See in Reader
111 lines
11 KiB
Plaintext
111 lines
11 KiB
Plaintext
\id NAM
|
|
\ide UTF-8
|
|
\h Nahum
|
|
\toc1 Nahum
|
|
\toc2 Nahum
|
|
\toc3 nam
|
|
\mt Nahum
|
|
|
|
\s5
|
|
\c 1
|
|
\p
|
|
\v 1 Siak ni Nahum, manipud iti barrio ti Elkos. Daytoy ti mensahe maipapan ti siudad ti Nineve, maysa a mensahe nga inted kaniak ni Yahweh iti maysa a sirmata.
|
|
|
|
\s5
|
|
\v 2 Saan nga ipalubos ni Yahweh a Diostayo nga adda pay sabali a dios a kainnagawna. Kapungtotna unay dagiti agdaydayaw kadagiti dadduma a dios, ken sipupungtot latta isuna kadagiti kabusorna.
|
|
\v 3 Saan a dagus nga agunget ni Yahweh; ngem mannakabalin unay isuna, ken pulos a saanna nga ibaga nga awan basol dagiti kabusorna. Sadinoman a pagnaanna, adda dagiti alipugpog ken bagyo, ket kasla tapok dagiti ulep a patauden dagiti sakana.
|
|
|
|
\s5
|
|
\v 4 No bilinenna nga agmaga dagiti baybay ken karayan, agmaga dagitoy. Isunanto ti pakaigapuan ti pannakalaylay ti ruot kadagiti taltalon idiay rehion ti Basan ken kadagiti tapaw dagiti rangkis ti Bantay Carmel, ken isuna ti pakaigapuan ti panagpukaw dagiti sabong idiay Libano.
|
|
\v 5 Inton agparang isuna, kaslanto magungon dagiti bantay ken marunaw dagiti turturod; aggingined ti daga ket agtigerger dagiti tattao iti rabaw ti daga.
|
|
|
|
\s5
|
|
\v 6 Awan a pulos ti makalapped kenkuana inton makapungtot isuna iti kasta unay; awan a pulos ti makalasat no nabara ti pungtotna. No nalaus ti pungtotna, maiyarig iti gumil-gil-ayab nga apuy ti ungetna, ket kasla maburak agingga nga agsisina dagiti bantay.
|
|
|
|
\s5
|
|
\v 7 Ngem naimbag isuna; salsalaknibannatayo, a tattaona, no makapadastayo kadagiti riribuk. Ay-aywananna dagiti agtaltalek kenkuana.
|
|
\v 8 Ngem dadaelenna dagiti kabusorna; agbalinto isuna kadakuada a kasla layus a mangdadael kadagiti amin a banbanag. Kamatenna dagiti kabusorna iti kasipngetan, ti lugar nga ayan dagiti natay.
|
|
|
|
\s5
|
|
\v 9 Isu a dakayo a tattao ti Ninive, awan serserbina nga agpanggepkayo iti dakes a maibusor kenni Yahweh. Saannan a kasapulan a kabilennkayo ti mamindua a daras tapno dadaelennakayo; dadaelennakayo babaen iti panangkabilna kadakayo iti maminsan laeng.
|
|
\v 10 Kaslanto a nagsisiniglot a sisiit dagiti kabusorna, agdiwerdiwerdanto a kas kadagiti tattao nga imminum iti adu nga arak. Kasladanto mauram a kas iti nagango a garami.
|
|
\v 11 Idiay Ninive, adda ti maysa a tao a nangbalakad kadagiti tattao a nangaramid kadagiti nadadangkes unay a banbanag a maibusor kenni Yahweh.
|
|
|
|
\s5
|
|
\v 12 Ngem kastoy ti kuna ni Yahweh kadakayo nga Israelita: "Uray adu dagiti tattao ti Asiria ken nabileg unay ti armadada, madadael ken mapukawdanto. Kunak kadagiti tattaok idiay Juda, dinusakayon, ngem saankayonto manen a dusaen.
|
|
\v 13 Ita, saankayon nga ipatagabu kadagiti tattao ti Asiria; daytoy ket, kasla pugsatek dagiti kawar kadagiti ima ken sakayo."
