Wed Nov 15 2023 08:24:18 GMT+0900 (Eastern Indonesia Time)

01/01.txt

@@ -0,0 +1 @@
+\c 1 (Surga Bulrate Yesus Yowe Nepelre Roh Kudus Mendena A' tiyei) \v 1 De' Teofilus, De'na semo memetena, nena Yesus kena kembalri pelre kilri-kilri kilri yomonate melroyahre. \v 2 Ne' bulrate neyane Yowe, nepelre rasul-rasul Ne' elri pukona, Roh Kudus kena walrolre Ne' ate kimelre. \v 3 Ne metelre kote, nenei eute nepete kilriyomu nena walri te nekeyouna selreine, sete tuwa yoru, nepelre tu kilriyouna telreng dopne, do be tiki selreine, Nenei euwte ne metelre kote kiyayomu, nepelre, Allah kena moli sani yomu.

01/04.txt

@@ -0,0 +1 @@
+\v 4 Ne metelre nemenane, Ne' a'te saniyomu we metelre Yerusalem tena tipaina nenetena memai kena a'tiyei nete tem be, Nenei a' denalre wemetelre nepe betoyauwe. \v 5 Nepelre Yohanis bu'lre bu'te kelroyomu, tiki mbai bete we metelre nena Roh Kudus ne bu'te kelronaimelre. (Surga Bulrate Yesus Yowe)

01/06.txt

@@ -0,0 +1 @@
+\v 6 Nemandelrati, ne metelre nembei koplrimbuko, Ne' kote nemetelre simiyaine, Tuhan, beyamane da selreine, Israel tena moii emulre? \v 7 Ne' nemetelre kote saniyomu, we' nenatena nimei paina, ya pelre maii nena Memai, Nenei kuasa eine nepete sasuku. \v 8 Netenate, wametelrena kote Roh Kudus mende, telre ne kuasa te dowembe nepelre, De'na a keyana te dumbonbe Yerusalem ire, Yudea nena metelre nepelre Samaria neme ende bumi tutelrete.

01/09.txt

@@ -0,0 +1 @@
+\v 9 Nepete Ne' a'te saniyomu nepelre ne metelre tiyaiye, Ne' bulrate kengsuku, ma Ne'te doku nelre, ne metelre kena be eilre nairupuko. \v 10 Nenate nemetelre, Ne' younate mano te neme tiyaiye, nepelre nemetelre kena euw yene mayong kelreu-kelreu na do besewei tipi yoiye. \v 11 Nepelre saniyoime be Galilea detelro wemetelre danoune tepauna be yatenate mamote tau? Yesus, wemetelrena,nelrolre da youna, nepelre Ne' youna wemetelre nepete tiyauwe, nemande irati date nekoute bulrunsinde mende. (Rasul Detelro Site Elrinaiye)

01/12.txt

@@ -0,0 +1 @@
+\v 12 Nepelre nemetelre, nemeko Zaitun mekolre date Yerusalem temiyaiye ne mekolre Yerusalem tena nipi Sabat tiki selrei. \v 13 Nemouw nemete ire nikiyaina, nepete esute miyaiye, nemetelre bulrana dekosute yaiya, nena Petrus, Yohanis, Yakobus, Andreas, Filipus, Tomas, Bartolomeus, Matius, Yakobus, Alfeus kena yeiy, Simon zelot detelro nepelre Yudas, Yakobus kena yeiy. \v 14 Nemetelre a'sani-sani mendo kalrone kena membei te do kaiye, nepelre milre selrai delrati nena, Maria, Yesus kena nameng nepelre, Ne'nei dokeka metelre.

01/15.txt

@@ -0,0 +1 @@
+\v 15 Ne'Yane, Petrus, nena dokeka kena nembei te nikiyaina nelrone tepeyowe a'te saniyomu (neselreine detelro nena telreng do mesi dombei pelre) nepelre saniyomu. \v 16 Dokeka dokeka da asna melro-melro nepe yewupuko, dina selrene Roh Kudus, Daud kena embulre walrolre Yudas tenate saniyomu, bene bisunde, detelro te yatenemelre Yesus te kelronaiye.

01/17.txt

@@ -0,0 +1 @@
+\v 17 Nemandelrati, ne'ena nelrone mete beyaiye, nepelre kembalri walro te mekoyowe. \v 18 Nepelre da detelro kani te doi doku, nena peko walrolrena doi, netenate nena belrengka memete delreke, nepelre eselre nelirembuko, eselre eine saesi baite toyonu. \v 19 Nepelre, da a' Yerusalem ne nikiyaina metelrena detelro nepete nimeyaimbuko, netenate, ne kani nena euwdo tena Hakal Dama te Piyaime, a'sune, nena, Sa kani.

01/20.txt

@@ -0,0 +1 @@
+\v 20 Netenate, Mazmur semone nepete melraipeko : nepelre ne'nekoyou na nouw kulrung ambai, nepelre delrati, ne nouw detelro si, ne eine bete pelre nikipai, nemandelrati nena kembalri mekoyouna, detelro si donaiye.

01/21.txt

@@ -0,0 +1 @@
+\v 21 Nemetelre miyaiye embelre nembeiye kopilrimbuko niki yandena, nepelre, Tuhan Yesus ena nelrone esu basute walri yandena, netenate nedetelro site alromansine. \v 22 Yohanis bute kelroiyomuma ya selrelre neme miyowe, surga bulrate Yesus ena nelrolre nepe yowe, ete tumupuko, metelre danelrolkena detelro sumbei, ete dikinemelre Yesus deyupukona a'keyate sanemamlre. \v 23 Nenate, nemetelre, detelro beselrei te elrinainate a'te tuwayaine, nena Yusup nete simi yaina Barsabas, sidelrati Yustus nepelre Matias.

01/24.txt

@@ -0,0 +1 @@
+\v 24 Nepelrena, nemetelre a' sani-sani kalrone mendo tekemekoyaiye, Tuhan, metelrena detelro nena kena we' nimeine da detelro be, we' elri pukena sime demetelre kote kilrimpone. \v 25 Nena, Rasul Walro pelre kembalri Yudas dane tumbuku na, nenei me elripukona nouw te nepe yowe. \v 26 Netenate Rasul selrai ne' be' kena bulrate undi te meke yelroyaiye, nena undi Matias kena bulrate delreke, nenate Rasul me' be' bei pelre kena bulrate, nembei nepete alronsuku.

