Fri Jul 22 2022 13:24:57 GMT+0800 (Singapore Standard Time)
This commit is contained in:
commit
799c6f096a
|
@ -0,0 +1,7 @@
|
|||
\v 10 Fed ho'o, na ifom no di ailbar, pi Tuhan Yesus Kristus a'ni puin, honi i na o'ha,fe ubang honie sa, tari' tabite ara inai homi e' sobo, iri utaro' alapho tanut ham med inung ham fe mi.
|
||||
|
||||
|
||||
|
||||
|
||||
|
||||
\v 11 Fede', Kloe u name mateng ubangho, i ie' riing ie fail eh, no diailbar.
|
|
@ -0,0 +1,2 @@
|
|||
\v 12 No tanut fed ho, i iri an mateng ubangho, "Nari ho' Paulus mi," med, "Nari ho' Apolos mi," med "Nari ho' Kefas mi," med "Nari ho' Kristus mi."
|
||||
\v 13 Kristus Sa saba'ang? Paulus helti tahil ie re'eng? Eme, i sei tuling tow medho Paulus ani puin?
|
|
@ -0,0 +1,2 @@
|
|||
\v 14 Na mahen bit Lahtal a'raham fede', inaihomi na e' namenudi a'foil nene, seilalho Krispus med Gayus, \v 15 honie sa, namenudi ha'ai ubangho, i sei tuling tow med ho nei nanife mi med honi e'.
|
||||
\v 16 Na Stefanus med o'bang om horo na a'foil; sobo o' a'taain ho name beng dina a'foil soem a'aiho na a'hol nene am.
|
|
@ -0,0 +1,3 @@
|
|||
\v 17 Fede', Krsitus e' nahow name a'foil nene, sobo nahow fom pa'fe umateng, e' na ahol dil ma'eh mateng lurungmi nene, honisa Kristus o' heltiho a'no' na mang tanai e'.
|
||||
|
||||
LAHTAL O' TUTUNG KUFA' MED NA AHOL DIL MA'EH
|
|
@ -0,0 +1,4 @@
|
|||
\v 18 Fede', helti ho umatengho, sano' na bodo kamuke med nameba suhuin a'ai o' se utufeh ho e're'eng, sobo piriba il luling med feho, sari ho' sano' Lahtal o' kufa' med tere'eng. \v 19 Fede' a'ra hul olmeng,
|
||||
|
||||
"Name na ahol dil ma'eh Na a'butung a'sele,
|
||||
med name tanut huding om hulho, Na a'dodo a'lil."
|
|
@ -0,0 +1 @@
|
|||
\v 20 Name omhul a'ra taromi? Taurat o'name omhul a'ra taromi? Zamang u sara mid sara hel o'name omhul a'ra taromi? Lahtal Sa pali' mate o' dil ma'eh ho a'no' bodoam eme a'ai? \v 21 Fede' Lahtal o' na ahol dil ma'eh, pali' mate di sona ahol puin honie Lahtal supi e' a'hol nene am, sobo Lahtal u inung honie, bodo kamuke om mi sura' bolangho umateng, puin nameba o' a'tino' bitam ho a'no' il ano' luling.
|
|
@ -0,0 +1,2 @@
|
|||
\v 22 Fede' Yahudi hinung o' utub udam bang, med Yunani hinung na ahol dil ma'eh lap.
|
||||
\v 23 Sobo ni Kristus ba name helti ta haleng horo ni umateng, sariho Yahudi hinung a'raham he'e sano' foi u u'fit, med nameba e' Yahudi nene honi hee' sano'na bodo kamuke.
|
|
@ -0,0 +1,3 @@
|
|||
\v 24 Sobo, supiba lofe pa' med, sariho name Yahudi eme name Yunani, Kristus horofe Lahtal o' kufa', Lahtal o'dil ma'eh.
|
||||
|
||||
\v 25 Fede' bodo Lahtal miho' horofe na a'hol nameno' ei nemota, moleng malaj Lahtal miho' horofe mi kufa' nameno' ei e'mota.
|
|
@ -0,0 +1,4 @@
|
|||
\v 26 Mang lofe pa' medho i iedun Di'ailbar, bo' mate lol tofang e' na ahol nene, tofang e' aneng nene, tofang e' ada a'hol nene,
|
||||
|
||||
|
||||
\v 27 sobo Lahtal pali' mate ta o' bodoho u tara' puin o' om araho a'no' mala, Lahtal pali' mate ta o' moleng u tara' puin o' kufa'ho a'no' mala maniang.
|
|
@ -0,0 +1 @@
|
|||
\v 28 Med, Lahtal nabafe u ada ahol nene, pali' mate taho nabaso sah lamang med na an anba no' ham nene horo sa u tara' honi puin nano' naham pali' mate eiho ano' suhuin, \v 29 honie sa nameno' ernu haai Lahtal a'raham homi sadel ba' nene.
|
|
@ -0,0 +1,4 @@
|
|||
\v 30 Fede' Sari mi, i ara Yesus Kristus om mi, Sa tano' dil ma'eh, na'abul, ombul, med Lahtal piri u ampo,
|
||||
|
||||
|
||||
\v 31 Honiesa ara hul honi, "Name sarida, Tuhan om mi bad."
|
|
@ -0,0 +1,3 @@
|
|||
UDUME MED LAHTAL TA A'TUHUIN
|
||||
\v 1 Diailbar, na iolap ho' a'raham ho, na e' mateng lurung, na a'hol dil ma'eh nariho na a'tino' honiho puin ho' Lahtal o'na tafuning u ira mateng nene.
|
||||
\v 2 Fede', na nom mi a'hi' ho, nabaso a'ra inai homi na e' a'hol nene, seilal ho, Yesus Kristus, Aiba name helti ta haleng horo solo.
|
|
@ -0,0 +1,3 @@
|
|||
\v 3 Na ira ham-ham moleng om mi, baroc om mi, med na bibil o'karang. \v 4 No mateng pa' med fom pa' na umateng ulurung eh ho, e' na ahol dil ma'eh o' mateng pa' puin o' a'tino' bit nene sobo, o' mi a'tino'ho, Roh bolang med tutung kufa' \v 5 honisa i udumeho med dil ma'eh nameno' ei ho ta a'tuhuin nene sobo, med Lahtal o' tutung kufa' horo ta a'tuhuin.
|
||||
|
||||
LAHTAL SO NA A'HOL DIL MA'EH HO UTUB MED ROH BOLANG A'LAI
|
|
@ -0,0 +1 @@
|
|||
\v 6 Ni na a'hol dil ma'eh ho umateng med supi matebar anaihomi, sobo e' zamang hoo' ei na a'hol dil ma'eh nene, soeme zamang hoo' ei aneng afen ba suhuin a'ai o'semi tufeh horo ei nene, \v 7 honi sobo, ni Lahtal o' na a'hol umateng sano' na tafuning, na a'hol ho tafuning meng, honi sobo zamang turmi a'ra dai he'e, Lahtal sariho a'no' tining med tere'eng am.
