Mon Jan 08 2024 21:11:24 GMT+0900 (Yakutsk Standard Time)

05/01.txt

@@ -0,0 +1 @@
+\c 5 \v 1 . Kakame Yesu oneno kede Alule me jo en eko yito malo iwi moru: eko bedo josiao mege oko bino bute: \v 2 . Eko yabo doge, en eko pwonyo gi, di ewaco be: - \v 3 . “Kitie kede winyo jo can icunygi, Pien Ajakanut me malo tie mergi. \v 4 . Kitie kede winyo jo kame tiwuro, Pien kobino dino cuny gi.

05/05.txt

@@ -0,0 +1 @@
+\v 5 . Kitie kede winyo jo kame mwolere, Pien lobo lung bino doko mr gi. \v 6 . Kitie kede winyo jo kame kec kede orio me poore omako, kobino mino gi kiyeng. \v 7 . Kitie kede winyo jo kame timo kisa pien kobino timo gida kisa. \v 8 . Kitie kede winyo jo kame cuny gi cil, pien kibino neno Rubanga.

05/09.txt

@@ -0,0 +1 @@
+\v 9 . Kitie kede winyo jo kame timo mulem, Pien kobino lwongo gi be idwe ka Rubanga. \v 10 . Kitie kede winyo jo kame kotidilo pi timo gi kopoore, pien Ajakanut me malo tie mergu.

05/11.txt

@@ -0,0 +1 @@
+\v 11 . “Itienu kede winyo ka jo cao wu, di kitidilo wu kede di kiwaco epone me kope kareco dedede me angalo ikomu pira. \v 12 . Lelunu di ikonu bedo kede yom cuny, Pien giamia wu me pwoc tie dwong imalo. Iye pone nono da en kame bin kotidilo kede inabino kame ogeo ne wun.

05/13.txt

@@ -0,0 +1 @@
+\v 13 . Wun itienu munyo melobo, do kame munyo orwenyo mito mere etwero doko mit benyo? Udo bero mere odokoli kwanyo bwote tenge di jo ko nyonyonoen. \v 14 . Wun itienu Lero me lobo, Bomba kame ogero iwi emukura likame kanere.

05/15.txt

@@ -0,0 +1 @@
+\v 15 . Likame jo cwinyo tala, di oko ume kede ebukit, do kokete iye pir me etala, di eko mino lero but jo dedede kame tie iot. \v 16 . Pi mano miunu Lero wu rieny ne jo dedede, tetekeny kinen tice wu di kiko pako papa wu kame tie malo.

05/17.txt

@@ -0,0 +1 @@
+\v 17 . Kur iparunu be ango abino pi kwanyo iswil arabo inabino. Likame ango abino pi kwanyo, do pi cobo. \v 18 . Ateteni awaco ne wu be, tek di malo kede Lobo pwodi tie, likame tie enyukuta moro ara wikop acel me gikame kowandiko iye iswil kame kobino kwanyo tenge, pakana gidedede cobere.

05/19.txt

@@ -0,0 +1 @@
+\v 19 . Pi mano ngat kame turo acel ikom cik atitino gi, di eko pwonyo jo pi timo kamannon, en ebino bedo dano kalikame pire tek i Ajakanut me malo. Do ngat kame Lubo di eko pwonyo gi, ngat nono kobino lwonge be Ngadwong iye Ajakanut me malo. \v 20 . Pien awaco ne wu be, kalikame poore wu okalamo poore me jopwony me iswil kede Iparisayon likame ibinunu donyo i Ajakanut me malo Atwal.

05/21.txt

@@ -0,0 +1 @@
+\v 21 . Bin iwinyunu di kowaco ne jo kariki sek be, kur ineko do ngat kame neko bino bedo ilieto me ngol. \v 22 . Do awaco ne wu ne ngat kame doko ger ne omimere abongo kop moro bino bedo ilieto me ngol: kede ngat kame yeyeto omimere kobino tere inyim kansulo; do ngat kame waco ne omimere be imiming bino bedo ilieto me mac.

05/23.txt

@@ -0,0 +1 @@
+\v 23 . Pi mano kame itie tero giamia i alutari di ikanono iko yutuno be omini tie kede kop kedi; \v 24 . Wek giamia ni kanono i alutari, di iko ot, dwoko nywak ni kede omini, dido iko bino mino giamia ni.

05/25.txt

@@ -0,0 +1 @@
+\v 25 . Por kop kede ngat kame tie pidi awakawaka di pwodi itienu kede iyongayo tetekeny kur ngapido teru but ngangol kop, di ngangol kop ko mini icing sirikale, di oko bino tweni iotkol. \v 26 . Ateteni awaco ni be, likame ibino wok kikuno tuno kede di iculo sente kame kotangi kede me atiekini.