01/title.txt

@@ -0,0 +1 @@
+Pasal 1

02/01.txt

@@ -0,0 +1 @@
+\c 2 (Alru Melro Melro Meyowe) \v 1 Alrumelro melro meyowena, metelrena nenoumbei monekopribuko. \v 2 Nepelre, tikumbai manolre kulrung walreyowe, alru kulrung tena manede yepuko, nekulrung nenikiyaina mietei sutedu sumbuko yowe. \v 3 Nemanelaiti, nenaeumbai mbei kena bulrame sin peutena mane ditelrate dikiyaye. \v 4 Nepelrena, alru melromelro nenaine kemeupuko nepelre peute bisi bisi elri yaye, alru melro melro nete yate kemelrena mane nemane elriyaye.

02/05.txt

@@ -0,0 +1 @@
+\v 5 Neyapona, Yehudi detelro si Yerusalem nerliki yaina, nepelre damakelrenenousilri silrina detelro telrepel rete elrai pakona. \v 6 Nepelre, nekeulrung tebetai pakona metelrena menenem bei yepopuko miyaye nenei peune ate elri yainate betoyai yepelre pelrodu yaye. \v 7 Netite yan siki nepelre sesote beute salri yeye, nepelre elri yaye, merelre apelre elriyaina Galilea de telro?

02/08.txt

@@ -0,0 +1 @@
+\v 8 Nepelre, e' beto yandenaembelre senoyai menanoulrena peute momoelri yaye beyamane? \v 9 Partiadetelro, nepelre Media, nepelre Elam, nepelre Mesopotamia yo, Yudea nepelre Kapadokia, Pontus, nepelre Asia. \v 10 Frigia nepelre Pamfilia, Mesir, nepelre yosisirna Libia, Kirene yene tanaina, nepelre Roma bailre miyaina, nemaelrati Yahudi detelro pelre proselit perle. \v 11 Kreta detelro pelre Arab pelre, Allah kena kembalri delre mekoyaina eyeipeu ne ate elri yaina tebetoyande.

02/12.txt

@@ -0,0 +1 @@
+\v 12 Nepelre, metelre tite yansiki pelro pelro duyaye site site ditelra tesimiyaye, dametelrena beyamane? \v 13 Nemanelaiti, detero si detedi yaye nepelre elriyaye, "wanimbana bumaumau nete yembu musukuna. (Petrus Detero Dopelrete Atesoneyoume)

02/14.txt

@@ -0,0 +1 @@
+\v 14 Nepelre, Petrus Rasul domebetokim pelre ei maipeko, ate kensi kainete ate saniyaime, Yahudi detelro pelre metelrena detelro Yerusalemne nekauna, denada a'elra menate poitelre nimei yembombe nepelre poitembe. \v 15 Da detelro maumau ambai, wenimei yaumbe konamane su wanimba naming tewe

02/16.txt

@@ -0,0 +1 @@
+\v 16 Da kalrotenate Nabi Yoel kena walrolre ate sane youme; \v 17 Nepelre, tutena yanekiyanaina, Allah ane aelre yowe: Nemalaiti Dena Alru melro melro te metelrena detelro kena bulrate I timelre. Nepelre wena yeidopelre yeimilre pelre ane ate elrenaye, nepelre yeido sekelro doune doutenaye, nepelre detelro dasi dasi wenanelro ire emite eminalri netenonaye

02/18.txt

@@ -0,0 +1 @@
+\v 18 Nepelre, neyatena. Dena kembalri detelro dokena bulrate nepelre dena kembalri detelro milre kenabulrate, Dena Alru melro melro te itimelre ate alrenaye \v 19 Nemanelaiti, Denalre saki yanaina mabulra dana, pelre mae kelrena sa bisi bisi laiti kiyanaye, sah pelre sing pelre, waunipi pelre/

02/20.txt

@@ -0,0 +1 @@
+\v 20 Tuhan kena moipelre yadelre mipainya selreina subulrim sini neko dumbone nepelre okosate dumbone. \v 21 Nepelre i yanaina, Tuhan kena do eute elrenda detelro poipelre dounde. "Yoel 2 :28-32

02/22.txt

@@ -0,0 +1 @@
+\v 22 Israel detelro, da' a' te belombe, Yesus, Nasaret detelro, Allah wenanelrone dinakiya mupuko Nenalresabi seimenaki yayaye, nena Allah wete dimaki kilrumupuko, nepelre wedinanimei yaupuko. \v 23 Allah kena mendo mekom bukona, Yesus, ipainya selreina ayekote sasuku, wetombombe detelro pekokena mewalrolrene tekai neba penaipone. \v 24 Nemalaiti, Allah NE- tede yembone, nepelre pekonelrolre. Netebaite yenembone nepelre tete-nete natawi kolpai.

02/25.txt

@@ -0,0 +1 @@
+\v 25 Nepelrena, Yesus tena A Daud dina elre yowe. Detiyalre Tuhan denabukoune nemena mote. Ne dena metelre mesune (nenatena) detitei koipai. \v 26 Netenate, denakena kalri dopelre. Nepelre dena eu wake eine nekende delrei peunea seplro walrende.

02/27.txt

@@ -0,0 +1 @@
+\v 27 Nepelrena dena walrite detelro tetenelrona-we itipainya. Nemalaiti wena detelro melro melro kena eute peko tena itipainya. \v 28 Detena walri nipi-we-dina sanetupuke. Wena beei Ne dete kenakalri nemenamote olra walre.

02/29.txt

@@ -0,0 +1 @@
+\v 29 Dokekapo,wetetelre pelrete senam malre yansina ena memai, Daud, nedinate tepuko kanine sasikaye, nepelre nenebulre embelrenemeye daselreite. \v 30 Nelaiti, nabi mane neke yowe nepenimei yembuko nepelre ayeko tesasuku Daud kena selrailrena silaiti kepelre engkung tenekeude. \v 31 Nepelre, dokalro nemeyena Daud dima douneteyowe, Kristus deyembonena, ate elre yowe. Detelro tetenelrono Ne nikipai nepelre-Nena-aupekeina itipainya. Mazmur 16:10

02/32.txt

@@ -0,0 +1 @@
+\v 32 Yesus Allah te deyembuko nanekalrote demetelrena nenea akeyana. \v 33 Netenate, Allah metelre mesune yairetelre tanembone nepelre beritekei nene pebetam

02/34.txt

@@ -0,0 +1 @@
+\v 34 Daud selreyo wapeyo tenaipai, neimonepete elreyowe, "Tuhan tuamaite tesane yone. Dena_metelre mesune nekewe nepelre wena yembe detelro  temokote. \v 35 Melrena wena otote nenabulrane kelromupone." Mzm 110:1 \v 36 Nepelrena, Israel kenamie metelrena mane poinimei naimbone Allah Tuhan pelre Kristus pelre-Ne nepete mekombuko dana Yesus kaine bepaupuko."

