bahasatech.indotengah
/
adn_act_text_reg
1
0
Fork 0
Files Issues Pull Requests Releases Wiki Activity See in Reader

Fri Jul 22 2022 15:39:13 GMT+0800 (Singapore Standard Time)

This commit is contained in:
bahasatech.indotengah 2022-07-22 15:39:14 +08:00
parent b62f5c9d70 5f77839ebb
commit 69b3ced993
141 changed files with 373 additions and 1 deletions
Show Stats Download Patch File Download Diff File Expand all files Collapse all files

2
10/01.txt Normal file
View File

@ -0,0 +1,2 @@
PETRUS MED KORNELIUS
\v 1 Ho' araham, mong Kaiseria mi, namenu ani Kornelius, Italia o Soldaj lubung nu o mate nu, \v 2 sari Lahtal u ada'ahol, sari med supi bang om nu ho Lahtal el baroc, o na an-mi lafoh sa med name kurang bo' eiyta. sa a'ome Lahtal abang seiy masing.

2
10/03.txt Normal file
View File

@ -0,0 +1,2 @@
\v 3 fed hel nu mi, ma' od tieiynu sel ho araham, sa nanu edun ahol lel, Lahtal o malaikat nu ho e aramateng ubang ho, "Kornelius!"
\v 4 Horo, sa malaikat ho edun sa baroc, no' sa ubang ho, "Naba soba ho' o Tuang?" horo malaikat ho aramateng, "O a'ome pa' med o na an-an ba a puin name kurang bo eiyta ho, sano' tanut nu Lahtal apong adang. \v 5 Fed ho'o, name ahow mong Yope leam, honie namenu ba ani Simon ba name ubang bite petrus ho olove, \v 6 sa aiy ani Simon ba binangta o uiyl u karesang eh ho ara bang nu, obang pong tang adi ta."

1
10/07.txt Normal file
View File

@ -0,0 +1 @@
\v 7 Ho' araham malaikat ba ara hu'tang eh ho mang sabor he'e, Kornelius so name baleta pir alo olove med soldaj ada'ahol nu ba supi o'anaiy mi baleta eh hodi, \v 8 mang na afangrat nun ho u supi ara hu'tang no, sa supi ahow Yope leam.

1
10/09.txt Normal file
View File

@ -0,0 +1 @@
\v 9 Ho araham Mi dil lel, supi lame se'ham dele pali' ho ohir, ma'od talang ani Petrus mid bang ado ta a'ome. \v 10 Horo, sa malihing om na'ade umang, sobo name daiy namej ho amihing eh honi he'e, petrus nanu ahol, \v 11 sa edun burang sari during sa dun nanu orupa napah habu mete honi ho'hel, saba'ang ting ut mi hel sam fa'aiy ator. \v 12 Binangta afang rat e'fa ut ara om mi, no' binangta hod lame nun pali mate ta, med hiuw lelang ernu lulig ham mi di ara.

3
10/13.txt Normal file
View File

@ -0,0 +1,3 @@
\v 13 Horo he'e, amang pa' ho' ara mateng bite, "Toh ema, Petrus, ta'oin amine e' ade!"
\v 14 Honi sobo, Petrus ubang ho, "Ha'aiy, Tuhan. asel, na e na o sah med na o, u nepur-nehap am ho ade ahol daiy."
\v 15 Horo, mateng pa' ho foiy ho' abung o mialo mi, "Naba lahtal u sofo am ho, ha'aiy bit bite u epuram e." \v 16 Na ho'o ara o mitow mi, horo mi se-seh barpi ho latel burang lemid.

1
10/17.txt Normal file
View File

@ -0,0 +1 @@
\v 17 Ho' araham, petrus om upir e, daiy mih na ba sa edun am ho o lel orupa taro'ni u tanut eh honi he'e, name nun ba Kornelius ahow simon obang lap eh ho' ma, fo o sear mate araham tufeh, \v 18 horo supi love, supi u ta'ain ahal simon ba name ubang Petrus ho hemomi aer eh.

1
10/19.txt Normal file
View File

@ -0,0 +1 @@
\v 19 Petrus daiy na ba sa edunam ho ukuru eh he'e, Roh ara hu'tang ubang ho, "Edun ema, name lote pirtow ari lap eh. \v 20 Toh e hel ema, supi ara sam ha'aiy om atan e, asel Na supi ahow am." \v 21 Hoeo, Petrus hel name nun ho abung e ubang ho, "edun, nari ho'oro name ba i lap eh ho. I om naba so fe i ho' ma?"

1
10/22.txt Normal file
View File

@ -0,0 +1 @@
\v 22 Supi ubang ho, "Kornelius, soldaj o mate nu, name abul e lahtal el baroc, mong Yahudi o bang pali' mi, mang taromi name ahol, malaikat bolang awu am, honie ahow ho' obang leho' e, o hu'tang sa alepang." \v 23 Horo Petrus supi olove mid daiy homi aer. Mi dil lel am fe, sa toh horo supi ara sam, diay bar pirden Yope mi ba, o udume ham ho supi ara tenang el sam.

1
10/24.txt Normal file
View File

@ -0,0 +1 @@
\v 24 Sel o ata'ain mi he'e, supi Kaiseria lemid. Kornelius so aiy, so uding bar med tenang el bar o abung nun ho sa taunung no', supi adanang eh.

2
10/25.txt Normal file
View File

@ -0,0 +1,2 @@
\v 25 Ho'araham Petrus mid, Kornelius olap ma, horo he'e, e'fa sel mi parih mudig e u ada'ahol.
\v 26 Honi sobo, Petrus ahow toh ubang ho, "Toh ema! Nari ho'o di nameno' nu so."

1
10/27.txt Normal file
View File

@ -0,0 +1 @@
\v 27 Petrus daiy Kornelius ara hu'tang eh he'e, Petrus bang om lemid name lafoh ta'unung eh ho arupa'. \v 28 Horo, petrus supi ara hu'tang, "I ahol bite Yahudi hinung ar'ing bi, mang fede' name ba e Yahudi hinung nene ho sara pec naba fe foiy solelang lol, sobo Lahtal u netub am,nari ho ha'aiy ubang bite anoso sah eme u nepur nehap am honi. \v 29 Honin horo eiy fe, ho araham i nahow ho' ho, nom e terofe nene. Sari horo fe na u ta'ain bite i naba eiy araham ho nolove?"

