ilo_udb/55-1TI.usfm

\id 1TI
\ide UTF-8
\h 1 Timoteo
\toc1 1 Timoteo
\toc2 1 Timoteo
\toc3 1ti
\mt 1 Timoteo

\s5
\c 1
\p
\v 1-2 Siak a ni Pablo, isursuratko daytoy kenni Timoteo. Ti Dios a Mangisalakantayo, ken ni Cristo Jesus, isuda dagiti ayan ti talgedtayo iti masakbayan, ket binilinnak ni Cristo nga agbalin nga apostol. Sika ket kasla pudpudno nga anakko, gapu ta inturongka iti Apo. Sapay koma ta ti Dios Ama ken ni Cristo Jesus nga Apotayo ket naimbag kenka, kaasiannaka, ken ikkannaka iti talna

\s5
\v 3 Ti makagapu nga inallukoyka nga agtalinaed idiay Efeso kabayatan iti panagdalyasatko idiay Macedonia ket tapno bilinem dagiti sumagmamano a lallaki a saanda a mangisuro iti naisupadi kadagiti isursurotayo.
\v 4 Ken bilinem ida a saanda a pagan-ano dagiti daan nga istoria ken listaan dagiti kapuonan a saan pulos a sarsardengan a panpanunoten dagiti tattao. Pagsisinnupiaten laeng dagitoy dagiti tattao, ngem saanna ida a tulungan a maammoan ti panggep ti Dios a mangisalakan kadatayo--maysa a panggep a patpatientayo babaen iti pammati.

\s5
\v 5 Ngem ketdi, ti panggep iti imbilinmi kadakayo nga isuroyo ket panangayat iti Dios manipud iti nasin-aw a puso, manipud iti nasayaat a konsiensia, ken manipud iti pammati a napudno.
\v 6 Adda dagiti sumagmamano a lallaki a nangisardengen iti panangaramid kadagitoy a nasayaat a banbanag; ngem ketdi, agsasaoda itan kadagiti awan kaes-eskanna a banbanag.
\v 7 Kayatda nga agisuro maipanggep ti linteg, ngem saanda a maawatan daytoy. Ngem ipilitda a ti isursuroda ket pudno.
\v 8 Ngem ammotayo a nasayaat ti linteg no ammotayo nga usaren daytoy segun iti ibagbaga ti linteg.

\s5
\v 9 Ammotayo a ti linteg ket saan a naaramid tapno mangtengel kadagiti nasayaat a tattao, ngem tapno tenglenna dagiti managsukir a tattao ken dagidiay saan a managraem iti Dios, para kadagiti managbasol, ken kadagiti saan a managraem a tattao, para kadagiti mammapatay ken uray pay kadagidiay mangpapatay kadagiti bukodda a nagannak.
\v 10 Naaramid pay daytoy tapno mangtengngel kadagiti aggartem iti padada a lallaki ken aggartem iti padada a babbai ken kadagiti tattao nga agar-aramid kadagiti saan a nasayaat a pannakinaig, tapno mangtengngel kadagiti mangtakaw iti pada da a tao ket ilakoda a kas adipen, tapno mangtengngel kadagiti ulbod ken palso a saksi iti pangukoman ti linteg, ken tapno mangpasardengen iti aniaman a naisupadi manipud iti nasayaat ken naimbag a sursurotayo.
\v 11 Amin dagitoy ket kumanunong iti nakaskasdaaw a naimbag a damag, a ti Dios, nga isu a daydayawentayo, insuronatayo, ken nagtalek kaniak nga iwaragawagko kadagiti dadduma.

\s5
\v 12 Agyamanak ken Cristo Jesus nga Apotayo, gapu ta inikkannak iti pigsa nga agserbi kenkuana. Mangnamnama met isuna kaniak nga agserbiak kenkuana.
\v 13 Kadagiti napalabas a tiempo, linalaisko ken indadanesko dagiti namati. Nagaramidak kadagiti nararanggas nga ar-aramid, ngem adda iti kaasi ti Dios kaniak gapu ta saanak a namati, ken saanko nga ammo ti inar-aramidko.
\v 14 Nalaos unay ti kinaimbag ti Dios kaniak, ta inikkannak iti kabaelan a mamati kenni Cristo Jesus ken ayatek isuna gapu ta intiponnak kenkuana.