|
|
@ -0,0 +1,12 @@
|
|||
\v 8 Aneng afen zamang ho' midi e' a'hol nene. Mang fede' supi a'hol, honi hee' supi Tuhan Yesus ho e' med helti ta haleng nene.
|
||||
|
||||
|
||||
\v 9 Honi sobo mang fede' hul olmeng honi,
|
||||
|
||||
"Nabafe te'fail e'dun dai,
|
||||
|
||||
med tafel e'ma'eh dai,
|
||||
|
||||
med e' a'ra nameno' o'tanut mi dai,
|
||||
|
||||
barpi Lahtal u taro' med nameba A'ri ukarangho e're'eng am."
|
|
@ -0,0 +1 @@
|
|||
\v 10 Honi sobo, na ernuba Lahtal Roh bolang mi u tara matengam, fede Roh bolang ho sa na ernuho e'dun o'malil, sam Lahtal di om mi. \v 11 Fede' nameno' anai miho, anoso an tofang nameno' eiho sa a'hol ho, Roh nameno' afah mi horo eme, roh beng? Ho' he'e, namenudi an tofang Lahtal eiho sa a'hol nene, mang fede' Lahtal o' Roh bolangho e'a'r afah mi nene.
|
|
@ -0,0 +1,2 @@
|
|||
\v 12 Fed ho'mi pi medam, sariho e' pali' mate ei roh nene sobo, Lahtal o' Roh bolang pi med, honie sa an tofang Lahtal med tenamho, pi a'hol.
|
||||
\v 13 Ernu turloba ni ubang eh hoo', ni e' nameno' na a'hol o' mateng pa' mi umateng nene, honi sobo, Roh bolang u nira mateng am horo, honi puin an tofang Roh eiho sa meng sara u ale'.
|
|
@ -0,0 +1,9 @@
|
|||
\v 14 Sobo, nameno'ba Roh bolang mi fetang neneho, ernu turloba Lahtal o'Roh bolang miho sa e'med nene, fede' sari an tofang hoo' sano' na bodo na kamuke med e're'eng. Sa e pahang nene fede sari na hoo' Roh bolang fe om mi u a'le' no'.
|
||||
\v 15 Name Roh mifetangho na tofang sa a'le' no', sobo sari aiho, ano horodi aiho u a'le' sah. \v 16 Fede',
|
||||
|
||||
"Anoso Lahtal o' tanut a'hole puin a'fom no'?"
|
||||
|
||||
|
||||
|
||||
|
||||
Sobo, niriho Kristus o' tanut a'ra nibung, a'ra niom mi.
|
|
@ -0,0 +1 @@
|
|||
PAULUS O' SURA' TAHOW A AINANG JUMAAT KORINTUS EN ASEL MATE ALO
|
|
@ -0,0 +1,4 @@
|
|||
JUMAAT OM MIHO E' MATE DAI
|
||||
\v 1 Sobo, Diail bar, na ira mateng mang fede' name roh mi fetangam honi sah, sobo mangfede' name pali' mate ei honi, sariho mangfde' ai teten Yesus om mi honi,
|
||||
|
||||
\v 2 Na to ien na, e' nemej nene, fede i e' no' dai, o' mitata sam fede ho' midi i e' no' dai,
|
|
@ -0,0 +1,3 @@
|
|||
\v 3 fede' i dai pali' mate ei eh. Fede' a'riing fail, taburang ta'i' dai a'ra inaiho mi eh, honi he'e idai nameno' fetang pali' mate ei eme a'ai?
|
||||
\v 4 Fede', namenu sa ubangho, "Nari Paulus a'ra toh," beng ubangho, "Nari Apolos a'ra toh," honi hee' iriho dai nameno' eh eme a'ai?
|
||||
\v 5 Honife, Apolosho ano? Med, Paulusho ano? Supiho Lahtal o' name baleta ei, horoba i o' atino' bit mangfede' Tuhan med ien iri an am honi.
|
|
@ -0,0 +1,2 @@
|
|||
\v 6 Nariho te' muding, Apolos ulam, sobo Lahtal so a'no' a'bow.
|
||||
\v 7 Honife, e' name te' mudingho nene, e' nameba lamho nene, sobo Lahtalso a'no' a'bow.
|
|
@ -0,0 +1,3 @@
|
|||
\v 8 Nameba te' muding, med nameba lam ho pirnu, no' hee supi sari an o'abor o'den med, supi o'karesang baletaho ei a'taain.
|
||||
|
||||
\v 9 Fede, niriho tenang e'l Lahtal u baleta; iriho Lahtal o'dil o'but, med Lahtal o' esel o'bang pa' an.
|
|
@ -0,0 +1,5 @@
|
|||
\v 10 Untu ada Lahtal med nenho ei a'lol, mang fede' name a'tang molang honi, na fanderen meng, beng ta bang bakung. Sobo, nameno' sari an e'dun, bang med tabakung ho taro' ni.
|
||||
|
||||
|
||||
|
||||
\v 11 Fede', ano horodi sa fanderen beng med meng sah, seilal o'ba a'ra seham horo sariho Yesus Kristus.
|
|
@ -0,0 +1 @@
|
|||
\v 12 Mang fede' name den fanderen hoo'ta bang bakung ho, falofang hir puin, lahung afel puin, foi o'fali mate puin, ti puin, banang puin, na taat puin, honi hee, \v 13 karesangba nameno' sari an panenho uil lel, fede selho afail a'ra tohuil, med afail horo karesang tofangba nameno' sari an ukaresangho sa sara meng sara a'le'.
|
|
@ -0,0 +1 @@
|
|||
\v 14 Mang fede' karesangba ainu panenho dume, honi hee' sa o' a'bor med. \v 15 Mang fede' ainu ei karesangho fail o'h, sari aiho kurang bo' susa lala a'hol, masiki honidi, sa solo il mi muj, sobo o'fetang o'farufing ho mang fede' afail tado' ta biran honi.
|
|
@ -0,0 +1,3 @@
|
|||
\v 16 I e' a'hol ubang iriho Lahtal O'bang manep med O'Roh ara i'om mi nene?
|
||||
|
||||
\v 17 Mang fede' name den bang manepho a'butung, honi hee, Lahtalso sari aiho a'butung, fede' Lahtal O'bang Manep, horoba iri.
