Tue Jul 18 2017 16:06:10 GMT+0100 (W. Central Africa Standard Time)

02/01.txt

@@ -0,0 +1 @@
+\v 1 Ciɗa a giɓkǝ mbuɗkǝnnes, she Kaisar Augustas a ta gǝmvi ndǝr kon tu tǝ kwaan zarsǝi ɓuruk ɗaŋ ca tsǝtn a giɓkǝ ɗǝgn.\v 2  Gin ghǝn a ta yi nǝ kwaanngǝn kǝ kenni ɗaŋ tǝ ta fi a kiliyo ɗaŋ Kiriniyus a ta yi nǝ guŋngǝ Suriya.\v 3  Nǝ durghǝ cik, ko nu tǝ sutǝ ɗatǝ yatl duryo tu tǝ dlaaɗ sǝmwoshi nǝ durghǝ kwaanngǝnnes.

02/04.txt

@@ -0,0 +1 @@
+\v 4 Yusufu beɗ a ta shishi ga yagl ghǝ Nazareɗ ɗi tlii nǝ ghǝ yatl ggǝ Baitalami ɗaŋ yi Yahudiya, gyo ɗaŋ caa cimtǝ tuyatl ghǝ Dauda, duryo tyvcinǝ wusuli ghǝ giɓ dǝn ghǝ Dauda.\v 5  A ta tlii ɗan tu tǝ dlaaɗ sǝmwoshi tǝ gǝɗiwos Maryamu gyo ɗaŋ nǝ gǝɗ shiiliwos ɗaŋ ci tǝ ŋaavwaa.

02/06.txt

@@ -0,0 +1 @@
+\v 6 A naai tu ɗaŋ ci ɗa ɗan, kili ta fi ɗaŋ wo ɓwaa kuniwos. A ɓwaa kuniwos, kuniwos kǝ keni ghǝnndi, a ta karghaɗti ndarara tǝ gya vwaapm. \v 7 A ta gǝmti a giɓ kumbur ghǝ tǝmsa, nǝ dur yo tu viin ghǝ kaɓkǝn sǝmmbǝrsǝ ta yi ɗa nǝ dur wasǝŋ hŋ.

02/08.txt

@@ -0,0 +1 @@
+A giɓkǝ lǝɓi ges, mǝn lyaaghǝn tǝmsa won ɗa ɗani ɗaŋ caa tsǝtn a dǝǝl cigha paŋngǝn gutuli tǝmsa wamsa waasǝŋ kavidɗ. A ngaalaa hŋ, she zhlpti ghǝ shinngǝn Daadǝn a ta man ɓashi, luughǝn ghǝ Daadǝn a ta mbaa lǝɓeshi ɗaŋ cighai, she vǝrtǝ ta ngaɓshi waashi mbun- mbun.

02/10.txt

@@ -0,0 +1 @@
+she zhipti ghǝ shinngǝnes a ta wulshi ta, '' bak wum vǝrtǝŋ, nǝ dur yo tu mǝ lǝǝrkini vik wusni mǝnndi daŋ wo caaki polghǝn monnda tǝ ɓuruk zarsǝ. ya won ta ɓwaaki murghǝ vuumngǝn waan mǝn a giɓkǝ yatl kǝ Dauda! yan nǝ gi daŋ nǝ ɓorghǝni Daadǝn! gin ghǝn ci giɖkǝn yo daŋ ta vǝrki. ka yel ŋaa na bartu nǝ karghadkǝn tǝ vwaapm cigha mɓuɗkǝn giɓ kumbur tǝmsa.''

02/13.txt

@@ -0,0 +1 @@
+\v 13 Swaaɗ, she dǝllǝk jwaamngǝn won ghǝnndi gaami tǝ gya zhipti ghǝ shinngǝn Cogn cigha luughǝn Cogn, ci wultu,\v 14  ''luughǝn a Cogn gaami, gaan wusni tǝ naa a ɗǝgn a dlǝk kǝ zarsǝn ɗaŋ ca wum wusǝŋngǝn waasǝŋ''

02/15.txt

@@ -0,0 +1 @@
+\v 15 A naai a kiliyo ɗaŋ gya zhipti shinngǝn Cogn tǝ ta gaashi washi tǝ taai gaami, she mǝn lyaaghǝn tǝmsais tǝ wul dlǝŋsǝ wasǝŋ tu, ''mǝ tlǝnni Baitalami mǝ yel ngǝrshi gin ɗaŋ a fiin,gyo ɗaŋ Daadǝn giɗmi wopǝn.'' \v 16 Tǝ fi motl-motl tǝ tlii ɗa ɗannestǝ tu Maryemu ci tǝ Yusufu, tǝ yel ŋaa nabartuyes a mbuɗkǝn a giɓ kumbar tǝmsais.

02/17.txt

@@ -0,0 +1 @@
+\v 19 Ɗa kaari ɗaŋ tǝ yel gini, tǝ fuu zarsǝ ngǝtn yo ɗaŋ tǝ fuushi a duulgaam kuni gines.\v 18  Ɓuruk mǝn yo ɗaŋ tǝ wum, a kwasarshi monnda a duulgaam ngǝtn yo ɗaŋ mǝn lyaaghǝn tǝmsais tǝ fuushi. \v 17 Beɗ tǝ gi yan Maryemu a ciken tǝ ɓitalghǝn a ngǝrshi gya gi ɗaŋ a wummi, cigha ɓitaghǝn shoŋ-shoŋ a giɓkǝ raawos.\v 20  Mǝn lyaaghǝn tǝmsais tǝ ta sushi cigha luughǝn tǝ zǝghǝrghǝn Cogn nǝ durghǝ ɓuruk ngǝrshi gya gi ɗaŋ tǝ wummi, tǝ ndǝr tǝ yelli, yin ɗaŋ gi ɗaŋ tǝ fuushi washi.

02/21.txt

@@ -0,0 +1 @@
+\v 21 Ɗaŋ a tuli mbuɗkǝn tan- tan, kiliyo ɗaŋ ta sǝǝrǝ kuneshi, she tǝ ta caa tǝ sǝǝm tu Yesu, sǝǝm yo ɗaŋ zhipti shinngǝnes ta vǝrtǝ ghǝnndi annda tǝ mbi ŋaavwa wos.

02/22.txt

@@ -0,0 +1 @@
+\v 22 Ɗaŋ mbuɗkǝn ghǝ coɓkǝn voraŋ ghǝ nabartuyes ta latsǝi, ɗaŋ gi ɗaŋ Musa dlyaaɗi, Yusufu citǝ Maryemu tǝ ta lǝǝrti giɓ vin ladi Urshelima duryo tu tǝ vǝrtǝ Cogn.\v 23  Ɗaŋ gi ɗaŋ tǝ dlyaaɗ a mborkighǝ Daadǝn, ''ta ciim ɓuruk ŋaa kǝ gami tu, ndzǝkni ghǝ Daadǝn.'' \v 24 Tǝ ta man tu tǝ vǝr ngǝtn ɗaŋ gi ɗaŋ tǝ kon dǝǝl ghǝn vighǝ Daadǝn, ''kumri mbǝtlǝm tǝ vumbur mbǝtlǝm.''

02/25.txt

@@ -0,0 +1 @@
+\v 25 Yanngǝnni, murwon ciɗa ɗaŋ sǝǝmwos tu Siman. Mures nǝ zarbghǝ taŋ-taŋnyi tǝ mbuughǝn Cogn beɗ. Ci gha ɓuɓkǝn murghǝ mbutarghǝn raa mǝn Isar'ila, zhipti var ghǝ ndzǝkni ci ɗa tǝ gaam.\v 26  Tǝ giɗtǝ a te zhipti var kǝ ndzǝkǝn tu wo mǝs hŋ hal she ya yel gi ɗaŋ nǝ ɓorghǝn ghǝ Daadǝnni.

02/27.txt

@@ -0,0 +1 @@
+\v 27 Dzaŋ gon won Siman ta man vin ladi a te cimngǝn ghǝ zhipti var ghǝ ndzǝkkǝni. Ɗaŋ mǝn mbwaaghǝn woshes tǝ ndar kuneshi ɗi ɗa giɓes, Yesu ghǝnndi, nǝ duryo tu, tǝ yugn ngǝtn yo ɗaŋ ɗǝǝlghǝn ves ca suu.\v 28  Siman kaɓti a giɓ ghǝ taaswos, a zǝghǝr Cogn wul tu, \v 29 ɗaŋni ga mon wa tǝ tli tǝ wusni ghǝ raa, Daadǝn, ɗaŋ gi ɗaŋ kǝ koni.

02/30.txt

@@ -0,0 +1 @@
+\v 30 Nǝ duryo tu yiratn a yel kaɓkǝni wai, \v 31 gyo ɗaŋ kǝ ɓumtsǝ a ken ghǝ zarsǝ ɓuruk.\v 32  Nǝ mbaaghǝn ghǝ giɗkǝn Cogn a zarsǝ ɓuruk, beɗ tǝ luughǝn ghǝ zarsǝwa Isar'ila.''