02/37.txt

@@ -0,0 +1 @@
+\v 37 Nepelrena kalro tebetai pekona, nena kenalrena sayemotena mane, nepelre Petrus pelre Rasul pelre ate simi yaime, " dokekapo, beyate demekoma Ire? \v 38 Nepelrena, Petrus nete sane youmu, " Pekonelrolrebulrum simbe wei eumbeimbeite Kristus Yesus kena einebute kelro naimepone nepelre pekote baite sukumemopone, nepelre Alru melro melro tedo wembe. \v 39 Nemanelaiti, daaku irung wetena, nepelre wei yeitena;nepelre metelrena detelro bainenekai napelre, Tuhan Allah wenate irentesimi dena."

02/40.txt

@@ -0,0 +1 @@
+\v 40 Nepelre, a' sidopelre laiti, Petrus dakalrot tena poitelre tesane youme, elreyowe, "weieute yelri yepukona selrai Ire telro melro irombombe!" \v 41 Neyane Petrus kenaatobe toyaina deterlo butelkelro yaime nenatelreng nebulrate alromusukina 3000 selrei. \v 42 Rasul-rasul kena asena kilri yaimena nepelre yau eine nikiyaye, piyeu tabisiyaye, nepelre mendo eine.

02/43.txt

@@ -0,0 +1 @@
+\v 43 Nepelre, nenabulrate endiki meyo wepelremutuku, Rasul-rasul kena walrolre kembalri bisi bisi mena dopelrekiyayaye. \v 44 Telreperle te elraipeko nanembei koprumbuko nepelre metelrena syasyasyi nembeimo. \v 45 Nepelre miedeko nasatenaite mekoyaye , metelrena detelro tewasi yaime, nena yelreu kalrombei mbei nekepukonate.

02/46.txt

@@ -0,0 +1 @@
+\v 46 Yaneyane, kena nembeiye walri miene koplrimbi yowe neperle piyeu temielre mielre besaye, nesa tekena kalri neyataye nepelre kena temelre yatiyaye. \v 47 Neperle Allah te kopiyane detelro dopelrenete kenate diyane, detelro poite yatenaina, yane yane Tuhan nena bulrate nemena mote alromesi yowe.

02/title.txt

@@ -0,0 +1 @@
+Pasal 2

03/01.txt

@@ -0,0 +1 @@
+\c 3 (Petrus Mendaina Detelrote Poye Mekombuko) \v 1 Yasina kaya, Petrus pelre Yohanis pelre Mang Walri kena miyete mendo melro-melro suselreinane mesi kilrimbei pelre nane. \v 2 Nemenakaye, do simbei nenang rena esire nelre erle mendai mekombuko nate metulre doukai nelre yate ( meye tapekainelre yaye), ya yun- yune mang walri kena gerbang mau nena eudo Gerbang Indah, detelro mang walri kena miete esute naye nate sate diyimu. \v 3 Petrus pelre Yohanis pelrete  teke pelre nakaye, ne satena mete kilriyoloe.

03/04.txt

@@ -0,0 +1 @@
+\v 4 Nakaye, Petrus Yohanis pelre nembeyena kaye nete saneyonye, "Debekote tewe". \v 5 Peteus pelre Yohanis pelre teyopu mendote mekoyowe, menalre sasi mente ineinelre. \v 6 Neperle nakaye, Petrus ate kepuko denana perak mbai emas ambai, Denan nekewenate nenate wete iteloerle Kristus Yesus kena eudone, esuemiwe otote ewe.

03/07.txt

@@ -0,0 +1 @@
+\v 7 Nemenakaye, Petrus ne detelro kena metelre mesune mena dokunakaye nete esuye lini kenelre ne suslrei lati nena oto kintou pelre oto pelre suwei peko. \v 8 Bulralre sepu kona kaye, esu emike otote yowe. Nakaye Petrus pelre Yohanis pelre takupelre Mang Walri kena miyete bulralre alre balreke yowenakae Mang Walrite kapeyonu.

03/09.txt

@@ -0,0 +1 @@
+\v 9 Metelrena detelro tiyanyenakaye Mang Walrite kapiyanye, \v 10 Nepelre ne nime yambeko ne detelro ya yun-yune Mang Walri kena Gerbang Indah ne nekeyowe adiyi diyite diyiyowe, nemenakaye Neyo endiki pelre mutuku nepelre kembengte bitiyeye menane netu kilri pukonate. (Petrus Detelro Telreng Kena Nelrone Ate Saneyoumu)

03/11.txt

@@ -0,0 +1 @@
+\v 11 Nepelre nakaye ne detelro Petrus pelre Yohanis pelre kena mete neme kelrouku tepeyowe. Detelro mukunamane nekote selrambi Salomo ne tipiyayena kote belrai peko yaye, telre-telre mane olruyaye. \v 12 Nekaye, Petrus nenate teyomu, detelro telreng tipiyayenate saneyomu, "Hai Israel detelro, beyamena pote we da kalrote kembengte bitouwe nepelte dete doumo kelraumu puko taumu, deye da detelrote poye mekonembeko beya delre poye nepelre melro-melro eine?

03/13.txt

@@ -0,0 +1 @@
+\v 13 Abraham, Isak, nepelre Yakub kena Mang Walri ena nenek moyang kena Mang Walri nenei kembalri detelrote, moi eine Yesus baite selraupuko Pilatus kena mebulrate tambuko nenalre tiyekeko baite tanm bon denate. \v 14 Nemenakaye, weye ne melro- melro pelrena nepelre telre pelre nate baite seraupuko, nakaye detelrote tutyowena detelrote wetenate baite taneme ponde.

