See in Reader
229 lines
52 KiB
Plaintext
229 lines
52 KiB
Plaintext
\id MIC
|
||
\ide UTF-8
|
||
\h ພຣະທຳ ມີກາ
|
||
\toc1 ພຣະທຳ ມີກາ
|
||
\toc2 ພຣະທຳ ມີກາ
|
||
\toc3 mic
|
||
\mt ພຣະທຳ ມີກາ
|
||
|
||
\s5
|
||
\c 1
|
||
\p
|
||
\v 1 ພຣະທາໍເລື່ອງນີ້ ບັນຈຸຖ້ອຍຄໍາທີ່ອົງພຣະຜູ້ເປັນເຈົ້າສົ່ງເຖິງ ມີກາ ຊາວເມືອງ ໂມເຣເຊັດ ຢູ່ໃນສະໄໝຂອງເຈົ້າໂຢທາມ ອາຮາດ ແລະ ເຮເຊກີຢາ ໄດ້ເປັນກະສັດແຫ່ງຢູດາຍ. ພຣະອົງໄດ້ສໍາແດງໃຫ້ ມີກາ ຮູ້ສິ່ງທັງໝົດເຫລົ່ານີ້ກ່ຽວກັບນະຄອນ ຊາມາເຣຍ ແລະ ນະຄອນ ເຢຣູຊາເລັມ.
|
||
|
||
\s5
|
||
\v 2 ຈົ່ງຟັງເລື່ອງນີ້ ບັນດາທຸກຊົນຊາດເອີຍ ຈົ່ງຟັງເລື່ອງນີ້ ທຸກຄົນທັງທຸກສິ່ງທີ່ແຜ່ນດິນໂລກ ພຣະເຈົ້າຢາເວ ພຣະເຈົ້າຈະເປັນພະຍານຕໍ່ສູ້ພວກເຈົ້າໃດ ພຣະເຈົ້າຢາເວ ຈາກພຣະວິຫານ ທີ່ບໍຣິສຸດຂອງພຣະອົງ.
|
||
\v 3 ອົງພຣະຜູ້ເປັນເຈົ້າພວມມາແຕ່ບ່ອນສະຖິດຂອງພຣະອົງ ພຣະອົງຈະສະເດັດມາຍ່າງເທິງບ່ອນສູງ ທັງຫລາຍຂອງແຜ່ນດິນໂລກ.
|
||
\v 4 ແລ້ວພູທັງຫລາຍ ກໍຈະລະລາຍສິ້ນຢູ່ໃຕ້ຕີນຂອງພຣະອົງ ດັ່ງຂີ້ເຜິ້ງລະລາຍ ເມື່ອມັນຖືກໄຟຮ້ອນ. ພູເຂົາທັງຫລາຍນັ້ນ ຈະເຈື່ອນລົງສູ່ຮ່ອມພູທັງຫລາຍ ດັ່ງນາໍ້ໄຫລລົງມາແຕ່ ເນີນພູແຫ່ງໜຶ່ງ.
|
||
|
||
\s5
|
||
\v 5 ເຫດການທັງປວງນີ້ຈະເກີດຂຶ້ນ ເພາະປະຊາຊົນອິດສະຣາເອນ ໄດ້ເຮັດບາບ ແລະ ກະບົດຕໍ່ພຣະເຈົ້າ. ເປັນຄວາມຜິດຂອງຜູ້ໃດ ທີ່ຊາດອິດສະຣາເອນ ເປັນກະບົດ? ເປັນ ຄວາມຜິດຂອງນະຄອນຊາມາເຣຍ ເມືອງເອກຫັ້ນແລ້ວ ຜູ້ໃດເຮັດຜິດຖານຂາບໄຫວ້ຮູບເຄົາຣົບ ໃນຊາດຢູດາ? ນະຄອນ ເຢຣູຊາເລັມ ຫັ້ນແລ້ວ
|
||
|
||
\s5
|
||
\v 6 ສະນັ້ນ ອົງພຣະຜູ້ເປັນເຈົ້າຈຶ່ງກ່າວ ວ່າ, “ເຮົາຈະກະທາໍໃຫ້ຊາມາເຣຍ ເປັນກອງສິ່ງຮົກຮ້າງເພພັງ ຢູ່ໃນທົ່ງນາ ຄື ເປັນບ່ອນໜຶ່ງສໍາລັບປູກຕົ້ນອະງຸ່ນ. ເຮົາຈະເທກ້ອນຫິນທີ່ໃຊ້ສ້າງເມືອງນັ້ນ ລົງໃນຮ່ອມພູ ແລະ ເຮົາຈະ ເຮັດໃຫ້ຮາກຖານຂອງເມືອງ ພົ້ນໜ້າດິນຂຶ້ນມາໃຫ້ເຫັນ.
|
||
\v 7 ບັນດາຮູບເຄົາຣົບ ອັນມີຄ່າ ຈະຖືກທັບໃຫ້ໝຸ່ນທະລາຍ ທຸກສິ່ງທີ່ຖືກຖວາຍແກ່ບັນດາໂສເພນີ ກໍຈະຖືກທາໍລາຍດ້ວຍໄຟ ແລະ ຮູບເຄົາຣົບທັງໝົດໃນເມືອງນີ້ ຈະຖືກກອງປະໄວ້ ຢ່າງເປັນຕາຢ້ານ. ນະຄອນຊາມາເຣຍ ໄດ້ຮັບສິ່ງເຫລົ່ານີ້ມາຈາກພິທີຕ່າງ ໆ ສໍາລັບໃຫ້ເກີດມີຄວາມອຸດົມສົມບູນ ມາບັດນີ້ເຫລົ່າສັດຕູຈະມາຈັບ ພວກເຂົາໄປເພື່ອໃຫ້ຂາບໄຫວ້ ໃນແຫ່ງອື່ນ.”
|
||
|
||
\s5
|
||
\v 8 ແລ້ວ ມີກາ ກໍໄດ້ກ່າວ ວ່າ, “ຍ້ອນເຫດການເຫລົ່ານີ້ແຫລະ ຂ້ອຍຈຶ່ງໂສກເສົ້າ ແລະ ຄໍ່າຄວນ. ເພື່ອສະແດງເຖິງຄວາມທຸກໃຈຂ້ອຍ ຈະຍ່າງໄປຕີນເປົ່າ ແລະ ເປືອຍຕົວ. ຂ້ອຍຈະຫອນເໝືອນດັ່ງໝາປ່າ ແລະ ອືດຄາງເໝືອນດັ່ງນົກກະຈອກເທດ.
|
||
\v 9 ບາດແຜຂອງນະຄອນ ຊາມາເຣຍ ຮັກສາໃຫ້ດີບໍ່ໄດ້ ແລະ ຢູດາ ກໍພວມຈະເປັນຄືກັນ ໄພພິບັດໄດ້ມາຮອດປະຕູເມືອງຂອງນະຄອນ ເຢຣູຊາເລັມ ສາແລ້ວ ຄື ບ່ອນທີ່ປະຊາຊົນ ຂອງຂ້ອຍອາໄສຢູ່. ”
|
||
\v 10 ຢ່າບອກເລື່ອງການພ່າຍແພ້ຂອງພວກເຮົາ ໃຫ້ຊາວກາດ ຜູ້ເປັນສັດຕູຮູ້ ຢ່າສູ່ໃຫ້ພວກເຂົາເຫັນພວກເຈົ້າ ຮ້ອງໄຫ້. ຊາວເມືອງເບັດ -ເລອາຟະຣາ ເອີຍ [ຂ] ຈົ່ງກິ້ງເກືອກຢູ່ໃນຂີ້ຝຸ່ນດິນ ລະບາຍຄວາມສິ້ນຫວັງຂອງພວກເຈົ້າສາ
|
||
|
||
\s5
|
||
\v 11 ພວກເຈົ້າຊາວເມືອງຊາເຟຍ ເອີຍ ຈົ່ງໜີໄປຢູ່ຕ່າງຖິ່ນຢ່າງເປືອຍຕົວ ແລະອັບອາຍຂາຍໜ້າສາ. ຄົນທີ່ອາໄສຢູ່ໃນເມືອງຊາອານານ ບໍ່ກ້າອອກມາຈາກເມືອງຂອງຕົນ. ເມື່ອໃດພວກເຈົ້າໄດ້ຍິນປະຊາຊົນໃນເມືອງເບັດ ເອເຊນ ຮ້ອງໄຫ້ຮໍ່າໄຮ ເຈົ້າຈຶ່ງຮູ້ວ່າ ໃນທີ່ນັ້ນບໍ່ມີບ່ອນລີ້ໄພ ສາແລ້ວ.
