ziw_reg/67-REV.usfm

\id REV
\ide UTF-8
\h Ugubulo
\toc1 Ugubulo
\toc2 Ugubulo
\toc3 rev
\mt Ugubulo
\c 1
\cl Sula 1
\p
\v 1 Uno ni ugubulo wa Yesu Kulisito ambawo Chohile kamwinka chani kuwalagisa wandima wakwe mbuli ambazo zaungwa zilaile hajihi nakadamanya yamanyike kwa kumtuma mndima ywakwe kwa wandima wa Yohana.
\v 2 Yohana kalavya ukuzi wa chila chintu icho awone chikuligana na ulosi wa Chohile na kwa ukuzi ulangwe kulanga Yesu Kulisito.
\v 3 Ajimbikwe uyo akusoma kwa izwi kwa wadya wose wakwiva milosi ya wawoni na kuizumila icho chidolonywe umo, kwaviya chipindi chisogela.
\p
\v 4 Yohana kwa mavikilo mfungate yeyuko Asiya, utana wikale kwenyu na utondowazi kulawa eyeho na akunga atende eyaho, na akunga eze, na kulawa kwa myuye mfungate ikale kulongozi kwe chiti chakwe cha ukulu
\v 5 na kulawa kwa Yesu Kulisito ambaye mukuzi mchindedi, mwelekwa ywa nkongo ywa wabanike, na chilongozi wa Maseuta we isi ino, kwauyo akuchunga naho kachilekeila kulawa mwe masa yetu kwa sakame yakwe,
\v 6 Kachidamanya kutenda Useuta wa walavyantambiko wa Chohile na tati yakwe, kwakwe kutende Ukuka na nguvu kale na kale Taile.
\p
\v 7 Sinyani nezza na maingu chila ziso nadiniwone, hamwenga na wose wamokile, na kabila zose ze isi nawahongeze kwakwe nivyo, Taile.
\v 8 Miye ni Alufa na Omega alonga Zumbe Chohile, yeye eyeho, na akunga atende eyaho, na ambaye eza mwenye kwa nguvu.
\p
\v 9 Miye Yohana mlukolo wenyu, na yumwenga akwambizana hamwenga na nyuwe mwe masulumizo na Useuta na ujijimizi uchintile wili mwa Yesu, nendile ni mwe chisiwa chikwitangwa Patimo kwachausa cha ulosi wa Chohile na ukuzi kulanga Yesu.
\v 10 Nendile ni mwe muye mwe dizuwa dya Zumbe, nasiva kunyuma kwangu izi dya kulanga ege dya talumbeta.
\v 11 Dikalonga dolonya kwe chitabu ayo ukuwona, na kuyatuma kwa mavikilo mfungate, kwita Efeso kwita Smilina, kwita Peligamo, kwita, Thiatila, kwita Salidi, kwitaPhiladeiphiia, na kwita Laodikiya.
\v 12 Niyo ahituka kukaula ni izwi dya yuhi nendile akalonga na miye, naho nize nihituke siona chinala cha zahabu cha taa mfungate.
\v 13 Hagati gati he chinala che izita na hana yumwenga ege Mwana ywa Mntu kavala nkazu ntali ibwile he iviga vyakwe na na mkanda wa zahabu uzunguluke ichifuwa chakwe.
\v 14 Umtwi wakwe na fili zakwe nazikala zing'aile ege sufi ing'aile ege seluji, na ameso yakwe yekala saviya miyanga ya moto.
\v 15 Izinyayo zakwe nendile ni saviya shaba ikale ikunulwa vidala, ege shaba ambayo iheza kujiswa mwe moto, na izwi dyakwe dikala saviya izwi dya mazi yalozize yakuyolozeka kwa chidogo.
\v 16 Nakekala katozeleza ntondo mfungate mo mkono wakwe wa kulume, na kulawa mo mkono wakwe nendile mna sime nkali yenye makali kwidi, uso wakwe nednile ukang'ala saviya mwanga mkali wa zuwa.
\v 17 Nize nimuwone niyo nagwa mwe viga vyakwe saviya mntu abanike, niyo aika umkono wakwe wa kulume mlanga mwangu akagamba, usekogoha ni miye wa nkongo na wa udumo,
\v 18 naho hwikala nendile sibanika mna kaula, nekala kale na kale naho ninanazo funguwo za file na za bome hedine uhelo.
\v 19 Ivyo yadolonye ayo uwone, yeyaho haluse na yadya yakunga yalaile bada ya yano.
\v 20 Kwaviya iyo ifisigwe kulanga ntondo mfungate izo uwone niyo mkono wangu wa kulume na chiya ichinala cha zahabu cha ta mfungate, ntondo mfungate, ni wandima wa yadya mavikilo mfungate, na chinala cha ta mfungate ni yadya mavikilo mfungate.
\c 2
\cl Sula 2
\p
\v 1 Kwa wandima wa vikilo dya Efeso dolonya uno ni ulosi wa yudya akutozeleza ziya izindondo mfungate o mkono wakwe wa kulume, yeye akujenda hagati he vinala vya zahabu vya ta mfungate alonga vino.
\v 2 Simanya chiya utendile na kuhikiliza mwe ndima, na ujijimizi wako kabisa nakugamba, hukudaha kwambizana na awo wekale wabanasi na kuwajeza wose wakwetanga wandima na kumbela sivyo na kuwonekana ktenda walulimi.
\v 3 Simanya una kugoja na ujijimizi na kujinkila yalozize kwachausa cha zina dyangu, naho husokele bado.
\v 4 Mna dino ni dya kujinka kwako, kuleka ungi wako wa nkongo.
\v 5 Ivyo, bunkula hadya ugwele, ukweile na kudamanya ntendwa udamanye kukongela nkongo, heneile neza kwako na kuchusa ichinala chako kulawa hantu hakwe.
\v 6 Mna weye una dino wehiwa yadya ambayo Wanikolai wayadamanya ambayo hata miye nehiwa.
\v 7 Uneva una magutwi tegeleza yadya ambayo Muye ayagambila mavikilo na kwa yeye akuhuda nanimwinke chibali cha kudya kulawa mo mti wo ujima wili mwe Paladiso ya Chohile.
\p
\v 8 Kwa wandima wa vikilo dya Samilina dolonya, uno ni ulosi wa yudya ambaye ni nkongo na udumo ambaye anabanika teenda mjima naho.
\v 9 Simanya amasulumizo yako na uchiwa wako mna weye ni mgoli na lulimi lwa wadya wakwetanga ni Wayahudi mna sivyo, awo ni wavikilo dya mwavu.
\v 10 Usekogoha masulumizo yakunga yakupate, kaula mwavu aunga kuwadula bazi yenyu jela chani apate kujezwa na msulumizwe kwa mazuwa mlongo tendani wazumizi kubula kubanika naho naniwenke jeleko dya ujima.
\v 11 Uneva una gutwi kwetegeleze, tegelaza ivyo Muye akuyagambila mavikilo, uyo akuhuda habalangwe ni file ya kaidi.
\p
\v 12 Kwa wandima wa vikilo dya Peligano dolonya ino, na ayo akulonga yeye ekale naye iyo isime inkali ya makali ya kwidi.
