Merge branch 'master' of C:\Users\Lenovo\AppData\Local\BTT-Writer\temp\sbx_rom_text_ulb\sbx_rom_text_ulb

09/01.txt

@@ -0,0 +1 @@
+\c 9 \v 1 Aku madah kebenar alam Kristus, aku nai ngampur. Ingan ati aku namai besaksi alam Roh Kudus, \v 2 kalau aku matang silu udik runtik silu ati.

09/03.txt

@@ -0,0 +1 @@
+\v 3 Udik, aku kak dekutuk ngau perarak ari Kristus demi bala menyadik aku, bala bansa aku upa tubuh. \v 4 Kerena sidak mek urang Israel, sidak udah deangkat jadi anak, udik sidak udah nerima kemuliaan, pejanyi-pejanyi, ukum Taurat, ibadah, ngau janyi-janyi. \v 5 Sidak me keturun apai-apai bala puyang jagang, umuh jauh, te nurun ke Mesias alam pemisik ya upa mensia, te isik de atau semua yak. Ya me Allah te arus depuji sampai selamak-lamak. Amin

09/06.txt

@@ -0,0 +1 @@
+\v 6 Tapi firman Allah nai mungkin gagal. Kerena nai semua urang te datai ari Israel yak urang Israel, \v 7 udik nai ugak semua te de itung keturun Abraham yak anak Abraham, tapi: "Te asal ari Ishak yak kak desebut keturun kitak".

09/08.txt

@@ -0,0 +1 @@
+\v 8 Reti: Bukai anak-anak jekuk ke dagin yak me anak-anak Allah, tapi anak-anak pejanyi te depadah keturun te benar \v 9 Kerena firman tuk bisik janyi: "Rama ari upa tuk me Aku kak datai udik Sara kak bisik anak bakas".

09/10.txt

@@ -0,0 +1 @@
+\v 10 Tapi bukai angak yak na. Matang terang agik yak me Ribka te nganung ari surang, yak me ari Ishak, apai purih kita. \v 11 Kerena rama anak-anak yak apan adai udik apan mulah te baik atau te jaik, - isak amuk Allah ngau penekak-Ya diteguh ke, bukai empadai pempulah, tapu empadai pengumai-Ya - \v 12 depadah ke Ribka: "Anak te tuai kak jadi hamba anak te mudak", \v 13 upa isik tetulis: "Aku ngasih Yakub, tapi bencik Esau".

09/14.txt

@@ -0,0 +1 @@
+\v 14 Antik piak, nama te kak kita padah? Nama Allah nai adil? Nai masuk akal! \v 15 Kerena ya befirman ngau Musa: "Aku kak naruh pengasih ngau sapa udik Aku bemurah ati ngau sapa Aku kak bemurah ati". \v 16 Jadi hal yak nai tegantung ngau penekak urang atau usaha urang, tapi ngau kemurah ati Allah.

09/17.txt

@@ -0,0 +1 @@
+\v 17 Kerena Kitab Suci madah ngau Firaun: "Yak me penyebab Aku ngidup kitak, isak Aku madah ke Kuasa Aku de alam kitak, udik isak nama Aku depuji de seluruh bumi". \v 18 Jadi ya naruh pengasih ngau sapa te dekedekak-Ya udik Ya nguat ke ati sapa te dekedekak-Ya.

09/19.txt

@@ -0,0 +1 @@
+\v 19 Pituk kitak kak banai ngau aku: "Antik piak, nama agik te desalah ke-Ya? Kerena sapa te ngelaban penekak-Ya?". \v 20 Sapa me kitak, ui mensia, mangka kitak mantah Allah? Tau nai te depulah banai ngau te mulah ya: "Ngapa kitak mulah aku piak?". \v 21 Nama tukang sampau nai bisik hak ngau tanah kunin yak, mulah ari kumpal te sama ngau dengau tujuan te mulia udik guna tujuan te biasa?

09/22.txt

@@ -0,0 +1 @@
+\v 22 Jadi, kalau angak madah ke peluat-Ya udik madah kuasa-Ya, Allah naruh penyabar te besai ngau te nyuruh peluat-Ya, te udah desiap ke ngau benasa - \v 23 justru ngau madah pengaya kemuliaan-Ya ngau te nyuruh pengasih-Ya te udah desiap ke-Ya ngau kemuliaan, \v 24 yak me kita, te udah dekumai-Ya bukai angak ari urang Yahudi, tapi ugak ari bansa-bansa lain.

09/25.txt

@@ -0,0 +1 @@
+\v 25 Upa te defirman ke-Ya ugak alam kitan nabi Hosea: "Te bukai umat-Aku kak aku padah: umat-Aku udik te bukai kekasih: kekasih". \v 26 Udik de tempat, dini kak depadah ngau sidak: "Kitak tuk bukailah umat-Aku," din kaka depadah ngau sidak: "Anak-anak Allah te idup".

09/27.txt

@@ -0,0 +1 @@
+\v 27 Udik Yesaya mukau madah ke Israel: "Sekalikpun pemayuh anak Israel upa pasir de laut, tapi angak sisa yak kak deselamat ke. \v 28 Kerena nama te udah defirman ke-Ya, kak depulah Tuhan datau bumi, sempurna udik sigat". \v 29 Udik upa te depadah Yesaya seapan yak: "Keranuk Tuhan semesta alam nai nudi ke kita keturun, kita udah jadi upa Sodom ngau sama upa Gomora".

