Thu May 04 2017 11:28:53 GMT+0100 (W. Central Africa Standard Time)

01/01.txt

@@ -0,0 +1 @@
+\v 1 Ɗaŋ mǝ ta dlyaad  kǝ kennes ,Tiyofilus ,a kon nghǝrshi gya gon ɗaŋ Yesu gid. \v 2 Hal dzaŋ gi ɗaŋ tǝ ta mɓiti gaami.Ɗa kaari ɗaŋ a ta fuu mǝnshinnghǝn wos ɗaŋ a bwashi tǝ fighǝn zhipti var.  \v 3 A kaar buŋnghǝn wos a giid  gamashi ɓashi gwaam tǝ nghǝrshi gya gon moonda daŋ ta caa vwaa woshi .Mɓudkǝn tashi wuɓsǝ a tagiid gamas ɓashi  caa wulshi vi nǝ durghǝ guŋdǝ Cogn.

01/04.txt

@@ -0,0 +1 @@
+\v 4 Ɗaŋ a tayi a tsǝnghǝn tǝ yaŋshi a lǝǝb namboŋ a ta caa shi yir ɓak gaan Urshelima hŋ ,bed tǝ gi tǝ ɓuɓ mbinghǝn ɗa raai kǝ Daadǝn ,gyo ɗaŋ caa wul tu, "Kǝ wum ɓasǝm \v 5  nǝ dur tu ciɓ Yahaya a ta fi baftismai tǝ zha, bet tǝ gii ta fiki gwan mǝn tǝ zhipti var ɗuun tǝ mɓutkǝn njwaatn

01/06.txt

@@ -0,0 +1 @@
+\v 6 Kili yo ɗaŋ ci ciimshishe tǝ ced tǝ, "Daadǝn, a kili giin kǝnnda ka sular guŋdǝ Israila mǝ naa?" \v 7 A wulshi tu, "Yisǝŋ nghǝn kili tǝ dzaŋ yo  ɗaŋ Daagǝtn fii tǝ vartǝwos nǝ gwaan hŋ.\v 8  Bed tǝ gii ka kaɓ vartǝ , ǝŋ zhiptǝ var ya shiiɗi ɓaski ,kiles kǝnnda kaa tlyam zha mǝn giɓ Urushalima tǝ ɓuruk gib Yahudiya tǝ Samariya  hal tǝ ɗeɓad ɓanci ghǝ Ɗǝgn.

01/09.txt

@@ -0,0 +1 @@
+\v 9 Kili yo ɗaŋ Daadǝ Yesu kon nghǝrshi gya giin,ɗaŋ cigha yaalghǝn gaami ,she tǝ ta mɓitii gaami, kurvon ta waad tii a yi wasǝŋ\v 10 . Ɗaŋ tǝ ta ciken tǝ yaalghǝn gaami  ɗaŋ aa tlii, gaɓak she mǝnmonci won mbǝlǝm a ken wasǝŋ tǝ lǝŋsǝ pak-pak.\v 11  Tǝ wulshi tu "kyaani mǝnGalili ni caa kya dlǝǝr ɗuun kyaa yaal gamme? Yesu a a tai gammi wo suutǝ ɗi  daɓak ɗaŋ gii ɗaŋ kǝ yel taghǝn wos gaami.

01/12.txt

@@ -0,0 +1 @@
+\v 12 Ɗaŋ tǝ sushiɖi ɗa wuur Zaitunes tǝ tlii Urushelima ,gyo ɗaŋ yi mel tǝ Urshalima ,nǝ ghǝ riighǝn vyaghǝn dzaŋ. \v 13 Ɗaŋ tǝ ta tulidi , she tǝ ta dlaari tǝ nɗaai giiɓ suumi lǝɓ yo ɗaŋ caa tsǝtn ngai .Yaŋshi kǝn ci gyaa  Biturus ,Yohanna, Yakub,Andarawus,Filibus, Toma,Bartalamalus,Matta, Yakub kuni Alfa ,Siman murghǝkashi yatl wasǝŋ ,tǝ Yahuza kuni Yakub. \v 14 Ɓuruk wasǝŋ tǝ jwaam gaam wasǝŋǝi vi nambong, tǝ ken tǝ naghaɗ kǝn a karaghǝn Cogn .Yaŋshi tǝ gyaa guɗi, Maryamu naa Yesu, tǝ yesashi.

01/15.txt

@@ -0,0 +1 @@
+\v 15 A giib kǝ mbuɗkǝni gya gii Biturus ta shishi dlǝǝrni a dlei gya ŋaa naa lǝǝdkǝn wasǝŋ ta fii kuri nambong tǝ tashi mbǝlǝŋ ,a wultu,  \v 16 "Mǝnwopm ,a ta naa ciɓ vik cogn tǝ yughǝi ɗaŋ zhjptǝ var kon ɗa kaari a vik Dauda nǝ dur Yohuza ,gyo ɗaŋ a nda mǝn nguɓken Yesu ɗa kenni.

01/17.txt

@@ -0,0 +1 @@
+\v 17 Duryo tu a tayi  namboŋ a giiɓi wopm a ta nɗǝr kaɓ mɓaki woshi kǝ laa yo nɗaŋ a fii." \v 18 (Muurin diib lǝǝb wos tǝ vǝǝnnghǝ kuskǝ raa an ndaaɗi, a dlar vwaa  woshi ,wotka wos tǝ paashi ɗi. \v 19 Mǝn Urshalima ɓuruk tǝ wum nghǝrshi gii, nǝ durghǝ gii tǝ ciim lǝǝɓes tǝ viwasǝŋ tu, "Akeldama" nǝ dur tu  "nǝ leebkǝ voraŋ")

01/20.txt

@@ -0,0 +1 @@
+Nǝ durtu nǝ dlyaadkǝn a ngil ghǝ Dauda, 'Gaan lǝǝbwos tǝ naayi nǝ pǝŋtǝŋ, ɓak gaan gon tǝ tsǝtn ɗaɗanigǝŋ , gon ta kaɓ lǝɓkǝ mǝnvartǝ woshi.'

01/21.txt

@@ -0,0 +1 @@
+\v 21 Nǝ durghǝ gii a naa ciɓ namboŋ a giib kǝ gya gyo ɗanŋ,mii ciimshi  ɓaŋ ɗǝŋs kiliyo ɗaŋ Daadǝn  Yesu a ta ya nda-nyol a dlei wopm. \v 22 Ngabkǝnɗi a baftisma Yohanna hal ɗi a dzaŋ yo ɗaŋ tǝ ta mɓiiti gaami,wo naa namboŋ tǝ myanni  agib kǝ mǝn tlyaghǝn zhakǝ shishii ghǝn wos. \v 23 Tǝ dlǝǝlar zaarsǝ mbǝlǝŋ a ken wasǝŋ ,Yusufu gyo ɗaŋ sǝm wos tu Barsabbas, gyo ɗaŋ caa ciim tǝ tu Matayas.

01/24.txt

@@ -0,0 +1 @@
+\v 24 Tǝ kara Cogn tǝ wul tu, "Daadǝn,kaa yisǝŋ raaghǝ zaarsǝi ɗeɓad, giidmi muryo ɗaŋ kǝ bwaami mǝn a mǝnin mbǝlǝŋǝn \v 25  nǝdurghǝ tu tǝ kaɓ laaghǝ mǝnshigǝn yo ɗaŋ Yahuza gaami tlii a lǝbwos. Tǝ gǝm bwaagha a gaam wasǝŋ."\v 26  bwaaghǝnes naa gaam Matayas, nǝ gii tǝ ta kwaan tǝ a giib kǝ mǝnshinngǝn tǝ dzuɓ tlitii namboŋyes.

02/01.txt

@@ -0,0 +1 @@
+\v 1 Ɗaŋ dzaŋ ngǝ Fentakos ta tuliɗi, yǝ ta yi lǝɓ namboŋ ɓuruk wasǝŋ.\v 2  kyaɗ she yerwon wulɗi gaami ɗaŋ dǝllǝk yitar, ata shiiɗi yuŋ ɓuruk dǝn yo ɗaŋ tǝ ta yi ghai. \v 3 She ngǝrwon ta shiiɗi ɗaŋ riisǝŋ wuɗ a gaam ko gyo wasǝŋ. \v 4 Zhiptivar yugnshi waashi nguɓ wul ghǝn vii tǝ riisǝŋ gyaa gon. mǝnyo ɗaŋ zhiptivar vǝrshi tǝ wul vii.

02/05.txt

@@ -0,0 +1 @@
+\v 5 A kilis Yahudawa gya gon tǝ ta yi Urshelima, mǝnngǝ Cogn ɗaŋ cii ko yatli gyo a dǝgn. \v 6 Ɗaŋ tǝ wum wulghǝn ngǝrshes tǝ vuui ɗeɓaɗ tǝ jwaamshiɗi nǝ duryo tu konu caa wum ɗan kutu ca wul tǝ riisǝŋ wasǝŋ. \v 7 A kwasarshj, tǝ wul tu, ''beɗ gya gii ɗaŋ caa wullǝm cin mǝn Galilii yan?

