pnb_exo_text_reg/14/15.txt

\v 15 . تد خُداوند نے مُوسؔیٰ نُوں آکھیا پئی "تُوں مَیتھوں فریاد کیوں کریِں جانا ایں؟ بنی اِسرائیِلؔ نُوں آکھ پئی اَگاں ودھن۔ \v 16 . اَتے تُوں اپنی سوٹی پھڑ کے اپنا ہَتھ سمندر وَل ودھا اَتے اوہنوں دو حصِّے کر دے تاں جو اِسرائیِلیؔ سمندر وِچوں سُکی تھاں تے ٹُر دے ٹُر دے پار لہنگ جان۔ \v 17 . اَتے ویکھ پئی مَیں مِصریاںؔ دے دِل ڈاڈے کر دیاں گا اَتے اوہ اوہناں دا پِچھا کرن گے اَتے مَیں فِرعونؔ، اوہدیِاں فوجاں، اوہدیاں رتھاں اَتے سواراں دے سببوں اُچا ہوواں گا۔ \v 18 . اَتے جد مَیں فِرعونؔ، اوہدیاں رتھاں اَتے سواراں تُوں اُچا ہو جاواں گا تد مِصریؔ جان لین گےپئی مَیں خُداوند ہاں ۔"