1
10/30.txt Normal file
View File

@ -0,0 +1 @@
\v 30 Horo, Kornelius ubang ho, "o tareng ut mi sam od ho'o ni, od o ti'eiy nu mi, na nobang mi a'ome eh, edun ema, namenu ara naraham tufeh fen lel madal mang. \v 31 Horo, ubang ho, 'Kornelius, o a'ome pa' ho ma'eh ham, o kurang bo' ho, Lahtal apong adang atel am. \v 32 horo eiy fe, Yope leam Simon ba bite Petrus ho ahow ho'. Sa simon obang mi ayer eh, namenu ba uiy u karasang eh ho, tang adi ta.' 33 honin horo fe, na er name ahow sam abung, om no' horo ba a ho'am. fed, pi barpi ho' omi, Lahtal apong adang, hunie afang rat ba tuhan u ahow am ho u alepang." PETRUS KORNELIUS O BANG MI INJIL U MARING

1
10/34.txt Normal file
View File

@ -0,0 +1 @@
\v 34 Horo, Petrus sat abe' e hu'tang ubang ho, "Fed, na abul-abul pahang bite Lahtal e nu solo eiy ta nene. \v 35 Sobo, bang pali' arian, name ba El baroc med na o no' akala, apang u no'.

1
10/36.txt Normal file
View File

@ -0,0 +1 @@
\v 36 Fom pa' ba Lahtal Israel bang pali' mi u hu'tang ho, maring pa' ono' il luling ma Kristus Yesus lol eiy, Sari horo piri barpi o Tuhan. \v 37 Hamoiy nu ba ara Yudea bang pali' mi pir, a'aiy nang galilea mi, Yohanes mang name afoiy eiy ho u maring no' iridi aholam, \v 38 I yesus ahol, Nazaret hinung, taro'ni fe Lahtal Roh Bolang med kufa' ho med En. Sa sam na no' panen bang pali' ho mipir med name ba roh ari'ing fail om tamang ho ano' birang asel Lahtal so ata'ain eh.

1
10/39.txt Normal file
View File

@ -0,0 +1 @@
\v 39 Niri ho'o he'e, na afang rat nun ba Yesus panenam, mong yahudi hinung o pali' mi em'e Yerusalem mi ho ta' ahol, ta maeh barpi. supi Yesus med tabang' bo' ta haleng amine. \v 40 Sobo, mi tareng taow om mi Lahtal ano' fetang no', u'ahow Sari med name o petang, \v 41 fa nameno' nun barpi araham nene, sobo ma niri ba daiy eh ta Lahtal u ale' tara', nihow ta' ahol ta ma' eh eiy, niri ba Sa mang name min o' anai ho mi fetang sahirtoh he'e Ara ham-ham na'ade seiy na ho.

1
10/42.txt Normal file
View File

@ -0,0 +1 @@
\v 42 Sa u niri parenta honie name no' nun ho emaring, honie abul-abul u hu'tang bite Sari horo Lahtal utub atining, ano' na o abul ahal u hu'tang eiy, fa o min mi, ma o fetang mi. \v 43 Fa Eiy Araham, nabi nun barpi u hu'tang bite, nameno' nun ba o atino' bit ho, o om mi he'e, Ani alaiy o u ampo med." LAHTAL UTUB BITE NAMENO' NUN HO MANG EIY MAMANG

1
10/44.txt Normal file
View File

@ -0,0 +1 @@
\v 44 Paulus daiy mih mateng pa' nun ho u hu'tang eh he'e, Roh Bolang hel nameno' nun ba fom pa' alepang eh ho ta hel. \v 45 Horo name oatino' bit nun ba sunat am , ba petrus ara ham-ham ho' ho, sahoir asel Lahtal O ukarang Roh Bolang lol ho helam, honie med pali' mate beng di araham.

1
10/46.txt Normal file
View File

@ -0,0 +1 @@
\v 46 Asel, supi neme nun ho alepang honi he'e, mateng afang rat mang u hu'tang no' mamang med Lahtal ani utarain. Horo Petrus ubang ho, \v 47 " Ahal name nu di e seiy ho u hap nene, hoinie puin name ba roh Bolang medam ho afoiy mang fede' piri honi?" \v 48 Horo, Petrus supi parenta honie, Yesus kristus ani puin supi afoiy. horo he'e name nun ho Petrus abang honie daiy supi ara tareng alo tow om mi.

1
10/title.txt Normal file
View File

@ -0,0 +1 @@
RASUL NUN O SURA' ASEL ( 10 ) ERNU

3
11/01.txt Normal file
View File

@ -0,0 +1,3 @@
PETRUS SABOR YERUSALEM MI
\v 1Ho araham ho, rasul nun med o diail bar nun Yodea mi ba o udume ham ho, maeh bite name ba e Yahudi hinung nene di fompa' medam. \v 2 Horo eiy fe, ho araham Petrus mid Yerusalem mi, name ba sunat am ho otanut ara salahain. \v 3 o ubang ho, "I sam name ba e sunat nene ho abung am fe supi ara na'ade."

1
11/04.txt Normal file
View File

@ -0,0 +1 @@
\v 4 honi sobo, Petrus na ho nu-nu u supi ara hu'tang ubang ho, \v 5 "Na mong Yope bang pali' mi a'ome eh, mi ta'ahol nene, na dun na nu ahol, nanu ho mang fede' napah habu nu laiy hel, laiy ting ut burang mi hel, asari na ho ho' fanang nabung. \v 6 Na mang edun no' he'e, na tining-tining edun, he'e binangta e'fa ut pali' mate ta, binangta falefang, binangta hod lame nun, med hiuw lelang ernu luling ham mi.

2
11/07.txt Normal file
View File

@ -0,0 +1,2 @@
\v 7 Nari di maeh amang pa' nu ho' nabung ubang ho, 'Toh, petrus, doro ta'oin amine e ade ema!' \v 8 sobo, na ubang ho, 'a'aiy Tuhan. Asel, na osah em o u nehapam e nat om di lemid daiy.' \v 9 honi sobo, amang pa' ho foiy o mialo mi burang mi mateng abor hel ubang ho, 'Naba fe Lahtal u sofo am ho, ha'aiy o sah bit e'!
\v 10 na ho' o ara mi tow, horo barpi ho sabor burang lemid.

1
11/11.txt Normal file
View File

@ -0,0 +1 @@
\v 11 Edun ema, sel ho araham horo, name pir tow name ahow ho' bang ba na mieh homi, mong Kaisarea mi. \v 12 Horo he'e, roh nara hu'tang hunie ha'aiy foiy u no atan e, supi ara ham-ham sam. no diaiy udume ham ho, sonang talang hodi nara sam, horo ni sam aiy ho o banh lemid. \v 13 horo, sa nira mateng ubang ho malaikat obang mi toh hu'tang bite, 'Name ahow Yope leam Simon ba name ani bit Petrus ho ahow ho', \v 14 honie sa maring pa' ho u ara hu'tang, sari maring pa' ho ari med name ba ara bang nu ho ano' il luling.'

1
11/15.txt Normal file
View File

@ -0,0 +1 @@
\v 15 Na daiy hu'tang eh honi he'e, Roh Bolang hel supi ta, mang fede' o a'aiynang mi tarupa' honi. \v 16 Horo, na Tuhan o mateng pa' ho u tanut ahol, ho araham Sa ubang ho, 'Yohanes seiy puin name afoy, sobo iri ma' Roh Bolang puin i foiy.'

