra mateng, "Hoi, Galilea hinug, i naba eife, toh burang udun mid eh? Yesusba inai homi latel Sorga lemid am hoo, Sa foil sabor ho'di, o'rupa mang fede' Sa Sorga leamba, i toh e'dun eh honi."
+
+
+RASUL  HABARNU MED

01/12.txt

@@ -0,0 +1,20 @@
+\v 12 No' horo hee, supi tong Zaitun doyba Yerusalem abung homi sabor Yerusalem leho' o'let kilonu.
+
+\v 13 Supi ho' bang mi, supi mid seleme mimih mitar eiba tong lafining ho lemid. Supiho;
+
+      Petrus,
+      med Yohanis, 
+      med Yakobus, 
+      med Andreas,
+      Filipus, 
+      med Tomas,       
+      Bertolemeus,
+      med Matius, 
+      Yakobusba Alfeus  
+      o'aiho, med Simonba  
+      Zelot o'nameho, 
+      med Yudasba Yakobus 
+      o'ai ho.
+
+
+      \v 14 Supi barpi somnu supi a'ome, ob bardi supi ara, sariho, Yesus o'fo Maria, med O'diailbar beng foilta.

01/15.txt

@@ -0,0 +1,2 @@
+\v 15 Sel a'ri'an Petrus sa diailbarba udumenu o'a'nai homi toh (name o'tofang pir ratnu eralo), sa ubangho,
+\v 16 "No diailbar, Sura' Bolang om ano'an feho, dai ehta hee, Yudas ei a'rahamho, Roh bolang umaten Daud a'lai ubangho; sari horofe, nameba Yesus a'puinho o' se'bur puin.

01/17.txt

@@ -0,0 +1,3 @@
+\v 17 Fede' sari hodi tara taan, no' hee saridi karesang baleta hoo panen.
+\v 18 Fede' ai hoo sa nasah panen, o'faliho sa puin faai bo'nu fel, horo hee e'lafung sotur muj, o'bo' mateho kalung, a'to'om miho barpi hufa'her oh.
+\v 19 Na hoo, name mong Yerusalem miho barpi a'hol oh horofe, sari faai bo'nu hoo, supi o'mateng honi hee, ubang, Hakal Dama, sobo o'lel honi hee, 'Faai Fui uher'.

01/20.txt

@@ -0,0 +1,9 @@
+\v 20 Fede', Mazmur (Dal orang Sura') mihul ubangho: 
+        
+        'Sei honie sa o'mih o'tar elemeho tining rameng, name nudi e'a'ra homi nene, 
+
+
+
+med,
+
+    'Sei honi sa o'karesang o'baleta ho name beng foil med.'

01/21.txt

@@ -0,0 +1,2 @@
+\v 21 Honife, supiba a'ra tara sei masing, Tuhan Yesus o'karesang mid hel om homi, \v 22 aainang Yohanis name a'foil homi, sam name piham homi name a'tel mid sam homi mengho, pi nu med honie, satara Yesus sofetang honame ta'hol ta maeh."
+\v 23 No' hee, supi name piralo ani med, sariho; Yusup name ubang Barsabas, den ubang Yustus, med pirnuho Matias.

01/24.txt

@@ -0,0 +1,4 @@
+\v 24 No' supi aome ubangho; Tuhan, Ariso nameno' om ah barpi a'hol.
+Name piralo hoo taro horo A u i'nung hee, Anietub'
+\v 25 honie, sa rasul o'karesangba Yudas a'lahain panen e sam seleme leamam hoo sa foil panen."
+\v 26 No' rasul hinung supi name piralo hoo u a'lol honi hee, Matias fe tamuj, horo Matis supi eita a'no' pir ernu falingalo.

01/title.txt

@@ -0,0 +1 @@
+RASUL HINUNG O SURA' ASEL AAINANG

02/01.txt

@@ -0,0 +1,8 @@
+ROH BOLANG HO'
+
+\v 1 Pentakosta o'selmi, supi barpi hamham ara e'leme numi.
+\v 2 Seh seh supi alepang hee, nanu da'ud mang fede' hamoi mate toh honi, nanu da'ud mateho, ara bang om supi mimi eh ho mipir.
+\v 3 No' supi dun hee, nalel mang fede' a'fail a'libung honi, hel supi tahel barpi.
+
+
+\v 4 Horo hee, Roh Bolang supi afeng, supi mateng ernu ubang sari hoo, Roh Bolang so med supi en honie supi umateng.

02/05.txt

@@ -0,0 +1,5 @@
+\v 5 Sel homi,Yahudi hinung a'ra Yerusalem homi, sariho, name om a'bul bang ernu burang e'far ho barpi a'ra homi.
+\v 6 Sari na da'ud ho maeh horo hee, name tofang ta'unung, supi ho' supi omupir fede' supi ho' alepang hee, name bang
+om miho, supi o'matengfe bit eh.
+
+\v 7 Name ho' dunho, sahoir o'karang, supi ubangho, "Supi mateng eh hoo, barpi Galilea o'name eme aai?

