\v 4 ۴۔ تیکوُ بئیا تنگ کیتے بغیر میں منت کریندا ہاں کہ مہربانی دے نال توں میڈی چھوٹی جئی درخواست کوُ سُن گھن۔ \v 5 ۵۔ اساں اِیں بندے کوُ ہمیشہ فساد کرن آلا ہی ڈِٹھا ہِے اَتے ایہہ ساریاں جاہواں تے راہن آلے یہودیاں وِچ تفرقے پیدا کریندا ہِے۔ ایہہ ناصری گروہ دا سربراہ ہِے۔ \v 6 ۶۔ اِیں نے ہیکل دی بےحرمتی کرن دی کوشش وی کیتی، اِیں کیتے اساں اینکوُ گرفتار کر گِدا ہِے،" اساں ایندی عدالت شریعت دے مطابق کرنا چاہندے ہاسے۔