3
11/17.txt Normal file
View File

@ -0,0 +1,3 @@
\v 17 Honin fe, Lahtal so ukarang med supi en ho ham orupa pi mang Tuhan Yesus kristus o atino' bit no' Sa med ten honi, nari ho'o ano so fe na Lahtal ho o se bo' no'?
\v 18 Ho' araham, supi mang na an-an ho ma'eh, Supi tining oh, no' Lahtal ani utarain ubang ho, "Honin so he'e, Lahtal di o ukarang ara am, fa name nun ba e Yahudi nene, bo safom am ho araham, fa mong fetang ho lefa."
INJIL SAM ANTIOKHIA MI

2
11/19.txt Normal file
View File

@ -0,0 +1,2 @@
\v 19 Horo he'e, nameno' nun ba tari' taberang laher, asel beh par fa Stefanus arupa' ho, tabite mong Fenisia, Siprus, med Antiokhia, honie e Tuhan o fom pa u namenu di emaring nene seiy lal fa Yahudi hinung araham. \v 20 Sobo, name pirden ba supi ara ho, Siprus med kirene hinung, ho' Antiokhia le ho' supi di Helenis hinung ara hu'tang, honi sobo Tuhan Yesus di u maring eh.
\v 21 Tuhan atang so supi ara eh, name lafoh sabor Tuhan o atino' bit.

1
11/22.txt Normal file
View File

@ -0,0 +1 @@
\v 22 supi o maring pa lil sam jumaat Yerusalem afel mi, horo supi Barnabas ahow Antiokhia leam. \v 23 Ho' araham Barnabas sam mog horo, sa Lahtal o ukarang ho edun, sa bad herang no' fom pahang med supi en barpi, honie supi som ano' dume Tuhan horo ata'ain. \v 24 Asel Barnabas ho name om no', Roh Bolang om afeng med o udume horo fe, name lafoh ara ma Tuhan olap.

1
11/25.txt Normal file
View File

@ -0,0 +1 @@
\v 25 Horo he'e, Barnabas Tarsus leam Saulus lap. \v 26 Sa mang sam ahol he'e, sa fito' Antiokhia leho'. Tun nu om mi, supi jumaat ahol med name lafoh gur pel. Mong Antiokhia mi, sakola aiybar a'aiy nang, o bit huni he'e "Sarani hinung".

1
11/27.txt Normal file
View File

@ -0,0 +1 @@
\v 27 Sari sel ho araham, nabi oin'nu Yerusalem mi hel ho' Antiokhia mi. \v 28 Supi o name ho nu ani Agabus, toh horo he'e, sa Roh abang seiy ta e panep bite, malihing mate musti ara pali' mate ho mi pir. Fe malihing ho ara mong Klaudius mid parenta puin osel fe mi.

1
11/29.txt Normal file
View File

@ -0,0 +1 @@
\v 29 Horo, Sakola aiy bar nun mateng amuj honi e, sarian so kufa' ata'ain satang taunung e tahow, uding bar nun ba sara udume nu eleme mong Yudea mi ho en. \v 30 Naba o taunung am ho, supi tahow med penatua nun di en, mong Barnabas med Saulus fe lol.

1
11/title.txt Normal file
View File

@ -0,0 +1 @@
RASUL NUN O SURA' ( 11 ) ERNU FALING NU

2
12/01.txt Normal file
View File

@ -0,0 +1,2 @@
NAME YAKOBUS AMINE MED HERODES PETRUS APUIN
\v 1 Sel ho araham, afen Herodes satang atel fa namde pirden ba Jumaat mi ho baeh par. \v 2 Neiy pun Yakobus ba Yohanes o uding ho amine.

2
12/03.txt Normal file
View File

@ -0,0 +1,2 @@
\v 3 Ho araham Herodes edun he'e o panen ho Yahudi hinung om tamuj, sa foiy sadimang Petrus di apuin. Na ho ara o em Haer mate Roti o ragi ha'aiy om mi.
\v 4 Sa mang Petrus apuin no', sa aramid hukung bang mi alorang soldaj lubung ut en hunie buang, otanut ho, mang Paskah no, fitsam name lafoh apong'dang.

2
12/05.txt Normal file
View File

@ -0,0 +1,2 @@
\v 5 Horo, Pertrus supi tahang hukung bang mi, sobo a'ome fa Petrus araham, jumaat aome Lahtal abang o hi' o alorang ha'aiy. TUHAN O MALAIKAT HUKUNG BANG MI PETRUS ANO' IL
\v 6 Dil pana nu mi, ho araham Herodes musti Petrus ara luling lehel, Petrus soldaj pir alo o'anaiy mi tar eh, rante hey alo puin apec, med name o buang eh ho, se'ar muka mi alol dun lame eh.

1
12/07.txt Normal file
View File

@ -0,0 +1 @@
\v 7 Mi se-seh, Tuhan o malaikat Petrus abung toh horo o lel hukung bang om ho mi lel pir, horo malaikat ho Petrus atote nemang mi beh ahow toh, ubang ho, "er toh!", horo rante heiy nun ho atang mi tup muj. \v 8 Horo, malaikat ho ara mateng, "A heng ho apec o sendal ho tamang." horo sa akala o rupa honi. Horo he'e, sa ara hu'tang, "O kod laiy ho mang e na ta'ain!"

1
12/09.txt Normal file
View File

@ -0,0 +1 @@
\v 9 Horo, Petrus hel malaikat ho ata'ain. sa e ahol nene bite na ba malaikat panen eh ho na atino' so, eiy om bite sa dun nanu ahol eh so. \v 10 Ho araham supi o buang eiy a'aiy nang med o mialo mi eiy ho a'laiy, supi sam se'ar naol mate mong bang pali' mate leam eiy ho mi. sear mate ho solo sari during supi araham, horo supi hel lame sam se ka'aiy nu mi, horo mi se-seh malaikat ho Petrus atayin.

1
12/11.txt Normal file
View File

@ -0,0 +1 @@
\v 11 Ho'araham Petrus daiy sahol naba so arupa' araham eh, sa ubang ho, "Fed ho'o, na abul-abul ahol bite Tuhan so malaikat ahow honie Herodes atang om mi nano' il med na an-an ba Yahudi hinung ukuru eh." \v 12 Petrus mang na ho ahol no', sa sam Maria obang mi, Yohanes ba name ubang Markus ho ofo, name lafoh o bang mi ta'unung a'ome eh.

1
12/13.txt Normal file
View File

@ -0,0 +1 @@
\v 13 Ho araham Petrus sear mate ho afauw, name baleta ob nu ani Rode ho' sear ho during. \v 14 Sa mang Petrus amang der ho ahol, asel apang no' bi' sa e sear ho during nene, sobo te'eng bang om lemid horo ubang bite petrus mukami sear mate araham tufeh. \v 15 Supi rode ara mateng, "O tanut e abul nene!" Honi sobo, Rode ubang bite ma'honi ho, supi so aramateng eh bite, "Ho o malaikat so."

