skr_act_text_reg/02/22.txt

\v 22 ۲۲۔ اے اسرائیلیو! ایہہ گالہیں سُنو کہ یسوع ناصری ہک بندہ ہا جیندا خدا دی طرفوں تھیونا تُہاڈے تے اُنہاں معجزیاں تے عجیب کماں تے نشاناں تھوں ثابت تھیا جو خدا نے اوُں دے معرفت تُہاڈے درمیان ڈِکھائے۔ چنانچہ تُساں آپ ای جان دے ہیوے۔ \v 23 ۲۳۔ جڈاں اوہ خدا دے مقررہ انتظام تے جو پہلے ڈسایا گیا ہا اوندے موافق پکڑوایا گیا تاں تُساں بے شرع لوگاں دے ہتھاں تھوں اوُں کوُ مصلوب کروا کے مار سَٹے۔ \v 24 ۲۴۔ پر خدا نے موت دے بند کھول کے اوُں کوُ زندہ کیتے کیوں جو ممکن نہ ہا کہ اوہ اوُں دے قبضے وِچ راہندا۔