pga_1ch_text_reg/21/13.txt

\v 13 Daud kelim le Jad, "Ana fi mushkila kebir! kede ana waga fi idan ta Yahwa min idan ta zol, ashan rahma Bito kebir kalis." \v 14 Biga Yahwa rasulu waba fi Israil, wa sebein alf nas mutu. \v 15 Allah rasulu malika fi Orshelim ashan bi demiru. Wokit huwo biga gerib ashan bi demiru, Yahwa aynu wa geiru muk Bito be sabab kusarat al bi hasil. Huwo kelim le malika al bi demiru de, "Kifaya! hasa juru idan taki wara." Fi zaman dak malika ta Yahwa kan bi wogif fi tahuna degig ta Ornan ta Yabusi.