03/15.txt

@@ -0,0 +1 @@
+\v 15 Nepelre, Walri tou pelre nate weye baite tapuko, nakaye Mang Walri ye detelro tetekena nelrolre deyembuko. Da kalro tena deye nena akeyana nepe. \v 16 Nepelre nena eudone dena telrepelre saukande nenaye da detelrote pote mekanembekonate nepete tanu nepelre nepe nimeyambuko. Nepelre, telre pelre nena walrolre meyowenalre. Neya wena bukoune noulrena poitute douku.

03/17.txt

@@ -0,0 +1 @@
+\v 17 Netenate, delrei dokeka ele nepete nimeyem bukalre wena yeko kilraupekona wei euna nimeyipai nena wei belrengka-belrengka selrau mekaipeko na mena. \v 18 Nemenakaye, Mang Walri ye metelrena, Nabi kena embulrulre Kristus Ne sete elrin tinde, nepe noulre mekopuko.

03/19.txt

@@ -0,0 +1 @@
+\v 19 Netenate, mendo poite mekombonde nepelre date bulrun sunde wena pekote baite sumbonde. \v 20 Nepelrena Tuhan kenalrena poi kalro mendena, nepelre Kristus wetenate tiyekuko, nena Yesus nepe.

03/21.txt

@@ -0,0 +1 @@
+\v 23 \v 21 Nena walri diyalre poite elrembonde nepelrena nenei ya metelrena sate poye mekombonde Mang Walriye nenei Nabi selrai melro-melro einya yansine niki yayenate. \v 22 Musa saneyaoumu, Mang Walri ye wena nelrolre Nabi simbeite elrimbonde detenamane, we nena a elrenadengtena poi telreye betombe

03/24.txt

@@ -0,0 +1 @@
+\v 24 Nepelre, damena yatena Nabi-Nabi selrai meyowe Samuel kenalre nepelre memetena selrai nikiyayena neoete saniyaime. \v 25 We nekewena Nabi selrai kenalrena mena otona, nepelre Mang Walri kena ayeko wei nenek moyang kenane sasuku nepelrena Abraham te saneyounu wena welrolre metelrena selrai da yobulrane tenowena poitute dounaye. \v 26 Mang Walri, nenei kembalri detelrote deyembuko, wekote nepete tambuko memetelrete wete poitute inemelre nepelre wena nelrolre detelro mbei-mbei peko nelrolre date bulrunaye

03/title.txt

@@ -0,0 +1 @@
+Pasal 3

04/01.txt

@@ -0,0 +1 @@
+\c 4 (Rasul- Rasul Pelre Mahkamah Agama Yahudi Pelre) \v 1 Nemenakaye Petrus pelre Yohanis pelre detelro telrengte ate sanyoypena kaye, Imam selrai nekote miyaye, belrengka Mang Walri wai kena miye sema  pelre nekewena, nepelre saduki detelro pelre nekote miyoye. \v 2 Kena selrai duwai mepeko detelro telrengte Yesus detelro tete detelro kena nelrolre deyepukona akalrote kilriyoype. \v 3 Nakaye, Petrus pelre Yohanis pelrete yatekaipelre ongko miyene tiyai pitiki, sunepe wekeyowe wambe denembutenate, sunepe wekeyowenatena. \v 4 Nenatena, detelro telreng kena kalrolrena dopelre Rasul selrai kena a saniyai menatena telre pelre telrete ilraipeko, nepelre nena kalro irena do selrai mo lima ribu selrei.

04/05.txt

@@ -0,0 +1 @@
+\v 5 Yasina kaye, belrengka- belrengka yalrise yalrise nepelre ahli taurat nembeye Yerusalem ne koplri younou. \v 6 Nembeyenakaye, Imam delre Hanas pelre Kayafas pelre, Yohanis ,Aleksander, nepelre Imam delre kena miye dekona detelro metelrenamane. \v 7 Nepelrena kaye, Petrus pelre Yohanis pelrete nelrotelrene taipepeko naka simiyaipe, " singkena delre bulralre nepelre singkena eudone  nekembolrite mekopuko?"

04/08.txt

@@ -0,0 +1 @@
+\v 8 Nakaye, Petrus alru melro-melro nena euno pelrentuku neyote saneyoume, " Da selrai pelre kelroukau tepauna belrengka- belrengka selrai pelr yarise-yarise selrai pelre, \v 9 menagaye weye dena kembalri poi mekombekona tembena, beya kalrore deye da wakembainya detelrote poye mekonembeko. \v 10 Damane we metelrena mane nimeyenembombe, nepelre Israel detelro metelrena mane ala detelro poye dupukona Yesus Kristus salib none bepaupekona nena eudone nepelre Mang Walri deyembukona ye tete detelro kena nelrolre deyembukonaye wena nelrone meke tepewe.

04/11.txt

@@ -0,0 +1 @@
+\v 11 Yesus Ne Nepe : Olru baite kengkanulrena we miye pelre melrau wena, wake dopelrena olru tena mane nepe dupuko. \v 12 Nepelre, poi kalro nekewena detelro sikena eing betepelre nikipai, da detelrote poi kalrote inemelre.

04/13.txt

@@ -0,0 +1 @@
+\v 13 Nemenakaye Yohanis pelre Petrus Pelre kena alremate taimbeko nepelre nimeyaimbeko, ne mendo kalrong tenopai nepelre mendo mbainya detelro; neyo kembengte nepe bitiyaye, wande nimeyaimbeko, do dobe Yesus neselreine pelre nembeye walriyayena. \v 14 Nepelre ne poye mekaimbekoa detelro, Petrus pelre Yohanis pelre kena euyene neme tepeyowenate tiyaine, neyo a sistena elripai

04/15.txt

@@ -0,0 +1 @@
+\v 15 Nemenakaye, ne Petrus pelre Yohanis pelrete senaipepuko sanhe drinte nepene tenaimeponde, ne sipelre-sipelre ate tiyaye. \v 16 Nepelrenakaye elriyaye, da detelro betena beyamane nete mekoma meponde? Nemenakaye, netu kilri pukona noulrena nepe nena dina kilripuko, nepelre emukuna detelro Yerusalem ne nikiyayena dina tiyanyem nepelre e nena tena amise-mise tena dinipainya. \v 17 Netenate, dakalro detelro kena nelrone ditelrate elripai nemeyenane i malre nete sane mamelreng ne eudona lati tena detelro sitena sanipainya. \v 18 Nemenakaye, neyo Petrus pelre Yohanis pelrete simaipepuko, nepelre nebete saniyaipe ate elri elriniyena nemanelati kilri niypelrena  Yesus kena eudotena elrinpainya.