|
|
|
|
\s5
|
|
\v 14 Ken kastoy pay ti pakaammo ni Yahweh maipapan kadakayo a tattao ti Nineve: "Saankayonto a maaddaan iti kaputotan a mangituloy kadagiti nagan ti pamiliayo. Ken dadaelekto dagiti amin nga estatua dagiti diosyo a naikitikit wenno nasukog. Ipapataykayonto ket ipandakayo kadagiti tanemyo gapu ta dakeskayo!"
|
|
|
|
\s5
|
|
\v 15 Dakayo a tattao ti Juda. Kumitakayo! Lumasatto ti maysa a mensahero kadagiti bantay, ket mangyegto isuna iti naimbag a damag kadakayo. Ipakaammonanto nga maaddaankayon iti kappia. Isu a rambakanyo dagiti piestayo ken aramidenyo ti sipapasnek nga inkariyo nga aramiden idi butbutngendakayo dagiti kabusoryo a rautendakayo, gapu ta saanen a rauten dagiti nadangkes a kabusoryo ti pagilianyo, gapu ta madadaeldanto a naan-anay.
|
|
|
|
\s5
|
|
\c 2
|
|
\p
|
|
\v 1 Dakayo a tattao ti Nineve, um-umay dagiti kabusoryo a mangraut kadakayo. Isu a mangikabilkayo kadagiti agbantay kadagiti rabaw dagiti pader iti aglawlaw ti siudad! Bantayanyo dagiti dalan nga agturong iti siudad! Agsaganakayo a makiranget! Urnongenyo dagiti bunggoyyo!
|
|
\v 2 Uray no dinadael dagiti soldadoyo dagiti kaputotan ni Jacob, pagbalinento ni Yahweh a raemen manen ida dagiti dadduma a nasion. Dinadael dagiti mangraraut manipud iti pagilianyo ti Israel kas iti panangparut dagiti kabusor iti kaubasan, ngem rumang-ayto manen ti Israel.
|
|
|
|
\s5
|
|
\v 3 Dagiti kalasag dagiti kabusor a soldado nga umay mangraut kadakayo ket agraniag iti nalabbaga no lawagan ida ti init, ken agkawesdanto kadagiti naraniag a nalabbaga nga uniporme. Sumilengto ti landok dagiti pilid ti karuaheda no agsaganada sakbay ti gubat, ken ingatonto dagiti soldadoda dagiti sipres a gayangda ket iwaradiwadda dagitoy.
|
|
\v 4 Napegges nga agtaray dagiti karuaheda kadagiti kalsada ti Nineve ken sipapardasda nga agsubli-subli kadagiti plasa. Mapmapanda a kas kapardas ti kimat, kasla da la a sumsumged a pagsilawan.
|
|
|
|
\s5
|
|
\v 5 Ayabanto ti arida dagiti opisialna nga umayto a sipapardas nga uray da la maitublak. Agdardarasdanto a mangraut iti pader ti siudad; isaganadanto ti dakkel a kayo a kalasag tapno salakniban dagiti mangraraut a soldado.
|
|
|
|
\s5
|
|
\v 6 Pilitento a lukatan dagiti kabusor a soldado dagiti ruangan ti siudad kadagiti karayan; marbanto ti palasio.
|
|
\v 7 Ikkatento dagiti kabusor a soldado ti pagan-anay ti reyna, ket aganug-ogto dagiti tagabuna a babbai a kas kadagiti kalapati ken danugenda dagiti barukongda tapno ipakitada a nakaro ti ladingitda.
|
|
|
|
\s5
|
|
\v 8 Agdardarasto a pumanaw dagiti tattao iti Nineve a kas iti napegges a danum manipud iti naisawang a pagurnongan ti danum. Agpukkawto dagiti opisial, "Agsardengkayo! Agsardengkayo!" ngem pulos a saan a tumaliaw dagiti tattao kabayatan ti panagtartarayda nga umadayo.
|
|
\v 9 Kunaento dagiti kabusor a mangraraut iti tunggal maysa, "Alaenyo ti pirak! Rabsutenyo ti balitok! Adda ti adu a dagup dagiti napapateg unay a banbanag iti siudad, napatpateg ngem ti kabaelan a bilangen ti siasinoman!"