02/33.txt

@@ -0,0 +1 @@
+\v 33 Daaghǝ kunes tǝ naashi, a kosarshi, nǝ durghǝ ngǝtn yo ɗaŋ tǝ kon a gamashi. \v 34 Siman gǝmshi mbuni mǝn a wul naashes Maryemu tu, ''wum gin ndarara, kunin wo na nǝ dekkǝ ndaaɗkǝn tǝ shishighǝ zarsǝ monnda ghǝ Isar'ila, nǝ giɗkǝn tu ta nyaŋngas tǝ. \v 35 Dur tu wo taar raa wai ɗaŋ gi ɗaŋ ɓitalghǝn zarsǝ wo giɗ.''

02/36.txt

@@ -0,0 +1 @@
+\v 36 Gǝɗ won murghǝ shinngǝn Cogn ɗaŋ sǝǝmwos tu Annatu ciɗa ɗuun. Nǝ nyighǝ Fanuliya giɓ dǝn ghǝ Ashiru. A ta yi nǝ ndotsǝ gǝɗ. A ta yi tǝ tuurwos ɗaŋ a kaɓtǝ tǝ voni wattsǝmai ɗaŋ tǝ laatsǝ. \v 37 Ɗaŋ tuurwos mǝs, a ta fi tsǝtnngǝn wos nǝghǝ voni tashi tan-tan tliti wuɓsǝ. A ta ga vin ladi hŋ, a ta ciken tǝ luughǝn Daadǝn, dzaŋ tǝ kaviɗ.\v 38  A kili gya ges, a ta tai ɓashi nda nyarghǝn Cogn. A ta fuu ɓuruk gya gon ɗaŋ cigha ɓuɓkǝn ghǝ kaɓkǝn Urshelima.

02/39.txt

@@ -0,0 +1 @@
+\v 39 Ɗaŋ tǝ ɓan konighai ɗaŋ caa su tǝ fes ɗaŋ gi ɗaŋ dǝǝlghǝn vi ghǝ Daadǝni, tǝ ta sushi Galili, tǝ tlii giɓ yatl wasǝŋ, Nazareɗ. \v 40 Kunes ta luui ndǝr tlyaa, saghaɗkǝn wos ta ɓeɗghai, gyal ghǝ Daadǝn beɗ a ta yi ɗaa tǝ gaam.

02/41.txt

@@ -0,0 +1 @@
+\v 41 Mǝn ɓwaaghǝn wos ca yi tlǝ Urshelima ko voni gyo nǝ durghǝ zakkǝn lǝpm kǝ tlǝghǝnni. \v 42 Ɗaŋ ci voni dzuɓ tliti mbǝtlǝm, tǝ ta taai ɗa ɗa daɓ a kili ghǝ zakkǝn lǝpm ɗaŋ gi ɗaŋ caa yi.\v 43  Ɗa kaari ɗaŋ tǝ ɓan mbuɗkǝn ghǝ zakkǝn lǝpeshi, tǝ ta ndashi sughǝnndi dǝn. Beɗ tǝ gi ŋaa kunes Yesu a ta naai kaar tsǝti Urshelima, tǝ cik mǝn ɓwaaghǝnwos taa ta yisǝŋ hŋ.\v 44  Caa caraa tu citǝ  zarsǝi gya gon ɗaŋ cigha riighǝnndi cimshi, tǝ ta ciken tǝ riighǝn nǝ ghǝ mbuɗkǝn namboŋ. Tǝ ta nda ŋalghǝnwos a giɓkǝ zarsǝ wasǝŋ tǝ gya kamsa wasǝŋ.

02/45.txt

@@ -0,0 +1 @@
+\v 45 Ɗaŋ tǝ yeltǝ hŋ, tǝ ta sushi Urshelima tǝ nda tǝ ŋalghǝn ɗa ɗan\v 46 Ɗaŋ mbuɗkǝn maayi ta laatsǝi, tǝ ta tutii giɓ vin laadi, cigha tsǝtnngǝn a dlek malǝmshi, ci ɓashi sǝǝghǝn kǝǝm cigha ceɗkǝn wasǝŋ beɗ.\v 47 Ɓuruk gya gyo ɗaŋ caa wumtǝ a kosarshi tǝ yisǝŋ ngǝtn yo ɗaŋ yir tǝ suughǝn yo ɗaŋ ca sushiɗa.

02/48.txt

@@ -0,0 +1 @@
+\v 48 Ɗaŋ tǝ yeltǝ, a kosarshi mbun-mbun . Naashi wultǝ tu, ''kunetn, ni ghǝn ca kǝ fimii cighǝi? Wumi, Daagwa tǝ myan mi ɓaskǝ ŋalghǝn tǝ raa malarghǝn.'' \v 49 A wul shi tu, ''Ni ca ghǝnnda kya ŋalme? kaa yisǝŋ tu a naa ciɓ mǝ na a dǝnngǝ Daagǝtn hŋaa?'' \v 50 Beɗ tǝ gi tǝ yisǝŋ ngǝtn yo ɗaŋ a kon a viwoshes hŋ.

02/51.txt

@@ -0,0 +1 @@
+\v 51 She a shishi a laaɓshi tǝ sushi Nazareɗ ci cimshi a ciken tǝ wumngǝn vi mǝn ɓwaaghǝn wos. Naashi ta num ɓuruk ngǝrshi gya gi a raawos cgha ɓitalghǝn ghai.\v 52  Beɗ tǝ gi Yesu ciken tǝ yisǝŋngǝn tǝ luughǝn, a ndǝr tu kaɓkǝn a Cogn tǝ zarsǝ.

05/01.txt

@@ -0,0 +1 @@
+\v 1 A naai nǝghǝ yo ɗaŋ zarsǝ tǝ jwaamshiɗ a Yesu cigha wumngǝn vik Cogn, cigha dlǝrghǝn a ɓil zhakkǝ Janisarata. \v 2 A yel zhirgi zha mbǝtlǝm a dlǝrghǝn ɗa ɓil zhes. Mǝn nyomngǝn gyahes taa nwaalɗi ɗa giɓ zhirges cigha coɓkǝn ngǝtnngǝ nyomngǝn gyashes.\v 3  Yesu ndai a giɓ zhirgi zhei gon ɗaŋ nǝghǝ Biturus, a wultǝ tu tǝ ɓǝtar zhirges ghai njwatn ɗa giɓ zhes. A tsǝtnni ndǝr kuɓar zarsǝ ɗaŋ ciɗa giɓ zhirges.

05/04.txt

@@ -0,0 +1 @@
+\v 4 Ɗaŋ a ɓan viwos wulghǝnni, a wul Siman tu, ''ɓǝtar zhirges ghai a lǝǝɓ shoŋni a gǝm ngǝtnngǝ nyomngǝn gyas waai ghai nǝ dur yo tu a nyom gyas.''\v 5  Siman sutǝ ɗa a wultu, ''Daadǝn , mǝ mbuɗnǝni a laan maa ngaɓ ngǝtn hŋ, beɗ tǝ gi ma man gǝm ngǝtn nyomngǝnnes ɗa.''\v 6  Ɗaŋ tǝ fi cik, tǝ nyom gyas monnda, hal ngǝtnnghǝ nyomngǝn gyashes ta ngɓ taarghǝn.\v 7  Tǝ ta kara gya kamsawasǝŋ ɗaŋ ca fi laa cimshi ɗaŋ cigha kamshi zhirgi gon tu tǝ mab somshiɗa. Tǝ ta man tǝ yugn zhirge shi beɗ wasǝŋ mbǝtlǝm tǝ gyas, hal tǝ ta nguɓ ndaghǝn giɓi.

05/08.txt

@@ -0,0 +1 @@
+\v 8 Beɗ tǝ gi Siman Biturus, ɗaŋ a yel cik a nguɓni a ken ghǝYesu, a wultu, ''ɓǝǝlghǝ tǝ myan Daadǝn, nǝ duryo tu minǝ murghǝ kuskǝ ngǝtn.'' \v 9 Nǝ duryo tu a kosartǝ, tǝ ɓuruk gya gyo ɗaŋ ci cimshi, nǝ durghǝ lǝǝɗkǝn gyas yo ɗaŋ tǝ nyom.\v 10  Gi a ta yi nǝ gya Yakubu tǝ Yahaya mǝri Zabadi kamngǝ laa Siman. She Yesu ta wul Siman tu, ''ɓak wum vǝrtǝ hŋ, duryo tu ɗaŋ ɗaŋnin, ka yi nyomni zarsǝ.''\v 11  Ɗaŋ tǝ nyolar zhirgi wasǝŋǝi ɗi ɓǝdlǝŋ a dul yatl, tǝ ta koni tǝ laaɓtǝ.

