pnb_exo_text_reg/12/12.txt

\v 12 . خُداوند فرماندا اے؛ پئی مَیں اوسے رات مِصرؔ دے دیس وِچوں ہو کے لنگھاں گا اَتے اِنسان تے حِیوان دےپلیٹھی دے کُل بالاں نُوں جیہڑے مِصرؔ دے دیس وِچ نیں ماراں گا اَتے مِصرؔ دے سارے دیوتیاں نُوں وی سزا دیاں گا۔ مَیں خُداوند ہاں ۔ \v 13 . اَتے جِنہاں گھراں وِچ تُسیں ہوو ایہہ رَت تُہاڈے وَلوں نشان ہووے گی اَتے مَیں اوہ رَت ویکھ کے تُہانوں ولاندا جاواں گا اَتے جَد مَیں مِصرِیاںؔ نُوں ماراں گا اَتے وَبّا تُہاڈے نیڑے پھٹکے گی وی نئیں پئی تُہانوں ہلاک کرسکے۔ \v 14 . اَتے اوہ دیہاڑا تُہاڈے لئی اِک چیتے رکھن والا دیہاڑا ہووے گا اَتے تُسیں اوہنوں خُداوند دی عید دا دیہاڑا کرکے مَنایا جے۔ تُسیں اوہنوں سَدا دی رسم کرکے اوس دیہاڑے نُوں پیِڑہیو پیِڑی عیِد دا دیہاڑا منایا جے۔