See in Reader
866 lines
103 KiB
Plaintext
866 lines
103 KiB
Plaintext
\id ROM
|
|
\ide UTF-8
|
|
\h Taga-Roma
|
|
\toc1 Taga-Roma
|
|
\toc2 Taga-Roma
|
|
\toc3 rom
|
|
\mt Taga-Roma
|
|
|
|
\s5
|
|
\c 1
|
|
\p
|
|
\v 1 Siak ni Pablo, nga agserserbi kenni Cristo-Jesus, isursuratko daytoy a surat kadakayo amin a namati dita siudad ti Roma. Pinilinak ti Dios nga agbalin nga apostol, ken dinutokannak tapno iwaragawagko ti naimbag a damag nga aggapu kenkuana.
|
|
\v 2 Nabayagen sakbay pay nga immay ni Jesus ditoy daga, inkari ti Dios nga ipakaammona daytoy naimbag a damag babaen kadagiti insurat dagiti propetana kadagiti Nasantoan a Sursurat.
|
|
\v 3 Daytoy a naimbag a damag ket maipapan iti Anakna. No maipapan iti napisikalan a kinatao ti Anakna, naipasngay isuna iti kaputotan ni Ari David.
|
|
|
|
\s5
|
|
\v 4 No maipapan iti nadiosan a kinasiasinona, sibibileg a naipakita nga Anak ti Dios isuna. Impakita ti Dios daytoy idi pinagungar isuna ti Espiritu Santona kalpasan ti pannakatayna. Isuna ni Jesu-Cristo nga Apotayo.
|
|
\v 5 Impakitana kadatayo ti dakkel a kinaimbag ken dinutokannatayo nga agbalin nga apostol. Inaramidna dayta tapno adu kadagiti bunggoy dagiti saan a Judio ti mamati ken agtulnog koma kenkuana.
|
|
\v 6 Nairamankayo a namati nga agnanaed dita Roma kadagiti pinili ti Dios nga agbalin a kukua ni Jesu- Cristo.
|
|
|
|
\s5
|
|
\v 7 Isursuratko daytoy a surat kadakayo amin nga ay-ayaten ti Dios ken pinilina nga agbalin a tattaona. Ikarkararagko nga agtultuloy nga agtignay a siimbag ti Dios nga Amatayo ken ni Apotayo a ni Jesu-Cristo ken mangmangted kapia kadakayo.
|
|
|
|
\s5
|
|
\v 8 Iti panagrugik iti daytoy a surat, agyamanak ti Diosko gapu kadakayo amin a namati dita Roma. Daytoy ket gapu iti inaramid ni Jesu-Cristo kadatayo a kabaelak nga aramiden dayta. Agyamanak kenkuana gapu ta agdindinamag iti entero nga Imperio ti Roma ti panagtaltalekyo iti Dios.
|
|
\v 9 Ti Dios, a sipapasnek a pagserserbiak kas iwarwaragawagko kadagiti tattao ti naimbag a damag maipapan iti Anakna ket ammona nga ibagbagak ti kinapudno no ibagak a kankanayonkayo a dakdakamaten tunggal agkararagak iti Dios.
|
|
\v 10 Nangnangruna a kidkiddawek iti Dios a no pagayatanna a sarungkarankayo, kabaelak met laengen nga aramiden dayta uray no kaskasano.
|
|
|
|
\s5
|
|
\v 11 Ikarkararagko daytoy gapu ta kalkalikagumak unay a sarungkarankayo tapno tulongankayo nga ad-adda koma pay nga agtalek ken agraemkayo kenni Cristo.
|
|
\v 12 Ti kayatko a sawen ket agpipinnabilegtayo babaen iti panangibagatayo no kasanotayo nga agtaltalek kenni Jesus.
|
|
|
|
\s5
|
|
\v 13 Kakaduak a namati, adun a daras a pinanggepko a sarungkarankayo. Kayatko unay a maammoanyo dayta. Ngem saanak a nakaumay kadakayo gapu ta adda ti kankanayon a manglaplapped kaniak. Kayatko ti umay tapno ad-adu pay koma kadakayo ti agtalek kenni Jesus, kas iti dadduma a luglugar kadagiti saan a Judio.
|
|
\v 14 Mariknak a masapul nga ikasabak ti naimbag a damag kadagiti amin a saan a Judio, kadagiti agsasao iti Griego ken kadagiti saan, kadagiti nakaadal ken saan.
|
|
\v 15 Kas pagbanaganna, ti sigagagar a tinarigagayak ket maiwaragawagko koma daytoy naimbag a damag kadakayo nga agnanaed met dita Roma.
|
|
|
|
\s5
|
|
\v 16 Sitatalekak unay a mangiwaragawag iti naimbag a damag maipapan iti naaramidan ni Cristo, gapu ta daytoy naimbag a damag ti nabileg a wagas a panangisalakan ti Dios kadagiti amin a tattao nga agtaltalek iti naaramidan ni Cristo kadakuada. Kas koma iti daytoy, umuna nga isalakan ti Dios dagiti Judio a mamati iti naimbag a damag, ket kalpasanna isalakanna dagiti saan a Judio.
|
|
\v 17 Babaen iti daytoy naimbag a damag, ipakpakaammo ti Dios no kasanona a palintegen dagiti tattao. Daytoy ket kas iti insurat ti maysa a profeta iti Nasantoan a Surat, nabayagen a panawen ti naglabas: "Agbiagto dagiti palintegen ti Dios gapu ta agtaltalekda kenkuana."
|
|
|
|
\s5
|
|
\v 18 Inlawlawag ti Dios nga adda idiay langit a naunget isuna kadagiti awanan panagraem kenkuana ken dagiti agar-aramid kadagiti nadangkes a banbanag. Ipakpakitana kadakuada a maikarida a dusaenna ida. Gapu ta agar-aramidda kadagiti nadangkes a banbanag, laplappedanda met dagiti dadduma a tattao nga ammoen ti pudno maipanggep iti Dios.
|
|
\v 19 Maammoan a silalawag dagiti amin a saan a Judio ti kinasiasino ti Dios, gapu ta ti Dios mismo ti nangipakaammo iti daytoy iti tunggal maysa.
|
|
|
|
\s5
|
|
\v 20 Pudno a saan a makita dagiti tattao ti kinasiasino ti Dios. Ngem sipud pay idi pinarsuana ti lubong, impakaawat dagiti babanbanag nga adda ditoy ti maipanggep kenkuana—kas pangarigan, kankanayon a kabaelanna nga agaramid kadagiti nabileg a banbanag. Maysa pay a pangiyarigan ket ammo ti amin a naan-anay a naidumduma isuna manipud kadagiti amin a pinarsuana. Isu nga awan ti sipupudno a makaibaga, "Saanmi pulos a naammoan ti maipanggep iti Dios."
|
|
\v 21 Uray no naammoan dagiti saan a Judio ti kinasiasino iti Dios, saanda a dinayaw isuna a kas Dios, wenno saanda a nagyaman kenkuana gapu kadagiti banbanag a naaramidanna. Ngem ketdi, rinugianda ti agpanunot kadagiti minamaag a banbanag maipanggep kenkuana, ket saandan a maawatan ti kayatna a maammoanda maipanggep kenkuana.
|
|
|
|
\s5
|
|
\v 22 Uray no ibagbagada a masiribda, nagbalinda a maag,
|
|
\v 23 ken saanda a kayat a patien a natan-ok ti Dios ken saanto pulos a matay. Ngem ketdi, nangaramid ken dinaydayawda dagiti didiosen a kalanglanga dagiti tattao a matayto met laeng, ken nangaramidda kadagiti sabali a didiosen a kalanglanga dagiti billit ken dagiti uppat ti sakana nga ayup, ken dagiti agkarkarayam nga ayup.
|
|
|
|
\s5
|
|
\v 24 Isu a pinalubosan ti Dios dagiti saan a Judio nga agaramid kadagiti naderrep a banbanag a tinartarigagayanda unay, banbanag nga impagarupda a masapul nga aramidenda, agsipud ta kaykayatda la unay nga aramiden dagitoy. Kas pagbanaganna, nangrugida metten a saan nga agraem kadagiti bagi iti tunggal maysa babaen kadagiti naderrep a tigtignayda.
|
|
\v 25 Kasta met, pinilida ti agdayaw kadagiti palso a dios imbes a bigbigenda ti pudno maipanggep iti Dios. Dinaydayawda dagiti banbanag a pinarsua ti Dios imbes nga isuna koma ti daydayawenda, ti nangparsua kadagiti amin a banbanag, ti masapul a daydawawentayo amin iti agnanayon! Amen.
|
|
|
|
\s5
|
|
\v 26 Isu a pinalubosan ti Dios dagiti saan a Judio nga agaramid kadagiti nakababain a naderrep a banbanag a tinartarigagayanda unay. Kas nagbanaganna, adu a babbai ti nangrugin a makikaidda iti padada a babbai—maysa a banag a saan a maiyannatop iti gagangayna.
|
|
\v 27 Kasta met, adu a lallaki ti nagsardeng ti gagangay a pannakirelasyonda ken pannakikaiddada kadagiti babbai. Ngem ketdi, nakikaiddada kadagiti padada a lallaki—maysa a banag a nakababain nga aramiden. Nagaramidda kadagiti naderrep a banbanag kadagiti padada a lallaki, ar-aramid a nakababain. Kas nagbanaganna, dinusa ida ti Dios babaen kadagiti saksakit kadagiti bagbagida, nga isu iti maikari kadakuada.
|
|
|
|
\s5
|
|
\v 28 Maysa pay, gapu ta inkeddengda nga awan mamaayna nga ammoen ti Dios, pinalubosanna dagiti awan serserbi a panpanunotda a siaanay a mangtengngel kadakuada. Kas nagbanaganna, rinugianda ti nagar-aramid kadagiti dakes a banbanag nga awan koma ti mangaramid.
|
|
|
|
\s5
|
|
\v 29 Tarigagayanda unay ti agaramid kadagiti amin a kita iti saan a nalinteg nga ar-aramid. Tarigagayanda unay ti agaramid kadagiti amin a kita iti agkakadakes a banbanag kadagiti dadduma. Tarigagayanda unay ti agala kadagiti banbanag a kukua dagiti dadduma. Tarigagayanda unay a dangran dagiti dadduma iti nadumaduma a wagas. Adu dagiti kankanayon a mangap-apal kadagiti dadduma a tattao. Adu dagiti kankanayon nga agtartarigagay a pumatay. Adu dagiti kankanayon nga agtartarigagay nga agaramid kadagiti pagsisinnupiatan ken pagaapaan kadagiti tattao. Adu dagiti kankanayon nga agtartarigagay a mangallilaw kadagiti dadduma. Adu dagiti kankanayon nga agtartarigagay nga agsao a sigugura maipanggep kadagiti dadduma.
|
|
\v 30 Adu dagiti agibagbaga kadagiti agkakadakes a banbanag maipanggep kadagiti dadduma. Adu dagiti mangpadpadakes kadagiti dadduma. Adu dagiti agtigtignay a sigugura iti Dios. Adu dagiti agtigtignay a siraranggas kadagiti dadduma. Adu dagiti mangtagibassit kadagiti dadduma. Adu dagiti mangipangas iti bagbagida kadagiti dadduma. Adu dagiti agaramid kadagiti baro a wagas tapno makaaramidda kadagiti agkakadakes nga ar-aramid. Adu nga ubbing ti agsuksukir kadagiti nagannakda.
|
|
\v 31 Adu dagiti agtigtignay kadagiti dadduma a minamaag a wagas a mangpasakit iti Dios. Adu dagiti saan nga agtungtungpal kadagiti inkarida kadagiti dadduma nga aramidenda. Adu dagiti saan nga agayat uray pay kadagiti kamkameng iti pamiliada. Ken adu dagiti saan a naasi kadagiti dadduma a tattao.
|
|
|
|
\s5
|
|
\v 32 Uray no ammoda nga impablaak ti Dios a maikari a mapapatay dagiti agar-aramid kadagiti kasta a banbanag, saanda laeng nga ar-aramiden dagitoy a kita ti agkakadakes a banbanag, ngem anamonganda pay dagiti dadduma nga agaramid kadagitoy.
|
|
|
|
\s5
|
|
\c 2
|
|
\p
|
|
\v 1 Nakaronto ti panangdusa ti Dios kadagiti tattao nga agar-aramid kadagiti banbanag nga imparitna. Nalawag nga insao ti Dios a naunget isuna kadagiti makabasbasol kenkuana. Isu nga inton ukomen ti Dios dagiti tattao, awanto ti palabsenna. Mabalin nga ibagam a rumbeng a dusaen ti Dios dagiti tattao iti panagar-aramidda kadagiti banbanag a kagurana. Ngem no ibagam dayta, ibagbagam laeng a masapul a dusaennaka ti Dios. Gapu ta no dawatem a dusaen ti Dios dagiti dadduma a nangaramid kadagiti banbanag a kagurana, nagbiagka met iti isu met laeng a panagbiag. Inaramidmo dagiti isu met laeng a banbanag nga inaramidda.
|
|
\v 2 Ammotayo a nalaing nga ukomen ken dusaento ti Dios iti rumbeng a wagas dagiti tattao nga agar-aramid kadagiti kasta nga agkakadakes nga ar-aramid.
|
|
|
|
\s5
|
|
\v 3 Isu a sika a mangibagbaga a masapul a dusaen ti Dios dagiti dadduma gapu iti panagar-aramidda iti agkakadakes nga ar-aramid, no man pay agar-aramidka met kadagiti agkakadakes nga ar-aramid, saanmon nga ipagarup a makalibaskanto manipud iti Dios inton dusaennaka!
|
|
\v 4 Ken saanmo nga ibagbaga; "Agtigtignay ti Dios a siiibtur ken siaanus kaniak, isu a saan a masapul nga agsardengak nga agbasbasol." Masapul a maawatam a siaanus nga agur-uray ti Dios nga agbabawika kadagiti basbasolmo.
|
|
|
|
\s5
|
|
\v 5 Ngem ketdi, gapu ta nasukirka ken agkedkedka nga agsardeng nga agbasbasol, ad-adda pay a dusaennaka ti Dios iti nakaro. Aramidennanto dayta iti tiempo nga ipakitana a makaunget isuna ken ukomenna amin a tattao iti rumbeng a wagas.
|
|
\v 6 Subadanto ti Dios ti tunggal maysa segun iti maikari kadakuada gapu kadagiti inaramidda.
|
|
\v 7 Kas koma iti daytoy, kankanayon nga agar-aramid iti nasayaat nga ar-aramid dagiti dadduma a tattao, gapu ta kayatda a padayawan ida ti Dios ken kayatda ti makipagbiag kenkuana iti agnanayon. Gunggunaanto ida ti Dios iti kastoy a wagas.
|
|
|
|
\s5
|
|
\v 8 Ngem bukbukodda laeng a pagimbagan ti panpanunoten dagiti dadduma a tattao ken saanda kayat a patien a pudno ti ibagbaga ti Dios, ken ar-aramidenda dagiti banbanag nga ibagbaga ti Dios a maikaniwas. Makaungetto unay ti Dios ket dusaennanto ida iti nakaro.
|
|
\v 9 Pagsagabaennanto unay ken ikkanna iti adu a pakariribukan ti tunggal maysa a naugalian nga agar-aramid kadagiti agkakadakes nga ar-aramid. Pudno a mapasamakto daytoy kadagiti Judio nga agkedked a mamati iti mensahe ti Dios, gapu ta inikkan ida ti Dios iti kalintegan nga agbalin a naisangsangayan a tattaona, ngem mapasamakto met daytoy kadagiti saan a Judio.
|
|
|
|
\s5
|
|
\v 10 Ngem padayawan, itan-ok, ken mangtedto ti Dios iti natalna nga espiritu ti tunggal tao a naugalianna ti agar-aramid kadagiti nasayaat nga ar-aramid. Pudno nga aramidennanto daytoy kadagiti Judio gapu ta pinilina ida a kas naisangsangayan a tattaona, ngem aramidennanto met daytoy kadagiti saan a Judio.
|
|
\v 11 Aramidento ti Dios daytoy iti rumbeng a wagas, gapu ta awan aniaman kenkuana ti kinapateg ti siasinoman..
|
|
\v 12 No man pay awan kadagiti saan a Judio ti linteg nga inted ti Dios kenni Moises, maisinanto nga agnanayon iti Dios dagiti amin a saan a Judio nga agbasbasol. Saannanto nga ibilang no naammoanda man wenno saan dagiti linteg nga intedna kenni Moises. Ken dusaennanto met dagiti amin a Judio a saan a nagtulnog kadagiti paglinteganna, gapu ta ukomennanto ida segun iti daytoy.
|
|
|
|
\s5
|
|
\v 13 Nainkalintegan a dusaen ida ti Dios gapu ta saan a dagiti laeng makaammo kadagiti linteg ti Dios ti ibilbilangna a nalinteg. Ngem ketdi, dagiti laeng agtultuloy a nagtulnog kadagiti amin a linteg ti Dios ti ibilangnanto a nalinteg.
|
|
\v 14 Tunggal siwawaya a pagtultulnogan dagiti saan a Judio nga awanan ti linteg ti Dios dagitoy a linteg, panpaneknekanda nga adda kadakuada dagiti linteg iti panpanunotda, uray no awan met kadakuada dagiti linteg nga inted ti Dios kenni Moises.
|
|
|
|
\s5
|
|
\v 15 Ipakpakitada nga ammoda kadagiti panpanunotda dagiti ibilbilin ti Dios iti lintegna, ta ti tunggal tao iti bukodna a konsiensia ket ak-akusaranna ti bagina iti dakes a kababalin wenno ikankanawana ti bagina.
|
|
\v 16 Dusaento ida ti Dios iti tiempo inton ukomenna dagiti tattao segun iti pinanunot ken inaramidda. Ukomennanto ida uray pay kadagiti banbanag a sililimed nga inaramidda. Ukomennanto dagiti tattao babaen iti panangipalubosna kenni Jesu-Cristo a mangukom kadakuada. Daytoy ti ibagbagak kadagiti tattao tunggal ikaskasabak ti naimbag a damag kadakuada.
|
|
|
|
\s5
|
|
\v 17 Ita adda ti ibagak iti siasinoman kadakayo a Judio a sursuratak: Agtalekka nga isalakannakanto iti Dios gapu ta ammom dagiti linteg nga intedna kenni Moises. Ipangpangasmo a kukuanaka ti Dios.