\v 13 Simanya hantu ukwikala ni hantu heli ichiti cha ukulu cha mwavu hata ivyo weye watoza vidala zina dyangu naho hudilemele utondowazi wako wikala kwangu, hata mazuwa yadya ya Antipasi mukuzi ywangu akomigwwe mwa awamwenga wenyu aho naho mwavu akwikala.
\v 14 Mna nina mbuli njeche kujinka izo, unanazo uko wantu watozize mahinyo ya Balamu uyo niyo awahinya Balaki kwika mihigano kulongozi kwa Mwana ywa Izulaeli chani wadye nkande zilavigwe jeleko kwa matukulu na kugonyana.
\v 15 Mwe hali iyo iyo, hata weye unanayo bazi yawe wakutoza mahinyo ya wanikolai.
\v 16 Ivyo kweile hunatendile ivyo, neza upesi, nanidamanye nkondo kujinkila wowo kwa sime ikukanta mwe milomo yangu.
\v 17 Hegu una gutwi tegeleza muye icho akuyagambila mavikilo uyo nahude namwinke bazi ye idya imana ifisigwe, naho nanimwinke yuwe ding'aile didolonye zina dya kulanga kwediyuwe, zina ambadyo hakuna amanyize mafani uyo enkigwe.
\p
\v 18 Kwa wandima wa vikilo dya Thiatila dolonya inoniyo imilosi ya Mwana ywa Chohile yeye ekale na meso yakwe miyale ya moto na nyayo saviya shaba ikunulwe vitendese.
\v 19 Simanya icho udamanye ungi wa utondowazi na ndima ya ujijimizi wako utoga na kugamba chiya udamanye vino hajihi ni kujinka ya chiya ya chiya udamanye nkongo.
\v 20 Mna nina dino zidi yako wamjijimiza mvyele Yezebelli kwa mahinyo yakwe, wazaganya wandima wangu kugonyana na kudya nkande ilavigwe jeleko kwa matukulu.
\v 21 Nasimwinka chipindi cha kweila mna haungile kuleka wavu wakwe.
\v 22 Kaula simdula ko lusazi wa manyonje na wadya wakutenda uchilanga niyo kwa masulumizo makali bila ivyo weile kweicho wadamanye.
\v 23 Naniwatowe wanawe wose na mavikilo yose wamanye kugamba miye nuyeo nikaule fanyanyi na tama, nanimwinke chila yumwenga ywenyu kuligana ne zintendwa zakwe.
\v 24 Mna kwa mbazi yenyu nyuwe msigale mwe Ttiatila, kwa wadya wose hemkutoza hinyo dino na hemkuhuma chiya ambacho baizi mwitangwa mafumbo ya mwavu, nalonga kwenyu sanike kutanga kwenyu mzigo wowose.
\v 25 Kwaviya mbuli yoyse, vyaungwa utende utogile kubula aho nanizile.
\v 26 Yoyose akuhuma na kudamaya chiya nidamanye kubula udumo, kwakwe yeye nani mwinke udahi kulanga kwe isi.
\v 27 Nawalongoze kwa nkome ya chuma saviya mabakuli ya ulongo, nawavune mabendu bendu.
\v 28 Enga ivyo nihokele kulawa kwa Tati yenyu nanimwinke naho ntondo ya mtondo.
\v 29 Ukatenda na magutwi, tegeleza chiya ambacho muye ayagambila mavikilo.
\c 3
\cl Sula 3
\p
\v 1 Kwawandima wa vikilo dya Salidi dolonya, milosi ya yudya akutozeleza idya imyuye mfungate ya Chohile na ntondo mfungate simanya icho adamanye una ntogozi ya kutenda mjima mna kubanika.
\v 2 Inuka na kuchintiza yasigale, mna yako yehajihi kubanika, kwaviya siwona izintendwa zako zichinta mwa meso ya Chohile ywangu.
\v 3 Ivyo bunkula yadya uhokele na kwiva, zumila na kweila mna hunenuke, nanize saviya mbavi, naho homanye ni sa ihi nanizile mwako.
\v 4 Mna kuna mazina majeche ya wantu mwe Salidi ambawo hawachafuwe izisuche zawo, wajenda hamwenga na miye, wevala suche zing'aile kwaviya wawagila.
\v 5 Uyo nahuse navikwe suche zing'aile naho ng'o sanidifute idizina dyakwe kulongozi kwa Tati yangu na kulongozi kwa wandima.
\v 6 Unatenda na gutwi, tegelaza Muye ivyo ukolonga na mavikilo
\p
\v 7 Kwa wandima wa vikilo dya Piladefiya dolonya, milosi ya ekale Mkuka wa chindedi anezifunguwo za Daudi, avugala na hakuna akuvugula avugala na hakuna akudaha kuvugula.
\v 8 Simanya icho utendile, sinya sikwikiya kulongozi kwako lwivi luvugulwe ambawo hakuna akudaha kuvugula, simanya una nguvu chidogo mna kuzumila ulosi wangu naho hudilemele idizina dyangu.
\v 9 Kaula wose wekala mwe vikilo dya wavu, wadya wakulonga wenye ni Wayahudi na kubesa sivyo, badala yakwe wadanta, naniwatende weze kuvikila kulongozi kwa matukulu yakwe, nawamanye kunga nasiwaunga.
\p
\v 10 Kwaviya wadima sigilizi yangu kwa ujijimizi uchintile, nahwamile naho mwe isa yako yakujezwa ambayo yeza mwe isiyose, kuwajeza wadya wose wakwikala mwe isi.
\v 11 Neza upesi toza kabisa chia unanacho chani asekutenda eyaho mntu wa kuguha idijeleko dyako.
\v 12 Nanimtende yeye akuhuda kutenda chegamo mwe vikilo kulu dya Chohile yawngu, na afose kuse kabisa, nanidolonye kwakwe zina dya Chohile ywangu, Yelusalemu mpya, ukusela hasi kulawa kwe mbingu kwa Chohile ywangu, na zina dyangu hya.
\v 13 Mta gutwi neve, neve chiya muye akulonga na mavikilo.
\p
\v 14 Kwa wandima wa vikilo dya Laodikiya dolonya milosi yakwe ikale taile, akutunywa na mukuzi mchindedi, akulongoza kulanga ko umbi wa Chohile.
\v 15 Simanya ambacho kudamanya, nakugamba weye hwimpeho hegu moto nabesa kugamba, watendile wi mpeho hegu moto.
\v 16 Kwaviya weye wi luvuguvugu, hwimoto hegu hwimpeho, nahutahike ufose mo mlomo wangu.
\v 17 Kwaviya nalonga miye ni mgoli, sitenda na ugoli ulozize, nasikunga chochose, mna humanyize kugamba weye ni nkuto vitendese, wafilwa mbazi, wachiwa, tuntu na umwazi.
\v 18 Kwetegeleze kuhembeleza kwangu gula kwangu zahabu isuntigwe kwa moto, chani upate kutenda mgoli, na suche zing'aile za kumelemeta chani uvale mwenye naho usekujela soni za umwazi wako, na mavuta ta kuhaka mwa meso yako upate kusinya.
\v 19 Chil humunga namgamila na kuwahinya ivyo ikuwanga kwikala, kwa ivyo, tenda mchindedi na kweila.
\v 20 Kaula nachimala mo lwivi na kutowa hodi yoyose akwiva izwi dyangu na kuvugula ulwivi, nanize na kwingila mwe inyumba yakwe, na kudya nkande naye na yeye hamwenga na miye.