02/08.txt

@@ -0,0 +1,4 @@
+\v 8 No'supi foil ubang; Taro' nife, telemeba mi tafain nun horofe, o'mateng pa' supi ubang eh?
+\v 9 Piri hoo Parti o'name, Media med Elam o'name, Mesopotamia o'name, Yudea, Kapadukia, Pontus med Asia o'name,
+\v 10 Frigia med Pamfilia o'name, Mesir med Libia pali'ba Kirene a'bungho o'name, Roma o'name ho'nun, Yahudi hinung,
+\v 11 Kereta med Arab o'name. Pi alepang hee, Lahtal o'karesang mate horofe, supi tei mateng mi ubang eh ho.

02/12.txt

@@ -0,0 +1,4 @@
+\v 12 Supi sahoir med omupir, supi ubang, "Hoo barpi o'lel naba?"
+
+\v 13 Honi sobo, name beng supi o'asal, no' supi ubang, "Supi anggur na am fe hufang tabur so."
+PETRUS NAME TOFANGHO A'RA MATENG.

02/14.txt

@@ -0,0 +1,2 @@
+\v 14 Mang homi, Petrus sobeng bar pir ernu falingnuho a'ra sahir toh, sa samang a'tel nameho a'ra mateng ubangho, "Hoi, Yahudi hinung med iri Yerusalem mi sobarpi, no mateng pa' hoo e'dun no'no', honie a'hol.
+\v 15 Fede', name hoo e' tabur labow mang fede' itanut mieh honi nene, fede' dai lalami od tow,

02/16.txt

@@ -0,0 +1,14 @@
+\v 16 sobo sari horo e'iba, Nabi Yoel ubang eh:
+
+
+\v 17 'Med, sel o'a'mujmi u'il ara, 
+       Lahtal ubangho: 
+        Na No Roh med nameno' ernu ta. 
+
+        Honie, i aibar mi ob mi lote natafuning a'no'lel, 
+
+
+        
+
+
+     med o'aibar a'for lafat dun na'hol, med tumo'bar apai niing tofang a'hol.

02/18.txt

@@ -0,0 +1,5 @@
+\v 18 O'mitata, No name baleta mi ob mi lote, sel homi Na No Roh med supita honie, supi mateng lurung puin na tafuning a'no' lel.
+
+
+
+\v 19 Med, Na utahoir tofang burangta med supi e'tub, med tom upir tofang ara pali' mate ta, fui, afail med tafiing a bano'.

02/20.txt

@@ -0,0 +1,5 @@
+\v 20 Lahtal o'sel o'hair mimate milafining ho dai eh hee, fed eng paka rumpa' med ul sano' fui.
+
+
+
+\v 21 Med nameba Tuhan a'ni ulofeho, il luling med."'

02/22.txt

@@ -0,0 +1,8 @@
+\v 22 "Hoi, Israel hinung, mateng pa' hoo alepang. Yesus ba, Nazaret o'name ho, Lahtal med inai homi ad, natahoir med o'utub tofang Lahtal med inai homi utub Sarife a'lai, barpi i a'holam.
+
+
+
+\v 23 Yesus hooro Lahtal o'tanut a'ta ain, Sa utub med Sa a'hol honie, dai ehta Sa a'lorang i med arap ti ta haleng a'mineho, name om sah doro palel a'tang fe a'lai.
+
+
+\v 24 Honi sobo, Lahtal min o' maar mahip om homi a'no' fetang, Sa ano' il, fede' min minho ei kufa' Ari med uaneng sah.

02/25.txt

@@ -0,0 +1,8 @@
+\v 25 Fede', Yesus ei a'raham Daud ubangho,
+
+      'Na a'hol Tuhan a'ra nahoimi seimasing, 
+       fede' Sa a'ra no tani lol homi horofe, naba horodi nabob sah.
+
+  \v 26 Horofe, nom bad herang, 
+           med nalibung dal orang. 
+       Nafah nahir hodi  udume om mi,

02/27.txt

@@ -0,0 +1,6 @@
+\v 27 fede' no laman A e'med name min o' pali' mi ad nene, 
+
+     soeme Name Bolang a;fah a;hirho A mang e'dun eh honie supi dun min a'hol nene.
+
+\v 28 Se'bur fetang A u nara mateng am. 
+    A Apongfa' ho puin nano' bad herang mi a'lihing.'