|
|
\v 18 Ammom ti tartarigagayan ti Dios. Gapu ta nasuroanka kadagiti linteg ti Dios, kabaelam nga ammoen dagiti banbanag nga umno ket piliem nga aramiden ida.
|
|
\v 19 Siguradoka a kabaelam nga ipakita ti kinapudno ti Dios kadagiti saan a Judio, ken masuroam dagiti awan ammona maipanggep iti Dios.
|
|
\v 20 Siguradoka a masuroam dagiti mamati ken dagiti kasla ubbing kadagiti minamaag a banbanag gapu ta awan pulos ti ammoda maipanggep kenkuana. Siguradoka maipanggep iti amin agsipud ta adda kenka iti linteg a sipupudno a mangisursuro kenka maipanggep iti Dios.
|
|
|
|
\s5
|
|
\v 21 Gapu ta ibagbagam nga adda kenka amin dagitoy a pangatiwan gapu ta Judioka, nagalas a kitaen nga isursurom dagiti dadduma ngem saanka nga agtultulnog kadagiti linteg! Sika a mangikaskasaba a masapul a saan nga agtakaw dagiti tattao, nagalas a kitaen nga agtaktakawka met kadagiti banbanag!
|
|
\v 22 Sika a mangibilbilin kadagiti tattao a saan a makikaidda iti saanda nga asawa, nagalas a kitaen a makikamkamalalaka met! Sika a mangbilbilin a saan nga agdayaw kadagiti didiosen, nagalas a kitaen a saanmo a lislisian dagiti nagalas a banbanag.
|
|
|
|
\s5
|
|
\v 23 Sika a mangipangpangas a mangibagbaga, "Adda kaniak dagiti linteg ti Dios," nagalas a kitaen nga agsuksukirka kadagiti isu met laeng a linteg! No kasta ngarud lalaisem iti Dios!
|
|
\v 24 Saan a rumbeng a tuladem dagiti kapuonantayo, a nakaisuratan dagitoy a sasao iti Nasantoan a Sursurat: "Agsasao iti agkakadakes dagiti saan a Judio maipanggep iti Dios gapu kadagiti agkakadakes nga ar-aramidyo dakayo a Judio." Ibaga dagiti saan a Judio nga aginsisingpet laeng ti Dios no baybay-anna ti kababalin dagiti tattao a kas kadakayo.
|
|
|
|
\s5
|
|
\v 25 Siasinoman kadakayo a nakugit a mangipakita a kukua isuna ti Dios ket adda magun-odna a pagsayaatan manipud iti dayta no agtulnog isuna iti linteg nga intedna kenni Moises. Ngem no sika a nakugit a tao ket saan nga agtultulnog iti linteg, ibilangnaka ti Dios iti imatangna nga awan nagdumaam kadagiti saan a nakugit.
|
|
\v 26 Kayatna a sawen daytoy nga ibilang ti Dios uray pay dagiti saan a Judio a saan a nakugit nga agbalin a tattaona no agtulnogda kadagiti banbanag nga imbilinna kadagiti lintegna.
|
|
\v 27 Dagitoy a tattao, a saan a nakugit ngem agtultulnogda latta kadagiti linteg ti Dios ket ipablaakdanto nga husto ti Dios inton dusaennakayo, gapu ta nakugitkayo ngem saankayo latta nga agtultulnog iti linteg.
|
|
|
|
\s5
|
|
\v 28 Saan a dagiti agar-aramid kadagiti seremonia para iti Dios dagiti pudno a Judio ken saan nga iti pannakakugitda ti makagapu nga awaten ida ti Dios.
|
|
\v 29 Ngem ketdi, datayo a binalbaliwan ti Dios iti kaunggan ket dagiti pudno a Judio. Inawatnatayo ti Dios gapu ta pinalubosantayo ti Espiritu ti Dios a mangbaliw ti natao-an a kinasiasinotayo, saan a gapu ta agar-aramidtayo kadagiti seremonia nga imbilin ti linteg. Uray no saandatayo a padayawan dagiti dadduma a tattao, padayawannatayonto ti Dios.
|
|
|
|
\s5
|
|
\c 3
|
|
\p
|
|
\v 1 Mabalin nga adda sumalungasing iti daytoy, a kunkunaenna, "No ti pannakakugit ket saan a makagapu nga awatennatayo ti Dios datayo a Judio, awan iti pangatiwan ti Judio iti Hentil. Awan a pulos iti pagimbagan nga ited iti pannakakugit kadatayo a Judio!"
|
|
\v 2 Isungbatko nga adda iti pagimbagan nga ited ti kina-Judio kadatayo iti adu a wagas. Umuna iti amin, pagimbagantayo daytoy gapu ta kadagiti kapuonantayo ti nangibagaan ti Dios kadagiti sasaona, dagiti sasao a mangipakita kadatayo iti kinasiasinona.
|
|
|
|
\s5
|
|
\v 3 Adu a Judio iti saan a nagtulnog iti Dios kas inkarida nga aramiden. Isu a nalabit nga adda agdamag, "Kayatna kadi a sawen a gapu ta saanda a nagtalinaed a napudno ket saanto a bendisionan ti Dios dagiti Judio kas iti inkarina nga aramiden?"
|
|
\v 4 Isungbatko, "Saan, pudno a saan a dayta iti kayatna a sawen! Kankanayon nga ar-aramiden ti Dios dagiti inkarina, uray pay no dagiti tattao ket saan. Nagbiddutda amin dagiti mangibagbaga a saan a tungtungpalen ti Dios dagiti karina kadatayo a Judio." Insurat ni Ari David ti maipanggep iti daytoy: "Isu a masapul a bigbigen iti tunggal maysa a pudno ti imbagam maipanggep kadakuada, ken kankanayonka a mangabak iti kaso no idaromnaka ti siasinoman iti panagar-aramidmo iti biddut."
|
|
|
|
\s5
|
|
\v 5 Isu a no saannatayo a binendisionan ti Dios, datayo a Judio gapu ta nadangkestayo, mabalintayo kadi nga ibaga a nagtignay isuna a saan a nainkalintegan? A nagbiddut isuna a mangdusa kadatayo gapu iti unget? (Saanko koman a damdamagen dagitoy a saludsod maipanggep iti Dios, ngem agsasaoak a kas iti panagsao dagiti kadawyan a tattao.)
|
|
\v 6 Saantayo a rumbeng nga ibaga a saannatayo a rumbeng nga ukomen ti Dios, gapu ta no saannatayo nga ukomen ti Dios, datayo a Judio, saan ngarud a naingkalintegan nga ukomenna ti siasinoman iti lubong!
|
|
|
|
\s5
|
|
\v 7 Ngem amangan no adda mangsungbat kaniak, "Ti kinapudno a pudno a tungtungpalen ti Dios dagiti karkarina ket agbalin a nalawag unay gapu ta saanko nga inaramid ti imbilinna. Ngem ti banagna ket agdaydayaw dagiti tattao iti Dios gapu ta addaan isuna iti asi! Isu a masapul a saanton nga ibaga ti Dios a masapul a madusaak gapu ta nagbasolak, agsipud ta daydayawen isuna dagiti tattao!
|
|
\v 8 No pudno ti ibagbagam Pablo, agaramidtayo laengen ngarud kadagiti agkakadakes a banbanag tapno agbanag iti kas kadagita a nasasayaat a banbanag! Ket agdayawto dagiti tattao iti Dios" Agsasao dagiti dadduma a tattao iti agkakadakes maipanggep kaniak gapu ta pabpabasulendak nga agsasaoak a kas iti daytoy. Dusaento ti Dios dagiti tattao nga agsasao iti kakasta a banbanag maipanggep kaniak, ket rumbengto a dusaenna ida!
|
|
|
|
\s5
|
|
\v 9 No adda mangdamag, "Mabalintayo kadi nga ibaga a nasaysasayaatto ti panangtrato ti Dios kadatayo a Judio ngem kadagiti Hentil?" Isungbatko a saantayo a mabalin nga ibaga iti kasta! Naipakitakon kadakayo a nagbasol amin a tattao, dagiti Judio ken kasta met dagiti Hentil, isu a rumbeng a dusaen ida ti Dios.
|
|
\v 10 Paneknekan daytoy dagiti sumaganad a sasao a naisurat iti Nasantoan a Sursurat, Awan iti tao a nalinteg. Awan iti uray maysa a tao a nalinteg !
|
|
|
|
\s5
|
|
\v 11 Awan iti makaawat iti panagbiag iti nasayaat a wagas. Awan iti mangsukimat a mangammo iti Dios!
|
|
\v 12 Naan-anay a timmallikod ti tunggal maysa manipud iti Dios. Imbilang ida ti Dios a nadakes. Awan iti agtigtignay a sililinteg; awan, awan uray maysa!
|
|
|
|
\s5
|
|
\v 13 Nabangsit ti ibagbaga dagiti tattao, kasla iti angot a naggapu manipud iti tanem a nalukatan. Babaen iti ibagbaga dagiti tattao, allilawenda dagiti tattao. Babaen iti ibagbagada, dangranda dagiti tattao, kas iti gita dagiti uleg a mangdangran kadagiti tattao.
|
|
\v 14 Agtultuloy iti panangilunlunodda kadagiti sabali ken agibagbaga kadagiti makapasakit a banbanag.
|
|
|
|
\s5
|
|
\v 15 Pumatayda lattan iti tattao.
|
|
\v 16 Iti sadinoman a papananda, dadaelenda iti tunggal banag ken pagbalinenda a nakakaasi dagiti tattao.
|
|
\v 17 Saanda a naammoan iti agbiag a sikakapia kadagiti sabali a tattao.
|
|
\v 18 Nagkedkedda a naan-anay a mangpadayaw iti Dios!
|
|
|
|
\s5
|
|
\v 19 Maysa pay, ammotayo a para kadagiti Judio daytoy, a masapul nga agtulnog kadagiti bilbilin iti Dios, nga insurat ni Moises dagitoy a linlinteg. Maadaltayo iti daytoy nga awan iti Judio wenno Hentil a makaibaga iti aniaman a banag inton ibaga ti Dios a dusaenna isuda gapu ta nagbasolda. Impakaammo ti Dios ditoy lubong a nagbasol ti tunggal maysa!
|
|
\v 20 Saan a gapu ta naaramiden dagiti tattao dagiti banbanag a dawdawaten ti linteg iti Dios nga ikkatenna dagiti nailista a basbasolda, gapu ta awan iti naan-anay a nakaaramid kadagitoy a banbanag. Kinapudnona, iti nagbanagan iti pannakaammotayo kadagiti linlinteg ti Dios ket nalawag nga ammotayo a nagbasoltayo.
|
|
|
|
\s5
|
|
\v 21 No pakawanen ti Dios dagiti basbasoltayo, saan a maibasar daytoy iti panagtultulnogtayo kadagiti linteg nga intedna kenni Moises. Naipakaammon ita kadatayo a pakawanenna dagiti basbasoltayo iti agduduma a wagas. Naisurat ti maipanggep iti daytoy babaen kenni Moses kadagiti linlinteg nga inted ti Dios kenkuana, ket naisurat met daytoy babaen kadagiti propeta.
|
|
\v 22 Ikkaten ti Dios dagiti nailista a basbasoltayo gapu ta agtalektayo iti inaramid ni Jesu-Cristo para kadatayo. Ar-aramiden ti Dios daytoy iti tunggal tao nga agtaltalek kenni Cristo, gapu ta ibilbilangna nga awan iti nagdudumaan dagiti Judio ken Hentil.
|
|
|
|
\s5
|
|
\v 23 Nakaaramid ti amin a tattao iti dakes, ken saan a kinabaelan nga itarapnus ti tunggal maysa ti nadayag a panggep nga insagana ti Dios para kadakuada.
|
|
\v 24 Naikkat dagiti nailista a basbasoltayo babaen iti siaanus a panagtignayna a mangpakawan kadagiti basbasoltayo, nga uray awan dagiti panagar-aramidtayo iti aniaman a banag tapno magun-odtayo daytoy. Naaramid daytoy ni Cristo Jesus babaen iti pannakatayna para kadatayo.
|
|
|
|
\s5
|
|
\v 25 Impakita ti Dios nga inikkat ni Cristo ti ungetna babaen iti panangibukbokna iti darana idi natay isuna, ket masapul a patientayo ti inaramidna para kadatayo. Ti panangidaton ni Cristo ti mangipakpakita a nagtignay ti Dios iti nalinteg a wagas. No saan, mabalin nga adda iti saan a mangpanunot a nalinteg isuna gapu ta pinalabasna dagiti basbasol nga inaramid dagiti tattao iti napalabas, gapu ta naanus isuna.
|
|
\v 26 Pinili ti Dios ni Cristo a matay para kadatayo. Babaen ti panangaramidna iti dayta, ipakpakitana itan a nalinteg isuna, ken ipakpakitana a sililinteg isuna a makaikkat kadagiti nailista a basbasol iti tunggal maysa nga agtaltalek kenni Jesus.
|
|
|
|
\s5
|
|
\v 27 Pulos a saan a gapu ta agtultulnogtayo kadagiti paglintegan ni Moises nga ik-ikkaten ti Dios dagiti nailista a basbasoltayo. Isu nga awan iti gapu nga agpannakkeltayo a pabpaborannatayo ti Dios gapu ta nagtulnogtayo kadagitoy a linlinteg. Ngem ketdi, daytoy ket gapu ta mamatitayo kenni Cristo nga ikkaten ti Dios dagiti nailista a basbasoltayo.
|
|
\v 28 Isu a nalawag nga ibilang ti Dios a nalinteg ti maysa a tao, no agtaltalek dayta a tao kenni Cristo— saan a no agtultulnog dayta a tao iti linteg.
|
|
|
|
\s5
|
|
\v 29 Dakayo a Judio, saan a rumbeng a panunotenyo a dakayo laeng dagiti awatento iti Dios! Masapul nga amirisenyo nga awatennanto met dagiti Hentil. Wen, awatenna dagiti Hentil,
|
|
\v 30 gapu ta, a kas sititibker a panamatiyo, adda laeng iti maymaysa a Dios. Daytoy met laeng a Dios ti mangpalinteg kadagiti Judio a nakugit gapu ta agtalekda kenni Cristo, ket ti Dios met ti mangpalinteg kadagiti saan a Judio a saan a nakugit gapu ta nagtalekda met kenni Cristo.
|
|
|
|
\s5
|
|
\v 31 Isu a no bilang ta adda agdamag kaniak ti maipanggep iti linteg nga inted ti Dios kenni Moses, "No ibagayo nga ibilangnatayo a nalinteg ti Dios gapu ta agtaltalektayo kenni Cristo, kayat kadi a sawen dayta nga awanen ti serserbina iti linteg?" Isungbatko, "Awan duadua a saan. Ngem ketdi, pudno dayta a linteg."
|
|
|
|
\s5
|
|
\c 4
|
|
\p
|
|
\v 1 Ni Abraham ti mararaem a kapuonantayo a Judio. Isu a panunotenyo dagiti mabalin a maadaltayo manipud iti napasamak kenni Abraham.
|
|
\v 2 No gapu iti panagar-aramid ni Abraham kadagiti nasasayaat a banbanag nga imbilang isuna ti Dios a nalinteg, addaan ngarud ni Abraham iti rason nga agpannakkel kadagiti tattao maipanggep iti dayta, (ngem uray pay no kasta, awan ti rasonna tapno agpannakkel iti Dios maipanggep iti daytoy).
|
|
\v 3 Laglagipenyo a naisurat iti Nasantoan a Sursurat a namati ni Abraham iti inkari ti Dios nga aramidenna para kenkuana, ken gapu iti daytoy, imbilang ti Dios ni Abraham a nalinteg.
|
|
|
|
\s5
|
|
\v 4 Ita, no makaawattayo iti tangdan kadagiti trabaho nga aramidentayo, saan a maibilang a sagut dagitoy a tangdan. Ngem ketdi, maibilang dagitoy a nateggedantayo. Isu met laeng a no bilang ta agaramidtayo iti banag a mangpilit iti Dios nga agbalin a nasayaat kadatayo ket saanto ngarud a sagut dayta.
|
|
\v 5 Ngem ti kinaagpaysoananna, palintegen ti Dios dagiti tattao a saan a nangraem kenkuana iti napalabas. Ngem ketdi, agtalekda itan kenkuana, ket imbilang ngarud ida ti Dios a nalinteg.
|
|
|
|
\s5
|
|
\v 6 Kas iti insurat ni David kadagiti Salmo maipanggep iti siasinoman nga ibilang ti Dios a nalinteg a saanna a nagbannogan:
|
|
\v 7 "Anian a nagasat dagiti tattao a pinakawan ti Dios dagiti basbasolda, isuda a saannan nga ikaskaso dagiti basbasolda.
|
|
\v 8 Anian a nagasat dagiti tattao a saanen nga ibilang ti Dios a basol dagiti basbasolda.
|
|
|
|
\s5
|
|
\v 9 Saan laeng a datayo a Judio iti mabalin a makapadas iti kinagasat a kas iti daytoy. Saan, mabalin met a mapadasan daytoy dagiti Hentil. Ammotayo daytoy, gapu ta naisurat iti Nasantoan a Sursurat a nagtalek ni Abraham iti Dios, isu nga imbilang isuna ti Dios a nalinteg.
|
|
\v 10 Panunotenyo idi inaramid daytoy iti Dios kenni Abraham. Inaramidna daytoy sakbay a nakugit ni Abraham, saan a kalpasan a nakugit.
|
|
|
|
\s5
|
|
\v 11 Kalpasan iti adu a tawtawen, imbilin ti Dios a makugit ni Abraham. Nagtulnog ni Abraham; ammona a daytoy a seremonia ti mangipakita nga inawaten isuna ti Dios, kas met no mangikabiltayo iti pagilasinan iti maysa a banag a kukuatayo. Isu a mabalintayo a maadal ditoy nga imbilang ti Dios ni Abraham nga agbalin a kapuonan iti tunggal maysa nga agtaltalek kenkuana, uray dagiti saan a nakugit. Iti daytoy a wagas, imbilang ti Dios a nalinteg amin dagitoy a tattao.
|
|
\v 12 Kasta met nga ibilang ti Dios ni Abraham nga agbalin a kapuonantayo amin a pudno a Judio, dayta ket, amin a Judio a saan laeng a dagiti addaan ti marka iti pannakakugit kadagiti bagbagida, ngem nangnagruna pay, kadagiti agbibiag a kas iti inaramid ti kapuonantayo a ni Abraham idi sakbay a nakugit, idi agtaltalek laeng isuna iti Dios.