\v 21 Nuyo akuhuda, nanimwinke chindedi cha kwikala hasi hamwenga na miye kulanga kwe chiti changu che enzi, saviya miye nihudile na kwikala hasi hamwenga na Tate ywangu kulanga kwe chiti chakwe che enzi.
\v 22 Mta magutwi netegeleze ambacho Muye alonga na mavikilo.
\c 4
\cl Sula 4
\p
\v 1 Na umo mwe zimbuli zino nasisinya niyo naona kugamba ulwivi nednile uvugalwa kwembingu udya ukulonga nkongo longa na miye saviya talumbeta ikagamba, so hano nahulagise nayalaile umo mwe izimbuli zino.
\v 2 Nkanana imwenga nendile ni mwe Muye nasiwona nakwendile na chiti cha ukulu chikwa kwembingu na mntu achikaile.
\v 3 Yumwenga nendile achikaile nakasinya saviya yuwe dya yabisi na akiki nakuna lutamwasi uchizunguluka ichiti cho Ukulu utamwasi usinywa saviya zamalidi.
\v 4 Kuchizunguluka ichiti cho Ukulu, nakuna viti vya Ukulu vituhu milongo midi na kane na awo wekale mwe viti vyo Ukulu nawatenda wadalahala milongo midi na kane wavalwa suche zing'aile na taji dya zahabu mwe mitwi yawo.
\v 5 Kulawa kwe chiti cho Ukulu, kulawa seseza lubaula na kunguluma ko ubaula vibatali mfungate nendila zikaka kulongo kwe ichiti cho Ukulu vibatali abavyo ni Myuye mfungate ya Chohile.
\v 6 Naho kuongozi ko Ukulu nakuna bahali imwazi saviya chiyoo wose chizunguluke chiti cho Ukuklu na kuna wata ujima wane, wamemile meso kulongozi na kunyuma.
\v 7 Chumbe cha nkongo chenye ujima, nakekala saviya kala, chumbe cha kaidi chenye ujima nakekala saviya ndama, chumbe cha katatu chenye ujima nednile china uso saviya wa mntu na yudya mtoa ujima wa kane kekala saviya tai akupaa.
\v 8 Vyumbe venye ujima vine chila chimwenga nachitenda na mawawa mtandatu yamema meso kulanga na hasi hakwe, chilo na msi hawana uhelo wa kulonga Ukukile, Ukuile, Ukukile ni Zumbe Chohile ukulongoza kulanga kwa wose atendekaga aho na uyo eyaho, na uyo neze.
\p
\v 9 Chila chipindi vyumbe vyenye ujima umo wakalavya Ukuka, utunya, na kutogola kulongozi kwa uyo endile ekale umo mwe icho ichiti cho Ukulu uyo emo ujima wa kale na kale ukwikala.
\v 10 Wadalahale milongo midi na kane, wafika madi wenye kulongozi kwakwe uyo achikaile ichiti cho Ukulu wefumaniza hasi kwakwe uyo akwikala kale na kale ukwikala na kudula hasi taji zawo kulongozi kwe ichiti cho Ukulu wakagamba,
\q1
\v 11 Wawagila weye Zumbe na Chohile ywetu, kuhokela Ukuka na ntunyo na udahi kwa viya na kuvyumba vintu vyose na kwa kunga kwako na viyuko naho navymbwa.
\c 5
\cl Sula 5
\p
\v 1 Naho niyo nawona mkono wa kulume wa yudya ekale mwe chiti cho Ukulu, gombo didolonywa kulongozi na kunyuma naho nendile dijelwa mihuli mfungate.
\v 2 Nasimuwona msigilwa ywa Chohile atendile na udahi wa ndima wa kulongesa, niyuhi akwagila kudivugula idigombo na kuvuna imihuli yakwe?
\v 3 Hakuna mntu kwembingu hegu kwe isi hasi he isi akudaha kudivugula idigombo hegu kudisoma.
\v 4 Sila kwa usungu kwavya haonekane yoyose akuwagila kudivugula idigombo hegu kudisoma.
\v 5 Mna yumwenga ywa wadalahala niyo anigamba, usekwila kaula simba ywa lukolo lwa Daudi kashinda naho adaha kudifungula idigombo na mihuli yakwe mfungate.
\v 6 Hagati he chiti cho Ukulu nawata ujima wane naniwamwenga wa wadalahale nasiwona mwa ngoto achimale akwoneka saviya abanike nana mahembe mfungate na meso mfungate ino ni myuye mfungate ya Chohile itumigwe mwe isi yose.
\v 7 Kaita kudiguha gombo kulawa kwa mkono wa kulume wa yudya ekale mwe chiti cho Ukulu.
\v 8 Eze adiguhe gombo wenye ujima wane na wadalahale milongo midi na wane, niyo wafunama kubula hasi kulongozi kwa mwana ngoto chila yumwenga na ana chinubi na bakuli dya zahabu dimemile ubani ambayo ni malombezo ya wazumile.
\v 9 Wasema wimbo mhya ukuwagila kudiguha gombo na kudivugula imihuli yakwe kwaviya nakachinjwa kwa sakame yakwe niyo amguila Chohile wantu wa chila kabila, kulonga wehamwenga na si.
\q1
\v 10 Niyo awatenda wakulu na walavyantambiko kwachausa cha kumdamanyiza Chohile ywetu nawo nawalongole kulanga kwe isi.
\p
\v 11 Naho simanya nakwiva kulonga kwa wasigilwa wa Chohile walozize kuchizunguluka chiti cho Ukulu, mligano wawo nautenda 200,000,000 wa wata ujima na wadalahale.
\v 12 Nivyo walonga kwa izwi kulu, kwagila mwana ngoto uyo achinjigwe kuhokela udahi, ugoli, ntunyo, udahi, ntunyo, Ukuka, ntogozi.
\p
\v 13 Niyo neva chila chumbigwe nachikwembingu na mwe isi na hasi he isi na kulanga kwe ibahali chila chintu mndani mwakwe chikulonga kwakwe uyo ekale kulanga kwe chiti cho Ukulu na kwa mwana ngoto kutende na ntogozi kutunywa, ukuk na udahi na kulongoza kale na kale.
\p
\v 14 Wenye ujima wane niyo walonga navikale ivyo, na wadalahale kufunama hasi na kuvika.
\c 6
\cl Sula 6
\p
\v 1 Niyo asinya chipindi mwana ngoto eze agubule chimwenga cha idya imihuli mfungate niyo neva yumwenga wa wadya wata ujima wane wakalonga kwa izwi iligane lubaula, So.
\v 2 Niyo nasinya nahendile na Falasi ing'aile uyo amkweile nednile anamabakuli, naho kenkigwa taji, nakalaila saviya mhudi ahidile chani ahihude.
\v 3 Umo mwana ngoto eze avugule umhuli wakaidi, niyo neva mta ujima wa kaida akagamba, So.
\v 4 Niyo kwalaila Falasi ntuhu inkundu saviya moto, akweile nakenkigwa lususa ya kusa utondowazi mwe isi, chani kugamba, wantu wachinjane, uyo aikweile nakenkigwa bamba kulu.