|
|
@ -0,0 +1,2 @@
|
|||
\v 18 Ha'ai name den sobobom so bo' a'ra kalufe e're'eng. Mang fede' inai miho den tanut ubangho, zamang ho'omi sa na ahol, sei honie sa sano' name bodo, honie sa na a'hol dil ma'eh.
|
||||
\v 19 Fede', pali' mate o'na a'hol dil ma'eh ho, bodo kamuke Lahtal adang homi. Fede', ara hul olmeng, "Sariso name na a'hol a'puin supi o' ladimang labor mi," \v 20 med, Tuhanso name om ara o'tanut a'hol, barpi mang a'ai horo mamang."
|
|
@ -0,0 +1,4 @@
|
|||
\v 21 Honife, haai name den bo' matemi sano' a'tino' e'. Fede', an tofangho barpi ei mamang, \v 22 sariho Paulus, Apolos, eme Kefas, pali' mate, min eme fetang, an tofangba fed ho' mi em mong ma eh; barpiho na ona.
|
||||
|
||||
|
||||
\v 23 Med, iriho Kristus o'na, med Kristusho Lahtal o'na.
|
|
@ -0,0 +1 @@
|
|||
PAULUS O' SURA' A AINANG TAHOW JUMAAT KORINTUS EN ASEL MATE TOW
|
|
@ -0,0 +1,4 @@
|
|||
DOCBA OB BAR O' A'HALHO ARA JUMAAT MI
|
||||
\v 1 A'bul Na a'hol ma eham, sariho ob bar o' a'hal ara inai homi, no' he'e, a'hal panen ho'oniho, mong bang ernumi e' a'ra dai, sariho nameno' den foil somang o' ob med.
|
||||
|
||||
\v 2 Med, i ino' mi kakarang eh! I a'hain a'fe' honie nameba na ho'oniho panen inai miho supi te'eng i'elet sah?
|
|
@ -0,0 +1,2 @@
|
|||
\v 3 Abul, bo' mate mi na i'elet, sobo Roh bolang mi na a'ra. Med, na hukung salang med nameba naho panenho enam mang fede' na a'ra honi.
|
||||
\v 4 Tuhan Yesus Ani mi, i lubung ta'unung arahamho, roh om mi med pi Tuhan Yesus o' tutung kufa' mi na a'ra ham-ham ira, \v 5 na nom mi a'hi'ho, name ho'onihi na med setang en, honie sa bo' min, honie Tuhan ho' honi hee' o'roh il luling med.
|
|
@ -0,0 +1,3 @@
|
|||
\v 6 Idel ba' ino' a'titino'ho sah. Na doro pir a'pipite' sobo puin na ade no' tofangho a'sahain i e' a'hol nene?
|
||||
\v 7 Na doro pir emho a'no' bolang, honie ino' na ade no' habar, mang fede' so a'bul iriho e' na doro pir honi nene. Fede', Kristus pi Nub Loteho name doro ta oin am.
|
||||
\v 8 Honife, ma' pi ulubung u ta'unung, sobo doro pir puin nene, sah karang puin nene, a'riing fail puin nene, honi sobo ade no' na no' o' a'bul-a'bul horo mi.
|
|
@ -0,0 +1 @@
|
|||
\v 9 Na sura' hul med ien, No sura' om miho: I haai nameba name o'ob lap karangho a'ra tenang el nene. \v 10 No tanut miho, nameba pali' mate ho'o ta name o' ob lap, name maro makakang, nameba name a'dimang a'bor karang, so eme name ti ah foi ah. mang fede' honi, ho he'e, i pali' mate ho'omi hel a'hal sam.
|
|
@ -0,0 +1,4 @@
|
|||
\v 11 Sobo, fed ho'o na hul ien, nameho pi di'ail, sobo sa nasah panen, maro' makakang, ti ah foi ah, name ebit eng el, seina hufang tabur, soeme name ara kalufe, i haai ara tenang e'l nene. O' mitata honi hee, name honiho, a'ra na'de seina nene.
|
||||
|
||||
\v 12 Fede', name luling miho, o' a'bul o' a'hal lap feho e nei karesang nene? Supiba jumaat om miho i o' a'bul o' a'hal lap em e'nene?
|
||||
\v 13 Honi sobo, supiba jumaat om miho, Lahtalso o' a'hal e'dun. Honife, name nasah panen inai miho, a'tetel aralil sa a'hal sam.
|
|
@ -0,0 +1 @@
|
|||
PAULUS O' SURA' A AINANG TAHOW JUMAAT KORINTUS EN ASEL MATE IFING
|
|
@ -0,0 +1,7 @@
|
|||
NAMEBA O' ATINO' UBANGAMHO EI PARAKARA MED EI HUKUNG
|
||||
\v 1 Selnumi inai miho pirnu bengbar a'ra salahain, sa sam name abul nenefe a'bung a'bul lap sobo e' mong name om a'bul a'bung nene?
|
||||
|
||||
|
||||
\v 2 Name om a'bul ho supi pali' mate o' a'bul a'hal lap i e' a'hol nene? mang fede' pali' mate o' a'bul eme o' a'hal iriso lap, honi he'e naba eife parakara kari-kari i umateng sah?
|
||||
|
||||
\v 3 Piriso malaikat o' a'bul o' a'hal umateng i e' a'hol nene? Naba ei fe parakara biasa sel a'rian!
|
|
@ -0,0 +1,6 @@
|
|||
\v 4 Honife, mangfede' parakara o'honiho i hadomang, naba ei sofe i foil fisam nameba e' jumaat a'ra ta'an neneho o'lap sam?
|
||||
|
||||
\v 5 Na ho'o ubang honie i mala. Inai homiho, name om a'raba ma'a so di'ailbar o'salahain umateng no'ho a'ai?
|
||||
|
||||
|
||||
\v 6 O' a'naihomi ho, di'ail pir alo sara a'bul langho lap sam mong nameba o' a'tino' bit nenefe a'bungho ona no'!
|
|
@ -0,0 +1,3 @@
|
|||
\v 7 O' a'bulho, sano' na a'halsam med i'ere'eng fede' iridi iei parakara eme hukung ho a'ra inaihomi. Taro'nife name ino' a'halfeho, i e' u'ining nene? Naba e'isofe i rugiho i e' u'inung nene?
|
||||
|
||||
\v 8 O' a'bultaho, iriso a'hal, iriso rugi. Mitataho, i panen med idiailbar a'raham.
