pga_ezk_text_reg/16/35.txt

\v 35 Ashan keda, inta al zani, asuma le kelim ta Yahwa. \v 36 Rabuna Yahwa kelim keda: Ashan inta kubo bara shohuwa taki wa kati ariyan taki bi wasat amayiel taki ta zena ma habayib taki wa ma kulu asnam al waskan, wa leanu inta wodi le homon iyal taki, \v 37 ashan keda, kun guwi, Ana bi limu habayib taki kulu al inta kan limu ma homon, kulu del al kan inta hibu wa kulu del al inta akrah, wa Ana bi limu homon ded inta min kulu tejahat. Ana ma bi kati ariyan taki min homon fa homon bi ayenu ariyan taki kulu.