\v 15 . تد اوہناں سرداراں نیں جیہڑے بنی اِسرائیلؔ وِچوں رکھے گئے سَن فِرعونؔ اَگے تَرلا کِیتا پئی "تُوں اپنے سیوکاں نال اجیہا ورتا کیوں کرنا ایں؟ \v 16 . تیرے سیوکاں نُوں تیہلے تے دِتے نئیں جاندے اَتے اوہ ساہنوں آکھدے رہندے نیں پئی ’اِٹاں پاو!‘ اَتے ویکھ، تیرے سیوک مار وی کھاندے نیں پر قُصور  تے تیرے اپنے لوکاں دا اے۔" \v 17 . پَر فِرعونؔ نے آکھیا پئی"تُسیں سارے ہَڈ ہرام او، ہَڈ ہرام!۔ ایسے گَلوں تُسیں آکھدے او پئی ’ساہنوں جاندے پئی خُداوند اَگے قُربانی چَڑھیائیے۔‘ \v 18 . سو ہُن تُسیں جاو اَتے کَم کرو کیوں جو تیہلا تہانوں کوئی نیئں مِلنا پر اِٹاں تہانوں پہیلاں وانگ اوسے حِساب نال دینیِاں پین گئیاں۔"