skr_luk_text_reg/19/13.txt

\v 13 ۱۳۔اوُں نے اپنے نوکراں وِچوں ڈاہ کوُ سڈیا اَتے اُنہاں کوُں ڈاہ اشرفیاں ڈِتیاں اَتے اُنہاں کوُ آکھے اپنے کاروبار کوُ جاری رکھو۔جڈاں تایئں میں واپس نہ آواں۔ \v 14 ۱۴۔ پَر اوندے شاہری اوندے تھوں نفرت کریندے ہَن ،اُنہاں نے اوندے پیچھے سفیر گھلے کہ اساں ایں بندے کوُ اپنے اُتے بادشاہی نہ کرن ڈیسوں۔ \v 15 ۱۵۔جڈاں اوہ بادشاہی کر کے واپس آیا تاں ایویں تھیا اوُں نے حُکم ڈِتا کہ اُنہاں نوکراں کوُں سڈیا ونجے جنہاں کوُں اوُں نے اشرفیاں ڈِتیاں ہَن تاں جو پتا لگے کہ اُنہاں نے کاروبار کر کے کیا کمایا ہے۔