02/29.txt

@@ -0,0 +1,10 @@
+\v 29 Di'ailbar ernu, na o atino' bit puin ira mateng, sariho pi diing pi bap Daud ei a'raham sariho sa min a'pot, no hee, o' dere sodai a'ra tara sam fed hoo mimeng.
+
+
+\v 30 Fede', sari hodi nabi nu, med sa a'hol Lahtal a'pa ha' bel basa tameng honie, Daud o'fol o'hebho, pirnu med o'kadere mateho ta a'mihing.
+\v 31 Horofe dai ehta Daud na hoo a'hol; Yesus sofetang ei a'raham sa ubangho:
+
+
+
+      'Name Ai hoo e'med name min o' pali' ta a'no' lafining nene, 
+     med o'bo' ho dun min tabang a'hol nene.'

02/32.txt

@@ -0,0 +1,2 @@
+\v 32 Sari Yesus hooro Lahtal a'no' fetang, med niri hoo, barpi sari na hoo ta a'hol ta ma'eh.
+\v 33 Horofe Lahtal satang tani puin a'tel a'no' lafining no' hee, Roh bolang ei a'raham upaha' Sa Somang a'bung med a'ra hel am, o'ba idun a'hol med o'ba i ma'eh am ho sobarpi.

02/34.txt

@@ -0,0 +1,11 @@
+\v 34 Fede', Daud e'mid Sorga mi nene, sobo sa ubang,
+
+       
+      "Tuhan sa no Tuang a'ra mateng,
+      'Natang tani lol ho mimih,
+    \v 35 sam ofalefang ernuho, Na med E om pilang."'
+
+
+
+   
+     \v 36 "Honife, seilame eh sa Israel bang sobarpi a'hol a'bul, sariho Lahtal aiho a'no' Tuhan med Kristus, horoba Kristus ba, i med arapti ta haleng."

02/37.txt

@@ -0,0 +1,7 @@
+\v 37 Supi na hoo ualepang hee, supi om tuting, horo supi Petrus med rasul bengho a'ramateng, 
+"Diail bar, maa nabafe ni panen?"
+
+    \v 38 Petrus supi a'ra mateng, "Iom a'fom honie iri an Yesus Kristus a'nimi sei tuling tow med, honi puin idoc tofangho uampo, no' honi hee Roh bolang o'na' hol dil maeh ho imed.
+
+
+\v 39 Fede', paha' hoo iereeng med i aibar med nameba dai let, o'tofang den hee, maa pi Lahtal supi o'lofe am."

02/40.txt

@@ -0,0 +1,7 @@
+\v 40 Med, mateng beng tofang, Petrus sedume toh umateng, sa supi o'lofe sa ubangho, "Hol palel fangnu hoo el te eng puin i bo' mateho il!"
+
+\v 41 Nameba Petrus o'mateng pa' alepang medho, name a'foil, horo sari selhomi supi o'tofang foil ta maa rib tow.
+ 
+NAME O'UDUME HAM SARA TA'UNUNG
+
+\v 42 Supi rasul hinung o'fom pa' om homi som tining, supi somnu roti a'hid sedalam.

02/43.txt

@@ -0,0 +1,3 @@
+\v 43 Name tofang baroc banibung, asel na utahoir med utub tofang rasul hinung o'panen homi a'ra latel. 
+\v 44 Nameba o' a'tino' ubang amho, sara ta'unung barpi, supi o'na ernuho, supi ham ham uaneng.
+\v 45 No' supi so kafac nunho fail, no' hee supi name e'dalam o'kurang o'bo'ei a'taain.

02/46.txt

@@ -0,0 +1,3 @@
+\v 46 Sel a'ri'an supi ta'unung ham ham supi somnu mong Lahtal o'bang om mi, supi roti a'hid bang sel tana ap. Supi som a'bul med bad herang puin na'de.
+
+\v 47 supi Lahtal ani utarain, name tofangdi apang supi uno'. Sel a'ri'an Lahtal supi o'tofang uta sei masing, sariho nameba il luling medamho sobarpi.

02/title.txt

@@ -0,0 +1 @@
+RASUL HINUNG O' SURA' ASEL ALO

03/01.txt

@@ -0,0 +1,5 @@
+PETRUS NAME TU'UNG ANO' BIRANG
+\v 1 Selnumi, Petrus med Yohanis sam Gareja bang leam, ho a'ra ham aome o'sel od tow fed hel.
+\v 2 Horo ai lotenu dai o'fo om mi hee tu'ung amho, name a'sap ho'. Dilel a'ri'an supi a'ra ho' Gareja se'ar ani Tapano' ho mi a'mihing honie, name Gareja bang lemid sa a'bang na bang.
+
+\v 3 Sa dun hee, Petrus med Yohanis dele Gareja om lemid horo hee, sa supi a'bang nabang.

03/04.txt

@@ -0,0 +1,5 @@
+\v 4 Horo, Petrus, med Yohanis, a'ra mateng, "Niedun."
+     \v 5 Ai tu'ungho sa Petrus med Yohanis e'dun, sa udume  maa name alo naden en.
+
+
+\v 6 Honi sobo, Petrus ubangho, "Falofang hir med lahung afel den e'a'ra nara nen, sobo nabaso a'ra nabung, horo na med en. Kristus Yesus, Nazaret pali' o' name, horo Ani puin, honife ahir tohe, lame!"