02/08.txt

@@ -0,0 +1 @@
+\v 8 Wuri kǝnnda konu wasǝŋ caa wul vii wope?\v 9  Fisiyawa tǝ Mediyawa tǝ elimawa, tǝ Yahudawa tǝ Kafadokiya, giɓ Fontus tǝ Asiya. \v 10 Giɓ Firgiya tǝ Bamfiliya, giɓ Masar tǝ te Liɓiya tǝ te kaar sur, tǝ sǝǝɓǝrsǝ ɗaŋ tǝ dlamɗi Roma.\v 11  Yahudawa tǝ gya gyo ɗaŋ nǝ Yahudawa hŋ, Kiritawa tǝ Larabawa, ɗeɓaɗ mǝ wum shi caa wul vii wopm tǝ fighǝn laaghǝ laa Cogn.

02/12.txt

@@ -0,0 +1 @@
+\v 12 Ɗeɓaɗ wasǝŋ aa kwasarshi hal tǝ tǝ vuui, tǝ wul dlǝŋsǝ wasǝŋ tu, ''Dek gin nǝ nii?'' \v 13 Beɗ tǝ gi gya gon wasǝŋ tǝ ryaa tǝ wul tu, ''zhak darndu dǝn kǝ muri kǝnnda caa ɗuushi''

02/14.txt

@@ -0,0 +1 @@
+\v 14 Beɗ tǝ gi Biturus tǝ dzuɓ tliiti namboŋes tǝ ta shishi a taashi vii tu ''mǝn Yahudiya tǝ ɓuruk mǝn tsǝtn ngǝn Urshelima, yisǝŋǝn gin, sǝǝn kǝǝm vetn .\v 15  Nǝdur tu mǝniin nǝ zhak darndu dǝn kǝnnda tǝ tlya hŋ, dur tu daŋni yi dwaam toknandam kǝ ɓintlɗi

02/16.txt

@@ -0,0 +1 @@
+\v 16 Beɗ tǝ gi nǝ ngǝtn yo ɗaŋ shinngǝn Cogn Yowel.\v 17  Cogn wul tucikkǝn wo naa a ɓuɗkǝn ɓanngǝni giin, Ma shindar zhipti varanɗi a zarsǝ ɓuruk mǝri guɗiwan tǝ mǝn monci ta na nǝ mǝn konghǝn ngǝtn jaan tlǝɓǝrtǝ wan ta na nǝ mǝn yelghǝn zhiɗkǝn Cogn, beɗ tǝ gi ndwasaŋsǝ tlutn wo wurǝshi

02/18.txt

@@ -0,0 +1 @@
+\v 18 Cik kǝnnda amonsǝ guɗi tǝ mǝn monci wan a mbuɗkǝni gya gin ma shinndar zhipti var ɗi, beɗ tǝ gi ta na nǝ mǝn konghǝn ngǝtnnghǝ jaan. \v 19 ma giɗ kwasarghǝn a dǝǝl gaami tǝ ngǝtn ghǝ giɗkǝn a dǝgn, voraŋ tǝ wuɗ tǝ kuurvon.

02/20.txt

@@ -0,0 +1 @@
+\v 20 Dzaŋ wo suui nǝ dugn, lǝpm wo suui nǝ voraŋ saɗɗa kǝnnda dzaŋ manngǝn Daadǝn. \v 21 wo nani tu gyo ɗaŋ ya cim sǝm Daadǝn wo tu vuumghǝ ni.

02/22.txt

@@ -0,0 +1 @@
+\v 22 Mǝn Isar'ila, sǝn kǝǝm a vin. Yesu mǝn Nazareɗ gyo ɗaŋ Cogn giɗ tǝ ɓaski a tǝpm fighǝn ngǝtn ghǝ kwasarghǝ ɗaŋ a giɗ a dlie wan ɗaŋbgi ɗaŋ kǝ yisǝŋ.\v 23  Nǝ dur gi, caaghǝn raa a Cogn kǝ yisǝŋ tǝ vǝrbti a mǝn tlyaghǝn raa kǝ ghǝmbalti, kǝ ɗuti. \v 24 Cogn shisherti a mbi tǝ wumghǝn mǝskǝnni nǝ dur yo tu tǝ naa a dliwos hŋ

02/25.txt

@@ -0,0 +1 @@
+\v 25 Nǝ durghǝ yaan, myaa yel Daadǝn ɓasǝm ko dzangyo, nǝ duryo cigha taaghǝ zaretn ma wuum vǝrtǝ hŋ. \v 26 Nǝ dur ghǝ gi caa polǝm raatn, riisǝŋaan caa luusǝmwos. beɗ tǝ gi maa tsǝtn sǝǝriɗ.

02/27.txt

@@ -0,0 +1 @@
+\v 27 Beɗtǝ gi kaa tlǝǝrǝm nyamri hŋ, kaa gaa murghǝ ndzǝkkǝn waa tǝ rashii hŋ. \v 28 Giiɗǝm tǝpm raai yugn mi tǝ polghǝn waa kǝn myaa yel kenwa

02/29.txt

@@ -0,0 +1 @@
+\v 30 Gyaa kaam, ma wul vii sǝriɗi a dulghǝ Daadǝn Dauda! ata mǝs tǝ gii, vii giir wos yi ɓasmi ɗuun hal yaawom.\v 29  Nǝ durghǝ gi, yaan cii murghǝ shinngǝn yo ɗaŋ a yisǝŋ Cognǝi, a caa raa ɓastǝ tǝ ŋaskǝn puus tu a giɓ kǝ Usuli wos kǝnnda murgh Daa variwo nyolɗi.\v 31  A ta yel ngǝrshe shiiɗi tun ɓaanndǝŋ ata wul vi a dulgam  shishiighǝn gi ɗaŋ nǝ Ɓoorghǝni, beɗ tǝ gi tǝ fi bwaaghaɗ tǝ yaan nyaamri hŋ, dliwos ndǝr raais hŋ.

02/32.txt

@@ -0,0 +1 @@
+\v 32 Yesui Cogn shisherti, gyo ɗaŋ ɓuruk wopm mǝ tlyaa zha woshi. \v 33 Beɗ tǝ gi a ta yi a taaghǝ zarii Cogn a ndǝr mbii ɗa raai nǝ zhipti var kǝ Daadǝn, yaan wo shiiɗi ɓasmi gyo ɗaŋ kyaa yel kǝ ndǝr kǝ wuumi.

02/34.txt

@@ -0,0 +1 @@
+\v 34 Dauda ata taa gaami hŋ, beɗ tǝ gi a wul tu, ''Daadǝn a wul Daadǝn a wul Daaghǝ dǝnatn tu' tsǝtn a taaghǝ zaretn, \v 35 Hal she myaa suular mǝn nyaanngaskǝn waa nǝ ngǝtn daɓtsǝghǝn a yaasǝŋ wa, \v 36 ''Beɗ tǝ gi, dǝnngǝ Isra'ila tǝ yisǝŋǝi kǝrǝŋ-kǝrǝŋ tu Yesu ɗaŋ kǝ ghǝmbalti Cogn sularti nǝ Daadǝn tǝ Ɓorghǝnwos.

02/37.txt

@@ -0,0 +1 @@
+\v 37 Ɗaŋ tǝ wum cik raa wasǝŋ ta mbiŋ, tǝ wul Biturus tǝ gyaa mǝn shinngǝnes tu, ''mǝnwopm maa fii wuri?'' \v 38 Biturus wul shi tu, ''kaɓǝn ndaɗkǝn waani a maan tǝ fiki baɓtisma mǝn, a giɓ kǝ sǝǝmngǝ Yesu ɗaŋ nǝ Ɓorghǝn nǝ dur gi Cogn tǝ dlaa ki loŋsǝ mǝnni, nǝ dur tu kaa kaɓ vartǝ kǝ zhipti var. \v 39 Dur mbighǝn ɗa raai yo ɗaŋ nǝ yiir ɓaski tǝ gya mǝri waan tǝ gya mǝn ɗongai, ɗeɓaɗ zarsǝ yo ɗaŋ Daadǝn Cogn wo cimshi.

02/40.txt

@@ -0,0 +1 @@
+\v 40 Tǝ wumngǝn vik zarsǝ monnda a tlya zha washi ndǝr tlyashi moɗ ; a wul tu,''nyolarǝn gama wani a kuskǝ wusulin. \v 41 Ɗaŋ tǝ wuum neshi tǝ ndǝr tǝ fiishi baɓtismai, ɗaŋ dzaŋes tǝ ta tu zarsǝ zaŋngu mayi. \v 42 Tǝ ci ken tǝ wumngǝn kuɓar ghǝn kuɓarghǝn mǝnshinngǝn tǝ raapari a dlǝŋsǝ wasǝŋ, tǝ tsalghǝn dugn tǝ karaghǝn Daadǝn.

