pnb_exo_text_reg/28/21.txt

\v 21 .ایہہ پتھر اِسرائیِلؔ دیاں پُتراں دے ناواں دے حِساب نال گنتی وِچ باراں ہون اَتے اَنگوٹھی وانگ ایہہ ناں جیہڑے باراں ٹبَراں دے ناں ہون گے اوہناں تے کُھرچ کے لکِھے جان گے۔ \v 22 .اَتے تُوں سیِنہ بند تے ڈُوری وانگ گُجھیاں ہویاں پاسے دے سونے دیِاں دو زنجیراں لاویِں۔ \v 23 . اَتے سینہ بند لئی سونے دے دو دائرے بنا کے اوہناں نُوں سینہ بند دیاں دُوہاں سِریاں تے لاویِں۔ \v 24 . اَتے سونے دیِاں گُجھیاں ہویاں دُوہاں زِنجیراں نُوں اوہناں دُوہاں دائریاں وِچ جیہڑے سینہ بند دیاں دُوہاں سِریاں تے ہون گے، لا دیویِں۔