05/27.txt

@@ -0,0 +1 @@
+\v 27 . Bin iwinyunu di kowaco ne jo kariki sek be; kur itim adote. \v 28 . Do ango awaco ne wu be ngat kame neno dako di eko paro buto kede otieko timo adote kede icunye.

05/29.txt

@@ -0,0 +1 @@
+\v 29 . Aso ka wangi tetu cam en kame mi idubo, gole ooko iko uce tenge; ber ne in kei adul moro me komi akaka uco komi dedede imac kalikame to. \v 30 . Doko da ka cingi tetu cam en kame mi idubo, ngole di iko uce tenge.  Eber ne in kei adul moro me kom akaka uco komi dedede imac kalikame to.

05/31.txt

@@ -0,0 +1 @@
+\v 31 . Bin kowaco da be, ngat kame riamo dako mere poore emie balwa me gonyo nyom. \v 32 . Do ango awaco ne wu kaman, ngat kame riamo dako mere, kwanyo ka pi kop me adote, emio mano odoko ngadote doko da ngat nono kame nyomo manono kame oriamo udo etimo adote.

05/33.txt

@@ -0,0 +1 @@
+\v 33 . Doko itiekunu winyo di kowaco ne jo kariki sek be, kur ilairo pi kop me abe, do poore in itim ne Rwot gikame in itieko cikere iye; \v 34 . Do awaco ne wu be; kur ilairo nu Atwal ara waco nying malo pien ebedo kom ka Rubanga. \v 35 . Arabo di iwaco nying lobo, piento en ebedo abanya kame en eteno iye tiene, amoto di iwaco nying Yerusalem, piento en ebedo Bomba me Abaka adwong.

05/36.txt

@@ -0,0 +1 @@
+\v 36 . Kur Ilairo kede wii, Pien likame in ikaruno mino yer wii acel doko tar ara col. \v 37 . Wek kop kame in iyamo bed be “Ee” arabo be li; pien kop kame kalamo magi udo owok kibut ngarac

05/38.txt

@@ -0,0 +1 @@
+\v 38 . Wun iwinyunu be bin kowaco be, wang pi wang kede lak pi lak. \v 39 . Do ango awaco ne wu be, kur inyang raco: do ngatamoro kame bapo lemi tetu cam lok na tetu cel da.

05/40.txt

@@ -0,0 +1 @@
+\v 40 . Doko ka ngatamoro opidi iye iswil, di eko tero ekoti ni, weke eter kiton esati ni da. \v 41 . Doko ngatamoro kame dii pi ot mairo acel, otunu kede mairo are. \v 42 . Mii but ngat kame kwai bobo da kibut ngat kame penyo kony kur ilok ne ngei.

05/43.txt

@@ -0,0 +1 @@
+\v 43 . Wun iwinyunu be bin kowaco be, mar ngakio ni, di iko dagi ngakwor ni. \v 44 . Do ango awaco ne wu be marunu jokwor wu miunu winyo but jo kame lamo wu, timunu bero but jo kame dagi wu, doko da ikounu lego pi jo kame tero wu kirac, di kitidilo wu. \v 45 . Tetekeny idokunu idwe ka papa wu kame tie malo, piento en emio ceng mere wok ne jo ka reco kede ne jo kabeco, di eko cwano kot ne jo kopoore kede jo kame likopoore.

05/46.txt

@@ -0,0 +1 @@
+\v 46 . Pien kame imarunu jo kame marou, iudunu giamia me pwoc nyo? Benyo mam jo kame raco esolo da timo kamanono? \v 47 . Doko kame imitunu imiegu wu kenekene, udo itimo nyo aber kalamo jo icegun? Benyo mani jo kame raro esolo da timo kamanono? \v 48 . Pi mano, bedunu jo kopoore, bala kite kame papa wu imalo opoore kede.

05/title.txt

@@ -0,0 +1 @@
+Ensula 5

09/01.txt

@@ -0,0 +1 @@
+\c 9 \v 1 . Di en eko donyo i emery en eko ngolo tetuca, di eko tuno ibomba gi. \v 2 . Neni, dido oko kelo bute icuo atuwo oneko kome, di buto ika buto: di Yesu oko neno yei gi eko yamo ne ngat atuwo oneko kome be, woda bed kede gen dub ni otieko sasaro in.

09/03.txt

@@ -0,0 +1 @@
+\v 3 . Neni dido jo iwandik mogo oko donyo yamo idiere dieregi be, icuo ni nga acae. \v 4 . Kakame Yesu ongeo kede tam gi eko yamo be, pinyo omio wun iparo nu gi arac icunyu? \v 5 . Mene en ayot yamo be, dub ni osasiro in ara bo, yamo be yai i oti. \v 6 . Do me wek wun ingeuni be wot ka dano tie kede twer ilobo pi sasaro dub ( di eko yamone ngat atuwo oneko kome) yai kwany kabuto ai di iko ot iodi.

