amaziba_ministries
/
ruc_mat_text_reg
1
0
Fork 0
Files Issues Pull Requests Releases Wiki Activity See in Reader

auto save

This commit is contained in:
LUNYOLE 2020-02-17 16:22:32 +03:00 committed by root
parent 0c9cf6b3cb
commit 185c9e623c
1 changed files with 1 additions and 1 deletions
Show Stats Download Patch File Download Diff File Expand all files Collapse all files

2
21/18.txt
View File

@ -1 +1 @@
18 AWoo emaambya niyaali akwiira yo okukibuga enzala nemuluma. 19 Nabona omutiini gumwe okumabbali gaanzira nagwiikaku nasaanga nga ndooku kiintu nga bikoola byerere nagukoba nti tobonaanga bibala emireembe nemireembe, omubwaangu obwo omutiini nigwootoka.  20 Abeegesya nibaabweine nibeewuunya, nibakoba nti omutiini gwootokere gutya amangu? 21 OYeesu nairamu nabakoba nti nimwaabbanga nokwiikiriza, nga timukubusabuusa timwakoleenge kidi kyonkai ekyamutiini naye nimulikoba olusozi luni nti imulibwa onagibwe omunyaanja kirikolebwa. 22Nabyoonabyoona bimwayeendyaanga nga mukusaba nga mukwiikiriza mwabiweebwaanga.  23 Nayingira omuyeekaalu, abakabona abakulu nabakaire babaantu nibaiza gyaali nga akweegesya, nabakoba nti buyiinza ki obukolesya bini? naani eyabawaire obuyiinza buni. 24 OYeesu nairamu nabakoba nti nleena kambabuulye ekigaambo kimwe, nimwakiyindula, era njeena nabakobera obuyiinza obukuunkolesya bini  25Okubatiza kwa Yokaana kuzwa ayii, mwiiguru oba mubaantu? nibeebuulyangana boonkai naboonkai nibakoba nti nitwaakoba nti mwiiguru: yatukoba nti kale kiki ekyabagaine okumwiikiriza? 26 Naye nitwaakoba nti mubaantu, tukutiina baantu; kubbanga boona balowooza Yokaana nga nabbi. 27Nibairamu oYeesu nabakoba nti titumaite naye nabakoba nti njeena tinabakobere buyiinza nibwo bukuunkolesya bini.  28 Nate mukulowooza mutyai waliwo omuuntu eyaina abaana baamwe babiri; naiza edii oluberyeberye, nakoba omwaana nti yaba okole emirimu omulusuku olwa mizabibbu. 29 Nairamu nakoba nti ngaine: naye oluvanyuma niyeenenya nayaba. 30 Naiza edii owakabiri namukoba nikyo kimwe. yeena nairamu nti ; kanyabe ssebo: natayaba.  31Okwaabo ababiri naani yakoore oitowaamwe kyakweendya? nibakoba nti owaluberyeberye. Oyeesu nakoba nti mazima nkubakoba nti abawooza nabeenzi babasookere nywe okwiingira omubwakabaka bwa Nyamwanga. 32 Kubaanga oYokaana yaizire gyemuli omwaanda gwa bwikiiri; naanywe timwamwikiriize naye bakulowooza nabeenzi baamwiikiriza naanywe , nimwaabweine muto noluvanyuma nimuteenenya kumwiikiriza.  33Muwuure olugero oluundi, waliiwo omuuntu eyaalina enyubba yaamwe, nasiimba olusuku lwa mizabbibbu nalukomeeraku olukorogo nalusakumu ekinyunki kyansaande nayomboka mu olukorogo nalukwaatisya alumi nataambula olugeendo. 34 Awoo omwaka nigwaali guli ampii okwiika, ebirime okweenga, natima abairu baamwe edii abamukwaata nsikababawe ebirime byaamwe.  35Naye abamukwaa ta nsika nibakwaata abairu baamwe: 0mwe nibamukubba, owoondi nibamukasukira amabbale. 36 Nasiindika era abairu abaandi baingi okusiinga abasookereyo nibabaakalya nkabaandi nibabakoore. 37 Oluvanyuma nibasiindikire omwaana waamwe nga akukoba nti baawura omwaana waange.  38 Naye abamukwaata nsika nibaabwein e omwaana nibabaza boonkai nabonkai nti; onii naye musika, mwiize tumusaanyewo tutwaale obusika bwaamwe. 39 Nibamukwaata, nibamugaadiikerya omulusuku lwa mizabbibbu nibamwiita.  40 Kale omukama walusuku lwa mizabbibbu naliiza, ali bakola atyai abalumi? 41 Nibamukoba nti abo abanyanzigu, bali saanawo kubbi, naye olisuku lwa mizabbibbu alisiimbira abalumin abbandi abamuweerezaanga ebibala bya mumwaaka gwa byo. 42OYeesu nabakoba nti timusomaanga ku kubyawaandikibwa, nti eibbale oboomboki dyebagaana, niryo ryaafukire omutwe gwa nsoonda: kini kyaazwiire eddi omukama era kyakitalo omumaiso gaiswe?  43 Nikyo nzwa mbakoba nti obwakabaka bwa Nyamwanga buli bayiibwaaku nywe, buli weebwa eiyaanga eribala ebibala byaago. 44 Era agwa okwibbale rini ali menyeka menyeka: nooyo gulirigwaaku liri mubeteenta.  45 Awoo abakabona abakulu nabaFalisaayo, nibawuliire engerero ezo nibeeteja nti abalize kunibo. 46Niwatabba muuntu akusobola okwiiramu ekigaambo era okuzwa okukiro ekyo ndoowo muuntu eyajeemere okubuulya ekigaambo
18 AWoo emaambya niyaali akwiira yo okukibuga enzala nemuluma. 19 Nabona omutiini gumwe okumabbali gaanzira nagwiikaku nasaanga nga ndooku kiintu nga bikoola byerere nagukoba nti tobonaanga bibala emireembe nemireembe, omubwaangu obwo omutiini nigwootoka.