02/43.txt

@@ -0,0 +1 @@
+\v 43 Vartǝ ngaɓ ko gyo wasǝŋ ɗaŋ cigha sǝǝghǝn, tǝ ndǝr tǝ fii ngǝtn ngǝ kwasarghǝn tǝ ngǝrshi gyaa gon monnda ate mǝn shinngǝn.\v 44  Beɗ tǝ mǝnyo ɗaŋ tǝ caa raa wasǝŋ a dlei wasǝŋ ngǝtn wasǝŋ nǝ ghǝ ko gyo wasǝŋ.\v 45  Tǝ ɗiɓar ngǝtn wasǝŋǝi tǝ ɓǝǝl a dlei wasǝŋ, a giɓkǝ datǝpm yo ɗaŋ ko gyo wasǝŋ caa suu.

02/46.txt

@@ -0,0 +1 @@
+\v 46 Tǝ ci ken, ɓitaghǝn wasǝŋ naai namboŋ ko dzaŋ gyo nǝ ghǝ dǝn Cogn. caa tsal dugn a dlǝŋsǝ wasǝŋ, tǝ ci ngǝtn cighǝn tǝ dlǝŋsǝ wasǝŋ tǝ polghǝn a raa.\v 47  Caa luu Cogn tǝ ndǝr tǝ tuu kaɓkǝni a zarsǝ monnda. Daadǝn nǝ gi ca gǝɗshi mǝn vuughǝn ko dzaŋ gyo.

03/01.txt

@@ -0,0 +1 @@
+\v 1 Ɗaŋ Biturus tǝ Yohaana tǝ ta ya man vin Cogn a kili karaghǝn Cogn kili kǝ toknanndami. \v 2 Murwon ta yi ɗaŋ te ta ɓwaatǝ nǝ gurum, caa mbi tǝ ko dzaŋgyo tǝ tlǝǝr tǝ a ken ɓiil dǝn  Cogn gyo ɗaŋ caa cim tu ndaraara ci kara wurba a mǝn ndaghǝn ɗa viin Coghes. \v 3 Ɗaŋ a ta yel gya Biturus tǝ Yohanna cigha ndaghen ɗa dǝn Cokes, she ata kara shi nǝ wurɓa.

03/04.txt

@@ -0,0 +1 @@
+\v 4 Biturus ta caa yirr yel tǝ ghai, cikkǝ Yohanna ata wul tǝ tu, "Yaal aa yel mi."\v 5 Gurumes ta yaal yelshi ca gaa raa tu wo tu ngǝtn won ɓashi. \v 6 Beɗ tǝ gii Biturus ta wul tu, "Mii tǝ azurfa ko jinari hŋ, beɗ tǝ gii ngǝtn yo ɗaŋ mǝ yir ma vǝrghǝ, "A giɓkǝ sǝm Yesu kǝ Ɓorghǝnii mǝn Nazaraɗii,myaa wulghǝ tu shishi aa riini."

03/07.txt

@@ -0,0 +1 @@
+\v 7 Biturus ta ngaɓ tǝ gha taas kǝ zaari wos shishertii,kyaaɗ ɗa ɗani yaasǝŋ wos tǝ gorgwaatl wos tǝ ta tlyaa.\v 8  Gurumes ata diim shishi dlǝǝrni nguɓ riighǝn, ata laaɓ gya Biturus tǝ Yohanna giɓ dǝn ngǝ Cokes, cigha riighǝn, cigha diimngǝn cigha luughǝn Cogn

03/09.txt

@@ -0,0 +1 @@
+\v 9 Buruk zarsǝ tǝ ta yel tǝ ɗaŋ cigha riighǝn chigha nyaarghǝn Cogn. \v 10 Tǝ ta yisǝŋǝi tu nǝ murii ɗaŋ ca yi tsǝtn a ken ɓiil kǝ ndaraara kǝ dǝn Coghǝi yi kara wurɓai, ngǝtn yo ɗaŋ tǝ yeli ata kwasarshi naŋ.

03/11.txt

@@ -0,0 +1 @@
+\v 11 Ɗaŋ ata ciken tǝ ngaɓkǝni gya Biturus tǝ Yohanna, ngǝrshi ta kwasar zarsǝ kaɓ she tǝ ta ɓǝɗ shi ɗi mel ɓashi mel ɓashi a dǝǝli gii ɗaŋ nǝghǝ Suleimanui. \v 12 Ɗaŋ Biturus yel cig she a wulshi tu, Kyaani mǝn Isar'ila, ngǝrshi gin a kwasarki nǝ nii? Nii caa kya caacyir kǝ yel mi daŋkutu mǝ caa murin tǝ vartǝ wopm ko nǝ ngǝtn ngǝ mbuni wope?

03/13.txt

@@ -0,0 +1 @@
+\v 13 Cogn ngǝ Ibrahim tǝ Ishaku tǝ Yakub, Cogn ngǝ gya dawopm a luu mon wos Yesui, yaani ghen kǝ ta vǝrtii, kǝ nyaŋnhas tǝ a ken Bilatus ɗa awul tu wo gǝm tii. \v 14 Kǝ ta nyaŋngas tǝ, yaan murghǝ ndzǝkkǝni tǝ zaar ghǝ zaari, a bamvi gii tǝ ta gǝm ki murghǝ ɗughǝnzaar mǝn

03/15.txt

@@ -0,0 +1 @@
+\v 15 Kǝ ɗu gyo ɗaŋ a ɓwalar rai ɗi gyo ɗaŋ Cogn ta shisher tǝ ɗi a mǝskǝni, myaani ghǝni mǝn tlyaghǝ zha ngǝrshi gin.\v 16 Ɗaŋngǝnin nǝ caaghǝn raa a sǝm wos murin ɗaŋ kya yel tii ɗaŋ kaa yisǝŋǝn tǝ ɓeɗ, a sǝmi gineskǝn a ca ci tlyaa tlyaa. Caaghǝn raa a sǝm ngǝ Yesu a vǝrtǝ dlii wusni wos a ken waan ɓuruk.

03/17.txt

@@ -0,0 +1 @@
+\v 17 Ɗaŋngǝ gua ŋaaghǝ naa, mǝ yisǝŋ kǝ fi gii gha maalghǝni ɗaŋ gii ɗaŋ gya guŋsu waan tǝ fii.\v 18  Beɗ tǝ gii gya ngǝtn yo ɗaŋ Cogn ata kon a vii mǝn shinngǝn wos ɗi yaan tu, gii ɗaŋ nǝ Ɓorghǝnii wo buŋ a yugngarii ɗaŋngǝnin.

03/19.txt

@@ -0,0 +1 @@
+Nǝ gii nyomǝn yaatl aa suki ɗi\v 19  durghǝ yo tu ta saaɗ ki kusǝŋsǝ ngǝtn waan mǝnii, durghǝ yo tu kili yo ɗaŋ Daadǝn wo sularki nǝ muuri a ken ngǝ Daadǝn \v 20 aa tuliɗi durghǝ yo tu tǝ shinndar gii ɗi nǝ ɓorghǝnii gyo ɗaŋ a bwaa tii nǝ durghǝ waanii, Yesu.

03/21.txt

@@ -0,0 +1 @@
+\v 21 Yaani ghǝn a naa ciɓ gaami Tsogn tǝ kaɓ tii hal dǝǝl ghǝ sulargheni ko nii tǝ gya ngǝtn yo ɗaŋ aa ta kon ɓaandǝŋ ɓaandǝŋ a vii mǝn shinngen wos kǝ ndzǝk ndzǝki.\v 22  Musa ta wul tu, ciɓ Daadǝn Cogn wo shisher murghǝ shinngen wos a dlei waan ɗaŋ myan, a dlei gya yes waan, seen tǝ kǝǝm a ko nii ɗaŋ wo fuu ki. \v 23 Wo man maan tu gyo ɗaŋ ya sese keem Murghǝ Shinngǝn Coki gii hŋ ta datsǝ tii a dlǝk zarse wos.Eh

03/24.txt

@@ -0,0 +1 @@
+\v 24 Eh! kaɓ mǝn shinngǝn Cogn ɗaŋ a ngaɓ ɗi a Samaila tǝ gya gyo ɗaŋ tǝ man a kaar wos tǝ kon tǝ ndǝǝr tǝ wul vii nǝ mbuɗkǝni gyagin. \v 25 Kyaani ghǝn ki mǝǝri ɗaŋ mǝn shinngǝnes tǝ ɓwaa tǝ ghǝ mǝn mbighǝn ɗa rai ɗaŋ Cogn ta fi tǝ gya jiɗ waan, ɗaŋ gii ɗaŋ ata fuu Ibrahim tu, "Ɓaskǝ ghǝn kaɓ dǝnsǝ ɗegn ta tu shiɗshiɗi.' \v 26 Ɗaŋ Cogn ta shisher mon wos ata shinndar tǝ ɓaski keni durghǝ yo tu tǝ shin ki shiɗshiɗi wos mǝn ɗaŋ ata nyolar ko nuu waanii ɗi buŋngǝn kusuŋsǝ ngǝtn wos.

