mve_2pe_text_reg/02/01.txt

\c 2 \v 1 ۱۔جاں پہل اِسرائیلی قوم میں کُوڑا نبی ہَتا اِیئان٘ج تھاں میں وی کُوڑا گرُو ظاہر ہوخے۔ تھاں نا ٹھاء اِی کونی لاگے کہ او تھاں نا ایَہڑے کُوڑے باتاں خِکھاخے جکو تھاں نا برباد کر ݙیخے۔ او اُوئے مالک نا اوݪکھݨ خاں اِنکار کرخے جکے اُوئاں رے خارُو آپرو پراݨ ݙے رو اُوئاں نا مول لِنا ہَتا۔ اِیئاں او آپرے آپ نا بیگا برباد کر ݙیخے۔ \v 2 ۲۔گھݨا اُوئاں ری بدکاری رے لارے بہخے، اِیئے وجہ خاں وشواس رے خَچے مارگ رے خِلاف باتاں ہوخے۔ \v 3 ۳۔ او آپری لالچ رے خارُو کُوڑے باتاں خِکھاخے اَن تھاں خاں ناجائز فائدو اُکھݨخے پݨ اِیشوَر اُوئاں رو فیصلو پہل خان٘ج کر لِنو رو اَن او اِیئے میں دیر کونی کرے کیان٘کے او خُوتوڑو کونی پݨ اُوئاں نا موت ری سزا ݙیوݨ رے خارُو تیار ہے۔