\v 5 Umo mwana ngoto eze avugule udya umhuli wa katatu niyo neva mta ujima wa katatu akagamba, Soo, niyo nawona Falasi ntitu na uyo apandile anamligano mo mkono wakwe.
\v 6 Nasiva izwi diwoneke saviya yumwenga wa wadya wata ujima dikagamba, kopo dya ngano kwa hela imwenga na makopo matatu ya shaili kwa hela imwenga mna usekuyabalanga mavuta na divai.
\v 7 Chipindi mwana ngoto eze avugule mhuli wa kane siva izwi dya mta ujima ywa kane akagamba, Soo.
\v 8 Mna niyo nawona Falasi ichijivu uyo aikweile naketangwa zina dyakwe mto kubanika wa bome hedina uhelo, niyo yatenda ikamtongela mwe lobo ye isi kukoma kwa mabamba, kwa sala, kwa unyonje, na kwawanyama wa kumbago umo mwe isi.
\p
\v 9 Umo mwana ngoto eze avugule mhuli wa shano niyo nawona hasi he divikilo loho za wadya wendile wakomigwe kwachausa cha ulosi wa Chohile na kulawana kuwagambila watoze vya chindedi.
\v 10 Waila kwa izwi kulu na umo ini chilongozi wa vyose akukile ywa chindedi nawakantile wakwikala kulanga kwe isi, kulihiza vibanike sakame yetu?
\v 11 Niyo chila yumwenga enkigwa nkazu ing'aile niyo awagambila kugamba wongigwa kugoja chidogo na umo navichintize kwa kuwaza kuchinta kwa wasigilwa na walukolo wawo, wachiche na wachilume umo navichinte awo wakukile oge viya ambavyo wowo na wakomwa.
\p
\v 12 Chipindi mwana ngoto eze avugule wa mtandatu nasisinya nahendile na msingisiko mkulu zuwa ditemda titu saviya guniya dya singa no mwezi mjima utenda saviya sakame.
\v 13 Ntondo za kwembingu niyo zagwa mwe isi, saviya mtini ukupukusuka matunda yakwe ya chipindi cha mpeho ukusingiwsa ni ng'ung'unto.
\v 14 Ulanga ufosa saviya gombo divingiliswe chila lugulu na nkuta zisamizwa hantu hakwe.
\v 15 Niyo waseuta we isi na wantu wamanyikise wachimala na weyawe wata ugoli wenye udahi na chila yumwenga msigilwa na alekeilwe niyo wefisa mwe zipanga mo uluwe lo lugulu.
\v 16 Niyo wayagamba amagulu no luwe chigweleni chifiseniumo mo uso wakwe uyo ekale mwe chiti cho ukulu nakulawa maya ya mwana ngoto.
\v 17 Kwaviya zuwa kulu dya kukantilwa kwawo dibula naho ni yuhi akudaha kuchimala?
\c 7
\cl Sula 7
\p
\v 1 Akaheza yano niyo nawona wandima wane wachimala mwe nona nne ze isi, wachinda mpeho nne ze isi, kwaudahi chani kugamba hasekutenda na mpeho ikuvumila mwe isi, mwe bahali hegu mwe mti wowose
\v 2 Niyo nawona mndima mtuhu akwiza kulawa mashaliki endile na vengelo dya Chohile mwenye ujima, kaika kwa izwi kulu kwa wandima wane ambawo wenkigwa kulwkwilwa kubalanga isi ne bahali.
\v 3 Msekubalanga isi ne bahali hegu miti kubula aho nachitende chiheza kwika vengelo mo uso we mitwi ya wandima wa Chohile ywetu.
\v 4 Niyo neva mwa wadya wajeligwe vengelo mlongo umwenga na mine nanne elufu awo wajeligwe vengelo kulawa chila kabila dya wantu wa Izulaeli.
\v 5 Mlongo umwenga na waidi elufu kulawa mwe kabila dya Yuda wajeligwe vengelo, kulawa mwe kabila dya Rubeni mlongo umwenga na waidi kulawa mwe kabila dya Gadi,
\v 6 mlongo umwenga na waidi kulawa mwe dikabila dya Asheli, mwe kabila dya Nafutali mlongo umwenga na waidi, kulawa mwe dikabila dya Manase.
\v 7 Mlongo umwenga na waidi kulawa mwe dikabila dya Simoni mlongo umwenga na waid kulawa mwe dikabila dya Lawi, mlongo umwenga na waidi, kulawa mwe dikabila dya Isakali,
\v 8 mlongo umwenga na waidi, kulawa mwe dikabila dya Zabuloni kulawa mwe dikabila ddya Yusufy na mlongo umwenga na waidi kulawa mwe dikabila dya Benjamini wajeligwe vengelo.
\p
\v 9 Eze yaheze yano sisinya nandile na fyo kulu ambadyo hahana mntu adahile kuwaza kulawa chila si kabila, wambuya na luga wachimala hjihi ne chiti chijinkile na Mwana ngoto nandile kavala nkazu zing'aile naho wana mahuto mitende mwe mikono yawo.
\v 10 Naho nendile waketanga kwa izwi dya kulanga wambulwa ni kwa Chohile uyo ekale mwe chiti cha kale na kale na Mwana ngoto.
\v 11 Wandima wose nandile wachimale kuzunguluka ichiti cha kale na kale na kuwazunguluka wadya wadalahala hamwenga na wenye ujima wane, niyo wafunama mwe isi na mo msanga niyo waika izinyuso zawo mlanga mo msanga hajihi ne chiti cha kale na kale naho wamvikila Chohile.
\v 12 Wagamba taile, ntogozi ukuka umanyi, hongezi, ntunyo, udahi na nguvu vitende kwa Chohile ywetu kale na kaleTaile.
\p
\v 13 Niyo yumwenga wa wadya wadalahala anuza wano ni wakina wahi wavikile nkazu zing'aile naho walawa kuhi?
\v 14 Niyo namgamba, Zumbe mkulu, kumanya wehi niyo anigamba, wano ni wadya walaile mwe nkunto nkulu, wazifua izinkazu zawo na kuzitenda zing'aile kwa sakame ya Mwana ngoto.
\v 15 Ivyo wehajihi ne chiti cha kale na kale cha Chohile naho wamvikila yeye chilo na msi mwedivikilo dyakwe yeye ekale mananga mwe chiti cha kale na kale na azagaze vulu dyakwe mlanga mwawo.
\v 16 Hawaone sala hegu nchilu naho zuwa hadiwoneke hegu mpungile ya kuwoka.
\v 17 Kwaviya Mwana ngoto emgati mwawo mwe chiti cha kale na kale natende mdimi ywawo naho nawalongoze mwe mfajo wa mazi ya ujima na Chohile naawahanguse chila sozi mwa meso yawo.
\c 8
\cl Sula 8
\p
\v 1 Umo Mwana ngoto eze afungule vengelo mfungate kutenda na kunyamala kwembingu nusu sa.
\v 2 Niyo nawaona wandima mfungate, wakuchimala kulongozi kwa Chohile niyo wenkigwa magunda mfungate.
\v 3 Mndima mtuhu keza katoza bakuli dya zahabu dyenye uvumba kachimala mwe nchanja kenkwa uvumba ulozize chani kugamba, aulavye hamwenga na malombezo ya wazumile wose mwe nchanja ya zahabu kulongoz mwe chiti cha ukulu.