04/01.txt

@@ -0,0 +1 @@
+\v 1 A kili gi ɗaŋ Biturus tǝ Yohanna cigha wulghǝn vii tǝ zarsǝ, gya sǝŋwaari (Priest) tǝ gya mǝn varaŋshi ghǝ viin laadi tǝ gya Sadukiyawa tǝ man ɗaashi.\v 2  Taa ta vuyi ndzarɗ nǝ durghǝ yo tu gya Biturus tǝ Yohanna cigha zhiɗkǝn ngǝtn tǝ fuughǝn zarsǝ a dulgaam ngǝ shishighǝn Yesu a mǝn mǝskeni. \v 3 Tǝ ta nyom shi waashii tǝ tlǝn yetlii giɓ jaarum tǝ gaa shi waasǝŋǝi tu she lǝɓ yaa tlaa gham durghǝ tu suutu a ta fii. \v 4 Beɗ tǝ gii zarsǝ monnda te wum vies tǝ kaɓ tǝ gaai ɗa raai; yugngǝn mǝn yo ɗaŋ tǝ kaɓ tǝ gaa ɗa raas tǝ ta fii zaŋngu nanndam.

04/05.txt

@@ -0,0 +1 @@
+\v 5 Gya guŋsu tǝ mǝn varaŋsǝ tǝ gya mǝn dlyaaɗkǝn waasǝŋ tǝ jwaamshi waashii giɓ Urshelima. \v 6 Annas dǝllǝ ghǝ sǝŋwaari (Priest) ata yi ɗa ɗan. Kefas tǝ Yohanna tǝ Aleksanda, ɗeɓaɗ gya wusuli ngǝ dǝllǝ sǝŋwaares (Priest). \v 7 Ɗaŋ tǝ gǝm gya Biturus tǝ Yohanna a dlei waasǝŋ, tǝ ceɗ shi tu, "Tǝ vartǝ tǝ sǝm ngǝ nuu ghǝn kǝ fi ngǝrshi ginno?"

04/08.txt

@@ -0,0 +1 @@
+\v 8 She Biturus nǝ yugngǝn te zhipti var, a wulshi tu, "Kyaani guŋsǝ ghǝ zarsǝ tǝ mǝnvaraŋsǝ, \v 9 ǝŋ yaan yaawon kyaa ndami nǝ ngǝ mbuni yo ɗaŋ mǝ fi murghǝ gonngǝnin mǝn-tu tǝ wur ghǝnnda murin a fuɗi ye? \v 10 Gin tǝ naaki mǝn tǝ yisǝŋngǝn ɗeɓaɗ waan tǝ mǝn Isar'ila tu, a giɓkǝ sǝm ngǝ Yesu ghǝ Nazarat, Ɓorghǝn kǝ Cogn, gyo ɗaŋ kǝ hemmbal tii, gyo ɗaŋ Cogn ata shisher tǝ agiɓkǝ mǝn mǝskǝn nǝ dur wos kǝn murin caa dlǝǝrghǝn ɗin byaatl byaatl a ken waan.

04/11.txt

@@ -0,0 +1 @@
+\v 11 Yesu Ɓorghǝn kǝ Cogn kǝn cinǝ puus gyo ɗaŋ kyaani mǝn nalghǝn viin kǝ nyaŋngas tǝ, beɗ tǝ gii yaan nguŋ a naa nǝ puus getle viines.\v 12  "Ka tu kaɓkǝn a gon hŋ ɓar, nǝ durghǝ yo tu taa vǝr sǝm won a ɗǝgn ɗaŋ wo ɗyaa kaɓmi hŋ."

04/13.txt

@@ -0,0 +1 @@
+\v 13 Ɗaŋ tǝ ta yel ŋaskǝn raa gya Biturus tǝ Yohanna, ɗaŋ tǝ yisǝŋǝi tu cinǝ gyagon won toɗak, mǝn gaam jii, she ata kwasarshi,tǝ man yisǝŋei tu gya Biturus tǝ Yohanna tǝ ta yi tǝ gya Yesu.\v 14 Nǝ durghe yo tu tǝ yel murii ɗaŋ tǝ fuɗ tii cigha dlǝǝrghǝn ɓashi, tǝ yir ngǝtn yo ɗaŋ ta ko hŋ.

04/15.txt

@@ -0,0 +1 @@
+\v 15 Beɗ tǝ gii ɗa kaari tǝ ta caa mǝn shinngǝn tu tǝ nywaali ɗa balghami te ta wul gha gama waasǝŋ. \v 16 Tǝ ta wul tu, "Nǝ nii ghannda ma fi mǝnin ne? Nǝ durghǝ yo tu nǝ jom jomi dǝllǝŋsǝ ngǝtnngǝ kwasarghǝn yo ɗaŋ tǝ fi, ko nuu a yaatl  kǝ Urshalima aa yisǝŋǝi, ma kǝǝm ma nyaŋngas hŋ.\v 17  Beɗ tǝ gii ǝŋ yaan myaa suu tǝ ciken a dlǝk zarsǝ hŋ, a naa ciɓ mǝ motsar shi tǝ man wul vii gin gon tǝ sǝmǝn ɗa hŋ. \v 18 Tǝ cim gya Biturus tǝ Yohanna ɗi giɓi tǝ caashi yirr tu tǝ man kon viin ko tǝ giɗ gya gon ngai a giɓkǝ sǝm Yesu ɗa hŋ.

04/19.txt

@@ -0,0 +1 @@
+\v 19 Beɗ tǝ gii Biturus tǝ Yohanna tǝ sushi ɗa tǝ wulshi tu, "Ko yi ndaraara a ken Cogn mǝ laaɓ gwaanii tǝ moɓ goshii, ngerǝn ngetnwaan.\v 20  Ma ɗyaa ma dlǝǝlar konngǝn ngǝtn yo ɗaŋ maa yeli mǝ ndǝr mǝ wumi hŋ.

04/21.txt

@@ -0,0 +1 @@
+\v 21 Ɗan tǝ ɓan sǝǝɗkǝn vii gya Biturus tǝ Yohanna tǝ gaa shi tǝ tlii. Durghǝ yo tu tǝ tushi tǝ ngǝtn yo ɗaŋ wo caa ta vershi forǝm hŋ, nǝ durghǝ yo tu ɗeɓaɗ zarsǝ cigha luughǝn Cogn nǝ ngǝtn yo ɗaŋ a fi. \v 22 Murin ɗaŋ ata yisǝŋ ngǝtn ngǝ kwasarghǝn aata moɓ voni tashi wuɓsǝ

04/23.txt

@@ -0,0 +1 @@
+\v 23 Ɗaŋ tǝ ta dlaa shi waasǝŋǝi ,Biturus tǝ Yohanna tǝ ta man nga men waasǝŋ tǝ fuushi ɗeɓaɗ ngǝtn yo ɗaŋ gya sǝŋwaari varashi tǝ fuushi ɗi.\v 24 Ɗaŋ tǝ ta wumii tǝ ta wul ɗeɓaɗ waasǝŋ tlyaa tlyaa tu, "Daadǝn kyan kǝ ndǝr gaami tǝ ɗǝgn tǝ dǝllǝŋsǝ zha tǝ ɗeɓaɗ gya ngǝtn yo ɗaŋ ciɗa giɓi, \v 25 kyan ɗaŋ kǝ ta wul vi a te zhipti var a te vii mon wa, dawopm Dauda, tu, "Nǝ nii a caa mǝn ɗǝgn ca fi tliiti yer, ɓitalghǝn zarsǝ yigha ɓenndǝmi a ko nii?"

04/26.txt

@@ -0,0 +1 @@
+\v 26 Kǝ wul tu guŋsǝ kǝ ɗegn taa jwaam gama waasǝŋǝi lǝɓ namboŋ. Guŋsu taa jwaamshi waashii a lǝɓ namboŋ caa gaa gǝǝɓ tǝ Daadǝn tǝ Ɓorghǝn woshii.'

04/27.txt

@@ -0,0 +1 @@
+\v 27 Taŋ taŋ, gya Hiridus tǝ Bilatus ɗeɓaɗ tǝ gya mǝn ɗǝgn tǝ gya mǝn Isar'ila tǝ jwaamshi a yaatlǝn nǝ gaaghǝn gǝǝɓ tǝ mon wa Yesu, Murghǝ Ndzǝkkǝnii gyo ɗaŋ kǝ ɓor tǝ.\v 28  Taa jwaam shi ɓuruk tǝ fi ngǝtn yo ɗaŋ taas wa kǝ fuɗkǝn a zhiɗ ngǝtn ngǝ giɗkǝn tǝ kwasarghǝn a giɓkǝ sǝm kǝ ndzǝkkǝn mon waa Yesu."