04/19.txt

@@ -0,0 +1 @@
+\v 19 Namenakaye, Petrus pelre Yohanis pelre ate saukuye nepelre nete saneyoype, "Tiyengkombe, Mang Walri kena dowlrena mena nekewena noulrena, nepelre we mote betomamelre mekoipai. \v 20 Nemenatena,denalrena ambai denalrenape tiyandena kalro pelre nepelre deye beto yandena

04/21.txt

@@ -0,0 +1 @@
+\v 21 Nepelrenakaye, Petrus pelre Yohanis pelrete me sero selro mekoyai penakaye baite Rasul-rasul te taimepeko dite yaye, nenalrena a kalro peko mena doloipai, nepelre detelro dopelre Mang Walrite kapiyanye nena kembalri mekoipekonatena. \v 22 Nepelrena, ne detelro poi pelre dupekona nena mai empat te yowenatena. (Petrus Perle Yohanis Perle Nekenoute Nenei Telre Pelre Einya Yau-Yauna Kote Bulrusiki).

04/23.txt

@@ -0,0 +1 @@
+\v 23 Nete baite taiperkonakaye, Petrus pelre Yohanis pelre nenei yau-yau na kote yayinakaye nepelre Imam-Imam belrengka selrai pelre yarise-yarise po kena a elri yayenate nena toune elriyoye. \v 24 Nepelre, nenei yau-yauna ne ate betaipekona Mang Walri kote ate kenisikaye, kenaye nembeite doukaye, Ya Tuhan, we nepe ma te, kanite, naute nepelre ne einya sasasi metelre-naye. \v 25 Alru melro-melro kena walrore wei hamba kena embulrulre. Daud dau delrei nenek moyang. "Beyamena pote selrai si sangkute diyanye, nepelre detelro telreng nenate aupeau kalrorenate nimeyiyaye.

04/26.txt

@@ -0,0 +1 @@
+\v 26 Da yobulrana ondewapi selrai eute dunaime, nepelre nou pelre kelroukayena detelro nembeiye koprung beko, Tuhante adete denainelre, nepelre nena bulrane tapemopu kona pelrete.

04/27.txt

@@ -0,0 +1 @@
+\v 27 Nepelrena da yo delrene nembei nepe koprimbeko yesute adete diyanye, wei melro-melro weinya Hamba, mepelre nena bulrane tapembukona, nena Herodes nepelre Pontiu Pilatus pelre, nembeye selrai sipelre, nepelre Israel detelro pelre. \v 28 Ne kembalrite Nena mertlrena mekoyawuna wei meye nepelrena wei a walrolre nena kiyaipai nameyenane ayeko nepe dina sasikaye.

04/29.txt

@@ -0,0 +1 @@
+\v 29 Nepelre, da selreite, Tuhan, Dayo kena me selro-selro mekayenate temuponde nepelre wei hamba-hambate wakete imulre wei awalrite kulra peto sanemamelre. \v 30 Nepelre wei mete nensuke poi kalrote mekopuko nepelre kembalri simena kiyaye nena wei melro- melro eilrena walrolre kiyaye, wei, Yesus nepe. \v 31 Nepelre mendo einye tepaipekom nakaye membelrena nembeye nikiyayena now tupuyonu nepelre ne metelrena mane alru melro-melro ye pelremutuku, nepelre Mang Walri kena ate kulra peto saniyaime. (Telre Pelre Einya Detelro Kena Yelreu)

04/32.txt

@@ -0,0 +1 @@
+\v 32 Nepelre, telrepelre einya detelro delrokena nelrone kenate nembeye doukaye. Detelro mbeisikana pelre nenei satena nenei eumonatena elripainya, nena metelreyena tenat elraiye. \v 33 Nepelrena, nena delre walrolre Rasul selrai Yesus deyepukona akalrote saniyaime nepere delrepo metelreyena ne selrai kena bulrate.

04/34.txt

@@ -0,0 +1 @@
+\v 34 Ne nikiyayena nelrone kanite, miyete naite mekoyaye nenate nembeye kolpriyanye. Nenatena ne nikiyayena nelrona metelreye elrimekeko. \v 35 Nepelre Rasul selrai kena ototoune kelroyaye, naka nenei nelrone wasiyaye , nenei kalro nekaipekona menatena.

04/36.txt

@@ -0,0 +1 @@
+\v 36 Nemane delrati Yusuf, Lewi selrairena detelro, Siprus kena walrolrena nemane delrati Rasul selrai Barnabas te simaimbeko ne eudo si yei teme pelrena. \v 37 Nenei kani pote naite mekoipeko ne doite dokye, Rasul kena ototoune sasikiye.

04/title.txt

@@ -0,0 +1 @@
+Pasal 4

05/01.txt

@@ -0,0 +1 @@
+\c 5 (Ananias Pelre Safira Tuhan Kena Alru Melro- Melro Tetuwayoine) \v 1 Nepelrena, detelro sinena eudo Ananias, nenei milre pelre, Safira, sate naite mekoi peko. \v 2 Nepelre, nembilre kenamendo mekoyanuna sanai mekopukona sinenei eutenate dine kelrombone, nepelre posite olrum bonde mende, rasul-rasul kena ototoune kelrombone.

05/03.txt

@@ -0,0 +1 @@
+\v 3 Nemane, Petrus sane youne, "Ananias, beyatenate mase wenakena eine kemeupuko nepelre alru melro melrote aupeute wapunsuke kani naimekopukena posite titau puke? \v 4 Nai mekoipainya, nekami weieuna kanipo?Nepelre, nai temekopukena, nekani wena akelrene nemekewe? Damena kembalri beyatenate weikena eine mekoye? We dadetelrotena wapipai, nena Allah te. \v 5 Nepelre, neate betoupukona, Anani as ate delrelce nepelre nesoneso ambai dupuko, metelrena detelro neate betai pekona endiki dopelre dekaikeko. \v 6 Dosekelro meselrei miyaye, dulraisiki, nepelre diyate doukainelre, kani nesasikaye.

05/07.txt

@@ -0,0 +1 @@
+\v 7 Nepelre, sunamingte yowe senalre, Ananias nembilre meyo we, nenou sakiya pukona nenimeipai. \v 8 Nepelre, Petrus nete saneyoune, 'dete ate sane tupone, kani namekoupu kona nena delre daselrei?" Nepelre, Safira ate sauku, "Telrepelre, delre neselrei.