|
||
\v 12 ຊາວເມືອງມາໂຣດ ຕ່າງກໍລໍຖ້າການບັນເທົາ ທຸກດ້ວຍໃຈກະວົນກະວາຍ ຍ້ອນອົງພຣະຜູ້ເປັນເຈົ້າໄດ້ນາໍໄພພິບັດ ເຂົ້າມາໃກ້ນະຄອນເຢຣູຊາເລັມ ສາແລ້ວ.
|
||
|
||
\s5
|
||
\v 13 ພວກເຈົ້າທີ່ຢູ່ໃນເມືອງລາກິດ ຈົ່ງເອົາມ້າໃສ່ລົດຮົບຂອງພວກເຈົ້າຕຽມໄວ້. ພວກເຈົ້າໄດ້ເຮັດບາບຕາມພວກອິດສະຣາເອນ; ສະນັ້ນແຫລະ ມັນຈຶ່ງເຮັດໃຫ້ນະຄອນເຢຣູຊາເລັມ ມີບາບ.
|
||
\v 14 ແຕ່ບັດນີ້ ປະຊາຊົນຢູດາ ເອີຍ ຈົ່ງສັ່ງລາເມືອງໂມເຣເຊັດກາດ ສາເຖີດ. ບັນດາກະສັດແຫ່ງຊາດອິດສະຣາເອນ ຈະບໍ່ໄດ້ຮັບການຊ່ວຍເຫລືອຈາກເມືອງອັກຊິບ.
|
||
|
||
\s5
|
||
\v 15 ປະຊາຊົນຊາວເມືອງມາເຣຊາ ເອີຍ ເຮົາຈະມອບພວກເຈົ້າໃຫ້ແກ່ສັດຕູ ຄື ຜູ້ທີ່ກາໍລັງຈະຢຶດເອົາເມືອງຂອງພວກເຈົ້າ. ບັນດາ ເຈົ້ານາຍທີ່ມີກຽດຂອງຊາດອິດສະຣາເອນ ຈະປົບໜີໄປລີ້ຢູ່ໃນຖໍ້າເມືອງ ອາດຸນລໍາ.
|
||
\v 16 ປະຊາຊົນຢູດາ ເອີຍ ຈົ່ງແຖຫົວພວກເຈົ້າ ເພື່ອໄວ້ທຸກໃຫ້ແກ່ລູກຫລານ ທີ່ພວກເຈົ້າຮັກນັ້ນສາ. ຈົ່ງແຖຫົວພວກເຈົ້າໃຫ້ໂຫລ້ນ ເໝືອນຫົວແຮ້ງສາ ກໍເພາະວ່າລູກຫລານພວກເຈົ້າຈະຖືກຈັບໄປເປັນຊະເລີຍ ໃນຕ່າງຖິ່ນ.
|
||
|
||
\s5
|
||
\c 2
|
||
\p
|
||
\v 1 ຜູ້ທີ່ນອນຄິດວາງແຜນເຮັດຊົ່ວ ຈະໄດ້ຮັບໄພພິບັດຫລາຍສໍ່າໃດນໍ ເມື່ອຮຸ່ງເຊົ້າມາ ພໍໄດ້ໂອກາດພວກເຂົາກໍເຮັດຊົ່ວຕາມທີ່ໄດ້ວາງແຜນໄວ້ນັ້ນ.
|
||
\v 2 ເມື່ອພວກເຂົາຕ້ອງການໄຮ່ນາ ພວກເຂົາກໍຢຶດເອົາໂລດ ເມື່ອພວກເຂົາຕ້ອງການບ້ານເຮືອນ ພວກເຂົາກໍຢຶດເອົາໂລດ. ບໍ່ມີຄອບຄົວຂອງຄົນໃດ ຫລື ຊັບສົມບັດຂອງຜູ້ໃດຈະປອດໄພ.
|
||
|
||
\s5
|
||
\v 3 ສະນັ້ນແຫລະ ອົງພຣະຜູ້ເປັນເຈົ້າຈຶ່ງກ່າວ ວ່າ, “ເຮົາກາໍລັງວາງແຜນນາໍໄພພິບັດ ມາສູ່ພວກເຈົ້າ ແລະພວກເຈົ້າຈະຫລົບຫລີກໄປບໍ່ໄດ້. ພວກເຈົ້າພວມນໍາຄວາມເດືອດຮ້ອນ ມາສູ່ພວກເຈົ້າເອງ ແລະ ຕໍ່ໄປພວກເຈົ້າຈະບໍ່ໄດ້ຍ່າງຢ່າງອວດອົ່ງທະນົງຕົວ ອີກຕໍ່ໄປ.
|
||
\v 4 ເມື່ອເວລານັ້ນມາເຖິງ ຄົນຈະເອົາເລື່ອງຂອງພວກເຈົ້າຂຶ້ນມາກ່າວ ເປັນຕົວຢ່າງໃນຄາວຖືກໄພພິບັດ ແລະ ພວກເຂົາກໍຈະຮ້ອງເພງເຖິງປະສົບການ ອັນຂົມຂື່ນ ນັ້ນວ່າ: ‘ພວກເຮົາໄດ້ຖືກທາໍລາຍໃຫ້ພັງພິນາດໄປຈົນໝົດ ອົງພຣະຜູ້ເປັນເຈົ້າໄດ້ຢຶດດິນແດນຂອງພວກເຮົາໄປແລ້ວ ແລະໄດ້ມອບດິນແດນນັ້ນໃຫ້ແກ່ຄົນອື່ນເສຍ ຄື ບັນດາສັດຕູທີ່ໄດ້ຈັບເອົາພວກເຮົາໄປນັ້ນ. ’ ” [ຄ]
|
||
\v 5 ສະນັ້ນແຫລະ ເມື່ອເວລາມາເຖິງ ສໍາລັບດິນແດນທີ່ຈະຖືກມອບຄືນໃຫ້ແກ່ປະຊາຊົນຂອງພຣະອົງ ຈະບໍ່ມີຜູ້ໜຶ່ງຜູ້ໃດໃນ ພວກເຈົ້າໄດ້ຮັບສ່ວນແບ່ງ.
|
||
|
||
\s5
|
||
\v 6 ປະຊາຊົນກ່າວໃສ່ຂ້າພະເຈົ້າ ແລະ ເວົ້າວ່າ, “ຢ່າສູ່ເທດສະໜາໃຫ້ພວກເຮົາຟັງເລີຍ. ຢ່າສູ່ສັ່ງສອນພວກເຮົາ ເຖິງເລື່ອງເຫລົ່ານັ້ນ. ພຣະເຈົ້າຈະບໍ່ເຮັດໃຫ້ພວກເຮົາອັບອາຍ ຂາຍໜ້າດອກ.
|
||
\v 7 ເຈົ້າຄິດວ່າ ປະຊາຊົນອິດສະຣາເອນ ຖືກສາບແຊ່ງຊັ້ນບໍ? [ງ] ອົງພຣະຜູ້ເປັນເຈົ້າໝົດຄວາມອົດທົນແລ້ວຫລື? ພຣະອົງຈະເຮັດສິ່ງເຫລົ່ານັ້ນແທ້ບໍ? ພຣະອົງຈະບໍ່ກ່າວຕໍ່ຜູ້ທີ່ເຮັດຖືກຕ້ອງ [ຈ] ຢ່າງເມດຕາປານີ ດອກຫລື? ”
|
||
\v 8 ອົງພຣະຜູ້ເປັນເຈົ້າ ຕອບຄືນວ່າ, “ພວກເຈົ້າໂຈມຕີປະຊາຊົນຂອງເຮົາ [ສ] ຄືກັບວ່າພວກເຂົາເປັນສັດຕູ. ພວກຜູ້ຊາຍທີ່ກັບມາແຕ່ສະໜາມຮົບ ກໍຄິດວ່າ ທີ່ເຮືອນຕົນປອດໄພແລ້ວ, ແຕ່ພວກເຈົ້າ ຊໍ້າພັດລໍຄອຍຢູ່ທີ່ນັ້ນ ເພື່ອລັກເອົາແມ່ນແຕ່ເສື້ອຊັ້ນນອກ ຂອງພວກເຂົາໄປ.