03/07.txt

@@ -0,0 +1,3 @@
+\v 7 No hee, Petrus a'tang tani mipuin a'tel a'tuhuin. Mang homisari aiho e'fa md e'fel kufa'.
+
+\v 8 Mang homi aiho toh lame do' lahel. No'sa Petrus med Yohanis a'ra ham ham Gareja bang om lemid, sa lame toh do' lahel Lahtal ani utarain.

03/09.txt

@@ -0,0 +1,4 @@
+\v 9 Nameno' barpi dun a'hol sa lame toh Lahtal ani utarain eh,
+\v 10 no' supi a'hol sari ai horoba, sel a'ri'an hee, Gareja O'se'ar ani Tapano' homi mih nabang eh. Horo hee sari naba a'ra ai tu'ung a'raham ho supi usahoir, supi o' a'tino' bit.
+
+PETRUS NAMENO' TOFANG A'RA MATENG

03/11.txt

@@ -0,0 +1,3 @@
+\v 11 Aiho, Petrus med Yohanis a'puin tufeh hee, name tofang te'eng bang om hataden ani Salomo ei homi afeng, fede' supi sahoir.
+
+\v 12 Petrus dun supi a'hol sa ubangho; Hoi. Israel hinung, naba eife na hoo uihoir, eme i niedung mang fede' Ni niei kufa' med niom a'bulfe puin ai hoo a'no' lame no' honi?

03/13.txt

@@ -0,0 +1,4 @@
+\v 13 Lahtal, Abraham, Isak med Yakob o'Lahtal, pi bap pi bale o'Lahtal, Sa so name a'how a'titing ei, sariho Yesus Sa a'foh a;tel, mong Pilatus o'se'ar mi, sa a'no' il ubang.
+
+
+\v 14 Honi sobo, Ai bolang med a'bul ho i bahut, honie nameba name a'mine o'name horofe i bang honie name ad a'tain med iere eng.

03/15.txt

@@ -0,0 +1,2 @@
+\v 15 med fetang aselho i a;mine, sobo name min a'nai homi Lahtal sona a'no' fetang am. Na hoo ei a'raham, niri hoo dun ta'hol nifel ta maeh.
+\v 16 Med Ei Ani femi udume sano' pilang mate, sariho Yesus ei ani horofe puin aiba i e'dun eh med i a'pong a'hol hoo, a'no' kufa' a'no' ara. Med udumeba Aiho mi horofe, birang bu'uin med ai iraham tufeh hoo en.

03/17.txt

@@ -0,0 +1,3 @@
+\v 17 No diail bar, fed hoo Na a'hol, sariho i a'hol nene ei a'lol na panen, mang fede' name iri bu'ang tofang panen eh honi.
+
+\v 18 Honi sobo dai ehta, Lahtal ubang nabi tofang at a'lai, sariho Kristus Sa uil min, maar mahip a'holfe, honiho, Sa a'no' an am.

03/19.txt

@@ -0,0 +1,3 @@
+\v 19 Honife, iom a'fome ibor, honie idoc tofangho name luh,
+
+\v 20 honie il luling o'sel Tuhan puin ho' honie Kristus ba Sa u i'nung med iere eng amho Sa tahow, sariho Yesus,

03/21.txt

@@ -0,0 +1,4 @@
+\v 21 hoo Surga di med sam ernu turlo ano' no' a'no' ham o'sel homi, mang fede' Lahtal zamang turmi umateng nabi bolang tofang a'lai am honi.
+\v 22 Musa ubangho, 'I Lahtal ho, Sa uil nabi nu a'no' fetang med iere eng, mang fede' na a'ra inai homi nano'i diail nu honi. Na ernuba sa ubang am ho, i uil uil ma'eh alepang.
+
+\v 23 Med sa uil a'raho, nameba nabi hoo ei ma'eh neneho, name bang ernu o'a'nai homi a'no' suhuin.'

03/24.txt

@@ -0,0 +1,3 @@
+\v 24 Med, nabi ernu barpi umateng, o' aainangho Semuel, med o' a'taain nun hodi, supi sel hair hoo umateng.
+\v 25 Iri horofe, nabi tofang ho o'fol o'heb, med mong Lahtal i diing i bap a'ra sel meng paha' homi, Sa Abraham a'ra mateng ubangho, 'Ofol oheb horomi, fol heb tofang pali' mate taho tofang luung.'
+\v 26 Lahtal so name baletaho a'no' fetang, Sa sotur tahow ien honie, sa tofang luung ien, no' sa panen puin nameba inai homi nasah ernu panen homi sabor."