04/29.txt

@@ -0,0 +1 @@
+\v 29 Ɗaŋngǝni Daadǝn, yaal aa yel sǝǝɗkǝn vii waasǝŋ a vǝr monsǝ wa varte kǝ konngen vii waa tǝ ŋaskǝn raa.\v 30  Taa taas wa kǝ fuɗkǝn aa giɗ ngǝtn ngǝ giɗkǝn tǝ kwasarghǝn a giɓkǝ sǝm ndzǝkkǝn kǝ mon wa Yesu. \v 31 Ɗaŋ tǝ ta ɓan karaghen Daadǝnii lǝɓ yo ɗaŋ tǝ ta jwaamshi ghai ɗeɓaɗ waasǝŋǝi ta zhighǝɗii. Zhipti var ta yugn shi waashii tǝ ngaɓ vik Cogn kwaanngǝn tǝ ŋaskǝn raa.

04/32.txt

@@ -0,0 +1 @@
+\v 32 Mǝnes monnda ɗaŋ tǝ ta caa rrai gaam waasǝŋ tayi namboŋ. Gon waasǝŋ ta wul tu ngetn yo ɗaŋ yir nǝ gos hŋ, nǝ ko nii waasǝŋ ta yi namboŋ.\v 33  Tǝ tlyaaghǝn vartǝ mǝn shinngǝnes cigha konngǝn tlyaghǝn zha waasǝŋ dul gaam shishighǝn Daadǝn Yesu, gyaal vari ta yi ɓashi laaɓkǝni.

04/34.txt

@@ -0,0 +1 @@
+\v 34 Gon a giɓi waasǝŋ ɗan tu a naa ngǝtn won nii hŋ, ɗeɓaɗ mǝn yo ɗaŋ tǝ yir lǝɓ tǝ dǝnsǝ tǝ ɗiɓarii\v 35  tǝ lǝǝr wurɓas ɗi tǝ man gaa a kenngǝ mǝn shinngǝnes, tǝ ɓǝǝlii ko nuu kaɓ ko nii ɗaŋ caa suu.

04/36.txt

@@ -0,0 +1 @@
+\v 36 Yusufu, muryo ɗaŋ ca fi laa dǝn Cogn, nǝ mǝn Kubrus, gyo ɗaŋ mǝn shinngǝnes caa cim tǝ tu Barnabas (tu murghǝ tlyaaghǝn raa)\v 37   Yir kitn wos ɗaŋ ɗiɓari a lǝǝr a lǝǝr wurbas ɗi a ken mǝn shinngǝnes.

05/01.txt

@@ -0,0 +1 @@
+\v 1 Murwon ɗa sǝǝmwos tu Hananiya ci tǝ Safiratu gǝɗi wos, tǝ ɗiɓar ŋaa kitn wasǝŋ won, \v 2 she a nga wurɓes waɗi tǝ (tǝ yisǝŋghǝn gǝɗi wos) tǝ lǝǝr wurɓes ɗi man gaa a ken mǝn shinngǝnes.

05/03.txt

@@ -0,0 +1 @@
+\v 3 Beɗ tǝ gi Biturus a wultu, ''Hananiya ni a ca ǝŋnnda shetan yughǝ raa mǝn nǝ ɓerni ngaghǝn zhipti var mǝn ɗaŋ kǝ nga wurɓ kitn was ɗaŋ kǝ ɗiɓar kǝ waɗiya? \v 4 Ɗaŋ ka ta ɗiɓar hŋ, nǝ gwa hŋaan? wuri ǝnnda kǝ ɓital gin a raa wa cighǝye? kǝ ngani ɓerni zaar mǝn hŋ, beɗ tǝ gi nǝ Cogn'' \v 5 Ɗaŋ a wum cik, Hananiya ndaɗ mǝshi, vǝrtǝ ngaɓ ɗeɓaɗ mǝn yo ɗaŋ tǝ wum ngǝrshes. \v 6 Tlǝɓǝrsǝ won tǝ ta shiɗi tǝ man karghaɗti tǝ mbi tii tǝ tlǝ tlǝn giiti ɗi.

05/07.txt

@@ -0,0 +1 @@
+\v 7 Ɗaŋ a ngalei ŋaanjwaan gǝɗiwos ndai ɗi, a yisǝŋ ngǝtn yo ɗaŋ ca riighǝn hŋ. \v 8 Biturus a wul tǝ tu, ''fuumɗi kǝ ɗiɓar kitn wanes wuri?'' sheba futǝ tu ''ai mǝ ɗiɓar tsǝni''

05/09.txt

@@ -0,0 +1 @@
+\v 9 She Biturus a wul tu, ''wuri ǝnnda kǝ kaŋ vii tu a diɓ zhipti var ghǝ Daadǝne? yeli yasǝŋ mǝn yo ɗaŋ tǝ tli g turwaɗi ǝŋ cigha ken ɓiil ǝnndi, ta mbi ghǝ ta nyolari cik daŋ.\v 10  kyaɗ ɗa ɗan a ta ndaɗ mǝshi. Ɗaŋ tlǝɓǝrsǝ tǝ ndaɗi, tǝ tu a mǝshi, tǝ mbitǝ tǝ nyolari tǝ tlǝn giiti mel tǝ turwos.\v 11  Dǝllǝ vǝrtǝ ngaɓ mǝn vin ladeshi tǝ muryo ɗaŋ ngǝrshi gin.

05/12.txt

@@ -0,0 +1 @@
+\v 12 Ngǝtn ghǝ kwasarghǝ monnda a fi a te tas ghǝ mǝn shinngǝnnes. Tǝ ta jwaamshi a ɗiidlǝŋ dǝn ghǝ  Sulemanu.\v 13  Beɗ tǝ gi, gon won ta ɗya mbǝrtǝ tlǝn tushi hŋ; nǝ yo tu zarsǝ caa luushi nǝ ŋaanyi hŋ.

05/14.txt

@@ -0,0 +1 @@
+\v 14 Hal ghǝnni mǝn  caghǝn raa ca daɗakkǝn  mangǝnɗi a Daadǝn, zarsǝ monnda mǝn monci tǝ guɗi, \v 15 Nǝ yo tu caa nyom mǝn gonghǝnɗi tǝ lǝǝr shiɗi a datǝpm a lǝǝɓ mbuɗkǝn wasǝŋ tu yan Biturus ya man nǝ latsǝghǝ zhipti wos tǝ tǝǝnshi.\v 16  Saɗɗa zarsǝ monnda tǝ manɗi a gya yatlǝi, gya gon daŋ ciɗi te Urshelima, ciyi lǝǝr gya gonghǝn ɗi tǝ gya ɗaŋ mǝndǝŋsǝ tǝ ngaɓshi, ɗeɓaɗ tǝ byatlii.

05/17.txt

@@ -0,0 +1 @@
+\v 17 Beɗ tǝ gi, pǝris vari shishi tǝ mǝn yo ɗaŋ ci cimshi ɗeɓaɗ (gya Sadukiyawa ǝnnɗi); \v 18 tǝ ngaɓ kashi she tǝ ngaɓ mǝnshinngǝnnes, she tǝ njyak shi washi jarum.

05/19.txt

@@ -0,0 +1 @@
+\v 19 Ɗa kaviɗi murghǝ shinnghǝn Cogn kǝ Daadǝn a ɗǝrǝ ɓiil jarumeshi a nyolarvshi washi awul tu, \v 20 Tlǝnni a ɗǝrǝ vinladi a kon afuu zarsǝ ɗeɓaɗ vik wusni kǝ fuuɗkǝn.'' \v 21 Ɗaŋ tǝ wum cik tǝ ndai viin lades a dlǝk zdaŋ tǝ kuɓar. Beɗ tǝ gi ɗaŋ dǝllǝk pǝrishes man tǝ mǝnwos, a cim mǝn balgham wasǝŋes ɗi, tǝ gya mǝn varaŋsǝ zarsǝ ghǝ Isar'ila tu, tǝ tlǝŋ nyolar mǝn mǝnshinngǝnes ɗi ɗa jarumes.

05/22.txt

@@ -0,0 +1 @@
+\v 22 Beɗ tǝ gi ɗaŋ mǝn varaŋshes tǝ tlǝ tu mǝn shinngǝnnes ɗa jarumes hŋ, she tǝ sushi ɗi tǝ man kon tǝ fuushi tu, \v 23 ''Ɗaŋ mǝ tlǝ mǝ tu jarumes nǝ yatlǝkǝn, mǝn yalghǝn cigha dlǝrghǝn ɗa ɓiili, beɗ tǝ gi ɗaŋ mǝ ɗrǝ mǝ tu gon ɗa giɓi hŋ.''

05/24.txt

@@ -0,0 +1 @@
+\v 24 Ɗaŋ mǝnvar ghǝ vinlades tǝ pǝris vares tǝ wum ves, she tǝ ta vuui ndzarɗ, tǝ wul tu ni ǝŋ wo laaɓ kaari. \v 25 Cighai cik gon won man wulshi tu, ''mǝni ɗaŋ kǝ shin shi giɓ jarumi yan ci ɗi a dlǝǝrghǝni viinladi a durghǝ giɗkǝn zarsǝ ǝnndi.''