\v 4 Mosi wa udya uvumba hamwenga na malombezo ya wazumile ukwela kulanga kulongozi kwa Chohile kulawa mwe mikono ya wandima.
\v 5 Wandima waguha bakuli ya uvumba niyo waimemeza moto kulawa mwe nchanja, niyo aidula hasi mlanga mwe isi niyo kwalaila izwi dya mbaula na chisingisa cha mwe isi.
\p
\v 6 Wadya wandima mfungate ambawo nawendile na magunda mfungate nandile wemalanya kale kuyatowa.
\v 7 Mndima ywa nkongo katowa gunda dyakwe, niyo kwalaila fula ya mayuwe na moto uhangane na sakame vidulwa hasi mwe isi chaani kugamba ntendele yakwe ihye na ntendele ye miti ihye na mani yose ye isi yahya.
\v 8 Mndima ywa kaidi katowa gunda dyakwe naho, chintu saviya lugulu nandile ukahya na moto udulwa mwe bahli utenda sakame,
\v 9 ntendele ye vumbe vikwikala mwe bahli vifa na ntendele ye meli niyo wabalangwa.
\v 10 Mndima ywa katatu katowa gunda niyo ntondo nkulu igwa kulawa kwembingu yaka saviya lumuli mlanga mwe ntendele ya makolongo mifajo ya mazi.
\v 11 Zina dye ntondo dyetangwa Pakanga, ntendele ya mazi utenda Pakanga na wantu walozize wabanika kulawana na mazi nandile yesungu.
\v 12 Mndima ywa kane katowa gunda dyakwe, ntendele ye dizuwa utoigwa hamwenga na netnedle yo mwezi na ntendele ye zintondo. Ivyo nendele zose zihitukila zitenda chiza nendele yo msi na ntendele ya nechilo havitendile na ulangazi.
\p
\v 13 Nasisinya niyo neva dege nandile dikapilika mo ulangazi dyetanga kwa izwi kulu na mluwone kwa wadya wakwikala mwe isi mwilo wa magunda yasigale ambayo ibula hajihi kutoigwa na wandima watatu
\c 9
\cl Sula 9
\p
\v 1 Niyo mndima wa wa kwembingu ywa shano niyo atowa gunda dyakwe, nasiwona ntondo kulawa kwa mbingu itendile igwa mwe isi ntondo inkigwa funguwo ya bome ikwita mwe bome hedina uhelo.
\v 2 Niyo avugula bome hedina uhelo na mosi ukweile kulanga utandilikwe kulawa kundani kwe bome saviya mosi kulawa mwe tanuli kulu zuwa na ulanga vihituka vitenda chiza kwa udya umosi ulaile mwe dibome.
\v 3 Mndima mo mosi sije zilaila kwiza kulanga kwe isi nawo niyo wenkigwa udahi saviya idya inge ikulanga kwe isi.
\v 4 Wagambigwa wasekuyadamanya vihiye mani mwe isi hegu mmeya wowose wa chijani hegu mti mna du wantu awo hewena mhuli wa Chohile mwe vinengo vyo uso wawo.
\v 5 Hawenkigwe kudamanya ya kuwakoma awo mna kuwasulumiza du milongo gana na mishano usungu wawo utende saviya udya wa kulumwa ninge akumluma mntu.
\v 6 Umo mwa mazuwa ayowantu wanawalonde kubanika mna hawakwinkigwe nawaunge kubanika mna kubani kwawasumka.
\v 7 Sije zikala saviya Falasi waikigwe vyedi kwa nkondo mwe mitwi yawo na kutenda na chintu saviya taji ya zahabu naho nyuso zawo nazikala saviya za wantu.
\v 8 Nendile wana fili saviya za wavyele meno yawo yekala saviya ya Simba.
\v 9 Nawtenda na vifuwa saviya vifuwa vya chuma na izwi dya mawawa yawo naditenda saviya izwi dya mutuka ilozize ya nkondo na Falasi wakuguluka kwita kwe nkondo.
\v 10 Nawatenda na michila ikuluma saviyannge umo mwe michila yawo nendile na udahi wa kulumiza wantu kwa kwamiezi mishano.
\v 11 Nawaatenda naye oge mkulu kulanga kwawo wndima wa Chohile wemwe bome hedina uhelo, zina dyakwe dya chiebulaniya ni Abadoni na dya Chiyunani ana zina Abolioni.
\p
\v 12 Namluwone ya nkogo ijinka, kaula ikajika ino kuna nkomano mbili zeza.
\p
\v 13 Mndima ya kwembingu ywa mtandatu katowa gunda dyakwe niyo neva izwi kulaila hankanda he nchanja ye zahabu iyo ili kulongozi kwa Chohile.
\v 14 Izwi dimgambila mndima ya kwembingu ywa mtandatu nendile na gunda, walekeile wandima wa kwembingu wane awo wafungigwe mo mto mkulu Eflati.
\v 15 Wandima wa kwembingu wadya wane ambawo nawamalanywa mwe isa iyo, me zuwa idyo, mo mwezi uwo, na mhilimo uwo, walekeilwa wawakome selusi ys wantu.
\v 16 Uwazwa wa wagomba nkondo nawekulanga kwe zifalasi nendile, 200,000,000 niyo neva uwazwa wawo.
\v 17 Vino nivyo niwone falasi mwa maono yangu wadya wakweile kulanga kwawo vifuwa vyawo navitenda vinkundu saviya moto, buluu iviye na njano heiviye, mitwi ye zifalasi nailigana ne mitwi ya simba, na mwe milomo yawo mlawa moto, mosi na salifa.
\v 18 Selusi ya wantu wakomigwe na zino nomano ntatu, moto, mosi, salifa ilaile mwe milomo yawo.
\v 19 Kwaviya udahi we falasi utenda umo umo mwe milomo yawo na mwe michila yawo kwaviya michila yawo nayendile saviya nyoka naho nendile wana mitwi ambayo nawaijeseza kwenje wantu.
\v 20 Wantu wasigale ni wadya ambawo nendile wakomigwe na maliho yano haweile izimbuli zawo nendile wadamanye naho hawalekile kuvikila mpepo na macholhile ya zahabu hela, shaba, mayuwe, na miti vintu viya hevikudaha kuwona, kwiva hegu kujanda.
\v 21 Naho hawalekile ukukoma kwawo usai wawo, ichilanga chawo hegu sila zawo za ubavi.
\c 10
\cl Sula 10
\p
\v 1 Niyo nawona mndima ywa kwembingu mtuhu mkulu akasela hasi kulawa kwe mbimgu nendile nkasigitwa mwe mwingu nadina utamwasi wa fula kulawa ko mtwi wakwe chinengo chakwe nachitenda saviya zuwa ne iviga vyakwena vikala saviya nguzo za moto.
\v 2 Nakaditozesa gombo dodo mo mkono wakwe ditendile digubulwa naye nakaika ichiga chakwe cha kulume kulanga kwe bahali ne ichiga chakwe chakumoso kulanga kwe isi inyaile.
\v 3 Niyo akweza izwi kulanga saviya simba ikunguluma chipindi eze alavize izwi, mbaula mfungate zinguluma.