|
||
|
||
\s5
|
||
\v 9 ພວກເຈົ້າໄດ້ຂັບໄລ່ຜູ້ຍິງ ທີ່ເປັນປະຊາຊົນຂອງເຮົາໃຫ້ອອກຈາກເຮືອນ ອັນຜາສຸກຂອງພວກເຂົາ ແລະ ພວກເຈົ້າໄດ້ເອົາກຽດສັກສີໜີໄປຕະຫລອດ ຄື ກຽດສັກສີທີ່ເຮົາໄດ້ມອບໃຫ້ພວກລູກຂອງພວກເຂົານັ້ນ.
|
||
\v 10 ຈົ່ງລຸກຂຶ້ນ ແລະ ໜີໄປສາ; ຢູ່ໃນທີ່ນີ້ ບໍ່ມີບ່ອນປອດໄພ ອີກແລ້ວ. ການບາບຂອງພວກເຈົ້າ ໄດ້ນາໍເຄາະກາໍມາສູ່ບ່ອນນີ້ໃຫ້ພິນາດໄປ.
|
||
\v 11 ປະຊາຊົນເຫລົ່ານີ້ ຕ້ອງການຜູ້ທາໍນວາຍ ທີ່ທ່ຽວໄປມາເວົ້າຕົວະ ແລະ ຫລອກລວງ ໂດຍເວົ້າວ່າ, ‘ຂ້ອຍຂໍທາໍນວາຍ ວ່າເຫລົ້າອະງຸ່ນ ແລະ ສຸຣາຈະຫລັ່ງໄຫລມາສໍາລັບພວກເຈົ້າ.’
|
||
|
||
\s5
|
||
\v 12 ແຕ່ເຮົາຈະນໍາພວກເຈົ້າ ມາເຕົ້າໂຮມກັນ ຄື ພວກເຈົ້າຜູ້ເປັນປະຊາຊົນອິດສະຣາເອນ ທັງໝົດທີ່ຍັງເຫລືອຢູ່. ເຮົາຈະ ນໍາພວກເຈົ້າເຂົ້າມາເຕົ້າໂຮມກັນ ເໝືອນດັ່ງຝູງແກະ ກັບຄືນມາຍັງຄອກ. ດິນແດນຂອງພວກເຈົ້າຈະເຕັມໄປດ້ວຍຝູງຄົນອີກເທື່ອໜຶ່ງ ເໝືອນຝູງແກະ ຢູ່ໃນທົ່ງຫຍ້າ. ”
|
||
\v 13 ພຣະເຈົ້າຈະໄຂຫົນທາງໃຫ້ພວກເຂົາ ແລະ ນາໍພວກເຂົາອອກຈາກການເປັນຊະເລີຍ ໃນຕ່າງຖິ່ນ. ພວກເຂົາຈະທະລຸອອກໄປທາງປະຕູເຂົ້າເມືອງ ແລະ ຈະປົບໜີໄປຢ່າງອິດສະຫລະ. ອົງພຣະຜູ້ເປັນເຈົ້າເອງຜູ້ເປັນກະສັດຂອງພວກເຂົາ ຈະນາໍພາພວກເຂົາ ອອກໄປ.
|
||
|
||
\s5
|
||
\c 3
|
||
\p
|
||
\v 1 ຈົ່ງຟັງເດີ ບັນດາຜູ້ປົກຄອງຊາດອິດສະຣາເອນ ເອີຍ ພວກເຈົ້າຄວນຈະຫ່ວງໃຍເຖິງຄວາມຍຸດຕິທໍາ
|
||
\v 2 ແຕ່ພວກເຈົ້າຊໍ້າພັດກຽດຊັງຄວາມດີ ແລະ ຮັກຄວາມຊົ່ວ. ພວກເຈົ້າຂູດເນື້ອເຖືອໜັງປະຊາຊົນຂອງເຮົາທັງເປັນ.
|
||
\v 3 ພວກເຈົ້າກືນກິນປະຊາຊົນຂອງເຮົາ. ພວກເຈົ້າລອກໜັງຂອງພວກເຂົາອອກ ຫັກກະດູກຂອງພວກເຂົາ ແລະ ຕັດເປັນຕ່ອນ ໆ ເໝືອນຊີ້ນຢູ່ໃນໝໍ້.
|
||
|
||
\s5
|
||
\v 4 ເມື່ອເວລາມາເຖິງ ພວກເຈົ້າຈະຮ້ອງຫາ ອົງພຣະຜູ້ເປັນເຈົ້າ; ແຕ່ພຣະອົງຈະບໍ່ຕອບພວກເຈົ້າ. ພຣະອົງຈະບໍ່ຟັງຄໍາພາວັນນາ ອະທິຖານຂອງພວກເຈົ້າ ກໍເພາະພວກເຈົ້າໄດ້ປະພຶດຊົ່ວ.
|
||
|
||
\s5
|
||
\v 5 ອົງພຣະຜູ້ເປັນເຈົ້າ ກ່າວຕໍ່ບັນດາຜູ້ທາໍນວາຍ ເຫລົ່ານີ້ວ່າ, “ປະຊາຊົນຂອງເຮົາໄດ້ຖືກພວກຜູ້ທາໍນວາຍຫລອກລວງ ຄື ພວກເຂົາສັນຍາແກ່ຄົນທີ່ຈ່າຍເງິນແກ່ຕົນ ໃຫ້ມີສັນຕິພາບ ແຕ່ນາບຂູ່ຜູ້ທີ່ບໍ່ຈ່າຍເງິນແກ່ຕົນ ໃຫ້ພົບພໍ້ໄພສົງຄາມ.
|
||
\v 6 ພວກຜູ້ທາໍນວາຍ ເອີຍ ມື້ຂອງພວກເຈົ້ານັ້ນເກືອບຈະໝົດໄປແລ້ວ ຕາເວັນກໍາລັງຕົກລົງເທິງພວກເຈົ້າ. ເພາະພວກເຈົ້າໄດ້ນາໍປະຊາຊົນຂອງເຮົາໄປ ໃນທາງຜິດ ພວກເຈົ້າຈະບໍ່ມີນິມິດໃນການ ທາໍນວາຍອີກຕໍ່ໄປ ແລະ ພວກເຈົ້າຈະກ່າວຫຍັງລ່ວງໜ້າບໍ່ໄດ້ອີກ.
|
||
\v 7 ຜູ້ໃດທີ່ກ່າວລ່ວງໜ້າເຖິງອະນາຄົດ ຜູ້ນັ້ນກໍຈະໄດ້ຮັບຄວາມອັບອາຍຂາຍໜ້າ ເພາະຄວາມຫລົ້ມເຫລວຂອງຕົນ. ທຸກຄົນໃນພວກເຂົາຈະເສຍກຽດ ເພາະພຣະເຈົ້າບໍ່ຕອບພວກເຂົາ.”
|
||
|
||
\s5
|
||
\v 8 ແຕ່ສໍາລັບຂ້າພະເຈົ້າແລ້ວ ອົງພຣະຜູ້ເປັນເຈົ້າໃຫ້ຂ້າພະເຈົ້າເຕັມໄປດ້ວຍພຣະວິນຍານ ຕະຫລອດທັງຣິດອໍານາດຂອງ ພຣະອົງ ແລະ ພຣະອົງໃຫ້ຂ້າພະເຈົ້າມີຄວາມເຂົ້າໃຈ ໃນຄວາມຍຸດຕິທໍາ ແລະ ມີຄວາມກ້າຫານ ເພື່ອບອກປະຊາຊົນອິດສະຣາເອນ ວ່າແມ່ນຫຍັງ ຄື ການບາບຂອງພວກເຂົາ.
|
||
|
||
\s5
|
||
\v 9 ຈົ່ງຟັງຂ້າພະເຈົ້າເທີ້ນ ບັນດາຜູ້ນາໍຊາດອິດສະຣາເອນ ເອີຍ ພວກເຈົ້າທີ່ກຽດຊັງຄວາມຍຸດຕິທາໍ ແລະ ປ່ຽນຖືກໃຫ້ເປັນຜິດ.