|
|
|
|
\s5
|
|
\v 13 Inkari ti Dios kenni Abraham ken kadagiti kaputotanna a tagikuaendanto ti lubong. Ngem idi inkarina dayta, saan a gapu ta agtultulnog ni Abraham iti aniaman a linteg. Ngem ketdi, daytoy ket gapu ta namati ni Abraham nga aramiden ti Dios ti inkarina. Isu nga imbilang ti Dios ni Abraham a nalinteg.
|
|
\v 14 No tagikuaen dagiti tattao ti lubong gapu ta agtultulnogda iti linteg ti Dios, awan ngarud serserbina nga agtalek iti Dios para iti aniaman a banag, ken awan kaipapanan ti karina.
|
|
\v 15 Laglagipenyo nga iti kaagpaysoananna, ibagbaga ti Dios iti lintegna a dusaennanto ti siasinoman a saan a naan-anay nga agtulnog iti daytoy. No pay kasta, laglagipenyo met a para kadagiti tattao nga awanan linteg, awan iti saan a pagtulnogan.
|
|
|
|
\s5
|
|
\v 16 Isu a gapu ta agtaltalektayo iti Dios nga awatentayonto dagiti banbanag nga inkarina. Ken ikarkarina dagitoy a banbanag kadatayo a kas sagut, gapu ta naimbag unay isuna. Agtigtignay isuna iti daytoy a wagas tapno itedna dagitoy a banbanag iti tunggal maysa nga ibilangna a kas pudno a kaputotan ni Abraham—datayo a namati a Judio, nga addaan iti linteg ti Dios ken agtaltalek kenkuana, ken kasta met kadagiti saan a Judio nga awanan iti linteg ti Dios ngem agtaltalek kenkuana a kas iti inaramid ni Abraham. Ta ibilbilang ti Dios ni Abraham a kas pudno a kapuonantayo amin a namati.
|
|
\v 17 (Daytoy ti kinuna ti Dios kenni Abraham iti Nasantoan a Sursurat: "Pagbalinenkanto a kapuonan ti adu a bunggoy dagiti tribo.") Impasigurado ti Dios nga ikanna ni Abraham ti adu a kaputotan. Sitatalged a namati ni Abraham nga aramiden ti Dios dayta, ken nagtaeng isuna iti presensiana, nga agtatalek isuna ti Dios a makaited iti biag kadagiti natay a tattao ken mangpaadda kadagiti banbanag a saan pay a napaadda.
|
|
|
|
\s5
|
|
\v 18 Nagtalek isuna iti daytoy a kari ti Dios, uray pay no awan ti napisikalan a makagapu tapno mangnamnama isuna a maaddaan kadagiti kaputotan, gapu ta lakay ken baketdan nga agassawa tapno maaddaanda iti annak. Kinuna ti Dios kenni Abraham, "Maaddaankanto iti adu unay a kaputotan a saandanto a pulos a mabilang a kas kadagiti bituen." Pinati ni Abraham dayta, ken pinatina nga agbalin isuna a kapuonan ti adu a bunggoy dagiti tribo.
|
|
\v 19 Saan a nagduadua isuna nga aramiden ti Dios ti inkarina, uray pay ammona saanen a makaipaay ti bagina iti annak a kasla natayen isuna (ta isuna ngarud ket agarup sangagasut a tawenen), ken uray pay ammona a saan a pulos a nakapagsikog ni Sarah.
|
|
|
|
\s5
|
|
\v 20 Saan a pulos a nagduadua nga aramiden ti Dios ti inkarina. Ngem ketdi, ad-adda pay a sititibker a nagtalek isuna iti Dios, ken nagyaman isuna iti Dios gapu iti aramidennanto.
|
|
\v 21 Naallukoy met isuna a kabaelan ti Dios nga aramiden ti aniaman nga imbagana nga aramidenna.
|
|
\v 22 Ket dayta ti makagapu nga imbilang ti Dios ni Abraham a nalinteg.
|
|
|
|
\s5
|
|
\v 23 Dagiti sasao iti Nasantoan a Sursurat, "Imbilang isuna ti Dios a nalinteg gapu ta nagtalek isuna kenkuana," ket saan laeng a maipanggep kenni Abraham.
|
|
\v 24 Naisurat met dagitoy maipanggep kadatayo, nga ibilang ti Dios a napalinteg gapu ta agtaltalektayo kenkuana, ti nangpagungar kenni Apotayo nga Jesus kalpasan a natay.
|
|
\v 25 Impalubos ni Jesus a parigaten isuna dagiti tattao tapno pakawanen ti Dios dagiti dakes nga ar-aramidtayo. Ken pinagungar ti Dios ni Jesus gapu ta kayatnatayo nga ibilang ti Dios a nalinteg.
|
|
|
|
\s5
|
|
\c 5
|
|
\p
|
|
\v 1 Imbilangnatayo ti Dios a nalinteg gapu ta agtaltalektayo kenni Apotayo a ni Jesu-Cristo. Isu nga addatayon iti kapia iti Dios.
|
|
\v 2 Gapu iti inaramid ni Cristo para kadatayo, daytoy ket kasla adda linukatan ti Dios a ruangan a mangitunda kadatayo iti kinaimbagna. Isu nga agrag-otayo gapu ta sitatalgedtayo a mangnamnama a siraragsakto ti Dios a mangibingay iti kinaindaklanna kadatayo.
|
|
|
|
\s5
|
|
\v 3 No agsagabatayo gapu ta naitipontayo kenni Cristo, agrag-otayo met gapu ta ammotayo a no agsagsagabatayo, maadaltayo nga agibtur a siaanus kadagiti banbanag.
|
|
\v 4 Ken ammotayo no siaanus nga agbiturtayo kadagiti panagsagsagaba, an-anamongannatayo ti Dios. Ket no ammotayo nga an-anamongannatayo ti Dios, sitatalgedtayo a mangnamnama nga agaramid isuna kadagiti naindaklan a banbanag para kadatayo.
|
|
\v 5 Ken natalgedtayo unay nga awatentayonto dagiti banbanag nga ur-urayentayo, gapu ta ay-ayatennatayo unay ti Dios. Ti Espiritu Santona, nga intedna kadatayo ti mangipakpakaawat kadatayo iti kadakkel iti panagayat ti Dios kadatayo.
|
|
|
|
\s5
|
|
\v 6 Idi saantayo pay a kabaelan nga isalakan ti bagbagitayo, ni Cristo ti natay para kadatayo iti tiempo nga inkeddeng ti Dios, nupay saantayo a pulos a padpadayawan ti Dios.
|
|
\v 7 Manmano nga adda tao a matay para iti sabali a tao, uray no nalinteg dayta a tao, nupay nalabit nga agbalin koma a natured a matay ti maysa a tao para iti nasayaat a tao.
|
|
|
|
\s5
|
|
\v 8 Uray no kasta, no maipapan iti Dios, ti wagas nga impakitana kadatayo nga ay-ayatennatayo ket natay ni Cristo para kadatayo kabayatan a bumusbusortayo pay laeng iti Dios.
|
|
\v 9 Imbilangnatayo ti Dios a nalinteg gapu ta natay ni Cristo para kadatayo ken nagayos ti darana para kadagiti basbasoltayo. Isu a pudno launay nga isalakannatayo ni Cristo manipud iti Dios inton ipakitana iti sangalubongan iti pungtotna iti basol.
|
|
|
|
\s5
|
|
\v 10 Uray idi agtigtignaytayo a kas kabusor ti Dios, pinagbalinnatayo a gayyemna gapu ta natay ti Anakna para kadatayo. Isu a pudno launay nga isalakannatayo ni Cristo, gapu ta nagbiag manen isuna.
|
|
\v 11 Ken saan laeng a dayta! Agrag-otayo met ita gapu ta nagbalintayo a gayyem ti Dios, gapu iti inaramid ni Apotayo a Jesu-Cristo para kadatayo.
|
|
|
|
\s5
|
|
\v 12 Ipalawagko ita no apay a kasapulantayo ti Dios a mangaramid iti daytoy para kadatayo: Nagbasol amin a tattao gapu ta nagbasol ni Adam, ti immuna a tao a pinarsua ti Dios iti nabayagen a panawen. Gapu ta nagbasol isuna, dimteng ti patay kenkuana. Isu nga nagbalin a managbasol ti amin a tattao a nagbiag sipud pay idi ket natayda amin.
|
|
\v 13 Nagbasol amin a tattao iti lubong sakbay nga inted ti Dios ti lintegna kenni Moises. Ita, imbilang ti Dios nga awan iti basol a maibusor iti dayta a linteg sakbay nga itedna daytoy.
|
|
|
|
\s5
|
|
\v 14 Ngem ammotayo a manipud ti tiempo a nagbiag ni Adan agingga iti panawen a nagbiag ni Moises, nagbasol amin a tattao, ket natayda a kas supapakna. Natayda amin, uray dagiti saan a simmalungasing iti bilin ti Dios kas iti inaramid ni Adan. Nairaman amin a tattao iti basol ni Adan, a kas iti inaramid ni Cristo, a simmaruno, nairaman met amin a tattao.
|
|
\v 15 Ngem ti sagut nga inted ti Dios ket saan a kas iti basol ni Adan. Gapu ta nagbasol ni Adan, matay ti tunggal maysa. Ngem gapu iti sabali pay a kakaisuna a tao, nga isu ni Jesu-Cristo, natay para kadatayo amin, siiimbag nga indiaya ti Dios kadatayo daytoy a sagut nga agnanayon a biag, uray pay no saantayo a maikari iti daytoy.
|
|
|
|
\s5
|
|
\v 16 Ken adda pay iti sabali a wagas a naidumduma iti sagut ti Dios manipud iti basol ni Adan. Gapu ta nagbasol ni Adan, nagbasol amin a tattao a simmaruno kenkuana, ken isu nga impablaak ti Dios a nasken a madusa amin a tattao. Ngem kas sagut a nagtaud iti naimbag a nakem, indiaya ti Dios nga ibilangnatayo a nalinteg.
|
|
\v 17 Matay amin a tattao gapu iti inaramid ti maysa a tao, ni Adan. Ngem ita, adu kadatayo iti makapadpadas a siiimbag nga inikkannatayo ti Dios ti naindaklan unay a sagut—a saantayo a pakaikarian: imbilangnatayo a nalinteg. Pudno launay a makipagturaytayonto kenni Cristo idiay langit. Mapasamakto daytoy gapu iti inaramid iti maysa a tao para kadatayo, isu ni Jesu-Cristo.
|
|
|
|
\s5
|
|
\v 18 Ngarud, gapu ta nagsukir ni Adan iti linteg ti Dios, maikari a madusa amin a tattao. Kastoy met laeng, gapu ta nagtignay a sililinteg ni Jesus babaen iti panagtulnogna iti Dios idi natay isuna, ididiaya ti Dios nga ibilangna a nalinteg iti tunggal maysa, tapno agbiagda iti agnanayon.
|
|
\v 19 Gapu ta nagsukir ni Adan iti Dios, isu a nagbalin a managbasol iti adu a tattao. Kasta met, a gapu ta nagtulnog ni Jesus iti Dios idi natay isuna tapno ibilangna a nalinteg iti adu a tattao.
|
|
|
|
\s5
|
|
\v 20 Inted ti Dios ti lintegna kenni Moises tapno maamiris koma dagiti tattao iti nakaro a panagbasolda; ngem iti ad-adda pay a panagbasol dagiti tattao, ad-adda pay nga intultuloy ti Dios iti nagtignay a siiimbag kadakuada, iti wagas a saanda a pakaikarian.
|
|
\v 21 Inaramidna dayta tapno matay dagiti tattao gapu ta agbasolda, palintegen koma ida ti naimbag a sagutna. Ket mabalinda nga agbiag iti agnanayon gapu iti inaraamid ni Jesu-Cristo nga Apotayo para kadakuada.
|
|
|
|
\s5
|
|
\c 6
|
|
\p
|
|
\v 1 Mabalin nga adda sumungbat iti naisuratko nga agsipud ta nasayaat ti inaramid ti Dios kadatayo, nalabit a masapul nga itultuloytayo ti agbasol tapno agtultuloy met ti panangpakawanna kadatayo.
|
|
\v 2 Ti sungbatko ket: Saan, saan a pulos! Kaslatayo natayen a tattao, a saanen a makaaramid iti aniaman a dakes. Isu a rumbeng a saantayon nga itultuloy ti agbasol.
|
|
\v 3 Idi nabautisarantayo a nakipagmaymaysa kenni Cristo Jesus, imbilangnatayo ti Dios a kadua ni Cristo a natay iti krusna. Saanyo kadi nga ammo daytoy?
|
|
|
|
\s5
|
|
\v 4 Isu nga idi nabautisarantayo, imbilangnatayo met ti Dios a kasla kaduanatayo ni Cristo iti tanemna. Inaramat ti Dios Ama ti pannakabalinna a mangpagungar kenni Jesus manipud ti patay; iti isu met laeng a wagas, mabalintayo ti agbiag iti baro a wagas.
|
|
\v 5 Agsipud ta imbilangnatayo ti Dios a kas nakitipon kenni Cristo idi natay isuna, pagungarennatayonto met a kadua ni Jesus manipud ti patay.
|
|
|
|
\s5
|
|
\v 6 Imbilangnatayo ti Dios a natay idiay krus a kadua ni Cristo, datayo a managbasol, tapno pagpatinggaenna ti managbasol a kinataotayo. Kas pagbanaganna, saantayo koman nga agbasol pay.
|
|
\v 7 Ta saanen nga agbasol ti siasinoman a natayen.
|
|
|
|
\s5
|
|
\v 8 Agsipud ta imbilangnatayo ti Dios a natay a kadua ni Cristo idi natay isuna, mamatitayo met a makipagbiagtayo kenkuana.
|
|
\v 9 Ammotayo nga agsipud ta ti Dios ti nangpagungar kenni Cristo, saanto pulos a matay ni Cristo. Awanen ti makapapatay manen kenkuana.
|
|
|
|
\s5
|
|
\v 10 Idi natay isuna, nawaya a pimmanaw manipud iti managbasol a lubongtayo, ken saanton pulos a matay isuna; ngem gapu ta sibibiag manen, agbiag isuna tapno agserbi iti Dios.
|
|
\v 11 Iti isu met laeng a wagas, masapul nga ibilangyo dagiti bagbagiyo a kas iti panangibilang ti Dios kadakayo: nataykayon, a saanen a makapagbasol pay, ngem tattaokayo met laeng nga agbibiag, agbibiag a mangdaydayaw iti Dios ken naitipon kenni Cristo Jesus.
|
|
|
|
\s5
|
|
\v 12 Isu a no kayatyo ti agbasol, saanyo a palubosan ti bagiyo a mangaramid iti kaykayatyo. Laglagipenyo a matayto ti bagiyo iti maysa nga aldaw.
|
|
\v 13 Saankayo nga agaramid wenno agsao iti aniaman a nadangkes. Kaslakayo ngarud natay a tattao no kasta, gapu ta saan nga ammo dagiti natay a tattao iti siasinoman, ken saanyo nga ammo ti Dios. Ngem ketdi, idatagyo dagiti bagiyo iti Dios a kas tattao a sibibiag ken makaam-ammo kenkuana. Amin nga aramiden ken ibagayo, aramidenyo para iti Dios; itulokyo nga aramatennakayo a mangaramid kadagiti nalinteg a banbanag.
|
|
\v 14 No tarigagayanyo ti agbasol, saanyo nga aramiden dayta! Saannakayo a pinasardeng iti panagbasbasolyo ti linteg nga inted ti Dios kenni Moises. Ngem tengtengngelennakayo ita ti Dios ken siaanus a tultulongannakayo tapno saankayo nga agbasol.
|
|
|
|
\s5
|
|
\v 15 Mabalin a kunaen ti maysa kaniak, "Ibagbagam a saannatayo a pinasardeng iti panagbasbasoltayo dagiti linteg nga inted ti Dios kenni Moses, ngem ita, nasayaat ti panangtrattrato ti Dios kadatayo kadagiti wagas a saantayo a maikari. Kasla ti kayatna a sawen dayta ket palpalubosannatayo ti Dios nga agtultuloytayo nga agbasbasol." Ti sungbatko iti dayta ket saan, masapul a saantayon nga agtuloy nga agbasbasol!
|
|
\v 16 No idiayayo nga agtulnog iti maysa a tao, agbalinkayo a tagabuna. No agbasolkayo inton kayatyo ti agbasol, ket agbalinkayo a tagabu ti basol ken agbanag ti pannakatayyo. Ngem no agtulnogkayo iti Dios ket agbalinkayo a tagabuna ken, kas pagbanaganna, aramidenyo dagiti banbanag a kayat ti Dios nga aramidenyo.
|
|
|
|
\s5
|
|
\v 17 Iti kallabes, nagbasolkayo iti aniaman a wagas a kayatyo—tagabunakayo idi ti basol. Ngem rinugianyon ngarud a a nagtulnog a sipapasnek iti insuro ni Cristo kadakayo. Agyamanak iti Dios para iti dayta.
|
|
\v 18 Isu nga ita, saankayo koman nga agbasol pay; saanen a ti basol ti amongyo. Ketdi, tagabunakayon ti Dios a nalinteg.
|
|
|
|
\s5
|
|
\v 19 Agsursuratak kadakayo babaen iti pangngarig a maawatan dagiti tattao, a mangpakaawat kadakayo iti kinapudno maipanggep kadagiti bagbagiyo ken iti Dios. Iti kallabes, tinagabunakayo ti panunotyo, isu nga inar-aramidyo amin dagiti kita ti narugit ken agkakadakes a banbanag. Ngem ita, palubosanyo nga agtignay a nalinteg dagiti bagiyo a kas iti panagtignay ti Dios, tapno ilasinnakayo a maipaay kenkuana a kas tattaona.
|
|
\v 20 Pudno nga iti kallabes, nagtignaykayo a kas tattao a nawaya manipud iti pannakabalin ti Dios ken iti kinalintegna (gapu ta inaramidyo ti kayat ti dakes a nakemyo nga aramidenyo). Saanyo koman nga inaramid dagitoy umno a banbanag.
|
|
\v 21 Ngem ania a kinaimbag ti inaramid dayta a kinawaya kadakayo? Ti panangaramid kadagitoy a banbanag nga ibainyo ita ket ti agnanayon a pannakaisinayo manipud iti Dios.