05/12.txt

@@ -0,0 +1 @@
+\v 12 A kili yo ɗaŋ a ta yi ɗa giɓ yatli gon, murwon ɗaŋ citǝ ndomtsǝ a ta yi ɗa lǝǝɓes. Ɗaŋ a yel Yesu, a ndaaɗ a ken wos hal yatl ca karatǝ, ca wultu, ''Daadǝn ǝŋ kya kaɓi, ka ɗya ka fuuɗmi.''\v 13  Yesu taa taaswos tǝntǝ ghai, ndomtses ta ɓǝltǝ tǝ yan.

05/14.txt

@@ -0,0 +1 @@
+\v 14 A wultu ɓak tǝ fuu gon hŋ, beɗ tǝ gi a wultǝ tu, ''Tlǝ a a giɗ gamawa a pǝris a ndǝr a vǝr ngǝtn Cogn nǝghǝ byatlkǝn wa, ɗaŋ gi ɗaŋ Musa koni, gi wo ca zarsǝ ta yisǝŋǝi tu ka fuɗi.''

05/15.txt

@@ -0,0 +1 @@
+\v 15 Beɗ tǝ gi vesta kaɓ lǝɓi hal ndoŋngai, zarsǝ monnda tǝ ta jwami ɓastǝ dur yo tu tǝ wumtǝ, tǝ ndǝr tǝ tu byatlkǝni nǝ gya gonngǝn yo daŋ tǝ yir. \v 16 Beɗ tǝ gi ca ɗya nyoli tlii a lǝɓ yo ɗaŋ gonngai hŋ nǝ karaghǝn Cogn.

05/17.txt

@@ -0,0 +1 @@
+\v 17 A naai namboŋ a giɓkǝ mbuɗkǝn yo ɗaŋ ca kuɓar, Farisiyawa tǝ malǝmshi ngǝtn ɗaŋ Musa dlyaaɗ ɗaŋ caa tsǝtn a lǝɓkǝ  gya gi ɗaŋ tǝ dlamɗi te mǝri yatl yo ɗaŋ ta ngiriŋ Galilii tǝ Yahudiya tǝ gya yatl kǝ Urshelima. Vartǝ Daadǝn citǝ yaan nǝ durghǝ byatlkǝn zarsǝ.

05/18.txt

@@ -0,0 +1 @@
+\v 18 A kili gin, mǝnwon tǝ man taa mbi murwon ɗi nǝ pwaaghǝn dulghǝ lǝmmbuɗ, tǝ ndǝr tǝ ndǝr tǝ ŋal tǝpm yo ɗaŋ ta ndartii giɓi, duryo tu tǝ mbutar tǝ a kenngǝ Yesu.\v 19  Tǝ tu tǝpm yo ɗaŋ ta ndalar tǝ ghai hŋ, nǝ durghǝ jwaamngǝn zarsǝ, she tǝ ta tai a gam dǝnnes, tǝ shilartiɗi ɗa mboi gam dǝnnes, a dulghǝ lǝmmbuɗwos, ɗa dlǝk zarshes, taŋ-taŋ a ken Yesu.

05/20.txt

@@ -0,0 +1 @@
+\v 20 Ɗaŋ a yel caaghǝn raa wasǝŋ,Yesu wultu, ''murghǝ dǝn, taa dlaaghǝ loŋsǝ kusǝŋsǝ ngǝtn wa mǝni.'' \v 21 Mǝn dlyaaɗkǝn tǝ Farisiyawa tǝ nguɓ wulghǝn ngǝrshi gya gon ci wultu, ''Gin nǝ nu ǝŋ ca kemas Cognvon cighǝiyo? Nu ǝŋ wo ɗya dlaa loŋsǝ kusǝŋsǝ ngǝtiyo? ǝŋ yan nǝ Cogn ngǝtnwos hŋo?''

05/22.txt

@@ -0,0 +1 @@
+\v 22 Beɗ tǝ gi ɗaŋ Yesu yisǝŋ ngǝtn ɗaŋ caa ɓital, a sushiɗa a wultu, ''Ni caa ǝnnda kya ceɗ ngǝrshi gya gi a giɓ raawane? \v 23 Gyo ǝŋ a moɓ swaaɗ ɗaŋ tǝ wultu, 'Taa dlaa loŋsǝ kusǝŋsǝ ngǝtn wai' ko tǝ wultu, ' shishi a riinio?''\v 24  Beɗ tǝ gi ka yisǝŋǝi tu ŋaa zar vitǝ dǝǝl ghǝ dlaaghǝn loŋsǝ kusǝŋsǝ ngǝtn adǝgn, mya wulghǝ tu, 'shishi, mbi lǝmmbuɗ wai, a tlii ɗaghǝ dǝn.'''

05/25.txt

@@ -0,0 +1 @@
+\v 25 Swaaɗ a ken wasǝŋ a shishi mbi lǝmmbuɗeshi ɗaŋ ca mbuɗ ghai, a ta sutǝ ɗatǝ dǝn cigha luughǝn Cogn. \v 26 A kosar konu tǝ ndǝr tǝ luu Cogn. Vǝrtǝ ta ngaɓshi washii, cii wultu, ''yawon maa yel ngǝtnngǝ kosarghǝn.''

05/27.txt

@@ -0,0 +1 @@
+\v 27 A kaarghǝ ngǝrshi gya gi, Yesu ta nyoliɗi ɗa ɗan ata yel murghǝ kaɓkǝn zhakka ɗaŋ sǝǝmwos tu Lawi caa tsǝtnngǝn a lǝǝɓ kǝ kaɓkǝ zhakka. A wul tǝ tu, ''Laaɓmɗi.''\v 28  Lawi ga koni, a shishi laaɓ tǝ.

05/29.txt

@@ -0,0 +1 @@
+\v 29 Lawi fi dǝllǝ byalak ɗatǝ dǝn, mǝn kaɓkǝn zhakka monnda ci ɗa ɗan, tǝ mǝri gya gon ɗaŋ ci a tsǝtnngǝn a kenngǝ tebǝl ghǝ byalakes ci a cighǝn ngǝtn cighǝn cimshii. \v 30 Beɗ tǝ gi Farisiyawa tǝ mǝn dlaaɗkǝn tǝ nguɓ wulghǝnbvi a dulgam mǝri dǝnwos, cii wultu, ''Ni ǝŋ a ca kyaa ci kǝ tlya tǝ mǝn kaɓkǝn zhakka tǝ zarsǝ mǝn fighǝn kusǝŋsǝ ngǝte?'' \v 31 Yesu wulshi tu, Mǝnyo ɗaŋ cii byatl-byatl caa ŋal lǝɓ murghǝ wugn hŋ, gya gi ɗaŋ a byatlshi hŋ ǝnnda caa ŋal lǝɓ murghǝ wugn. \v 32 Mǝ man nǝ durghǝ cimngǝn mǝ fighǝn ngǝtnngǝ mbuni hŋ, beɗ tǝ gi mǝ man nǝ cimngǝn mǝn fighǝn kusǝŋsǝ ngǝtn tǝǝ man kaɓ ndaɗkǝn wasǝŋǝi.

05/33.txt

@@ -0,0 +1 @@
+\v 33 Tǝ wultu, ''mǝri dǝnngǝ Yahaya caayi ngaɓ vi tǝ karaghǝn Cogn, cik kǝn mǝri dǝnngǝ Farisiyawa caa fi cik ɗaŋ. Beɗ tǝ gi mǝri dǝnwa cigha cighǝn tǝ tlyaaghǝn.''\v 34  Yesu wulshi tu, ''Gon ciɗa ɗaŋ wo ca kamndǝ ghǝ murghǝ kaɓkǝn gǝɗ muuri a ngaɓkǝn vi, a kiliyo ɗaŋ ya murghǝ kaɓkǝn gǝɗmures ciɗa ɗaniya?\v 35  Beɗ tǝ gi dzaŋ a manngǝnɗi ɗaŋ ta mbi murghǝ kaɓkǝn gǝɗ muureshi ɓaski, ɗa dzaŋes ǝnnda taa ngaɓ vi.

05/36.txt

@@ -0,0 +1 @@
+\v 36 Yesu fuushi ngǝrshi gya gon ɗa ɗa. ''Gon wo dlaatǝ luu muuri wos, tu tǝ tǝ ndǝr gǝrǝ luu wos ghai hŋ. Ǝŋ ya fi cighǝi, wo naa tu a ngaɓ luu muures dlaatǝi, riɓkǝn ghǝ muures wo ndara tǝ kǝ gǝres hŋ.

