156 lines
13 KiB
Plaintext
156 lines
13 KiB
Plaintext
\id JAS
|
|
\ide UTF-8
|
|
\h Yakobo
|
|
\toc1 Yakobo
|
|
\toc2 Yakobo
|
|
\toc3 jas
|
|
\mt Yakobo
|
|
\c 1
|
|
\cl Sula 1
|
|
\p
|
|
\v 1 Yakobo msigilwa ywa Chohile na Wazumbe Yesu Kulisito kwa makabila mlongo na maidi yazagale namlamsani.
|
|
\p
|
|
\v 2 Wazani kugamba, ni kwelelwa kwa uzumizi mno walukolo wangu mkajinka mwe majezo yesimane.
|
|
\v 3 Mkamanya kugamba kujezwa kwa uzumizi kwenyu kwenga ujijimizi.
|
|
\v 4 Lekani ujijimizi uchintize ndima yakwe kugamba mdahe uchuma jejeje ukaleka kuhungukilwa mwe dyodyose.
|
|
\p
|
|
\v 5 Mna hegu mntu mgati mwenyu aunga ubala alombeze kulawa kwa Chohile uyo alavya kwa chisekwesekwe hahena kukwamila kwa wose wakumlombeza nawenke ubala.
|
|
\v 6 Mna alombeze kwa uzumizi asekutenda na nkama mntu akujela nkama aligana na mawimbi ya mwe bahali aguhigwa ni mpeho na kudulwa uku na kudya.
|
|
\v 7 Nichindedi mntu yuno asekufanyanya kugamba nahokele lombezo dyakwe kulawa kwa Zumbe.
|
|
\v 8 Mntu yuno anasila mbili ahitukila mwe izisila zakwe zose.
|
|
\p
|
|
\v 9 Mlukolo mchiwa aungigwa kwefenya mwe kuchimala kwakwe mno.
|
|
\v 10 Aho aho mlukolo mgoli mo kunyanyahala kwakwe kwa viya nauswe saviya luwa dya kumbago mwe nkonde akujinka.
|
|
\v 11 Zuwa dya tontomoka na mpungile ya koka kunyaza mani na maluwa yagwa na utana wakwe wabanika, ivyo nivyo wantu wagoli nawasakale mgati mwe zindima zawo.
|
|
\p
|
|
\v 12 Kajimbikwa mntu yudya akujijimiza majezo kwaviya akaheza kuyadaha majezo ayo nahokele jeleko dya ujima ambadyo wekiwa wadya wakumunga Chohile.
|
|
\p
|
|
\v 13 Mntu yoyose hakungigwa kulonga akajezwa jezo dino dilawa kwa Chohile hakujezwa ni wavu naho Chohile mwenye hakumjeza yoyose.
|
|
\v 14 Chila mntu ajezwa ni ungi wakwe wihiye umo akasentwa na kugwizwa hale.
|
|
\v 15 Nivyo ungi wa masa wenula nda, masa yelekwa akaheza masa yazwelwa niyo yasila mwe file.
|
|
\p
|
|
\v 16 Walukolo weyangu wambuya msekudantika.
|
|
\v 17 Chila jeleko dyedi na chila jeleko jejeje dyalawa kulanga na kusela hasi kulawa kwa tate wa ulangazi naho hakuhitukila saviya mpeho ivyo ikuhitukila.
|
|
\v 18 Chohile kasagula suwe kuchinka ujima kwa ulosi wa chindedi chani chidahe kutenda saviya lweleko lwa nkongo mgati mwe vyumbe vyekwe.
|
|
\p
|
|
\v 19 Mwamanya dino walukolo weyangu wambuya chila yumwenga aungigwa kutenda mhufu wa kwiva mna siyo mhufu ywa kulonga hegu kwihiwa.
|
|
\v 20 Kwaviya maya ya mntu hayakudaha kudamanya ndima ya Chohile.
|
|
\p
|
|
\v 21 Naho ikani hale wihi wa masa na wihi wowose wihantu hohose na kwa kunyanyahala hokelani mbuli ihandigwe mndani mwenyu ambayo ina udahi wa kwambula imuye yenyu.