\s5
\v 15 Masapul nga awaten ti tunggal maysa daytoy a kinapudno, gapu ta mabalin a naan-anay a pagtalkantayo: Immay ni Jesu-Cristo ditoy lubong a mangisalakan kadagiti managbasol. Pudno a siak ti kadadaksan iti amin a managbasol.
\v 16 Ngem gapu ta siak ti kadadaksan a managbasol, naasi ti Dios kaniak sakbay kadagiti dadduma, tapno iti kasta makitada no kasano ti kinaanusna. Siaanus ti Dios nga agur-uray a mangipaay iti biag nga agnanayon kadagiti tattao a mamatinto kenkuana.
\v 17 Saan a makita ti agnanayon nga ari, ken saan isuna a matay. Isuna laeng ti Dios. Isuna laeng ti dayawen ken itan-okto ti tunggal maysa iti agnanayon ken awan patinggana. Amen.

\s5
\v 18 Timoteo, anakko, bilinenka: laglagipem dagiti impadto dagiti a namati maipapan kenka. Aramidem daytoy tapno iti kasta ket maaramidmo dagidiay a banbanag bayat iti panangigaedmo nga agtrabaho para iti Apo.
\v 19 Agtalekka iti Dios ken pagtalinaedem a nasayaat ti konsensiam. Saan nga impangag dagiti dadduma a tattao dagiti bukodda a konsensia. Isu a ti napasamak iti pammatida ket saan a nasayaat.
\v 20 Dagiti dua a lallaki a ni Himeneo ken ni Alejandro ket kas iti daytoy. Impaimak idan kenni Satanas tapno iti kasta ket rautenna ida, tapno masursuroda a saan a laisen ti Dios.

\s5
\c 2
\p
\v 1 Iti kapapatgan unay, gapu ta nakaam-amak dagiti palso a manursuro, allukoyek amin dagiti namati nga agdawat iti Dios ken agkararag kenkuana a tulunganna amin a tattao, ken pagyamananda isuna gapu kadakuada.
\v 2 Ikararaganyo dagiti ar-ari ken dagiti amin nga addaan turay kadagiti dadduma, tapno mabalinantayo ti agbiag a naulimek ken natalna, iti wagas a mapadayawantayo ti Dios ken dagiti dadduma a tattao.
\v 3 Ti Dios a mangisalakan kadatayo, dumdumngeg kadatayo no agkararagtayo a kas iti daytoy. Ibilbilangna a nasayaat daytoy.
\v 4 Kayatna nga isalakan ti tunggal maysa. Kayatna a masursuro ti tunggal maysa no ania ti pudno maipanggep kenkuana.

\s5
\v 5 Daytoy ti kinapudno, nga adda maysa a Dios, ken adda laeng iti maymaysa a tao a mamagbalin kadatayo a maikari kenkuana. Isu ni Cristo Jesus, ti lalaki, isu daytoy a maysa a tao.
\v 6 Iti bukodna a pagayatan, natay isuna tapno mawayawayaan ti amin a tao. Impalubos ti Dios a mapasamak daytoy iti tiempo a pinilina. Ipakpakita daytoy a kayatna nga isalakan ti tunggal maysa.
\v 7 Tapno ipakaammo daytoy a kinapudno, pinagbalinnak ti Dios a mensahero ken apostol. Ibagbagak ti kinapudno; Saanak nga agul-ulbod. Isursurok kadagiti Hentil dagiti banbanag a rumbeng a pudno a patienda.