1
12/16.txt Normal file
View File

@ -0,0 +1 @@
\v 16 Honi sobo, Petrus so sear afauw eh, supi mang se'ar ho during, supi edun he'e Petrus so horo supi siud. \v 17 Sobo, Petrus mang satang puin o utub nu akala no' he'e supi tining, horo he'e sa Tuhan ara hukung bang mi hel ho u supi ara hu'tang. Sa ubang ho, "Na ho' o fit sam, Yakobus med diay bar o udume ham nun ho ara hu'tang." Horo, sa foiy sam eleme beng leam.

2
12/18.txt Normal file
View File

@ -0,0 +1,2 @@
\v 18 Ho araham di lel ma eh, soldaj nun sara loiy mate, fa na ba Petrus arupa' am ho araham. HERODES O MIN MI
\v 19 Ho araham Herodes Petrus lap bo e ahol nene, sa name o bu'ang eiy ho parasa, parenta e supi amine. Horo, Herodes Yodea mi hel Kaisarea lema hemomi seleme med.

1
12/20.txt Normal file
View File

@ -0,0 +1 @@
\v 20 Sel ho ara ham, Herodes ari'ing bi fa Tirus med Sidon hinung araham, horo supi som nu, supi ho' Herodes olap, Blastus ba Afen o bang om u baleta eiy ho, mang om bang no', supi abang honie mang sara no', asel supi o bang pali' o ade na eiy ho, mong Herodes o bang pali' fe mi tahow ho'. \v 21 mong sel ba supi u sofo am ho, Herodes seleme selafeng o fen mang, Kadere o abul ahal eiy ho tamih, horo he'e pe' lurung supi ara ham.

1
12/22.txt Normal file
View File

@ -0,0 +1 @@
\v 22 Serang beat bite, "Ho'o ho lahtal amang pa', e nameno' nene!" \v 23 So horo he'e, Tuhan o malaikat nu afel ba' asel sa e Lahtal afoh atel nene, horo kadile bung afah ahir ade sam so min.

2
12/24.txt Normal file
View File

@ -0,0 +1,2 @@
\v 24 Honi sobo, Tuhan o fom pa' mang abow lafoh latel ta.
\v 25 Horo, Barnabas med Saulus mang so karesang baleta ho ano' an no', supi sabor Yerusalem mi, Supi Yohanes ba name olove Markus hodi adaiy.

1
12/title.txt Normal file
View File

@ -0,0 +1 @@
RASUL NUN O SURA' ( 12 ) ERNU FALING ALO

5
13/01.txt Normal file
View File

@ -0,0 +1,5 @@
KARESANG BALETA SEIY AFALING MED BARNABAS E SAULUS ARAHAM
\v 1 Sel nu araham, mong jemaat Antiokhia o anaiy mi, nabi nun med om hul nun sariho Barnabas, Simeon ba name ani bit Niger, Lukius Kirene mi ho', Menahem ba ham-ham Herodes ara mate, bang pali' o Afen, med Saulus. \v 2 Name ho'o ni nun ho daiy Lahtal afoh, atel med atep eh he'e, Roh Bolang ubang ho, "Barnabas med Saulus ho ano' seiy afaling med Naraham karesang baleta fede' ho araham Na u supi olove am."
\v 3 Horo he'e, supi mang atep med a'ome no', supi satang med Barnabas e Saulus tameng, supi sonang lo ahow sam.
BARNABAS MED PAULUS MONG NUH SIPRUS MI

1
13/04.txt Normal file
View File

@ -0,0 +1 @@
\v 4 Horo, Roh Bolang mang supi ahow sam no', Barnabas med Saulus hel Seleukia mi, hemomi supi ted fa Siprus mi. \v 5 Ho araham supi sam Salamis mi, supi Yahudi hinung a'ome bang arian, Lahtal o fom pa' u maring, horo supi di yohanes ara ho' supi u baleta.

1
13/06.txt Normal file
View File

@ -0,0 +1 @@
\v 6 Ho' araham supi lame nuh arian ho' Pafos mi, supi ho' name halimang lapair nu ahol, Yahudi hinung o nabi abul nene nu, ani ho Baryesus. \v 7 Sari e med Prokonsul Sergius Paulus, name tanut lel nu, horo barnabas med Saulus abang e ho' olap ho bit, fede' om Lahtal o fom pa' ho alepang umang am. \v 8 honi sobo, Elimas, halimang karang nu ho, asel honi horo ani ho name o araham bit, Barnabas med Saulus lafang, sa u labi'ing e ladimang gubernur o udume adimang ata'ain.

1
13/09.txt Normal file
View File

@ -0,0 +1 @@
\v 9 Sobo, Saulus, ba name di ahol bite Paulus, Roh Bolang afeng, Elimas edun mi ti-tining, \v 10 horo ubang ho, "Hoiy iri ba ladimang labor med ari'ing fai iri afeng ho, iri ho setang o'aiy, iri ho he'e na abulta nun o falefang, Tuhan o se' bur mulang ba i ano' palel ho, i om sono' umang em ha'aiy

3
13/11.txt Normal file
View File

@ -0,0 +1,3 @@
\v 11 fed, edun ema, Lahtal atang ho' arita honie, sa e' faiy ho maru med a' e dun fed ahol nene tareng den-den om mi.'
mang horo, tafi'ing med paka hel ta hel, horo sa lame na fading name lap name ahow atang apuin. \v 12 Horo, gubernur ho'ra ham na ho edun sa o atino' bit, asel sa Tuhan o gur pel ho u tarain.
PAULUS MED BARABAS SAM ANTIOKHIA LEAM MONG PISIDIA O PALI' MI

1
13/13.txt Normal file
View File

@ -0,0 +1 @@
\v 13 Selnu mi, Paulus name ba ara ted Pafos mi sam Perga, Pamfilia mi, Sobo Yohanes supi ata'iyn sabor Yerusalem mi. \v 14 Sobo, Saulus med Barnabas so lame ho u hamow mong Perga mi med sam Antiokhia, Pisidia mi. Fe, sel sabat araham, supi sam a'ome bang mi, hemo mi mih. \v 15 Taurat o Hukung med nabi nun o sura' ho mang ta'an no, a'ome bang o lafung nun name ahouw rasul alo ho aramateng ubang, "Diaybar nun, mang fede' mateng pa' o no' rupa eiy ara so honi he'e, hu'tang name nun ho' o araham ema."

1
13/16.txt Normal file
View File

@ -0,0 +1 @@
\v 16 Horo, Paulus toh satang puin o utub nu akala no' hu'tang ubang ho, "Hoiy Israel hinung med iri ba Lahtal el baroc, Alepang! \v 17 Israel o Lahtal ho'o pi bap bale tara' am, med pi bang pali' ano' lafining, ho araham supi Mesir o fa'aiy mi seleme med, Sa so tor atel supi epuin atang puin homi hel. \v 18 Tun erut om mi ho, Sa Som tahang fa supi o panen aten tong padang belantara mi ho araham.

