mve_2pe_text_reg/02/12.txt

\v 12 ۱۲۔ اِیئے خارُو ایہ کُوڑا گرُو، اَݨ خَمجھ ہے جکاں جِناوراں آݪِیکار جھَلیجݨ اَن مَریجݨ رے خارُو جَنم لِنو ہے۔ او اُوئاں باتاں رے خِلاف ٻولئی جکاں رے بارے میں اُوئاں نا ٹھاء اِی کونی۔ ایہ آپرے بُرے باتاں خاں برباد ہو جاخے۔ \v 13 ۱۳۔ٻِجاں رو بُرو کرݨ رے بدلے، اِیئاں روج بُرو ہوخے۔ او خاراں رے خامھا عیش کر ری راضی ہووئی۔ ایَہڑا مِنکھ جکو تھاں بھیݪا کھاوئی پِیئی اَن آپری خُوشی رے خارُو دعوتاں کر رے عیش کرئی، ہیک داغ اَن عیب ہے۔ \v 14 ۱۴۔او زنا کرݨ رے خارُو ہر گھڑی بُرے لُگائیاں نا لابھتا رہئی اَن پاپ کرݨ کونی چھوڑتا۔ او گھٹ وشواس آݪاں نا بُرے کاماں میں پھخاوئی۔ اُوئاں را مَن لالچ خاں بھریوڑا ہے۔ او لعنت را ماریوڑا ہے۔