kdi_3jn_text_reg/01/05.txt

\v 5 Ngawota kame amaro, in igenere i tic dedede kame i timo ne imiegu kede amiegu, bed bala gin kibedo jokumbor kibuti. \v 6 Gin kitieko mino ijura i kom amara ni but ekodet me jokirisito kame tie kan. Ebino bedo ber ka in ikonyo gi pi gin meede kede ot gi bala kame poore i tic ka Rubanga. \v 7 Pien gin oudo kicako yai ot sapali gi pi tic ka Kirisito, di likame kiyei gamo kony moro kibut jo kalikame oyei. \v 8 Pi mano, wan opoorenu konyo jo kame cal kamanono, tetekeny odokunu jo kame nywako tic me pwonyo kop me ateni.