09/30.txt

@@ -0,0 +1 @@
+\v 30 Antik piak, nama te kak kitak padah? Tuk: kalau bansa-bansa lain te nai ngejar kebenar, udah bulih kebenar, yak me kebenar empadai iman. \v 31 Tapi: kalau Israel, matang kak ngejar ukum te kak natai kebenar, nai me sampai ngau ukum yak.

09/32.txt

@@ -0,0 +1 @@
+\v 32 Ngapa nai? Kerena Israel ngejar yak bukai kerena iman, tapi kerena pempulah. Sidak tekait ngau batu pengait, \v 33 upa isik tetulis: "Te sebenar, Aku naruh yak de Sion tang batu te tau deteguk udik tang batu pengait, udik sapa te pecayak ngau-Ya, nai kak depemalu ke".

09/title.txt

@@ -0,0 +1 @@
+Penekak ngau Israel

10/01.txt

@@ -0,0 +1 @@
+\c 10 \v 1 Bala menyadik, penekak ati aku udik doa aku ngau Tuhan yak me, isak sidak deselamat ke. \v 2 Kerena aku tau merik saksi ke sidak, kalau sidak matang manting ngau Allah, tapi nadai ngerti te benar. \v 3 Kerena, empadai sidak nai ngelala kebenar Allah udik empadai sidak manting ngering kak niri kebenar sidak kedirik, mangka sidak nai takut ngau kebenar Allah.

10/04.txt

@@ -0,0 +1 @@
+\v 4 Kerena Kristus yak me kebenar ukum Taurat, udik kebenar te de ulih urang-urang te pecayak. \v 5 Kerena Musa nulis ke kebenar empadai ukum Taurat: "Urang te mulah yak, tau idup empadai yak".

10/06.txt

@@ -0,0 +1 @@
+\v 6 Tapi kebenar empadai iman madah piak: "Anang madah ke de alam ati kitak: Sapa te kak naik ke surga?", yak me: ngau ngemaik Yesus turun, \v 7 atau: Sapa te kak turun ke jurang maut?", yak me ngau ngemaik Kristus naik ari urang mati.

10/08.txt

@@ -0,0 +1 @@
+\v 8 Tapi nama jekuk ya? Tuk: "Firman yak damping ngau kitak, yak me de alam mulut kitak ngau de alam ati kitak". Yak me firman iman, te kak kami padah. \v 9 Kerena antik kitak ngakuk ngau mulut kitak, kalau Yesus yak me Tuhan, udik pecayak de alam ati kitak, kalau Allah udah ngidup Ya ari urang mati, mangka kitak kak deselamat ke. \v 10 Kerena ngau ati urang pecayak udik debenar ke, ngau mulut urang te ngakuk udik deselamat ke.

10/11.txt

@@ -0,0 +1 @@
+\v 11 Kerena Kitab Suci madah: "Sapa te pecayak ngau Ya, nadai kak depemalu ke". \v 12 Kerena nisik bida urang Yahudi ngau urang Yunani. Kerena Allah te sutik yak me Tuhan ari semua urang, kaya ngau semua urang te mukau ke Ya. \v 13 Kerena sapa te mukau ke nama Tuhan, kak deselamat ke.

10/14.txt

@@ -0,0 +1 @@
+\v 14 Tapi tipa sidak tau mukau ke Ya, antik sidak nai pecayak ngau Ya? Tipa sidak tau pecayak ngau Ya, antik sidak nai ninga te tang Ya. Tipa sidak ningai tang Ya, antik nisk te madah ke Ya? \v 15 Udik tipa sidak tau madah ke Ya, antik sidak nai de utus? Upa isik tetulis: "Matang baik penatai sidak te ngemaik kabar baik!".

10/16.txt

@@ -0,0 +1 @@
+\v 16 Tapi nai semua urang udah nerimak kabar baik yak. Yesaya kedirik banai: "Tuhan, sapa te pecayak ngau pemadah kami?". \v 17 Jadi, iman timul ari peninga, udik peninga empadai firman Kristus.

10/18.txt

@@ -0,0 +1 @@
+\v 18 Tapi aku betanyak: Isik nai sidak te nai ninga yak? Matang sidak udah ninga: "Ingan sidak sampai ke seluruh dunia, udik anai sidak sampai kujung bumi".

10/19.txt

@@ -0,0 +1 @@
+\v 19 Tapi aku betanyak: Isik nai Israel nangap yak? Petama-tama  Musa banai: "Aku nyadi ke kitak ngemuru ngau urang-urang te bukai umat udik ngidup ke peluat kitak ngau bansa te bebal".

10/20.txt

@@ -0,0 +1 @@
+\v 20 Udik ngau berani Yesaya madah: "Aku udah bekedekak de temu ke sidak te nai ngegak Aku, Aku udah madah kedirik ngau sidak te nai nanyak Aku". \v 21 Tapi te tang Israel ya banai: "Sepanyai ari Aku udah ngulur ke jari aku ngau bansa te nai taat udik te mantah".