05/09.txt

@@ -0,0 +1 @@
+\v 9 Nemanelaiti Petrus netesane youne, "Beyatenate wei dopelre ate nembei elrupuko Tuhan kena alru melro-melrote wapenisipe? Tewe, detelro kena otonou wena dote sasikaina mautune neme dinekaye nepelre wetelaiti dounai welre diya sutenaye, " \v 10 Tikimbai, safira Petrus kena ototoune atedelre ke nepelre nesoneso ambai depuko. Seklro esute miyaye, Safi nanepetete  puko natetaimbeko, doukainelre diasute nepelre do kena euyene sasikaye. \v 11 Jemaat pelre metelrena detelro neate betaipekona endiki detelrete dekaikeko. (Allah Kenalre Sabisi Menakiyayaye)

05/12.txt

@@ -0,0 +1 @@
+\v 12 Rasul-rasul detelro nelrone nenamelrena sa depelre laiti kiyaya nepelre nekenambei tedoukaye Salomo kena sewatune nikiyah. \v 13 Sibete mena ambai nembelre nembeitau naimelrena ediki tedekoyaye, detelro netena poite elri yaye.

05/14.txt

@@ -0,0 +1 @@
+\v 14 Nepe ire, detelro dopelre laiti Tuhan kena eine telrepelre te elrai peko, delro detelre, nena do nemane laiti milre. \v 15 Nepelre, sana detelrote olru kaye miyaye nipiye enduku yaimena kuawelra sepolrena bulrame nepelre olrena kuawelra netenate Petrus mendena, nena eualreng detelro mese ire kenane bone melre. \v 16 Nemane, detelro dopelre dia delre delre ireng saku yenetenaine nealiti miyaye. sana detelrote olru kaye miyaye nepelre alru puko peko kelro kumulru pelre, metelrena poi duyaye. (Rasul - Rasul Te Kelrou Kaye)

05/17.txt

@@ -0,0 +1 @@
+\v 17 Nepelre, imam delre eimaipeko, nembelre taukai melrena pelre, nene sadoki selrai irena, nena kena eina kilri dopelre. \v 18 Rasul rasuk telrouka ye ongko netiyamatiki.

05/19.txt

@@ -0,0 +1 @@
+\v 19 Nepelrena, dene nelrote yowe, Malaikat detelro siongko mautetu wumusuku, diate yatekemelre, nepelre saneyoume, \v 20 "Embe, tepembe, Walri ongko miene asena walri teme telrena deterote sane membe". \v 21 Nepelre, netebetonaye, yadeukou bune Walri ongko mieteye neplre kilri yaime. Nemane laiti imam delre nembelre taukai malre nadetelro pelre yaye, sanhed tinpelre metelrena Majelis sena sena Israel nate kopilrai mepuko, nepelre detelrote senai mepuko ongko mieteyaye Rasul-rasul teolru naipone nenabukoune tenaimepone.

05/22.txt

@@ -0,0 +1 @@
+\v 22 Nepelre, nedetelro senai mepukona yaye, rasul dobe ongko miena netupeipai. Nemane, nekoute laiti miyaye ate meke sane yaine, \v 23 nepelrena elriyaye, "ongko mietane mbukona otidina yelratiki nena metelrena semana pelre semate tepaina mautane tepaye netetu walri sikina, esuna detelro sibete pelre meratu peipai."

05/24.txt

@@ -0,0 +1 @@
+\v 24 Nepelre, walri ongko mie semana belrengka nepelre ditelrate simyaye rasul-rasul kenalre damena kalrokaye beyamame. \v 25 Nemane laiti, detelro simeyowe netesane youme, "Tembe! ongko miete olraupuko nadetelro walri ongko miene tepaya detelro tekiraime."

05/26.txt

@@ -0,0 +1 @@
+\v 26 Nepelre, walri mie ongko belrengka nena semana pelre yaye rasul-rasulte olrai peko, netena alrema bete pelre ambai nelaiti endikite dekoyaye detelro depelre nete olru tinder nai mepone. \v 27 Nemane laitI Petrus pelre Yohanes teyate kaipelre, Sanhed rin kenane taimepuko. Nepeplrena, imam delre simi yomu. \v 28 Elreyowe, "ado pelrete dina sani yanemelre nekoute neudotena laiti kilri painya, nemane laiti Yerusalem te wena asena moke meupuko nepelre wenalre mekambukona dadetelro kena sate dena bulrate imimbenate."

05/29.txt

@@ -0,0 +1 @@
+\v 29 Nepelrena, Petrus pelre rasul sipelre ate saukaye, "de Allah kena tetau memalre nepelre detelro kenane. \v 30 Allah dena sesekasi kenalre Yesus tedeyembuko nena metelre mesune betena mane nepelrena yepe kena Allah Yesus tedeyembuko, wetaupuko nete kainone sauduku wauyowe. \v 31 Allah nete yalretelre nena metelre mesune taumbuko betena mane nepelre walri nipite Israel kena peko mekoyainate baite sumbone nepelre poite yatenemelre. \v 32 Nepelrena, metelrena de nena keyana, nemane laitu alru melro melro nena Allah detelro nete tau kainelre teikimelre."

05/33.txt

@@ -0,0 +1 @@
+\v 33 Ne' ate betaipekona, nenakena sayemo tena mane nepelre rasul-rasul tebaite tutu naipena mendote mekoyaine. \v 34 Nepelrena, Farisi detelro nena eudo Gamaliel, taurat te kilri muna metelrena detelro nete peupeu duyamu, Sanheid tinkena bukou netepe yowe ate sane yome rasul-rasul tediyate olru mbombe membe.

05/35.txt

@@ -0,0 +1 @@
+\v 35 Nepelre nete, saneyoume, "Israel detelro, poitelre nemei bombe detelrote netebeya sate we mekom bombenate . \v 36 Nepelre, nepelre nalaiti, nete taipeko netetaukai melrena metelre selre kuko, sibete pelre ambai. \v 37 Nepelrena Teudas, Yudas Galilea Irena emuku, sensus yana nelaiti detelro dopelrete yate kemelrene tetaukai nelre, nelaiti baiti taipeko metelre na detelro netetou kainelrena baitu selrekuko.