\s5
\v 8 Ngarud, kayatko a dagiti lallaki iti amin a disso ket agkararag ken ingatoda dagiti imada iti Dios iti wagas nga awatenna. Saan koma nga agkararag dagiti namati tapno ipakitada iti panagpungtot ken dua-dua maipanggep iti Dios.
\v 9 Kayatko met a naannad koma dagiti babbai iti panagkawkawesda. Masapul nga agparbengda tapno saanda nga agkawes a kasla ipaspasindayagda ti bagbagida iti sabali. Imbes a nasallapid ti buokda, naarkosanda iti balitok ken perlas, wenno nakakawesda iti nangina,
\v 10 agkawesda koma iti umno a para kadagiti babbai nga agar-aramid kadagiti nasayaat nga ar-aramid ken agkunkuna a daydayawenda ti Dios.

\s5
\v 11 No agisursuro dagiti lallaki kadagiti namati, masapul a siuulimek nga agdengngeg dagiti babbai ken saanda nga agsaludsod maipanggep iti nangngegda.
\v 12 Saanko nga ipalubos nga agisuro dagiti babbai wenno diktaranda dagiti lallaki. Naulimek dagiti babbai nga agraem iti Dios no umay agadal dagiti namati.

\s5
\v 13 Ta immuna a naparsua ni Adan, ket simmaruno ni Eba kenkuana.
\v 14 Ken saan a ni Adan ti inallilaw ti uleg. Ti babai ti naan-anay nga inallilawna, isu a nagbasol isuna.
\v 15 Ngem pagtalinaedento ti Dios a natalged ti babai iti panagpasngay ken panangpadakkelda kadagiti ubbing, no itultuloyda ti mamati iti Dios, ayatenda isuna, agbiagda iti wagas a makaay-ayo kenkuana, ken nasiribda iti panagpanpanunotda.

\s5
\c 3
\p
\v 1 Masapul nga adda panagtalekyo iti ibagak kadakayo ditoy: No adda ti agtarigagay la unay a mangaywan kadagiti namati, kayatna a mangaramid iti maysa a banag a kasayaatan.
\v 2 Nupay kasta, iti dayta a makagapu, ti maysa a obispo ket masapul nga awan pulos iti naipabasol kenkuana nga aniaman a dakes a banag. Masapul a maysa laeng ti asawana. Masapul a saan nga agaramid iti aniaman a banag a nalabes; masapul a nasirib ti wagas a panagpanpanunotna. Masapul a nasingpet isuna, masapul a managpasangbay kadagiti gangannaet. Masapul a kabaelanna iti mangisuro iti sabali.
\v 3 Masapul a saan a mammartek ken saan a mannaki-apa. Ngem ketdi, masapul a naanus ken mannakikappia kadagiti sabali. Ken masapul nga saan a naagum iti kuarta.

\s5
\v 4 Masapul a matengngelna a nasayaat dagiti tattao iti bukodna a pagtaengan. Dagiti annakna ket masapul nga agtulnogda kenkuana nga addaan panagraem.
\v 5 Ibagbagak daytoy gapu ta no ti tao ket saanna nga ammo no kasanona a tenglen dagiti tattao iti bukodna a balay, kasanona a maaywanan ti bunggoy dagiti tattao ti Dios?

\s5
\v 6 Ti barbaro a namati ket saan a rumbeng nga agbalin nga obispo, gapu ta mabalin a panunotenna a nalalaing isuna ngem iti sabali a tao. No mapasamak dayta, dusaento ti Dios isuna a kas iti panangdusana iti diablo.
\v 7 Dagiti adda iti ruar iti iglesia ket masapul met a nasayaat ti pannakaam-ammoda kenkuana. Ta no saan maibabain isuna ken guyugoyen isuna ti diablo nga agbasol.

\s5
\v 8 Iti kasta met laeng a wagas, dagiti diakono ket masapul a mararaem a tattao. Masapul a napudnoda no agsasaoda. Masapul a saanda a managinom iti arak ken masapul a saanda a naagum iti kuarta.
\v 9 Masapul a mamatida kadagiti pudno a banbanag nga imbaga ti Dios kadatayo, ken kasta met nga ammoda no ania ti rumbeng, ken ar-aramidenda dayta.
\v 10 Ammoenyo nga umuna no adda dagitoy a kababalin kadakuada, ket kalpasanna pillienyo ida nga agserbi gapu ta awan ti pakapilawanda.