|
|
|
|
\s5
|
|
\v 22 Ngem ita, saankayo koman nga agbasol pay. Saankayon a tagabu a kas iti dayta. Ngem ketdi, nagbalinkayon a tagabu ti Dios. Kas supapakna, inlasinnakayo a kas bukodna a tattao, ken palubosannakayo a makipagbiag kenkuana iti agnanayon.
|
|
\v 23 Amin dagiti agar-aramid iti ibagbaga ti nakemda nga aramidenda ket makaawat met iti bayad, ngem dayta a bayad ket patay: maisinada iti Dios iti agnanayon. Ngem no maipapan iti Dios, saannanto a bayadan a pulos dagiti tagabuna. Ngem ketdi, inikkannatayo iti awan bayadna a sagut: pinalubosannatayo a makipagbiag kenkuana iti agnanayon, a naitipon kenni Cristo Jesus nga Apotayo.
|
|
|
|
\s5
|
|
\c 7
|
|
\p
|
|
\v 1 Padak a namati, ammoyo ti maipanggep kadagiti linteg. Isu a pudno nga ammoyo a masapul nga agtulnog dagiti tattao kadagiti linteg kabayatan a sibibiagda laeng.
|
|
|
|
\s5
|
|
\v 2 Kas pangarigan, masapul nga agbalin a napudno ti babai iti asawana kabayatan a sibibiag pay daytoy. Ngem no matay ti asawana, saanen a masapul nga agtignay isuna a kasla siaasawa pay laeng. Waya-wayaan isunan ti linteg manipud iti pannakiasawana.
|
|
\v 3 Isu a no makidenna isuna iti sabali a lalaki kabayatan a sibibiag pay laeng ti asawana, agbalin isuna a mannakikamalala. Ngem no matay ti asawana, saanen a masapul a tungpalenna dayta a linteg. Ket no makiasawa iti sabali a lalaki, saan isuna a mannakikamalala.
|
|
|
|
\s5
|
|
\v 4 Iti isu met leng a wagas, kakabsatko, idi nataykayo a kadua ni Cristo iti krusna, sannakayon a matengngel ti linteg ti Dios. Nawayakayon a makitipon kenni Cristo, tapno padayawanyo ti Dios. Mabalinyo a maaramid daytoy gapu ta sibibiagkayo manen. Intiponnakayo ti Dios kenni Cristo, ken pinagungarna ni Cristo manipud kadagiti natay.
|
|
\v 5 Idi ar-aramidentayo ti ibagbaga ti dakes a panunottayo nga aramidentayo, idi naadaltayo ti linteg ti Dios, ad-adda pay a kaykayattayo ti agbasol. Isu nga inaramidtayo dagiti agkakadakes a banbanag a panangisina ti Dios kadatayo manipud kenkuana iti agnanayon.
|
|
|
|
\s5
|
|
\v 6 Ngem ita, winayawayaannatayon ti Dios manipud iti panagtulnogtayo kadagiti linteg ni Moises—a kasla nataytayon ken saanen nga ibaga ti linteg ti aramidentayo. Inaramiden daytoy ti Dios para kadatayo tapno makapagdaydayawtayo kenkuana iti baro a wagas nga ipakpakita ti Espiritu kadatayo, a saan nga iti daan a wagas a kinuna ti linteg nga aramidentayo.
|
|
|
|
\s5
|
|
\v 7 Nalabit nga adda sumungbat kaniak, "Pudno kadi nga ad-adda a kayat dagiti tattao ti agbasol no ammoda dagiti linteg ti Dios? Dakes ngarud dagitoy a linteg." Ibagak kadagitoy a tattao, "Saan, wen a saan! Saan a dakes ti linteg! Ngem pudno a saanko a naammoan no ania ti basol inggana a naadalko ti maipanggep iti linteg. Kas pangarigan, saanko a naamiris a dakes ti agtarigagay iti saanmo a kukua inggana a naadalko ti maipanggep iti kinuna ti linteg, "Rumbeng a saanyo a tarigagayan ti saanyo a kukua."
|
|
\v 8 Ken gapu iti kinuna dayta a bilin, ti managbasol a tarigagayko a mangtagikua kadagiti banbanag a kukua ti sabali ti nangpgum kaniak iti adu a wagas. Ngem no awan ti linteg, awan basol.
|
|
|
|
\s5
|
|
\v 9 Iti kallabes, idi saanko nga ammo ti pagannurotan ti linteg, agbasbasolak a saanko a pagdandanagan ti ar-aramidek. Ngem idi naammoak nga inikkannatayo ti Dios iti lintegna, dagus a naamirisko nga agbasbasolak,
|
|
\v 10 ken naamirisko a naiyadayoak iti Dios. Ti linteg a mangpalubos koma kaniak nga agbiagak iti agnanayon no nagtulnogak iti daytoy ket idaldalannak ketdi a matay.
|
|
|
|
\s5
|
|
\v 11 Idi kinayatko ti agbasol, impagarupko nga agbiagak iti agnanayon no naan-anay ti panagtulnogko iti linteg. Ngem nagbiddutak: Impagarupko a mabalinko latta ti agbasbasol. Kaagpaysoananna, isinanak ti Dios manipud kenkuana iti agnanayon gapu ta saanak a sipupudno nga agtulnog iti linteg.
|
|
\v 12 Isu nga ammotayo a pudno a nasayaat ti linteg nga inted ti Dios kenni Moises. Amin nga ibilin ti Dios nga aramidentayo ket awan met pagkuranganna, nalinteg ken nasayaat.
|
|
|
|
\s5
|
|
\v 13 Isu a no adda mangibaga kaniak, "Ti linteg a nasayaat nga inted ti Dios kenni Moises, ti nangiyadayo kaniak manipud iti Dios!" Isungbatko nga, "Pulos a saanna nga inaramid dayta!" Ngem ketdi, ti linteg a nasayaat ti mangitunda kaniak nga agbasol. Ammok a kas banagna, adayoak iti Dios. Ken kasta met a gapu ta inadalko ti inbilin ti Dios, naammoak a pudno a basol ti ar-aramidek.
|
|
\v 14 Ammotayo a naggapu iti Dios ti linteg ni Moises. Ngem maipapan kaniak, taoak nga agbasbasol. Numan pay napilitak nga agbalin a tagabu ti tarigagayko nga agbasol; masapul nga aramidek ti aniaman a kayat ti nakemko nga aramidek.
|
|
|
|
\s5
|
|
\v 15 Dagiti banbanag nga ar-aramidek, masansan a saanko a maawatan. Dayta ket, no maminsan ket dagiti nasayaat a banbanag a kayatko nga aramiden ti diak maaramid. Ken no maminsan ket dagiti dakes a banbanag a kagurgurak ti ar-aramidek.
|
|
\v 16 Agsipud ta ar-aramidek dagiti agkakadakes banbanag a diak kayat nga aramiden, umanamongak a nasayaat ti linteg ti Dios.
|
|
|
|
\s5
|
|
\v 17 Isu a saan a gapu ta kayatko ti agbasol ti makagapu no apay nga agbasolak. Ngem ketdi, ti tarigagay nga agbasol ti makagapu no apay nga agbasolak.
|
|
\v 18 Ammok a babaen iti bagik, awan maaramidak a nasayaat. Ammok daytoy gapu ta kayatko nga aramiden ti nasayaat, ngem diak ar-aramiden.
|
|
|
|
\s5
|
|
\v 19 Diak ar-aramiden dagiti nasasayaat a banbanag a kayatko nga aramiden. Ngem ketdi, dagiti agkakadakes a banbanag a diak kayat nga aramiden ti ar-aramidek.
|
|
\v 20 No ar-aramidek dagiti agkakadakes a banbanag a diak kayat nga aramiden, saan a siak ti mangar-aramid kadagitoy a banbanag. Ngem ketdi, adda sabali a pakaigapuan ti panagbasolko: ti kinapudno nga awan ti pakapilawak ti makagapu iti panagbasbasolko.
|
|
\v 21 Natakuatak ngarud a ti kankanayon a mapaspasamak ket no kayatko nga aramiden ti nasayaat, adda dakes a tarigagay iti kaunggak a manglaplapped kaniak iti panangar-aramidko iti nasayaat.
|
|
|
|
\s5
|
|
\v 22 Iti baro a kababalinko, maragsakanak unay maipanggep iti linteg ti Dios.
|
|
\v 23 Nupay kasta, mariknak nga adda naidumduma a bileg nga adda iti bagik. Maisupadi daytoy iti tartarigagayan nga aramiden ti nakemko, ken isu ti makagapu a maaramidko ti kayat ti daan a kababalinko nga aramidek.
|
|
|
|
\s5
|
|
\v 24 Idi naamirisko daytoy, mariknak a nakaay-ay-ayak a tao. Kayatko nga adda mangwayawaya kaniak manipud iti tengngel iti tarigagay ti bagik, tapno saanak a maisina iti Dios.
|
|
\v 25 Pagyamanak ti Dios ta winayawayaannatayo babaen kenni Jesu-Cristo nga Apotayo manipud iti tengngel ti tarigagay ti bagitayo. Isu nga iti nakemtayo, agmaymaysata nga agtulnog iti linteg ti Dios. Ngem kasta met a masansan nga itulokta a tengngelennatayo dagiti tarigagay a pakabasolantayo gapu iti daan a kababalintayo.
|
|
|
|
\s5
|
|
\c 8
|
|
\p
|
|
\v 1 Isu a saanto nga ukomen ken dusaen ti Dios dagiti naitipon kenni Cristo Jesus.
|
|
\v 2 Pagbiagennatayo ti Espiritu ti Dios iti baro a wagas gapu ta naitipontayo kenni Cristo Jesus. Iti daytoy a wagas, saanakon nga agbasol no sumken kaniak ti panagbasbasol, ken saanakton a maisina iti Dios.
|
|
|
|
\s5
|
|
\v 3 Pinadastayo a nagtulnog iti linteg ti Dios tapno makipagbiagtayo iti Dios, ngem awan serserbina a panunoten a kabaelantayo—saantayo kabaelan nga agsardeng nga agbasbasol. Isu a tinulongannatayo ketdi ti Dios: imbaonna ti Anakna ditoy lubong tapno bayadan ti Anakna dagiti basoltayo. Immay ti Anakna nga addaan iti bagi a kas iti bagitayo a managbasol. Immay ti Anakna tapno idatonna ti bagina para iti basoltayo. Idi inaramidna daytoy, impakitana met a pudno a nadangkes dagiti basoltayo, impakitana met a maikari a madusa ti siasinoman nga agbasol.
|
|
\v 4 Isu a mabalintayon ita a tungpalen amin a pagannurotan ti Dios iti lintegna. Aramidentayo daytoy, saan a babaen iti panangaramidtayo a maiyannurot iti tarigagay ti daan a kababalintayo, ngem ketdi, babaen iti panagbiag a kas iti tarigagay ti Espiritu ti Dios a panagbiagtayo.
|
|
\v 5 Dagiti tattao nga agbibiag babaen iti kayat ti dakes a kababalinda ket ket ikankanoda dagitoy a banbanag. Ngem dagiti tattao nga agbibiag babaen iti kayat ti Espiritu ti Dios kadakuada ket panpanunotenda ketdi ti maipanggep kadagitoy a banbanag.
|
|
|
|
\s5
|
|
\v 6 Saan nga agbiag iti agnanayon dagiti mangpanunot ken mangilala iti maipanggep iti tarigagay ti dakes a kababalinda. Ngem dagiti mangayat ti tartarigagayan ti Espiritu ti Dios ket agbiag iti agnanayon ken maaddaan iti talna.
|
|
\v 7 Bay-andak a mangipalawag iti daytoy. Agingga a kayat dagiti tattao ti tarigagay ti dakes a kababalinda, agsuksukirda iti Dios. Saanda nga agtultulnog iti lintegna. Kinapudnona, saanda a kabaelan ti agtulnog iti lintegna.
|
|
\v 8 Dagiti tattao nga agar-aramid iti kayat ti dakes a kababalinda ket saanda a maparagsak iti Dios.
|
|
|
|
\s5
|
|
\v 9 Ngem saan a masapul nga ituloktayo a tenglennatayo ti daan a dakes a kababalintayo. Ngem ketdi, ituloktayo ti Espiritu ti Dios a mangtengngel kadatayo, gapu ta agnanaed isuna kadatayo. No saan nga agnanaed kadagiti tattao ti Espiritu a nagtaud kenni Cristo, saan ida a kukua ni Cristo.
|
|
\v 10 Ngem agsipud ta agnanaed kadakayo ni Cristo babaen iti Espirituna, imbilang ti Dios dagiti bagbagiyo a kas natay, tapno saankayon nga agbasol. Ken imbilangna ti espirituyo a sibibiag, gapu ta inbilangnakayo a nalinteg.
|
|
|
|
\s5
|
|
\v 11 Pinagbiag manen ti Dios ni Jesus kalpasan a natay isuna. Ken gapu ta agnanaed kadakayo ti Espirituna, pagungarento ti Dios ti bagiyo a sigurado a matay. Pinagungarna ni Cristo kalpasan iti pannakatayna, ket pagungarennakayonto babaen ti panangipaaramidna iti Espirituna.
|
|
|
|
\s5
|
|
\v 12 Ngarud, padak a namati, rumbeng nga agbiagtayo a maiyannurot iti panangiturong ti Espiritu kadatayo. Ti saantayo a masapul nga aramiden ket ti agbiag a kas iti kayat ti daan a dakes a kababalintayo.
|
|
\v 13 No aramidenyo ti kayat ti daan a dakes a kababalinyo, sigurado a saankayo a makipagbiag iti Dios iti agnanayon. Ngem no ipalubosyo a pasardengennakayo ti Espiritu nga agar-aramid kadagitoy a banbanag, agbiagkayonto ngarud iti agnanayon.
|
|
|
|
\s5
|
|
\v 14 Datayo nga agtultulnog iti Espiritu ti Dios ket annak ti Dios.
|
|
\v 15 Daytoy ket gapu ta inawatyo manipud iti Dios ti Espiritu a saan a mamagbuteng kadakayo. Saankayo a kasla tagabu a mabutbuteng kadagiti amongda. Pinagbalinnatayo ketdi ti Espiritu nga annak ti Dios. Inikkannatayo ita ti Espiritu iti kabaelan nga umawag iti Dios a, "Sika ti Amak!"
|
|
|
|
\s5
|
|
\v 16 Patalgedan ti Espiritu ti ibagbaga ti espiritutayo, nga annaknatayo ti Dios.
|
|
\v 17 Gapu ta annaknatayo ti Dios, addanto met ti aldaw nga awatentayo ti inkari ti Dios kadatayo. Ken awatentayonto met ti inkari ti Dios kadatayo ken ti inkarina met laeng ni Cristo. Ngem masapul nga agsagabatayo iti panagar-aramid iti nasayaat a kas iti inaramid ni Cristo, tapno maitan-oknatayo ti Dios.
|
|
|
|
\s5
|
|
\v 18 Panagkunak a saan a rumbeng nga isu't panpanunotentayo dagiti sagsagabaentayo iti agdama a tiempo gapu ta naindaklanto ti dayag nga iparangarang ti Dios kadatayo.
|
|
\v 19 Sigagagar nga agur-uray dagiti pinarsua ti Dios iti tiempo nga iparangarangnanto no siasino dagiti pudno nga annakna.
|
|
|
|
\s5
|
|
\v 20 Inikkan ti Dios dagiti pinarsuana iti kabaelan a manggun-od kadagiti pinanggepna. Dayta ket saan a gapu ta kayatda ti mapaay. Ngem ketdi, inaramid ida ti Dios iti dayta a wagas gapu ta sigurado isuna
|
|
\v 21 nga iti maysanto nga aldaw ket saanto a matay, agrupsa, wenno agsisina dagiti pinarsuana. Waya-wayaanna ida manipud iti dayta tapno mabalinna nga aramiden dagiti nasayaat a banbanag para kadakuada a kas iti aramidennanto kadagiti annakna.
|
|
\v 22 Ammotayo nga inggana ita, a kasla sangsangkamaysa nga umas-asug dagiti amin a banbanag a pinarsua ti Dios ken kayatda nga aramidenna iti kas kadagiti nasasayaat a banbanag para kadakuada. Ngem ita ket kas iti babai a mangrikrikna kadagiti ut-ot sakbay ti panagpasngayna.
|
|
|
|
\s5
|
|
\v 23 Saan laeng nga umasug dagitoy a banbanag, ngem agas-asugtayo met iti kaunggantayo. Datayo nga addaan iti Espiritu ti Dios, a kasla sangkapaset a sagut a naawattayo bayat ti panagur-uraytayo kadagiti amin nga ited ti Dios kadatayo, umas-asugtayo iti kaunggantayo. Umas-asugtayo bayat a sigagagartayo a mangur-uray iti tiempo inton awatentayo ti naan-anay a kalintegantayo a kas ampon nga annak ti Dios. Karaman iti dayta ti panangwaya-wayana kadagiti bagbagitayo manipud kadagiti banbanag a manglaplapped kadatayo ditoy daga. Aramidenna daytoy babaen iti panangitedna kadatayo iti baro a bagi.
|
|
\v 24 Ta insalakannatayo ti Dios gapu ta addaantayo iti namnama kenkuana. No adda kadatayon dagiti banbanag nga inur-uraytayo, saantayon a masapul nga urayen pay dagitoy. Ta no addaankayo iti banag a namnamaenyo nga alaen, saanyon a kasapulan ti aguray para iti dayta.
|
|
\v 25 Ngem gapu ta agur-uraytayo latta a sinanama nga awatentayo dagiti banbanag nga awan pay kadatayo, sigagagar ken siaanustayo nga aguray para iti dayta.
|
|
|
|
\s5
|
|
\v 26 Kasta met a tultulongannatayo ti Espiritu ti Dios iti tiempo a nakapuytayo. Saantayo nga ammo ti rumbeng nga ikararagtayo. Ngem ammo ti Espiritu ti Dios; bayat nga ikarkararagnatayo, umas-asug isuna iti wagas a saan a maiyebkas iti sasao.
|
|
\v 27 Ti Dios a mangsuksukimat iti akin-uneg a kababalin ken panunottayo ket maawatanna ti tarigagay ti Espirituna. Ikarkararagannatayo ti Espirituna datayo a kukua iti Dios kas ti kayat ti Dios nga ikararagna.