10/title.txt

@@ -0,0 +1 @@
+Penekak ati aku ngau doa aku ngau Tuhan

11/01.txt

@@ -0,0 +1 @@
+\c 11 \v 1 Mangka aku betanyak: Isik nai Allah nulak umat-Ya? Sekalik-kalik nai! Kerena aku kedirikpun urang Israel, ari keturun Abraham, ari suk Benyamin. \v 2 Allah nai nulak umat-Ya te depilih-Ya. Atau kitak nai ketau, nama te depadah Kitab Suci te tang Elia, rama ya ngadu ke Israel ngau Allah: \v 3 "Tuhan,  nabi-nabi Nuan udah sidak bunuh, temparak-temparak Nuan udah sidak rentap ke; angak aku kedirik te agik idup udik sidak kak munuh aku".

11/04.txt

@@ -0,0 +1 @@
+\v 4 Tapi tipa firman Allah ngau ya? "Aku agik nudi ke tujuh ribu urang, te nai suah kak nyemah Baal". \v 5 Piak ugak rama tuk isik tedudi sisak, jekuk penekak kasih karunia.

11/06.txt

@@ -0,0 +1 @@
+\v 6 Tapi antik hal yak jadi empadai kasih karunia, mangka bukai agik empadai pempulah, kerena antik nai piak, mangka kasih karunia yak bukai agik kasih karunia. \v 7 Jadi tipa? Israel nai bulih nama te dekejar ya, tapi urang-urang te depilih udah bulih yak. Udik urang-urang te lain udah kuat ati ya, \v 8 upa isik te detulis: "Allah mulah sidak tinuk nyenyak, merik mata ngau nai medak udik pening ngau nai ninga, sampai ke ari pituk".

11/09.txt

@@ -0,0 +1 @@
+\v 9 Udik Daud banai: "Isak me pemakai sidak jadi jerat udik  perangkap, nyuruh sesat ngau malas ke sidak. \v 10 Udik isak me mata sidak jadi keleman, isak sidak nai medak, udik mulah pungung sidak runtik bungkuk".

11/11.txt

@@ -0,0 +1 @@
+\v 11 Mangka aku betanyak: Isik nai sidak tekait udik jatuk? Sekalik-kalik nai! Tapi empadai sidak ngelangar, keselamatan udah sampai ngau bansa-bansa lain, isak mulah sidak ngemuru. \v 12 Kerena antik sidak ngelangar, bereti kekaya ke dunia, udik bansa-bansa lain, lebih agik nyuruh sidak sempurna.

11/13.txt

@@ -0,0 +1 @@
+\v 13 Aku banai ngau kitak, ui bansa-bansa te bukai Yahudi. Justru kerena aku rasul ke bansa-bansa bukai yahudi, aku ngangap hal yak kemuliaan pelayan aku, \v 14 yak me anti aku tau ngidup ke ngemuru de alam ati bala te sutik bansa ngau aku jekuk ke dagin udik tau nyelamat ke berapa urang ari sidak.

11/15.txt

@@ -0,0 +1 @@
+\v 15 Kerena antik sidak nulak reti damai ke dunia, tau me te sidak terimak bisik reti te lain ari pada idup sentara urang mati? \v 16 Antik ruti tuai yak kudus, mangka semua bahan te ngau mulah ruti yak kudus ugak, udik antik akar yak kudus, mangka bala cabang kudus ugak.

11/17.txt

@@ -0,0 +1 @@
+\v 17 Kerena yak antik berapa cabang udah depatah ke udik kitak upa sumuk liar te udah decangkuk ari yak udik bulih bagian alam akar pun zaitun te penuh getah, \v 18 ananglah kitak ngepah ngau cabang-cabang yak! Antik ngepah, ingat me, kalau bukai kitak te ngetan akar yak, tapi akar yak te ngetan kitak.

11/19.txt

@@ -0,0 +1 @@
+\v 19 Amang kitak kak madah : isik nai cabang-cabang te depatah ke, isak aku decangkuk ke ari yak upa sumuk. \v 20 Baik me! Sidak depatah ke empadai nai pecayak, udik kitak bedirik tegap empadai iman. Ananglah kitak sumung, tapi takut me! \v 21 Kerena kalau Allah nai kak ke cabang-cabang asli, ya ugak nai kak ke kitak.

11/22.txt

@@ -0,0 +1 @@
+\v 22 Kerena yak pedak ke kemurah Allah udik kekeras-Ya ugak, yak me kekeras ngau urang-urang te udah jatuk, tapi ngau kitak kemurah-Ya, yak me antik kitak runtik alam kemurah-Ya; antik nai, kitakpun kak detungkung ugak.

11/23.txt

@@ -0,0 +1 @@
+\v 23 Tapi sidakpun kak decangkuk agik, antik sidak runtik nai pecayak alam sidak, kerena Allah bekuasa ngau nyangkuk sidak agik. \v 24 Kerena antik sidak udah detungkung upa cabang ari pun zaitun berari, udik belaban ngau keadaan kitak yak, kitak udah decangkuk ke ari pun zaitun te baik, lebih agik sidak tuk, te jekuk asal sidak kak decangkuk ari pun zaitun sidak kedirik.