|
|
\v 22 Tegelezani ulosi msekwetegeleza du mkedanta mo udahi wenyu wenye.
|
|
\v 23 Hegu uneva yoyose akwiva ulosi akaleka kuudamanyiza ndima aligana na mntu akwesinya uso wakwe mwe chioo.
|
|
\v 24 Ebweda uso wakwe niyo aita zakwe akajika chidogo kajala ivyo nendile eli.
|
|
\v 25 Mna mntu yudya akwesinya mpalahole mbuli jejeje, mbuli ya kulekeilwa na kujendeleza kuitongela siyo kwa viya yudya ni mtegelezaji akajala yuno mntu na ajimbikwe akaidamanya.
|
|
\p
|
|
\v 26 Uneva mntu yoyose nafanyanye mwenye kugamba, ni mntu wa kutongela mna hakudaha kuchinda ululimi lwakwe audanta luhenyo lwakwe na kutongela kwakwe ni kwabule.
|
|
\v 27 Kutongela kutana hakukubalangwa mwa Chohile ywetu ni vino kuwambiza wabanikilwe ni welesi wawo, wabanikilwe ni wagosi zawo mwe masulumizo yawo na kwedima wenye na ubanasi we isi.
|
|
\c 2
|
|
\cl Sula 2
|
|
\p
|
|
\v 1 Walukolo weyangu msekutongela utondowazi wa Zumbe Yseu Kulisito, Zumbe wa ukuka kwakuwahinyiza wantu wamwe.
|
|
\v 2 Hegu mntu yumwenga akengila mwe bunga dyenyu kavala madanga ya zahabu na suche ntana naho engila mchiwa mta suche nchafu.
|
|
\v 3 Mkungisa kumtunya mna ni yudya mwenye izisuche ntana kumgamba weye ikala hano ahantu ahedi mna mkamgamba yudya mchiwa weye chimala hadya hegu naho ikala hasi he viga vya miye.
|
|
\v 4 Togolani hamkukantilwa na nyuwe wenye kugamba walamuzi wenye fanyanyi zihiye?
|
|
\v 5 Tegelezani walukolo weyangu wambuya kwa ni Chohile hawasagule wachiwa mwe si watende wagoli togolani siyo wagoli mwe utondowazi walisi useuta walaganagakwa wakumunga.
|
|
\v 6 Mna muwabela wachiwa kwani siyo wagoli wakuwasulumiza nyuwe naho siyo wakuwabuluza mwe vitala.
|
|
\v 7 Kwani siyo wagoli wakudihuluta zina diya iditana ambadyo kwa idyo mwetangilwa?
|
|
\v 8 Mna hegu mwadamanya diya idilagizo dya useuta enga ivyo idolonywe mwa madolonyo umunge ehajihi hako saviya wemwenye mwadamanya vyedi.
|
|
\v 9 Mna uneva mkahingiza wantu mwadamanya masa mwakantilwa ni lagizo kugambamwabalanga lagizo.
|
|
\p
|
|
\v 10 Kwa viya yoyose akujela lagizo dyose naho niyo abalanga katenda masa kubalanga lagizo dyose.
|
|
\v 11 Kwa viya Chohile agamba, usekugonya, nuyo naho agambile usekukoma hegu hukugonya mna wakoma kuheza kubalanga lagizo dya Chohile.
|
|
\p
|
|
\v 12 Mna simwilani na kuzumila sa wadya mwihajihi kukantilwa ni lagizo dya ulekelwa.
|
|
\v 13 Kwa viya ukanti weza hehena mbazi kwa wadya hewena mbazi yetunya mwe kukatilwa.
|
|
\p
|
|
\v 14 Hana utana wani walukolo weyangu hegu mntu agamba nina utondowazi mna hana ntendwa uyo utondowazi uwo wadaha kumwabula?
|
|
\v 15 Uneva mlukolo wa chilume hegu wachiche ni mungi wa suche hegu nkande ya chila zuwa.
|
|
\v 16 Niyo yumwenga ywenyu awagamba, hitani kwa utondowazi mkotele moto naho mdye vitana mna hamkuwenka yakwingizwa mo mwili ivyo vyatenda vyedi vyani?