|
|
|
|
\s5
|
|
\v 28 Ken ammotayo a para kadagiti agay-ayat iti Dios, aramidenna amin a banbanag iti wagas a pagimbagantayo. Ar-aramidenna daytoy para kadagiti pinilina, gapu ta dayta ti plinanona nga aramidenna.
|
|
\v 29 Ammo ti Dios idi pay laeng a mamatitayo kenkuana. Datayo dagiti inkeddeng ti Dios idi pay laeng a maaddaan iti kababalin a kas iti kababalin ti Anakna. Nagbanag ngarud a ni Cristo ti inauna nga Anak ti Dios, ken dagiti annak ti Dios ket dagiti adu nga ub-ubing a kakabsat ni Jesus.
|
|
\v 30 Ken dagiti inkeddeng ti Dios idi nga agbalintayo a kas iti Anakna, inayabanna met ida tapno makikadua kenkuana. Ken dagiti inayabanna a makikadua kenkuana ket inbilangna a nalinteg. Ket dagiti inbilangna a nalinteg, padayawannanto met ida.
|
|
|
|
\s5
|
|
\v 31 Isu nga ibagak kadakayo a masapul a maadalyo manipud kadagitoy a banbanag nga ar-aramiden ti Dios para kadatayo. Gapu ta agtigtignay ti Dios para kadatayo, awan ti makaabak kadatayo!
|
|
\v 32 Saan nga inpaidam ti Dios uray ti bukbukodna nga Anak. Ngem ketdi, inyawatana isuna kadagiti dadduma a siraranggas a mangpapatay kenkuana tapno mairanudtayo amin a mamati kenkuana iti ipapatayna para kadatayo. Gapu ta inaramid ti Dios dayta, itedna met kadatayo nga awan bayadna ti amin a kasapulantayo nga agbiag para kenkuana, kas nayon iti panangitedna kenni Cristo kadatayo.
|
|
|
|
\s5
|
|
\v 33 Awan ti mabalin a mangakusar kadatayo iti sangoanan ti Dios iti panagbidduttayo, ta pinilinatayo nga agbalin a kukuana. Isuna ti nangibilang kadatayo a nalinteg.
|
|
\v 34 Siasino ti mangukom? Ni Cristo ti natay para kadatayo—ken saan lang a dayta, napagungar isuna manipud kadagiti natay—ken makipagturturay iti Dios iti lugar iti kinatan-ok ken isuna ti umas-asug para kadatayo.
|
|
|
|
\s5
|
|
\v 35 Pudno nga awanto pulos ti makalapped kenni Cristo a mangay-ayat kadatayo! Saanto a mapasamak dayta, uray no addanto ti mangriribuk kadatayo, wenno uray no adda mangdangran kadatayo, wenno uray no awan kanentayo, wenno uray no awan naan-anay a badotayo, wenno uray no agbibiagtayo iti napeggad a kasasaad, wenno uray no adda mangpapatay kadatayo.
|
|
\v 36 Mabalin a mapasamak ti kakasta a banbanag kadatayo, kas iti naisurat nga imbaga ni David iti Dios, "Gapu ta tattaonakami, kankanayon a kayatdakami a papatayen dagiti dadduma. Imbilangda a tattaokami laeng a mapapatay, kas iti panangibilang ti agparparti iti karnero nga isu laeng ti ayup a maparti."
|
|
|
|
\s5
|
|
\v 37 Ngem uray pay mapasamak amin dagitoy a dakes a banbanag kadatayo, naan-anay ti panangabaktayo kadagitoy a banbanag gapu ta tultulongannatayo ni Cristo a mangay-ayat kadatayo.
|
|
\v 38 Naan-anay a naallukoyak, a ti pannakatay man wenno aniaman ti mapasamak kadatayo bayat nga agbibiagtayo, wenno dagiti anghel, wenno dagiti demonio, wenno dagiti agdama a pasamak, wenno dagiti masakbayan a paspasamak, wenno dagiti agkakabileg a parsua,
|
|
\v 39 wenno dagiti agkakabileg a parsua iti langit wenno iti babaenna, wenno aniaman a banag a pinarsua ti Dios ti makapasardeng iti Dios a mangay-ayat kadatayo. Impakita ti Dios nga ay-ayatennatayo babaen iti panangibaonna kenni Jesu-Cristo nga Apotayo tapno matay para kadatayo.
|
|
|
|
\s5
|
|
\c 9
|
|
\p
|
|
\v 1 Gapu ta naitiponak kenni Cristo, ibagak kadakayo iti kinapudno. Saanak nga agul-ulbod! Patpatalgedan ti konsensiak iti ibagbagak gapu ta iturongnak ti Espiritu Santo.
|
|
\v 2 Ibagak kadakayo a kasta unay ti ladingitko maipanggep kadagiti padak nga Israelita.
|
|
|
|
\s5
|
|
\v 3 Situtulokak nga uray ilunodnak ti Dios ken isinanak nga agnanayon manipud kenni Cristo no makatulong dayta kadagiti padak nga Israelita, dagiti kakabagiak, a mamatida kenni Cristo.
|
|
\v 4 Israelitada a kas kaniak. Naibilangda kadagiti pinili ti Dios nga agbalin a kaputotan ni Jacob. Kankanayon nga imbilang ida ti Dios nga annakna. Impakitana kadagiti kapuonanda ti kinamanakabalinna. Isuda iti nakitulaganna iti mano a daras. Isuda iti nangitedanna iti linteg sadiay Bantay Sinai. Isuda dagiti pinalubosan ti Dios nga agdayaw kenkuana. Isuda dagiti nagkarian ti Dios iti adu a banbanag, nangnangruna nga agtaud ti Cristo manipud iti pulida.
|
|
\v 5 Dagiti kapuonantayo a ni Abraham, ni Isaac, ken ni Jacob, dagiti pinili ti Dios a mangirugi iti nasiontayo. Ken ti kapapatgan unay ket manipud kadatayo nga Israelita a naipasngay ti Cristo a kas tao. Isuna ti Dios a maikari a daydayawentayo iti agnanayon! Pudno daytoy!
|
|
|
|
\s5
|
|
\v 6 Inkari ti Dios kenni Abraham, Isaac, ken Jacob a makatawidda amin dagiti kaputotanda kadagiti bendisionna. Ngem uray man no kaadduan kadagiti padak nga Israelita ti nangumsi kenni Cristo, saan a panpaneknekan dayta a saan a naaramid ti Dios dagiti banbanag nga inkarina. Ta saan nga amin a tattao a nagtaud iti kaputotan ni Jacob ken dagiti mangaw-awag kadagiti bagida a tattao ida ti Israel nga ibilang ti Dios a pudno a tattaona.
|
|
\v 7 Ken kasta met a saan nga amin a kaputotan ni Abraham iti lasag nga ibilang ti Dios a pudno a kaputotan ni Abraham. Ngem ketdi, ibilang laeng ti Dios ti sumagmamano kadakuada a pudno a kaputotan ni Abraham. Uman-anamong daytoy iti kinunana kenni Abraham: "Ni Isaac, saan a dagiti dadduma nga annakmo a lallaki, ti ibilangko nga agbalin a pudno nga ama dagiti kaputotam."
|
|
|
|
\s5
|
|
\v 8 Ti kayatko a sawen ket saan nga amin a kaputotan ni Abraham ket dagiti tattao nga ibilang ti Dios kas bukodna nga annak. Ngem ketdi, dagiti laeng tattao nga adda iti panunot ti Dios idi inkarina nga ikkanna ni Abraham iti kaputotan—dagitoy dagiti tattao nga imbilangna nga agbalin a pudno a kaputotan ni Abraham ken bukodna nga annak.
|
|
\v 9 Daytoy ti inkari ti Dios kenni Abraham: "Iti daytoy a tiempo iti sumaruno a tawen, agsubliakto kenka, ket mangipasngayto ni Sara nga asawam iti ubing a lalaki." Inkari ti Dios daytoy, ken inaramidna.
|
|
|
|
\s5
|
|
\v 10 Kapada daytoy ti napasamak kenni Rebecca, ti asawa ni Isaac, nga anak a lalaki ni Abraham, idi nagsikug ni Rebecca iti singin.
|
|
\v 11 Sakbay a naipasngay dagiti singin, a ni Jacob ken Esau,
|
|
\v 12 idi saan pay a nakaaramid ti maysa kadakuada iti aniaman a banag a nasayaat wenno dakes, kinuna ti Dios kenni Rebecca, "Pagserbianto ti inauna ti inaudi, maisupadi iti kadawyan a kaugalian." Kinuna daytoy ti Dios tapno maammoantayo daytoy: a no pinanggepna ti agaramid iti maysa a banag, pilienna dagiti tattao gapu ta kayatna ida a pilien, saan a gapu ta adda naaramidda nga aniaman a maipaay kenkuana.
|
|
\v 13 Daytoy ket kas iti imbaga ti Dios iti Nasantoan a Sursurat: "Pinilik ni Jacob, ti inaudi nga anak a lalaki. Linaksidko ni Esau, ti inauna nga anak a lalaki."
|
|
|
|
\s5
|
|
\v 14 Mabalin nga adda agdamag kaniak, "Saan kadi a nainkalintegan ti Dios iti panangpilina iti sumagmamano laeng a tattao?" Ti isungbatko, "Isuna ket nalinteg!"
|
|
\v 15 Kinuna ti Dios kenni Moises, "Kaasiak ken tulongakto ti siasinoman a piliek!"
|
|
\v 16 Isu a pilpilien ti Dios dagiti tattao, saan a gapu ta kayatda a pilien ida ti Dios wenno gapu ta ikarkarigatanda nga ay-aywen isuna. Ngem ketdi, pilpilienna dagiti tattao gapu ta kaasianna dagiti saan a maikari.
|
|
|
|
\s5
|
|
\v 17 Insurat ni Moises nga imbaga ti Dios kenni Faraon, "Daytoy ti makagapu no apay nga inaramidka nga ari ti Egipto: Tapno makigubatak kenka ken tapno ipakitak kadagiti amin ditoy lubong ti kinamanakabalinko."
|
|
\v 18 Ngarud ammotayo a siaasi a tultulongan ti Dios dagiti dadduma a kayatna a pagaramidan iti nasayaat. Ken ammotayo met a patangkenenna ti ulo ti siasinoman a kayatna a patangkenen, kas kenni Faraon.
|
|
|
|
\s5
|
|
\v 19 Nalabit a kunaento ti maysa kadakayo kaniak, "Gapu ta immunan nga inkeddeng ti Dios dagiti amin nga ar-aramiden dagiti tattao, ipakaawatna met laeng dayta a kayatna nga agbasol ti dadduma kadatayo. Awan ti nangsupiat iti pagayatan ti Dios! Ngarud, saan nga umno para iti Dios a mangdusa kadagiti agbasol."
|
|
\v 20 Isungbatko, "Taokayo laeng, isu nga awan ti karbenganyo a mangdillaw iti Dios! Maiyarig isuna iti tao nga agdamdamili. Awan karbengan ti nadamili nga agsaludsod iti nangaramid kenkuana nga, "Apay a kastoy ti nangaramidam kaniak?"
|
|
\v 21 Ngem ketdi, ti laeng agdamdamili ti adda kalinteganna a mangala iti daga ken mangaramat iti paset daytoy tapno agaramid iti napintas a banga nga ipateg unay dagiti tattao—ken usarenna ti nabati a daga nga agaramid iti banga nga usaren ti tao iti inaldaw. Adda met ngarud kasta a karbengan ti Dios.
|
|
|
|
\s5
|
|
\v 22 No man pay tartarigagayan ti Dios nga ipakita a makaunget isuna maipapan iti basol, ken no man pay tartarigagayanna nga ipakaammo a kabaelanna a dusaen dagiti nagbasol a tattao gapu iti pannakabalinna, inanusanna iti kasta unay dagiti tattao a nangpaunget kenkuana ken dagiti maikari a madadael.
|
|
\v 23 Nagan-anus ti Dios tapno maipakaammona ti kinasayaatna kadagiti kinaasianna, nga immuna nga insaganana tapno makipagnaedda kenkuana.
|
|
\v 24 Ti kayat dayta a sawen ket datayo a pinilina—saan laeng a datayo a Judio, ngem kasta met dagiti saan a Judio.
|
|
|
|
\s5
|
|
\v 25 Addaan ti Dios iti karbengan a mangpili manipud kadagiti Judio ken saan a Judio, kas iti insurat ti Profeta a ni Oseas: "Adu dagiti tattao a saanko a tattao—Ibagak a tattaok ida. Adu dagiti tattao a saanko nga inayat idi, ibagak nga ita nga ay-ayatek ida"
|
|
\v 26 Ken insurat ti sabali a propeta: "Ti nangibagaan ti Dios kadakuada idi, 'Saan a dakayo ti tattaok' kadagitoy met laeng a luglugar ket agbalindanto nga annak ti pudno a Dios."
|
|
|
|
\s5
|
|
\v 27 Imbaga met ni Isaias maipapan kadagiti Israelita: "Uray pay adu unay dagiti Israelita nga awan ti makabilang kadakuada, a kas kadagiti darat iti igid ti baybay, bassitto laeng kadakuada ti maisalakan,
|
|
\v 28 gapu ta naan-anay ken napardasto a dusaen ti Apo dagiti tattao nga agnanaed iti dayta a daga, kas iti kinunana nga aramidenna."
|
|
\v 29 Insurat met ni Isaias, "No saan a siaasi ti Apo, a mangtengtengngel iti amin idiay langit, a nangpalubos iti dadduma kadagiti kaputotantayo a makalasat, nagbalintayo koma a kas kadagiti tattao iti siudad ti Sodoma ken Gomorra a naan-anay a dinadaelna.
|
|
|
|
\s5
|
|
\v 30 Masapul a pagnunumoantayo daytoy: No man pay saan a padpadasen dagiti saan a Judio ti agbalin a nasantoan, naduktalanda a palintegen ida ti Dios no agtalekda kenni Cristo.
|
|
\v 31 Ngem pudno a pinadas dagiti tattao ti Israel nga agbalin a nasantoan babaen iti panagtultulnogda iti linteg ti Dios, ngem saanda a kinabaelan.
|
|
|
|
\s5
|
|
\v 32 Saanda a kinabaelan, gapu ta pinadasda nga agaramid kadagiti banbanag a mangay-ayo iti Dios. Nagkedkedda nga agtalek kenkuana a pakawanenna ida. Nagkedkedda a mamati kenni Cristo, isu a nagtalinaedda a naisina iti Dios.
|
|
\v 33 Daytoy ti kinuna ti maysa a propeta a mapasamak: "Dumngegkayo! Mangikabkabilak iti Israel iti maysa a kasla bato a pakaitibkolanto dagiti tattao. Mangpaungetto kadagiti tattao ti aramidenna. Nupay kasta, saanto a maibabain dagiti mamati kenkuana."
|
|
|
|
\s5
|
|
\c 10
|
|
\p
|
|
\v 1 Padak a namati, ti tartarigagayak unay ken ti sipapasnek nga ikarkararagko iti Dios ket isalakannanto dagiti bukodko a tattao, dagiti Judio.
|
|
\v 2 Sipupudno nga ipakpakaammok ti maipanggep kadakuada a no man pay sipapasnek a sursurotenda ti Dios, saanda a maawatan ti panangsurot kenkuana iti umno a wagas.
|
|
\v 3 Saanda nga ammo no kasano ida nga ibilang ti Dios a nalinteg. Kayatda a palintegen ti bagbagida iti Dios iti bukbukodda, isu a saanda nga awaten ti kayat ti Dios nga aramiden para kadakuada.
|
|
|
|
\s5
|
|
\v 4 Siaanay a nagtulnog ni Cristo iti linteg tapno agbalin a nalinteg iti sangoanan ti Dios ti tunggal maysa a mamati kenkuana. Isu a saantayon a kasapulan ti linteg.
|
|
\v 5 Insurat ni Moises ti maipanggep kadagiti tattao a nangpadas nga agtulnog iti amin a linteg ti Dios: "Isu dagiti tattao a siaanay a nangaramid kadagiti banbanag a sapsapulen ti linteg nga agbiagto iti agnanayon."
|
|
|
|
\s5
|
|
\v 6 Ngem kadagiti pinalinteg ti Dios gapu ta agtalekda kenni Cristo—kunaen ni Moises kadakuada, "Awan koma ti mangpadas a mapan idiay langit," dayta ket, tapno iyulogna ni Cristo kadatayo.
|
|
\v 7 Kunaen met ni Moises daytoy kadakuada: "Awan koma iti mangpadas nga umulog iti ayan dagiti natay," dayta ket, tapno maisubli ni Cristo manipud iti patay para kadatayo.
|
|
|
|
\s5
|
|
\v 8 Ngem ketdi, maibaga dagiti mamati kenni Cristo ti insurat ni Moises: "Nalakayo laeng a masarakan ti maipanggep iti mensahe ti Dios. Maisao ken mapanunotyo ti maipanggep iti daytoy."
|
|
\v 9 Daytoy ti mensahe nga iwarwaragawagmi: a masapul a mamati dagiti tattao kenni Cristo. Daytoy a mensahe ket no siasinoman kadakayo ti mangpaneknek a ni Jesus ket Apo, ken no pudno a mamatikayo a pinagungar isuna ti Dios manipud patay, isalakannakayonto.
|
|
\v 10 No patien dagiti tattao dagitoy a banbanag, ibilang ida ti Dios a nalinteg. Ken kadagiti silalatak a mangiwarwaragawag a ni Jesus ket Apo—isalakanto ida ti Dios.
|
|
|
|
\s5
|
|
\v 11 Naisurat iti Nasantoan a Sursurat ti maipanggep ti Cristo, "Saanto a mapaay wenno maibabain ti siasinoman a mamati kenkuana."
|
|
\v 12 Iti daytoy a wagas, agpada ti panangtrato ti Dios kadagiti Judio ken dagiti saan a Judio. Gapu ta isuna met laeng ti Apo kadagiti amin a tattao a mamati kenkuana, kasta unay ti panangtulongna kadagiti amin a dumawat kenkuana a tulonganna ida.
|
|
\v 13 Daytoy ket kas iti kinuna ti Nasantoan a Sursurat: "Isalakanto ti Apo a Dios dagiti amin a dumawat kenkuana."