1
13/19.txt Normal file
View File

@ -0,0 +1 @@
\v 19 Sa mang Kanaan ofa' aiy mi bang pali' itito ano' ki' butung no', Sa fa'aiy ho med supi en. \v 20 Na nun ba ara am ho'o o em honi he'e tun ( 450 rat ut er ifihing ). Mang no' he'e, Lahtal hakim-hakim alorang supi en sam Nabi Samuel o sel-o tapeng mi.

1
13/21.txt Normal file
View File

@ -0,0 +1 @@
\v 21 Horo he'e, supi afen nu bang, Lahtal Saul med supi en, Kish o aiy lote, name mong Benyamin o lelang mi, o lufang tun er ut om mi. \v 22 Lahtal Saul amuj no', Lahtal Daud afoh atel ano' supi o afen, fa eiy araham Lahtal ho ahol med ubang bite, 'Na Daud aholam Isai o aiy lote bar, aiy horo Nom tamuj, horo o ba na u'inung ho panen no'.'

2
13/23.txt Normal file
View File

@ -0,0 +1,2 @@
\v 23 Ma name ho'o o aiy o bap mi, Lahtal, O paha' eiy araham, il luling o name nu fito', horo ba Yesus. \v 24 Yesus e ho' ma daiy he'e, Yohanes foiy no' e safom eiy u Israel hinung barpi emaring am.
\v 25 Yohanes daiy so karesang baleta ano' an eh he'e, sa ubang ho, 'iom bite nari ho ano so? Nari ho'o, e Sari nene. Sobo edun ema, Na mang nabor he'e namenu ho' ma, sandal e'fa mi di na during med sah."

1
13/26.txt Normal file
View File

@ -0,0 +1 @@
\v 26 Uding bar nun, abraham o di'ing bap med name nun inaiy mi ba Lahtal el baroc, ma taraham maring pa' il luling ho' o, u tara mateng am. \v 27 Asel, Supi ba eleme Yerusalem mi med supi o kapal nun, ba e' Ahol nene med e nabi nun o hu'tang pa', ba sel sabat arian name ta'an ho pahang nene, Yesus hukung ho mi he'e, nabi nun o hu'tang pa' ho ano' an am.

1
13/28.txt Normal file
View File

@ -0,0 +1 @@
\v 28 Masiki, supi ahal asel nu di ahol nene bo hukung amine fe, supi Pilatus abang honie amine. \v 29 Fe, supi na ba hul fa araham am ho ano' an eh honi he'e, supi tabang bo' ho ta' ara hel med dere om mi atarang

1
13/30.txt Normal file
View File

@ -0,0 +1 @@
\v 30 Honin sobo, Lahtal name min o' anaiy mi ano' fetang, \v 31 tareng den-den om mi, Yesus Sari med name nun ba ara ham-ham Galilea sam Yerusalem mi, ba fed sano' O ta' ahol-ta ma'eh bang pali' ho'o mi ho o petang.

10
13/32.txt Normal file
View File

@ -0,0 +1,10 @@
\v 32 Med, ni maring pa' no fito' abung Lahtal o paha' fa pi bap bale araham, \v 33 bite Lahtal So paha' ho alol at'ain med tenam, supi o aibar, ma Yesus ano' fetang homi, urupa sura' Mazmur o asel alo mi hul olmeng honi:
'Ari ho he'e noaiy.
Fed he'e, Nariho Imang am.'
Mazmur 2:7 ( mazmur o ba'ang asel mate alo, o ba'ang ka'aiy itito
\v 34 Lahtal name min o anaiy mi Yesus ano' fetang eiy araham, e sabor osah karang lehel nene am, Lahtal ubang am,
'Na musti hal tafoiy o bolang ba name o atino' bit no', ba Daut en ho med en.'
Yesaya 55:3 ( Yesaya o sura' asel mate er ifihing faling ifing, o bang ka'aiy tow )

5
13/35.txt Normal file
View File

@ -0,0 +1,5 @@
\v 35 Honin horo eiy fe, Sa mong Mazmur beng di mi hu'tang eh,
' O name bolang ho na o sah karang edun A u a'ain.' Mazmur 16:10 ( Mazmur o ba'ang asel mate ernu faling talang o asel ka'aiy ernu
\v 36 Horo, Daud, so aiy so bab nun mang u baleta no', fede' Lahtal eiy inung, horo sa min name med o bap bale o anaiy mi atarang, hunie sah karang edun, \v 37 sobo Yesus ba Lahtal name min o' anaiy mi ano' fetang ho, e sah karang ho edun nene.

1
13/38.txt Normal file
View File

@ -0,0 +1 @@
\v 38 Honin fe, sohoni e aridi ahol, med uding bar nun, bite ma Sari Alaiy fe, doc ahal u ampo eiy ho panen ara ham, \v 39 fe fa Alaiy honi fe sa, name ba o atino' bit il luling med so afang rat homi, ba pi Musa o hukung Taurat mi med sah.

5
13/40.txt Normal file
View File

@ -0,0 +1,5 @@
\v 40 Fe, na uma-mang honie na an-an ba nabi nun o sura' mi bitam ho ha'aiy a rupa' e:
\v 41 'Edun ema, hoy name-name ebit karang!
si'ud med min tabang ema,
asel Na eiy sel mi No karesang ano' lame, karesang nu ba i e o' atino' bit nene, masiki name den u hu'tang ano' lel iraham."' Habakuk 1:5 ( Habakuk o sura' asel mate nu o bang ka'aiy ifihing

1
13/42.txt Normal file
View File

@ -0,0 +1 @@
\v 42 Paulus med Barnabas hel eh he'e, supi foiy abang honie sel Sabat ma eh honi he'e, sari fom pa' u hu'tang. \v 43 Lubung a'ome bang mi ho mang tafal honi he'e, Yahudi hinung lafoh med name Yahudi hinung o agama ata'ain ba Tuhan el baroc ho Paulus med Barnabas ata'ain, ba supi ara mateng med supi a do-do hunie ha' aiy Lahtal o ukarang ho elet e.

1
13/44.txt Normal file
View File

@ -0,0 +1 @@
\v 44 Foiy Sabat o ata'aiyin he'e, edaiy bang pali' mate ho o nameno' taunung e Tuhan o fom pa' alepang. \v 45 Honi sobo, ho araham Yahudi hinung lubung la'ol ho edun, supi om ari'ing horo supi naba Paulus u hu'tang am ho lafang med ebit eng il.