05/37.txt

@@ -0,0 +1 @@
+\v 37 Cik ɗaŋ, gon wo shin zhak gurghǝ darndu dǝn muuri a giɓkǝ ndotsǝ jigha hŋ. ǝŋ ya fi cik zhak darndu dǝn muures wokwaɓ jigha shi, cikǝn zhak gurghǝ darndus wo paashi, jigha wo ndǝr laaɓ zha. \v 38 Beɗ tǝ gi a ngaɓ ciɓ tǝ shin zhak gurghǝ darndu dǝn muures a jigha muuri. \v 39 Gon ɗa ɗaŋ wo moɓ suughǝn zhak darndu dǝn muuri, ɗa kaari ɗaŋ a tlyaa kǝ mwames hŋ, wo wul tu, ' kǝ mwames moɓ kǝ muures.''

06/01.txt

@@ -0,0 +1 @@
+\v 1 Dzaŋ wolngi wonYesu ta yi a laatsǝghǝn  kittn, she mǝri dǝnwos cii nga ngǝtnngǝ kites cii vurghaɗ tǝ taas cii yi ci.\v 2  Beɗ tǝ gi Farisiyawa gya gon tǝ wultu, ''Nǝ durghǝ ni kyaa fi ngǝtnwon ɗaŋ a ndara tǝ fi dzaŋ wolngi hŋe?''

06/03.txt

@@ -0,0 +1 @@
+\v 3 Yesu sushiɗa a wultu, ''kaa kwan ngǝtn yo ɗaŋ Dauda fi a kiliyo ɗaŋ a wum kusǝŋ hŋaa, yan tǝ zarsǝ yo ɗaŋ ci cimshiya? \v 4 A tli a giɓ dǝn Cogn, a mbi dugn ngǝ Cogn a ta ndǝr cii, a ta ndǝr vǝr mǝn monci yo ɗaŋ tǝ ta yi cimshi tu tǝ ci, ko ɗaŋ yi tu gon wo kǝǝm ci hŋ she pǝris ngǝtn wasǝŋ ǝnnda taa ci'' \v 5 A ta wulshi tu, ŋaa zaar ghǝn ci Daadǝn dzaŋ wolngi.''

06/06.txt

@@ -0,0 +1 @@
+\v 6 A ta naai tu a dzaŋ wolngi won a ta ndai giɓ vin laadi ndǝr ndǝr kuɓar zarsǝ beɗ ɗa ɗan. Murwon a ta yi ɗa ɗan gyo ɗaŋ gyaŋ te zariwos nǝ pwaaghǝn.\v 7  Mǝn dlaaɗkǝn tǝ Farisiyawa cigha gaaghǝn yir ɓastǝ tǝ yel ko wo fuuɗ goni dzaŋngǝ wolngi, nǝ duryo tu tǝǝ tu dekkǝ caaghǝnwos vii nǝ fighǝn ngǝtn won ɗaŋ yi ndarara hŋ. \v 8 Beɗ tǝ gi a ta yisǝŋ ɓitalghǝn wasǝŋǝi, a ta wul murghǝ gyaŋ pwaaghǝnnes tu, ''shishi, dlǝǝrni ɗuun a dlek zarsǝ'' mures ta shishi dlǝǝrni ɗa ɗan.

06/09.txt

@@ -0,0 +1 @@
+\v 9 Yesu ta wulshi tu, ''mya ceɗki , nǝ ni ghǝn a ndara tǝ fi dzaŋ wolnge tǝ fi nǝ ngǝtn mbuniya ko ngǝtn kuushiya, tǝ fuɗni raa ko tǝ ɗuutǝniya?'' \v 10 A paŋshi ɓuruk, a wul mures tu, ''Taa gyaŋ waai'' A fi cik gyaŋwos byatlii.\v 11  Beɗ tǝ gi a tlishi ghai nyaŋ-nyaŋ, tǝ ta nguɓ vi wulghǝn tǝ dlǝŋsǝ wasǝŋ nǝ ngǝtn yo ɗaŋ ta fi tǝ Yesu.

06/12.txt

@@ -0,0 +1 @@
+\v 12 A naai a mbuɗkǝnnes, a ta tai wuur nǝ duryo tu tǝ kara Cogn. A ta ciken tǝ mbuɗi cigha karaghǝn Cogn. \v 13 Ɗaŋ ɓintli fi, a ciim mǝri dǝnwos ɗi ɓastǝ, a ta ndǝr bwaa dzuɓ tliti mbǝtlǝŋ a giɓi wasǝŋ, gya gyo ɗaŋ a cimshi tu ''mǝn laa Cogn.

06/14.txt

@@ -0,0 +1 @@
+\v 14 Sǝmndǝ mǝn laa Cokes ghǝn nǝ gya Siman (gyo ɗaŋ a ndǝr cimtǝ tu Biturus) tǝ yasashi Andarawus, Yakubu, Yahaya, Filibus, Bartalamawus, \v 15 Matta, Toma Yakubu kuni Halfa, Siman gyo ɗaŋ caa cimtǝ tu Zaloti, \v 16 Yahuda kuni Yakubu, Tǝ Yahuda kuni Iskaryoti, gyo ɗaŋ a ta ɗiɓar Yesui.

06/17.txt

@@ -0,0 +1 @@
+\v 17 Yesu ta shiiɗi ɗa wuures ci cimshi, tǝ ndǝr tǝ dlǝǝrni a lǝɓwon pǝɗ-pǝɗ. Mǝri dǝnwos monnda ci ɗa ɗan, tǝ gya zarsǝ monnda ɗaŋ tǝ dlamndi Yahudiya tǝ Urshelima, tǝ ɓil zhakkǝ Taya tǝ Sidon. \v 18 Tǝ man nǝ duryo tu tǝ wum tǝ, tǝǝ ndǝr tǝ tu fuɗkǝnni a ɓuruk gya gonngǝn wasǝŋ. Zarsǝ gya gyo ɗaŋ cigha vuughǝn tǝ kusǝŋsǝ mǝnndǝŋsǝ beɗ tǝ ta tu fuɗkǝni. \v 19 Ɓuruk jwaamngǝn ngǝ zarshes caa mbǝrshi tu tǝ tiintǝ nǝ duryo tu vartǝ ghǝ fuɗkǝn cigha nyolghǝnɗi ɓastǝ, a fuuɗshi washi ɓuruk.

06/20.txt

@@ -0,0 +1 @@
+\v 21 A yaal yel mǝri dǝnwoshes a wultu, ''A mbaaki kyaani gya naakui, nǝ duryo tu guŋndǝ ghǝ Cogn nǝ gwaan. \v 20 A mbaaki kyaani ɗaŋ kya wum kusǝŋ ɗaŋngǝni, nǝ duryo tu vwa waan wo yugnngǝi. A mbaaki kyaani ɗaŋ  kigha ngwarghǝn ɗaŋngǝni, nǝ duryo tu kaa gomtlǝ.

06/22.txt

@@ -0,0 +1 @@
+\v 23 A mbaaki kyaani ǝŋ zarsǝ ya nyaŋngaski, tǝ giɗki worghǝn ci sular sǝmndǝ waan nǝkǝ kuuskǝn, nǝ durghǝ ŋaa zaar.\v 22  Ka fi polghǝn, nǝ duryo tu cik ka tu bamves nǝ vari gaami, duryo tu cik gya jiɗwaan tǝ fi mǝn laa Cogn.

06/24.txt

@@ -0,0 +1 @@
+\v 24 Beɗ tǝ gi wo girki mǝn tughǝn! Nǝ duryo tu kaa tu mbutarghǝn raavwaani. Wo girki kyaani ɗaŋ ka ci kǝǝmki ɗaŋni! Duryo tu kaa wum kusǝŋ ken.\v 25  Wo girki kyaani mǝn gyomtlǝghǝn ɗaŋni! Duryo tu kaa wa mitsǝ kǝ ndǝr kǝ ngwaar ken.

06/26.txt

@@ -0,0 +1 @@
+\v 26 Wo girki ǝŋ zarsǝ ɓuruk caa luuki! nǝ duryo tu cik ǝnnda gya jiɗwan tǝ fi mǝn shinngǝnngǝ mberni.

06/27.txt

@@ -0,0 +1 @@
+\v 28 Beɗ tǝ gi mya wulki tu kyaani mǝn sǝǝghǝnetn kǝǝm, suun mǝn nyangaskǝn wan, a ndǝr a fi mbuni mǝni gya gi ɗaŋ caa suuki hŋǝi. \v 27 Gǝ mǝn mbuni mǝn  vǝrghǝnwan, a ndǝr a kara nǝ gya gyo ɗaŋ caa fiirki forǝm.

06/29.txt

@@ -0,0 +1 @@
+\v 29 Gyo ɗaŋ ya maaraki a te kwaaŋnga gi, sughǝɗǝn tǝ te kamshes mǝn. Ǝŋ gon ya mbighǝ ngǝtnngǝ dlǝpmngǝn wa mǝni. Ɓak  ɗaghartǝ luu wa mǝn hŋ.\v 30  Vǝrǝn muryo ɗaŋ ya karaki. Ǝŋ gon a mbi ngǝtnwoni ɗaŋ nǝ gwaan, ɓak ngalǝn tu tǝ sularɗi hŋ.