11/25.txt

@@ -0,0 +1 @@
+\v 25 Kerena, bala menyadik, isak kitak anang ngangap dirik kitak numut, aku kak isak kitak ketau ke rahasia tuk: Sebagi ari Israel udah jadi kuat sampai jumlah te penuh ari bansa-bansa lain udah tamak.

11/26.txt

@@ -0,0 +1 @@
+\v 26 Ngau jalai piak, seluruh Israel kak deselamat ke, upa isik te detulis: "Ari Sion kak datai Penebus, ya kak ngari ke semua te jaik te tang Yakub. \v 27 Udik tuk me pejanyi Aku ngau sidak, antik Aku kak ngapus dusa sidak".

11/28.txt

@@ -0,0 +1 @@
+\v 28 Te jekuk Injil sidak yak me belaban ngau Allah empadai kitak, tapi jekuk penekak sidak yak me kekasih Allah empadai inik puyang. \v 29 Kerena Allah nai nyesal kasih karunia ngau pengumai-Ya.

11/30.txt

@@ -0,0 +1 @@
+\v 30 Kerena upa kitak dulau te nai taat ke Allah, tapi pituk bulih kemurah empadai sidak nai taat, \v 31 piak ugak sidak pituk nai taat, isak empadai kemurah te udah kitak ulih, sidak ugak tau bulih kemurah yak. \v 32 Kerena Allah udah ngurung semua urang empadai ke nadai taat, isak ya tau madah ke kemurah-Ya ngau sidak semua

11/33.txt

@@ -0,0 +1 @@
+\v 33 U, matang dalam kekaya, kebaik ngau pengatau Allah! Matang nai isik te tau nyelidik pemutus-pemutus-Ya udik matang nai teselam jalai-jalai-Ya! \v 34 Kerena, sapa te ketau pemikir Tuhan? Atau sapa te suah jadi penasihat-Ya?

11/35.txt

@@ -0,0 +1 @@
+\v 35 Atau sapa te suah merik nama-nama ngau Ya, sampai ya arus nganti ke yak? \v 36 Kerena semua yak me ari Ya, empadai Ya, ngau Ya: Jekuk Ya me kemuliaan sampai selamak-lamak!

11/title.txt

@@ -0,0 +1 @@
+Sisak Israel

12/01.txt

@@ -0,0 +1 @@
+\c 12 \v 1 Kerena yak, bala menyadik, empadai kemurah Allah aku madah kitak, isak kitak mempesemah tubuh kitak upa pesemah te idup, te kudus udik te de kedekak ngau Allah: yak me Ibadah kitak te sejati. \v 2 Ananglah kitak jadi upa ngau dunia tuk, tapi berubahlah empadai budi kitak te udah desemaik, isak kitak tau mida ke ni penekak Allah: nama te baik, te kedekak Allah ngau te sempurna.

12/03.txt

@@ -0,0 +1 @@
+\v 3 Jekuk ke kasih karunia te deberik ngau aku, aku madah ke semua urang ari kitak: Ananglah kitak mikir ke hal-hal te tingik ari te patut kitak pikir, tapi keranuk kitak bepikir piak ugak, isak kitak nguasai dirik jekuk ke pengukur iman, te deberik Allah ngau kitak semua.

12/04.txt

@@ -0,0 +1 @@
+\v 4 Kerena sama upa ari sutik tubuh kita empu mayuh anggota, tapi nai semua anggota yak ngempu tugas te sama, \v 5 piak ugak kita, biar me mayuh, yak me sutik tubuh de alam Kristus; tapi kita masing-masing anggota te surang ngau te lain.

12/06.txt

@@ -0,0 +1 @@
+\v 6 Piak me kitak ngempu karunia te lain-lain jekuk ke kasih karunia te deberik ngau kita: Antik karunia yak udah deramal ke, baik me kitak mulah yak sesuai ngau iman kita. \v 7 Antik karunia ngau ngelayanm baik me kita ngelayan; antik karunia ngau ngajar, baik me kita ngajar; \v 8 antik karunia ngau madah te baik, baik me kita madah te baik ugak. Sapa te magi nama-nama, keranuk ya ngereja yak ngau ati te iklas; sapa te merik pemimpin, keranuk ya ngereja yak ngau rajin, sapa te madah kemurah ya, keranuk ya ngereja yak ngau sukacita.

12/09.txt

@@ -0,0 +1 @@
+\v 9 Keranuk kasih yak anang purak-purak! Jauh ke te jaik ngau pulah te baik. \v 10 Keranuk kitak sama-sama ngasih pangan upa menyadik udik sama-sama dulau merik hormat.

12/11.txt

@@ -0,0 +1 @@
+\v 11 Ananglah keranuk kerajin kitak kenur, isak me roh kitak bekawang-kawang udik lakun me Tuhan. \v 12 Begagalah alam pengarapan, sabar alam sekut, udik tekun alam doa! \v 13 Bantuklah kekurang urang-urang kudus udik usaha ke dirik kitak isak seruntik merik tumpangan!

12/14.txt

@@ -0,0 +1 @@
+\v 14 Berkati me semua te nyisa kitak, berkati ngau anang ngutuk! \v 15 Gagalah ngau urang te gaga, udik nyabak ngau urang te nyabak! \v 16 Keranuk kitak seati sepikir alam idup kitak; ananglah kitak mikir masalah-masalah te tingik, tapi tarah ke dirik kitak ngau masalah-masalah te mudah. Ananglah ngangap dirik kitak numut!