09/07.txt

@@ -0,0 +1 @@
+\v 7 . En eko yai di eko ot iode. \v 8 . Do kakame iwak jo oko neno kede gin kiko uro, di kiko mino deyo but Rubanga ngat komio twer acal amano but jo. \v 9 . Kame Yesu oko yai kede ikuno eko neno icuo anyinge Matayo, tie nedo iot me raro esolo, en eko yanio ne be, luba. Di en eko yai di eko lube.

09/10.txt

@@ -0,0 +1 @@
+\v 10 . Kakame Yesu oko bedo kede piny pi cam iot neni jo ra esolo kede jodubo obino di ko bedo piny kede josiao mege. \v 11 . Kame Iparisayon oko neno kede amano, kiko yamone josiao mege, pinyo omio Ngadwong wun camo kede jo rar esolo kede jodubo.

09/12.txt

@@ -0,0 +1 @@
+\v 12 . Do kame Yesu owinyo kede amano, en eko yamo ne gi jogo jo ame tie iber liame mito emuron do jogo ame tuwo. \v 13 . Do otunu ipwonyunu dwong kop noni abino bedo kede kisa do liame gia yala: pien liame ango abino pi lwongo jo opoore do jo dubo pi swilaro.

09/14.txt

@@ -0,0 +1 @@
+\v 14 . Dido jo siao a Yokana oko bino bute, di yamo be, pinyo omio wan kede Iparisayon ori kec, do josiao ni liame ri kec? \v 15 . Dido Yesu oko yamo negi be, kara iduwe me eteran twero tururo tek di eteran tie kede gi? Do ceng bino tuno kame okwanyo kede eteran tenge ki but gi, di gida iko ri kec.

09/16.txt

@@ -0,0 +1 @@
+\v 16 . Liame tie dano aketo ecapa me egoe anyen ikom oti, pi wek mano ame oketo kur med nyilo oti di nyil mere ko bedo rac kalamo.

09/17.txt

@@ -0,0 +1 @@
+\v 17 . Doko liama jo keto ebwini anyen icupa otii me wek kur ecupa bele, di ebwini ko mol oko di ecupo ko too; do gin ki keto ebwini anyen icupa anyen me wek gin ki gwokere.

09/18.txt

@@ -0,0 +1 @@
+\v 18 . Kakame en etieko yamo kede kopegi but gi neni ngapug moro aciel obino oko mino wor bute di eyamo be, nyarango nan oto do bia di iko keto cingi ikome di en eko kuo. \v 19 . Di Yesu oko yai oko lube dido josiao mege da oko lube.

09/20.txt

@@ -0,0 +1 @@
+\v 20 . Neni dako ame oudo tie kede tuwo ame omie onyo remo pi mwakini tomon iwie are, oko bino icien nge, di eko mulo lak egoe mere. \v 21 . Pi en eyamo ibte kene be, kame ango atwero mulo egoe mere ango abino cango. \v 22 . Do Yesu oko lokere kame en oko neno kede dako nono eko yamo be, Nyara bed kede kuwei yei ni otieko cangi. Di do dako noni oko cango geno i esawa nono.

09/23.txt

@@ -0,0 +1 @@
+\v 23 . Kakame Yesu oko oot kede iot me bgatel di eko neno jo kut bilo kede jo di tie lelemo, \v 24 . En eko yamo ne gi be, Wekunu kare, pien nyakoni likame oto, do enino, do gin iko nyere di icae.

09/25.txt

@@ -0,0 +1 @@
+\v 25 . Do kakame jo oto kede oko en eko donyo iot, di eko mako nyako noni icinge en eko yai. \v 26 . Di do rwonge noni oko sarakini ilobo noni lung.

09/27.txt

@@ -0,0 +1 @@
+\v 27 . Kakame Yesu oko yai kede ikano imeduka wot ka Daudi, kisa maki ikom wa. \v 28 . Do kakame en edonyo kede iot imuduka gi oko bino bute: di Yesu oko yamo negi be, iyeunu be ango atwero timo gigi? Gin kiko dwoko ne be, oyei Rwot.

09/29.txt

@@ -0,0 +1 @@
+\v 29 . En eko mulo wang gi, di eyamo be, bala ayei wu tie kede etimere ne wu amanono. \v 30 . Dido wang gi oko yabere di Yesu oko corakino gi di eyamo be, neni kur ngatamoro ngei kop ni. \v 31 . Do gin kakame gin ki yai kede kiko sarakino kop noni ipiny noni dedede.

09/32.txt

@@ -0,0 +1 @@
+\v 32 . Kakame gin ioto kede oko, neni gin kiko kelo bute icuo alebe oto ajwogi oleo. \v 33 . Do kakame oriamo kede jwogi tenge dano alebe oto oko yamo: di iwak jo oko iero, di kiyamo be, geno liame etimere Isirael. \v 34 . Do Iparisayon oko yamo be en eriamo jwogi kede twer me Ngadwong me jwogi.