4
13/46.txt Normal file
View File

@ -0,0 +1,4 @@
\v 46 Horo, bo Paulus med Barnabas e baroc nene, supi mateng abor ubang ho, "Na ho'o na' atino', fe Lahtal o fom pa' o'abulta mi sotur u ara hu'tang. Asel i i'ain bite ipainsah fetang soem ho med, edun ema, ni nidimang bang pali' beng en. \v 47 Asel, Ho'oro Lahtal niri u parenta:
'Na ino' nalel fa bang pali' beng araham
hunie il luling fisam pali' mate o tapor mi no.'" Yesaya 49:6 ( Yesaya o sura' asel mate er ut faling tieiynu o bang ka'aiy talang )

1
13/48.txt Normal file
View File

@ -0,0 +1 @@
\v 48 Ho araham name ba e Yahudi hinung nene na ho'o ma'eh, supi bad herang bi horo sipi Tuhan o fom pa' u tarain. Fe milafoh ba fetang so em u ere'eng am ho, o atino' bit. \v 49 Horo, Tuhan o fom pa' tafoiy bang pali' ho mipir.

1
13/50.txt Normal file
View File

@ -0,0 +1 @@
\v 50 Honi sobo, Yahudi hinung supi ob bar ba parenta ernu u ada ahol ho, om duke med no' name o atino' bang pali' mate mi ho, ahow toh Paulus med Barnabas ho beh par, honie supi atetel ahow fa'aiy ba bang pali' o tapor ho mi hel. \v 51 Horo, maru butung supi e'fa mi ho supi mi par-par fa Yahudi hinung araham no', Paulus med Barnabas sam Ikonium leam. \v 52 Sakola aiybar ho bad herang med Roh Bolang supi om afeng.

1
13/title.txt Normal file
View File

@ -0,0 +1 @@
RASUL NUN O SURA' ( 13 ) ERNU FALING TOW

2
14/01.txt Normal file
View File

@ -0,0 +1,2 @@
PAULUS MED BARNABAS BANG PALI' MATE IKONIUM MI
\v 1 Fe, ara mong Ikonium mi, Paulus med Barnabas ham-ham mid Yahudi hinung a'ome bang mi, hu'tang taro'ni honi e name lafoh, Yahudi hinung em Yunani hinung, o atino' bit. \v 2 Sobo, Yahudi hinung ba e o atino' bit nene, name Yahudi hinung nene ho om duke, supi o tanut ho osah med mi fa name ba o atino' bit ho lafang.

2
14/03.txt Normal file
View File

@ -0,0 +1,2 @@
\v 3 Horo, supi hemomi seleme med so em supi baroc nene hu'tang fa Lahtal araham, supi O ukarang ba ta' ahol ta ma'eh ham ho u mateng, fa O ukarang ma utub maring o atino' med na empir nun ba supi atang alaiy.
\v 4 Honi sobo, Name nun bang pali' o mate mi ho saba'ang, den mong Yahudi hinung eiy ta med den foiy mong rasul nun eiy ta.

2
14/05.txt Normal file
View File

@ -0,0 +1,2 @@
\v 5 Ho araham name Yahudi hinung nene med name Yahudi hinung, foiy med supi o kapal nun sara gahin, honie rasul nun ho beh par med supi od, \v 6 Paulus med Barnabas mang naho ahol supi sari fit te'eng sam Listra med Derbe mi, bang pali' mate nun mong Likaonia mi, fa pali' ba o abung hodi mi. \v 7 Hemomi, supi Injil ho u maring seiy masing.
PAULUS MONG BANG MATE LISTRA MED BANG MATE DERBE MI

1
14/08.txt Normal file
View File

@ -0,0 +1 @@
\v 8 Mong Listra mi, name e'fa moleng nu homi mi eh, e'fa ho moleng mong ofo daiy e' fo'oiy eh ta. \v 9 Name ho Paulus hu'tang e sa u alepang eh, Paulus edun mi ti'tining fe sa edun name ho' o o udume ara ma' ano' birang no, \v 10 Paulus ara hu'tang abang der mate, "Toh ema e'fa ho ano' mulang." Horo, name ho do' horo he'e lame.

1
14/11.txt Normal file
View File

@ -0,0 +1 @@
\v 11 Ho araham name tofang mang na ba Paulus akala ho edun, supi samang atel horo Likonia o mateng mi hu'tang, "Dewa nun hel pi ham mi sano' mang fede' nameno' honi!" \v 12 Namenun ho ubang bite Barnabas ho Zeus med Paulus ho Hermes asel sari so hu'tang mi tutung. \v 13 Imam dewa Zeus, eleme mi na ah eiy ho mong bang pali' mate elet, sa sapi lote nun med krans bunga fito' bang pali' mate o sear mate mi. sari med name lafoh ho supi om naho alorang ano' kurban fa Paulus e med Barnabas araham.

1
14/14.txt Normal file
View File

@ -0,0 +1 @@
\v 14 Honi sobo, ho araham rasul Barnabas med rasul Paulus na ho maeh, supi so fen apeh no' te'eng name lafoh o ham lefa, horo beat, \v 15 ubang ho, "Diail bar nun, taro'ni fe i na an-an nun ho' o panen? Niridi nameno orupa iri honi so, maring pa' ono' fito' ien honie ibor ma na o ha'aiy ho'o elet, ma Lahtal fetang, ba burang fa'aiy, med tang med na afang rat ba ara om mi Sa aten ho, olap ma. \v 16 Mong aiy bap tur mi, bang pali' sarian so se'bur ata'ayin bo Sa e u hap nene.

1
14/17.txt Normal file
View File

@ -0,0 +1 @@
\v 17 Sobo, Sa e mang honi nene sobo o ta' ahol ta ma'eh eiy ara. Asel, Sa na o no' panen med en, noy burang mi her med sel sari tiling na o' ade eiy om lal med bad herang." \v 18 Masiki na an-an ho barpi bit oham bo, supi name lafoh ba kurban alorang med supi araham ho e hap sah.

2
14/19.txt Normal file
View File

@ -0,0 +1,2 @@
\v 19 honi sobo, Yahudi hinung Antiokhia med Ikonium mi ho', mang name lafoh ho om lehel no', supi foy puin Paulus od no' a do-do baring bang pali' mate ho elet asel supi eiy om bite Paulus minam so.
\v 20 Sobo, ho araham sakola aiy bar nun Paulus fading, sa toh no' sabor bang pali' mate ho lefa. mi dil lel, sari e med Barnabas sam Derbr leam. SABOR ANTIOKHIA O BANG PALI' MATE, SIRIA O DOR KOC LE HO'

1
14/21.txt Normal file
View File

@ -0,0 +1 @@
\v 21 Supi mang bang pali' mate homi Injil u maring med supi o sakola aiy bar di lafoh, supi sabor Listra mi, med fa Ikonium, no' he'e fa Antiokhia mi, \v 22 sakola aiy bar nun o laman ano' kufa', supi adado hunie udume om mi ata'ain horo bit, nao foiy ubang bite pi Lahtal Eleme Elafeng lemid ho musti ma'ar ma hip lafoh alaiy fe.