|
|
\v 17 Nivyo utondowazi uwodu mna hauna ntendwa, ibanika.
|
|
\p
|
|
\v 18 Mna mntu yumwenga adaha kugamba una utondowazi mna miye nina ntendwa nilagisa utondowazi wako bila ntendwa, na miye nilagise utondowazi wangu kwa ntendwa.
|
|
\v 19 Wazumila kugamba eyuko Chohile yumwenga wi vyedi mna mapepo nayo yazumila ivyo na kuzingiza.
|
|
\v 20 Togola waunga kumanya weye mntu mhezi, ivyo utondowazi hewine ntendwa siyo wedi?
|
|
\v 21 Kwani si tate Abulahamu awazigwe chindedi mwe ntendwa amlavize umwanawe Isaka mlanga mwe nchanja ye ntambiko.
|
|
\v 22 Muwona kugamba utondowazi wakwe udamanya ndima na ntedwa yakwe yo utondowazi wakwe ubwila viya aungile.
|
|
\v 23 Madolonyo yachinta yagambaAbulahamu kamzumila Chohile elo Abulahamu ketangwa ni mmbuya wa Chohile.
|
|
\v 24 Mwasinya kugamba kwa ntendwa mntu awazizwa chindedi mna siyo kwa utondowazi du.
|
|
\v 25 Mna hatendile Lahabu yudya mchilanga kawazwa chindedi kwa ntendwa viya awahokelaga awajeni na kuwafisa mwe sila ntuhu?
|
|
\p
|
|
\v 26 Kwa viya mwili hewina Muye ubanika ne ivyo utondowazi hewine ntendwa ubanika.
|
|
\c 3
|
|
\cl Sula 3
|
|
\p
|
|
\v 1 Walukolo weyangu siyo walozize mkungigwa kutenda wahinyi mkamanya kugamba achihokele ukanti mkulu uno.
|
|
\v 2 Kwa viya chose chabalanga mwe sila zilozize hegu yoyose uneva hakubalanga mwe mbuli yakwe uyo ni mntu achimale adaha kuchinta umwili wakwe wose.
|
|
\v 3 Haluse hegu chadaha sigi za falasi mwe milomo yawo za chiva naho chadaha kuihitula imili yawo yose.
|
|
\v 4 Kaula kugamba meli hata ni nkulu yasindikwa ni nkung'unto nkali zalongozwa ni wogailo mdodo utendese kwita akunga yudya akuyendesha.
|
|
\v 5 Ivyo nivyo lulimi ni chilungo chidodo mo mwili mna chetunga makulu mno kaula mbago nkulu ivyo ikudaha kokwa kwa sese dodo dya moto.
|
|
\p
|
|
\v 6 Lulimi nawo ni moto wavu wikigwa mgati mwe mili yetu naho wabalanga umwili wose waikigwa mlanga mwe moto mwe sila ya wikazi uwo wenye nawokwe moto wa kwebome hedine uhelo.
|
|
\v 7 Chila mnyama wa kumbago kadege vikutambala na vyumbe vya mwe bahali chikufugwa ni mntu.
|
|
\v 8 Mna hakuna mntu hata yumwe uyo akudaha kufuga lulimi ni wavu hewikuchimala umema sumu ikukoma.
|
|
\v 9 Kwa lulimi chamtunya Zumbe na tati yetu naho kwa uwo chawaligita wantu ambawo wakumbwa kwa mligano wa Chohile.
|
|
\v 10 Mo mlomo uwo uwo lwalonga mbuli za kujimbika na maligito, walukolo wangu mbuli zino hazikungwa kutendeka.
|
|
\v 11 Sima dimwe dyadaha kulavya mazi matana na yesungu.
|
|
\v 12 Walukolo weyangu mti wa mtini wadaha kweleka matunda ya mizeituni hegu mzabibu weleka matunda ya mtini? Soko ya mazi yemuyu haikudaha kulavya mazi yempeho.
|
|
\p
|
|
\v 13 Ni yuhi mgati mwenyu ana ubala na umanyi basi mntu uyo nalagise wikazi wedi mwe ndima yakwe kwa kunyanyahala ukulawana na ubala.
