auto save

13/09.txt

@@ -0,0 +1,26 @@
+9 Baitu o'Sawulo (era niye Pawulo) niyazwiire omwooyo omutukuvu, namwekaliirya omaiso.
+10 Namukoba ati we, azwiire abakuusa n'okukala okubbi kwoona omwana tolireka kukyamya mazira ga mukama waiswe amagolokoki? 11 Aati bunu obone omukono gwa Mukama waiswe guli ku we, oza kubba mwigali wa maiso nga tokubona isanaa ebiro bingiku. Amangu ago ekitu nikimukgwaaku nendikiirya napampaata mbe okuswaga abantu abamukwato oku mukono.
+12 Awo oweisaza niyaboine bwe kibaire n'akiriza nga yeewuunya muno okuyigiriza kwa mukama waiswe. 13.Awo oPetero n'abairamwe nibwaika amatanga okuzwa epaafo nibayika ePeruga eky'epanfuliya,Yokaana n'abalekaayo nairaayo eYerusaalemi.
+14.Batiu bo bayakaire okuzwa omu peruga nibayika Antiyokia ekya pisioliya nibaingira omu ikumbaaniro okun lunaku lwa Saabiti nibaikala.
+15.Nibwebamaare okusoma amateeka neby'abalangi,abakulu ba ikumbaaniro nitabtumira nka bakoba abasaiza aboluganda;oba mulinan ekigambo eky'okubuulira abantu musimoole.16.oPetero nayemeera n'abawenya n'omukono nakoba ati Abasaiza abaisiraeiri naanywe abatiina Okanca,muwuure.
+17.Okanca w'abantu abasisiriri yalondere abazeiza abaiswe nagulumizam abantu bwe baali bageni omu nsi ya Misiri,nabatoola n'omukono ogwa gulumizibwe.
+18.N'abagumikiririza omu irungu emyaka anai. 19.Bwe yazikirize amawanga musanju omu nsi ya Kanani,n'abaweerya ensi yaabwe okubba obwikaaro okwika emyaka ebikumi binai ma ataanu.
+20.Oluzwa lwe'egyo,n'abaweerya abalamuzi okwika oku mulangi Samwiiri. 21.Oluzwanyuma abantu nibataka Omukama;Okanca n'abawa o Sawulo omwana Kissi,ow'omu kika kya Benyamin n'amala emyaka amakumi anai.
+22.Bwe yamutoireyo oyo,n'abaweerya o Dawudi okubba Omukama waabwe,gwe yasimoireku nk'akutegeza ati mbweine oDawudi omwana wa Yeese,omuntu ali nk'omutima gwange bwe gutaka,eyakolanga bye ntaka byona. 23.Oyo omubyaire lyaamwe (nk'Okanca bwe yasuubize)aletere oIsiraeiri omucunguri Yesu.
+24.oYokaana niyatandiikire okubuulira nk'akyaali kwiza okubatiizibwa okw'okwenenya edi abantu bona abaisiraeiri.
+25.Baitu oYokaana bwe yaali nk'alampi okukomya olugendo lwaamwe n'akoba ati ninje mundowooza kubba nani?ngye tindi ye naye bona walowo okwiza ennyuma wange,gwe ntansiimire kusindabula enkaito ya mu kigere kyaamwe. 26.Aboluganda,abaana b'ekika ku Iburaimu,n'annywe mwena abatiina Okanca,ekigambo eky'obucunguri buni,kyawerezebwe waiswe.
+27.lw'okubba abaikala omu Yerusaalemi n'abakulu baabwe bwe batumaite oyo,gonze amaloboozi ga balangi agasomebwa buli saabiti nikyo bazwire bayikirirya bwe bamusalire omusango.28.Nibatabweine nsonga ya kumwita nibasaba oPirato,okumwita.
+29.Awo nibwebamaare okuyikirirya byona ebyamuwandiikibweku,nibamwanula oku musaale nibamuta omu ntaana. 30.Baitu Okanca n'amuzukisya omu bafu.
+31.Nababonekera enaku zingi abayambukire okuzwa eGgaliraya okuyika Yerusaalemi,nibo bajuurwa baamwe ati buni edi abantu. 32.Niswe tukubuulira ebigambo ebisai;eby'okusuubiza okwasuubizibwe abaiza ati.
+33.Okanca ayikiriirye edi abaana baiswe bwe yazukiize oYesu;era te nka bwekyawandiikibwe omu Zabuli eyakabiri ati "nuwe omwana wange;nkubyaire olwa leero .
+34.Olw'okubba yamuzuukirye omu bafu nka taliraayo omukujunda,yakobere ati ndibaweerya emikisa emikiriri era te egy'enkalalira egya Dawudi. 35.Olw'okubba yasimoire omun zabuli eyindi ati toliwaayo omwikiriri waamu okujunda.
+36.Olw'okubba oDawudi niyamaare okuweereza omu biro byaamwe nk'Okanca bwe yeteserye n'abasya nateekebwa edi abaziez baamwe n'ajunda.
+37.Baitu oyo Kanca gwe yazukiirye,tiyanjundire. 38.Aale abasaiza aboluganda,mutegeere ati oku bwoyo okutolebwaku ebibbi kubuuliirwe;
+39.Byona byemutandisoboire kutolebwaku omu mateeka ga Musa okubwoyo,buli aikiriza abitoolebwaku. 40.Aale mwekuume kireme kwiiza okunnywe ekyasimoirwe abalangi ati
+41.Bona, nnywe abanyooma mwewuunye,mubuure olw'okubba nje nkola omulimu omu naku zaanywe omulimu gwe mutaliikiriza gonze omuntu nk'abubuulire muno. 42.Nibawulukire enzai nibabegaiira okubabuulira eigambo binu oku saabiti ey'akabiri.
+43.Ekibbura nikyasasaine baingi oku Buyudaaya n'akyuufu abageendereza nibasengereeriyao o’Paulo n'oBalunabba bona nibasimoola nabo nibabasendekereya okunyiikirira omu kisa kya Kanca.44.Awo oku Saabiti eya akabiri,nibakumbaana nka bazwa omu kibuga kyona okuwuura ekigambo kya Kanca.
+45.BAitu Abayudaaya bwebabweine ekibbura ekikooto,nibaizula obwiiya nibawakanya oPaulo bye yasimoire nka babizuma. 46.oPaulo n'oBalunabba nibasimoola n'obuvumu ati kwagwaine okusooka okubuulira ekigambo kya Kanca omu nnywe,kibanga mukukisiindikirirya so temwabona kusaniira bwomi obutawaawo ,obone,twakyukira abamawanga.
+47.Olw'okubba Omukama yatulagire ati nkutaireewo okubba nk'eisana ly'amawanga obbe nk'Obucunguri okwika okukumerero y'ansi. 48.Abamawanga nibawulire nibasanyuka,nibagulumiza ekigambo kya Kanca;bona nibaikiriza abaali baterekeirwe obwomi obutawaawo.
+49.Ekigambo kya Mukama waiswe nikyaba edi omu nsi yona. 50.Baitu Abayudaaya nibabatabangura abakyala abegeendereza ab'ekitinisya n'abakulu omu kibuga nibayiganisya oPaulo n'oBalunabba nibabapeka omu kitundu kyaabwe.
+51.Baitu nibabakuunkumuura ocucu omu bigere nibaiza okwika e Ikoniyo.
+52.Abegesya nibaizula eisanyu n'omwoyo omwikiriiri.