|
|
|
|
\s5
|
|
\v 14 Kaadduan kadagiti Judio ket pudno a saan a namati kenni Cristo, ken mabalin a padasen nga ipalawag dagiti dadduma a tattao no apay a saanda a naaramid ti kasta. Mabalin nga ibagada, "Pudno a saan a makakiddaw dagiti Judio kenni Cristo a tulonganna ida no saanda pay nga umuna a namati kenkuana! Ken pudno a saanda a mabalin ti mamati kenkuana no saanda pay a nangngeg ti maipanggep kenkuana! Ken pudno a saanda a mangngeg ti maipanggep kenkuana no awan ti mangikasaba kadakuada iti maipanggep kenkuana!
|
|
\v 15 Ken dagiti makabael a mangikasaba kadakuada iti maipanggep kenni Cristo, pudno a saanda a maaramid ti kasta no saan ida nga ibaon ti Dios. Ngem no nangasaba kadakuada ti dadduma kadagiti namati, kasla koma daytoy iti kinuna ti Nasantoan a Sursurat: 'Nagsayaat no umay dagiti tattao a mangiyeg iti naimbag a damag!"
|
|
|
|
\s5
|
|
\v 16 Sumungbatakto iti daytoy a wagas kadagiti mangibagbaga iti kasta a banbanag: Pudno a nangibaon ti Dios kadagiti tattao a mangikasaba iti mensahe maipanggep kenni Cristo. Ngem saan nga amin kadagiti tattao ti Israel ti nangikankano iti naimbag a damag! Daytoy ket kas iti kinuna ni Isaias idi nariknana ti kasta unay a pannakaupay: "Apo, kasla narigat a patien ti siasinoman a nakangngeg iti inkasabami!"
|
|
\v 17 Ngarud, ibagak kadakayo a mamatpati dagiti tattao kenni Cristo gapu ta mangmangngegda ti maipanggep kenkuana, ken mangmangngeg dagiti tattao ti mensahe gapu ta ikaskasaba dagiti dadduma ti maipanggep kenni Cristo!
|
|
|
|
\s5
|
|
\v 18 Ngem no adda nangibaga kadagitoy a tattao, "Pudno a nangngeg dagiti Israelita daytoy a mensahe," Ibagakto, "Wen, pudno! Daytoy ket kas iti ibagbaga iti Nasantoan a Sursurat: Nakita dagiti tattao nga agbibiag iti sangalubongan dagiti bituen, ken ti panpaneknekanda maipanggep iti kinasiasino ti Dios—uray pay kadagiti tattao nga agnaned kadagiti kaadayoan a lugar ditoy lubong ket naawatanda daytoy!
|
|
|
|
\s5
|
|
\v 19 Maysa pay, pudno a nangngeg dagiti Israelita daytoy a mensahe. Naawatanda met daytoy, ngem nagkedkedda a mamati iti daytoy. Laglagipenyo a ni Moises ti immuna a nangballaag kadagiti tattao a kas iti daytoy. Imbagana kadakuada a kinuna ti Dios, "Ipagarupyo a saan a pudno a nasio ti nasion dagiti saan a Judio. Ngem mamatinto kaniak dagiti sumagmamano kadakuada, ket bendisionakto ida. Ket umapal ken makaungetkayonto kadakuada, dagiti tattao a saanyo nga ipagarup a maawatandak.
|
|
|
|
\s5
|
|
\v 20 Laglagipenyo met a situtured a kinuna ti Dios kenni Isaias, "Sigurado a masarakandakto dagiti saan a Judio a saan a nangpadas a mangam-ammo kaniak! Sigurado nga ipakaammokto ti kinasiasinok kadagiti saan a nangkiddaw a mangammo ti maipapan kaniak!"
|
|
\v 21 Ngem isasao met ti Dios ti maipanggep kadagiti Israelita. Kinunana, "Iti nabayag a tiempo ket inyawatko dagiti imak kadagiti tattao a saan a nagtulnog ken nagrebelde kaniak, tapno awisek ida nga agsubli kaniak."
|
|
|
|
\s5
|
|
\c 11
|
|
\p
|
|
\v 1 Gapu iti dayta, no bilang ta adda mangdamag, "Linaksid kadi ti Dios dagiti tattaona a Judio?" Ipablaakko nga awan duadua a saannatayo a linaksid amin! Laglagipenyo a maibilangak met kadagiti tattao ti Israel. Kaputotannak ni Abraham, ken nagtaudak iti puli ni Benhamin, ngem saannak a linaksid ti Dios!
|
|
\v 2 Saan, saan a linaksid ti Dios dagiti tattaona, a pinilina idi pay laeng un-unana nga agbalin a tattao a bendisionanna iti naisangsangayan a wagas. Laglagipenyo a nagbiddut ni Elias iti panagreklamona iti Dios maipanggep kadagiti tattao ti Israel, kas ibagbaga ti Nasantoan a Sursurat:
|
|
\v 3 "Apo, pinatayda dagiti nabatbati a profetam, ken dinadaelda dagiti altarmo. Siak laengen ti sibibiag a mamatpati kenka, ket ita kayatdak a papatayen!"
|
|
|
|
\s5
|
|
\v 4 Simmungbat ti Dios kenkuana iti kastoy: "Saan laeng a sika ti nabati a napudno kaniak. Nakaibatiak iti pito a ribu a lallaki idiay Israel, lallaki a saan a nagdayaw iti palso a dios a ni Baal."
|
|
\v 5 Isu nga adda met ita ti bassit a bunggoy manipud kadatayo a Judio a nagbalin a namati. Pinilinatayo ti Dios nga agbalin a namati gapu laeng ta sisasayaat nga agtigtignay kadatayo, kadagiti wagas a saantayo a pakaikarian.
|
|
|
|
\s5
|
|
\v 6 Agsipud ta gapu ta sisasayaat isuna nga agtigtignay kadagiti pilpilienna, saanna ngarud ida a pinili gapu ta nangaramidda kadagiti naimbag a banbanag. No pinili ti Dios dagiti tattao gapu ta nangaramidda kadagiti nasayaat nga ar-aramid, saan ngaruden a masapul nga agtignay isuna a sisasayaat kadakuada.
|
|
\v 7 Agsipud ta sumagmamano laeng a tattao iti Israel ti pinili ti Dios, ipakaammo daytoy kadatayo a saan a nagballigi ti kaadduan kadagiti Judio a maala ti birbirukenda—(no man pay naaala dagiti Judio a pinili ti Dios daytoy). Saan latta a maawatan ti kaadduan kadagiti Judio ti ibagbaga ti Dios kadakuada.
|
|
\v 8 Daytoy ti apag-isu la unay nga insurat ni profeta Isaias: "Pinatangken ti Dios iti uloda. Maawatanda koma ti kinapudno maipanggep kenni Cristo, ngem saanda a mabalinan. Rumbeng koma nga agtulnogda iti Dios no agsao isuna, ngem saanda met nga aramiden. Kasta pay laeng agingga iti daytoy nga aldaw.
|
|
|
|
\s5
|
|
\v 9 Gapu kadagiti Judio, maipalpalagip kaniak ti imbaga ni Ari David, idi dinawatna a pamudelen ti Dios dagiti pangrikna dagiti kabusorna: "Pakunengem ida, kas kadagiti ayup a matiliw iti iket wenno silo! Natalgedda kom ti riknada a kasla addada kadagiti padaya, ngem pagbalinem koma dagitoy a padaya a tiempo ti panangtiliwmo kadakuada, ket agbasolda, ket agbanag iti panangdadaelmo kadakuada.
|
|
\v 10 Saanda koma a makita ti peggad inton umay kadakuada. Kankanayon koma a pagsagabaem ida gapu kadagiti parikutda."
|
|
|
|
\s5
|
|
\v 11 Mabalin nga adda mangdamag a kunana, "Idi nagbasol dagiti Judio gapu iti saanda a panamati kenni Cristo, kayatna kadi dayta a sawen nga agnanayondanto a naisina manipud iti Dios?" Isungbatko, "Saan, awan duadua a saanda nga insina nga agnanayon dagiti bagbagida iti Dios! Ngem ketdi, gapu ta nagbasolda, isalakan ti Dios dagiti saan a Judio tapno apalan dagiti Judio ti wagas a panangbendisionna kadagiti saan a Judio, tapno dawatenda kenni Cristo nga isalakanna ida."
|
|
\v 12 Idi linaksid dagiti Judio ni Cristo, nagbanag iti aglaplapusanan a panangbendision ti Dios kadagiti dadduma a tattao iti lubong babaen iti panangidiayana kadakuada iti gundaway a mamati. Ket idi saan a nagballigi iti naespirituan dagiti Judio, nagbanag iti aglaplapusanan a panangbendision ti Dios kadagiti saan a Judio. Agsipud ta pudno dayta, anian a nakasaysayaatto a mamati kenni Cristo ti kumpleto a bilang dagiti Judio a pinili ti Dios!
|
|
|
|
\s5
|
|
\v 13 Ita, dakayo a saan a Judio ti pangibagbagaak kadagiti sumaganad. Siak ti apostol kadagiti saan a Judio a kas kadakayo, ket kasta unay ti panangipategko iti daytoy a trabaho nga inted ti Dios nga aramidek.
|
|
\v 14 Ngem namnamaek pay a babaen kadagiti rigrigatko ket paapalak dagiti padak a Judio, ket agbanag a mamati ti dadduma kadakuada ket maisalakanda.
|
|
|
|
\s5
|
|
\v 15 Linaksid ti Dios ti kaadduan kadagiti padak a Judio gapu ta nagkedkedda a mamati, ket ti nagbanaganna, nakikapia isuna kadagiti adu a tattao iti lubong. No kasta ti napasamak kalpasan a linaksid ti kaadduan kadagiti Judio ni Cristo, panunotenyo dagiti nasasayaat a banbanag a mapasamakto kalpasan nga agtalekda kenkuana. Kasladanto nagungar manipud iti patay!
|
|
\v 16 Kas iti panagbalin ti sibubukel a tinapay a kukua ti Dios no idaton dagiti tattao ti tinapay a naaramid manipud iti immuna a paset daytoy, kasta met a kukuanto ti Dios dagiti Judio agsipud ta kukua ti Dios dagiti kapuonanda. Ken kas met nga agbalin a napintas dagiti sanga ti kayo no napintas ti ramutna, isu nga addanto tiempo nga agbalinto met a kukua ti Dios dagiti kaputotan dagiti natatan-ok a kapuonanmi a Judio a kukua ti Dios.
|
|
|
|
\s5
|
|
\v 17 Linaksid ti Dios ti adu kadagiti Judio, kas iti panangtukkol ti tao kadagiti nagango a sanga ti kayo. Ket tunggal maysa kadakayo a saan a Judio nga inawat ti Dios ket kasla sanga iti saan a nataripato a kayo ti olibo nga insilpo ti maysa a tao iti puon iti nataripato a puon ti olibo. Inranudnakayo ti Dios manipud iti panangbendisionna kadagiti nagkauna a Judio a kapuonanmi, kas iti pannakairanud dagiti sanga iti tubbog manipud iti ramut iti nataripato a puon ti olibo.
|
|
\v 18 No pay kasta, dakayo a saan a Judio, saan a rumbeng a laisenyo dagiti Judio a linaksid ti Dios, uray no kaslada kadagiti sanga a tinukkol ti maysa a tao iti puon! No kayatyo nga agpasindayag gapu iti panangisalakan ti Dios kadakayo, laglagipenyo daytoy: Saan a pakanen dagiti sanga ti ramut. Ngem ketdi, ti ramut ti mangpakan kadagiti sanga. Kasta met a tinulongannakayo ti Dios gapu iti naawatyo kadagiti Judio! Awan naitedyo kadagiti Judio a makatulong kadakuada.
|
|
|
|
\s5
|
|
\v 19 Nalabit nga ibagayo kaniak, "Linaksid ti Dios dagiti Judio a kas iti panangsip-ak ti tattao kadagiti saan a napintas a sanga manipud iti kayo ken ibillengda dagitoy, ket inaramidna daytoy tapno mabalin nga awatennatayo koma a saan a Judio, a kas iti panangisilpo dagiti tattao kadagiti sanga iti balang a puon ti olibo iti napintas a kayo."
|
|
\v 20 Isungbatko a pudno daytoy. No pay kasta, gapu ta saanda a namati kenni Cristo, linaksid ida ti Dios. No maipapan kadakayo, ti makagapu a sititibker a makatakderkayo ket gapu laeng ta mamatikayo kenni Cristo! Isu a saankayo koma nga agpasindayag, ngem ketdi, agsiddaawkayo koma!
|
|
\v 21 Gapu ta saan a kinailalaan ti Dios dagitoy a Judio a saan a mamati, a dimmakkel a kas iti gagangay a sanga a nagtaud iti ramut, ammoenyo ngarud daytoy, no saankayo a mamati, saannakayonto met a kailalaan!
|
|
|
|
\s5
|
|
\v 22 Laglagipenyo ngarud nga agtigtignay a siaayat ti Dios, ngem agtigtignay met laeng a siuulpit. Nagtignay isuna a siuulpit kadagiti Judio a nagkedked nga agtalek kenni Cristo. Nagtignay a sisasayaat ti Dios kadakayo, ngem agtignayto a siuulpit no saankayo nga agtultuloy nga agtaltalek kenni Cristo.
|
|
|
|
\s5
|
|
\v 23 Ket no mamati dagiti Judio kenni Cristo, isilponto manen ida ti Dios iti kayo, gapu ta kabaelan ti Dios nga aramiden dayta.
|
|
\v 24 Dakayo a saan a Judio a naisina iti Dios iti napalabas ket nairanud kadagiti wagas a panangbendision ti Dios kadagiti Judio. Dayta ket kas iti panangala kadagiti sanga a pinukan iti maysa a tao manipud iti balang a kayo nga olibo —maysa a kayo a nagtubo lattan—ken, maisupadi iti kadawyan nga ar-aramiden dagiti tattao, nga isilpoda ti naimula a kayo nga olibo. Ngarud, ad-adda pay a sisasagana ti Dios a mangawat manen kadagiti Judio agsipud ta siguden a kukuana ida! Dayta ket kaslanto iti panangisubli iti sigud a sanga a pinukan ti maysa a tao iti kayo nga olibo a nakapukananna.
|
|
|
|
\s5
|
|
\v 25 Dakayo a saan a Judio a padak a namati, kayatko launay a maawatanyo daytoy a kinapudno a palimed, tapno saanyo a panunoten nga ammoyo amin: Adu a tattao ti Israel ti agtultuloy a natangken ti uloda agingga a mamati amin kenni Jesus dagiti saan a Judio a pinili ti Dios.
|
|
|
|
\s5
|
|
\v 26 Ket isalakanto ti Dios dagiti amin a tattao ti Israel. Ket pumaysonto dagitoy a sasao nga adda iti Nasantoan a Sursurat: "Umayto ti mangmangted iti pannakawayawaya kadagiti tattaona manipud iti ayan ti Dios kadagiti Judio. Pakawanennanto dagiti basbasol dagiti Israelita."
|
|
\v 27 Ket kas iti kuna ti Dios, "Ti tulag nga aramidek kadakuada ket ti tulag a pangpakawanak kadagiti basbasolda."
|
|
|
|
\s5
|
|
\v 28 gapu ta linaksid dagiti Judio ti naimbag a damag maipanggep kenni Cristo, ibilang ida ti Dios a kas kabusor, ket nakatulong kadakayo a saan a Judio dayta. Ngem agsipud ta isuda dagiti tattao a pinili ti Dios, ay-ayaten latta ida ti Dios gapu iti inkarina nga aramiden para kadagiti kapuonanda.
|
|
\v 29 Ay-ayatenna latta ida, agsipud ta pulos a saan a nagbalbaliw ti panunotna maipanggep iti inkarina nga itedna kadakuada, ken maipanggep iti panangayabna kadakuada tapno agbalinda a bukodna a tattao.
|
|
|
|
\s5
|
|
\v 30 Naminsan a nagsukirkayo iti Dios dakayo a saan a Judio ngem ita ket nagtignay a siaasi kadakayo agsipud ta nagsukir dagiti Judio kenkuana.
|
|
\v 31 Kasta met laeng a nagsukirda ita iti Dios. Ti nagbanaganna ket iti isu met laeng a wagas a panagtignayna a siaasi kadakayo, agtignayto manen isuna a siaasi kadakuada.
|
|
\v 32 Impablaak ti Dios ken pinaneknekanna nga amin a tao, Judio ken saan a Judio, ket nagsukir kenkuana. Impablaakna dayta gapu ta kayatna nga agtignay a siaasi kadatayo amin.
|
|
|
|
\s5
|
|
\v 33 Anian a nagdakkel dagiti nainsiriban a banbanag nga inaramid ti Dios ken agnanayon nga ammonan! Awan ti makaawat wenno makaammo a naan-anay kadagitoy.
|
|
\v 34 Malagipko a kuna ti Nasantoan a Sursurat, "Awan pulos ti makaammo iti panpanunoten ti Apo. Awan pay pulos ti nakabalakad kenkuana."
|
|
|
|
\s5
|
|
\v 35 Ken, "Awan ti nakaipaay iti uray ania a banag iti Dios iti wagas a masapul a gun-gonaan isuna ti Dios."
|
|
\v 36 Ti Dios ti nangparsua iti amin a banbanag. Isu met laeng ti mangay-aywan iti amin a banbanag. Ti makagapu a pinarsuana dagitoy ket tapno dayawenda isuna. Padayawan koma ti amin a tattao isuna iti agnanayon! Matungpal koma daytoy!
|
|
|
|
\s5
|
|
\c 12
|
|
\p
|
|
\v 1 Padak a namati, agsipud ta siaasi a nagtigtignay ti Dios kadakayo iti adu a wagas, kiddawek kadakayo amin nga ipaayyo ti bagiyo a kas daton a sibibbiag, daton nga itedyo laeng iti Dios ken makaay-ayo kenkuana. Daytoy laeng ti umno a wagas a pagdayaw kenkuana.
|
|
\v 2 Saanyo nga ipalubos nga iturongdakayo dagiti saan a namati iti panagtignayyo. Ngem ketdi, ipalubosyo a baliwan ti Dios iti panagpanpanunotyo ken kankanayonna daytoy a pabaroen, tapno maammoanyo ti kayatna nga aramidenyo, tapno maamoanyo ti panagtignayyo iti wagas a makaay-ayo kenkuana, dagiti wagas nga uray isuna ket ar-aramidenna.
|
|
|
|
\s5
|
|
\v 3 Gapu ta sisasayaat a dinutokannak ti Dios nga agbalin nga apostolna, a saanko a pakaikarian, ibagak daytoy ti tunggal maysa kadakayo: Saanyo a panunoten a nasaysayaatkayo ngem iti pudno a kinasiasinoyo. Ngem ketdi, natanang koma ti panagpanpannunotyo, a kas met laeng iti wagas nga impalubos ti Dios a panagtalekyo kenkuana.