05/26.txt

@@ -0,0 +1 @@
+\v 26 Ɗa cik mǝnvar vinlades tǝ mǝn wos gya gon tǝ tlǝŋ sularshi ɗi, gin tǝ shisher ghǝn raadhai hŋ, nǝ yo tu ca ci vǝrtǝ zarsǝ ta lliɗshi tǝ puus.  Ɗaŋ tǝ ta lǝǝr shi ɗi.\v 27  she tǝ ta gashi ɗa balgham jwaamngǝnnes. She pǝris kǝ vares ngaɓ shi ceɗ kǝn\v 28  tu, ''ma ca ki yir tu a man kuɓar a giɓkǝ sǝǝmǝn ɗa hŋ, hal ghǝni ka man yugn Urshelima tǝ giɗkǝn wan, kya ndǝr kǝ ndǝr kǝ ŋaal voraŋ muri shii ɓasmi.''

05/29.txt

@@ -0,0 +1 @@
+\v 29 She Biturus tǝ gya mǝn shinngǝnni gya gon tǝ suɗ tu, ''A na ciɓ mǝ laɓ ngǝtn yo ɗaŋ Cogn kon, ɗaŋ mǝ fi nǝ kǝ zarsǝ.\v 30  Cogn ghǝ Daawopm ghǝ a shishir Yesu, gyo ɗaŋ kǝ ta ɗutii kǝ ghǝmbaltii a gwas. \v 31 Cogn ɓital tǝ a taaghǝ zariwos tǝ na nǝ ŋaa guŋ tǝ murghǝ kaɓkǝn tǝ kaɓkǝ ndaaɗ kǝn Isar'ila tǝ dlaaghǝn loŋsǝ kusǝŋsǝ ngǝtn. \v 32 Ma tlya zha ngǝrshi gya gin ɓuruk, cikǝn Zhipti var gyo daŋ caa wum kǝǝm viwoshi.

05/33.txt

@@ -0,0 +1 @@
+\v 33 Beɗ tǝ gi, mǝn Farisawa ca cimtǝ tu Gamaliyel. \v 34 murghǝ giɗ kǝn mborki yo ɗaŋ Musa dlyaaɗ muryo ɗaŋ zarsǝ caa luu tǝ ŋaanyi hŋ, a shishi dlǝrni,a wul tu, mǝnshinngǝnnes tǝ nywalib ɓǝdlǝŋ gham ŋaa njwaatn.

05/35.txt

@@ -0,0 +1 @@
+\v 35 She a wulshi tu, ''mǝnwopm Isar'ila, ɗakghǝn ɗa tǝ ngǝtn ɗaŋ kya ŋaal a fi mǝnin. \v 36 A mbuɗkǝn wan murwon tu Tadiyas ca mbi gamashi tu cinǝ gonwon, zarsǝ monnda ɗaŋ tǝ ta kuri wuɓsǝ tǝ ta laaɓtǝ ɗaŋ tǝ ta ɗutii, mǝn laaɓkǝn wos tǝ ta pashi tǝ na nǝ ngǝtn won ɗa hŋ. \v 37 A kili muri gin, Yahuza mǝn Galilii won ata shishi ɗi a jinnɗi kwaanghǝn zarsǝi,a ta man mor zarsǝ monnda. Yan beɗ a ta laaɓ zha, ɗeɓaɗ mǝn wos ɗaŋ caa laaɓ tǝ ta pashi ɗaŋ.

05/38.txt

@@ -0,0 +1 @@
+\v 38 Ɗaŋnin mya wulki tu, janki kar a mǝnin a gashi saɗ, nǝ yo tu, yan ngǝtn won ɗaŋ caa fighǝn zarsǝ wo man malari. \v 39 Beɗ tǝ gi,ǝŋ yan nǝ kaɓkǝ Cognvon, ɗeɓaɗ wan gon wo ɗyaa sughǝɗtǝ hŋ, wo na tuvkya finǝ mandǝ tǝ Cognvon. Ɗani ǝŋ mures ta jaa shi raa mǝni

05/40.txt

@@ -0,0 +1 @@
+\v 40 Ɗaŋ tǝ ta ciim mǝn shinngǝnnesɗi giɓi tǝ ta voɗshi washi tǝ ndǝr tǝ caashi yir tu tǝ man wul vii tǝ sǝǝm Yesui ɗa hŋ, she tǝ ta gashi tǝ tlǝi.\v 41  Mǝn shingǝnnes tǝ ta ga balghame jwaamngǝnneshi tǝ polghǝn tu tǝ tuli ɗaŋ tǝ tlyavforǝm nǝ sǝmmes. \v 42 Ɗa kari gi ko dzaŋ gyo a giɓ vin lades tǝ yi laɓ dǝn-dǝn tǝ ciken tǝ giɗkǝn tǝ fuughǝn zarsǝ tu Yesu yan cinǝ Ɓorghǝnni kǝ Cogn.

06/01.txt

@@ -0,0 +1 @@
+\v 1 A mbuɗkǝn gyaa gin, ɗaŋ lǝǝɓkǝn mǝri dǝnngǝ mǝn shinghǝn Yesu ta ciken tǝ bǝlghǝn, she Yahudawa gyaa gii ɗaŋ caa tsǝtn yatl Helinawai tǝ ta nda bwalghǝn a dulgam Yahudawa Isar'ila, dur yo tu ca vuu shi tǝ guɗi wasǝŋ gyaa gii ɗaŋ gyaa gurwasǝŋ taa mǝǝshi hŋ, a te ɓǝǝl ghǝn ngǝtnngǝ cighǝn ko dzaŋ gyo.

06/02.txt

@@ -0,0 +1 @@
+\v 2 Mǝn shinghǝnni dzuɓtliiti mbǝtlǝŋǝi tǝ ta cim jwaamngǝn mǝri dǝn mǝn shinngǝnni tǝ wulshi tu, ''A ndara mǝ ga vik Cognŋǝi mǝ sumi a vik laa bǝǝlghǝn ngǝtn cighǝn hŋ.'' \v 3 Nǝ durghǝ gi, bwaan gyaa ŋaa naa mǝn monci zarsǝ wattsǝmai a giɓ waan, mǝn yo ɗaŋ citǝ zinzini, gyaa gyo ɗaŋ nǝ yugnngǝnni tǝ zhiptivar tǝ yisǝŋngǝn, gya gyo ɗaŋ ma bwaashi nǝ laan.\v 4  Myaani, ma ciken tǝ karaghǝn Cogn ko dzaŋ gyo tǝ laa vik Cogn.''

06/05.txt

@@ -0,0 +1 @@
+\v 5 vii wasǝŋ ta pol ɓuruk zarsǝ ghai, tǝ ta bwaa Istifanus, zaar yo ɗaŋ cini yugnnghǝn caaghǝn raa tǝ zhiptivar, tǝ Filibus,  Birokoros, Nikanar, Timon, Barnimas, tǝ Nikolas, mǝn Atakiya muryo ɗaŋ a ndai laaɓkǝn Yahudawa. \v 6  Mǝn laaɓkǝnnes tǝ ta lǝǝr mǝni gya gesɗi a ken mǝn shinngǝn, tǝ ta kara Cogn tǝ ndǝr tǝ gaa taas ɓastǝ.

06/07.txt

@@ -0,0 +1 @@
+\v 7 Vii Cogn ta bǝlli, yugnngǝn mǝri dǝn ghǝ mǝn shinghǝn ta ci ken ghai tǝ yugnngǝn, gyaa pǝris monnda kǝ Yahudawa tǝ ta naa tǝ caaghǝn raa.

06/08.txt

@@ -0,0 +1 @@
+\v 8 She Istifanus nǝ yugnngǝn tǝ shishili tǝ vartǝ, ata fi ngǝtn kwasarghǝ tǝ ngǝtn giɗkǝn a dlǝk zarsǝ. \v 9 Beɗ tǝ gi zarsǝ gya gon ɗaŋ tǝ ta mbwaaɗi viin ladi Yahudawa gyo ɗaŋ caa cim tu, viin ladi Yahudawa kǝ mǝn sǝkkǝn, yan gyaa Kuramiyawa tǝ Kilikiyawa tǝ gyaa gon tǝ ta sǝrdyer tǝ Istafanus

06/10.txt

@@ -0,0 +1 @@
+\v 10 Beɗ tǝ gi tǝ ta ɗyaa tǝ lii Istafanus hŋ, nǝ durghǝ yisǝŋngǝn tǝ zhipti yo ɗaŋ ata ya wul vii ghai. \v 11 She tǝ ta zǝghǝr gya gon nǝ mǝri tǝ tlǝn wul tu, ''mǝ wum Istafanus caa wul vii kyaskǝn avdul gam Musa tǝ Cogn.''