|
|
\v 14 Mna uneva mnavinyulu vimemile na ubafu mwe myuye yenyu msekwefenya naho msekulonga lulimi mkahigana na chindedi.
|
|
\v 15 Uno suwo ubala udya ukusela kulawa kulanga mna yano ni ye isi siyo ya muye ni ya kimpepo.
|
|
\v 16 Kwa ivyo hantu hana chinyulu na ubafu aho hana nkumbizi na chila ntendwa za wavu.
|
|
\v 17 Mna ubala ukulawa kulanga ni mtana naho waunga utondowazi, mbazi, kuhola, kutenda yedi, hewina kuhingiza, wantu wamwe na chindedi.
|
|
\v 18 Naho tunda dya chindedi dyahandwa mwe utondowazi kwa wadya wakutenda mbuli ya utondowazi.
|
|
\c 4
|
|
\cl Sula 4
|
|
\p
|
|
\v 1 Nkumbizi na ngavu ngavu mgati mwenyu vyalawa kuhi? hazikwimuka kulawa mo ukubesa kwenyu kwihiye zikuleta nkondo mndani mwa wenyu?
|
|
\v 2 Mwachibeseza chiya hemwine nacho, mwakoma naho kusogeila chiya hemwine nacho, mwatowana na kuyegeza naho bado hamkupata kwa viya hamkumlombeza Chohile.
|
|
\v 3 Mwalombeza naho hamkuhokela kwa viya mwalombeza kwa vintu vihiye chani kugamba mdahe kujeseza mwe tama zenyu zihiye.
|
|
\p
|
|
\v 4 Nyuwe wachilanga hamkumanya kugamba, kutenda umbuya wa mwe isi ni kutenda mnkondo ywa Chohile? Kwaviya uyo akulamula kutenda mbuya we isi etenda mwenye mnkondo ywa Chohile.
|
|
\v 5 Hegu mwafanyanya kugamba mawandiko hayana mana yakagamba vino, muye wi mndani mwetu una wivu vitendese kulanga suwe?
|
|
\v 6 Mna Chohile atenda na mbazi nivyo vikuleka mawandiko yagamba, Chohile amhiga mta kwefenya mna amfila mbazi mta kunyanyahala.
|
|
\p
|
|
\v 7 Ivyo mwelavye kwa Chohile, mhigeni mwavu yeye naye nawasumkeni kulawa kwa nyuwe.
|
|
\v 8 Sogelani kwa Chohile yeye naye nawasogeileni hajihi na nyuwe, suntani imikono yenyu nyuwe wata masa, naho mng'aze imyuye yenyu, nyuwe watakutoza kaisi na kanyaile.
|
|
\v 9 Hololani, lombezani na kwila, hitulani iziseko zenyu zitende ndilo, chinyemi chenyu chitende malombezo.
|
|
\v 10 Kwenyanyahaleni wenye kulongoz kwa Zumbe naye nawakwezeni kulanga.
|
|
\p
|
|
\v 11 Msekulongana chinyuma nyuma, nyuwenye kwa nyuwenye, walukolo mntu akumlonga chinyume mlukolo ywakwe, atamwila chinyume cha lagizo adikantila lagizo dya Chohile, mkakantila lagizo hamkuzumila lagizo mnamwaikantila.
|
|
\v 12 Ni yumwenga uyodu akulavya lagizo na nkanto Chohile nuyo mta udahi wa kuwambula na kukoma, weye wi yuhi ukumkantila mlukolo ywako?
|
|
\p
|
|
\v 13 Tegelezani nyuwe mkugamba dyelo hegu luvi nachitalamke mo mzi udya niyo chekala mihilimo uko, niyo chadamanya uchuluzi, nakujenyeza mapesa.
|
|
\v 14 Niani akumanya luvi kwalaila mbwani kwaviya mwikala saviya kungugu dikulaila kwa chipindi chijihi niyo dyaga.
|
|
\v 15 Mwaungwa mgambe hegu akaunga Zumbe nachikale niyo chadamanya chino hegu chiya.
|
|
\v 16 Mna vino haluse mwefenya mwe ivyo mkapanga wefenyi woseni uwo ni ubanasi na wavu.