03/title.txt

@@ -0,0 +1 @@
+RASUL HINUNG O' SURA' ASEL MATE O TOW MI

04/01.txt

@@ -0,0 +1,8 @@
+RASUL HINUNG MED AGAMA YAHUDI O'MATE
+
+\v 1 Petrus med Yohanis name tofang a'ra mateng eh honi hee, imam hinung, name Gareja bu'ang o'kapal med Saduki hinung,
+\v 2 supi a'ri ing empir fede' supi name tofang a'fom a'pahang, med mateng ubangho; Yesus om miho, name min sofetang a'ra.
+
+\v 3 No' supi Petrus med Yohanis a'puin med sapiri mi sam a'ra dil talel, fede' dil paka am.
+
+\v 4 Sobo, supiba rasul hinung o'mateng pa' alepangho, o'a'tino' bit, med supi o'a'nai homi lote bar foilta o'tofang rib ifihing.

04/05.txt

@@ -0,0 +1,3 @@
+\v 5 Mi dilel honi hee, lafung ernu, tumo' bar med sura' Taurat o'name om hul ernu, supi ta'unung Yerusalem mi,
+\v 6 Imam Mate Hanas, Kayafas med Aleksander di supi a'ra med Imam Mate o'name bang om mi sobarpi.
+\v 7 Petrus med Yohanis supi med soham mi no' supi a'tan, "Ano o'kufa' med ano anife, ipuin na hoo panen?"

04/08.txt

@@ -0,0 +1,4 @@
+\v 8 No' Petrus Roh Bolang om ah afeng sa ubangho, "Bang pali' o'lafung ernu med tumo'bar ernu,
+\v 9 sel fed hoo i niri paresaho, mang fede' ni nano' nu panen med ai moleng hoo a'ra ham honi hee, naba honi horofe ni puin a'no' birang?
+
+\v 10 Sei honie, i barpi a'hol, med Israel hinung di a'hol, sariho Kristus Yesus Nazaret pali' o'name ba imed arapti ta haleng sobo, Lahtal name min o'a'nai homi a'no' fetang, horo ei aniba, ai hoo birang ieng a'dang homi tufeh.

04/11.txt

@@ -0,0 +1,9 @@
+\v 11 Yesus ho'oroba:
+
+       'Foi ba name bang a'ten ei bahut, 
+
+     sobo sano' alang foi am.
+
+
+
+   \v 12 Med, il luling e'a'ra name beng den mi nen, fede' burang e'far hoo miho, name beng den anife, med nameno' a'nai homi, honie sari aiho ani puin pi il luling med nene."

04/13.txt

@@ -0,0 +1,2 @@
+\v 13 Suoi e'dun honi hee, Petrus med Yohanis baroc nene, no' supi a'holho name piralo hoo sakola nene, nahul na taandi sah, horo supi sahoir, no' supi a'holho, name pir alo hoo Yesus a'ra ham ham lame toham so.
+\v 14 No' supi dun hee, ai birang am ho, Petrus med Yohanis a'tote mitufeh horo hee, supi u tetang sah.

04/15.txt

@@ -0,0 +1,8 @@
+\v 15 Sobo supi Petrus med Yohanis a'how  majilis lafining homi hel sam horo hee, supi sara gahain,
+
+
+\v 16 ubangho, "Nabafe maa pi panen med name pir alo hoo a'raham? Fede', na utahoir o'karang nu supi panen, name tofang Yerusalem mi hoo dun a'hol, honie pi ukalufe sah am.
+
+
+\v 17 Honi sobo ari na hoo name a'nai homi mate lai e'fe so, honi hee ma pi supi e'riing honie, sari name aniho supi haai foil umateng name en ma'eh nene."
+\v 18 No' honi hee, supi Petrus med Yohanis o'lofe, supi parenta name aloho en honie, supi haai Yesus ani puin name a'fom a'pahang nene.

04/19.txt

@@ -0,0 +1,3 @@
+\v 19 Sobo, Petrus med Yohanis supi a'ra mateng, "I a'tining o'pol a'muj, taroso Lahtal o'dun miho a'bul, iei horo alepang Lahtal eiho e'mota?
+
+\v 20 Fede', niri hoo sah na an anba ni a'hol ma'eh am horofe ni umateng no'."

04/21.txt

@@ -0,0 +1,6 @@
+\v 21 Horo supi Petrus med Yohanis e'riing e'fail eh sobo, supi rasul pir alo hoo a'how sam fede' name pir alo hoo supi med sapiri mife honiho, o'se'bur supi lap ahol nene, no' honi hee, naba a'ra am ho, name tofang Lahtal ani utarain.
+
+\v 22 Fede aiba birang medam hoo, o'urho tun erut a'lihing am.
+
+
+PETRUS MED YOHANIS SABOR DIAIL BARBA O'UDUME HAMHO O'LAP SAM

04/23.txt

@@ -0,0 +1,11 @@
+\v 23 Name supi ad no', Petrus med Yohanis sam so diailbar a'bung, na ernuba imam hinug o'kapal med tumo'bar panen supi a'rahamho, supi umateng.
+
+
+\v 24 Med, supi o'tenang el bar mang naho ma'eh horo hee, supi somnu samang a'tel Lahtal a'ra mateng ubang, "O..Tuhan, Ariso burang, faai, sei, tang med o'na ernu taho a'ten,
+
+
+
+\v 25 umateng Roh Bolang a'lai, Oname baleta ei Daud, ni bap ni bale atmi afu'mi sa ubangho:
+
+      'Taro'ni sofe bang beng loil a'main, 
+     med name tofang na o'a'ai e'dun?