|
|
|
|
\s5
|
|
\v 4 Nupay maymaysa ti bagi ti tao, addaan daytoy iti adu a paset. Kasapulan ti bagi ti amin a paset, ngem saanda amin nga agpapada iti pakaaramatan.
|
|
\v 5 Kasta met kadatayo, uray no adutayo, nagkaykaysatayo iti maysa a bunggoy gapu ta naitipontayo kenni Cristo, ken naibilangtayo iti maysa ken maysa. Ngarud, masapul nga awan ti agtignay a kasla napatpateg isuna ngem kadagiti dadduma!
|
|
|
|
\s5
|
|
\v 6 Ngem ketdi, agsipud ta makaaramid ti tunggal maysa kadatayo ti agduduma a banbanag gapu ta inaramidnatayo ti Dios a naidum-duma iti maysa ken maysa, masapul nga aramidentayo dagitoy a sigagagar ken siraragsak! Kadatayo a nangtedan ti Dios kadagiti mensahe a maipaay kadagiti dadduma ket masapul nga agsao iti wagas a kasla iti panagtalektayo iti Dios.
|
|
\v 7 Dagiti innikkan ti Dios iti kabaelan nga agserbi kadagiti dadduma, aramidenda koma dayta. Dagiti innikkan ti Dios iti kabaelan a mangisuro iti kinapudnona, aramidenda koma dayta.
|
|
\v 8 Dagiti inikkan ti Dios iti kabaelan a mangparegta iti dadduma, aramidenda koma daytoy a sipupuso. Dagiti inikkan ti Dios iti kabaelan a mangted iti banbanag kadagiti dadduma, aramidenda koma a sibubuslon. Dagiti inikkan ti Dios iti kabaelan a mangimaton iti dadduma, aramidenda koma daytoy, ken aramidenda daytoy nga addaan panagannad. Dagiti inikkan ti Dios iti kabaelan a tumulong kadagiti agkasapulan, aramidenda koma daytoy a siraragsak.
|
|
|
|
\s5
|
|
\v 9 Ti wagas a rumbeng a panagayat kadagiti tattao ket ayaten isuda a sipupudno! Guraenyo ti dakes! Ituloyyo a sigagagar nga aramiden dagiti imbilang ti Dios a nasayaat!
|
|
\v 10 Ayatenyo ti tunggal maysa a kas kamkameng iti isu met laeng a pamilia; ken maipapan iti panagraem iti tunggal maysa, masapul a dakayo ti umuna a mangaramid iti daytoy!
|
|
|
|
\s5
|
|
\v 11 Saankayo nga agsadsadut. Ngem ketdi, aggagarkayo nga agserbi iti Dios! Aggagetkayo koma iti panagserbiyo iti Apo!
|
|
\v 12 Agrag-okayo gapu ta sitatalgedkayo a mangur-uray iti kayat ti Dios nga aramidennanto kadakayo! No agsagabakayo, aganuskayo! Kankanayon nga agkararagkayo ken saankayo a pulos nga agsardeng!
|
|
\v 13 No adda man kadagiti tattao ti Dios iti agkurkurang iti uray ania a banag, ibingayyo kadakuada ti adda kadakayo! Kankanayonkayo koma a nakasagana a mangaywan kadagiti namati nga agdaldaliasat ken agkasapulan iti paggianan!
|
|
|
|
\s5
|
|
\v 14 Dawatenyo iti Dios nga agbalin a naimbag isuna kadagiti mangidadanes kadakayo gapu ta mamatikayo kenni Jesus! Dawatenyo nga agbalin isuna a naimbag kadakuada; saanyo a dawaten nga ipagapuna dagiti saan a nasayaat a banbanag a mapasamak kadakuada.
|
|
\v 15 No naragsak ti maysa a tao, naragsakkayo met koma! No naliday ti maysa a tao, nalidaykayo met koma!
|
|
\v 16 Tarigagayanyo a maipaay kadagiti dadduma ti tartarigagayanyo para kadagiti bagbagiyo. Saankayo nga agpannakkel iti panagpanpanunotyo; ngem ketdi, makigayyemkayo kadagiti tattao a kasla saan a napateg. Saanyo nga ibilang a nasiribkayo.
|
|
|
|
\s5
|
|
\v 17 Saankayo nga agaramid iti dakes iti siasinoman a nagaramid iti dakes kadakayo. Agtignaykayo iti wagas a nasayaat iti imatang dagiti amin a tattao!
|
|
\v 18 Makipagbiagkayo a sikakapia kadagiti dadduma a tattao, aginggana a maurnosyo ti pasamak.
|
|
|
|
\s5
|
|
\v 19 Padak a namati nga ay-ayatek, saankayo nga agaramid iti dakes a kas supapak ti dakes nga ar-aramiden dagiti tattao kadakayo! Ngem ketdi, palubosanyo a dusaen ida ti Dios. Kuna ti Nasantoan a Sursurat, '"Supapakakto dagiti agaramid iti dakes. Karbengak ti mangsupapak kadakuada,' kuna ti Apo."
|
|
\v 20 Imbes nga agaramidkayo iti dakes kadagiti nakaaramid iti dakes kadakayo, aramidenyo ti isursuro ti Nasantoan a Sursurat, "No mabisin dagiti kabusormo, pakanem ida! No mawawda, ikkam ida iti aniaman a mainom. Babaen iti panagaramidmo iti dayta, makariknada iti bain, ket nalabit a baliwandanto ti ugalida kenka."
|
|
\v 21 Saanmo nga ipalubos nga abakennaka dagiti dakes nga aramid nga inaramid dagiti dadduma kenka. Ngem ketdi, aramidem kadakuada ti nasaysayaat pay ngem iti inaramidda kenka!
|
|
|
|
\s5
|
|
\c 13
|
|
\p
|
|
\v 1 Masapul nga agtulnog kadagiti opisial iti gobierno ti tunggal namati. Laglagipenyo a ti Dios laeng ti mangmangted kadagiti opisial iti turayda. Maysa pay, dagitoy agdama nga opisial ket dinutokan ti Dios.
|
|
\v 2 Ngarud, siasinoman a sumukir iti opisial ket suksukirenna ti insaad ti Dios. Maysa pay, dagiti mangsukir kadagiti opisial, isuda met laeng ti makagapu a dusaen ida dagiti opisial.
|
|
|
|
\s5
|
|
\v 3 Ibagak daytoy, gapu ta saan nga agbuteng kadagiti mangiturturay dagiti tattao nga agar-aramid iti nasayaat nga ar-aramid. Ngem ketdi, agbuteng dagiti tattao nga agar-aramid iti dakes. Ngarud, no adda kadakayo ti agar-aramid iti nasayaat, dayawendakayonto imbes a dusaendakayo!
|
|
\v 4 Adda amin nga opisial tapno agserbida iti Dios, tapno matulonganda ti tunggal maysa kadakayo. No adda kadakayo ti agar-aramid iti dakes, rumbeng laeng nga agbutengkayo kadakuada. Adda dagiti opisial tapno agserbi iti Dios babaen iti panangdusdusada kadagiti agar-aramid iti dakes.
|
|
\v 5 Nasisita ngarud nga agtulnogkayo kadagiti opisial, saan laeng a gapu ta dusaendakayo no sukirenyo ida, ngem gapu ta ammoyo met kadagiti bagbagiyo a masapul nga agpaituraykayo kadakuada!
|
|
|
|
\s5
|
|
\v 6 Daytoy ti makagapu a bayadanyo met dagiti buisyo, gapu ta agserserbi dagiti opisial iti Dios kas itultuloyda nga ar-aramiden dagiti trabahoda.
|
|
\v 7 Itedyo kadagiti amin nga opisial ti itedyo koma kadakuada! Bayadanyo dagiti biusyo kadagiti rumbeng a pagbayadanyo. Bayadanyo dagiti pagrebbenganyo kadagiti banbanag a masapul a bayadanyo ti buisna. Raemenyo dagiti rumbeng a raemenyo. Padayawanyo dagiti rumbeng a padayawanyo.
|
|
|
|
\s5
|
|
\v 8 Bayadanyo amin nga utangyo iti tiempo a panagbayadyo kadagitoy. Ti laeng banag a kasla utang a masapul a saanyo nga isardeng a baybayadan ket isu ti panagayatyo iti tunggal maysa. Siasinoman a mangayat kadagiti dadduma ket natungpalnan iti amin nga imbilin ti Dios iti lintegna.
|
|
\v 9 Adu dagiti banbanag nga imbilin ti Dios iti lintegna, kas iti; dika makikamalala, dika pumatay iti siasinoman, dika agtakaw, ken dika agtarigagay iti uray ania a banag a kukua iti sabali. Ngem mabalintayo a dagupen ti kayat a sawen ti amin a linteg iti daytoy a salaysay: "Ayatem ti karrubam a kas panagayatmo iti bagim."
|
|
\v 10 No ayatem ti tunggal maysa nga adda iti aglawlawmo, awanto ti mapasakitam. Ngarud, siasinoman a mangay-ayat kadagiti dadduma ket tungtungpalenna dagiti sapsapulen ti linteg ti Dios.
|
|
|
|
\s5
|
|
\v 11 Aramidenyo ti kaibagbagak laeng kadakayo, nangnangruna ta ammoyo ti kinapateg ti tiempo a pagbibiagantayo ita. Ammoyo a daytoy ti tiempo a masapul a nasiglatkayo ken nagaget, a kas kadagiti tattao a nariing iti pannaturogda, gapu ta asidegen ti tiempo inton ilapsutnatayo ni Cristo manipud iti daytoy basol iti lubong ken asidegen ti panaglaladingit. As-asidigen dayta a tiempo ita ngem idi damo a namatitayo kenni Cristo.
|
|
\v 12 Dandanin nga agpatingga ti tiempotayo nga abiag iti daytoy a lubong, a kas iti rabii a dandanin nga agleppas. Asideng ti tiempo a panagsubli ni Cristo. Isu nga isardengtayon ti agar-aramid kadagiti nadangkes nga ar-aramid a kaykayat nga aramiden dagiti tattao iti rabii, ken masapul nga aramidentayo dagiti banbanag a mangtulong kadatayo a mangsupring iti dakes, kas iti panangisuot dagiti suldado kadagiti kalasagda iti aldaw a nakasagana a makiranget kadagiti kabusorda.
|
|
|
|
\s5
|
|
\v 13 Agtignaytayo koma a sitatanang, a kasla dimtengen ti tiempo a panagsubli ni Cristo. Saantayo koma nga agbarbartek wenno agaramid kadagiti dakes a banbanag kadagiti dadduma. Saantayo koma nga agaramid iti aniaman a kita ti kinaderrep wenno naalas nga aramid. Saantayo koma nga aggaapa. Saantayo koma nga umapal kadagiti dadduma a tattao.
|
|
\v 14 Ngem ketdi, agbalintayo koma a kas kenni Apo Jesu-Cristo tapno makita ti dadduma ti kinasiasinona. Masapul nga isardengyo koma a pagustuan dagiti banbanag a kayat nga aramiden ti daan ken dakes a kinataoyo.
|
|
|
|
\s5
|
|
\c 14
|
|
\p
|
|
\v 1 Awatenyo dagiti agduadua no itulok ti Dios nga aramidenda dagiti banbanag nga ipagarup dagiti dadduma a tattao a saan a nasayaat. Ngem no awatenyo isuda, saankayo a makisinnupiat kadakuada maipanggep iti panpanunotenda. Kapanunotan laeng dagitoy a saludsod.
|
|
\v 2 Patien dagiti dadduma a tattao a mabalinda a kanen dagiti amin a kita ti taraon. Patien met dagiti dadduma nga adda banbanag a saan a kayat ti Dios a kanenda, isu a patienda a natnateng laeng ti mabalinda a kanen.
|
|
|
|
\s5
|
|
\v 3 Saan koma a laisen ti siasinoman a mangipagarup a mabalin a kanen dagiti amin a kita ti taraon dagiti saan a kasta ti kapanunotanna. Saan koma nga ukomen ti siasinoman a mangipagarup a saan a mabalin a kanen dagiti amin a kita ti taraon dagiti sabali ti kapanunotanna, gapu ta inawat mismo ti Dios dagitoy a tattao.
|
|
\v 4 Ti Dios ti Apotayo amin, isuna ngarud ti mangikeddeng no nagbasol dagitoy a tattao! Awan ti rumbeng a mangukom iti sabali maipanggep iti daytoy, gapu ta kabaelan ti Dios a pagtalinaeden ida a napudno kenkuana.
|
|
|
|
\s5
|
|
\v 5 Ibilang dagiti dadduma a tattao nga ad-adda a nasantoan dagiti dadduma nga aldaw ngem kadagiti dadduma nga aldaw. Ibilang met dagiti dadduma a tattao nga agpapada ti amin nga aldaw para iti panagdaydayaw iti Dios. Masapul a siaanay koma a mamati ti tunggal tao maipanggep iti kastoy a banbanag, ket agpanunot ken manggeddeng koma para iti bagina ken saan a para iti sabali.
|
|
\v 6 No maipapan kadagiti mamati a masapul nga agdaydayawda iti maysa nga aldaw iti lawas, a panangpadayaw iti Apo ti makagapu nga agrukbabda kenkuana iti dayta nga aldaw. Ken no maipapan met kadagiti mangipagarup a mabalin a kanen ti amin a kita ti taraon, panangpadayaw iti Dios ti makagapu a kanenda dagitoy a taraon, d gapu ta pagyamananda ti Dios gapu iti taraonda. No maipapan kadagiti saan a mangan iti dadduma a kita ti taraon, panangpadayaw iti Apo ti makagapu a saanda a kankanen dagitoy a taraon, ken pagyamananda met ti Dios gapu kadagiti taraon a kankanenda. Saan ngarud a nagbiddut dagitoy a tattao, uray pay agduduma ti kapanunotanda.
|
|
|
|
\s5
|
|
\v 7 Awan koma kadatayo ti agbiag a para laeng iti bagina, ken awan koma ti mangpanunot nga inton mataytayo, datayo laeng ti maapektaran.
|
|
\v 8 Kabayatan nga agbibiagtayo, ti Apo ti nakaibilangantayo ken rumbeng a paragsakentayo, a saan laeng a dagiti bagbagitayo. Ket inton mataytayo, ti Apo ti rumbeng a paragsakentayo. Bayat ngarud nga agbibiagtayo ken kasta met inton mataytayo, rumbeng laeng a paragsakentayo ti Apo, gapu ta kukuanatayo,
|
|
\v 9 Ta natay ni Cristo ken nagbiag manen tapno agbalin isuna nga Apo a rumbeng a pagtulnogan dagiti amin a tattao, dagiti sibibiag ken dagiti natay.
|
|
|
|
\s5
|
|
\v 10 Nakababain a dakayo nga agtultulnog kadagiti pagannurotan ket ibagayo a dusaento ti Dios dagiti padayo a namati a saan nga agtultulnog kadagitoy. Ta ukomento ti Dios ti tunggal maysa kadatayo.
|
|
\v 11 Ammotayo daytoy gapu ta naisurat iti Nasantoan a Sursurat: "Agrukbabto ti tunggal maysa iti sangoanak! Ken dayawendakto ti amin."
|
|
|
|
\s5
|
|
\v 12 Ammotayo ngarud a ti Diosto ti mangngeddeng no anamonganna wenno saan ti inaramid ti tunggal maysa kadatayo.
|
|
\v 13 Agsipud ta ti Dios ti mangukomto iti tunggal maysa, masapul nga isardengtayo a mangibagbaga a dusaen ti Dios ti dadduma kadagiti padatayo a namati! Ngem ketdi, masapul a napasnekkayo tapno saan a dakayo ti makagapu nga agbasol dagiti dadduma a kakabsat wenno agsardeng nga agtaltalek kenni Cristo.
|
|
|
|
\s5
|
|
\v 14 Gapu ta naitiponnak kenni Apo Jesus, siguradoak nga awan ti saan a nasayaat a kanen. Ngem no ipagarup dagiti tattao nga adda ti saan a nasayaat a kanen, ngarud para kadakuada saan a nasayaat a kanen dayta. Masapul ngarud a saanyo nga allukoyen ida a kanen dayta.
|
|
\v 15 No manganka iti taraon nga ipagarup ti padam a namati a saan a nasayaat a kanen, mabalin a sika ti makagapu iti panagsardengda nga agtultulnog iti Dios. Saanmonton a maayat isuna. Saanka a sika ti makagapu iti panagsardeng dagiti padam a namati nga agtaltalek kenni Cristo. Gapu ta natay met ni Cristo para kenkuana!
|
|
|
|
\s5
|
|
\v 16 Kasta met a saanka nga agaramid iti maysa a banag a dakes iti panagkuna dagiti padam a namati, uray no nasayaat iti panagkunam.
|
|
\v 17 No iturayan ti Dios ti panagbiagtayo, saanna a panpanunoten ti maipanggep iti kanen ken inomentayo. Ngem ketdi, panpanunotenna no agtultulnogtayo kenkuana, no makikapkapiatayo iti tunggal maysa, ken agragrag-otayo gapu iti Espiritu Santo.
|
|
|
|
\s5
|
|
\v 18 Dagiti agserserbi kenni Cristo babaen iti panagtigtignayda iti kasta a wagas ket maay-ayoda ti Dios, ken raemento met ida dagiti dadduma.
|
|
\v 19 Isu a masapul a kankanayon a sisigagartayo nga agbiag iti wagas a pakaigapuan tapno adda ti kapia kadagiti padatayo a Kristiano, ken masapul nga aramidentayo no ania iti makatulong iti tunggal maysa nga agtalek ken agtulnog kenni Cristo.
|
|
|
|
\s5
|
|
\v 20 Saanmo a dadaelen ti panangtulong ti Dios iti siasinoman a namati, gapu laeng ta kayatmo a mangan iti maysa a kita ti taraon. Pudno nga ipalubos ti Dios a mangantayo iti amin a kita ti taraon. Ngem no manganka iti taraon a saan a nasayaat iti panagkuna dagiti dadduma a namati, al-allukoyem ngarud isuna a mangaramid iti ipagpagarupna a saan a nasayaat.
|
|
\v 21 Nasayaat ti saan a mangan iti karne wenno uminom iti arak, wenno saan nga agaramid iti aniaman a banag iti aniaman a kanito no daytoy ti mangpasardeng kadagiti padayo a namati nga agtaltalek iti Dios.