|
|
\p
|
|
\v 17 Mwaivyo kwa yudya akusankanila yedi mna hakusankana kwakwe uyo ni masa.
|
|
\c 5
|
|
\cl Sula 5
|
|
\p
|
|
\v 1 Soni haluse nyuwe mwi wagoli ilani kwa nguto za kulanga mwe masulumizo yakwiza kwenyu.
|
|
\v 2 Ugoli wenyu ubalangwa suche zenyu zidigwa ni wadudu wabanasi.
|
|
\v 3 Zahabu zenyu na hela zenyu ziswesa utana na ubanasi wakwe na ukule mwe nyu na kubalanga imili yenyu saviya moto mwetutikiza wenyu mwe zuwa dya uhelo.
|
|
\v 4 Kaulani maliho ya wadamanya ndima wadya ambawo hemnati kuwaliha ya kuvuna mwe izinkonde zenyu waila na ndilo ya wadya wavunile izinkande zenyu kuyabwila mwamagutwi ya Zumbe wa udahi.
|
|
\v 5 Mwikala kwa mbwedo we isi mwahomola nyuwe wenye mneneha mwe myuye yenyu mwe mazuwa ya kuchinja.
|
|
\v 6 Mkata na kumkoma mta chindedi hekudaha kuahiga.
|
|
\p
|
|
\v 7 Mna jijimizani walukolo kubula aho nezile Zumbe saviya mlimi akugoja kuvuna nkande ikulawa mwe isi akugoja kwa ujijmizi wakwe kubula fula za nkongo na ziya za udumo zukanya.
|
|
\v 8 Naho nyuwe mtende wajijimizi mtoge imyuye yenyu kwa viya kwiza kwakwe Zumbe kwihajihi.
|
|
\v 9 Walukolo msekung'ung'uzikilana wenye kwa wenye chani mnase kukantilwa kaulani mkanti kachimala ho lwivi.
|
|
\v 10 Mna walukolo kaulani masulumizo na ujijimizi wa waoni walongile mwe zina dya Chohile.
|
|
\v 11 Kaulani chawetanga wadya wajijimize mpeho mwiva ujijimizi wa Ayubu naho mdimanya idyo dya Zumbe kwa chausa cha Ayubu ni kwa namnani Zumbe kamema mbazi na wedi.
|
|
\p
|
|
\v 12 Mwa yose walukolo weyangu msekwelisa kwembingu hegu kwe isi hegu kwelisa kwa namna ntuhu taile yenyu itende taile bule yenyu itende bule chani mnase kugwela hasi mwe ukanti.
|
|
\p
|
|
\v 13 Kuna yoyose mgat mwenyu anamasulumizo mna alombeze kwani mntu yoyose ni wakusangula acheme ntunyo.
|
|
\v 14 Kwani hakuna yoyose mgati mwenyu mwenye unyonje nawetange wadlahala wa vikilo walombeze wakamhaka mavuta mwe zina dya Zumbe.
|
|
\v 15 Nakulombeza kwa utondowazi kwa mhonya umnyonje na Zumbe amwinule hegu kadamanya masa Chohile na amlekeile.
|
|
\v 16 Ivyo mweile wenye masa yenyu wenye kwa wenye na lombezo dya chila yumwenga na mnyawe chani mdahe kuhonywa lombezo dya mwenye chindedi dyeleka ulailo mkulu.
|
|
\v 17 Eliya nandile mntu mta fanyanyi saviya za suwe kalombeza kwa kuhikiliza fula isekunya niyo hainyele mwe isi kwa mazuwa ya mihilimo mitatu miezi mtandatu.
|
|
\v 18 Niyo Eliya alombeza naho izimbingu zileta fula mlanga mwe isi na isi ilavya nkande.
|
|
\p
|
|
\v 19 Walukolo weyangu hegu yoyose mgati mwenyu anazaganya kulawa mwe chindedi niyo mntu mtuhu amvuza.
|
|
\v 20 Hembu namanye kugamba yoyose akulongoza ana masa kumlawa mwe sila yakwe yo kubalanga na mhonye kulawa mwe file naho nagubike yalozize masa.
|