09/35.txt

@@ -0,0 +1 @@
+\v 35 . Di Yesu oko ot di beo ibomban kede adulio di epwonyo isingogon di etito jiri me jago me ipolo, di ecango tuwo kede goro me kom apapat. \v 36 . Do kakame en eko neno kede iwak jo, en eko bedo kede kisa ikom gi, pien oudo kidong atatai, di kisarar, bala oromini ali kede akwat.

09/37.txt

@@ -0,0 +1 @@
+\v 37 . Di en eko yamo ne josiao mege be, kac ateteni dwong, do jo tic nonok. \v 38 . Pi mano kuwai nu Ngadwong me kac me wek ecwai jo tic bin kac.

09/title.txt

@@ -0,0 +1 @@
+Esula 9

10/01.txt

@@ -0,0 +1 @@
+\c 10 \v 1 . Dido kakame en owudo elwongo bute josiao mege tomon kiwie Re en eko minogi twero ikom tipere areco, pi riamogi tenge cango tuere me iponeso apapat kede aramo dedede.

10/02.txt

@@ -0,0 +1 @@
+\v 2 . Nando nying joor tomon kiwie are en ige; me agege Simoni ame olwongo be Petero kede Anderea omimere; Yakobo wot ka Zebedayo kede Yokana omimere; \v 3 . Pilipo kede Batalumayo; Tomasi kede Matayo nga rar esolo, Yakobo wot Alipasi kede Lebbaeus, kame nyinge me pene owudo obedo Tadeo. \v 4 . Simeon me kanan kede Yuda Isikariot ame da oko Rupao en.

10/05.txt

@@ -0,0 +1 @@
+\v 5 . Tomon kiwie are gi en kame Yesu oko cwano di eko cikogi di eyamo be otunu likame iyo me imo kede ii bomba me Samaria kur idonyunu iye: \v 6 . Do otunu but oromini korwenyo me yiot kisirayiri. \v 7 . Dokon ka iyotunu titunu di iyamunu be Ajakanut me malo otieko tuno.

10/08.txt

@@ -0,0 +1 @@
+\v 8 . Cangunu jo tuo lonyunu jodobin yarununu jo koto riamunu jwogini tenge: Igamunu nono wuda miunu nono. \v 9 . Kur imakunu sabu amotoko pesa arabo sente akaya iisaunwu. \v 10 .  Amotoko ikapu me sapali arabo ikotin are, amotoko amukai arabo ebelame komo ngatic opore kede cam mere.

10/11.txt

@@ -0,0 +1 @@
+\v 11 . Dokon iibomba kadwong arabo iiibomba katidi moro kame wun iyarunu donyo iye, pepenyunu ngai en kibecokina iye di ikounu dong kanono pakana kame iyaunu kede. \v 12 . Dokon kame wun ibinunu iyot moro Motunu jo me yii yot nono. \v 13 . Dokon kame di iyot nono ibecokina, wekunu mulem wu bin iye do kame di en likame ibecokina wekunu mulem wu dwog butu.

10/14.txt

@@ -0,0 +1 @@
+\v 14 . Dokon ka ngatamoro likame ogamo wu arabo winyo kope wu tetengunu adae me tienu kame di itienu yai ipaco nono arabo kiyi bomba nono. \v 15 . Ateteni ango ayamone wu be, ebin tikatika ne lobome Sodoma kede Gomora ticeng me ngow kop lono ne bomba no.

10/16.txt

@@ -0,0 +1 @@
+\v 16 Pimano bedunu riek bala twole, di imwolunu balan aweleko. \v 17 . Do gwokere wunu kede jo pien gin kibino jalakino wu icing kansulon di gin kiko bino danu wu iyika cokerengi. \v 18 . Dokon oyaro bino kelowu inyim jo pug karacel kede abakai pi nyinga pi bedo mujura but gi karacel kede but Abilere alikame Iyudayan.

10/19.txt

@@ -0,0 +1 @@
+\v 19 . Do kame otero wu kuno kur iparunu epwone arabo gikame wun iyarunu yamo: pien oyaro bino mino wu gime ayama iye esawa nono. \v 20 . Likame wun en inonono ame yamo pien likame wun en kame iyamunu do cuny kapapawu en kame yamo ii wu.

10/21.txt

@@ -0,0 +1 @@
+\v 21 . Dokon omin bino jalakino omin ito kede dokon papa bino jalakino atin dokon idwe bino yai malo pi yii kede jonywalgi di kiko mino onekogi. \v 22 . Dokon jodedede oyaro dagi wu pi nyinga; do ngat kame kanyakino paka iya ajikini bino lakere. \v 23 . Do kame otidilowu iibomba ni ringunu ii ace; pi ateteni ango oyamo ne wube wun likame ibinunu rimaro bomban me isirayiri dedede wudo wot kadano otieko dwogo.