|
|
|
|
\s5
|
|
\v 22 Itulokyo nga ibaga ti Dios kadakayo dagiti banbanag nga umno nga aramidenyo, ngem saanyo a piliten dagiti dadduma nga umanamong iti patpatienyo. Ket maay-ayoyonto ti Dios no awan ti duaduayo maipapan kadagiti patpatienyo maipanggep iti nasayaat ken saan a rumbeng nga aramiden.
|
|
\v 23 Ngem mabuteng dagiti dadduma a namati a saan a maay-ayo ti Dios no manganda iti sumagmamano a kita ti taraon. Ken pudno nga ibagananto kadakuada a nagbiddutda, no saanda nga aramiden ti patpatienda a nasayaat. No adda aramidentayo nga addaan iti panagduadua a saantayo nga anamongan daytoy ti Dios, agbasbasoltayo.
|
|
|
|
\s5
|
|
\c 15
|
|
\p
|
|
\v 1 Datayo amin a namati a saan nga agduadua nga ipalubos kadatayo iti Dio nga agaramid iti adu a banbanag ngem iti panangipagarup dagiti dadduma a namati nga ipalubosna kadakuada nga aramidenda—anusantayo ida ken palubosantayo a taktakendatayo. Napatpateg daytoy ngem iti panangparparagsak iti bagbagitayo.
|
|
\v 2 Rumbeng nga aramiden iti tunggal maysa kadatayo dagiti banbanag a mangparagsak kadagiti padatayo a namati, ken dagiti banbanag a makatulong kadakuada, banbanag a mangpabileg kadakuada nga agtalek kenni Cristo.
|
|
|
|
\s5
|
|
\v 3 Rumbeng a paragsakentayo dagiti padatayo a namati, agsipud ta impakita ni Cristo iti pagulidanan kadatayo. Saanna nga inaramid dagiti banbanag a mangparagsak kenkuana. Ngem ketdi, pinaragsakna iti Dios uray no linais isuna dagiti dadduma. Dayta iti imbaga iti nasantoan a sursurat: "No laisendakayo dagiti tattao, kasla siak met laeng iti lalaisenda."
|
|
\v 4 Laglagipenyo nga amin a banbanag a naisurat iti nasantoan a sursurat ket addada a mangisuro kadatayo, tapno makaanustayo iti kinarigat. Iti daytoy a wagas, pabilegennatayo ti nasantoan a sursurat a mangnamnama nga aramidento iti Dios ti amin nga ingkarina.
|
|
|
|
\s5
|
|
\v 5 Ti Dios iti mangpaanus ken mangparegta kadatayo. Dawatenyo kenkuana a mangted iti kapia iti biag ti tunggal maysa nga agar-aramid kadagiti inaramid ni Jesu-Cristo.
|
|
\v 6 No aramidenyo daytoy, agdaydayawkayo amin iti Dios a sangsangkamaysa, ti Ama ni Apotayo a Jesu-Cristo.
|
|
\v 7 Isu nga ibagak kadakayo amin a namati dita Roma, awatenyo iti tunggal maysa. No aramidenyo dayta, idaydayawto dagiti tattao iti Dios a kas makitada iti tignayyo a kasla ken Cristo. Awatenyo iti tunggal maysa a kas iti panangawat ni Cristo kadakayo!
|
|
|
|
\s5
|
|
\v 8 Kayatko a lagipenyo a ni Cristo tinulongannatayo a Judio tapno maamoantayo ti kinapudno maipanggep iti Dios. Dayta ket immay isuna tapno ipatungpalna iti amin nga ingkari iti Dios kadagiti kapuonantayo nga aramidenna.
|
|
\v 9 Ngem immay met isuna a tumulong kadagiti saan a Judio tapno agdaydayawda iti Dios gapu iti asina kadakuada. Iti inaramidna ket pakatungpalan iti naisurat iti nasantoan a sursurat a kinuna ni David iti Dios: "Isu nga idaydayawka kadagiti saan a Judio; agkantaak ken agdayaw kenka."
|
|
|
|
\s5
|
|
\v 10 Insurat met ni Moses, "Dakayo a saan a Judio makipagrag-okayo kadakami a tattao iti Dios."
|
|
\v 11 Ken insurat ni David iti nasantoan a sursurat, "Idaydayawyo ti Apo dakayo amin a saan a Judio; idaydayaw koma iti tunggal maysa isuna."
|
|
|
|
\s5
|
|
\v 12 Ken insurat met ni Isaias iti nasantoan a sursurat, "Addanto iti kaputotan ni Ari David nga agturayto kadagiti saan a Judio. Sitatalekdanto a mangnamnama kenkuana a tungpalenna iti karina."
|
|
|
|
\s5
|
|
\v 13 Ti Dios ti mangpatalged kadakayo a mangnamnama kenkuana nga aramidenna iti ingkarina. Ikararagko a paragsakennakayo a naan-anay ken maaddaan ti kapia a kas agtalekkayo kenkuana. Iti panangaramidyo iti dayta, dumakkel a dumakkel iti namnamayo a maawat iti ingkari iti Dios kadakayo babaen iti Espiritu Santo.
|
|
|
|
\s5
|
|
\v 14 Padak a namati, awan dua-duak a nagtignaykayo kadagiti dadduma iti nasayaat a wagas. Inaramidyo dayta gapu ta naammoanyo iti amin a kayat iti Dios a maamoanyo ken gapu ta kabaelanyo ti agsisinnuro.
|
|
|
|
\s5
|
|
\v 15 Nupay kasta, naturedak a nagsurat kadakayo iti daytoy a surat maipanggep iti sumagmamano a banbanag tapno palagipankayo maipanggep kadakuada. Insuratko daytoy gapu ta pinagbalinnak ti Dios a maysa nga apostol, no man pay saanak a maikari iti daytoy.
|
|
\v 16 Inaramidna daytoy tapno rumbeng nga agtrabahoak para kenni Jesu-Cristo kadagiti saan a Judio. Dinutokannak iti Dios nga agbalin a kas padi iti panangiwaragawagko ti naimbag a damagna, tapno awatenna dagiti saan a Judio a mamati ken Cristo. Agbalindanto a kasla daton nga inlasin iti Espiritu Santo para iti Dios laeng.
|
|
|
|
\s5
|
|
\v 17 Gapu iti relasyonko ken Jesu-Cristo, naragsakak maipanggep iti trabahok para iti Dios.
|
|
\v 18 Naturedak laeng nga agsao maipanggep iti trabaho nga inted ni Cristo nga aramidek. Aramidek dayta a trabaho tapno imdengan dagiti saan a Judio iti mensahe maipanggep ken Cristo—
|
|
\v 19 nangnangruna pay, a babaen iti panangaramidko kadagiti adu a nabileg ken dadduma a banbanag a mangpasiddaaw kadagiti tattao. Inaramidko dagitoy a banbanag babaen iti Espiritu ti Dios. Iti daytoy a wagas, nagdaliasatak iti manipud iti Jerusalem agingga iti probinsia iti Ilirico, ken nalpasko iti trabahok a panangiwarwaragawag ti mensahe maipanggep ken Cristo kadagitoy a luglugar.
|
|
|
|
\s5
|
|
\v 20 Kas panangiwaragawagko iti dayta a mensahe, kankanayon a sigagagarak a mangiwaragawag daytoy kadagiti luglugar a saan pay nangngeg dagiti tattao iti maipanggep kenni Cristo. Aramidek dayta tapno saanak laeng a mangitultuloy iti trabaho nga inrugi iti sabali. Saanko a kayat iti agbalin a kasla iti maysa a tao a nagpatakder iti balay iti rabaw ti sabali a pondasion.
|
|
\v 21 Suroak dagiti saan a Judio, tapno aniaman iti mapasamak ket kasla koma iti naisurat: "Dagiti tattao a saanpay a pulos a nakangngeg iti aniaman a damag maipanggep ti Cristo, makitadanto isuna. Maawatanto dagiti saan pay a nakangngeg kenkuana iti maipanggep kenkuana."
|
|
|
|
\s5
|
|
\v 22 Gapu ta pinadasko nga ingkasaba ti mensahe maipanggep kenni Cristo kadagiti luglugar a saanda pay a nangngegan iti maipanggep kenkuana, nalapdanak iti adu a daras iti iyuumayko a mangsarungkar kadakayo.
|
|
\v 23 Ngem ita, awanen dagiti luglugar kadagitoy a rehion a saan pay a nakangngeg dagiti tattao maipanggep ken Cristo. Maysa pay, tinarigagayak a sarungkarankayo iti sumagmamano a tawen.
|
|
|
|
\s5
|
|
\v 24 Isu a namnamaek a makapan idiay Espania, ken namnamaek a tulongandak iti panagdaliasatko. Ket kayatko iti dumagas iti apagbiit tapno makipagragragsakak kadakayo.
|
|
\v 25 Ngem saankayo a masarungkaran ita, gapu ta dandaniakon mapan idiay Jerusalem tapno itedko ti kuarta para kadagiti tattao ti Dios idiay.
|
|
|
|
\s5
|
|
\v 26 Ingkeddeng dagiti namati iti probinsia iti Macedonia ken Acaya a mangtedda iti kuarta tapno tulonganda dagiti namati idiay Jerusalem, dagiti tattao ti Dios, a nakurapay.
|
|
\v 27 Inkeddengda nga aramiden daytoy, ngem iti kinapudnona ket nakabulodda iti maysa a banag kadagiti tattao iti Dios idiay Jerusalem. Nagsagrap ti naespirituan dagiti saan a Judio a namati manipud kadagiti Judio a namati gapu ta nangngeganda ti mensahe maipanggep kenni Cristo manipud kadakuada, isu a rumbeng met a tulongan dagiti saan a Judio dagiti Judio a namati idiay Jerusalem babaen iti panangited iti material a banbanag.
|
|
|
|
\s5
|
|
\v 28 Inton malpasko daytoy a pagrebbengan a mangitulod dagitoy a kuarta nga inted dagiti namati idiay Macedonia ken Acaya, panawakto ti Jerusalem ket sarungkarankayo dita Roma kabayatan nga addaak iti dalanko nga agturong idiay Espania.
|
|
\v 29 Ket ammok nga inton sarungkarankayo, bendisionannatayto ni Cristo iti aglaplapusanan.
|
|
|
|
\s5
|
|
\v 30 Gapu ta kukuanatyo ni Apotayo a Jesu-Cristo ken gapu ta ti Espiritu iti Dios iti makagapu nga ayatentayo iti tunggal maysa, guyugoyenkayo amin a tulongandak babaen iti panagkararag a sipapasnek iti Dios.
|
|
\v 31 Ikararagyo a salaknibannak iti Dios manipud kadagiti saan a namati a Judio bayat nga addak idiay Judea. Ken ikararagyo a maragsakanto dagiti namati idiay Jerusalem nga umawat ti kuarta nga ipanko kadakuada.
|
|
\v 32 Ikararagyo dagitoy a banbanag tapno maay-ayo kaniak iti Dios ti iyuumayko kadakayo ken makipaginanaak met kadakayo iti apagbiit.
|
|
|
|
\s5
|
|
\v 33 Ikararagko nga iti Dios nga isu iti mangted ti kapia ket kankanayon nga addanto kadakayo ken tulongannakayonto. Sapay koma ta kasta!
|
|
|
|
\s5
|
|
\c 16
|
|
\p
|
|
\v 1 Babaen iti daytoy a surat, iyam-ammok ken irekrekomendak kadakayo ni Febe a padatayo a namati, nga isu iti mangidanun daytoy a surat kadakayo. Maysa nga agserserbi iti taripnong ti siudad ti Cencrea. Idawatko nga awatenyo isuna gapu ta nakipagmaymaysakayon amin iti Apo. Rumbeng nga aramidenyo dayta gapu ta masapul nga awaten dagiti tattao iti Dios dagiti padada a namati.
|
|
\v 2 Idawdawatko met a tulonganyo isuna babaen iti panangitedyo iti aniaman a kasapulanna, gapu ta adu a tattao ti natulonganna, a karamanak.
|
|
|
|
\s5
|
|
\v 3 Ibagayo kenni Priscila ken ti asawana a ni Akila a kablaawak ida. Kaduak ida a nagtrabaho para kenni Cristo-Jesus,
|
|
\v 4 ket sipapalubosda pay a matay gapu kaniak. Agyamanak kadakuada, ken kasta met nga agyamanak iti iglesia dagiti saan a Judio gapu iti panangisalakanda iti biagko.
|
|
\v 5 Ibagayo met ti kablaawko kadagiti aggigimong nga agsasarak iti balayda. Ibagayo met iti napateg a gayyemko a ni Epeneto ti isu met laeng a banag. Isu ti immuna a tao a namati ken Cristo iti probinsia iti Asia.
|
|
|
|
\s5
|
|
\v 6 Ikablaawandak ken ni Maria, a nagtrabaho iti kasta unay para ken ni Cristo tapno matulongannakayo.
|
|
\v 7 Ibagayo met kenni Adronico ken iti asawana a ni Junia, isuda a padak a Judio, a kaduak iti pagbaludan. Am-ammo unay ida dagiti apostol ken immunada a nagbalin a namati ngem siak.
|
|
\v 8 Ipadanunko met ti kablaawko kenni Ampliato, a napateg a gayyem ken nakikadua iti Apo.
|
|
|
|
\s5
|
|
\v 9 Ipadanonko met iti kabblaawko kenni Urbano, a kaduami nga agtrabtrabaho kenni Cristo, ken iti napateg a gayyemko a ni Estakis.
|
|
\v 10 Ipadanonko met iti kabblaawko kenni Apeles a napaneknekanen ni Cristo gapu ta napagballigianna a sinagaba dagiti pannubok. Ibagayo kadagiti namati nga agnanaed iti balay ni Aristobulos nga ipadanonko iti kablaawko kadakuada.
|
|
\v 11 Ibagayo met kenni Herodion, a padak a Judio, a kablaawak isuna. Kabblaawanyo met dagiti agnanaed iti balay ni Narciso, a kukua iti Apo.
|
|
|
|
\s5
|
|
\v 12 Kabblaawanyo met ni Trifena ken iti kabsatna a ni Trifosa, a nagtrabaho iti kasta unay para iti Apo. Ipadanonko met iti kabblaawko kenni Persida. Ay-ayatenmi amin isuna ken nagtrabaho iti kasta unay para iti Apo.
|
|
\v 13 Ibagayo kenni Rufo, a maysa a naisangsangayan a Kristiano iti kabblaawko kenkuana. Kabblaawanyo met iti inana a nangibilang kaniak a kas maysa nga anakna.
|
|
\v 14 Ikablaawandak kenni Asincrito, Flegonte, Hermes, Patrobas, Hermas ken kadagiti pada a namati a kakaduada.
|
|
|
|
\s5
|
|
\v 15 Ipadanonko met iti kablaawko kenni Filologo, ti asawana a ni Julia, ken ni Nereo ken iti kabsatna a babai ken ni Olimpas, ken kadagiti amin a tattao ti Dios a makisinsinnarak kadakuada.
|
|
\v 16 Kabblaawanyo a siaayat iti tunggal maysa iti nadalus a wagas, no aggigimongkayo. Kabblaawandakayo dagiti namati iti amin a taripnong a naitipon kenni Cristo.
|
|
|
|
\s5
|
|
\v 17 Padak a namati, ibagak kadakayo a masapul nga agannadkayo maipanggep kadagiti tattao a mangparparnuay iti panagsisina kadakayo ken mangiyadayo kadagiti tattao manipud iti Dios. Adaywanyo iti kasta a tattao!
|
|
\v 18 Saanda nga agserserbi kenni Apotayo a ni Cristo! Ngem ketdi, kayatda laeng a penneken dagiti bukodda a tarigagay. Allilawenda dagiti tattao a saan a makaamiris nga agisursuroda kadagiti palso a banbanag.
|
|
|
|
\s5
|
|
\v 19 Ammo dagiti amin a namati a nagtulnogkayo iti imbaga ni Cristo iti naimbag a damag. Isu nga agrag-oak gapu kadakayo. Ngem kayatko met nga agbalinkayo a masirib, tapno aramidenyo iti nasayaat. Kayatko met a liklikanyo iti agaramid iti dakes.
|
|
\v 20 No aramidenyo amin dagitoy a banbanag, ti Dios, a mangted kadatayo iti kapiana ket dupprakennanto iti mabiit ni Satanas babaen kadagiti sakayo! Ikararagko nga itultuloy ni Apotayo a Jesus nga agbalin a naasi kadakayo.
|
|
|
|
\s5
|
|
\v 21 Ni Timoteo, a katrabahoak, ken da Lucio, Jason, ken Sosiparo, a padak a Judio ket kayatda a maamoanyo nga ipadpadanonda dagiti kabblaawda kadakayo.
|
|
\v 22 Siak ni Tersio, a kukua iti Apo, ket kayatko met a maamoanyo nga ipadpadanonko iti kabblaawko kadakayo. Isursuratko daytoy kabayatan nga ibagbaga ni Pablo iti isuratko.
|
|
|
|
\s5
|
|
\v 23-24 Siak ni Pablo, agnanaedak iti balay ni Gayo, ken ti sibubukel a taripnong ditoy ket agsasarakda iti balayna. Kayatna met a maammoanyo nga ipadpadanonna iti kablaawna kadakayo. Ni Erasto, a mangsalsalwad ti kuarta iti siudad, ket ipadpadanonna met iti kabblaawna kadakayo, kasta met kenni kabsat a Cuarto.
|
|
|
|
\s5
|
|
\v 25 Iti panagiwaragawagko iti naimbag a damag maipanggep kenni Jesu-Cristo, ibagak maipanggep iti Dios, a mangpatibker kadakayo iti naespirituan. Iwaragawagko met ti kinapudno a saan nga imparangarang ti Dios iti aniaman a tawen sakbay iti tiempotayo.
|
|
\v 26 Ita, no pay kasta, impakaammona babaen ti kinuna iti nasantoan a surat a mapasamakto. Inaramidna daytoy tapno mamati dagiti tattao iti amin a bunggoy dagiti tattao iti lubong ken Cristo ken agtulnogda kenkuana.
|
|
|
|
\s5
|
|
\v 27 Tarigagayak a babaen ken ni Jesu-Cristo a mangmangted iti kabaelan kadatayo, idaydayawtayo ti agnanayon ti maymaysa a Dios, a kakaisuna a masirib. Sapay koma!
|