\v 22 ۲۲۔موسیٰ کوُ مِصر دے سارے علوم دی تعلیم ڈِتی گئی ،اَتے اوہ اپنے کم تے کلام اِچ عظیم ہا۔ \v 23 ۲۳۔پَر جڈاں اوہ چالیس سال دا تھیا ،اوُں دے دل اِچ آیا کہ اوہ اپنے بھراواں اسرایئل دی نسل کول ونجے۔ \v 24 ۲۴۔اوُں نے ڈیکھیا کہ ہک اسرایئل نال بُرا سلوک کیتا ویندا پیا ہے اَتے اوُں نے اوندی حمایت کیتی تے جیہڑی مِصری اوُں کوُ مریندا پیا ہا اوُں نے اوندا بدلہ گِدا۔ \v 25 ۲۵۔اوُں نے سوچیا جو اوندے بھرا سمجھ ویسن کہ خدا اوندے ہتھوں اُنہاں  کوُ بچاونا چاہندا ہے پَر اوہ نہ سمجھے۔