05/38.txt

@@ -0,0 +1 @@
+\v 38 Netenate, da akalro tenate, wete ate sena malre ; dadetelro tebaite aneng kombe nete nemeite membombe, nepelre , dakembalri detelroyei kenalrena dakembalri yuwipai. \v 39 Nemane laiti, da kembalri Allah kenalrena wene tenakiti koipai, nepelrena, Allah kena ate adete daumbuko."

05/40.txt

@@ -0,0 +1 @@
+\v 40 Gamaliel kena ate taukai nelre, nepelre, rasul dobete simai peko, nebete mepini yaye nepelre rasul-rasul teate saniyai me nekoute Yesus kena eudone atena sanipainya, nepelre bai tetai mepuko. \v 41 Netenate, rasul-rasul Sanhedrin kena bukou ire baite yaye kena kalrite koyaye nesate da setu wandena nemetuwa menelre. \v 42 Nepelre, yane yane, Walri ongko mie nepelre mielre mielre, nelaiti senate poisipai nemane moteki iraime nepelre asena walri te senaime Yesus nena Kristus nepe.

05/title.txt

@@ -0,0 +1 @@
+Pasal 5

06/01.txt

@@ -0,0 +1 @@
+\c 6 (Ne Kembalri Kalrotena Betelro Motelre Elray Peko Misi Suna Bepelre) \v 1 Ne yapona, murid nemna mote nebulrate kewe yowe, Helenis detelro kenane tuwai yaine mendote mekaibeko Ibran asli detelre yane-yane embulru sate wase yamna namen-namen osoi milre niki yaina netena yatipai.

06/02.txt

@@ -0,0 +1 @@
+\v 2 Netenate, membe beplrena rasulte sinapeko metelre miyaiye nepelre elriyaiye, "Peko mane Asnate senanem melre sa kalrotena netena yatipai. \v 3 Ne kalrotenate, dokeka misi suna beplrena nelrona dete iro siti elri bombe alru melro-melro eine nepelre nenei yaumbu, nete keman suide da kalrotenate. \v 4 Nepernaye, eye awalri kalrotena mendo eine tepemalre."

06/05.txt

@@ -0,0 +1 @@
+\v 5 Da kalrotena meterna detelro kenane yuwupuko. Nepelre, Stefanus, telre pelre eine alru melro- melro nena eine nekewena, nepelrenaye Filipinus, Prokhorus, Nikanor, Timon, Permenas, nepelre Nikolaus, Proselit detelro Antiokhia kiyalrena. \v 6 Nete yate kamelre Rasul selrai kena bekoute yaiye, nepelre mendote mekai peko rasul selrai ne misi suna bepelre detelro bulrate mete tapaime peko.

06/07.txt

@@ -0,0 +1 @@
+\v 7 Mang walri kena A walri peto douku walre yowe, nepelre nena oto touna Yerusalemna kewe yowe. Nepelre, iman selrai dopelreye da kelre pelrete elrai peko. (Stefanuste Kelrokaiye)

06/08.txt

@@ -0,0 +1 @@
+\v 8 Nepelre, Stefanus, alru melro-melro nena eine nena delrepo, detelro telren nelrone kembalrite simane meko yowe. \v 9 Netenate, sinagoge irena detelroye Libertini detelro paimena, nekire detelro neperna Aleksandria detelro nepelre kilikia na pelre, Asiana pelre, emai peko Stefanus pelre ate kingklri yaiye.

06/10.txt

@@ -0,0 +1 @@
+\v 10 Nemena kaye, ne elri yaina Stefanus kenana alru kena kembalri meko youna kitipai. \v 11 Nepelre, nemetlre a walrote detelro site melro yaiye ate elre nainate, "De da detelro kenalte betami beko Musa pelre Mang Walri pelre tena A pkeote elre yowe!"

06/12.txt

@@ -0,0 +1 @@
+\v 12 Nepelre, detelro delrete suse yamne, detelro dasi-dasi, nepelre ahli-ahli Taurat, Stefanus kote yaiye nete kelrokaiye, nepelre Sanhedrin nena bekoute dokanelre yaiye. \v 13 Apepeu kalrolrena detelro  yatekamelre ate duwai keko da detelro nou melro-melro nepelre Taurat kena acung nekai yenate pekote elre yowe. \v 14 Neperna, nenalre betabekona Yesus Naseret irena da noute baite dingkelren bonde nepelre Musa kena ayeko ete yate kemelre simane dumbonde. \v 15 Nepelre, Stefanus, kena bete tiyaine meterna Sanhedrin eine detelro niki yaina nena bete tiyainena Malaikat kena be mane.

06/title.txt

@@ -0,0 +1 @@
+Pasal 6

07/01.txt

@@ -0,0 +1 @@
+\c 7 (Stefanus Te Di Kambeko) \v 1 Neperna, Imam delre sameyonu, beyomame nemena telpelre? \v 2 Nemena, Stefanus saneyomu dokekapo memaipo dete betombe Mang Walri mro-mro ena angkeyang te erite kiyambu, ne daipona Abraham Mesopotamia ne nekeyowe , haran na nikipainya sreine. \v 3 Neperna saneyomu ewe kai bulrame mengke dokeka nelrore, mene kanite kelriteupone.

07/04.txt

@@ -0,0 +1 @@
+\v 4 Neperna, Abraham Kasdim kaui te hukumbuko Haran nekeyowe. Neperna nemang osuku Allah mang walri saneyomu da kauite meyowe nou menya nekauwe. \v 5 Nemeneye Mang Walri nete sasena mena yipaim nemane lati kaui walro mbeimena yipai nemane yee Abraham pelre ayungte kroipeko nenei mena neperna nenei mena otonate yansite nekenaye, ne yatone Abraham yei ambainya sreine.

07/06.txt

@@ -0,0 +1 @@
+\v 6 Neperna kaye Allah Abram te saneyonu wei mena otorna bairena detelro mame detelro kena kawi bura naineke, netena lati busi-busi mekonainilre maay muku krembey serei nekenaye. \v 7 Nemenaye ne seraytena suenblere busi-busi mekoyaimina netena seete yitimlre, Allah kena seneyomu, "Neperna diterna lati baite mame walri yau eine dete kanaitelre datoune. \v 8 Nepere Allah Abraham te sunat tena  afungte sasuke. Neperena Abraham Ishak nemang nete sunat te mekombuko. Nepelre Ishak, Yakub, nemang nepelre, Yakub Israel mebesunabe Israel tou berengka.