|
|
@ -0,0 +1,4 @@
|
|||
\v 9 Name a'halho Lahtal o'bang bolang e' usei a'no' neneho, i e a'hol nene? Ha'ai sesah lol e'! Name sah panen, name ti ah foi ah, name ob bar o' a'hal, om name a'taain, ob barfe om a'lai,
|
||||
\v 10 name ta'u dur, name maro' makakang, name seina hufang tabur, name e'bit eng el, med name ladimang labor puin untulap, supiho barpi Lahtal o'bang bolang ho e' med u sei a'no' nene. \v 11 Iridi pirnu alo mang fede' honi. Honi sobo, iriho bolangam, iom bolang manepam, i Tuhan Yesus Kristus med Lahtal o' Roh bolang mi a'bul lang om mi toham.
|
||||
|
||||
OB BAR A'RA A'HAL PANENHO E'LET
|
|
@ -0,0 +1,3 @@
|
|||
\v 12 An tofang na how panen no', sobo e barpi untu nene. A'bul, an tofang u'nahow, sobo mang naba horo u'nahow tita foita na na ain.
|
||||
|
||||
\v 13 Namejho nato' ei, nato'ho namej ei, honi sobo so alo Lahtal a'mine a'tubing. Bo' mateho e'ob bar a'ra a'hal panen ei nene sobo, Tuhan ei, med Tuhan ho bo' mate ei.
|
|
@ -0,0 +1 @@
|
|||
\v 14 Lahtal sa Tuhan Yesus a'no' fetang med piridi selnumi honi he'e o' tutung o' kufa' tano' fetang. \v 15 I bo' mateho Kristus a'bale a'tang i e' a'hol nene? A'hal Na Kristus a'bale a'tangho med ano' ob barba sa panenfe lap te'engho o' abale atang honi? So a'ai bolang!
|
|
@ -0,0 +1,3 @@
|
|||
\v 16 Nameba ob bar sah fe panen eiho a'ra pecho, supi sara pirnu am i e' a'hol nene? Fede', Sa ubangho, "Sanang aloho sano' hirnu am."
|
||||
|
||||
\v 17 Honi sobo, nameba Tuhan a'ra fu'ungnu pecnu, honi he'e aiho Rohno Lahtal om mi.
|
|
@ -0,0 +1 @@
|
|||
\v 18 Ob bar o' a'halho e'let! Namenu sa doc bengnu panen, honi he'e e' o' bo' mate homi nene, sobo nameba ob bar o' a'hal, honi he'e, sa so bo' mateho a'no' doc.
|
|
@ -0,0 +1,5 @@
|
|||
\v 19 I bo' mateho Roh bolang o'bang om, Lahtalso med ien, no' he'e, bo' mateho e' ina neneho i a'hol em a'ai?
|
||||
|
||||
|
||||
|
||||
\v 20 Fede' Name iri fel minam. Honife, i bo' iafah iahirho puin Lahtal u taraain, a'no' mate, a'no' lafining!
|
|
@ -0,0 +1 @@
|
|||
PAULUS O' SURA' A AINANG TAHOW JUMAAT KORINTUS EN ASEL MATE TALANG
|
|
@ -0,0 +1,6 @@
|
|||
NIKA O' FOM PAHANG
|
||||
|
||||
\v 1 Fed ho'o, na an-anba i hul nenho: no' fa lotebarba, ob bar a'tor neneho a'raham.
|
||||
|
||||
|
||||
\v 2 Sobo, ob bar a'ra a'hal panenho a'rafe, mino' honi he'e, lotebarho ob a'ra, med ob bardi lote a'ra.
|
|
@ -0,0 +1,2 @@
|
|||
\v 3 Lote sei karesang baleta a'no' a'n med so ob e're'eng, obdi panen honi med solote e're'eng.
|
||||
\v 4 Ob e' sobobom sari ualang nene sobo, loteso ob ualang. Lotedi e' sobobom sari ualang nene sobo, obso lote ualang.
|
|
@ -0,0 +1,7 @@
|
|||
\v 5 Ha'ai ielet nene, sobo mang fede' i u'inungam puin sel utaro' a'pite' med a'o'me e're'eng. No' honi he'e i foil ira fetang ham-ham honie, setang iri pate e' fede, iom tahangfe ho, i e' kufa' dai.
|
||||
|
||||
|
||||
|
||||
|
||||
\v 6 Sobo Na iramateng ho'o, sano' sel il a'pite', e iri parenta nene.
|
||||
\v 7 Nei udumeho, nameno' sobarpi mangfede' nari honife. Honi sobo, nameno' sari an Lahtal o'dil ma'eh med, sariho nu ei honi he'e na ho' ei, beng ei honi he'e na heto ei.
|
|
@ -0,0 +1,3 @@
|
|||
\v 8 O'ba e' nika nene med ob a'lofeho, na ubangho, mino' sohe'e, supi mangfede' nari honi.
|
||||
|
||||
\v 9 Honi sobo, mangfede' supi som tahangsah, honi he'e supi nika. Fede', supi nika somino' puin tanut a atalol uhair honie ha'ai fail oh e'.
|
|
@ -0,0 +1,4 @@
|
|||
\v 10 O' nika amho, na parenta en (e' nari nene, sobo Tuhan) sariho ob ha'ai so lote ad,
|
||||
|
||||
|
||||
\v 11 (sobo mangfede' sa soloteho so adamso, honi he'e sa ha'ai foil lote med e', soeme foil sabor soloteho a'ra tohuil e'), med lotedi so obho ad nene.
|
|
@ -0,0 +1,6 @@
|
|||
\v 12 Mi e'mota Na ubang, (nariso, e' Tuhan nene) sariho mangfede' di'ailnu o' ob ho e' o' a'tino' bit dai, sobo sari ob ho inung ara fetang honi he'e, sa ha'ai so ob ho ad e'.
|
||||
|
||||
\v 13 Foil ba angnu mangfede' ai ob nu o'loteho e' Lahtal o'a'tino' bit dai sobo loteho inung a'ra fetang, honi he'e sa ha'ai soloteho ad e'.
|
||||
|
||||
|
||||
\v 14 Fede' loteba e' o' a'tino' bit daiho, ob om a'no' bolang, med ob ba e' o' a'tino' bit daiho, lote om a'no' bolang. Mang fede' e' honi nene, honi he'e, i aibarho kome karo', honi sobo fedho supi bolang manep.
|
|
@ -0,0 +1,7 @@
|
|||
\v 15 Sobo, mangfede' o'ba e' o' a'tino' bit neneho om ad uma, sei honie sa ad. Na ho'o om mi, u'ding lote eme u'ding ob e' sara pirnu nene am. Honi sobo, Lahtal tolofe, honie bad herang omfe mifetang.
|
||||
\v 16 Fede' ob bar, taro' nife i a'hol, mangfede' iriso ilote a'no' il? Eme, taro' nife i a'hol lotebar, mangfede' iriso i ob a'no' il?