10/24.txt

@@ -0,0 +1 @@
+\v 24 . Nga siao likame dwong kalamo nga pwony mere arabo ngatic likame dwong kalamo Rwot mere. \v 25 . Etieko doromo ne ngasiao bedocal kede nga pwony mere kede ngatic bedo bala Rwot mere kame olwongo Ngadwong me ot be Beelzebub, epwone menedo ame oyaro lwongo kede jo me yii ode?

10/26.txt

@@ -0,0 +1 @@
+\v 26 . Pimano kur ilworunugi: pi likame tie gika me owumere ame likame oyaro yabo; kede kame okano ame likame bino ngiere. \v 27 . Gikame ango ayamonewu iicolo manono yamunu ilero kede gikame wun iwinyu nu iyitu manono titunu iwi wude.

10/28.txt

@@ -0,0 +1 @@
+\v 28 . Dokon kur ilworunu jo kame neko kom dodi likame kitwero neko tipo: ootikatika lworunu en ngat ame twero dudubo tipo karacel kede kom igiana. \v 29 . Benyo likame acilagwec are owilo kede kapu acel? Di acel ikomgi likame poto piny abongo ngiec kapapawu. \v 30 . Do yer me wiwu dede otieko maro. \v 31 . Pimano kur ilworunu wun piru tek kalamo acilagwec atot.

10/32.txt

@@ -0,0 +1 @@
+\v 32 . Pimano dano kame tuco nyinga nyimjo, angoda abino tucoen inyim papana kame tie ii malo. \v 33 . Do ngat kame dagango inyimjo, angoda amito dage inyim papana kame tie ii malo.

10/34.txt

@@ -0,0 +1 @@
+\v 34 . Kur itamunu be ango abino pi kelo mulem iwi lobo. Ango likame abino pikelo mulem do papa. \v 35 . Pien ango abino piketo adding idiere me icuo kede papa mere, kede ati nyako kede totomere, kede adding idiere, me dako kede totome cware. \v 36 . Dokon nyakwor adano oyaro bedo jo me yii yode.

10/37.txt

@@ -0,0 +1 @@
+\v 37 . Ngat kame maro papamere arabo toto mere kalamo ango likame ibecokina bedo mera. Dokon ngat kame maro wode arabo nyare kalamo ango likame ibeco kina bedo mera. \v 38 . Ngat kame lika tingo yat aria mere, di eko luba kede likame en ibecokina bedo mera. \v 39 . Ngat kame wudo ku mere bino rwenye kede ngat kame Rwenyo kuomere pira bino wude.

10/40.txt

@@ -0,0 +1 @@
+\v 40 . Ngat kame gamo wu wudo egamo ango, dokon ngat kame gamango, wudo egamo ngat ko cuao ango. \v 41 . Ngat kame gamo enabi inying me enabi oyaro gamo epera me enabi; kede ngat kame gamo ngat opore inying me ngat kopore eyaro gamo epera me ngat kopore.

10/42.txt

@@ -0,0 +1 @@
+\v 42 . Dokon ngat amoro kame mio ikopo me pi angic but jo atino gi inyingme nga siao ateteni ango ayamone wu be, en likame eyaro bino kei epera mere.

10/title.txt

@@ -0,0 +1 @@
+Esula 10

12/01.txt

@@ -0,0 +1 @@
+\c 12 \v 1 . Ikare nono iceng sabato Yesu diko beo ngoto poto me engano en kede josiao mege do kec oudo oneko gi di gin kiko jaco wie engano me acama. \v 2 . Do kakame Iparisayon oneno kede gin kiko waco ne be neningo josiao nin timo gi kalikame upere kede iswil oceng me sabato.

12/03.txt

@@ -0,0 +1 @@
+\v 3 . Do en eko waco ne gi be un likame isomunu giame Daudi otimo di kec oneke en kede jokame bin etie kede? \v 4 . Epone kame en edonyo kede iot ka Rubanga di eko camo mugati kame oudo liame iswil yei ne gi camo en kede jo kame oudo etie kede kwanyo kenekene Isaseredotin?

12/05.txt

@@ -0,0 +1 @@
+\v 5 . Arabo liame isomunu iswil kame waco be Isaseredotin oudo ceng me sabato ki itempulo do likame ok bunano gi? \v 6 . Do ango awaco neu be ikabedo ni tie dano acel came dwong oko kalamo tempulo.

12/07.txt

@@ -0,0 +1 @@
+\v 7 . Do oudo koto di ingeunu dwong me kop ni be ango amito kisa do liame gayala koto oudo likame ingolunu kop ne jo kame li kede calo. \v 8 . Pien wot ka dano en ka tie Rwot me sabato.

12/09.txt

@@ -0,0 +1 @@
+\v 9 . Kakame en eyai kede ikuno eko ot ikacokere gi. \v 10 . Neningo oudo bin tie icuo moro kanono kame bede omito di gin kiko penyo Yesu di kiwaco be benyo iswil oyei ne in cango dano iceng me sabato? Tetekeny gin kiud kop kame kipide iye.