\s5
\v 11 Iti kasta met laeng a wagas, masapul a raraemen met ti dadduma a tattao dagiti assawa dagiti diakono. Masapul a saan nga agibagbaga dagiti assawada iti dinadakes maipanggep iti sabali a tao. Masapul a saanda nga agaramid iti banag a nalabes, ken masapul a napudnoda iti amin a banbanag nga aramidenda.
\v 12 Masapul a maysa laeng iti asawa ti diakono ken masapul a matengngelna a nasayaat dagiti annakna ken dagiti sanikuana.
\v 13 Dagiti nasayaat a diakono ket lallaki a raraemen unay dagiti dadduma a namati. Ket dakkel la unay ti panagtalekda kenni Cristo Jesus.

\s5
\v 14 Iti panangisuratko kadagitoy a banbanag kenka, namnamaek a makaumayak kenka iti mabiit.
\v 15 Ngem no saanak a makaumay iti mabiit, nagsuratak kenka ita tapno ammom no kasanoka nga agtignay iti pamilia ti Dios, nga isu ti bunggoy dagiti namati iti Dios, nga ius a mangmangted biag iti amin a banbanag. Daytoy dagiti mangisursuro iti kinapudno ken mangpaneknek a daytoy ket pudno.

\s5
\v 16 Ket ibagbagatayo amin a ti kinapudno nga impakaammo kadatayo ti Dios ket naindaklan la unay, ket padpadayawantayo isuna gapu iti dayta: "Ni Cristo ket Dios a nagparang a kas tao. Pinaneknekan ti Espiritu Santo nga isuna ket pudno. Nakita dagiti anghel isuna. Inwaragawag dagiti namati isuna kadagiti pagpagilian. Namati kenkuana dagiti tattao iti adu a paset ti lubong. Impangato ti Dios isuna iti ayanna ket intedna kenkuana ti pannakabalinna."

\s5
\c 4
\p
\v 1 Ita, nalawag a kinuna ti Espiritu a kadagiti maud-udi a tiempo, agsardengto a mamati dagiti dadduma a tattao iti kinapudno maipapan kenni Cristo, ken ipangagda dagiti espiritu a mangal-allilaw kadagiti namati ken dagiti demonio a mangisursuro iti inuulbod a banbanag.
\v 2 Mangibaganto dagitoy a tattao iti maysa a banag ngem agaramidda met iti aniaman a dakes a banag a kayatda, a kasla pinuuran ken dinadael ti napudot a landok dagiti panunotda.

\s5
\v 3 Padasendanto a lappedan a makiasawa dagiti namati. Paritandanto ida a mangan kadagiti dadduma a banbanag, uray pay pinarsua ti Dios dagitoy tapno dagiti namati a makaammo iti kinapudno ket maibingayda iti tunggal maysa dagitoy bayat a pagyamyamanda dagitoy iti Dios.
\v 4 Ibagbagak dagitoy gapu ta tunggal banag nga inaramid ti Dios ket nasayaat. Awan ti ilaksidtayo a naawattayo manipud iti Dios bayat a pagyamyamanantayo daytoy kenkuana.
\v 5 Ta babaen iti panagkararag iti Dios ken babaen iti panamati iti Saona, inlasintayo daytoy para kenkuana.