|
||||
|
||||
|
||||
|
||||
|
||||
LAHTAL O' LOFE PA' HO OM MI SEI MASING
|
|
@ -0,0 +1,5 @@
|
|||
\v 17 Sobo, mangfede' Tuhan utub med nameno' a'rian, sariho Lahtal supi o'lofe a'ri anam, horo om mi fetang sei masing. Honife, ho'odi na uparenta med jumaat en sobarpi.
|
||||
|
||||
|
||||
|
||||
\v 18 Name den sohor sotato' om mi Lahtal o'lofe am eme dai? Sa ha'ai sohor sotato' o' utubho a'no' suhuin e'. Naba lofe pa' medam sobo e' sohor sotato' daiho a'ra am em dai? Sa ha'ai sohor sotato' e'. \v 19 Fede', sohor sotato' am eme dai eh di, sariho e' a'tino' bi' nene. Sobo, mi a'tino' ho, Lahtal o' parenta ernu a'ta ain
|
|
@ -0,0 +1,7 @@
|
|||
\v 20 Nameno' sari an fetangho, mangfede' selba sami lofe pa' med honi.
|
||||
\v 21 Lofe pa' med a'rahamho, iriho karesang rac ma'eh o'name? I ha'ai naho u tanut iom upir e'. Sobo, mangfede' iridi il omhomi, mino' honi he'e il omhomi panen a'ten.
|
||||
|
||||
\v 22 Fede, a'iba Tuhan o'lofe med om miho karesang rac ma'eh o'name, honi he'e a'iho name il luling Tuhan ei. Nu honi he'e, nameba il luling mi lofe pa' med, sariho Kristus o'name, karesang sorac hodi o'rupa honi. \v 23 Iriho name itiling med, ifali hi' am, honife ha'ai nameno'fe ukarang rac ma'eh e'.
|
||||
\v 24 Di'ailbar, nameno' sari an Lahtal a'ra fetang, mangfede' selba mi lofe pa' med honi.
|
||||
|
||||
NAME NIKA DAIHO O' FOM
|
|
@ -0,0 +1,3 @@
|
|||
\v 25 Fed ho, name nika daiho ei a'raham, niriho' Tuhan o' parenta e' a'ra nene. Honi sobo, na tanut med ien, nano' nameba Tuhan o' ukarang med, nameba Tuhan udume.
|
||||
|
||||
\v 26 Na utanut honi he'e, karak om mi, sarina ho'o no'. Sariho nino' honi he'e, namenu ei fetangho taro'ni he'e, sa horo mi.
|
|
@ -0,0 +1,4 @@
|
|||
\v 27 I obnu a'ra pec eme a'ai? Ha'ai se'bur lape ad nene. I e' obnu a'ra tohuil dai? I ha'ai ob lap e'.
|
||||
|
||||
|
||||
\v 28 Sobo, mangfede' i nika, honi he'e i e' doc nene. Med, mangfede' ai lafatnu nika, sa e' doc nene. Honi sobo, supiba nika am, honie pali' mate o' karak supi a'raham, nei nomho, supi nahoni elet.
|
|
@ -0,0 +1,6 @@
|
|||
\v 29 Di'ailbar, nei tanutho, sel to'angam. Honife fed ho' miho, supiba ob medamho, fetang mangfede' ob med dai honi,
|
||||
|
||||
|
||||
\v 30 supiba ahain eh ho mangfede' e' ahain nene honi, supiba bad herang eh ho mangfede' e bad herang nene honi, supi nafelho mangfede e' ara supi a'bung nene honi,
|
||||
|
||||
\v 31 med supiba pali' mate ei puin panenho, mangfede' e' puin panen nene honi. Fede', pali' mate ei asalaho suhuin eh.
|
|
@ -0,0 +1,5 @@
|
|||
\v 32 Nei nom umaho, i baroc banibungho u il. Name nika neneho, na an anba Lahtal ei horo sa utanut taro'ni sa Lahtal apang no'.
|
||||
|
||||
|
||||
\v 33 Honi sobo, name nika amho, sa pali' mate ei a'fang-a'fangfe u tanut, taro'nie sa o' ob apangno',
|
||||
\v 34 med o'dun fal miho sabang. Ob barba e' nika nene med lafatbarho, na an-an Lahtal eiho u baroc honie sa sano' om il, sariho bo' dimi sobo laman dimi. Sobo, ob barba nika amho, pali' mate ei na an-anfe ubaroc, taro'nie sa o' lote apangno'.
|
|
@ -0,0 +1 @@
|
|||
\v 35 Na naho'o ubang puin ano' untu, e sano' behang honi med emeng nene, honie sa o'karesang fa Tuhan a'rahamho sari tahang e'.
|
|
@ -0,0 +1,8 @@
|
|||
\v 36 Mangfede' nameden tanut ubangho sa e' na o'no' panen so ob a'raham nene fede' obho o'ur mi tofang, honie horo a'bulso, ho he'e sei honie nabafe om uma eh he'e sa sona panen, sa e' doc nene; sei honi sa supi nika.
|
||||
|
||||
|
||||
\v 37 Sobo, aiba som mi a'tining, nameden e' a'ri paksa nene, sei tanut kufa' puin, no' sa som mi a'hi' ubangho na e' no obho a'ra nika nene honi he'e, sa na o'no'fe panen.
|
||||
|
||||
|
||||
|
||||
\v 38 Honife, mangfede' sa obho a'ra nika, honi he'e o' panenho a'bul, sobo obho sa e' a'ra nika nenedi, o' panenho no'.
|
|
@ -0,0 +1,2 @@
|
|||
\v 39 Obho lote dai fetang eh honi he'e a'ra fu ungnu pecnu. Sobo, mangfede' o'loteho minam, sa il, mang ano horo om uma, sa a'ra nika no' asala sari aiho Tuhan mi fetang.
|
||||
\v 40 Sobo, nei tanut a'ta ain, sa no' ham med so mimate mangfede' sa so fetang tur horo sona a'puin, med nei naraham honi he'e, naridi Lahtal o' Roh bolang a'ra nara.
|
|
@ -0,0 +1 @@
|
|||
PAULUS O' SURA' A AINANG TAHOW JUMAAT KORINTUS EN ASEL MATE ITITO
|
|
@ -0,0 +1,6 @@
|
|||
FOI AH TI AH O' NAMEJ
|
||||
|
||||
|
||||
|
||||
\v 1 Fed ho'o, binangta o'hir fisam foi ah ti ah ei a'raham. Pi a'hol, sariho piri barpi na a'hol dil ma'eh mamang. Na a'hol dil ma'ehho se a'dikung sadel ba', sobo ukarang e'sah ho, puin sah ano' no', karang ano' petang, puin a'ten sobo puin a'home. \v 2 Mangfede' name den tanut ubang sa nanu a'hol, sobo o' a'bul taba sa a'holfeho sa e' a'hol dai.