|
||
\v 10 ພວກເຈົ້າກາໍລັງສ້າງນະຄອນເຢຣູຊາເລັມ ນະຄອນຂອງພຣະເຈົ້າ ຢູ່ເທິງພື້ນຖານແຫ່ງຄາດຕະກໍາ ແລະ ຄວາມອະຍຸດຕິທໍາ.
|
||
\v 11 ພວກຜູ້ປົກຄອງເມືອງ ກໍປົກຄອງດ້ວຍເຫັນ ແກ່ສິນບົນ ພວກປະໂຣຫິດກໍແປກົດບັນຍັດດ້ວຍເຫັນແກ່ຄ່າຈ້າງລາງວັນ ພວກຜູ້ທາໍນວາຍກໍບອກນິມິດຂອງຕົນ ດ້ວຍເຫັນແກ່ເງິນ ແລະ ພວກເຂົາທຸກຄົນຕ່າງກໍອ້າງວ່າ ອົງພຣະຜູ້ເປັນເຈົ້າຢູ່ກັບພວກຕົນ ພວກເຂົາເວົ້າ ວ່າ, “ເຫດຮ້າຍໃດ ໆ ຈະບໍ່ມາຖືກພວກເຮົາດອກ ເພາະອົງພຣະຜູ້ເປັນເຈົ້າສະຖິດຢູ່ນາໍ ພວກເຮົາ.”
|
||
|
||
\s5
|
||
\v 12 ສະນັ້ນແຫລະ ເພາະພວກເຈົ້າ ພູເຂົາຊີໂອນ ຈະຖືກໄຖເໝືອນໄຖນາ ນະຄອນເຢຣູຊາເລັມ ຈະກາຍເປັນກອງສິ່ງຮົກຮ້າງເພພັງ ແລະ ເນີນພູບ່ອນທີ່ຕັ້ງພຣະວິຫານ ກໍຈະກາຍເປັນປ່າ.
|
||
|
||
\s5
|
||
\c 4
|
||
\p
|
||
\v 1 ໃນຍຸກຈະມາເຖິງ ພູໜ່ວຍທີ່ພຣະວິຫານຕັ້ງຢູ່ອາໄສ ຈະສູງກວ່າພູໜ່ວຍໃດ ໆ ທີ່ຕັ້ງຢູ່ທີ່ນັ້ນ. ພູໜ່ວຍນັ້ນຈະຢູ່ສູງກວ່າບັນດາພູເຂົາທັງປວງ ຫລາຍ ໆ ຊົນຊາດຈະຫລັ່ງໄຫລມາ ຍັງພູໜ່ວຍນີ້.
|
||
|
||
\s5
|
||
\v 2 ປະຊາຊົນຂອງພວກເຂົາ ເວົ້າວ່າ, “ໃຫ້ ພວກເຮົາຂຶ້ນໄປ ທີ່ເນີນພູຂອງອົງພຣະຜູ້ເປັນເຈົ້າ [ຊ] ສູ່ວິຫານຂອງພຣະເຈົ້າແຫ່ງຊາດ ອິດສະຣາເອນ ນັ້ນ. ເພາະພຣະອົງຈະສັ່ງສອນສິ່ງທີ່ຢາກໃຫ້ພວກເຮົາເຮັດຕາມ ພວກເຮົາຈະຍ່າງຕາມທາງທີ່ພຣະອົງໄດ້ເລືອກໄວ້. ຄໍາສັ່ງສອນຂອງອົງພຣະຜູ້ເປັນເຈົ້າ ມາແຕ່ນະຄອນເຢຣູຊາເລັມ ຈາກພູເຂົາ ຊີໂອນ ທີ່ຊົງກ່າວຕໍ່ປະຊາຊົນຂອງພຣະເຈົ້າ. ”
|
||
\v 3 ພຣະອົງຈະໄກ່ເກ່ຍ ນາ ໆ ຊາດທີ່ຜິດຖຽງກັນທ່າມກາງມະຫາອໍານາດ ທີ່ຢູ່ໄກ ແລະ ຢູ່ໃກ້. ພວກເຂົາຈະຕີດາບເປັນໝາກສົບໄຖ ແລະ ຕີຫອກເປັນມີດຕັດກິ່ງໄມ້. ຊົນຊາດທັງຫລາຍຈະບໍ່ເຮັດເສິກກັນອີກຕໍ່ໄປ ທັງຈະບໍ່ຕຽມເຮັດເສິກກັນອີກຈັກເທື່ອ.
|
||
|
||
\s5
|
||
\v 4 ທຸກ ໆ ຄົນຈະຢູ່ນາໍກັນຢ່າງສະຫງົບສຸກ ທ່າມກາງສວນອະງຸ່ນ ແລະ ຕົ້ນໝາກເດື່ອ ແລະບໍ່ມີຜູ້ໃດຈະເຮັດໃຫ້ພວກເຂົາຢ້ານກົວເລີຍ ອົງພຣະຜູ້ເປັນເຈົ້າ ອົງຊົງຣິດອໍານາດຍິ່ງໃຫຍ່ໄດ້ກ່າວດັ່ງນີ້ແຫລະ.
|
||
\v 5 ແຕ່ລະ ຊົນຊາດ ຕ່າງກໍຂາບໄຫວ້ ແລະ ເຊື່ອຟັງນາມພະຂອງຕົນ, ແຕ່ພວກເຮົາຈະນະມັດສະການ ແລະ ເຊື່ອຟັງພຣະນາມຂອງອົງພຣະຜູ້ເປັນເຈົ້າ ພຣະເຈົ້າຂອງພວກເຮົາຕະຫລອດໄປເປັນນິດ.
|
||
|
||
\s5
|
||
\v 6 ອົງພຣະຜູ້ເປັນເຈົ້າກ່າວ ວ່າ, “ເວລານັ້ນ ກໍາລັງມາເຖິງ ເມື່ອເຮົາຈະເຕົ້າໂຮມປະຊາຊົນ ທີ່ເຮົາໄດ້ລົງໂທດ ຄື ພວກທີ່ໄດ້ທົນທຸກທໍລະມານ ເພາະຕົກເປັນຊະເລີຍໃນຕ່າງຖິ່ນ.
|
||
\v 7 ພວກເຂົາເປັນຄົນຂາພິການ ແລະ ຢູ່ຫ່າງໄກຈາກເຮືອນ, ແຕ່ເຮົາຈະເຮັດໃຫ້ພວກເຂົາເລີ່ມຕົ້ນໃໝ່ ຈາກພວກທີ່ຍັງເຫລືອຢູ່ ແລະ ພວກເຂົາຈະກາຍເປັນຊົນຊາດທີ່ຍິ່ງໃຫຍ່. ເຮົາຈະປົກຄອງພວກເຂົາ ທີ່ພູເຂົາຊີໂອນ ແຕ່ເວລານັ້ນຈົນຕະຫລອດໄປເປັນນິດ. ”
|
||
\v 8 ນະຄອນເຢຣູຊາເລັມ ເອີຍ ເຈົ້າເປັນບ່ອນທີ່ພຣະເຈົ້າເຝົ້າເບິ່ງປະຊາຊົນຂອງ ພຣະອົງ ເໝືອນດັ່ງຄົນລ້ຽງແກະຜູ້ໜຶ່ງທີ່ເຝົ້າ ເບິ່ງຝູງແກະຂອງຕົນຢູ່ເທິງຫໍຄອຍ; ເຈົ້າຈະເປັນເມືອງເອກ ແຫ່ງຣາຊອານາຈັກອີກເທື່ອໜຶ່ງ ທີ່ເຈົ້າໄດ້ເຄີຍເປັນມາແລ້ວ.
|
||
|
||
\s5
|
||
\v 9 ເປັນຫຍັງ ເຈົ້າຈຶ່ງຮ້ອງສຽງແຮງແທ້? ເປັນຫຍັງ ເຈົ້າຈຶ່ງເຈັບປວດເໝືອນຍິງ ທີ່ກາໍລັງອອກລູກ? ບໍ່ແມ່ນເຈົ້າບໍ່ມີກະສັດປົກຄອງບໍ? ບັນດາທີ່ປຶກສາຂອງພວກເຈົ້າເດ ຕາຍໝົດແລ້ວບໍ?