\s5
\v 6 No itultuloymo nga ibaga daytoy a kinapudno kadagiti kakabsat a lallaki ken babbai, agbalinka a nasayaat nga adipen ni Jesu-Cristo. Nasayaatto ti panagserbim kenkuana, gapu ta pabpabilgennaka ti mensahe a pinatitayo, kasta met a mapabpabilegka gapu kadagiti nasayaat a banbanag nga insuro ti Dios kenka nga isu a sinurotmo.
\v 7 Ngem saanmo a denggen dagiti banbanag nga awan kaipapananna ken dagiti istoria a dagiti laeng nataengan a babbai ti mangibagbaga. Ngem ketdi, iruammo ta bagim a mangpadayaw iti Dios.
\v 8 Ti panag-ehersisyo ket bassit laeng ti maitulongna, ngem no padayawam ti Dios, matulongannaka daytoy iti amin banag iti panagbiagmo ita ditoy daga ken iti panagbiagmo iti masangoanan a kaduam ti Dios.

\s5
\v 9 Ti kaisursuratko ket banag a mabalinmo a pangnamnamaan. Daytoy ket maikari unay a patien.
\v 10 Ta daytoy ti makagapu nga igagaedtayo ti agtrabaho, nga agingga a kabaelantayo, gapu ta ti namnamatayo ket adda iti sibibiag a Dios, ti mangisalakan iti amin a tattao, ngem nangnangruna a mangisalakan kadagidiay namati.

\s5
\v 11 Iwaragag ken isurom dagitoy a banbanag kadagiti namati.
\v 12 Saanmo nga ipalubos nga ibaga ti siasinoman nga awan ti serserbim gapu ta ubingka. Ngem ketdi, ipakitam kadagiti dadduma a namati no kasano ti rumbeng a panagbiag. Ipakitam kadakuada daytoy babaen iti panagsaom, babaen iti panagbiagmo, babaen iti panagayatmo, babaen iti panagtalekmo iti Dios, ken no kasanom a likliklikan ti panagaramid iti dakes.
\v 13 Inggana nga umayak kenka, siguradoem nga ibasa dagiti Sao ti Dios kadagiti namati iti kaaduan ti tao, ken ilawlawagmo dayta a Sao ti Dios ken isurom kadagiti namati.

\s5
\v 14 Siguradoem nga usarem ti sagut nga adda kenka, ti inted ti Dios kenka idi impatay dagiti panglakayen dagiti imada ken idi imbagada dagiti mensahe ti Dios kenka.
\v 15 Siguradoem nga aramidem amin dagitoy a banbanag ken agbiagka a mayannurot kadagitoy. Iti daytoy a wagas, makitanto amin dagiti namati nga ad-adda pay a sumaysayaat ti panangaramidmo kadagitoy.
\v 16 Annadam ti panagtignaymo ken aramidem ti tunggal banag nga isursurotayo. Itultuloymo nga aramiden dagitoy a banbanag. No kasta ti aramidem, maisalakanmonto ti bagim ken dagiti tattao a dumngeg kenka.

\s5
\c 5
\p
\v 1 Saanka nga agsarita iti makapasakit iti natataengan ngem sika. Ngem ketdi, pabilegem isuna a kasla isu ket amam. Kastoy met laeng ti aramidem kadagiti ub-ubing a lallaki, a kasla isuda ket kakabsatmo.
\v 2 Pabilegem dagiti natataengan a babbai a kas inna, ken dagiti ub-ubing a babbai ngem sika a kasla isuda ket kakabsatmo. Makilangenka kadakuada iti wagas nga awan ti uray siasino a mangdillaw.

\s5
\v 3 Raemem dagiti balo no pudno nga isuda ket balo.
\v 4 Ngem no iti balo ket addaan iti annak wenno appoko, rumbeng dayawen dagitoy ti inada iti pagtaenganda ken subadanda isuna iti tunggal banag nga inaramidna a maipaay kadakuada. No aramidenda daytoy, maay-ayonto ti Dios kadakuada.

\s5
\v 5 Ita, ti pudno a balo ket maysa a balo nga awan pamiliana. Isu a mangnamnama isuna iti Dios ken iti itedna kenkuana tunggal dumawat isuna kenkuana ken agkararag kenkuana iti algmalem ken agpatnag.
\v 6 Ngem ti balo nga agbibiag iti pakaragsakan ti bagina ket natay, uray pay sibibiag pay laeng isuna.