06/12.txt

@@ -0,0 +1 @@
+\v 12 Tǝ tavzǝghǝr zarshes, tǝ mǝn varaŋsǝ tǝ mǝn dlyaaɗkǝn  tǝ nda Istafanus ɗa, tǝ ta lǝǝrtǝ ɗi balgham.\v 13  Tǝ ta lǝǝr mǝn tlyaghǝn zha wasǝŋ kǝ mberniɗi, tǝ wul tu, ''murigin halghǝni a gaa vii gaaghǝn gǝǝɓ tǝ ndzaɗ-ndzaɗkǝn tǝ mborki Cogn hŋ. \v 14 Nǝ durghǝ yo mǝ wum tǝ caa wul tu, Yesu nǝn Nazareɗɗi wa dluɗ lǝɓǝnni sughǝɗ duul wan ɗaŋ Musa gaami mǝn.'' \v 15 Ɓuruk mǝn yo ɗaŋ yǝ ta yi ɗa balghames tǝ yaal tǝ yeltǝ, she tǝ yel yirwos ɗaŋ kǝ zhipti shinngǝn Cogn.

07/01.txt

@@ -0,0 +1 @@
+\v 1 Pǝris vares wul tu, ''ngǝrshi gya gin ci jome? \v 2 She Istafanus suɗ tu, gya daaghǝn tǝ gya kun daan, sǝǝn mǝn kǝǝm Cogn ghǝ luughǝn a ta bwaa dawan Ibrahim mǝn ɗi ɗaŋ ata yi yatl Mesopotamiya, ǝnnda tǝ tsǝtn Haran.\v 3  Ata wul tǝ tu, '' gaa yatl wa i tǝ zarsǝ wa a tlii a yatl yo ɗaŋ a zhiɗ tǝ ghai.''

07/04.txt

@@ -0,0 +1 @@
+\v 5 A ta gaa yatl Kaldiyawai a ta man tsǝtn Haran, ɗaŋ dagos a ta mǝshi, she Cogn ta lǝǝr tǝ ɗi abyatl giin ɗaŋ kya tsǝtn ghai ɗaŋnin.\v 4  Beɗ tǝ gi Cogn abta vǝrtǝ duul ɗa yatlii hŋ, ko lǝǝɓ caa ghǝn yasǝŋ. Beɗ tǝ gii a ta vǝrshi mbighǝ ɗa raai tu, Ibrahim ta yi tǝ ŋaa hŋ, tu wo vǝrtǝ yatlii nǝ duul tǝ zarsǝwos tǝ mǝn kaarwos.

07/06.txt

@@ -0,0 +1 @@
+\v 6 Cogn a ta wul vii tu mǝnwos a kaarwos tavtsǝtn a yatl won nǝ sǝmbǝri, tu mǝn yatli ta fiirshi forǝm, ta caa shi a laa mon hal nǝghǝ voni kuri wuɓsǝ. \v 7 Cogn wul tu,ma fiir forǝm yatl yo ɗaŋ tǝ ta fiir shi forǝm ɗa kaari ta nywal ɗi tǝ mbuum a lǝɓi gin . \v 8 She Cogn tavvǝǝr Ibrahim mbighǝn ɗa raaighǝ sǝrǝghǝn, nǝ ghǝ Ishaku, a ta sǝǝrǝti, a dzaŋngi ghǝn tantani Ishaku ata naai nǝ daaghǝ Yakuɓ, Yakuɓ ghǝn nǝ daaghǝ Isar'ila dzubtliiti mbǝtlǝmi.

07/09.txt

@@ -0,0 +1 @@
+\v 9 Duryo tu yestǝ Yusufu fǝ ta yi tǝ loŋsǝ wos, tǝ ta ɗiɓar tii Masar, beɗ tǝ gii Cogn a ts yi tǝ yani. \v 10 A ta vum ti a koni ɗaŋ ata tu tǝ at avvǝrvYusufu shiɗshiɗi tǝ saghaɗ avken Fir-auna guŋ Masar, a ta nalarti nǝ goɓna Masar tǝ dǝn wos ɓuruk.

07/11.txt

@@ -0,0 +1 @@
+\v 11 She kusǝŋ ta ndai ɓuruk a yatl kǝ Masar tǝ Kannan, buŋghǝn ta nda, gya dawos tǝ ta ngǝtn cighǝn hŋ. \v 12 Beɗ tǝ gii ɗaŋ Yakuɓvta wum tu ngǝtn cighǝn ɗa yatl Masar, she ata shin nǝ gya jiɗ wom a riighǝn wasǝŋ kǝ keni. \v 13 A riighǝn wasǝŋ kǝ mbǝtlǝŋǝi, Yusifu a ta zhiɗ gamashi gya yestǝwos, Fir-auna tavyisǝŋ gya yestǝ Yusufu a kili gi.

07/14.txt

@@ -0,0 +1 @@
+\v 14 Yusufu ta shin gya yestǝwos a daagos tǝ wul tǝ tu, tǝ man Masar, yan tǝ kaɓ dǝn wos, zarsǝ tashi wattsǝmai tliiti nandam ɓuruk wasǝŋ.\v 15  Nǝ gii Yakuɓ a ta tlii Masar ata man sǝǝ ɗa ɗan yan tǝ gya jiɗ mom.\v 16  Tǝ ta nyomshi tǝ tlǝǝr shi Shekem tǝ ta giɗshi a vgiir ɗaŋ Ibrahim ata ɗiiɓ a mǝri Hamor tǝ wurɓa azurfa.

07/17.txt

@@ -0,0 +1 @@
+\v 17 Ɗaŋ kili gaaghǝn ɗa raai ɗaŋ Cogn a ta ga Ibrahim mǝn ata tu li ɗi, zarshes tǝ tavlǝǝr tǝ yughǝi ɗa Masar. \v 18 Hal she ɗaŋ guŋǝi gon a ta shishi ɗa yatl Masari ɗaŋ ata yisǝŋ Yusufu hŋ. \v 19 Guŋǝi ges ata moor mǝnwopm,fir gya jiɗ wopm kushi-kushi, tǝ taya caa gya jiɗ wopm tǝ dlaa mǝri nabartu wasǝŋǝi duryo tu tǝ mǝshi hŋ.

07/20.txt

@@ -0,0 +1 @@
+\v 20 A kili gii ǝŋ tǝ ta bwa Musa, a ta yinǝ ŋaa ndarara a ken Cogn naashi ata bwaa tǝ nǝ  kǝ lǝpm mayi adǝn dagos. \v 21 Ɗaŋ tǝ ta ga tǝ ɓidlǝŋ, nyighǝ Fir-auna ata mbi tǝ ɓuuɗ tǝ naai nǝ kuniwos.

07/22.txt

@@ -0,0 +1 @@
+\v 22 Tǝ ta kuɓar tǝ Musa yisǝŋnghǝn ghǝ yatl Masar, ata yi nǝngamndi a wulghǝn vii tǝ laawos.\v 23  Beɗ tǝ gi ɗaŋ ata tuli voni taashi wuɓsǝ, she ata ɓital tu tǝ tlǝ a gya mǝri naawos mǝri Isar'ila. \v 24 Ɗaŋ ata yel ci a Firghǝn forǝm kun Isar'ila won, she a ta kaɓ vii kun dashe shi, a ta ɗuu mǝn Masareshi.\v 25  A ta ɓital tu gya kundawos ta tlyaaiɗi a raa tu Cogn a suu tǝ kaɓni mǝn Isar'ila a te taaswos, beɗ tǝ gii tǝ ta tlya a raa hŋ.

07/26.txt

@@ -0,0 +1 @@
+\v 26 Ɗaŋ lǝǝɓ ta tyai ata yel mǝri Isar'ila won a manndǝ, she a ta ndai a dlei wasǝŋ ata wulshi tu, ''gya kun daa kinǝ yestǝ kya fi manndǝ nǝ ni? \v 27 Beɗ tǝ gi gyo ɗaŋ  ata ŋal wulngai ata paa tǝ gǝmi wul tǝ tu, ''nu ghǝ naaɗ kǝ guŋ tǝ murghǝ ɗǝlghǝn vi a dul gama wopo?\v 28  kya suu a ɗuum ni ɗaŋ gi ɗaŋ kǝna ɗuu mǝn Masari naa yawoniya?'

07/29.txt

@@ -0,0 +1 @@
+\v 29 Ɗaŋ Musa wum cik she ata kiri tlǝŋ naai nǝ sǝǝbǝr a yatl kǝ Madayana, ɗan ata naai nǝ daaghǝ mǝri monci mblǝtlǝm. \v 30 Ɗaŋ voni tashi wuɓsǝ tǝ ta latsǝi, she zhipti shinngǝn Cogn ata man tǝ mǝn dǝllǝk ndǝǝr wuur sinaai a risǝŋ wuɗ ɗa ndǝǝri.