|
|
\v 10 Iti mabiit, maagaw ken madadaelto amin dagiti napapateg a banag iti siudad. Agpigergerto dagiti tattao, ket agbanag a saandanto kabaelan ti makiranget. Agpusyawto dagiti rupada gapu iti buteng.
|
|
|
|
\s5
|
|
\v 11 Kalpasan a mapasamak dayta, ibaganto dagiti tattao, "Ania ti napasamak iti nadayaw a siudad ti Nineve? Arigna daytoy ti rukib a napunno kadagiti urbon a leon, a pagnanaedan dagiti kalakian ken kabaian a leon a pagpakpakanenda kadagiti urbonda, nga awan pagbutnganda.
|
|
\v 12 Dagiti soldado idiay Nineve ket maiyarig kadagiti leon a nangpatay ken nangbekkel kadagiti dadduma nga ayup sada iyeg ti karne kadagiti rukibda."
|
|
|
|
\s5
|
|
\v 13 Ni Yahweh a Mannakabalin-amin, kunana kadagiti tattao ti Nineve, "Siak ti kabusoryo; Puorakto dagiti karwaheyo. Mapapatayto dagiti agtutuboyo a lallaki babaen kadagiti kampilan. Pukawekto dagiti amin a napapateg a banbanag a tinakawyo manipud kadagiti dadduma a nasion. Saanen a pulos a mangibaga dagiti mensaheroyo iti mensahe kadagiti dadduma a nasion, mangkidkiddaw a sumuko dagiti armadada kadakuada."
|
|
|
|
\s5
|
|
\c 3
|
|
\p
|
|
\v 1 Nakabutbuteng a banbanag ti mapasamakto iti Nineve, dayta a siudad a napnoan kadagiti tattao a mammapatay, agtatakaw ken agul-ulbod. Napnoan ti siudad kadagiti tattao nga impanaw dagiti soldado manipud kadagiti dadduma a pagilian.
|
|
\v 2 Ngem ita, denggenyo dagiti kabusor a soldado nga um-umay a mangraut iti Nineve; Denggenyo ida, agkanabsiit dagiti pangbaotda, ken denggenyo ti karadakad dagiti pilid ti karuaheda! Denggenyo ti dalagudog dagiti kabalio ken dagiti karwaheda bayat ti panaglagtoda!
|
|
|
|
\s5
|
|
\v 3 Kitaenyo dagiti sumilapsilap a kampilanda ken dagiti gumilapgilap a gayangda bayat iti panagdarup dagiti kumakabalioda! Adunto a tattao ti Nineve iti mapapatay; addanto dagiti gabsuon dagiti bangkay, adunto unay dagiti mangraraut ti maitublak kadagitoy.
|
|
\v 4 Mapasamakto amin dayta gapu ta maiyarig ti Nineve iti napintas a balangkantis a mangaw-awis kadagiti lallaki iti pakadadaelanda; napintas a siudad ti Nineve a nakaguyugoy kadagiti tattao kadagiti dadduma a nasion a mapan sadiay. Sinuroan dagiti tattao ti Nineve dagiti tattao iti dadduma a nasion kadagiti ritual ti salamangka, ken pinagbalinda ida a tagabuda.
|
|
|
|
\s5
|
|
\v 5 Isu a kuna ni Yahweh a Mannakabalin-amin kadagiti tattao ti Nineve: "Siak ti kabusoryo, ket ipakitakto kadagiti tattao kadagiti dadduma a nasion ti naan-anay a pannakaibabainyo kas kadagiti babbai a nakikammalala a naibabain babaen iti pannakailukais ti kainda, a nakaigapuan ti pannakakita dagiti tattao kadagiti lamu-lamo a bagida.
|
|
\v 6 Palubosakto dagiti dadduma a mangipuruak iti rugit kadakayo; ipakitak kadagiti dadduma a nalaus ti gurak kadakayo, ken palubosakto ti tunggal maysa nga uyawendakayo iti kaaduan ti tao.