12/11.txt

@@ -0,0 +1 @@
+\v 11 . Di en eko waco negi be ngai adiere kame tie kede oromo acel ame ka epoto ibur iceng me sabato di liame eko mako eko woto oko? \v 12 . Benyo dano liame pire tek kalamo oromo?  Pimano iswil yei pi timo bero iceng me sabato.

12/13.txt

@@ -0,0 +1 @@
+\v 13 . Di en eko waco ne icuo nono be rien badi en eko rieno bade di ok doko rorom kede ocelu. \v 14 . Di Iparisayon oko wok kiko ot bedo lekiko pi mono epone me make kede neke.

12/15.txt

@@ -0,0 +1 @@
+\v 15 . Kakame Yesu ongeo kede en eko yai tenge kikuno ekodet adwong me jo di ko lube di en eko cango gi dedede. \v 16 . Di en eko ciko be pore kur kimi en engere. \v 17 . Tetekeny wek kop kame enabi isaya bin owaco cobere kakare.

12/18.txt

@@ -0,0 +1 @@
+\v 18 . Nenunu epasoit nango ame ango ayero kame amaro doko cunye yom kide abino me jo aliame Iyudayan ngolo kop me ateni.

12/19.txt

@@ -0,0 +1 @@
+\v 19 . En likame ebino yei ara koko arabo dano moro winyo dwane iyongayo. \v 20 . En likame ebino tino magada ka ogom likame ebino neko etala kame liel midimidi tino kede di en ecwao ngolo kopna mem me ateni. \v 21 . Di jo kaliame Iyudayan kobino geno nyinge.

12/22.txt

@@ -0,0 +1 @@
+\v 22 . Di oko kelo ne Yesu icuo moro kame iwogi omako wange olo lebe oto di en eko cange di dano kame wange oto lebe oto di ko yamo di eneno piny. \v 23 . Di jo dedede oko bedo kede ur di kiwaco be man li obedo wot kadaudi?

12/24.txt

@@ -0,0 +1 @@
+\v 24 . Do kakame Iparisayon ou=winyo kede kop ni gin kiko waco be ngawota wa ni liame riamo jwogi do tecro ka belsebut ko bedo Ngadwong me jwogi. \v 25 . Kakame Yesu ongeo kede tangi en eko waco negi be Ajakanut moro ni kame pokere kene epoto doko bomba ara ot moro ni kame pokere kene li ecingo.

12/26.txt

@@ -0,0 +1 @@
+\v 26 . Doko kame jwogi riamo jwogi wadgi udo kipokere epone mene kame Ajakanut gi cungo kede? \v 27 . Doko kame di ango ariamo jwogi kede teko ka belsebut idweu do riamo jwogi kede teko kangai? Piman gin kiyaro bedo ja kame ngolo neu kop.

12/28.txt

@@ -0,0 +1 @@
+\v 28 . Do kame di ango ariamo jwogi kede cuny ka Rubanga udo Ajakanut ka Rubanga otieko bino butu. \v 29 . Arabo epone mene kame dano donyo kede iot me dano atek di eko dudubo jamini mege kwanyo ber me agege etweo dano atek di do eko dudubo jamini me iode. \v 30 . Dano kalikame tie keda udo en etie kede kop ikoma doko dano kalikame coko keda en eketo gi aketa.

12/31.txt

@@ -0,0 +1 @@
+\v 31 . Pimano ango awaco neu be epone me dub kede ayet dedede kobino sasaro iye jo do ayet kame koyeto kede cuny acil likame kobino sasiro jo kiye. \v 32 . Ngat kame waco kop arac ikom wot kadano kobino sasaro en do ngat kame waco kop arac ikom cuny acil likame kobino sasaro akadi iloboni arabo ilobo kame tie bino.

12/33.txt

@@ -0,0 +1 @@
+\v 33 . Arabo mino yat bedo ber kede anyakini mege bedo ber arabo mito top di anyakini mege da ko top pien yat ngere kede anyakini mege. \v 34 . Okwe un idwe me twole benyo benyo kame ikarununu yamo kede kope kabeco di un jo areco? Pien kope atot kame tie icuny dano en kame doge waco. \v 35 . Dano aber kano jamini abeco icunye do dano arac kano jamini areco icunye.

12/36.txt

@@ -0,0 +1 @@
+\v 36 . Do ango awaco neu be kope me atatai kame dano yamo abongo gwokere iye en ebino dwoko dwoko gi iceng me ngolo kop. \v 37 . Pien kop nono en koyaro mino icuo kop doko kop nono koyaro mino kongolo kop ioi.