\v 4 Chipindi mbaula mfungate zize zingulume, nendile hasogeila kudolonya mna niyo neva izwi kulawa kwembingu dikugamba, dima chitende chinyele chiya ambacho mbaula mfungate zilonga usekudolonya.
\v 5 Niyo mndima wa kwembingu nimuone kulanga kwe bahali na si nkavu, nakenula mikono yakwe kulanga kwe mbingu,
\v 6 nakwelisa kwa yudyaakwikala kale na kale aumbile mbingu na vyose viyumo, si na vyose viyumo, na bahali na vyose viyumo, hakutendeke na kuzigila naho.
\v 7 Mna mwe dizuwa idyo chipindi wasigilwa wa Chohile wadya mfungate umo wakaisogeila kutowa gunda dyakwe niyo chinyele cha Chohile oge viya alongile kwa wasigilwa wakwe wawoni.
\p
\v 8 Izwi nivile kulawa kwe mbingu dinigamba, naho, hita guha gombo dodo digubulwe ambadyo diyumo mo mkono wa msigilwa wa Chohile uyo achimale kulanga kwe ibahali na kulanga kwe isi inyaile.
\v 9 Niyo naita kwa msigilwa ywa Chohile na kumgamba aninke gombo na udye, naditende inda yako itende na usungu, mna mo molomo wako naditende dimwile saviya uchi.
\v 10 Sidiguha gombo dodo kulawa mo mkono wa msigilwa wa Chohile na kudidya ditenda dimwile saviya uchi, mo mlomo wangu mna nize nidye inda yangu niyo yatenda na usungu.
\v 11 Niyo maizwi masiku yanigamba, wongigwa ukule naho kulanga wantu walozize, si, luga, na Maseuta.
\c 11
\cl Sula 11
\p
\v 1 Nasigwa mwazi kwa kudamanya nkome ya kupimila nasigambigwa halawe ukapime vikilo dya Chohile hekuvikila na wadya wakulombeza mndani mwakwe.
\v 2 Mna usekuhima hantu ha uwa wa kuse hedivikilo kwaviya wenkigwa wantu we isi nawaujate umzi ukukile kwa chipindi cha miezi milongo mine na mbili.
\v 3 Naniwenke waukuzi wangu udahi wa kuwona kwa chipindi cha mazuwa 1260, wakaenda wavala majuniya.
\v 4 Wano waukuzi ni miti midi ya mizeituni na vinala vidi ambavyo vichimala kulongozi kwa Zumbe we isi.
\v 5 Hegu mntu yoyose anaungannkuwalumiza moto walawa kwe milomo yawo na kuwalumiza wankondo wawo, yoyose akunga kuwalumiza aungigwa akomwe kwe isila ino.
\v 6 Wano waukuzi wana udahi kuvugala chani mkugamba fula isekunya umo wakaotea, wana nguvu ya kuhituila mazi kutenda sakame na kuitowa isi kwa chila aina ya nkomano chipindi chose wakaunga.
\v 7 Umo nawekale wabindiliza ukulonga kwawo yudya mnyama akulawa mwe bome hedina uhelo nadamanye nkondo kwa wao, nawahume na kuwakoma.
\v 8 Mili yawo naigone mwe ikaya yo mzi umkulu uwo ufanane ukwitangwa Sodoma na Misili, uwo Zumbe ywawo kasulumizwa.
\v 9 Kwamazuwa matatu na hadodo watuhu walawa mwe nkolo za wantu wankolo na kulonga kwa chila si nawasinye mili yawo naho hawalavye chibali kwikwa mwe mbila.
\v 10 Wadya wakwikala mwe isi nawelelwe kwachausa chawo na kwesekeza na umo wakenkana ntunyo, kwaviya wowo waoni waidi wawasulumiza wadya wakwikala mwe isi.
\v 11 Mna aho ha mazuwa matatu na chidodo kuhema ko ujima kulawa kwa chohile nawengile nawo nawachimale kwa viga vyawo nkama itendese naiwagwele wadya wakuwasinya.
\v 12 Niyo neva izwi kulu kulawa kwe mbingu dikuwagamba, soni kuno nawo nawaite kulanga kwembingu mwe diwingu umo wankondo wawo wakasinya.
\v 13 Umommwe dizuwa idyo nakutende na msingisiko naho wasigale wajima nawajelwe woga na kumwinka ukuka Chohile ywa kwembingu.
\p
\v 14 Kantilo dya kaidi dijnka kula kantilo dya katatu dyeza chinguvunguvu.
\p
\v 15 Naho mndima ywa kwembingu ywa mfungate niyo atowa gunda dyakwe izwi kulu dilonga kwembingu na kugamba, Useuta we isi wa Zumbe ywetu na wa Kulisito wakwe naalongoze kale na kale.
\v 16 Naho wantu wadalahale milongo na midi na kane watendile wekala mwa mafumbi ya ukulu kulongozi kwa Chohile wagwa wenye hasi hesanga vinengo vyawo vifunama hasi nawo hawamsankanile Chohile.
\v 17 Chalavya ntogozi zetu kwa yeye Zumbe Chohile chilongozi ywa kulanga kwa vyose uyo eyaho naho uyo neyaho kwaviya kaguha udahi wakwe mkulu wakukonga kulongoza.
\q1
\v 18 We isi nawehiwa, mna usungu wako wiza chipindi chibula cha wabanike kukantilwa na wenye kuwenka ntunyo wandima wako waoni wakuhokele na wadya we mo kogoha mwe dizina dyakwe wose waidi hewekuwagila chintu na wenye udahi ne chipindi chako chibula cha kuwabalanga wadya nawakekala mo kubalanga isi.
\p
\v 19 Naho vikilo dya Chohile kwembingu nadigubulwa sanduku dya lagano dyakwe nadiwonwa mndani mwe divikilo dyakwe na kutenda na sese kulangaza, lwasu mbaula na mwe singisiko dyo msanga na mayuwe ya fula.
\c 12
\cl Sula 12
\p
\v 1 Chilagiso chikuile niyo chawoneka koulanga, mvyele agubikwe ni zuwa, kuno ana mnenge heviga vyakwe, na vilemba vya ntondo mlongo na mbili nendile zihalanga ho mtwi wakwe.
\v 2 Nani msoka naho nakaila kwachausa cha usungu wa kwefungula.
\v 3 Chilagiso chituhu niyo chiwoneka ko ulanga kaula, kwendaga na zoka dinkundu dyandaga na mitwi mfungate na mahemba mlongo nakuna vilemba mfungate kwe mitwi yakwe.
\v 4 Umchila wakwe no ukabuluza fungu dimwenga mwe mafungu matatu yaligane ya ntondo za kwembingu na kuzidula hasi mwe isi, zoka niyo dyachimala kulongozi kwa yudya mvyele andaga ehajihi na kwefungula chani kugamba chipindi akefungula apate kummela yudya mawnawe.
\v 5 Niyo efungula, mwana chilume, uyo akunga ailongoze izisi zoseni kwa nkome ya chuma, mwanawe niyo apempulwa kulanga kwa Chohile kwechigoda chakwe cho ukulu.
\v 6 Uyo mvyele niyo asumkila kwe nyika, hantu Chohile amwinkile, chani adahe kulelwa kwa mazuwa 1,260.
\p
\v 7 Niyo kwatenda na nkondo kwembingu Mikaeli na wandima wakwe wa kwembingu niyo watowana na diya idizoka na wandima wakwe naye.