2
14/23.txt Normal file
View File

@ -0,0 +1,2 @@
\v 23 Ho araham Paulus med Barnabas a'ome med atep no', supi jumaat arian penatua nun u tub fa saraham, supi penatua nun ho alorang Tuhan en, ba fa Araham supi o atino' bit am.
\v 24 Horo he'e, Supi Pisidia alaiy sam Pamifilia mi. \v 25 Ho araham supi Perga mi fom pa' ho bit no' horo he'e, supi hel Italia mi. \v 26 Hemomi, supi ted mong Antiokhia mi, eleme ba Lahtal supi alorang So ukarang mi karesang baleta, fe karesang baleta horo supi panen noam.

1
14/27.txt Normal file
View File

@ -0,0 +1 @@
\v 27 Ho araham supi ho' horo he'e jumaat ara taunung, supi na ba Lahtal supi ara ham-ham panen, med mi taro' ni eiy fe sa bang pali' beng o udume sear during am ho bit. \v 28 Horo, supi sakola aiy bar nun ara homi seleme med soem.

1
14/title.txt Normal file
View File

@ -0,0 +1 @@
RASUL NUN O SURA' ASEL MATE ( 14 ) ERNU FALING UT

3
15/01.txt Normal file
View File

@ -0,0 +1,3 @@
YERUSALEM O BANG PALI' MATE MI TA'UNUNG
\v 1 Horo, name den Yudea mi hel di'ayil bar ba sara o udume nu gurpel, "Mang fede e iri sunat orupa Musa o hada damuhuin honi nene, ino' il lulig sah." \v 2 Horo, ho araham supi om salahain ara, Paulus med Barnabas name nun ho ara sara tutul mate, horo he'e supi samang amuj bite Paulus med Barnabas med supi obeng ta, uil-uil mid Yerusalem lemid Rasul med penatua nun olap e supi om salahin ho u hu'tang.

1
15/03.txt Normal file
View File

@ -0,0 +1 @@
\v 3 Horo, jumaat mang arasam seham mi, supi Fenisia med Samaria alaiy eleme homi supi bang pali' beng o safom ho u hu'tang petang, sari naho bad herang mate fito' diail bar o udume nu barpi araham. \v 4 Ho araham supi sam Yerusalem mi, jumaat, rasul e med penatua nun, supi apong'dang med, Horo supi afang rat ba Lahtal panen fa supi alaiy ho u hu'tang.

1
15/05.txt Normal file
View File

@ -0,0 +1 @@
\v 5 Sobo, name pir den Farisi ara der ba o atino' bitam ho toh horo ubang bite, "Mang taro'ni di supi ho' uil-uil sunat, fe supi parenta honie Musa o Hukung ata'ain!" \v 6 Horo Rasul med penatua nun u sahol honie na ho u hu'tang.

1
15/07.txt Normal file
View File

@ -0,0 +1 @@
\v 7 Mang hemomi sara tutul mate no, Petrus toh supi ara hu'tang ubang ho, "Diail bar nun, i ahol bite mong zamang tur ho mi, Lahtal Sa i anai homi iri u tara' am bite ma nat alaiy, pali'mate beng uil-uil Injil o maring pa' u alepang honie o atino' bit. \v 8 Fe Lahtal ba nameno' om ahol ho, sa o ta' ahol ta ma'eh ho bitam fa supi araham Roh Bolang med supi en, mang fede' Sa panen ma taraham am honi, \v 9 Fe Sa e ale' bite piri so em supi so honi nene, Sa mang o udume fe alol supi om ano' bolang.

2
15/10.txt Normal file
View File

@ -0,0 +1,2 @@
\v 10 Honi fe fed ho'o, mitaro'ni eiy fe i lahtal pate kuk tarofe med sakola aibar nun o doro ta haleng, pi bap bale med piri u ampo sah?
\v 11 Sobo, pi o atino' bit bite pi il luling med ho Tuhan Yesus O hal tafoiy fe alaiy, o rupa mang fede' supi di huni."

1
15/12.txt Normal file
View File

@ -0,0 +1 @@
\v 12 Horo, name lafoh ba ta' unung nun ho por so'oh, supi Barnabas med Paulus fe ualepang, horo he'e Rasul alo ho tub maring med na o empir ba Lahtal panen supi alaiy ma bang pali' beng o'anaiy mi ho u hu'tang o lel bit

1
15/13.txt Normal file
View File

@ -0,0 +1 @@
\v 13 Supi mang hu'tang no' he'e, Yakobus mateng abor ubang ho, "Diail bar, nari u alepang. \v 14 Simon mong a'ainang mi ba taro'ni fe Lahtal dun bang pali' beng ata'ain ho, u hu' tang o lel bitam, mong bang pali' ho o anaiy mi So serang med fa ani mi.

11
15/15.txt Normal file
View File

@ -0,0 +1,11 @@
\v 15 Nabi nun o mateng pa' na ho'o u sofo, mang fede' hul olmeng,
\v 16 'Ho'o mang no' Na uil nabor.
ho' Daud o bang hemang ba tari' laher am ho foiy bakung ano-no'.
Na o tarutung am ho foiy bakung ano-no', med Na foiy ano' mi rupa bi' ta,
\v 17 Honie nameno' nun ba daiy ara eh ho Tuhan lap no', med bang pali' beng barpi olove Nani fe alaiy,
o ba na ho'o barpi panen am ho,'
Lahtal o fom pa', o ba na ho'o barpi panen am ho,
Amos 9:11-12 ( Amos o sura' asel tieinu o bang ka'aiy ernu faling nu sam ernu faling alo )
\v 18 O ahol mi mong zamang o a ainang mi ara ham. Yesaya 45:21 ( Yesaya o sura' asel er ut faling ifihing o bang ka'aiy er alo faling nu )

1
15/19.txt Normal file
View File

@ -0,0 +1 @@
\v 19 Fe, na neiy tanut ho piri uil-uil ha'aiy name bang pali' beng nun ba sadimang Lahtal Araham am ho ano' malo e. \v 20 Sobo, piri mino' ho nahul supi en honie, supi sari med na an-an ba orupa, dil ah bang ah nun ho puin sa sahin e, med doc labuiy laete, no' na ba o doro apap am, med mong fuiy mi. \v 21 Asel, mong aiy bap o mi tur mi, Musa eiy mi di ara am, mong bang pali' mate arian, name no' nun u semaring asel aome bang nun mi sel Sabat arian ta'an." SURA' FA NAME BA E YAHUDI HINUNG NENE HO EN

3
15/22.txt Normal file
View File

@ -0,0 +1,3 @@
\v 22 Horo, rasul nun edun he'e no', penatua, med jumaat barpi, name nun ba supi ara ho tara', hunie supi ahow Paulus med Barnabas ara Antiokhia leam, Supi Yudas ba name ani bit Barsabas, med Silas, kapal nun ba di ail bar o udume ham ho o anani mi, \v 23 Supi satang puin sura' hul orupa ho' oni:
"Mong rasul med penatua nun, diail bar nun ba i udume ham, fa diail bar nun e Yahudi nene mong Antiokhia mi, Siria med Kilikia, ho salam!