06/31.txt

@@ -0,0 +1 @@
+\v 31 Ɓuruk ngǝtn yo ɗaŋ kya su zarsǝ tǝ fighǝ mǝn, fishi mǝn cik ɗaŋ.\v 32  Ǝŋ kya suuni mǝn suughǝnwan kurum, nǝ ngǝtn mbuni yo ǝŋ kaa tu ye?  mǝn fighǝn kuskǝ ngǝtn beɗ caa suu mǝn suughǝn wasǝŋ. \v 33 Ǝŋ kyaa giɗni gyal a mǝn yo ɗaŋ caa fiki gyal mǝn kurum, ngǝtnngǝ mbuni yovghǝn ka tuye? mǝn fighǝn kuskǝ ngǝtn beɗ caa fi cik ɗaŋ.\v 34  Ǝŋ kyaa vǝr ngǝtn zarsǝ yo ɗaŋ kǝ caa raa ɓashi ta sularki mǝn kurum, ngǝtnngǝ mbuniwaan yi ɗo ɗuniyo? mǝn fighǝn kuskǝ ngǝtn caa vǝr mǝn fighǝn kuskǝ ngǝtn ɗaŋ, caa caara tǝ sularshi mǝn ɗyakcak ɗaŋ gi ɗaŋ.

06/35.txt

@@ -0,0 +1 @@
+\v 35 Beɗ tǝ gi suun mǝn nyaŋngaskǝn waan, a ndǝr a fi shi gyal mǝn, vǝrǝnshi ngǝtn, ɓak caanraa tu tǝ sularki mǝn hŋ, nǝ duryo tu bamvi fighǝn cik wo naa nǝ vari, kaa naai nǝ mǝri murghǝ moɓkǝn ɓurukǝi, nǝ duryo tu yan tǝ gamas ca giɗ gyal a mǝni gya gi ɗaŋ caa nyar hŋǝi tǝ kusǝŋsǝ zarsǝ.\v 36  Naan nǝ mǝn yelghǝn gwanndǝ, duryo tu Daawan nǝ murghǝ yelghǝn gwanndǝ ɗaŋ.

06/37.txt

@@ -0,0 +1 @@
+\v 37 Ɓak naan nǝ mǝn ɗǝǝlghǝn vi hŋ, kyaani beɗ ta ɗǝǝlki vi mǝn hŋ, ɓak ɗuun hŋ, kyaani beɗ taa ɗuuki hŋ. Dlaan loŋsǝ gya gon mǝni, kyaani beɗ ta dlaaki loŋsǝ mǝni.

06/38.txt

@@ -0,0 +1 @@
+\v 38 Vǝrǝn gya gon, kyaani beɗ ta vǝrki monnda. A kolaaɗ zuk-zuk, tǝ ndǝr tǝ tǝk-tǝktǝ yugn hal yi paas, taa paas hal a cign wan. Duryo tu ɓuruk kolaaɗ yo ɗaŋ kǝ ɓǝǝɗghai, tǝ yan ǝnnda taa ɓǝǝɗki mǝn ghai.

06/39.txt

@@ -0,0 +1 @@
+\v 39 A ndǝr fuushi ngǝrshigya gon, ''Dwaan wo ɗya ngaɓ dwaana? ǝŋ ya fi cik, ɓuruk wasǝŋ mbǝtlǝm taa ndaɗi giɓ giir, yi hŋaan? \v 40 Murghǝ kuuɓkǝn wo moɓ murghǝ giɗkǝn woshes hŋ, beɗ tǝ gi ɓuruk gyo ɗaŋ ya tu kuuɓarghǝnni ndaara wo ɗya naai ɗaŋ murghǝ giɗkǝn woshes.

06/41.txt

@@ -0,0 +1 @@
+\v 41 Ni ca ǝnnda kya yel ŋaa yaar a yirvŋaa na ye, beɗ tǝ gi kǝ ɗya kǝ yel vik ŋaantsǝ yo ɗaŋ yigha yiri gwaayi hŋǝi?\v 42  Ni ca ǝnnda ka wul ŋaa na tu, 'ŋaa na, ga mǝ dlighǝ ŋaa yaari mǝni a ɗaŋ yi a yirwai', ɗaŋ kyan tǝgama ka ɗya kǝ yel vik ŋantsǝ yo ɗaŋ yigha yiri gwaai hŋei? kyan kuskǝ zaar! Dli vik ŋantsǝi a yir waai keni, ǝnnda ka yaal ndarara nǝghǝ yo ɗaŋ a dli ŋaa yaar yo ɗaŋ yigha yir ŋaa na.

06/43.txt

@@ -0,0 +1 @@
+\v 44 Nǝ duryo tu gwaas won ɗa ɗaŋ ci ndaara wo guur nǝ kusǝŋshi hŋ, ko kuskǝ gwaas ɗaŋ wo guur ndarara hŋ.\v 43  Nǝ duryo tu caa ɗya tǝ yisǝŋ ko gwaashi gyo a te guuri yo ɗaŋ ca vǝr. Duryo tu zarsǝ caa ɗya tǝ tsal gurghǝ gwaamɗi a tsogn yiɓka hŋ, ko tǝ ngaa darndu dǝn a tsogn raɗi hŋ.

06/45.txt

@@ -0,0 +1 @@
+\v 45 Zarghǝ mbuni a giɓkǝ tughǝnngǝ raawos ǝnnda ca vǝr ngǝtn ndarara, beɗ tǝ gi kuskǝ zar a giɓkǝ kusǝŋsǝ ngǝtn yo ɗaŋ a num a raa wos ǝnnda ca fi kuskǝ ngǝtn. Duryo tu ngǝtn yo ɗaŋ yi gha raawos ǝnnda viwos ca kon.

06/46.txt

@@ -0,0 +1 @@
+\v 46 Ni ca ǝnnda kyaa cumtu, 'Daadǝn', beɗ tǝ gi kyaa kaaɓ vetn hŋe?\v 47  Ɓuruk gyo ɗaŋ ya man ɓasǝm tǝ wum ngǝtnyo ɗaŋ mya wul tǝ ndǝr tǝ laaɓshi, mya fuuki ko ci wuri.\v 48  Cini ɗaŋ zaar yo ɗaŋ cigha nalghǝn dǝn, gyi ɗaŋ a ɓǝlti shoŋ-shoŋ hal daɗ yatl ǝnnda a gǝm daɗ vin woshes a dulghǝ taari. Ɗaŋ zha man, zhes man ndu dǝnnes, beɗ tǝ gi a ɗya zhighǝɗ tǝ hŋ, dur yo tu tǝ naalti ndarara.

06/49.txt

@@ -0,0 +1 @@
+\v 49 Beɗ tǝ gi, muryo ɗaŋ ya wum ngǝrshi gin ɗaŋ mya wullǝn ua ndǝr laaɓshi, cin ɗaŋ zaryo ɗaŋ a nal vinwos a dul yatl daɗes yi ndarara hŋ. Beɗ gi ɗaŋ zha man ɗuu daɗes, swaaɗ she a wuui, dǝnnes fi kuskǝ wuughǝn nǝ vari.

09/01.txt

@@ -0,0 +1 @@
+\v 1 A ta cim dzuɓ tliiti mbǝtlǝŋǝiɗi a lǝǝɓ namboŋ, she a vǝrshi tlyaaghǝnni tǝ vartǝ a dulgam mǝndǝŋsǝ ɓuruk tǝǝ ndǝr tǝ fuuɗ ko gonngǝnni gyo.\v 2 A shinshi tǝ nywali tǝ fuu zarsǝ vik guŋndu Cognvon tǝ fuuɗ mǝn gonngǝnni.

09/03.txt

@@ -0,0 +1 @@
+\v 3 A wulshi tu, ''mbin ngǝtn won hŋ nǝ durghǝ righǝnnes hŋ, nǝ shirǝŋaa nǝ jigha wurɓa, nǝ dugha, nǝ wurɓa, nǝ laai gon ɗa ɗaa. \v 4 Ko yan nǝ dǝni gyo ɗaŋ kya ndaghai naan ɗa ɗan she dzaŋ gi ɗaŋ kya ga dǝnneshi.

09/05.txt

@@ -0,0 +1 @@
+\v 5 Ko teɗo kǝn ya kaɓki hŋ, yan ka ga yatleshi, posǝn guɗ guɗ kǝ yatleshi a yasǝŋ wan, yan nguŋ wo tlyaki zha mǝn a dulgama wasǝŋ''. \v 6 Kǝnnda tǝǝ taa nywali ngyelaŋ a mǝri yatl, cii fuushi vik wusni tǝ ndǝr tǝǝ fuuɗ mǝn gonngǝnni ko teɗo.