|
||
\v 10 ປະຊາຊົນເຢຣູຊາເລັມ ເອີຍ ຈົ່ງບິດຕົວຮ້ອງຄວນຄາງ [ຍ] ດັ່ງຍິງທີ່ກາໍລັງອອກລູກສາ ເພາະວ່າບັດນີ້ ພວກເຈົ້າຈະຕ້ອງໜີຈາກເມືອງນີ້ ໄປອາໄສຢູ່ໃນທົ່ງນາ. ພວກເຈົ້າຈະຕ້ອງໄປຍັງນະຄອນ ບາບີໂລນ, ແຕ່ຢູ່ໃນທີ່ນັ້ນ ອົງພຣະຜູ້ເປັນເຈົ້າ ຈະຊ່ວຍພວກເຈົ້າໃຫ້ພົ້ນຈາກເຫລົ່າສັດຕູ.
|
||
|
||
\s5
|
||
\v 11 ມີຫລາຍຊົນຊາດໄດ້ເຕົ້າໂຮມກັນເພື່ອໂຈມຕີພວກເຈົ້າ ເຂົາເວົ້າວ່າ, “ນະຄອນເຢຣູຊາເລັມ ຕ້ອງຖືກທາໍລາຍ ພວກເຮົາຈະໄດ້ເຫັນເມືອງນີ້ ຮົກຮ້າງເພພັງ. ”
|
||
\v 12 ແຕ່ ຊົນຊາດເຫລົ່ານີ້ ບໍ່ຮູ້ຈັກຄວາມຄິດຂອງອົງພຣະຜູ້ເປັນເຈົ້າ ພວກເຂົາສໍານຶກບໍ່ໄດ້ເລີຍວ່າ ພຣະອົງໄດ້ວາງແຜນທ້ອນໂຮມ ເພື່ອເອົາພວກເຂົາມາລົງໂທດ ເຊັ່ນດຽວກັບໂຮມເອົາ ມັດເຂົ້າມາຟາດໃນລານ.
|
||
|
||
\s5
|
||
\v 13 ອົງພຣະຜູ້ເປັນເຈົ້າກ່າວ ວ່າ, “ປະຊາຊົນເຢຣູຊາເລັມ ເອີຍ ຈົ່ງໄປລົງໂທດ ເຫລົ່າສັດຕູຂອງພວກເຈົ້າສາ ເຮົາຈະເຮັດໃຫ້ ພວກເຈົ້າແຂງແຮງ ເໝືອນດັ່ງງົວກະທິງ ທີ່ມີເຂົາເປັນເຫລັກ ແລະ ມີກີບຕີນເປັນທອງສໍາຣິດ. ພວກເຈົ້າຈະຢຽບຢໍ່າທາໍລາຍຫລາຍ ຊົນຊາດໃຫ້ໝຸ່ນທະລາຍໄປ ເຮົາຈະມອບສິ່ງທີ່ໄດ້ມາຖວາຍແກ່ອົງພຣະຜູ້ເປັນເຈົ້າ ແລະ ຊັບສົມບັດຂອງພວກເຂົາໄດ້ມາຈາກການໃຊ້ກາໍລັງຢຶດເອົານັ້ນ ເຮົາຈະເອົາມາອຸທິດຖວາຍ ແກ່ພຣະເຈົ້າຢາເວ ແຫ່ງໂລກນີ້ທັງໝົດ.”
|
||
|
||
\s5
|
||
\c 5
|
||
\p
|
||
\v 1 ປະຊາຊົນເຢຣູຊາເລັມ ເອີຍ ຈົ່ງຮວບຮວມກາໍລັງຂອງພວກເຈົ້າສາ [ດ] ພວກເຮົາຖືກປິດລ້ອມແລ້ວ ພວກເຂົາກາໍລັງໂຈມຕີຜູ້ນາໍຂອງຊາດອິດສະຣາເອນ
|
||
|
||
\s5
|
||
\v 2 ອົງພຣະຜູ້ເປັນເຈົ້າກ່າວ ວ່າ, “ເບັດເລເຮັມ ເອຟະຣາທາ ເອີຍ ເຈົ້າເປັນເມືອງໜຶ່ງທີ່ນ້ອຍທີ່ສຸດໃນເມືອງທັງຫລາຍຂອງຢູດາຍ ແຕ່ເຮົາຈະໃຫ້ມີຜູ້ປົກຄອງຄົນໜຶ່ງອອກມາຈາກເຈົ້າ ສໍາລັບຊາດອິດສະຣາເອນ ຊຶ່ງໜໍ່ແນວເຊື້ອສາຍສືບມາ ຈາກສະໄໝເດີມ. ”
|
||
\v 3 ສະນັ້ນ ເພິ່ນຈຶ່ງມອບພວກເຂົາໃຫ້ເຫລົ່າສັດຕູຂອງພວກເຂົາ ຈົນ ເຖິງເວລາຍິງສາວ ທີ່ໃຫ້ກາໍເນີດມີລູກຊາຍຂອງຕົນ. ແລ້ວບັນດາພວກພີ່ນ້ອງທີ່ໄດ້ຖືກຈັບໄປເປັນຊະເລີຍໃນຕ່າງຖິ່ນນັ້ນ ກໍຈະມາທ້ອນໂຮມກັນກັບປະຊາຊົນຂອງພວກເຂົາເອງ.
|
||
|
||
\s5
|
||
\v 4 ເວລາຜູ້ນັ້ນມາ ເພິ່ນຈະປົກຄອງປະຊາຊົນຂອງເພິ່ນດ້ວຍກາໍລັງຊຶ່ງມາຈາກອົງພຣະຜູ້ເປັນເຈົ້າ ແລະດ້ວຍສະຫງ່າຣາສີ ແຫ່ງພຣະນາມຂອງອົງພຣະຜູ້ເປັນເຈົ້າ ພຣະເຈົ້າຂອງຕົນ. ປະຊາຊົນຂອງພຣະອົງຈະຢູ່ຢ່າງປອດໄພ ເພາະປະຊາຊົນໝົດທັງໂລກຈະຮັບຮູ້ຄວາມຍິ່ງໃຫຍ່ຂອງເພິ່ນ
|
||
\v 5 ແລະເພິ່ນຈະນາໍສັນຕິສຸກມາໃຫ້. ເມື່ອພວກ ອັດຊີເຣຍ ຮຸກຮານປະເທດຂອງພວກເຮົາ ແລະທໍາລາຍບ່ອນປ້ອງກັນຂອງພວກເຮົານັ້ນ ພວກເຮົາຈະສົ່ງພວກຜູ້ນາໍທີ່ເຂັ້ມແຂງທີ່ສຸດ ອອກໄປສູ້ຮົບພວກເຂົາ.
|
||
|
||
\s5
|
||
\v 6 ພວກເຂົາຈະຕີຊະນະ ອັດຊີເຣຍ ຄືດິນແດນຂອງ ນີມໂຣດ ດ້ວຍກາໍລັງອາວຸດ; ແລະ ເຂົາ [ຕ] ຈະຊ່ວຍພວກເຮົາໃຫ້ພົ້ນຈາກພວກອັດຊີເຣຍ ເມ່ື່ອພວກເຂົາຮຸກຮານດິນແດນຂອງພວກເຮົາ.
|
||
\v 7 ປະຊາຊົນອິດສະຣາເອນ ຜູ້ທີ່ລອດຊີວິດມາໄດ້ກໍຈະ ເປັນດັ່ງນາໍ້ຄ້າງອັນສົດຊື່ນ ທີ່ອົງພຣະຜູ້ເປັນເຈົ້າສົ່ງລົງມາສໍາລັບຫລາຍຊົນຊາດ ເໝືອນຫ່າຝົນທີ່ຕົກເທິງພືດພັນ ທີ່ຫາກໍ່ພວມປົ່ງໃໝ່. ພວກເຂົາຈະອາໄສພຣະເຈົ້າ ແຕ່ບໍ່ແມ່ນອາໄສມະນຸດ.
|
||
|
||
\s5
|
||
\v 8 ພວກເຂົາທີ່ຖືກປະໄວ້ຢູ່ໃນທ່າມກາງ ຊົນຊາດທັງຫລາຍ ກໍຈະເປັນດັ່ງສິງໂຕໜຶ່ງ ທີ່ກາໍລັງຊອກຫາອາຫານໃນປ່າ ຫລື ຕາມທົ່ງຫຍ້າ: ມັນເຂົ້າໄປຄຸບເອົາແກະຢູ່ໃນຝູງ ແລະ ຈີກເປັນຕ່ອນ ໆ ແລະ ຄວາມຫວັງໃດ ໆ ທີ່ຈະຊ່ວຍກູ້ເອົາກໍບໍ່ມີ.