1
15/24.txt Normal file
View File

@ -0,0 +1 @@
\v 24 asel ni ma'eh bite name pir den ni' anaiy mi, ba fa supi araham ni e supi parenta nene ho, supi mateng pa' ho ano' taro' ni e, ilaman ano' bol fe ho, puin iri silong am, \v 25 na ho' o ma nira ham ni edun he'e no', mang u sofo no', horo he'e, ni name tara' e supi ahow sam, ari e med ni diail bar nun ba ni esah, Barnabas med Paulus, \v 26 ba pi Tuhan, Kristus Yesus eiy araham supi so fetang fewu meng.

7
15/27.txt Normal file
View File

@ -0,0 +1,7 @@
\v 27 Honi horo eiy fe, ni Yudas e med Silas ahow, honi supi solo na an-an ba o saraham ho puin u ira mateng.
\v 28 Sobo, mino' bi' so honi he'e, fa Roh Bolang med ma niri mi, honie na o tarofe ho med abare tameng bo e mi tarofe na ho' o emota nene.
\v 29 Fe na oba ebang foiy ti faram ho i elet,
ma fuiy ho mi, med na ba o doro' apap amine, med ma doc labuiy laete homi.
Mang fede' na an-an ho' oni ho i u iri buang, i na o no' fe panen. sam ho'o mi meng, honiam fe pi foiy tahol."

1
15/30.txt Normal file
View File

@ -0,0 +1 @@
\v 30 supi mang supi mang sara meang sabor no', supi hel Antiokhia lehel, supi mang jumaat taunung no' supi sura' ho alorang. \v 31 Ho araham, name ba o atino' bit, sari sura' opa' ho ta'an, supi bad herang asel aluling ho eiy ara ham. \v 32 Yudas med Silas, ba supi hodiba nabi, mateng tofang puin supi ano' dume med ano' kufa'.

4
15/33.txt Normal file
View File

@ -0,0 +1,4 @@
\v 33 Supi hemo mi seleme med sel tareng den ho om mi. Name ba o atino' bit nun ho, no' ham fe puin supi ad atain sabor sam name ba supi ahow am ho olap sam.
\v 34 [Honi sobo, silas bite mi no' so honi he'e, hemoro mi seleme med.]
\v 35 Sobo, Paulus med Barnabas Antiokhia mi seleme med, homi gur pel med name lafoh beng ara, Tuhan o fom pa' u maring.
PAULUS MED BARNABAS SELET

2
15/36.txt Normal file
View File

@ -0,0 +1,2 @@
\v 36 Mi tareng den ani he'e, Paulus Barnabas ara hu'tang, "Mae pi foiy tabor bang pali' o mate mi, diail bar nun ba o udume teiy ham ho, o lelang lol, eleme ba pi mi Tuhan o fom pa' u maring, honie pi supi omid ohel ho edun." \v 37 Barnabas om ho, Yohanes ba name olove bite Markus ho adaiy bit.
\v 38 Honi sobo, Paulus eiy om umang ho, name ba Pafilia mi supi elet, e supi ara ham-ham sam karesang baleta nene ho adaiy e.

1
15/39.txt Normal file
View File

@ -0,0 +1 @@
\v 39 Supi om salahin empir horo he'e supi selet barpi. Barnabas Markus ara ted Siprus o bang pali lefa, \v 40 Sobo diail bar o udume ham nun mang Tuhan o hal tafoiy puin supi alorang no', Paulus Silas adaiy supi sabor. \v 41 fe Sa Siria med Kilikia alaiy, homi jumaat nun ho ano' dume.

1
15/title.txt Normal file
View File

@ -0,0 +1 @@
RASUL NUN O SURA' ASEL ( 15 ) ERNU FALING IFIHING

3
26/01.txt Normal file
View File

@ -0,0 +1,3 @@
PAULUS AFEN AGRIPA APONG ADANG
\v 1 Horo, Agripa Paulus ara hu'tang, "Iri ho ihow hu'tang iri u alang." Horo he'e, Paulus satang aha bu hu'tang sari u alang \v 2 "Ma afang rat nun ba Yahudi hinung u nano' ahal eh ho, na ukuru he'e na untu, Afen agripa, asel fed ho' o na uil araham hu'tang nari u alang, \v 3 mi ta-ta fede' ari horo Yahudi hinung o anaiy mi asala med na o ahal nun ho ahol. Honin fe na u abang, om tahang e neiy u alepang.

1
26/04.txt Normal file
View File

@ -0,0 +1 @@
\v 4 Yahudi hinung no fetang daiy afor ta ho ahol, ba mong o a'ai nang mi no fetang horo mi oh, ma no bang pali' o anai ho mi med Yerusalem mi. \v 5 Asel nari ho'o supi nahol em am, mang fede' supi inung, supi no fetang, mong lubung la'ol mi, o sah karang ernu fe u tu-tung gur pel, ma teiy agama ala hain horo fe na ata'ain eh ho bit, nari ho'o Farisi hinung o fetang fe mi.

1
26/06.txt Normal file
View File

@ -0,0 +1 @@
\v 6 Fe fed ho'o, na ho'o mi toh honie no' abul no' ahal lap, asel no udume ho paha' ba Lahtal panen ara med pi bap bale mi. \v 7 Paha' ho' oro sano' o udume ma pi bang pali' lelang ernu faling alo sa mimeng em ha'aiy, horo eiy fe supi som abul-abul puin dal orang, afoh atel Lahtal araham dil lel, dil pana om ho mi eh. Fe sari ong udume ho' oro Yahudi hinung o' ahal med nari tameng eh ho, o Afen. \v 8 Mitaro'ni eiy fe Lahtal name min ano' fetang bite iom upir?

2
26/09.txt Normal file
View File

@ -0,0 +1,2 @@
\v 9 Horo eiy fe, neiy nom bite na uil na lafoh ahal panen ma Yesus Nazaret mi ho' ani lafang. \v 10 Fe horo na Yerusalem mi panen. Na e name bolang nun mang med sapiri solo mi nene, sobo na mang imam-imam o lafung abung o u nahow eiy ho med, ho araham name supi hukung amine bit, na u sofo. \v 11 Horo, na seiy a'ome bang arian di mi supi hukung masing, med na o se' bur lap taro'ni e, supi ahow ebit eng el. med nom ari' ing fail bi fa supi araham, na supi beh par, mita - ta sam mong bang pali' beng di mi."
PAULUS YESUS ARA SAHOL HO U FALENG

Some files were not shown because too many files have changed in this diff Show More