skr_act_text_reg/02/29.txt

\v 29 ۲۹۔ اے بھراو! میں قوم دے بزرگ داؤد دے حق اِچ تُہاکوُ دلیری نال آکھ سگدا ہاں کہ اوہ مَرے وَلا دفن وی تھیئے اَتے اوُں دی قبر اَج تائیں ساڈے وِچ موجود ہِے۔ \v 30 ۳۰۔ پس نبی تھی کے اَتے ایہہ جان کے کہ خدا نے میڈے نال قسم کھادی ہِے جو تیڈی نسل تھوں ہک بندے کوُ  تیڈے تخت تے بلہیساں۔ \v 31 ۳۱۔ اوُں نے پیشن گوئی دے طور تے مسیح دے جی اُٹھن دا ذکر کیتے جو نہ اوہ عالمِ ارواح وِچ چھوڑا گئے نہ اوُں دے جسم دے سڑن دی نوبت پہنچی۔