|
||
\v 9 ຊາດອິດສະຣາເອນ ຈະຕີຊະນະເຫລົ່າສັດຕູຂອງຕົນ ແລະ ຈະທາໍລາຍພວກເຂົາໃຫ້ດັບກ້ຽງ.
|
||
|
||
\s5
|
||
\v 10 ອົງພຣະຜູ້ເປັນເຈົ້າກ່າວ ວ່າ, “ໃນເວລານັ້ນ ເຮົາຈະເອົາມ້າທັງຫລາຍຂອງ ພວກເຈົ້າໜີໄປ ແລະ ທັງຈະທໍາລາຍລົດຮົບ ຂອງພວກເຈົ້າດ້ວຍ.
|
||
\v 11 ເຮົາຈະທາໍລາຍ ເມືອງທັງຫລາຍໃນດິນແດນຂອງພວກເຈົ້າ ແລະ ທັບມ້າງຄ້າຍປ້ອງກັນທັງໝົດຂອງພວກເຈົ້າ.
|
||
|
||
\s5
|
||
\v 12 ເຮົາຈະທາໍລາຍເຄື່ອງແຄ້ວ ຂອງຄົງ ອັນວິເສດທີ່ພວກເຈົ້າໃຊ້ນັ້ນ ແລະຈະບໍ່ໃຫ້ມີໝໍມໍອີກຕໍ່ໄປ.
|
||
\v 13 ເຮົາຈະທາໍລາຍບັນດາ ຮູບເຄົາຣົບ ແລະ ເສົາຫິນສັກສິດທັງຫລາຍ; ພວກເຈົ້າຈະບໍ່ໄດ້ຂາບໄຫວ້ສິ່ງຕ່າງ ໆ ທີ່ພວກເຈົ້າໄດ້ເຮັດຂຶ້ນມານັ້ນ ອີກຕໍ່ໄປ.
|
||
\v 14 ເຮົາຈະຖອນຮູບຕ່າງ ໆ ຂອງເຈົ້າແມ່ອາເຊຣາ ໃນດິນແດນຂອງພວກເຈົ້າຖິ້ມ ແລະ ຈະທາໍລາຍເມືອງຕ່າງ ໆ ຂອງພວກເຈົ້າ ອີກດ້ວຍ.
|
||
\v 15 ແລະ ດ້ວຍຄວາມໂກດຮ້າຍອັນໃຫຍ່ຂອງເຮົາ ເຮົາຈະແກ້ແຄ້ນຊົນຊາດ ທັງຫລາຍທີ່ບໍ່ເຊື່ອຟັງເຮົາ.”
|
||
|
||
\s5
|
||
\c 6
|
||
\p
|
||
\v 1 ຈົ່ງຟັງອົງພຣະຜູ້ເປັນເຈົ້າ ສູ້ຄວາມກັບຊາດອິດສະຣາເອນ. ຈົ່ງລຸກຂຶ້ນເຖີດ ແລະ ສະເໜີຄະດີຂອງພຣະອົງ; ໃຫ້ພູແລະເນີນພູ ທັງຫລາຍຟັງພຣະອົງກ່າວ.
|
||
\v 2 ພູເຂົາທັງຫລາຍເອີຍ ເຈົ້າຊຶ່ງເປັນຮາກຖານອັນຕະຫລອດໄປຂອງແຜ່ນດິນໂລກນີ້ ຈົ່ງຟັງຄະດີຂອງອົງພຣະຜູ້ເປັນເຈົ້າເຖີດ ອົງພຣະຜູ້ເປັນເຈົ້າມີຄະດີຕໍ່ສູ້ປະຊາຊົນຂອງພຣະອົງ. ພຣະອົງກາໍລັງກ່າວໂທດ ຕໍ່ສູ້ປະຊາຊົນອິດສະຣາເອນ.
|
||
|
||
\s5
|
||
\v 3 ອົງພຣະຜູ້ເປັນເຈົ້າກ່າວ ວ່າ, “ປະຊາຊົນ ຂອງເຮົາເອີຍ ເຮົາໄດ້ກະທາໍຫຍັງແດ່ໃຫ້ແກ່ ພວກເຈົ້າ? ເຮົາໄດ້ວາງພາລະໜັກອັນໃດແດ່ ໃຫ້ແກ່ພວກເຈົ້າ? ຈົ່ງຕອບເຮົາມາເບິ່ງ.
|
||
\v 4 ເຮົາໄດ້ນໍາພວກເຈົ້າ ອອກມາຈາກປະເທດ ເອຢິບ; ເຮົາໄດ້ກອບກູ້ເອົາພວກເຈົ້າໃຫ້ອອກ ມາຈາກການເປັນທາດຮັບໃຊ້ ເຮົາໄດ້ໃຊ້ໂມເຊ, ອາໂຣນ ແລະ ມີຣີອາມ ໃຫ້ນາໍພາພວກເຈົ້າ.
|
||
\v 5 ປະຊາຊົນຂອງເຮົາເອີຍ ຈົ່ງລະນຶກເຖິງສິ່ງທີ່ກະສັດ ບາຫລາກ ແຫ່ງໂມອາບ ໄດ້ວາງແຜນຕໍ່ສູ້ພວກເຈົ້າ ແລະ ບາລາອາມ ລູກຊາຍຂອງເບອໍ ໄດ້ຕອບເພິ່ນວ່າຢ່າງໃດ. ຈົ່ງລະນຶກເຖິງເຫດການຕ່າງ ໆ ທີ່ໄດ້ເກີດຂຶ້ນຕາມທາງ ແຕ່ຄ້າຍພັກທີ່ ອາກາເຊຍ ຫາ ກິນການ. ຈົ່ງລະນຶກເຖິງ ສິ່ງເຫລົ່ານີ້ ແລະ ພວກເຈົ້າກໍຈະສໍານຶກເຖິງສິ່ງທີ່ເຮົາໄດ້ເຮັດ ເພື່ອຊ່ວຍຊີວິດຂອງພວກເຈົ້າ.”
|
||
|
||
\s5
|
||
\v 6 ເມື່ອຂ້າພະເຈົ້າມານະມັດສະການອົງພຣະຜູ້ເປັນເຈົ້າ ແລະ ກົ້ມຂາບຕໍ່ໜ້າພຣະເຈົ້າແຫ່ງຟ້າສະຫວັນ ຂ້າພະເຈົ້າຈະເອົາ ຫຍັງມາຖວາຍແກ່ພຣະອົງ? ຂ້າພະເຈົ້າຈະນາໍເອົາລູກງົວໂຕຕຸ້ຍພີດີທີ່ສຸດ ມາເຜົາເປັນເຄື່ອງບູຊາຖວາຍແກ່ພຣະອົງບໍ?
|
||
\v 7 ອົງພຣະຜູ້ເປັນເຈົ້າຈະພໍໃຈບໍ ຖ້າຂ້າພະເຈົ້ານາໍ ແກະພັນໂຕ ຫລື ນາໍ້ມັນໝາກກອກເທດ ອັນບໍ່ໝົດເປັນຈັກເທື່ອມາຖວາຍແກ່ພຣະອົງ? ຂ້າພະເຈົ້າຄວນຈະຖວາຍລູກກົກ ແກ່ພຣະອົງເພື່ອເປັນຄ່າໄຖ່ການບາບຂອງຂ້າພະເຈົ້າບໍ?
|
||
\v 8 ບໍ່ແມ່ນດອກ ອົງພຣະຜູ້ເປັນເຈົ້າໄດ້ບອກພວກເຮົາວ່າ ແມ່ນຫຍັງເປັນ ສິ່ງທີ່ດີ. ສິ່ງທີ່ພຣະອົງຕ້ອງການຈາກພວກເຮົານັ້ນ ແມ່ນດັ່ງນີ້: ເຮັດສິ່ງທີ່ຖືກຕ້ອງ, ສະແດງຄວາມຮັກອັນໝັ້ນຄົງ ແລະ ໃຊ້ຊີວິດໃນຄວາມສາມັກຄີທາໍກັບພຣະເຈົ້າຂອງພວກເຮົາ ດ້ວຍຄວາມຖ່ອມໃຈ.
