ilo_udb/37-HAG.usfm

\id HAG
\ide UTF-8
\h Haggeo
\toc1 Haggeo
\toc2 Haggeo
\toc3 hag
\mt Haggeo

\s5
\c 1
\p
\v 1 Inawat ni Haggeo a profeta ti mensahe a naggapu kenni Yahweh. Insao ni Yahweh daytoy a mensahe kenkuana iti maikadua a tawen, kalpasan a nagbalin nga ari ni Dario iti Persia. Napasamak daytoy iti umuna nga aldaw ti maika-innem a bulan iti dayta a tawen. Imbaga ni Haggeo daytoy a mensahe iti gobernador ti Juda a ni Zerubbabel a putot a lalaki ni Salatiel, ken iti kangatoan a padi a ni Josue a putot a lalaki ni Josadak.
\v 2 Imbaga kenkuana ni Yahweh a Mannakabalin amin nga ibagbaga dagiti tattao a saan pay a tiempo tapno ipatakderda manen ti templo ni Yahweh.

\s5
\v 3 Ket daytoy ti mensahe nga inted ni Yahweh kenkuana nga ibaganana kadagiti tattao ti Jerusalem:
\v 4 "Saan nga umno nga agnanaedkayo kadagiti napipintas a balbalay kabayatan a madaddadael laeng ti templok!
\v 5 Kastoy ti kunak, Siak, a ni Yahweh, a Mannakabalin amin: "Panunotenyo dagiti ar-aramidenyo.
\v 6 Nagmulakayo iti adu a bukbukel, ngem bassit ti maap-apityo. Mangankayo ngem saankayo a pulos a mabsog. Uminumkayo ti arak ngem mawawkayo latta. Agkaweskayo ngem saankayo a mabaraan. Makaurnongkayo iti kuarta ngem mabusbos a dagus a kas iti kapartak ti panangteggedyo iti daytoy!'

\s5
\v 7 Isu a daytoy ti kuna ni Yahweh, a Mannakabalin amin: 'Panunotenyo dagiti ar-aramidenyo.
\v 8 Kalpasanna, sumang-atkayo kadagiti turod, pukanenyo dagiti kayo, isalugyo ditoy, ket ipatakderyo manen ti templok. Inton aramidenyo dayta, maay-ayoakto ket agparangakto sadiay nga addaan dayag.
\v 9 Nangnamnamakayo nga adu ti maapityo kadagiti mulayo ngem bassit ti maapityo gapu ta kinissayak dagitoy. Inaramidko dagitoy gapu ta makumikom ti tunggal maysa kadakayo nga agipatpatakder kadagiti bukodyo a napipintas a balbalay idinto a nadadael ti templok.

\s5
\v 10 Gapu iti daytoy nga ar-aramidenyo, isu a saan nga agtudtudo, ket kas pagbanaganna, awan ti mulmula.
\v 11 Pinagtikagko dagiti tay-ak ken bantay ken amin dagiti dadduma a mulayo—bukel man wenno arak wenno lana—isu a namagaan. Gapu iti dayta, awan ti umdas a taraonyo ken dagiti bakayo, ket agbalinto nga awan mamaayna amin a nagbannoganyo."'

\s5
\v 12 Ket da Zerubbabel, Josue ken dagiti dadduma a a tattao ti Dios a sibibbiag pay ket nagtulnog iti mensahe nga insao ni Yahweh a Diosda, dimngegda iti mensahe ni Haggeo kadakuada, gapu ta ammoda a ni Yahweh a Dios ti nangibaon kenkuana. Dinayawda ngarud ni Yahweh, ta adda isuna idi kadakuada.
\v 13 Ket ni Haggeo a mensahero, intedna daytoy a mensahe ni Yahweh kadagiti tattao: "Siak, a ni Yahweh, ipakpakaammok nga addaak kadakayo."

\s5
\v 14 Ginuyugoy ngarud ni Yahweh da Zerubbabel ken Josue ken dagiti dadduma a tattao tapno kayatda manen nga ipatakder ti templo ti Diosda a ni Yahweh a Mannakabalin amin. Nagu-ummongda ngarud ket rinugianda ti agtrabaho tapno ipatakder manen daytoy.
\v 15 Rinuggianda dayta a trabaho iti maika-duapulo ket uppat nga aldaw ti isu met laeng a bulan, idi nagsao ni Yahweh kenni Haggeo.

\s5
\c 2
\p
\v 1 Kalpasan ti dandani makabulan, iti maika-duapulo ket maysa nga aldaw iti sumaruno a bulan, nangted ni Yahweh iti sabali pay a mensahe kenni profeta Haggeo.
\v 2 Daytoy a mensahe ket rumbeng nga ibagana iti putot a lalaki ni Salatiel a ni Zerubbabel, ti gobernador ti Juda, iti putot a lalaki ni Josadak a ni Josue, ti kangatoan a padi, ken kadagiti dadduma a tattao a sibibiag pay idiay Jerusalem:

\s5
\v 3 "Adda pay kadi makalagip kadakayo no kasano ti kinadayag ti sigud a templo? No malagipyo, ania ti panagkitayo iti daytoy ita? Kasla awanen a pulos ti serserbina daytoy.
\v 4 Ngem ita, ni Yahweh a Mannakabalin amin ket kastoy ti ibagbagana kadakayo amin, kenni Zerubbabel, kenni Josue ken kadakayo a nabatbati a tattao nga agnanaed iti daytoy a nasion. 'Saankayo a maupay; ngem ketdi, bumilegkayo!
\v 5 Agtalinaed ti Espirituk kadakayo, a kas inkarik kadagiti kapuonanyo idi pimmanawda idiay Egipto. Isu a saankayo nga agbuteng!'

