\v 15 ۱۵۔ اِیں واسطے اوہ خدا دے تخت دے سامنے ہِن اَتے اوہ ڈِیں رات اوُں دے گھر وِچ اوُں دی عبادت کریندے ہِن جیہڑا تخت تے بیٹھا ہِے اُنہاں تے خیمے دی چھاں کریسی۔ \v 16 ۱۶۔ وَل نہ کڈائیں اُنہاں کوُ بُھک لگسی نہ وَل کڈائیں پیاسے تھی سن اَتے نہ ہی اُنہاں کوُ سورج دی گرمی تنگ کریسی۔ \v 17 ۱۷۔ اِیں کیتے جیہڑا بّرہ تخت دے وِچ بیٹھا ہِے اوہ اُنہاں دا آجڑی ہوسی ۔ اَتے اُنہاں کوُ زندگی دے پانی دے چشمیاں دے کول گھن ویسی کیونکہ خدا اُنہاں دیاں اکھیاں دا ہر آنسو پونجھ ڈیسی۔