\s5
\v 7 Masapul nga ipakaammoyo dagitoy a banbanag tapno dagitoy a balo ken dagiti pamiliada ket saandanto nga agaramid iti aniaman a biddut.
\v 8 Ngem siasinoman a saan a mangpadas a mangtulong kadagiti bukodna a kakabagian, nangnangruna kadagiti agnanaed iti bukodna a balay, saan nga inaklon dayta a tao ti patpatientayo. Ti kinapudnona, nadakdakes pay isuna ngem ti saan a namati.

\s5
\v 9 Ilistam ti babai iti listaan dagiti pudno a balo no isuna ket agtawen iti nasursurok ngem innem a pulo. Masapul a naaddaan laeng isuna iti maymaysa nga asawa, a nagbalinanna a napudno.
\v 10 Masapul nga am-ammo isuna dagiti tattao nga ket agar-aramid kadagiti nasayaat nga aramid: mabalin nga agay-aywan kadagiti ubbing; mabalin a managpasangbay kadagiti gangannaet; mabalin a managtulong kadagiti namati wenno kadagiti tattao nga agsagsagaba; wenno mabalin a mabigbigbig isuna gapu kadagiti agduduma a nasayaat a banbanag nga ar-armidenna.

\s5
\v 11 Ngem saanmo nga ikabil dagiti ub-ubing a balo iti listaan dagiti balo, gapu ta masansan a kayatda ti mangasawa manen no agbaliw dagiti panunotda ken un-unaenda ti panangasawa ngem ni Cristo.
\v 12 No aramidenda daytoy, agbasolda gapu iti panagbabawida iti karida nga agtalinaed a balo.
\v 13 Kasta met a mamalaybalayda ken mairuamda nga awan ti ar-aramidenda. Makipagpasetda pay kadagiti minamaag ken awan kaes-eskanna nga aramid ken agsaritada kadagiti banbanag a saan a rumbeng nga isaodda.

\s5
\v 14 Isunga kaykayatko nga agasawa dagiti ub-ubing a balo, maaddaanda iti annak, ken asikasuenda dagiti pagtaenganda, tapno ni Satanas, ti kabusor, ket awan ti gundawayna a mangpabasol kadakuada nga agar-armidda iti dakes.
\v 15 Isursuratko dagitoy a banbanag gapu ta pinanawanen dagiti dadduma nga ub-ubing a balo ti wagas ni Cristo a sinurutdan ni Satanas.
\v 16 No adda namati a babai nga addaan iti kakabagian a balo, tulunganna koma ida, tapno saan nga agbalin a padagsen iti iglesia dagidiay a balo. Ket iti kastoy a wagas, matulungan ti iglesia dagiti pudno a balo.

\s5
\v 17 Doble koma ti panagraem dagiti namati kadagiti panglakayen a mangidadaulo kadakuada a nasayaat, ken kangrunaanna kadagiti panglakayen a mangikaskasaba ken maangisursuro iti Sao ti Dios.
\v 18 Ta kinuna iti Nasantoan a Surat, "Saan mo a mabalin a pasardengen ti baka a mangan kadagiti bukel nga ir-irikenna," ken "Ti trabahador ket maikari a mangala iti tangdanna."

\s5
\v 19 Saanka a dumngeg iti siasinoman a mangpabasol iti maysa a panglakayen, a daytoy ket nakaaramid biddut, malaksid no panpaneknekan iti dua wenno tallo a tao ti maipapan iti daytoy a banag.
\v 20 Kadagiti agtultuloy nga agbasol, ilintegmo ida iti disso a makitkitadaka ti tunggal maysa, tapno mabutengto nga agbasol dagiti dadduma a tattao.