09/07.txt

@@ -0,0 +1 @@
+\v 7 Yan murghǝ guŋndǝ kǝ Galilii, wum koni ɗaŋ a yigha riighǝni, she a taa vui, nǝ duryo tu gya gon tǝǝ taa ya wultu Yohanna murghǝ baɓtisma a shishiɗi a giɓkǝ mǝn mǝǝskǝn,\v 8  tu caa wultu Iliya a mbwaaɗi, saɗ ɗaɗa gya gon tu murghǝ shinngǝnni Cogn gon won kǝ ɓaadǝŋ a shishiɗi.\v 9  Hiridus wul tu, ''Ma ta dzak gaam Yohannai, beɗ tǝ gi gin nǝ nuu nguŋ mya wum ngǝshi gya gini a dulgamashi yo?'' she a mbǝr tǝ tu tǝ yeltǝ.

09/10.txt

@@ -0,0 +1 @@
+\v 10 Ɗaŋ mǝn shinngǝnes tǝǝ taa sushiɗi tǝǝ fuutǝ koni ɗaŋ tǝ fii. She a taa nyomshi washi, tǝ taa tlii nǝ vik muri abyatl won ɗaŋ sǝǝm wos tu Bersheda.\v 11  Beɗ tǝ gi, zarsǝ monnda ɗaŋ tǝ wumi cik, she tǝ taa laaɓtǝ, she a kaɓshi washi tǝ polghǝnni, a taa fuushi vik guŋndǝ Cogn, she fuuɗ mǝn gonngǝnshi washi.

09/12.txt

@@ -0,0 +1 @@
+\v 12 To, dzaŋ a taa man ndaghǝnni, she dzuɓ tliiti mbǝtlǝŋǝi tǝ man ɓastǝ, tǝ wul tu, ''shinndar zarsǝn monnda tǝ tliuba gya mǝǝrghǝ yatl tǝ gya gi a vik laŋshi tǝ ŋal ngǝtn cighǝnni tǝ gya lǝǝɓ mbuɗ, nǝ duryo tu migha lǝǝɓ yo ɗaŋ yi a laŋshi ngǝtn wos.''\v 13  Beɗ tǝ gi, a taa wulshi tu, ''kyani vǝraŋshi ngǝtn yo ɗaŋ ta cii.'' Tǝǝ wul tu, ''Mǝǝ yir ngǝtn yo ɗaŋ a laatsǝ guruŋ dugn nanndam tǝ gyaas mbǝtlǝm hŋ, she yan maa tlǝǝn ɗyiɓ ngǝtn cighǝn zarsǝ mǝn ɗi ɓuruk.'' \v 14 (Mǝn moncivtǝ taa wul tǝ fii zarsǝ zarsǝ zaŋngu nanndam.) ''A wul mǝri dǝnwos tu, ''Gan shi tǝ tsǝtn dǝni dǝni ɗaŋ taa naa ɗaŋ tǝ fii tashi nanndam nanndam.

09/15.txt

@@ -0,0 +1 @@
+\v 15 She tǝǝ ta fi cik, tǝ gaa zarshes tǝǝ ta tsǝtni. \v 16 A taa nyom dugn guruŋshi nandamni tǝ gyaas mbǝtlǝmi, a taa yal Tsogn gaami, a taa gǝǝm mbuuni ghai, tsalii njetn njetn, she vǝr mǝri dǝn woshes tǝǝ gaa zarshes mǝn monndai a ken wasǝŋ.\v 17  Ɓuruk wasǝŋ tǝ taa cii hal kǝǝmshi vwaa yughǝi, kuŋni a ɓan naa ɗa, tǝǝ taa nyom hal tǝ fii buŋli dzuɓ tliiti mbǝtlǝm.

09/18.txt

@@ -0,0 +1 @@
+\v 18 A ta mbwaaɗi a kili won ɗaŋ Yesu yan gamas a taa ya karaghǝn Cogn, gya mǝri dǝnwos tǝ ta yi ɗa ɗani, A taa ceɗshi cigha wulghǝnni tu, ''Zarsǝn monndan caa wul tu mya nǝn mi nǝ nuu?'' \v 19 Tǝǝ ta suɗa tu, Yohanna murghǝ baɓtisma. Beɗ tǝ gi gya gon caa wul tu Iliya, saɗɗaɗa gya gon caa wul tu, nǝ namboŋ a giɓkǝ mǝn shinngǝnni Cogn kǝ ɓanndǝŋi ghuŋ a shishiɗi.

09/20.txt

@@ -0,0 +1 @@
+\v 20 Kǝnnda a wulshi tu.. Beɗ tǝ gi kyaani kya wul gwan tu minǝ nuu?'' Biturus suɗa tu, ''Ɓorghǝnni kǝ Cognvon.\v 21  Beɗ tǝ gi a ta caa yir nyaŋ nyaŋ tu tǝ fuu gin gon won hŋ, \v 22 cigha wulghǝn tu, ''Ŋaa zaar wo buŋ mari mari monnda, mǝn varǝŋsǝ yatl, tǝ gya dǝllǝŋsǝ pǝris tǝ malamshi ngǝtn ɗaŋ Musa dlyaaɗ, taa nyaŋngas tǝ, taa ɗuuti, kǝnnda dzaŋ kǝ mayi taa shishir ti.''

09/23.txt

@@ -0,0 +1 @@
+\v 23 Kǝnnda a wulshi ɓuruk wasǝŋ tu, ''konu ɗaŋ caa suu tǝ laaɓǝm, she tǝ nyaŋngas gamas, kǝnnda tǝ nbii ghǝmmbǝli wos ko dzaŋ gyo tǝ laaɓǝm. \v 24 Ko gyo ɗaŋ ya wul tu wo vuum raai woshi wo naa ti, beɗ tǝ gi ko gyo ɗaŋ ya naa raai woshi nǝ duratn, wo vuum ti. \v 25 Mbuunes yi ɗo ɗaŋ zaar tǝ tuu ɗǝgnǝi ɓuruk, kǝnnda tǝ vuum gamas hŋe?

09/26.txt

@@ -0,0 +1 @@
+\v 26 Ko gyo ɗaŋ ya ci ndzuunatn tǝ vietn, yan nguŋ Ŋaa zaarbwo ci dzuun wos  kǝn ya nan a giɓjǝ zǝkkǝnni wos, tǝ zǝkkǝnni kǝ Daa, tǝ kǝ zhipti shinngǝni kǝ ndzǝkkǝnni. \v 27 Beɗ tǝ gi mya wul ki jom jomni tu, gya gin cigha dlǝǝrghǝnni ɗuui hŋ, kǝnnda tǝ yel guŋndu Cogn von.''

09/28.txt

@@ -0,0 +1 @@
+\v 28 Ɗaŋ a wul fi mbuɗkǝn tan tan a kaar vi gya gin ɗaŋ Yesu wulǝn, a nyom gya Biturus tǝ Yohanna tǝ Yakuɓ a ta tai wur tǝǝ kara Cognvon. \v 29 Ɗaŋ cigha karaghǝnni Cognvon she tsogn ken wos sui, gya luu wos tǝ taa mbai pak pak.

09/30.txt

@@ -0,0 +1 @@
+\v 30 Kurum cik, she zarsǝ mbǝtlǝm tǝ ta yigha wulghǝn vi cimshi, gya Musa tǝ Iliya. \v 31 Gyo ɗaŋ tǝbtaa mbwaaɗi tǝ zǝkkǝn monnda. Tǝǝ ta wul vi a dulgam gaaghǝn wos ɗaŋ naa ɗaŋ tǝ ɓanti guɓkǝ Urshelima.

09/32.txt

@@ -0,0 +1 @@
+\v 32 Gya Biturus tǝ gya gyo ɗaŋ tǝ yi cimshi kuci a taa ɗuushi washi monnda, beɗ tǝ gi ɗaŋ tǝ byatli a kuces, tǝ taa yel zǝkkǝ woshi tǝ zarsǝ mbǝtlǝmi gya gu ɗaŋ tǝ ta yi a dlǝǝrghǝnni cimshi. \v 33 Ɗaŋ tǝ ta yi a gaaghǝn Yesui, Biturus ta wul Yesu tu, ''Murghǝ dǝn, a ndara ɗaŋ mii ɗa ɗuuni. Dlǝǝri mǝ nal vin ɓuɓ mayi, namboŋ nǝ gwaa, nambiŋ nǝ kǝ Musa, namboŋ nǝ kǝ Iliya. (A taa yisǝŋ ngǝtn yo ɗaŋ ca wul hŋ.)

09/34.txt

@@ -0,0 +1 @@
+\v 34 Ɗaŋ cigha wulghǝnni cighǝi, she kurvon won ta man dlǝpm shi washi, vǝrtǝ ye ɗuushi washi monnda, ɗaŋ kurvonnes ta dlǝpmshi washi. \v 35 Yer won taa wulɗi ɗa dlek kurvoni tu, ''Gin nǝ kunetn, gyo ɗaŋ ta bwaati, sǝǝn tǝ kǝǝm.'' \v 36 Ɗaŋ yeres ta wul vieshi, she tǝ taa tu Yesu ngǝtnwos. Tǝǝ taa ngaɓ vi washi kelak, tǝ fuu gon hŋ a mbuɗkǝni gya gi a ngǝtn yo ɗaŋvtǝ yeli hŋ.