04/26.txt

@@ -0,0 +1,4 @@
+\v 26 Afen ernu pali' mate ta sari taro' 
+     med aneng ernu sari ta'unung, 
+supi Lahtal lafang 
+     med aiba sa satang ubaring amho lafang.'

04/27.txt

@@ -0,0 +1,2 @@
+\v 27 Fede', o'a'bulta honi hee, bang hooro mi ta'unung amfe, o name baleta bolang a atang tabarig Yesus ho lafang, sariho Herodes med Pontius Pilatus, med bang ernu beng, med Israel hinung  foilta,
+\v 28 honie ernu turlo A'tangmi med O'tanut miba o'sel meng am ho, panen dai hee, o'utub sotur a'ra.

04/29.txt

@@ -0,0 +1,7 @@
+\v 29 No' fed hoo, Tuhan, supi o'a'riing fail bune halaho e'dun, no' hee, niriba O'baleta ei hoo, kufa' nien honie, ni O'fompa' umateng ni haai baroc,
+\v 30 Atang niri ta a'hir, sariho birang buuin, utub ernu, med na utahoir ernu, oname baleta Bolang Yesus ani mi ni panen honi hee, sa a'ra."
+
+
+\v 31 Med, supi aome no honi hee, supi e'lemeba supi mimieho ladidin, horo Roh Bolang supi tahel, supi fompa' umateng sobo baroc nene.
+
+NAME UDUME ARAHO O'FETANG

04/32.txt

@@ -0,0 +1,3 @@
+\v 32 Supiba o'udume a'raho sari ta'unung somnu, med lamannu. Namenudi e'ubang, nei na ernuho na nona honi nene sobo, na ernuba supi a'ri'an ho, supi barpi uaneng, barpi supi o'na.
+
+\v 33 No' hee, rasul hinung barpi tutung kufa' med, supi Tuhan Yesus sofetang ho umateng, fede' na'hol dil ma eh mate a'ra supita.

04/34.txt

@@ -0,0 +1,4 @@
+\v 34 Supi a'nai homi name den e'kurang bo' nene, fede' name o'faai a'ra, o'bang a'ra nunho, supi fail, o'seng fit ho'
+
+
+\v 35 rasul hinung e'fa selmi meng, no; honi hee, supi sedalam sari'an, supi o'kurang bo'ho a'ta ain,

04/36.txt

@@ -0,0 +1,2 @@
+\v 36 Yusuf, Lewi o'name, Siprus o'fol o'heb, saridi rasul hinung o'lofe, med Barnabas, o'lel hee, 'loil asal ai,'
+\v 37 supidi faai fail, o' seng fit ho' rasul hinung e'fa sel mimeng.

04/title.txt

@@ -0,0 +1 @@
+RASUL HINUNG O' SURA' ASEL MATE O UT MI

05/01.txt

@@ -0,0 +1,3 @@
+ANANIAS MED SAFIRA LAHTAL O'ROH A'PATE
+\v 1 Honi sobo, name lotenu a'ni Ananias, med o'ob ani Safira, sanang alo sei na ernu fail.
+\v 2 No' hee, Ananias sa na fail o'seng sa habuden tahang meng med sere eng, o'obdi a'hol, no' habuden horo sa fisam rasul nun e'fa sel mimeng.

05/03.txt

@@ -0,0 +1,11 @@
+\v 3 Sobo, Petrus ubangho, "Ananias, naba e'ife setang om afeng honie, i Lahtal o'Roh bolang a'ra kalufe, honie i faai fail o'seng habuden tahang?
+
+\v 4 Faai i fail dai honi hee, dai i faai eh? Med faai i fail no'am honi hee, faaiho dai ina eh? Naba e'ife, panen hoo i utanut med iom mimeng? I e' nameno' a'ra kalufe nene sobo, i Lahtal fe a'ra kalufe."
+
+
+
+
+\v 5Mang mateng hoo ma'eh horo hee, Ananias ol seh, aeng a'muj. Horonameba sari na hoo a'holma'eh ho, baroc empir.
+
+
+\v 6 No'a'for bar oinu ma fen en puin, tefang luling lehel, no' a'ra sam a'pot.