\s5
\v 21 Makitkitanak ti Dios, ni Jesu-Cristo ken dagiti napili nga anghel bayat iti sipapasnek a panangibilinko kenka nga aramidem dagitoy a banbanag. Siguradoem a saanmo nga ukomen ti siasinoman sakbay iti umno a panangukommo. Siguradoem a saanka a mangidumduma no kasta nga idalanmo dagiti namati.
\v 22 No kayatmo a ti maysa ket mangrugi nga agserbi kadagiti namati, saanka nga agapura a mangngeddeng, tapno saan a nasapa unay ti panangpilim kadakuada. Ken saanka a makikadua iti siasinoman iti panagbasol. Masapul a pagtalinaedem ti bagim a saan nga agbasol.

\s5
\v 23 Saan laengen a danum ti inomem, Timoteo. Ngem ketdi, uminomka met iti sangkabassit nga arak para kadagiti nagadu a saksakit ti tianmo.
\v 24 Nalawag iti tunggal maysa ti basol dagiti dadduma a tattao, ken saan a masapul ti iglesia ti adu a tiempo a mangukom kadakuada. Ngem adda dagiti basol a maud-udi a maduktalan ti iglesia.
\v 25 Iti kastoy met laeng a wagas, adda dagiti nasasayaat nga aramid a nalawag iti tunggal maysa, ngem dagiti dadduma a nasasayaat nga aramid ket maammoan laeng iti sumangbay a tiempo iti masakbayan.

\s5
\c 6
\p
\v 1 No maipapan met kadagiti namati a tagabu, rumbeng a raemenda dagiti amoda ti amin a wagas, tapno iti kasta, awanto ti manglais iti Dios wenno iti isursurotayo.
\v 2 Kadagiti tagabu nga addaan kadagiti namati nga amo ket rumbeng a raemenda ida nga awan kurangna, ta agkakabsatda. Ket masapul nga agserbida kadagiti amoda iti nasaysayaat pay, gapu ta dagiti amo a pagserserbianda ket kakabsatda a rumbeng nga ayatenda. Isurom ken ipakaammom dagitoy a banbanag kadagiti namati.

\s5
\v 3 No adda dagiti tattao a mangisuro kadagiti palso a doktrina a saan a maiyannatup iti mapagtalkan ken pudno a sursuro ni Apotayo a Jesu-Cristo,
\v 4 dayta a tao ket napannakkel unay ken saanna a maawatan ti aniaman a banag. Kaykayatda ti makisinnuppiat maipapan kadagiti awan serserbina a banbanag ken maipanggep kadagiti dadduma a sasao, ket dagiti tao a dumngeg kaduada ket umapal iti sabali. Makiapada ken agaapada. Agsaoda iti dakes maipapan kadagiti sabali. Atapenda nga adda dakes a panggep dagiti sabali.
\v 5 Ti panagpanunotda ket nagbalin a naan-anay a biddut gapu ta inlaksidda dagiti pudno a banbanag. Ket gapu iti dayta, nagbiddutda iti pinanunotda a babaen iti panangar-aramidda iti nadiosan a banbanag ket makaurnongda iti adu a kuarta.

\s5
\v 6 Kinapudnona, agpayso a makagun-odtayo iti dakkel a gunguna no agbiagtayo iti wagas a pakaidayawan ti Dios, ken no mapnektayon iti adda kadatayo.
\v 7 Kinapudnona, awan intugot tayo ditoy lubong idi naiyanak tayo, ken awan iti mabalin nga alaentayo inton matay tayo.
\v 8 Isu a no adda taraon ken pagan-anaytayo, rumbeng a mapnektayon kadagitoy.

\s5
\v 9 Ngem adda dagiti dadduma a tattao a kasta la unay ti panagkalikagumda a bumaknang. Ket gapu iti dayta, makaaramidda iti saan a nasayaat a banbanag tapno laeng makakuartada, ket daytoyto ti makagapu a matiliwda a kas kadagiti ayup a matiliw iti palab-og. Minamaag a tarigagayanda dagiti adu a banbanag, isu a mapasakitanda. Naan-anayto ti panangdadael ti Dios kadakuada!
\v 10 Aramiden dagiti tattao ti amin a kita ti kinadakes no kayatda ti maaddaan iti adu a kuarta. Gapu ta kalikaguman ti dadduma a tattao ti kuarta, insardengdan a patien ti kinapudno nga isu a patpatientayo amin ket panagladladingitda iti kasta unay dagiti bagbagida.