09/37.txt

@@ -0,0 +1 @@
+\v 37 To ɗaŋ lǝǝɓ ta tlaai, ɗaŋ tǝ shiɗi ɗa wuri, zarsǝ monnda tǝ taa man ɓastǝ.\v 38  Kurum cik, she gon a dlek zarshes a gǝǝm vi tlya tlyaa tu, ''Malǝm, mya karaghǝ a yel gwanndǝ kunetn ci nǝ ŋaatn teŋraŋ. \v 39 Yeli, kuskǝ zhipti caa nda ɓastǝ she tǝ gǝǝm riŋ kurum cik, yi catǝ tǝ ɗǝǝl riktsǝk riktsǝk vi wos yi fi fufuki. ca gaa tǝ swaaɗ hŋ hal she ya ngaa tǝ kuskǝ wus. \v 40 Mǝ kara mǝri dǝn wa tǝ nyolar ti, beɗ tǝ gi tǝǝ kǝǝm hŋ.''

09/41.txt

@@ -0,0 +1 @@
+\v 41 Yesu suɗa, a wul tu, ''kyani wusuli ɓenndǝmi ɗaŋ kii tǝ caaghǝn raa hŋ, ma gǝrǝni wur cimkii kǝnnda mǝ dluu vwa tǝ kyaaniyo? lǝǝr kuniwaai ɗi ɗuun'' \v 42 Ɗaŋ kunes cigha manngǝnɗi she mǝnndes mbi tǝ ngaa yatl, she caa kunes yi ɗǝǝl riktsǝk riktsǝk. Beɗ tǝ gi Yesu ta dlwaa yer kuskǝ zhiptis, fuuɗ kuneshi, a taa sular tǝ daagos mǝn.

09/43.txt

@@ -0,0 +1 @@
+\v 43 She ɓuruk wasǝŋ a taa kosarshi tǝ vartǝ kǝ Cogn. Kiliyo ɗaŋ a yi ɓashi kosarghǝnni a ngǝtn yo ɗaŋa taa yagha fighǝnni, she a wul mǝri dǝn wos tu, \v 44 ''Dlǝǝrǝn ni, vi gya gin tǝ ndakibwaani kǝǝm shoŋ shoŋ: Ta vǝr vi Ŋaa zaari a taas kǝ zarsǝ.'' Beɗ tǝ gi, tǝ taa mbi dek vin hŋ. \v 45 A ta yi nǝ waaɗkǝni ɓashi, nǝ durghǝ gi tǝ taa yisǝŋ dei wos hŋ, ko ɗaŋ tu yi cighǝi, nǝ durghǝ vǝrtǝ tǝǝ ta kǝǝm tǝ ceɗ tǝ ɗa nǝ ves ɗaŋ a wuli hŋ.

09/46.txt

@@ -0,0 +1 @@
+\v 46 She sǝrɗkǝn yer ta ndai a dlei wasǝŋ tu nǝ nuu ghuŋ wo naa nǝ kǝ vares a dlei wasǝŋ ŋo. \v 47 Beɗ tǝ gi, ɗaŋ Yesu a yisǝŋ ɓitalghǝni wasǝŋǝi, a mbi ŋaa ŋaa won,ba gaa ti a laŋsǝ wos,\v 48  she a wulsi tu, ''konu ɗaŋ ya kaɓ ŋaa ŋaani tǝ polghǝnni a giɓkǝ sǝǝmatn, a kaɓmi tǝ polghǝn, konu ɗaŋ ya kaɓmi, a kaɓni muryo ɗaŋ a shinǝm ɗi. Yan tu konu ɗaŋ cighǝ njwati a giɓi wan ɓuruk yani ghuŋ ci kǝ vares.

09/49.txt

@@ -0,0 +1 @@
+\v 49 Yohanna suɗa tu, ''Murghǝ dǝn, Mǝǝ yel gon ɗaŋ cigha nyolarghǝn mǝnndǝŋsǝ tǝ sǝǝm wa, she mǝǝ ɗaktǝ ghai nǝ duryo tu caa laaɓmii ɗaŋ hŋ. \v 50 ''Ɓak ɗakti ghai hŋ, Yesu wul cik, ''yan tu konu ɗaŋ a nyaŋngaskǝ hŋ cinǝ gwaa.''

09/51.txt

@@ -0,0 +1 @@
+\v 51 Ɗaŋ mbuɗkǝni taaghǝni Tsogn wos ta ndokghǝi ɗi, a ta gaa gamken wos taŋ taŋ tǝ tlii Urshelima. \v 52 A taa shin mǝn shinngǝnni tǝ ndatǝ kǝn, she tǝ taa tliu a ŋaa yatl kǝ mǝn Samaraya won, tǝ ɓumtsǝ tǝ koni mǝni. \v 53 Beɗ tǝ gi, mǝnes ɗa ɗan tǝ taa kaɓtǝ tǝ polghǝni hŋ, nǝ duryo tu a ta gaa gam kǝn woshi caa maan Urshelima.

09/54.txt

@@ -0,0 +1 @@
+\v 54 Ɗaŋ mǝri dǝn wos gya Yakuɓ tǝ Yohanna tǝ yel cik she tǝ wul tu, Daadǝn, kya suu mǝ caa wuɗ tǝ shiɗi gaami tǝ man datsǝshi washi ya?'' \v 55 Beɗ tǝ giba ta sutǝ dlwaa shi yer. \v 56 She tǝǝ ta latsǝi a ŋaa yatli gon.

09/57.txt

@@ -0,0 +1 @@
+\v 57 Ɗaŋ cigha riighǝni a datǝpm,gon won a wul tǝ tu, ''maa laaɓkǝ ko kya kǝǝn teɗo.'' \v 58 Yesu wultǝ tu, ''Shewai cii tǝ giir wasǝŋ. yetli cii tǝ vin wasǝŋ, beɗ tǝ gi Ŋaa zaar ci tǝ lǝǝɓ yo ɗaŋ wo gaa gam wos ghai hŋ.''

09/59.txt

@@ -0,0 +1 @@
+\v 59 Kǝnnda a wul gon ɗa tu, ''laaɓǝmɗi'' Beɗ tǝ gi a wul tǝ tu, ''Daadǝn gaam mǝ tlii, mǝ tlǝn gii daagǝti keni gham. \v 60 Beɗ tǝ gi a wultǝ tu, ''Gaa mǝn mǝskǝn tǝ gi mǝn mǝskǝni wasǝŋ.'' Beɗ tǝ gi kyan gwaa tku avŋaalar vik guŋndǝ Cognvon ɗuun mel tǝ ɗongai.''

09/61.txt

@@ -0,0 +1 @@
+\v 61 Kǝnnda gon saɗ ɗaɗa, a wul tu, ''Maa laaɓkǝ, Daadǝn, beɗ tǝ gi gamken mǝ tlǝn wul mǝn dǝnatn tu maa tlii.'' \v 62 Yesu sutǝ ɗa tu, ''Gon won ɗa hŋ, ɗaŋ ya ngaɓ jir galtsǝi kǝnnda caa yal kaar, ɗaŋ a tuli nǝghǝ guŋndu Cognvon.''

10/01.txt

@@ -0,0 +1 @@
+\v 1 Ɗa kaari, Daadǝn war gya gon zarsǝ tashi wottsǝmai tliti mbǝtlǝŋ a shinndarshi mbǝtlǝm mbǝtlǝm tǝ tli a ko mǝǝrghǝ yatl gyo tǝ lǝɓi gya gyo.. a ken wos kǝnnda yan gamas tǝ tlii ghai. \v 2 A wulshi tu, ''Ngǝtn yo ɗaŋ taa tlaa yi monnda, beɗ tǝ gi  mǝn laai ci ŋaa njwaatn. Nǝ durghǝ gi karan Daadǝn gyo ɗaŋ taa tlaatǝ mǝn tǝ shindar mǝn tlaaghǝnni ɗi.

10/03.txt

@@ -0,0 +1 @@
+\v 3 Ngaɓǝn datǝpm wan. Yelǝn, mya  shinndarki ɗaŋ tǝǝmsa dlyak shewai.\v 4  Ɓak kǝnnda hŋ nǝ jigha wurɓa nǝ jigha righǝnniya, nǝ kwateya, a wurǝn gon won a datǝpm hŋ.

10/05.txt

@@ -0,0 +1 @@
+\v 5 Ko dǝni gyo ɗaŋ kyaa nda ghai, wulǝn keni tu.. Raaghǝ wusni tǝ naa dǝnnǝn mǝn.'\v 6  Ǝŋ yan zaarghǝ wusni ci ɗa ɗan, raa wusn wan wo naa ɓastǝ, beɗ tǝ gi ǝŋ yan cik hŋ raaghǝ wusni wan tǝ sutǝɗi ɓaski. \v 7 Naan a dǝni gyes, kya cighǝnni tǝ tlyaaghǝnni ngǝtn yo ɗaŋ ya taa ki, murghǝ laa a ci bamvi laa woshi. Bak ŋal a dǝn mari mari hŋ.