|
||
|
||
\s5
|
||
\v 9 ການຢໍາເກງອົງພຣະຜູ້ເປັນເຈົ້າ ເປັນການສະຫລາດ. ພຣະອົງຮ້ອງໃສ່ເມືອງນັ້ນວ່າ, “ຈົ່ງຟັງເທີ້ນ ພວກເຈົ້າປະຊາຊົນທີ່ປະຊຸມກັນຢູ່ໃນເມືອງ [ຖ]
|
||
\v 10 ໃນເຮືອນຂອງ ຄົນຊົ່ວມີຊັບສົມບັດຫລາຍຢ່າງ ຊຶ່ງພວກເຂົາ ໄດ້ມາໃນທາງບໍ່ສັດຊື່. ພວກເຂົາໃຊ້ຕາຊິງປອມ ເປັນສິ່ງທີ່ເຮົາກຽດຊັງ. [ທ]
|
||
|
||
\s5
|
||
\v 11 ເຮົາຈະຍົກໂທດໃຫ້ແກ່ຜູ້ໃຊ້ຕາຊັ່ງ ແລະ ຕາຊິງປອມໄດ້ບໍ?
|
||
\v 12 ພວກເຈົ້າຄົນ ຮັ່ງມີຫາຜົນປະໂຫຍດ ນາໍຄົນຍາກຈົນ ແລະ ພວກເຈົ້າທຸກຄົນລ້ວນແຕ່ເປັນຄົນຂີ້ຕົວະ.
|
||
|
||
\s5
|
||
\v 13 ສະນັ້ນ ເຮົາຈຶ່ງໄດ້ລົງມື [ນ] ເຮັດໃຫ້ ພວກເຈົ້າເຖິງຄວາມພິນາດ ແລະ ຄວາມຈິບຫາຍ ຍ້ອນພວກເຈົ້າເຮັດບາບ.
|
||
\v 14 ພວກເຈົ້າຈະກິນ ແຕ່ຈະບໍ່ຮູ້ອີ່ມ ຕາມຄວາມຈິງແລ້ວ ພວກເຈົ້າຍັງຈະຫິວຢູ່ເລື້ອຍ ໆ. ພວກເຈົ້າຈະໄດ້ສິ່ງຂອງຫລາຍຢ່າງມາ ແຕ່ພວກເຈົ້າຈະທ້ອນໂຮມໄວ້ບໍ່ໄດ້; ທຸກສິ່ງທີ່ພວກເຈົ້າຈະສະສົມໄວ້ ເຮົາຈະທາໍລາຍສິ່ງນັ້ນ ດ້ວຍໄພສົງຄາມ.
|
||
\v 15 ພວກເຈົ້າຈະຫວ່ານເມັດພືດ ແຕ່ພວກເຈົ້າຈະບໍ່ໄດ້ເກັບກ່ຽວ. ພວກເຈົ້າຈະບີບເອົານໍ້າມັນຈາກ ໝາກກອກເທດ ແຕ່ຈະບໍ່ໄດ້ໃຊ້ມັນ. ພວກເຈົ້າຈະເຮັດເຫລົ້າອະງຸ່ນ ແຕ່ຈະບໍ່ໄດ້ດື່ມມັນ.
|
||
|
||
\s5
|
||
\v 16 ເຫດການນີ້ຈະເກີດຂຶ້ນ ເພາະພວກເຈົ້າໄດ້ເຮັດຊົ່ວຕາມກະສັດ ອົມຣິ ແລະ ກະສັດ ອາຮາບ ລູກຊາຍຂອງເພິ່ນ. ພວກເຈົ້າໄດ້ສືບຕໍ່ເຮັດຕາມກົດເກນຕ່າງ ໆ ຂອງພວກເຂົາ; ສະນັ້ນແຫລະ ເຮົາຈຶ່ງຈະນາໍພວກເຈົ້າໄປສູ່ຄວາມຈິບຫາຍ ແລະ ທຸກຄົນຈະດູຖູກພວກເຈົ້າ. ປະຊາຊົນ [ບ] ທຸກບ່ອນຈະເຮັດຕໍ່ພວກເຈົ້າ ດ້ວຍຄວາມຫຍໍ້ຫຍັນ. [ປ]
|
||
|
||
\s5
|
||
\c 7
|
||
\p
|
||
\v 1 ໝົດຫວັງສາແລ້ວ ຂ້າພະເຈົ້າເປັນດັ່ງຄົນອຶດຫິວຜູ້ໜຶ່ງ ທີ່ຫາໝາກໄມ້ລະດູຮ້ອນກິນ ແຕ່ບໍ່ພົບ ແລະ ໝາກອະງຸ່ນໃນສວນກໍບໍ່ມີເລີຍ. ໝາກອະງຸ່ນ ແລະ ໝາກເດື່ອໄດ້ຖືກເກັບໄປໝົດສາແລ້ວ.
|
||
\v 2 ຢູ່ໃນດິນແດນບໍ່ມີຄົນສຸດຈະຣິດເຫລືອຢູ່ເລີຍ ບໍ່ມີຈັກຄົນດຽວທີ່ສັດຊື່ຕໍ່ພຣະເຈົ້າ. ທຸກຄົນຕ່າງກໍຫາໂອກາດ ເພື່ອຂ້າຟັນລັນແທງ ຊຶ່ງກັນແລະກັນ ທຸກຄົນ ຕ່າງກໍຕາມລ່າພີ່ນ້ອງຮ່ວມຊາດຂອງຕົນເອງ.
|
||
|
||
\s5
|
||
\v 3 ພວກເຂົາລ້ວນແຕ່ເປັນນັກຊ່ຽວຊານໃນ ການເຮັດຊົ່ວ. ບັນດາເຈົ້າໜ້າທີ່ ແລະຜູ້ຕັດສິນຄວາມກໍຖາມຫາສິນບົນ. ຄົນທີ່ມີອິດທິພົນ ກໍເອີ່ຍເຖິງສິ່ງທີ່ຕົນຕ້ອງການ; ສະນັ້ນແຫລະ ພວກເຂົາຈຶ່ງວາງອຸບາຍໃສ່ກັນແລະກັນ. [ຜ]
|
||
\v 4 ແມ່ນແຕ່ຄົນດີ ແລະ ຄົນ ສຸດຈະຣິດ ກວ່າໝູ່ໃນພວກເຂົາ ກໍເປັນດັ່ງກໍໜາມ. ວັນແຫ່ງການລົງໂທດຂອງພວກເຈົ້າ ມາເຖິງແລ້ວ ຊຶ່ງປະກາດໂດຍຜູ້ເຝົ້າຍາມ ຄື ຜູ້ທາໍນວາຍ. ບັດນີ້ພວກເຂົາກາໍລັງສັບສົນ ວຸ້ນວາຍ.
|
||
|
||
\s5
|
||
\v 5 ຢ່າເຊື່ອເພື່ອນບ້ານ ຫລື ໄວ້ໃຈເພື່ອນມິດຂອງຕົນ. ຈົ່ງລະວັງໃນສິ່ງທີ່ພວກເຈົ້າ ເວົ້າແມ່ນແຕ່ກັບເມຍຂອງພວກເຈົ້າກໍດີ.
|
||
\v 6 ໃນຍາມນີ້ແຫລະ ລູກຊາຍຈະດູຖູກ ພໍ່ຂອງຕົນວ່າ ໂງ່ຈ້າ; ລູກສາວກໍຈະຕໍ່ສູ້ແມ່ຂອງຕົນ ແລະລູກໃພ້ຈະຕໍ່ສູ້ແມ່ຍ່າຂອງຕົນ; ແມ່ນແຕ່ ສະມາຊິກຢູ່ໃນຄອບຄົວດຽວກັນ ກໍຈະກາຍເປັນສັດຕູກັນ.
|
||
|
||
\s5
|
||
\v 7 ແຕ່ຂ້າພະເຈົ້າຈະເຝົ້າຄອງຄອຍຫາອົງ ພຣະຜູ້ເປັນເຈົ້າ; ຂ້າພະເຈົ້າຈະລໍຖ້າພຣະເຈົ້າ ຜູ້ຈະຊ່ວຍຂ້າພະເຈົ້າໃຫ້ພົ້ນດ້ວຍ ຄວາມເຊື່ອໝັ້ນຕາຍໃຈ. ພຣະເຈົ້າຂອງຂ້າພະເຈົ້າຈະຟັງຂ້າພະເຈົ້າ.
