# ‌‌‌येशू पाच हजारांना भोजन देतो.

![OBS Image](https://cdn.door43.org/obs/jpg/360px/obs-en-30-01.jpg)

‌‌‌येशूने आपल्या प्रेषितांना अनेक गावांतुन लोकांना सुवार्ता सांगण्यास व शिक्षण देण्यासाठी पाठविले.‌‌‌जेंव्हा ते येशूकडे पुन्हा आले, तेंव्हा त्यांनी आपण केलेली सर्व कार्ये येशूला सांगितली.‌‌‌तेंव्हा येशूने त्यांना तळ्याच्या पलिकडे शांत ठिकाणी काही वेळ विश्रांती घेण्यासाठी त्याच्याबरोबर बोलाविले.‌‌‌म्हणून ते तारवामध्ये बसले व तळयाच्या पलिकडे पोहोचले.

![OBS Image](https://cdn.door43.org/obs/jpg/360px/obs-en-30-02.jpg)

‌‌‌परंतु त्या ठिकाणी पुष्कळ लोक होते त्यांनी येशू व शिष्यांना तारवात बसुन जातांना पाहीले.‌‌‌हा जनसमुदाय त्यांच्या अगोदर तळयाच्या पलिकडे पोहचण्यासाठी तळ्याच्या काठाने धावला.‌‌‌म्हणुन येशू व शिष्य त्या ठिकाणी पोहोचले,तेंव्हा एक मोठा जनसमुदाय त्यांची प्रतिक्षा करत तेथे थांबला होता.

![OBS Image](https://cdn.door43.org/obs/jpg/360px/obs-en-30-03.jpg)

‌‌‌त्या जनसमुदायामध्ये सुमारे 5000 पुरुष होते, तरी स्त्रिया व मुले मोजली नव्हती.‌‌‌येशूला त्यांचा कळवळा आला.‌‌‌येशूला, हा समुदाय मेंढपाळ नसलेल्या मेंढरांसारखा दिसून आला.‌‌‌तेंव्हा तो त्यांना शिकवू लागला व त्यामधील आजारी लोकांस बरे करू लागला.

![OBS Image](https://cdn.door43.org/obs/jpg/360px/obs-en-30-04.jpg)

‌‌‌दुपारी उशीराने, शिष्यांनी येशूकडे जाऊन सांगितले, ‘‘खूप उशीर झाला आहे आणि येथे जवळपास गाव नाही.‌‌‌तेंव्हा आपण लोकांना पाठवून द्या म्हणजे ते आपणांसाठी कांही खायला घेतील.’’

![OBS Image](https://cdn.door43.org/obs/jpg/360px/obs-en-30-05.jpg)

‌‌‌परंतू येशूने शिष्यांस म्हटले, ‘‘तूम्ही त्यांना काहीतरी खावयास द्या!’’‌‌‌ते उत्तरले, ‘‘आम्ही कसे काय एवढया मोठया समुदायास जेवण देऊ शकतो?’’‌‌‌आम्हाकडे केवळ पाच भाकरी व दोन मासळी आहेत.’’

![OBS Image](https://cdn.door43.org/obs/jpg/360px/obs-en-30-06.jpg)

‌‌‌येशूने शिष्यांस सांगितले की, त्यांनी लोकांस हिरवळीवर पन्नास पन्नासाच्या पंक्ति करुन बसायला सांगावे.

![OBS Image](https://cdn.door43.org/obs/jpg/360px/obs-en-30-07.jpg)

‌‌‌मग येशूने त्या पाच भाकरी व दोन मासळी घेऊन वरती आकाशाकडे पहिले व त्या अन्नाबद्दल देवाचा धन्यवाद केला.

![OBS Image](https://cdn.door43.org/obs/jpg/360px/obs-en-30-08.jpg)

‌‌‌मग येशूने त्या भाकरी व मासळीचे तुकडे केले.‌‌‌मग त्याने शिष्यांस लोकांना वाढण्यासाठी दिले.‌‌‌शिष्य लोकांना वाढतच राहीले तरी ते अन्न संपले नाही.‌‌‌सर्व लोक जेवून तृप्त झाले.

![OBS Image](https://cdn.door43.org/obs/jpg/360px/obs-en-30-09.jpg)

‌‌‌त्यानंतर, शिष्यांनी उरलेल्या भाकरी व मासळीचे तुकडे गोळा केले व ते बारा टोपल्या भरल्या.‌‌‌हे सर्व भोजन केवळ पाच भाकरी व दोन मासळयांतूनच पुरविले गेले.

_बायबल कथा:‌‌‌मत्तय 14:13-21; मार्क 6:31-44; लूक 9: 10 - 17; योहान 6 : 5 - 15_