12/17.txt

@@ -0,0 +1 @@
+\v 17 Ananglah malas kejaik ngau pejaik; pulahlah nama te baik ke semua urang! \v 18 Sedapat-dapat, kalau hal yak tegantung kitak, iduplah alam damai ngau semua urang!

12/19.txt

@@ -0,0 +1 @@
+\v 19 Bala menyadik te dekasih, ananglah kitak kedirik nuntut balas, tapi beriklah tempat ngau peluat Allah, kerena isik tetulis: Pembalasan yak hak Aku. Aku me te kak nuntut balas, firman Tuhan. \v 20 Tapi, antik pekelai kitak lapar, berik me ya makai; antik ya aus, berik me ya minum! Ngau mulah te piak kitak ngerugung ke barak api de atau kepalak ya. \v 21 Ananglah kitak kalah ngau penyaik, tapi kalah ke penyaik ngau kebaik!

12/title.txt

@@ -0,0 +1 @@
+Persembahan te benar

13/01.txt

@@ -0,0 +1 @@
+\c 13 \v 1 Tiap-tiap urang arus takut ngau pemerintah te de atau ya, kerena nisik pemerintah te nai datai ari Allah; udik pemerintah-pemerintah te isik, detetap ke Allah. \v 2 Kerena yak sapa te ngelaban pemerintah, ya ngelaban te de tetap ke Allah udik sapa te ngereja yak, tau natai ke ukum ngau dirik ya.

13/03.txt

@@ -0,0 +1 @@
+\v 3 Kerena antik surang mulah te baik, ya nusah takut ngau  pemerintah, angak tau takut antik mulah te jaik. Kak me kitak idup nai takut ngau pemerintah? Kereja me nama te baik udik kitak tau bulih puji ari ya. \v 4 Kerena pemerintah yak me hamba Allah ngau kebaik kitak. Tapi antik kitak mulah te jaik, takut me ngau ya, kerena nai pecuma pemerintah ngesan pedang. Pemerintah yak me hamba Allah malas peluat Allah ke sidak te mulah jaik. \v 5 Kerena yak kita perelu ngalah ke dirik, bukai angak empadai peluat Allah, tapi ugak empadai ingan ati kita.

13/06.txt

@@ -0,0 +1 @@
+\v 6 Nyak ugak me te nyuruh kitak mayar pajak. Kerena sidak te ngurus semacam yak, yak me pelayan-pelayan Allah. \v 7 Bayar me ngau semua urang nama te arus kitak bayar: pajak ngau urang te berhak nerimak pajak, cukai ngau urang te berhak nerimak cukai; asai takut ngau urang te berhak nerimak asai takut ngau hormat ke urang te berhak nerimak hormat.

13/08.txt

@@ -0,0 +1 @@
+\v 8 Ananglah kitak berutang nama-nama ngau sapa-sapa ugak, tapi keranuk kitak ngasih ke pangan. Kerena sapa te kasih ke pangan sama mensia, ya udah menuh ke ukum Taurat. \v 9 Kerena firman: anang bezinah, anang munuh, anang ngencuri, anang bekedekak udik firman te lain ugak, udah depadah alam firman tuk, yak me: Kasihlah sesama kitak mensia upa dirik kitak kedirik! \v 10 Kasih nai mulah te jaik ngau sema mensia, kerena yak kasih kegenap ari ukum Taurat.

13/11.txt

@@ -0,0 +1 @@
+\v 11 Semacam tuk arus kitak kereja, kerena kitak ketau rama pituk, yak me kalau ari yak udah datai ke kitak nguwas ari peninuk. Kerena pituk keselamatan udah damping ngau kita ari pada rama kita pecayak. \v 12 Ari udah jauh malam, udah kak tengari. Kerena yak abuh kita nudi ke pempulah-pempulah te keleman udik mengau senyata terang!

13/13.txt

@@ -0,0 +1 @@
+\v 13 Abuh kita idup ngau supan, upa rama ari lawas, anang alam gawai ngau mabuk, anang cabul, udik penekak nafsu, nusah beselisih, ngau iri ati. \v 14 Tapi pengaulah Tuhan Yesus Kristus upa senyata terang udik ananglah nyaga tubuh kitak ngau muas ke penekak ya.

13/title.txt

@@ -0,0 +1 @@
+Patuh ngau Pemerintah

14/01.txt

@@ -0,0 +1 @@
+\c 14 \v 1 Terimaklah urang te lemah iman ya nai ngau banai ke anai ya. \v 2 Te surang yakin, kalau ya tau makai semua jenis pemakai, tapi urang te lemah iman ya angak tau makai pakuk-pakuk na.

14/03.txt

@@ -0,0 +1 @@
+\v 3 Sapa te makai, ananglah ngehina urang te nai makai, udik sapa te nai makai, ananglah medih urang te makai, kerena Allah udah nerimak urang yak. \v 4 Sapa me kitak, te medih hamba urang lain? Entah me ya bediri, entah me ya jatuk, yak urusan tuan ya kedirik. Tapu ya kak runtik bediri, kerena Tuhan bekuasa nyaga ya runtik bediri.