\s5
\v 6 Daytoy ti kuna ni Yahweh a Mannakabalin amin: 'Iti mabiit, gunggonekto manen ti tangatang ken ti daga, dagiti taaw ken ti namaga a daga.
\v 7 Gunggonekto manen dagiti tattao iti amin a nasion, tapno iyegda dagiti gamengda iti daytoy a templo. Punnoekto daytoy a templo iti dayagko.

\s5
\v 8 Pudno a kukuak ti pirak ken balitok a kukuada, isu nga iyegdanto kaniak dagitoy.
\v 9 Ket nadaydayagto daytoy a templo ngem iti sigud a templo. Ket pasayaatekto amin a banbanag para kadakayo amin. Sigurado a mapasamak dayta gapu ta Siak a ni Yahweh, a Mannnakabalin amin ti nagkuna iti daytoy.'"

\s5
\v 10 Ket iti maika-duapulo ket uppat nga aldaw iti maika-siam a bulan iti isu met laeng a tawen, nangted ni Yahweh iti sabali pay a mensahe kenni profeta Haggeo:
\v 11 "Kastoy ti ibagbaga ni Yahweh a Mannakabalin amin: 'Idamagmo kadagiti padi daytoy a saludsod maipanggep ti naisurat iti linteg ni Moises maipapan kadagiti daton:
\v 12 No maysa kadakayo a papadi ti mangala iti sumagmamano a karne a naidaton iti altar ket sabsab-okenna daytoy iti kagayna, ket no maisagid ti kagayna iti tinapay wenno iti nilambong, wenno iti arak wenno iti lana ti olibo, wenno iti sabali pay a taraon, agbalinto kadi met a nasantoan dayta a taraon?"' Idi naibagana dayta kadagiti padi, insungbatda: "Saan."

\s5
\v 13 Ket sinaludsod ida ni Haggeo: "No ti maysa a tao ket nagbalin a saan a maikari iti Dios gapu iti panangsagidna iti bangkay, ket sagidenna ti aniaman kadagidiay a taraon, agbalinto kadi met a saan a maikari iti Dios ti taraon?" Insungbat dagiti padi: "Wen."
\v 14 Ket insungbat ni Haggeo, "Kastoy ti kuna ni Yahweh: 'Kasta met kadakayo a tattao ken iti daytoy a nasion. Amin nga ar-aramidenyo ken amin a daton nga idatagyo ket saan a maikari kaniak gapu kadagiti basol nga inaramidyo.

\s5
\v 15 Panunotenyo dagiti napaspasamak kadakayo, sakbay nga inrugiyo nga impasdek ti pundasion ti templok,
\v 16 Idi namnamaenyo a makaaapitkayo iti duapulo a kasukat ti trigo, nakaapitkayo laeng iti sangapulo. Idi napan ti maysa a tao iti dakkel a pagkargaan iti arak tapno mangala iti limapulo a kasukat ti arak, duapulo laeng ti adda iti pagkargaan.
\v 17 Nangibaonak iti panaglaylay ken panagbuot tapno madadael dagiti amin a mulayo. Ngem saan kayo latta a nagsubli kaniak'. Daytoy ti kuna ni Yahweh a Mannnakabalin amin kadakayo.

\s5
\v 18 Mangrugi iti daytoy nga aldaw, ti maika-duapulo ket uppat nga aldaw ti maika-siam a bulan iti daytoy a tawen, ti aldaw nga impasdekyo ti pundasion ti baro a templok, ituloyyo a panunoten ti kasasaadyo.
\v 19 Adda kadi pay nabatbati a bukel iti kamaligyo? Awan, gapu ta nakanyon dagiti sangkabassit a naapityo. Ket awanen ti bunga dagiti kaubasanyo, dagiti kayo ti igos, dagiti kayo ti granada, ken dagiti kayo ti olibo. Ngem manipud ita, bendisionankayo!"'

\s5
\v 20 Iti dayta met laeng nga aldaw, inted ni Yahweh ti sabali pay a mensahe kenni Haggeo.
\v 21 Kinunana, "Ibagam kenni Zerubbabel a gobernador ti Juda a gunggonekto ti tangatang ken ti daga.
\v 22 Gibusakto ti kinabileg dagiti ari iti adu a nasion. Dadaelekto dagiti karuaheda ken dagiti mangitutrturong a nakalugan kadagitoy, dagiti kabalio ken dagiti soldado a nakasakay kadagitoy. Agpipinnatayto dagiti soldado babaen iti bukodda a kampilan.

\s5
\v 23 Sika Zerubbabel, agbalinkanto nga adipenko, iti dayta nga aldaw. Ket siak a ni Yahweh, a Mannakabalin amin, iwaragawagko dayta a kas kadagiti ari a nakasuot iti singsing a pangselio a mangipakita nga addaanda iti pannakabalin a mangituray kadagiti tattao, dutokankanto ket ikkanka iti pannakabalin a mangituray. Aramidekto dayta gapu ta pinili ka. Sigurado a mapasamakto dayta gapu ta Siak, a ni Yahweh, a Mannakabalin amin ti nagkuna iti daytoy."