iba-x-ibanempran_rev_text_reg/18/01.txt

\v 1 Udah nya aku tepedaka siku agi melikat nurun ari serega. Kuasa iya besai, lalu dunya nyau tampak terang laban mulia iya. \v 2 Lalu iya ngangau enggau nyawa ti inggar, “Udah alah! Babilon ti besai udah alah! Iya udah nyadika endur alai antu diau, nyadika endur alai roh ti kamah, nyadika endur alai semua burung ti kamah sereta dipegedika, diau.\v 3  Laban semua bansa bela udah ngirup wain pengingin iya ti kamah, lalu sida raja dunya tu udah bambai enggau iya, lalu bala sedagar dunya nyadi kaya laban pengaya ti datai ari pengamah ulah iya.”