10/08.txt

@@ -0,0 +1 @@
+\v 8 Ko yatli gyo ɗaŋ kya nda ghai.. yaa kaɓki waani, cin koni ɗaŋ ya gaa a ken waan.\v 9  Fuuɗǝn mǝn gonngǝn ɗaŋ ci ɗa ɗani. Wulǝnshi tu, 'Guŋndes kǝ Cognvon a tuliɗi ɓaski mel.'

10/10.txt

@@ -0,0 +1 @@
+\v 10 Kǝn kya nda a ko yatli gyo kǝnnda tǝ kaɓki hŋ, koghǝn a datǝpm wasǝŋ a wul tu, \v 11 'Beɗ tǝ gya guɗ guɗ kǝ yatl wan ɗaŋ a ngaɓ a yasǝŋ wopm beɗ pos ki  mǝn tǝ tlyaami zha mǝn a dulgam wan. \v 12 Beɗ tǝ gi yisǝŋ gin nii.' Guŋdes kǝ Cogn a tuli ɓaski mel. Mya wulki tu, dzaŋngǝ ɗǝǝlghǝn vi wo wusǝŋ mǝn Sǝdoma mǝn moɓ yatli gi.

10/13.txt

@@ -0,0 +1 @@
+\v 13 A girki, Corazin! A girki, Besheda! ǝŋ yan dǝllǝŋsǝ laa yo ɗaŋ tǝ fiiki mǝn yan ci fini gya Taya tǝ Sidon mǝn taa yi kaɓ ndaraghǝn kǝni wosǝŋǝi ɓanndǝŋ ɓanndǝŋ, tǝ tsǝtnngǝn a ɓitlar.\v 14  Beɗ tǝ gi wo wusǝŋ gya Taya tǝ Sidon moɓki a dzaŋngǝ ɗǝǝlghǝni vi.\v 15  Kyan  Kafarnawum, kighai tu ta zǝghǝrghǝ hal tsoghan? yei, taa shilarghǝi hal nyamri.

10/16.txt

@@ -0,0 +1 @@
+\v 16 Gyo ɗaŋ ya sǝǝki kǝǝm a sǝǝni kǝǝm myan, gyo ɗaŋ a nyaŋngas mǝni tǝ gya gyo ɗaŋ a nyaŋngasǝm a nyaŋngas gyo ɗaŋ a shinnǝmɗi.''

10/17.txt

@@ -0,0 +1 @@
+\v 17 Taashi wottsǝmai tliti mbǝtlǝmes tǝ sushiɗ tǝ polghǝn, cigha wulghǝn tu Daadǝn ko gya mǝnndǝŋsǝ beɗ tǝ mbutarmi gaam wasǝŋ mǝn, a giɓkǝ sǝǝm waa.''\v 18  Yesu wulshi tu, mǝ tayi a yelghǝn ɗaŋ Shetan ta ndaɗi Tsogn gaami caa tlaaɗi ɗaŋ falaŋ\v 19  Yelǝn, raa vǝrki a daɓtsǝ gya nyici tǝ gya nannjaŋ tǝ vartǝ a dulghǝ gya moɓkǝnni kǝ murghǝ nyaŋngaskǝni, tǝ tu ngǝtn won ɗaŋ wo ɗyaa tuki a ko te datǝpi gyo. \v 20 Ko ŋaa njwatn tǝ polki a gin hŋ, beɗ tǝ gi tǝ polki tǝ moɓ cik yan tu taa rǝtsǝ sǝǝmndǝ wani Tsogn gaami.

10/21.txt

@@ -0,0 +1 @@
+\v 21 A kili ges aa ta poltǝ a zhipti var nǝ naa vik lei hŋ, she a wul tu, ''Mya luughǝi, Daadǝn Tsogn gaami tǝ yatl nǝ duryo tu ka waɗ ngǝshi gya gini a mǝn saghaɗkǝ tǝ mǝn ɗyaaghǝnni, kǝ giɗni gya gyo ɗaŋ taa giɗshi a ngǝtn won hŋ, ɗaŋ gya mǝri mǝri. Ey Daa tu a ta yi tǝ polghǝnni monnda a ken wa.''

10/22.txt

@@ -0,0 +1 @@
+\v 22 ''Koni tǝ taa gaa giɓ:-)muŋatn, ɗaŋ yiɗi a Daadǝn, gon ɗaŋ a yisǝŋ kunes hŋ she Daashi, tǝ tu gon ɗaŋ a yisǝŋ Daashi hŋ she kunes tǝ gya gyo ɗaŋ kunes bwaashi tǝ giɗshi ghai.''

10/23.txt

@@ -0,0 +1 @@
+\v 23 Kǝnnda sutǝ a te mǝri dǝnes wulshi ngǝtn wasǝŋ nǝ waɗkǝni. ''A mbaa gya gyo ɗaŋ tǝǝyel ngǝrshi gya gi ɗaŋ kya yeli.\v 24  Mya wulki tu, mǝn shinngǝnni Cogn tǝguŋsǝ monnda tǝ suu tǝ yel ngǝtn yo ɗaŋ kyaa yeli tǝta yelihŋ, kǝnnda tǝ wum ngǝtn yo kyaa wumi tǝ taa wumshi hŋ.''

10/25.txt

@@ -0,0 +1 @@
+\v 25 She de, malǝm won kǝ mborki Yahudawa, a shishi dlǝǝrni tu tǝ dyiɓ tǝ, a wul tu, Malǝm maa fi wur ghǝnnda mǝ tu raai nǝ kǝ ndok ndoke?''\v 26  Yesu wul tǝ tu, ''Nǝ nii ghuŋ tǝndlyaaɗ a mborke? kya kwaan tǝ tu nii?''\v 27  A suɗa, a wultu, ''Absuu Daadǝn Cognvon waa tǝraa wa ɓuruk tǝ tlyaaghǝn waa ɓuruk tǝ saghaɗkǝn waa ɓuruk, suu ŋaa naa ɗaŋ gaama.'' \v 28 Yesu wul tǝ tu, ''kǝ kon ɗa giri. Fi cik, ka tu raai.''

10/29.txt

@@ -0,0 +1 @@
+\v 29 Beɗ tǝ gi, duryo tu malǝmes ca suu tǝ coɓ gaamashi, a wul Yesu tu, Ta nuu ghuŋ ci ŋaa naato?''\v 30  Yesu sutǝ ɗa a wulntu, ''Murwon ɗa giɓ Urshelima a shini Jeriko. A nda a taas kǝ mǝǝrǝŋsǝ tǝ kaɓtǝ koniwos mǝni, tǝǝ voɗtǝ tǝ gaa tǝ ɗaŋ tu a mǝǝshi.

10/31.txt

@@ -0,0 +1 @@
+\v 31 Cognvon gaa pǝris won cigha latsǝghǝni ɗa datǝpi ges, ɗaŋ a yeltǝ, a gyayi a laŋshi te ɗan latsǝi. \v 32 Cik ɗaŋ mǝn laaghǝ dǝn Cogn won, ɗaŋ a ta tuli ɗa ɗani ɗaŋ a yeltǝ, a gyayi te ɗan latsǝi.

10/33.txt

@@ -0,0 +1 @@
+\v 33 Beɗ tǝ gi, mǝn Samariya won ɗaŋ cigha riighǝn ɗa datǝpi, she a tuli ɓastǝ. Ɗaŋ a yeltǝ she yel gwanndǝ wos.\v 34  A taa ɓǝɗtǝ ɓastǝ, coɓtǝ gya wushi mǝni, shin gya miir tǝ gya zhak darndu dǝn, naaɗtǝ gya wushi mǝni. Mbi tǝ gaa a zhwaki wos, tlǝǝrti a dǝnngǝ sǝmmbǝrsǝ, a ta yal ɗaatǝ.\v 35  Ɗaŋ lǝǝɓ ta tlaai a ta nyom dinari mbǝtlǝm, she taa murghǝ dǝnnes she wul tu, 'yal ɗaatǝ, koni ɗaŋ kǝ ɗuu ya moɓ tsǝn, mya sumɗi ma sularghǝ mǝn.'

10/36.txt

@@ -0,0 +1 @@
+\v 36 Gyo a giɓkǝ gya gin mayin kyaa ɓitallo, gyo ɗaŋ dǝn wasǝŋ mel mel ghǝn a nda a taas mǝrǝŋsǝ?\v 37  Malǝmes wul tu, gyo ɗaŋ a yel gwanndǝ woshu.'' Jeesu wultǝ tu, ''tlǝ a fi cik ɗaŋ.''