14/05.txt

@@ -0,0 +1 @@
+\v 5 Te surang ngangap ari te sutik matang pentin repada ari te lain, tapi te lain ngangap semua ari sama. Keranuk semua urang benar-benar yakin alam ati ya kedirik. \v 6 Sapa te bepegai ngau sutik ari tetentu na, ya ngereja yak ke Tuhan. Udik sapa makai, ya ngereja ke Tuhan, kerena ya madah sukur ngau Allah. Udik sapa te nai makai, ya ngereja yak ke Tuhan, udik ya ugak madah ke sukur ngau Allah.

14/07.txt

@@ -0,0 +1 @@
+\v 7 Kerena nai isik surangpun de sentara kita te idup angak ngau dirik ya kedirik, udik nai isik surangpun te mati angak ngau dirik ya kedirik. \v 8 Kerena antik kita idup, kita idup ngau Tuhan, udik antik kita mati, kita mati ngau Tuhan. Jadi baik idup atau mati, kita me empu Tuhan. \v 9 Kerena ngau yak me Kristus udah mati ngau idup agik, isak ya jadi Tuhan, baik ngau urang-urang mati, atau ngau urang-urang idup.

14/10.txt

@@ -0,0 +1 @@
+\v 10 Tapi kitak, ngapa me kitak medih bala menyadik kitak? Atau ngapa me kitak ngina bala menyadik kitak? Kerena kita semua arus ngadap tahta pengadilan Allah. \v 11 Keren isik tetulis: "Empadai Aku idup, piak me firman Tuhan, semua urang kak mintak ampun de mua Aku udik semua urang kak memulia ke Allah".

14/12.txt

@@ -0,0 +1 @@
+\v 12 Piak me semua urang sentara kita kak merik petangungjawab ke dirik ya kedirik ngau Allah. \v 13 Kerena yak ananglah kita sama medih agik! Tapi lebih baik kitak nurut te depadah tuk: Anang kita mulah bala menyadik kita jatuk ngau tesentuk!

14/14.txt

@@ -0,0 +1 @@
+\v 14 Aku ketau ngau yakin alam Tuhan Yesus, kalau nai isik te kutur ari dirik ya kedirik. Angak jekuk urang te ngangap kalau yak kutur me, ute yak kutur. \v 15 Kerena antik kitak medih ati menyadik kitak empadai te kitak makai, mangka kitak nai idup agik jekuk ke penekak kasih. Ananglah kitak benasa ke menyadik kitak empadai pemakai kitak, kerena Kristus udah mati ngau ya.

14/16.txt

@@ -0,0 +1 @@
+\v 16 Nama ute baik, te kitak empu, ananglah kitak ngisak yak depejaik. \v 17 Kerena Kerajaan Allah bukailah masalah pemakai ngau peminum, tapi masalah kebenar, damai sejahtera ngau gaga empadai Roh Kudus.

14/18.txt

@@ -0,0 +1 @@
+\v 18 Kerena sapa te ngelayan Kristus  ngau cara tuk, ya dekedekak Allah udik dihormati mensia. \v 19 Kerena yak, abuh kita ngejar nama te natai ke damai sejahtera udik te beguna ngau sama-sama mangun.

14/20.txt

@@ -0,0 +1 @@
+\v 20 Ananglah kitak ngerusak kerja Allah empadai pemakai! semua hal yak suci, tapi celaka me urang antik empadai pemakai ya, urang lain tesentuk! \v 21 Baik me kitak anang makai dagin atau minum angur, atau nama te nyadi ketiti ngau menyadik kitak.

14/22.txt

@@ -0,0 +1 @@
+\v 22 Bepegai me ngau keyakin te kitak empu tuk, jekuk kitak kedirik de mua Allah. Gaga me ya, te nai ngukum dirik ya kedirik alam nama te de angap baik ngau depulah. \v 23 Tapi sapa te ragu, kalau ya makai, ya udah de ukum, empadai ya nai ngereja yak te dekedekak iman. Udik semua te nai dekedekak iman, yak me dusa.

14/title.txt

@@ -0,0 +1 @@
+Anang medih menyadik kitak

15/01.txt

@@ -0,0 +1 @@
+\c 15 \v 1 Kita te kuat, wajib nangung kelemah urang te nai kuat udik anang kita ngegak kesenang kita kedirik. \v 2 Semua urang te minik kita arus ngegak kesenang isak baik ngau mulah yak.

15/03.txt

@@ -0,0 +1 @@
+\v 3 Kerena Kristus ugak nai ngegak kesenang-Ya kedirik, tapi upa isik te detulis: "Anai-anai jaik sidak, te bejaik kitak, udah ngenak aku". \v 4 Kerena semua te detulis subak, udah detulis ngau nyadi pelajar ke kita, isak kita kuat bepegai ngau arapan empadai kerajin udik pengibur ari Kitab Suci.

15/05.txt

@@ -0,0 +1 @@
+\v 5 Semuga Allah, te akar pun ujung ketekun ngau pengibur, merik kerukun ngau kitak, upa penekak Kristus Yesus, \v 6 isak ngau sutik ati udik sutik ingan kitak mulia ke Allah ngau Apai Tuhan kita, Yesus Kristus. \v 7 Kerena yak, terimak me sutik ngau te lain, sama upa Kristus ugak udah nerimak kita, ngau kemulia Allah.