|
|
\v 7 Dagiti amin a makakita kadakkayo ket tallikudandakayo sada ibaga, 'Nadadael ti Nineve, ngem pudno nga awan pulos ti agdung-aw para iti daytoy.' O Nineve, awan pulos ti mangayat a mangliwliwa kenka."
|
|
|
|
\s5
|
|
\v 8 Awan duadua a saan a nataltalged ti siudda ngem siudad ti Tebes. Napateg idi ti siudad ti Tebes iti abay ti Karayan Nilo; ti karayan ket kasla pader iti aglawlawna.
|
|
\v 9 Tinulongan dagiti agturturay ti Etiopia ken Egipto ti Tebes; awan patinggana ti kinabilegda. Kadua pay ti Tebes dagiti gobierno iti kabangibang a pagilian ti Put ken Libya.
|
|
|
|
\s5
|
|
\v 10 Nupay kasta, nasakup ti Tebes ket naitalaw a kas balud dagiti tattao nga agnanaed iti daytoy. Narumek dagiti maladagada kadagiti kalsada ti siudad. Nagbibinnunot dagiti kabusor a soldado tapno ikeddengda no siasino ti mangala ti tunggal opisial iti Tebes nga agbalin a tagabuna. Nakakawar dagiti amin a pangulo ti Tebes.
|
|
\v 11 Maulaw ken mabartekkayonto met a tattao ti Nineve, ket agbirukkayonto kadagiti lugar a paglemmenganyo tapno aglibas kadagiti kabusoryo.
|
|
|
|
\s5
|
|
\v 12 Rebbaento dagiti kabusoryo dagiti pader iti aglawlaw ti siudadyo a kas iti umuna a bunga ti igos a natinnag kadagiti ngiwatyo no gungonenyo ti kayo. Kastoyto kalaka a masakup ti siudadyo.
|
|
\v 13 Kitaenyo dagiti soldadoyo! Kasladanto nakapuy a babbai! Mailukatto dagiti ruangan ti siudadyo tapno makastrek kadagitoy dagiti kabusoryo, kalpasanna mapuoranto dagiti balunet dagiti ruangan.
|
|
|
|
\s5
|
|
\v 14 Agurnongkayo itan ti danum a mausar inton palawlawan dagiti kabusoryo ti siudad! Tarimaanenyo dagiti pagsammakedanyo! Agkalikayo iti pitak ket payatpayatanyo tapno lumukneng daytoy, ket ikabilyo daytoy iti pagsukogan tapno agbalin a ladrillo a pangtarimaan kadagiti pader!
|
|
\v 15 Nupay kasta, puoranto dagiti kabusoryo ti siudadyo; papatayendakayonto babaen kadagiti kampilanda; papatayendakayonto a kas iti panangdadael dagiti dudon kadagiti mulmula. Itultuloyyo a paaduen dagiti tattaoyo a kas kadagiti pangen dagiti dudon.
|
|
|
|
\s5
|
|
\v 16 Adun dagiti agtagtagilako iti siudadyo ita; ad-adu ngem dagiti bituen. Ngem inton madaddadael ti siudadyo, alaento dagidiay nga agtagtagilako dagiti napapateg a banbanag ket agpukawda a kas kadagiti dudon a mangkibkib kadagiti bulong dagiti mula ket kalpasanna, tumayabda.
|
|
\v 17 Maiyarig met dagiti panguloyo iti pangen dagiti dudon nga agtataripnong kadagiti alad iti nalam-ek nga aldaw, ken tumayabda inton sumingising ti init, ket awan a pulos ti makaammo no sadino ti nagturonganda.
|
|
|
|
\s5
|
|
\v 18 O Ari ti Asiria, matayto dagiti amin nga opisialmo; agidda ken aginananto iti agnanayon dagiti napapateg a tattaom. Maiwaranto dagiti tattaom kadagiti bantay, ket awanto a pulos ti mangurnong kadakuada.
|
|
\v 19 Maiyarigka iti maysa a tao nga addaan iti sugat a saan a maagasan; sugat a mangpatayto kenka. Ket agpalakpakto a sirarag-on dagiti amin a makangngeg maipapan iti napasamak kenka. Ibagadanto, "Nagsagaba ti tunggal maysa gapu ta kankanayon a nagtignay isuna a siuulpit kadakami."
|