\c 16 \v 1 .فیر اوہ ایلیمؔ توں ٹُرے تے بنی اِسرائیلؔ دی ساری جماعت مِصرؔ دے دیس وچوں نکلن پِچھوں، دُجے مہینے دی پندرھویں تاریخ نوں سینؔ دے بیلے وِچ جیہڑا ایلیمؔ تے سِیناؔ دے وچکار اے اپَڑی۔ \v 2 . تے اوس بیلے وِچ بنی اِسرائیلؔ دی ساری جماعت مُوسیٰؔ تے ہارُونؔ تے بڑ بڑان لگی۔ \v 3 . اِسرائیلیاںؔ نے اوہناں نوں آکھیا پئی، "کاش اِسیں خُداوند دے ہتھوں مِصرؔ دے دیس وِچ اوہدوں ہی مر جاندے جہدوں اِسیں گوشت دیِاں ہانڈیِاں کول بہہ کے روٹی کھاندے ساں کیوں جو تُسیں تے ساہنوں ایس بیلے وِچ بُھوکا مارن لئی ایسے لئی لَے آئے ہو پئی بُھوکا مارو"۔
See in Reader