15/08.txt

@@ -0,0 +1 @@
+\v 8 Ute aku maksud yak bah, kalau empadai kebenar Allah me Kristus udah jadi pelayan urang-urang besunat ngau ngukuh janyi te udah deberik-Ya ngau inik puyang kita, \v 9 udik ngau ngamang ke bansa-bansa, isak sidak mulia ke Allah empadai rahmat-Ya, upa isik te de tulis: "Kerena yak aku kak mulia ke kitak ari bansa-bansa ngau nyanyi ke mazmur ke nama kitak.

15/10.txt

@@ -0,0 +1 @@
+\v 10 Udah yak: "Gaga me kitak bansa-bansa, ngau umat-Ya". \v 11 Udik agik: "Puji me Tuhan, ui bala kitak semua bansa-bansa, udik isak me semua suku bansa muji Ya".

15/12.txt

@@ -0,0 +1 @@
+\v 12 Udah yak jekuk Yesaya: "Taruk ari pun Isai kak terbit, udik ya kak idup ngau merintah bansa-bansa, udik ngau Ya me  bansa-bansa kak naruh arapan".

15/13.txt

@@ -0,0 +1 @@
+\v 13 Semuga Allah, pun arapan, merik kitak ngau semua pengaga udik damai sejahtera alam iman kitak, isak empadai kekuat Roh Kudus, kitak belimpah-limpah alam arapan.

15/14.txt

@@ -0,0 +1 @@
+\v 14 Bala menyadik aku, aku kedirik matang yakin ke kitak, kalau kitak udah udah penuh ngau kebaik udik ngau semua pengetau udik sangup ngau sama madah.

15/15.txt

@@ -0,0 +1 @@
+\v 15 Tapi, kerena kasih karunia ute udah deberik Allah ngau aku, aku din dituk tekik takut udah nulis ke kitak ngau ngingat ke kitak, \v 16 yak me kalau aku tau jadi pelayan Kristus Yesus ke bansa-bansa bukai Yahudi alam pelayan madah ke Injil Allah, isak bansa-bansa bukai Yahudi tau deterimak Allah upa pesembahan ute dekedekak Ya, ute desuci ke Roh Kudus.

15/17.txt

@@ -0,0 +1 @@
+\v 17 Jadi alam Kristus aku tau ngepah ke pelayan aku ke Allah. \v 18 Kerena aku nai tekik banai ke ute lain, kecuali nama te udah dekereja Kristus empadai aku, yak me ngau mimpin bansa-bansa lain isak taat, empadai anai ngau pempulah, \v 19 empadai kuasa tana-tana ngau mujisat-mujisat udik empadai kuasa Roh. Piak me alam pejalai bekelingik ari Yerusalem sampai ke Ilirikum aku udah madah semua Injil Kristus.

15/20.txt

@@ -0,0 +1 @@
+\v 20 udik alam pemadah tuk, aku ngangap upa kehormat aku, kalau aku nai ngereja yak de tempat-tempat, dini nama Kristus udah dekelala urang, isak aku nai mulah de atau, ute udah de taruh urang lain, \v 21 tapi sesuai ngau te isik de tulis: "Sidak, te apan suah nerimak berita Ya, kak medak Ya,  udik sidak, ute nai suah ninga yak, kak ngereti".

15/22.txt

@@ -0,0 +1 @@
+\v 22 Nyak me nyuruh aku seruntik tekepung nguang kitak. \v 23 Tapi pituk, kerena aku nai isik agik empu kerja de tempat tuk udik empadai aku udah berapa taun pelamak kak nguang kitak.

15/24.txt

@@ -0,0 +1 @@
+\v 24 Aku arap pelamak pejalai aku  ke Spanyol, aku tau singah de tempat kitak udik betemu ngau kitak, isak kitak tau nganyung aku kin, seudah rama aku ngasai betemu ngau kitak. \v 25 Tapi pituk aku ketengah bejalai ke Yerusalem nganyung te ngau mantuk urang-urang kudus.

15/26.txt

@@ -0,0 +1 @@
+\v 26 Kerena Makedonia ngau Akhaya udah ngamik keputusan ngau nyumang nama te deberik ngau urang-urang meskin ari urang-urang kudus de Yerusalem. \v 27 Keputusan memang udah sidak amik, tapi yak bah kewajiban sidak. Kerena antik bansa-bansa lain udah bulih pemagi ari reta rohani urang Yahudi, mangka bansa-bansa lain wajib ugak ngelayan urang Yahudi ngau reta duniawi sidak.

15/28.txt

@@ -0,0 +1 @@
+\v 28 Antik aku udah ngereja ke tugas yak udik udah nyerah ke asil kereja bansa-bansa lain yak ngau sidak, aku kak angkat ke Spanyol lalu ari kuta kitak. \v 29 Udik aku ketau, kalau antik aku datai nguang kitak, aku kak ngereja yak mayuh ngau berkat Kristus.