07/09.txt

@@ -0,0 +1 @@
+\v 9 Nepelre yembe kalrone Yusuf ena tou berengka mein yote naite mekopuko, nemane ye Allah yusuf te trorobuko . \v 10 Nena se twamena tromrobuko, nena setwayonane dikimbuko nepere mendo kalrate Firaun bukoununa Mesir ondoafi, dikimbuko berengka walrote Mesir ne nepelre dia delrene.

07/11.txt

@@ -0,0 +1 @@
+\v 11 Ne may pone, sa ketemupuko Mesi pre Kanaan moning depelre tunainye ena angkeyang sa muna betepelre tupeipai. \v 12 Nemaneye, ne yapone Yakub betoyewe mairne gandum ne ena angkeyang te samemupuko memte telretena Mesir te yaiye. \v 13 Dabe tenayaiye Yusuf eate mekoyouwe dokeka nimei naimbonate, nutenate Yusuf nenai dokeka po Firaun neimai nemfonate.

07/14.txt

@@ -0,0 +1 @@
+\v 14 Neperna kaye Yusuf ate mekoupuko Yakob nenei memay nepelre nenei metelrena mengke dokakapo, 75 metelrena mane tetedoku nepelre. \v 15 Nemane sate Yakub Mesir yote osuku. \v 16 Diperna kaye sekhem yote mekaipeko yaiye, bulrane Abraham hesmir hubei doidulu.

07/17.txt

@@ -0,0 +1 @@
+\v 17 Nemane kaye, atung kroipekona nopiye yewei Allah Abraham te sanembukona nenei tou nemanemate kewende Mesir yone. \v 18 Nekeyai ondoafi si Mesir eminde Yusuf tena nimeipainya. \v 19 Ne ondoafi mendote yembeniside ena angkeyang te busi-busi mekoine melre nele nanenaimre yeimi nainate baite yelronaye netenate yareni kalrote tenaimbonde.

07/20.txt

@@ -0,0 +1 @@
+\v 20 Ne maipone, Musa te song kaiye do yekote Allah kena bukou nune, depelrerena Musa nei nemangkena miene oko naming mo \v 21 Ne yasreine kengkai nelrena Firaun nomi dokainengle nafiyaine nenei yei mane.

07/22.txt

@@ -0,0 +1 @@
+\v 22 Nenate Musa bei bei kalrotena Mesir kena mondo kalronete mundo pelre kembalri kalro meku nimenibuko. \v 23 Nemaneye, neyapone Musaa maay do bete kelroyona. Kenafine iwayone nenei dokekate tenemlenate, Israel srai. \v 24 Neparna detelro sembeite busi-busi Mesir detelro mekoyoinae Musa meyena nete  dikimbuko Mesir nate taipeko. \v 25 Musan mendone mekoyonu nenei dokekai nemai nambona Allah, Musa kna walrolre nute nenei eute tromronei ponete. Ne kalrotena ne mendo doipai.

07/26.txt

@@ -0,0 +1 @@
+\v 26 Ya betena meyowena, Musa Israel do be sangkute tuteyoiye,nebete talreyopu, nete sanyopu nei we ne dokaka mbai beyatena sangkute tatuwe? \v 27 Nemanaye detelro do kekate kilrite deyonuna Musa te euyete yepopa sanyonu, sime wete keusuka delrete nekewe neperna lati dena ate tiyewe. \v 28 We detetorupone weyane Mesir detelrote topuke?

07/29.txt

@@ -0,0 +1 @@
+\v 29 Ne ate betopuko, Musa sepuko Midian ne detelro kena yone ke neke yowe. Dipene keneyowe maay yei dobe sereyna. \v 30 May do muku krimbey yufuldo, Allah kena kembalri detelro, nete sinai meko paune eute kyambuko, sing peu sase bulrane dekoyowe.

07/31.txt

@@ -0,0 +1 @@
+\v 31 Ne daine Musa teyowa, kaitate twayonu nesing dekoyowe, nipite tenenbona mangkena akulrang nekote meyowe \v 32 De wei angkeyang kena mang walri, mang walri Abraham angkeyang Ishak, angkeyang Yakub, Musa eu titeyena endikite dekokuko sing noute doie itipai.

07/33.txt

@@ -0,0 +1 @@
+\v 33 Neperna, Mang Walri ate saneyonu oto elrete baite simbone nou we tepeyena kaui mro-mro. \v 34 De nepe tamaire delrai detelro da mairne nena peko tuaina, nenei dimi dimatina nepe detalre, nepelre de, nepe osukalre nuete tromrotempone daiamewe wete tiyetekone Mesir te ene.

07/35.txt

@@ -0,0 +1 @@
+\v 35 Musa aye sraipeko wetena simi kesaku delrete dena bulrane nekewe neperna lati dena ate tiyewe. Ne mang walri tiyekuko delre tenekende neperna lati butena nekende Mang Walri kena kembalri detelro kena me walrore bulrene eute kiyambukona. \v 36 Da detelro baite yatenemlrem nenei delrete kilrinde, kembalri busi-busite Mesirne mekonde, neperlati nimi naurie nepernalati pau delrene warnaine maay do maku krimbei. \v 37 Musa de Israel tena desani yamerle, mang walri ena nelrore detelro sire kribone Nabi de mane dekende.

07/38.txt

@@ -0,0 +1 @@
+\v 38 Ne detelro da walri yale nerolre pau kalrane mataikat pelre Sinai mekone ate elriyoiye. Nepelre ena angkeyang pelre walri semote kinelre ete yilmimlre. \v 39 Ena angkeyang baite salre yaiye Musa tena betoipasi, nepelre eute kuwansiki kena eine iwayaine Mesir te burnaponete. \v 40 Harun te saiyainye, kafi-kafina me komupone ena bukoune Musa tena walrenaye. Embre Mesir kani re baite yatekemlre, de lati hemcipai biamane nanlpuko.

07/41.txt

@@ -0,0 +1 @@
+\v 41 Ne yapone malri yeite olre mukaimbeko neperna lati nenei kembalri busi-busite mekoyaiye. \v 42 Nemane latim mang nete temupuko nenei manona pelra detelro delronate kafiyainye, Nabi kena semone mrapekonemane.

07/43.txt

@@ -0,0 +1 @@
+\v 43 We molok pane nepelre Malrisa kafi-kafina. Refan nepelre dosena-sena mesemo mekane bungko nete kafenembe netenate de wete sartempone Babel butuye disune.