\v 8 Mna idizoka hadyendaga na udahi wa kuchinta kuhuda, ivyo hahatendile na wikalo wawo kwembingu kwachausa chakwe na awandima weyawe.
\v 9 Zoka kulu, yudya nyoka we chikale akwitangwa mwavu hegu shetani uyo akudanta isi yose niyo adulwa hasi heisi, wandima wakwe nawo niyo wadulwa hasi heisi hamwenga na yeye.
\v 10 Niyo neva izwi kulu kulawa kwembingu, dyagamba, haluse wambulwa wiza, udahi na useuta wa Chohile ywetu, na udahi wa Kulisito wakwe, kwaviya akuwalongeleza walukolo wetu kadulwa hasi uyo akuwalongeleza kwa Chohile ywetu chilo na msi.
\q1
\v 11 Wamhuda kwa sakame ya Mwana ngoto, kwaulosi wa ukuzi wawo, kwaviya hawaungise ujima wawo hata wakabanika.
\q1
\v 12 Ivyo, mweleleswe nyuwe mbingu, na nyuwe mkwikala mndani mwakwe, mna namluone nyuwe isi ne bahali kwaviya mwavu kadulwa kwenyu, kamema maya kwaviya kamanya kugamba chipindi chakwe ni chijihi
\p
\v 13 Chipindi zoka eze amanye kugamba kadula hasi mwe isi, niyo ambasa yudya mvyele eleke yudya umwana ywa chilume.
\v 14 Mna yudya mvyele niyo enkwa mawawa maidi ya ngwilizi nkulu, chani kugamba adahe kupuluka kubula aho hantu haikigwe kwachausa chakwe uko kwedijangwa, hantu aho akungwa alelwe kwa chipindi, chipindi na nusu chipindi hantu hekudaha kubula uyo zoka.
\v 15 Zoka niyo dyetila mazi, kulawa ko mlomo wakwe saviya kolongo, chani atende galika chani ibalangise.
\v 16 Mna umsanga niyo wamwambiza uyo mvyele, ugubula umlomo wakwe niyo wamela idikolongo atwele, atwele zoka, kulawa ko mlomo wakwe.
\v 17 Niyo zoka dyamwihiwa yudya mvyele niyo dyahalawa niyo agwisa nkondo na welekwa wakwe woseni wadya wa lagizo dya Chohile na kutenda hamwenga mo ukuzi kumlanga Yesu.
\v 18 Niyo zoka dyachimala mlanga mo msanga, mnkanda mwe bahali.
\c 13
\cl Sula 13
\p
\v 1 Niyo naona mnyama kulaila kwe bahali, nendile na mahembe mlongo na mahembe mfungate, mwa mahwmbe yakwe nandile kuna taji mlongo, na mwa mo mtwi wakwe nendile na meno ya kumbela Chohile.
\v 2 Dino ni dikala niwone dyendaga suwi, viga vyakwe vyendaga dubu na mlomo wakwe wendaga simba diya idizoka niyo dyamwinka udahi, na mwe chiti chakwe cha uzumbe na udahi wakwe mkulu wa kuchimaila.
\v 3 Umtwi we idikala dimwenga uwoneka una ngeu ikwile, ambayo dihosa file yakwe, mna usulumizwa kuwona mna isi yose niyo yamwehelwa niyo waditongela idikala.
\v 4 Niyo wamvikila yudya zoka kwaviya kamwinka udahi uydya kala, niyo wadivikila idikala nadyo niyo wajendeleza kugamba, ni yuhi akwinga kala? Naho ni yuhi akudaha kutowana nadyo?
\v 5 Kala niyo dyenkigwa mlomo chani dilonge mbuli za kwetunya na mahuluto, kenkwa udahi kwa miezi milongo mine na midi.
\v 6 Ivyo yudya kala afungulwa umlomo wakwe, kulonga akahuluta kumlanga Chohile, niyo ahuluta idizina dyakwe, ikiwasa endaga akekala na wadya wakwikala ko ulanga.
\v 7 Kala niyo dyenkwa luhenyo kutenda nkondo na wamzumile niyo dtawahuda, niyo enkwa udahi kulanga chila kabila, wantu, semi na isi.
\v 8 Wose wakwikala mwe isi nawamvikile yeye, chila yumwenga hedolonywe idizina dyakwe kukongela ukumbwa kwe isi mwe chitabu cha ujima, icho cha Mwana ngoto, uyo achigiswe.
\v 9 Uneva yoyose ana gutwi, dyakwiva neve.
\v 10 Uneva yumwenga katahwa, kokutahwa nako niyo aita, uneva yumwenga na komwe na bamba naye nakome na bamba, uno ni mwitango wa utondowazi na ujijimizi na uzumuzi kwa awo wakukile.
\p
\v 11 Naho niyo nawona kala dyeeza dyalawa mwe isi, ndyendaga na mahembe maidi saviya ngoto, niyo dyalonga saviya zoka.
\v 12 Kalagisa udahi wose mwe dikala dye nkongo mo udahi wakwe niyo watenda mwe isi na wadya wekale wakamvikila, diya kala dya nkongo dya ambadyo inkwenje yako ihona.
\v 13 Niyo atenda mpituko zina udahi, hata niyo atenda moto usele mwe isi kulawa kwe mbingu ulongozi mwa wantu.
\v 14 Naho kwa mpituko nadilekeilwa kudamanya, niyo dyawadanta awo wakwikala mwe isi dyawagambila kudamanya tukulu kwantunyo ye dikala ambadyo nadizubulwa na bamba mna bado dyahema.
\v 15 Nadilekeilwa kulavya muye mwe ditukulu, dya yudya kala, chani tukulu didahe kulonga na kuhosa wadya wose walemele kudivikila diya idikala wakomwe.
\v 16 Naho niyo dyawatintisa chila yumwenga, hene yombe na mta udahi, mgoli na mchiwa alekeilwe naa mtumwa kuhokela vengelo mo mkono wa kulume hegu mwe chinengo.
\v 17 Vyendaga havikudahika kutaga kwa chila mntu kugula, matavegelo dye dikala, ino nayo ni namba ikulagisa zina dye dikala.
\v 18 Ino yonga umanyi, uneva yoyose ana umanyi mleke adahe kudamanya hesabu ya namba yedikala, kwaviya ni namba ya chimntu, namba yakwe ni 666.
\c 14
\cl Sula 14
\p
\v 1 Nahisinya niyo nawona Mwana ngoto kachimala kulongozi kwangu, mlanga mo lugulu lwa Sayuni, hamwenga na yeye hendaga 144,000 wata zina dyakwe na dya Tati yakwe didolonywa mwe vinengo vye zinyuso zawo.
\v 2 Niyo neva izwi dikulawa kwembingu dikevika saviya ntuntumo ya mazi yalozize, na izwi kulu dya ubaula, izwi nivile saviya wakutowa visinda mgunda vyawo.
\v 3 Wakachema wila mhya kulongozi kwe chigoda cha Useuta, na ulongozi mwa wenye ujima wane na wadalahala, hakuna hata mta udahi wakwehinya uo uwila mafani wadya 144,000 awo wambulwe mwe isi.