|
||||
\v 3 Sobo, mangfede' a'inu sa Lahtal ukarang, honi he'e sari a'iho Lahtal a'hol.
|
|
@ -0,0 +1,4 @@
|
|||
\v 4 Honife, binangta o'hir puin foi ah ti ah ei a'raham, pi a'holho pali' mate ho'o miho, foi ah ti ah a'ai, med Lahtal bengdi a'ai, seilalho Sari pirnu horo solo.
|
||||
|
||||
\v 5 Sobo, masiki den name anibit lahtal, sorga bang bolang dimi, med pali' matedi ta, (mangfede' "lahtal" di tofang, "tuhan" di tofang),
|
||||
\v 6 sobo piriho Lahtal nu'le, sariho O'mang. Sari Horomi lelang ernu a'ra, no' he'e piridi a'ra med E're'eng. Med Tuhan hodi nu'le, sariho Kristus Yesus, Sari soba ernu turlo a'ra, med Sari horomi piridi a'ra.
|
|
@ -0,0 +1 @@
|
|||
\v 7 Honi sobo, nameno' e' barpi na ho' a'hol nene. Sobo, name pirnu aloho, foi ah ti ahho a'rader sam fed ho'mimengam, sari namejho supi a'de a'no' foi ah ti ah o'namej. Honife, supi om ahba dai moleng ehho sano' kome karo'.
|
|
@ -0,0 +1,6 @@
|
|||
\v 8 Namej e'tarasam Lahtal a'bung nene. Piridi e' sah bi' nene mangfede' pi e' na'de nene, piridi e' no' bi' nene mangfede' pi na'de.
|
||||
|
||||
\v 9 Sobo uma, sariho ei apangno'ho sano' foi u'fit med o' moleng e're'eng e'.
|
||||
|
||||
|
||||
\v 10 Honife, mangfede' nameden dun ihol, nameho om a'ra, foi ah ti ah elememi na'de, honife om ah mangfede' sa moleng, maa binangta hirba foi ah ti ah eiho puin a'no' kufa' no'?
|
|
@ -0,0 +1,5 @@
|
|||
\v 11 Honife, iei a'holmiho, name molengho, o'di'ail, ei a'raham horoba Kristus umin utabang.
|
||||
|
||||
|
||||
\v 12 Honife, docfa idi'ailbarba ira udumenuho a'raham, supi om molengho a'no' bamed honi he'e, i doc panen fa Kristus a'raham.
|
||||
\v 13 Honife, mangfede' na'deho puin no di'ailbarba nara udumenuho u'fit, honi he'e, na binangta o' hirho foil a'de nene sam so em, honie na haai no di'ailbar ano' u'fit e'.
|
|
@ -0,0 +1 @@
|
|||
PAULUS O' SURA' A AINANG TAHOW JUMAAT KORINTUS EN ASEL MATE TURLO
|
|
@ -0,0 +1,4 @@
|
|||
RASULNU EI UMUNG BA'ANG
|
||||
\v 1 Nari ho'o e' name il nene? Nari ho'o e' rasul nene? Nari ho'o Yesus ba pi Tuhan ho na e' dun a'hol dai? Iriho na Tuhan om mi baleta e' o' hir o' pa' nene?
|
||||
|
||||
\v 2 Mangfede' name beng ubang nariho e' rasul nene, honi he'e nariho i rasul. Fede', iriho Tuhan a'no' dume ma no baleta miho a'raham.
|
|
@ -0,0 +1,4 @@
|
|||
\v 3 Ho'oro puin no hei tareng fa name nari paresa a'raham.
|
||||
\v 4 Iriho iei umung ba'angba na'de seinaho a'ai? \v 5 Niriho umung ba'ang ob ba nira udume nuho a'ra lame a'ra toh ho a'ai, mangfede' rasul beng honi, Tuhan o' di'ailbar, med Kefas hodi a'ai?
|
||||
|
||||
\v 6 Eme, Barnabas solo, med nariba umung ba'ang karesang nene horo?
|
|
@ -0,0 +1,4 @@
|
|||
\v 7 Anoso karesang sano' soldaj sobo sobobom sari mana? Anoso anggur dil ukaresang sobo e' o' pir a'de nene? Eme, anoso binangta gariang sobo e' o' to nana nene?
|
||||
|
||||
|
||||
\v 8 Na na ernu umateng eh ho'o nameno' ei a'lol? Taurat Sura' di e' na o' ham umateng nene?
|
|
@ -0,0 +1,7 @@
|
|||
\v 9 Fede, Musa o' Taurat Sura'mi hul olmeng, "I ha'ai binangtaba ala tatoh eh ho at utel e'!" Honife sari binangta horo Lahtal e'dun?
|
||||
|
||||
\v 10 Eme, tere'eng ei a'raham fe Sa ubang? Ya, tere'eng soba, naho ara hul olmeng fede' bingku puindi o' udume a'ra, o' atuirdi udume a'ra, fede supi barpi sari an umung ba'ang med.
|
||||
|
||||
|
||||
|
||||
\v 11 Mangfede' ni na a'fail bolang med inai homi te', ma' a'lihing eme a'ai mangfede' ni ibung naden med?
|
|
@ -0,0 +1,9 @@
|
|||
\v 12 Mangfede' name beng ei umung ba'ang ho'oni a'ra irita, niei umung ba'ang foil mi mate eme a'ai? Sobo sariho ni e' panen nene. Na ernu niriso tanggo, honie Kristus o' Sura' Bolangho ni ha'ai tel dafail e'.
|
||||
|
||||
|
||||
|
||||
\v 13 Nameba karesang bolang panen ho, Lahtal o' Bang ei namej a'de i a'hol nene? Med, nameba hemang bolang ukaresangho.
|
||||
|
||||
|
||||
|
||||
\v 14 Nameba Sura' Bolang ubaletaho, Tuhan uparenta honie, supi Sura' Bolang homi fetang.
|
|
@ -0,0 +1,2 @@
|
|||
\v 15 Honi sobo, umung ba'ang nunho, na e' den med a'no' nei nene. Med, na e' nanun ho'o hul nene, honie panen honi med naraham. Fede', na min mino', sobo namenu no tarain pa'ho a'no' suhuin napangsah.
|
||||
\v 16 Mangfede', na Sura' Bolang umateng, na dikung tohfeho o' pilang a'ai fede ho'o no karesang asel a'ra narita o'leh. Na sah karang mimuj, mangfede' Sura' Bolangho na e' umateng nene.