12/38.txt

@@ -0,0 +1 @@
+\v 38 Di jo mogo kikom kopwony me iswil kede Iparisayon oko dwoko ne be ngapwony wan omito be onen gianena moro kibuti. \v 39 Do Yesu oko dwoko ne gi be, “Jo me i kare ni kame timo tim areco kede kalikame yei Rubanga penyo pi mito neno gianena moro, do likame tie gianena moro kame kobino mino gi, kwanyo kenekene gianena kame bin otimere ne enabi Yona. \v 40 Pien bala kite kame bin Yona otieko kede ceng adek kede iwor adek ii eputa, kamanono da Wot ka dano bino bedo piny ii lobo pi ceng adek kede iwor adek.

12/41.txt

@@ -0,0 +1 @@
+\v 41 I ceng me ngolo kop jo me bomba me Ninebe bino cungo di kiko mino kop lo jo me i kare ni, pien bin gin kiwinyo kop kame Yona opwonyo kiko swilaro ki dub gi; do nenunu, otienu kan kede gikame pire tek kalamo Yona.

12/42.txt

@@ -0,0 +1 @@
+\v 42 I ceng me ngolo kop abaka adako me tetu piny bino cungo kede jo me i kare ni di en eko pido gi, piento en bin eyai ki ajikini me lobo kakabor pi ot winyo kop me rieko kibut abaka Sulumani, do nenunu, otienu kan kede ngat kame pire tek kalamo Sulumani.

12/43.txt

@@ -0,0 +1 @@
+\v 43 ”Ka tipo arac oyai ki kom dano, ebeo i adulion otuo di emo kakame eromo wei iye, do likame en eko karuno udo. \v 44 En eko bino waco be, ‘Abino dok i oda kame awok kiye.’ Kame en edwogo ebino udo ode no di koweo ie doko di koike kiber. \v 45 Di do en eko ot eko kelo tipere kanyaare icegun areco kalamo en, gin kiko donyo di kiko bedo kuno; di kuo me dano no ko doko rac kalamo kite kame oudo etie kede i agege. Aso, ebino timere kamanono da ne jo areco me i kare noni.”

12/46.txt

@@ -0,0 +1 @@
+\v 46 Kakame Yesu oudo pwodi tie yamo kede jo, toto mere, kede imiegu mege oko cungo ooko, di oudo kimito yamo kede Yesu. \v 47 Ngatamoro oko waco ne Yesu be, “Toto ni kede imiegu ni tie cungo ooko di kimito yamo kedi.”

12/48.txt

@@ -0,0 +1 @@
+\v 48 Do en eko dwoko ne ngat kame kocwao be, “Ngai en kame toto na, doko alu en kame imiegu na?” \v 49 En eko cimo josiao mege di ewaco be, “Toto na kede imiegu na gin ige! \v 50 Pien ngat kame timo gikame Papa na kame tie i malo mito, en kobedo omina, amina kede toto na.”

12/title.txt

@@ -0,0 +1 @@
+Esula 12

13/title.txt

@@ -0,0 +1 @@
+Esula 13

14/01.txt

@@ -0,0 +1 @@
+\c 14 \v 1 . Ikare kame Erode kobedo ngapug owinyo kede rwonge ikom Yesu. \v 2 . Di en eko waco ne jo tic mege be man en Yokana nga ibatis en koyaruno kikom jo koto en omio tice adongo dongo tie nyutere kibute.

14/03.txt

@@ -0,0 +1 @@
+\v 3 . Pien Erode bin oudo omio omako Yokana di oko tweno iot kol pi kop ka Erodia dako omimere Pilipo. \v 4 . Pien Yokana bin oudo owaco ne be iswil likame yei ne in bedo kede dano nono. \v 5 . Bed bala en oudo emito neke do oudo etie iworo ekodet pien gin bin kitere bala enabi.

14/06.txt

@@ -0,0 +1 @@
+\v 6 . Do kakame ceng me yutuno ceng me nywalo erode otuno kede nyar kakerodia di ko miel inyim gi di eko yomo cuny Erode. \v 7 . Omio en eko timo cikere kede kwong pi mine gimoro kenekene kame en ebino penyo.

14/08.txt

@@ -0,0 +1 @@
+\v 8 . Do oudo toto mere otieko cike be mia wi Yokana nga ibatis isinia. \v 9 . Di gin oko cobo cuny abaka do pi cobo kwong kede iworo jo kame bin tie bedo kede cam omio en eko ciko pi mine.

14/10.txt

@@ -0,0 +1 @@
+\v 10 . Di en eko cwano di oko ngolo wi Yokana iot kol. \v 11 . Di oko kelo wi Yokana isinia di oko mino nyako noni di eko kelo ne toto mere. \v 12 . Josiao mege di kobino kwanyo kome tero ot yiko di kiko ot waco ne Yesu.

14/13.txt

@@ -0,0 +1 @@
+\v 13 . Kakame Yesu owinyo kede kop nono di en eko kede ot itela kakame jo owinyo kede kop momo gin kiko lube kede tengi oko me bomba. \v 14 . Di Yesu oko ot anyim eko neno ekodet adwong di en eko nyiko but gi kede kisa di eko cango jo tuo gi.