|
||
\v 8 ເຫລົ່າສັດ ຕູຂອງພວກເຮົາ ບໍ່ມີເຫດຜົນຫຍັງທີ່ຈະເຍາະເຍີ້ຍພວກເຮົາ. ພວກເຮົາລົ້ມລົງແຕ່ຈະ ລຸກຂຶ້ນໃໝ່. ເວລານີ້ພວກເຮົາຢູ່ໃນຄວາມມືດ ແຕ່ອົງພຣະຜູ້ເປັນເຈົ້າຈະໃຫ້ຄວາມສະຫວ່າງ ແກ່ພວກເຮົາ.
|
||
|
||
\s5
|
||
\v 9 ພວກເຮົາໄດ້ເຮັດບາບຕໍ່ສູ້ອົງພຣະຜູ້ເປັນເຈົ້າ; ດັ່ງນັ້ນ ບັດນີ້ພວກເຮົາຈຶ່ງຕ້ອງ ຍອມອົດທົນຕໍ່ຄວາມໂກດຮ້າຍຂອງພຣະອົງ ຊົ່ວໄລຍະໜຶ່ງ, ແຕ່ໃນທີ່ສຸດ ພຣະອົງຈະປ້ອງກັນພວກເຮົາໄວ້ ແລະ ເຮັດໃຫ້ຜູ້ທີ່ກ່າວ ຜິດຕໍ່ພວກເຮົານັ້ນ ພ່າຍແພ້ຄະດີໄປ. ພຣະອົງຈະນາໍພວກເຮົາ ມາສູ່ແສງສະຫວ່າງ ແລະ ພວກເຮົາກໍຈະມີຊີວິດຢູ່ຈົນເຫັນພຣະອົງຊ່ວຍຊູພວກເຮົາໃຫ້ພົ້ນ.
|
||
|
||
\s5
|
||
\v 10 ແລ້ວເຫລົ່າສັດຕູຂອງພວກເຮົາ ກໍຈະເຫັນສິ່ງນີ້ ແລະໄດ້ຮັບຄວາມອັບອາຍຂາຍໜ້າ ຄື ເຫລົ່າສັດຕູຜູ້ດຽວກັນທີ່ເວົ້າທັບຖົມ ພວກເຮົາວ່າ, “ອົງພຣະຜູ້ເປັນເຈົ້າ ພຣະເຈົ້າ ຂອງພວກເຈົ້ານັ້ນຢູ່ໃສ? ” ພວກເຮົາຈະເຫັນ ພວກເຂົາພ່າຍແພ້ ຖືກຢຽບຢໍ່າລົງ [ຝ] ເໝືອນ ດັ່ງຢຽບຂີ້ຕົມຕາມຖະໜົນຫົນທາງ.
|
||
|
||
\s5
|
||
\v 11 ປະຊາຊົນເຢຣູຊາເລັມ ເອີຍ ເວລາທີ່ຈະສ້າງກາໍແພງເມືອງຂຶ້ນໃໝ່ ກາໍລັງມາຮອດ. ໃນເວລານັ້ນ ເຂດແດນຂອງພວກເຈົ້າຈະຂະຫຍາຍອອກໄປ.
|
||
\v 12 ປະຊາຊົນ ຂອງພວກເຈົ້າຈະກັບຄືນມາຫາເຈົ້າ ຈາກທຸກຫົນທຸກແຫ່ງ ຄື ຈາກ ອັດຊີເຣຍ ທາງທິດຕາເວັນອອກ, ຈາກປະເທດເອຢິບ ທາງທິດໃຕ້, ຈາກຂົງເຂດຂອງແມ່ນາໍ້ ເອີຟຣັດ, ຈາກ ທະເລ ແລະ ພູເຂົາຕ່າງ ໆ ທີ່ຫ່າງໄກ.
|
||
\v 13 ແຕ່ແຜ່ນດິນໂລກ ຈະກາຍເປັນຖິ່ນແຫ້ງແລ້ງ ກັນດານ ຍ້ອນຄວາມຊົ່ວຂອງຄົນທີ່ອາໄສຢູ່ໃນທີ່ນັ້ນ.
|
||
|
||
\s5
|
||
\v 14 ໂຜດໃຊ້ຄ້ອນເທົ້າຂອງພຣະອົງ ລ້ຽງປະຊາຊົນຂອງພຣະອົງ ດ້ວຍເຖີດ ຄື ປະຊາຊົນທີ່ເປັນຂອງພຣະອົງພວກດຽວໃນປ່າ. ໃນອ້ອມແອ້ມພວກເຂົານັ້ນມີດິນດີ. ໂຜດ ປ່ອຍໃຫ້ພວກເຂົາໄປ ແລະ ລ້ຽງພວກເຂົາ ໃນທົ່ງຫຍ້າຂອງເມືອງ ບາຊານ ແລະ ກີເລອາດ ດັ່ງໃນຄາວກ່ອນແຕ່ດົນນານມາແລ້ວ.
|
||
\v 15 ໂຜດເຮັດການອັດສະຈັນສໍາລັບ ພວກຂ້ານ້ອຍ ທັງຫລາຍດ້ວຍເຖີດ [ພ] ດັ່ງທີ່ພຣະອົງໄດ້ເຮັດຄາວທີ່ພຣະອົງໄດ້ນາໍພາພວກຂ້ານ້ອຍທັງຫລາຍ ອອກມາຈາກປະເທດເອຢິບ.
|
||
|
||
\s5
|
||
\v 16 ແລ້ວຊົນຊາດທັງຫລາຍກໍຈະເຫັນເຫດການນີ້ ແລະຈະອັບອາຍຂາຍໜ້າ ເຖິງແມ່ນວ່າພວກເຂົາຈະມີກາໍລັງອັນຫລວງຫລາຍກໍຕາມ ດ້ວຍການຕົກຕະລຶງພວກເຂົາຈະງັບປາກແລະອັດຫູໄວ້.
|
||
\v 17 ພວກເຂົາຈະລິເລືອໄປ ຕາມຂີ້ຝຸ່ນດິນເໝືອນດັ່ງງູ; ພວກເຂົາຈະອອກມາຈາກປ້ອມ ປ້ອງກັນ ທັງຢ້ານກົວຈົນສັ່ນເຊັນ. ພວກເຂົາ ຈະກັບມາຫາອົງພຣະຜູ້ເປັນເຈົ້າ ພຣະເຈົ້າຂອງພວກເຮົາ ດ້ວຍຄວາມຢໍາເກງ.
|
||
|
||
\s5
|
||
\v 18 ບໍ່ມີພະຕົນໃດ ເໝືອນພຣະອົງ; ພຣະອົງຍົກການບາບ ປະຊາຊົນຂອງພຣະອົງຜູ້ທີ່ລອດຊີວິດມາໄດ້. ພຣະອົງຈະບໍ່ໂກດຮ້າຍຕະຫລອດໄປ, ແຕ່ພຣະອົງຍິນດີ ໂດຍສໍາແດງຄວາມຮັກອັນໝັ້ນຄົງຂອງພຣະອົງແກ່ພວກຂ້ານ້ອຍ.
|
||
|
||
\s5
|
||
\v 19 ພຣະອົງຍັງຈະເມດຕາ ພວກຂ້ານ້ອຍ ອີກເທື່ອໜຶ່ງ. ພຣະອົງຈະຢຽບຢໍ່າການບາບ ຕ່າງ ໆ ຂອງພວກຂ້ານ້ອຍລົງໃຕ້ຕີນຂອງ ພຣະອົງ ແລະ ໂຍນລົງໄປໃນພື້ນທະເລເລິກ
|
||
\v 20 ພຣະອົງຈະສໍາແດງຄວາມສັດຊື່ ແລະ ຄວາມຮັກອັນໝັ້ນຄົງຂອງພຣະອົງ ແກ່ປະຊາຊົນຂອງພຣະອົງ ຄື ຕໍ່ເຊື້ອສາຍຂອງອັບຣາຮາມ ແລະ ຢາໂຄບ ດັ່ງທີ່ພຣະອົງໄດ້ສັນຍາໄວ້ກັບປູ່ຍ່າຕາຍາຍຂອງພວກຂ້ານ້ອຍ ແຕ່ດົນນານມາແລ້ວ.
|