|
|
@ -0,0 +1,2 @@
|
|||
\v 17 Mangfede' Sura' Bolangho nei nom a'lol honi he'e, o' a'bor na med. Sobo, ho'o e' nei nom a'lol nene, honi he'e sari ho'o karesang baleta sa a'lorang med nen.
|
||||
\v 18 Mangfede' honiso, honi he'e nei umung ba'angho naba? Nei umung ba'angho na Sura' Bolang umateng eh a'raham, na Sura' Bolang umateng o' umung ba'ang a'ai, med umung ba'angho na puin panen sobo, e' Sura' Bolangho a'lahain nene.
|
|
@ -0,0 +1,3 @@
|
|||
\v 19 Masiki, nariho tofang a'naimi il, med nano' bo' ho aho' tofang ubaleta o'name honie sa o'no' foil mi tofang.
|
||||
|
||||
\v 20 Name Yahudi honi he'e, na nano' mangfede' name Yahudi honi, honisa name yahudiso sano' nametur so mitofang. Nameba Sura' Taurat e'far fetang, na nano' mangfede' nameba Sura' Taurat e'far fetang honi (masiki na nolo Sura' Tauratho e'far nene) honie supiba Sura' Taurat e'far fetangho, na a'no' name tur somi fetang.
|
|
@ -0,0 +1,4 @@
|
|||
\v 21 Supiba Hukung Taurat a'ai, naridi na no' mangfede' Hukung Taurat a'ai honi, (e' mangfede' Lahtal o' hukung a'ai nene, sobo Kristus o' hukung e'far) honie sa supiba Hukung Taurat a'aiho, na a'no' nametur somi tofang. \v 22 Nameba moleng honi he'e, naridi moleng honie sa, supi molengho naridi moleng. Na ernu na panen tofang e're'eng honie no' panen ernuho puin pirnu alo a'no' il.
|
||||
|
||||
|
||||
\v 23 Ho'o na barpi panenho Sura' Bolang ei e're'eng honie ei umung ba'ang neiba a'ra ommiho na nona med.
|
|
@ -0,0 +1,6 @@
|
|||
\v 24 Name tofang sara te'eng bi'ingbol lap sobo, pirnu le na med i e' a'hol nene? Honife, iridi te'eng honiho panen iridi named!
|
||||
|
||||
|
||||
|
||||
\v 25 Nameba tofang eng a'dangmi biing bol utot feho, sa an tofang u sakola med so bo' mate e're'eng. Supi panen puin hide pali' mate eife lap, sobo piriho panen puin hide so em med.
|
||||
\v 26 Honife, mangtanai o' te'eng eh, na e'ho panen nene. Na mateng a uning dil oh mifew e' mangfede' nameba satang a uning e, hamoi mi few honi nene. \v 27 Sobo, na no' bo' mateho u taro' a'titino' honie na Sura' Bolangho u name beng a'ra mateng honi he'e, name ha'ai no sah bit e'.
|
|
@ -0,0 +1 @@
|
|||
PAULUS O' SURA' A AINANG TAHOW JUMAAT KORINTUS EN ASEL TIEINU
|
|
@ -0,0 +1,10 @@
|
|||
ISRAEL O' A'HALHO TANO' NA A'HOL
|
||||
\v 1 Fede', i e' a'hol neneho na u naain Di'ailbar, fede' pi bap baleho barpi lafining e'far, med barpi tang a'lai.
|
||||
|
||||
|
||||
|
||||
|
||||
\v 2 Supi barpi Musa om mi a'foil, tafiing om mi med tang om mi.
|
||||
\v 3 Supi namej bolang ham a'de,
|
||||
|
||||
\v 4 med supi barpi sei bolang ham na. Fede', seiba supi naho, Foi bolangba supi a'ra tohuil horo lol ho' sariho Kristus.
|
|
@ -0,0 +1,3 @@
|
|||
\v 5 Honi sobo, supi habuden mate Lahtal apang sah, Lahtal u sa'ain. Horoba, mong laham mi supi min a'hol.
|
||||
|
||||
\v 6 Fed ho'o, na honiho sano' ukung med tere'eng, honie pi haai tano' name om sah, mangfede' supi ei om uma honi e'.
|
|
@ -0,0 +1,3 @@
|
|||
\v 7 Pi haai tano' name ti ah foi ah mangfede' supi pirnu alo honi e', mangfede' hul olmeng honi, "Supiho mih na'de seina, no' he'e toh e ha' or."
|
||||
|
||||
\v 8 Pi haai obbar a'ra a'hal panen mangfede' supi pirnu alo panen honi e', fede' supi ho panen horoba, supi pir rib eralo faling tow fednu puin min.
|
|
@ -0,0 +1,3 @@
|
|||
\v 9 Piridi hai Tuhan a'pate, mangfede' supi pirnu alo hodi a'pateba mon supi a'mine oh honi e'.
|
||||
|
||||
\v 10 Iridi haai ma urung manac mangfede' supi ma urung manacba malaikat min ei supi a'mine honi e'.
|
|
@ -0,0 +1,4 @@
|
|||
\v 11 An tofangba supi araham ho sano' ukung, hulmeng tano' uma, zamang o' a'muj mi honi he'e med ano en.
|
||||
\v 12 Honife, anoso tanut sa toh dume, honi he'e sari bu'ang no' no' honie sa haai ol!
|
||||
|
||||
\v 13 Goda pate den e' ihol dang nene, seilalba goda pateba nameno' ei araham. Med, Lahtalho pa' bala, Lahtal e' iad itain honie, goda pate iraham iholdang sam i kufa'ho a'lihing nene. Honi sobo, goda pateho ei araham Sa se'bur during honie ifit no' fan no'.
|
|
@ -0,0 +1,5 @@
|
|||
\v 14 Honife, No di'ailbar Lahtal o' ukarang om mi, i bo' mate, iafah iahirho, fit te'eng ti ah foi ah ho e'let. \v 15 Na mateng ho'o mangfede' na name om arafe ara mateng eh ba, nabafe na ubang eh ho, u tanut no' no'.
|
||||
\v 16 Anggurba pina, o' mahen fewho e' Kristus o' fui ara sano' nu nene? Med, rotiba pi a'deho e' Kristus o'hir ara pirnu nene?
|
||||
|
||||
|
||||
\v 17 Fede' roti pa'nu, horoba piri tofangho bo'nu utoh; fede' piriho barpi roti pa'nu horo o' beng.
|
|
@ -0,0 +1,3 @@
|
|||
\v 18 Israel hinungho e dun, supiba ukarang o' na'deho a'ra mong Lahtal o' hemangbo' mi?
|
||||
|
||||
\v 19 Honife, nei tanutho naba? Namejba puin ti ah foi ah ho sano' naden? Eme, ti ah foi ahho sano' sanu?