07/31.txt

@@ -0,0 +1 @@
+\v 31 Ɗaŋ Musa ta yel wuudes, ngǝrshi ta kwasartə she ata ɓǝt tǝvghai mel tǝ yel ngǝrshi, she ata wum yerghǝ daadǝn a ta wul tu,\v 32 ''Myan mi Cogn gya dagwan, Cogn ghǝ Ibrahim tǝ Ishaku tǝYakuɓ, vǝrtǝ ta ɗuu Musai hal ata ɗyaa ɗǝerǝ yir tǝ yaal hŋ.

07/33.txt

@@ -0,0 +1 @@
+\v 33 Daadǝn ta wul tǝ tu, ''dli kwate wai duryo tu lǝɓvyo ɗaŋ kya dlǝǝrghai yi tǝ ndzǝkkǝni.\v 34 ma yel buŋngǝn zarsati, ma wum nguwarghǝn wasǝŋǝi, ma man mǝ kaɓshi wasǝŋǝi, ɗaŋnin ''ma mǝ shin ghǝ Masar''

07/35.txt

@@ -0,0 +1 @@
+\v 35 Musai ɗaŋ tǝ ta nyaŋngasti  ɗaŋ tǝ ta wul tu,'' nu ghǝn a naɗkǝ guŋ tǝ murghǝ ɗǝǝlghǝn vii wopo? ya ǝŋ Cogn ta shintǝ, nǝ guŋ tǝ murghǝ kaɓkǝn. Cogn a ta sjintǝ a te taas ghǝ zhipti shinngǝn Cogn gyo ɗaŋ ata man Musa mǝn dlǝk ndǝǝr. \v 36 Musa a ta  nyolar shi ɗi Masar a kaar ngǝtn ghǝ kwasarghǝn ɗaŋ a ta fi yatl Masar tǝ rupm gorgǝɓɗǝ tǝ dlǝk ndǝǝr nǝ ghǝ voni tashi wuɓsǝ. \v 37 Nǝ Musai ɗaŋ ata wul mǝri Isar'ila tu , ''Cogn wo shisher ki murghǝ shinnghǝn Cogn mǝn a mǝri daaktǝ wan, murghǝ shinghǝn Cogn won ɗaŋ myan.

07/38.txt

@@ -0,0 +1 @@
+\v 38 Gin ǝŋ ci muryo ɗaŋ ata yi ɗa dlǝk zarshes tǝ zhipti shinghǝn Cogn ɗaŋ ata wul vii tǝ wuur sinaai, muri giin ǝŋ ata yi tǝ gya dawopm yani ǝŋ ata kaɓ vii Cognvon ghǝ sǝǝghǝn ɗi vǝr mi. \v 39 Muri gin ǝŋ gya dawopm tǝ ta gǝmi a laŋshi, taa ta mbi a raa wasǝŋ tu, ta sushi kaar Masar,\v 40  A kili gin tǝ ta wul Haruna tu, ndǝr mi gya Coki gya gon mǝn ɗaŋ ta nda mi ken. Musan ɗaŋ a nyolarmiɗi Masari, maa yisǝŋ ngǝtn yo ɗaŋ a tu tǝ hŋ.

07/41.txt

@@ -0,0 +1 @@
+\v 41 She tǝ ta  ndǝr ŋaa gaalba mbuɗkǝni gya gi tǝ ta vaa tǝ ngǝtn nyarghǝn waar wasǝŋ mǝn, polshi nǝ laaghǝ taas wasǝŋ.\v 42  Beɗ tǝ gi Cogn ta zhiɗ shi kaar, tǝ ta mbuu gya caar ɗaŋ ci gaami, ɗaŋ gi ɗaŋ nǝ dlaaɗkǝn a tagarta mǝn shinngǝn Cogn, kǝ taam tluŋsǝ dǝn a voni gya gin taashi wuɓsǝ ŋa? kyani mǝn Isar'ila''

07/43.txt

@@ -0,0 +1 @@
+\v 43 Kǝ kaɓ dǝn loɗ molek tǝ caar ghǝ cogn Refan, tǝ gya ngǝtn yo daŋ kǝ ndǝr kya mbuushi: ma nyom ki wani mǝ tlǝǝri ken tǝ Babila

07/44.txt

@@ -0,0 +1 @@
+\v 44 Gya daawopm tǝ ta yi tǝ dǝǝ loɗ giɓ ndǝǝr, ɗaŋ gi ɗaŋ Cogn ta kon ɗaŋ ata  wul vii Musa tu,tǝ ndǝǝr tǝ ɗaŋ gyo ɗaŋ a yeli.\v 45  Gin ǝŋ nǝ dǝn viin ɓuɓ ɗaŋ gya daawopm tǝ ta kaɓ, tǝ lǝǝri ɗi ɗa yatli tǝ gya Joshuwa. a ken ghǝ gya gi ɗaŋ Cogn ta kaɗshi ɗa yatli tǝ ta kaɓi naai nǝ gwasǝŋ. Dǝn viin ɓuɓes a ta naa ɗa yatli hal kili Dauda.\v 46  Ata tuu shishiɗi a ken Cogn she ata ŋal tu tǝ naal dǝn nǝ Cogn gha Yakuɓ mǝn.

07/47.txt

@@ -0,0 +1 @@
+\v 47 Beɗ tǝ gi nǝ Sulemanu ghǝn ata naal dǝn nǝ Cogn. \v 48 She murghǝ luughǝn caa tsǝtn a dǝnsǝ yo tǝ naal tǝ taas hŋ, ɗaŋ gyo ɗa murghǝ shinngǝn Cogn kon, \v 49 gami nǝ daan guŋnduan, dǝgn nǝ lǝǝɓ gaa ghǝn yasǝŋan. Cogn wul tu, ''nǝ dǝnni ghǝn ka naalǝm mǝne? ko bǝǝɓi gyo ghǝn ma ngalaa ghai yo? \v 50 Taasan ghǝn a ndǝr koni hŋaa?

07/51.txt

@@ -0,0 +1 @@
+\v 51 Kyani mǝn ɗakkǝn wumghǝn kǝǝm, kii nǝ sǝrǝghǝnniŋ a raawan tǝ kǝǝm waan, a ko kilibgyo kya nyaŋngas zhipti vaar; kyafi ɗaŋ gyo ɗaŋ gya daawan tǝ ta ya fi. \v 52 Nǝ gyo a giɓ kǝ mǝn shinngǝn Cogn gya dawam tǝ ta ya fiir shi forǝm hŋa? tǝ tabya tlyaa mǝn shinngǝnCogn ɗaŋ ta yi ǝnnda manngǝnɗi gii ɗaŋ nǝ ɓorghǝnni; kyaani ɗaŋngǝnin kaa naai nǝ mǝǝn nyomghǝn yasǝŋ tǝ mǝǝn ɗughǝn wos ɗaŋ. \v 53 Kyaani ghǝn kǝǝ ta kaɓ ''mborki Cogn ɗaŋ zhipti shinngǝn Cogn a ta lǝǝr ɗi, beɗ tǝ gii kǝ ta laaɓ hŋ''

07/54.txt

@@ -0,0 +1 @@
+\v 54 Ɗaŋ mǝnvaraŋsǝ tǝ ta wum gin she raa wasǝŋ ta malari hal tǝ ta yavŋaas shin wasǝŋ nǝ tliighǝn yar wasǝŋ nǝ Istafanus.\v 55  Beɗ tǝ gi, Istafanus ɗaŋ a ta yi nǝ yungǝn tǝ zhiptivaar, ata yaal saɗ gaami tsogn, ata yel luughǝn Cogn ɗi ata yel Yesu a dlǝǝrghǝn a taaghǝ zaari Cogn. \v 56 She Istafanus ta wul tu, ''Yellǝn mǝ yel gaami a bǝri, ŋaa zaar dlǝǝghǝn a taaghǝ zaari Cogn''

07/57.txt

@@ -0,0 +1 @@
+\v 57 Ɗaŋ tǝ ta wum cik she mǝnvarŋshes tǝ ta datsǝ kǝǝmi tǝ dlaar vii tlyaa-tlyaa  vii namboŋ tǝ ta man ngaɓti. \v 58 Tǝ ta nyolarti a yatl wasǝŋ tǝ nguɓ tǝ liiɗkǝn tǝ puus. mǝn tlyaghǝn zha, tǝ ta caa gya luu wasǝŋ tǝ jom a ken kun tlǝɓǝr won ɗaŋ caa cim tǝ tu Shawulu.

07/59.txt

@@ -0,0 +1 @@
+\v 59 Ɗaŋ tǝ ta yi ɓastǝ liiɗkǝ Istifanus a ta yigha ciimghǝn Daa dǝn yi wul tu,    ''daa dǝn Yesu kaɓ zhipte ti'' \v 60 A ta nguɓ yatl wul tlya-tlyaa tu, ''ngǝrshi gin a num kuskǝ ngǝrshi gin a gamawasǝŋ hŋ'' ɗaŋ a ta wul cik she ata ndai kuci.