05/07.txt

@@ -0,0 +1,5 @@
+\v 7 No' a'lai maa od tow honi hee, Ananias o'ob foil ho' sobo, nabaso a'ra am honiho, sa e'a'hol nene.
+\v 8 No' Petrus a'ra mateng ubangho, "A nara mateng, i faai failho, o'sengba tofang meng horo solo?"
+
+
+   Med, Safira ubangho, "Ya, horo solo so."

05/09.txt

@@ -0,0 +1,10 @@
+\v 9 No' Petrus a'ra mateng ubangho, "Naba e'ife, olote inanglo iomnu honie, Lahtal o'Roh a'pate? E'dun, nameba olote a'ra sam a'potho, e'pating dai se armi o'leh, supi aridi tefang hel so."
+
+
+
+\v 10 Seh seh hee, Safiradi ol Petrus e'fa selmi o'leh horo hee, aeng a'muj. Afor bar oinu mid dun hee Safira minam horo hee, supi tefang hel a'ra sam o'lote a'bung homi a'pot.
+
+
+
+\v 11 Horo barocbanibung mate a'ra jumaat o'ham mi latel, med nameba sari na hoo a'hol ma'ehho, barpi baroc oh.
+NA UTAHOIR TOFANG LAHTAL MI HO'

05/12.txt

@@ -0,0 +1,3 @@
+\v 12 Na utahoir tofang a'ra latel rasul nun a'tang lol ho'name tofang a'nai homi, supi barpi a'ra Salomo ei hataden homi.
+
+\v 13 Name den e'supi umatolang supi a'ra ta'unung nene sobo, name tofang supi a'foh a'tel.

05/14.txt

@@ -0,0 +1,8 @@
+\v 14 No' hee, nameba Lahtal o'a'tino' bitho, mang tofangta mi ob mi lote.
+
+
+\v 15 Horofe supi name mode nunho med de'ta a'tarang, supi tefang se'bur a'ri'an meng honie, Petrus ho'honi hee, o'lalaman horo supi tamuj di no'.
+
+
+\v 16 Med nameba mong Yerusalem bang fading mih nunho ham ham ho' supi name mode med nameba roh sah tamang nunho, supi a'ra ho'horo hee barpi birang med oh.
+RASUL HINUNG NAME A'PUIN

05/17.txt

@@ -0,0 +1,5 @@
+\v 17 Sobo, imam mate med Saduki hinung sahir toh,*
+
+med a'riing fail bune hala supi om afeng tahut.
+
+\v 18 Supi rasul aibar a'puin a'ra sam sapiri mate om mi.

05/19.txt

@@ -0,0 +1,3 @@
+\v 19 Honi sobo, dil paka hee, Tuhan o'malaikatnu ho' sapiri se'ar during, supi a'ra hel luling lehel no' supi a'ra mateng, 
+\v 20 "Sam, toh dume honie, fompa' fetangho mong Gareja om mi umateng, sa name tofang ma'eh."
+\v 21 Med, supi ma'eh no' dil milel supi sam Gareja bang om lemid, supi name a'fom a'pahang. Imam Mate med name o'a'ta ain nun sam selememi, supi majilis lafining med Israel o'tumo'bar ta'unung, supi name a'how sam sapiri leam, honie rasul aibarho a'ra ho' supi o;lap ho'.

05/22.txt

@@ -0,0 +1,2 @@
+\v 22 Sobo, nameho sam hee, rasul pir ernu faling aloho, e'a'ra sapiri om mi nene. No' nameho saborho'mate nun a'ra mateng,
+\v 23 ubangho, "Nisam hee, sapiri se'ar utel dume, name bu'ang se'ar mi toh pir, sobo ni se'ar during hee, name den e'a'ra sapiri om mi nene."

05/24.txt

@@ -0,0 +1,4 @@
+\v 24 Gareja bu'ang o'kapal med imam hinung o'kapal na ho ma'eh, supi omupir fa rasul aibarho a'raham, supi utaain; taro' nife, sari na hoo a'ra no'?
+
+
+\v 25 No' hee, namenu te'eng ho'supi a'ra mateng, "E'dun! Nameba imed sapiri miho, mong Gareja om mi name a'fom a'pahang eh."

05/26.txt

@@ -0,0 +1,5 @@
+\v 26 No' name Gareja bu'ang o'kapal, med o'e'bu'ang a'ra, supi sam rasul aibarho a'ra ho'sobo, supi e'a'riing nene fede' supi baroc a'hal name tofang supi o'd.
+
+\v 27 Supi Petrus med Yohanis a'ra ho' no' supi a'ra sam majilis lafining a'pong a'dangmi. Horo imam mate supi a'tan;
+
+\v 28 ubangho, "Ni a'titino' iehap, ihaai sari aiho, ani puin fom pahangnene, sobo ifom ipahang hoo, Yerusalem bang hoo mipiram, iomho sari aiho o'foi med nien tefang uma."