|
|
@ -0,0 +1,7 @@
|
|||
\v 20 A'ai. Na iramateng, an tofang bang ernu fit ho' fit ma ho, supi med roh sah ernufe e're'eng, e' med Lahtal e're'eng nene. Med, i roh sah a'ra tenang el na u naain.
|
||||
|
||||
\v 21 I haai Tuhan o' tu ai med setang o' tu ai sara mi seina e'. Ino' Tuhan ei namej med setang ei namejho i barpi ino' o'beng sah.
|
||||
|
||||
\v 22 Eme, pi Tuhan o' a'riing utafing? Pi mi kufa' E'mota?
|
||||
|
||||
FETANGHO PUIN LAHTAL UTARAIN
|
|
@ -0,0 +1,2 @@
|
|||
\v 23 "An tofangho mang no' horo mamang," honi sobo e' barpi untu nene. "An tofangho no' horo mamang," honi sobo e' barpi a'ten a'home nene.
|
||||
\v 24 Namenu haai no' lap solo sere'eng nene, sobo no' med name bengdi a'raham.
|
|
@ -0,0 +1 @@
|
|||
\v 25 Nabafe mong binangta dang fail eleme homi a'de sobo mi e'dun nene, sariho om ah ei a'lol. \v 26 Fede', pali' mate med lelang ernu pali' mate taho Tuhan o'na. \v 27 Mangfede' nameba o' a'tino' bit daiho nu o'lofe a sam, nabafe sa med a'raham a'mihing a a'de mi e'dun nene, fede' om ah ei.
|
|
@ -0,0 +1,5 @@
|
|||
\v 28 Sobo, mangfede' name ara mateng ubangho, "Namej ho'o puin ti ah foi ah amso," honi he'e haai a'de e', fede' name ara matengho, med om ah ei a'lol.
|
||||
|
||||
\v 29 Nei tanutho, e' ei om nene, sobo name beng ei om. Naba eife, nei il lulingho name beng ei om ah so ubang?
|
||||
|
||||
\v 30 Mangfede' na neife med o'mahen few, naba eife namejba na o'mahen bitho u nano' ahal?
|
|
@ -0,0 +1,5 @@
|
|||
\v 31 Honife, nabafe i a'de na, nabafe i panen, barpi panen puin Lahtal a'ni u tarain.
|
||||
|
||||
\v 32 Ha'ai name ano' u'fit nene, Yahudi eme Yunani, so eme Lahtal o'jumaat,
|
||||
|
||||
\v 33 mangfede' nari honi, a'fang ernu panen name tofang apang anono', e' untu lap nere'eng nene, sobo untu med tofang e're'eng honie supi il luling med.
|
|
@ -0,0 +1 @@
|
|||
PAULUS O' SURA' A AINANG TAHOW JUMAAT KORINTUS EN ASEL MATE ERNU
|
|
@ -0,0 +1,9 @@
|
|||
\v 1 Ino' nameba no' panen no' a'tenho a'taain, mangfede' na panen Kristus ara ham honi.
|
||||
|
||||
BU'ANG ANENG O' UTUB
|
||||
\v 2 Fed ho'o, na iri utarain fede' na tofang om mi i nano' na uma, med nei asalaba na u ira matengho i a'puin.
|
||||
|
||||
\v 3 Sobo, nei nom umaho i a'holfe, sariho lotebar ei lafungho Kristus, obbar ei lafungho lotebar, med Kristus ei lafung ho Lahtal.
|
||||
|
||||
|
||||
\v 4 Lotebarho a'o'me om mi med mateng lurung om mi selafung utel, honi he'e sa selafung e' u ada a'hol nene.
|
|
@ -0,0 +1,2 @@
|
|||
\v 5 Sobo, obbar nunho a'o'me med mateng lurung om mi e' selafung utel nene, honi he'e sa selafung e'bit, sariho mangfede' sa selafungho pa'er bolang honi.
|
||||
\v 6 Sariho, mangfede' name obnu sa e' selafung utel nene, sei honi sa selafungho ta oin a'no' pol. Sobo, mangfede' name obnu sa selafung ta oin eme gar polho sa mala, honi he'e sei honie sa selafungho utel.
|
|
@ -0,0 +1,3 @@
|
|||
\v 7 Lotebar ha'ai selafung utel e' fede' sariho Lahtal o' lalaman, med Lahtal o' lel o' madal. Sobo, obbarho lotebar o'lel o' madal.
|
||||
|
||||
\v 8 Lotebarho e' obbar lol ho' nene, sobo obbarho lotebar lol ho'.
|
|
@ -0,0 +1,2 @@
|
|||
\v 9 Med, lotebar a'ten a'homeho e' obbar e're'eng nene, sobo obbarho lotebar e're'eng.
|
||||
\v 10 Horoba, obbarho sa u'il-u'il bu'ang gariang o' utubho med selafung ta, fede' malaikat tofang.
|
|
@ -0,0 +1,2 @@
|
|||
\v 11 Honi sobo, Tuhan om miho, ob barho lote a'ai nene, eme lotebarho ob a'ai nene.
|
||||
\v 12 Fede', obbarho lotebarfe miho', no' honi he'e lotebarho obbarso a'fain. Med, airnu turloho Lahtalfemi ho'.
|
|
@ -0,0 +1,10 @@
|
|||
\v 13 Idai utanut, name obnu sa a'o'me Lahtal aramateng, sa e' selafung utel neneho a'bul eme a'ai?
|
||||
|
||||
\v 14 Pali' matedi aramateng ubangho, mangfede' lotebar lafung laiho, e' sano' e'bit eng el nene?
|
||||
|
||||
|
||||
\v 15 Sobo, mangfede' obbar lafung lai, honi he'e sariho tarain pa' med a'raham: Fede', ari' anemang laiho puin lafungpir utel.
|
||||
|
||||
\v 16 Mangfede' name den usa ain honi he'e, niei asalaho e' honi nene, Tuhan o' jumaatdi e' honi nene.
|
||||
|
||||
AHALBA A'RA NA'DE SEINA BOLANG OM MI
|
|
@ -0,0 +1,5 @@
|
|||
\v 17 Parenta ien om miho, na e' iri utarain nene fede' i lubungho e' na no' ulubung nene, sobo na sah fe ulubung.
|
||||
|
||||
\v 18 Aainang, i lubung ta unung ino' jumaatho, na ma'eh he'e tari' tabite a'ra inai mi. Med, na o' a'tino' bit.
|
||||
|
||||
\v 19 Fede', tari' taberangho sei a'ra inai homi honie, supi dumetoh ho ara lel inaihomi.
|
Some files were not shown because too many files have changed in this diff Show More
Loading…
Reference in New Issue