14/15.txt

@@ -0,0 +1 @@
+\v 15 . Di otieno otuno josiao mege di ko bino bute di kiko waco ne be kan obedo itela doko esawa da okato sarakino ekodet me jo tenge kiot icalere ki wil cam gi kikomgi.

14/16.txt

@@ -0,0 +1 @@
+\v 16 . Do Yesu di kowaco negi be liame gin kipore ot miunu gi gime acama. \v 17 . Di gin kiko waco ne be wan otie kede mugan kany kede aporogon are kan. \v 18 . Di en eko waco be kelunu gi bute kan.

14/19.txt

@@ -0,0 +1 @@
+\v 19 . Di en eko ciko ekodet me jo pi bedo piny ilum di en eko kwanyo mugati kany kede aporogon are, di eko neno malo eko mino winyo di eko tuturo gi di eko mino mugati but josiao mege di do josiao oko mino ekodet me jo. \v 20 . Di gin dedede kiko camo di kiko yeng di kiko ooko ingidingidin kodong pong ibukito tomon kiwie are. \v 21 . Jo ocamo dedede oudo romo jo tutumia kany di liame omaro mon kede idwe.

14/22.txt

@@ -0,0 +1 @@
+\v 22 . Cucuto nono Yesu di ko mino josiao mege donyo iyee di gin kiko telo nen yongayo me ot loka tetuca en oudo edong cen pi peruno jo. \v 23 . Kakame en etieko peruno kede ekodet me jo di en eko ot iwi moru pi ilega di otieno otuno en oudo etie kuno kene. \v 24 . Do esawa nono yee oudo tie do idier nam di etie pumo ebuka me yamo pi yamo oudo tie buko kitek.

14/25.txt

@@ -0,0 +1 @@
+\v 25 . Kakame piny otuno kede obai Yesu di ko bino but gi di eoto iwi nam. \v 26 . Kakame josiao onene kede di etie ot iwi nam iworo di ko mako gi kiko waco be man obedo tipo di gin kiko donyo koko pi iworo. \v 27 . Do cucuto nono Yesu di ko waco negi be bedunu kede yom cuny ango inono ni kur ibedunu kede iworo.

14/28.txt

@@ -0,0 +1 @@
+\v 28 . Di Petero oko dwoko ne be Rwot kame di in wekada abin buti iwi pi. \v 29 . Di Yesu oko waco ne be bia do kakame Petero owok kede iyee di en eko cako ot iwi pi me ot but Yesu. \v 30 . Do kakame eneno kede yamo di tie buko iworo di ko make eko cako iwiny di eko cako koko di ewaco be Rwot laka.

14/31.txt

@@ -0,0 +1 @@
+\v 31 . Cucuto Yesu diko rieno bade diko make di kowaco ne be okwe un jokame yei unonok, pinyo omio itie kede abuikin. \v 32 . Kakame gin kidonyo kede iyee yamo oko kwei. \v 33 . Di jo oudo tie iyee oko wok di kiko wore di ki waco be me ateteni in en wot ka Rubanga.

14/34.txt

@@ -0,0 +1 @@
+\v 34 . Di gin kitieko ngolo nam kiko tuno ilobo me Genesaret. \v 35 . Kakame jo me lobo ongeo kede Yesu gin kiko sarakino kop but pinye koluko gi dedede di oko kelo ne jo tuo. \v 36 . Di gin kiko kwane be koto en eyei ne gin mulo lak egwe mere pien jo atot ame omulo egwe mere gin dedede kicango

14/title.txt

@@ -0,0 +1 @@
+Esula 14

19/01.txt

@@ -0,0 +1 @@
+\c 19 \v 1 . Kakame Yesu otieko yamo kede kope nogi, en eko yai ki Galilaya, eko ot i adul me Yudea kame tie loka tetuca me ecilet me Yorodan. \v 2 . Ikodete me jo atot oko lube, en eko cango jotuwo ki kuno.

19/03.txt

@@ -0,0 +1 @@
+\v 3 . Iparisayon da oko bino bute, pi tame, gin di kiwaco be, Iswil yei ne icuo pi riamo dako mere pi kop moro ni kenekene? \v 4 . En eko dwokone gi di ewaco be, likame itiekunu somo iwandik kame waco be, “En ngat kame ocweo gi ikare me agege; ecweo gi cuo kede mon

19/05.txt

@@ -0,0 +1 @@
+\v 5 . Di eko Waco be, Pi mano, icuo bino weko papa kede toto mere, di eko ribere kede dako mere, gin are gi kobino doko kom acel? \v 6 . Pi udo gin do likame bobo kitie are, do udo kidoko kom acel. Pi mano, gikame Rubanga otieko ribo kur dano moro poki.