15/30.txt

@@ -0,0 +1 @@
+\v 30 Tapi empadai Kristus, Tuhan kita, udik empadai kasih Roh, aku madah kitak, bala menyadik, bekaban ngau aku alam doa ngau Allah ke aku, \v 31 isak aku depidup ari urang-urang te nai taat de Yudea, udik isak pelakun aku ke Yerusalem deterimak baik urang-urang kudus din, \v 32 isak aku gaga datai ngau kitak empadai penekak Allah, bulih penyaman sama-sama ngau kitak.

15/33.txt

@@ -0,0 +1 @@
+\v 33 Allah, pun damai sejahtera, nyereta kitak semua!Amin

15/title.txt

@@ -0,0 +1 @@
+Urang ute lemah ngau urang ute kuat

16/01.txt

@@ -0,0 +1 @@
+\c 16 \v 1 Aku mintak dukung kitak ngau Febe, menyadik kita te ngelayan jemaat de Kengkrea, \v 2 isak kitak nyamut ya alam Tuhan, upa te patut ngau urang-urang kudus, udik berik me ngau ya nama te tau debantuk antik deperelu. Kerena ya kedirik udah mantuk mayuh urang, ugak ngau aku kedirik.

16/03.txt

@@ -0,0 +1 @@
+\v 3 Padah ke salam aku ngau Priskila udik Akwila, kaban-kaban ute sutik kereja ngau aku de alam Kristus Yesus. \v 4 Sidak udah betaruh ke nyawa ya ngau idup aku. Bukai aku na ute beterimak kasih ngau sidak, tapi semua jemaat ugak ute bukai Yahudi. \v 5 Salam ugak ngau jemaat de rumah sidak. Salam ngau Epenetus, menyadik ute aku kasih, yak me buah te petama ari Asia ngau Kristus

16/06.txt

@@ -0,0 +1 @@
+\v 6 Salam ngau Maria, ute udah kereja manting ngering ke kitak. \v 7 Salam ngau Andronikus udik Yunias, menyadik aku ute sebansa, ute suah depenyara namai aku, yak me urang-urang ute palin baik ari para rasul udik ute udah jadi Kristen seapan aku. \v 8 Salam ngau Ampliatus ute aku kasih alam Tuhan.

16/09.txt

@@ -0,0 +1 @@
+\v 9 Salam ngau Urbanus, kaban ute sutik kereja ngau kami alam Kristus, udik salam ngau Stakhis, ute aku kasih. \v 10 Salam ngau Apeles, ute udah tan uji alam Kristus. Salam ngau sidak temasuk ute alam rumah Aristobulus. \v 11 Salam ngau Herodion, kaban sebansa aku. Salam ngau sidak ute isik de rumah Narkisus, ute isik alam Tuhan.

16/12.txt

@@ -0,0 +1 @@
+\v 12 Salam ngau Trifena ngau Trifosa, ute kereja manting tulang belakun belayan ke Tuhan. Salam ngau Persis, ute aku kasih, ute udah kereja manting tulang belakun belayan ke Tuhan. \v 13 Salam ngau Rufus, urang te depilih Tuhan, ngau salam ke inai ya, ute jekuk aku yak inai ugak. \v 14 Salam ngau Asinkritus, Flegon, Hermes, Patrobas, Hermas ngau bala menyadik ute namai sidak.

16/15.txt

@@ -0,0 +1 @@
+\v 15 Salam ngau Filologus, udik Yulia, Nereus, udik menyadik inuk ya, udik Olimpus, udik ngau semua urang kudus ugak ute namai sidak. \v 16 Besalam salam me kitak ngau sium kudus. Salam ngau kitak ari semua jemaat Kristus.

16/17.txt

@@ -0,0 +1 @@
+\v 17 Tapi aku madah kitak, bala menyadik, isak kitak was-was ngau sidak, ute belaban ngau ute de ajar ngau kitak, nimul ke pecah ngau guda. Kerena yak tangkis me sidak. \v 18 Kerena urang-urang ute piak nai ngelayan Kristus, Tuhan Kita, tapi ngelayan perut sidak kedirik. Udik ngau anai-anai sidak ute amuk-amuk ngau  basa sidak ute manis nipu urang-urang ute tulus ati ya.

16/19.txt

@@ -0,0 +1 @@
+\v 19 Kabar ketaat kitak udah dedinga semua urang. Kerena yak aku gaga ke kitak. Tapi aku kak isak kitak bijaksana ngau nama ute baik, udik bersih ngau ari ute jaik. \v 20 Semuga Allah, pun damai sejahtera, sigat kak ngelelak ke Iblis de babah kaki kitak. Kasih karunia Yesus, Tuhan kita, nyereta kitak!

16/21.txt

@@ -0,0 +1 @@
+\v 21 Salam ngau kitak ari Timotius, kaban aku ute sutik kereja, ngau ari Lukius, Yason, Sosipater, kaban-kaban sebansa aku. \v 22 Salam alam Tuhan ngau kitak ari Tertius, yak me aku, ute nulis surat tuk.

16/23.txt

@@ -0,0 +1 @@
+\v 23 Salam ngau kitak ari Gayus, ute merik tumpang ngau kitak, udik ngau semua jemaat. Salam ngau kitak ari Erastus, bendahara negeri, udik ari Kwartus, menyadik kita. \v 24 [Kasih karunia Yesus Kristus, Tuhan kita, nyereta kitak semua! Amin].