\v 19 . ایس گیِت دا سبب ایہہ سی پئی فِرعونؔ دے سوار، گھوڑیاں اَتے رتھاں سنہے سمندر وِچ وڑھے۔ خُداوند سمندر دے پانی نُوں اوہناں تے پرَتا لَے آیا۔ پَر اِسرائیِلؔی  سمندر وچِوں سُکے تھاں تے ٹُر دے ٹُر دے پار لہنگ گئے  ۔ \v 20 . تد ہارُوؔن دی بہن مریمؔ نبیّہ نے ہَتھ وِچ دَف پَھڑیا اَتے ساریِاں زنانیِاں ہتھاں وِچ دَف پھڑ کے اوہدے مگر مگر نچ دیِاں ہوئیِاں گَئّیاں۔ \v 21 . اَتے مریمؔ  اوہناں دے گان دی اینج واری دیندی سی "خُداوند دی حَمد اَتے وڈّیائی کرو، کیوں جو اوہ جلال نال جِتیا اے۔ اوہنے گھوڑے نُوں سوار سنہے سمندر وِچ روڑھ دِتّا۔"