\s5
\v 11 Ngem sika, a tao nga agserserbi iti Dios, liklikam ti kasta unay a panangayat iti kuarta. Ikeddengmo nga aramidem no ania ti nalinteg, ken padayaweam ti Dios. Agtalekka iti Dios, ken ayatem ti sabali. Ibturam dagiti narigat a kasasaad. Kanayon koma a naalumamayka kadagiti tattao.
\v 12 Ikagumaam ken iti amin a pigsam nga agbiag a mayannatup iti pinatim. Itultuloymo nga aramiden dagiti trabahom tapno iti kasta ket awan duadua a maammoam nga agbiagka iti agnanayon. Laglagipem a pinilinaka ti Dios a makipagbiag kenkuana, ken idi agdengdengngeg kenka dagiti panglakayen, impaganetgetmo no ania ti pinatim.

\s5
\v 13 Ti Dios, a mangmangted biag iti amin a banbanag, ammona ti amin nga ar-aramidem. Uray ni Jesu-Cristo, ammona met amin nga ar-aramidem. Kasta la unay ti panangiwaragawagna iti kinapudno idi maus-usig isuna iti sangoanan ni Pontio Pilato.
\v 14 Isu nga iti pananglagipmo kadagidiay a banbanag, ibilinko kenka a salimetmetam ti imbilin ni Cristo kadatayo. Aramidem dagidiay a sursuro iti wagas a saannaka a mababalaw ni Apotayo a Jesu-Cristo maipapan iti saan nga umno, agingga iti panagsublina manen.

\s5
\v 15 Laglagipem a paumayento manen iti Dios ni Jesus iti umiso a tiempo. Ti Dios ket nakakaskasdaaw! Isuna laeng iti Turay! Iturayanna ti amin a tattao a mangiturturay.
\v 16 Isuna laeng ti saan a pulos a matay, ken agnanaed isuna idiay langit iti naraniag unay ti silaw nga awan makaasideg! Isuna ti saan pay a nakita it uray siasino ken awan siasinoman a makabael a kumita kenkuana! Iti tarigagayko ket agdayaw kenkuana ti amin a tao ken sibibileg isuna nga agturay iti agnanayon. Matungpal koma daytoy!

\s5
\v 17 Ibagam kadagiti nabaknang a namati nga adda iti daytoy agdama a lubong a saanda koma a napannakkel, ken saanda koma nga agtalek kadagiti adu a sanikuada, gapu ta saanda nga ammo no agingga kaano a matagikuada dagitoy. Ngem ketdi, masapul nga agtalekda iti Dios. Isuna ti mangmangted kadatayo iti aglaplapusanan a banbanag tapno ragragsakentayo.
\v 18 Kasta met, ibagam nga aramidenda dagiti nasayaat a banbanag. Dagitoy ti pudno a kinabaknang. Kinapudnona, masapul a sibubuslon nga ibingayda kadagiti sabali ti adda kadakuada.
\v 19 No aramidenda dayta, kasladanto agur-urnong para kadagiti bagida iti adu a banbanag nga itedto ti Dios kadakuada. No aramidenda daytoy, matagikuadanto ti biag nga isu iti pudpudno a biag.

\s5
\v 20 Timoteo, sipupudno nga ikasabam ti pudno a mensahe nga inted ni Jesus kenka. Liklikam dagiti tattao a kaykayatda a pagtutungtungan dagiti banbanag nga awan serserbina iti Dios. Liklikam dagiti tattao a mangibagbaga nga addaanda iti pudno a pannaka-ammo ngem agsasaoda met kadagiti banbanag a maisuppiat iti pudno a banbanag nga isursurotayo.
\v 21 Adda dagiti lallaki nga agisursuro kadagitoy a banbanag ket insardengdan a mamati iti kinapudno. Naimbag koma ti Dios kadakayo amin.