05/29.txt

@@ -0,0 +1,4 @@
+\v 29 Sobo, Petrus med o'bengbar a'ra supi ubangho, "Ni Lahtal ei horofe a'lol a'ta ain somi mid nameno' ei e'mota.
+\v 30 Pi bap pi bale o'Lahtal, Sa Yesusba imed arapti ta haleng a'mineho, Sa a'no' fetang am.
+\v 31 Lahtal a'no' lafining med satang tani lol, Sa a'no' name tur med il lulingho o'uling puin honie, som a'fom med Israel en, med doc tofangho uampo.
+\v 32 Na ernu hoo sobarpi, niri hoo dun ta'hol, med Roh bolang hodi honi, Lahtal med nameba a'lol a'ta ainho enam."

05/33.txt

@@ -0,0 +1,2 @@
+\v 33 Supi mang na hoo ma'eh horo hee, supi om bune hala, supi rasul aibarho a'mine omuma.
+\v 34 Honi sobo, Farisi o'namenu a'ni Gamaliel, sari aiho sura' Taurat o'guru, name tofang uada a'hol, sa majilis lafining a'raham homi sahir toh, sa name a'how rasul aibarho a'ra luling lehel a'pite'.

05/35.txt

@@ -0,0 +1,6 @@
+\v 35 Horo, sa nameho a'ra mateng, "Hoi Israel hinung, i e'dun no'no' maa i nabafe panen name hoo a'raham.
+
+\v 36 Fede, sel oinu talai am om homi,Teudas sahir toh ubangho; sari name a'tino' med name o'a'taain a'ra ta'unungho, pir rat ut. Honi sobo, name a'mine med o'a'taain nunho tabite sam bolang.
+
+
+\v 37 Teudas ho no'hee, Yudasba Galilea o'nameho foil sahir toh, sariho a'raham name sani hul o'sel, horo sa name tofang baring ma sata ain, sobo sari hodi name a'mine, o'nameba a'ta ain nunho barpi tabite  laher.

05/38.txt

@@ -0,0 +1,3 @@
+\v 38 Honife, loil a'main hoo, na ira mateng, name hoo e'let, supi admeng. Honi sobo tanut med anen a'ten hoo nameno eiso honi hee, sari na hoo, o'hir o'pa' aai.
+
+\v 39 Honi sobo, tanut med panen a'ten hoo Lahtal eiso, honi hee sari na hoo itahang sah. Omi tata, i Lahtal lafang."

05/40.txt

@@ -0,0 +1,3 @@
+\v 40 Supi Gamaliel o'fom ho a'taain. Supi rasul pir aloho o'lofe beh no' supi rasul pir aloho e'hap honie, supi haai Yesus a'niho foil ubang nene, honi no'supi name pir aloho ad.
+\v 41 Horofe, rasul aibar supi majilis lafining a'hoi homi bad herang puin sabor, fede' supi utamut ho, Yesus ei anife, supi maar mahip a'hol so mino'.
+\v 42 Med sel a'ri an supi Gareja bang mi, no'hee bang sel a'ri an supi sura' habar om ho umateng sapang sah a'hol nene, supi ubangho; Yesus horo Kristus.

05/title.txt

@@ -0,0 +1 @@
+RASUL HINUNG O SURA' ASEL MATE IFIHING

front/title.txt

@@ -0,0 +1 @@
+RASUL HINUNG

manifest.json

@@ -390,6 +390,82 @@
 		"28-28",
 		"28-30",
 		"15-24",
-		"15-27"
+		"15-27",
+		"front-title",
+		"01-title",
+		"05-14",
+		"05-12",
+		"05-title",
+		"01-01",
+		"01-04",
+		"01-06",
+		"01-09",
+		"01-12",
+		"01-15",
+		"01-17",
+		"01-20",
+		"01-21",
+		"01-24",
+		"02-title",
+		"02-01",
+		"02-05",
+		"02-08",
+		"02-12",
+		"02-14",
+		"02-16",
+		"02-18",
+		"02-20",
+		"02-22",
+		"02-25",
+		"02-27",
+		"02-29",
+		"02-32",
+		"02-34",
+		"02-37",
+		"02-40",
+		"02-43",
+		"02-46",
+		"03-title",
+		"03-01",
+		"03-04",
+		"03-07",
+		"03-09",
+		"03-11",
+		"03-13",
+		"03-15",
+		"03-17",
+		"03-19",
+		"03-21",
+		"03-24",
+		"04-title",
+		"04-01",
+		"04-05",
+		"04-08",
+		"04-11",
+		"04-13",
+		"04-15",
+		"04-19",
+		"04-21",
+		"04-23",
+		"04-26",
+		"04-27",
+		"04-29",
+		"04-32",
+		"04-34",
+		"04-36",
+		"05-01",
+		"05-03",
+		"05-07",
+		"05-09",
+		"05-17",
+		"05-19",
+		"05-40",
+		"05-38",
+		"05-35",
+		"05-33",
+		"05-29",
+		"05-26",
+		"05-24",
+		"05-22"
 	]
 }