\v 4 Wano ni wadya hewechafuwe wowo wenye kwa wavyele, kwaviya wehinya wenye kulanga mbuli za kugonya, ni wano wamtongele Mwana ngoto hohose aitile, wano wambulwa kulawa mwa wantu wakatenda matunda ya nkongo ya Chohile na Mwana ngoto.
\v 5 Hakuna lulimi lupatikane mwe milomo yawe hawakulahwa.
\p
\v 6 Niyo nawona mndima mtuhu ywa kwembingu akapuluka mgti mwe imbingu mta sigilizi za ko ulanga za mbuli yedi, kwa kuwagambila wantu wa mwe isi kwa chila si na chila kabila na chila longa na chila wantu.
\v 7 Niyo awetanga kwa izwi kulu, mohoheni Chohile na kumvikila kwaviya chipindi cha kukantilwa chibula, mvikileni yeye, yeye aumbile isi ne ibahali na mifajo ya mazi.
\v 8 Mndima mtuhu wa kwembingu niyo atongela akagamba, kugwa, kugwa Babeli mkulu, weye uwanywesize izisi zose mpmbe ya kugonya, mpombe ikuleta maya yakulanga uwo.
\v 9 Mndima mtuhu wa katatu niyo awatongela niyo alonga kwa iawi kulu, yoyose akunga amvikile uyo kala ne ditukulu dyakwe, na kuhokela chiwalo mwe chinengo cho uso wakwe hegu mo mkono,
\v 10 yeye naye nanywe ipmbe ya amaya ya Chohile, mpombe idamanywe na kwitilwa bila kuganganywa mwe ichikombe cha amaya yakwe, mntu akunga anywe na asulumizwe na moto, na moyo wa chibiliti, ulongozi wa wandima wakukile na kulongozi kwa Mana ngoto.
\v 11 Naho umosi wo lulimi wawo nawite kale na kale naho hakuna kuhumula chilo na msi, awo wakuvikila idikala na iditukulu dyakwe na chila mntu ahokele ichiwala cha zina dyakwe.
\v 12 Uno ni mwitango wa kungojeza na ujijimizi wa wadya wazumile, wadya wakutongela lagizo dya Chohile na uzumizi mwa Yesu
\v 13 Niyo neva izwi dikulawa ko ulanga dyagamba, dolonya yano afazali wakubanika wakatenda na Zumbe, heye alonga Muye, chani wapate kuhema kulawa mwe zindima zawe, kwaviya mbuli zawo zawatongela.
\p
\v 14 Sisinya niyo nawona nandile kuna ingu ding'aile, uyo ekale mwe dingu ni yumwenga ekale, ana Mwana mntu, andaga na chilemba cha zahabu mo mtwi wakwe na bamba dikukola mo mkono wakwe.
\v 15 Mndima mtuhu wa kwembingu niyo eza, alawa kwe nyumba ye divikilo niyo etanga kwa izwi kulu aita kwa yudya ekale mwe dingu guha bamba dyako ukonge kuvuna, kwaviya chipindi cho kuvuna chibula kwaviya ulozo wi mwe isi ubula.
\v 16 Naho yudya endaga mwe dingu niyo ajisa bamba dyakwe mlnga mwe isi niyo isi yavunwa.
\v 17 Na mndima wa kwembingu mtuhu niyo eza, alawa kwe nyumba ye divikilo dya kwembingu, naye nandile ana bamba dikukola.
\v 18 Bado niyo kweza mndima mtuhu alawa na kwe nchanja yo kuvikila ya Chohile, niyo mndima wa kwembigu endaga na udahi wa mbuli za moto niyo amwitanga mndima yudya endaga ne dibamba kali, guha bamba dikukola uyavune hamwenga matambi ya mzabibu kulawa mo mzabibu wa hasi kwaviya haluse zabibu ziva.
\v 19 Mndima wa kwembingu niyo egala bamba dyakwe mwe isi, niyo achisanya ulozo wa zabibu za mwe isi niyo adula mwe pipa kulu dya mpombe ya maya ya Cohile.
\v 20 Fumbuilo dya impombe niyo dyahondwa hondwa kuse ko mzi niyo sakame yetika kulawa mwe icho chimo cha falasi na utalizwa wakwe maili magana matatu.
\c 15
\cl Sula 15
\p
\v 1 Niyo naona chilagiso chituhu kwe mbingu, nkulu na ikwehela, nakuna wandima mfungate wata nkomano mfungate, ayo yendile nkomano za udumo mwa ayo maya ya Chohile nendile yachinta.
\p
\v 2 Nasiwona chiya chilaile kutenda bahali ya bilauli ihanganywe na moto niyo yachimala mnkanda mwe ibahali viya wadya wendile washindile kujinka yudya umnyama ne iditukulu dyakwe na mlanga mwe namba ilagisa zina dyakwe nendile watozesa visinda mgunda wenkigwe ni achohile.
\v 3 Nendile wakachema wila wa Musa, msigilwa ywa Chohile na wila wa Mwana ngoto ndima zako ni nkulu na zenye kumweheza Zumbe Chohile, akulongoza vyose, mchindedi na sila zako ni za chindedi Seuta ywe isi.
\q1
\v 4 Ni yani akunga ashindwe kukogoha weye Zumbe na kuditunya zina dyako? Kwaviya weye ichedu wi mkuka na izisi zose nazize na kukuvikila kulongozi kwako kwaviya wi wedi ne izintendwa zako zimanyika.
\p
\v 5 Bada ye izimbuli izo niyo nakaula na hantu hakukile vidala hadya hendile na vulu dya ukuzi divugukile kwembingu.
\v 6 Kaula hantu hakukile vidala niyo nawona wandima mfungate wta nkomano mfungate wavala suche zilenguke chilemba ching'aile na msipi wa zahabu kuzunguluka ivifuwa vyawo.
\v 7 Yumwenga ywa wadya wemeso wane niyo alavya kwa wadya wandima mfungate mabakuli mfungate ya zahabu yamenile usungu wa Chohile mta kwikala kale na kale.
\v 8 Hantu hakukile vidala hamema mosi kulawa ko ukuka wa Chohile na kulawa ko udahi wakwe, na hahana hata yumwenga adahile kwingila kubula nkomano mfungate za wandima mfungate yeze yachinte.
\c 16
\cl Sula 16
\p
\v 1 Niyo neva izwi kulu diketanga kulawa mwe hantu hakukise niyo dyalonga kwa wadya wandima mfungate hita uketile mlanga mwe isi mabakuli mfungate ya zahabu ya Chohile.
\v 2 Mndima wa kwembingu ywa nkongo nakaita na kwitila, na kwitila bakuli dyakwe mwe isi, malumizo yehiye yakuluma vidala nayeza kwa wamtu wata chiwala cho mnyama kwa wadya ambawo wavikila amatukulu yakwe.
\v 3 Mndima ywa kaidi ketila bakuli dyakwe mwe bahali, niyo yatenda saviya sakame ya mntu abanike na chila chumbe chimeso mwe bahali nachibanika.
\v 4 Mndima ywa katatu niyo etila idibauli dyakwe mwe dikolongo na mwe mifajo ya mazi niyo yatenda sakame.
\v 5 Niyo neva mndima ywa mazi akagamba, weye ni mchindedi yumwenga eyaho na endile eyaho, akukile, kwaviya kuzileta nkanto zino.
\v 6 Kwaviya nawetila sakame za wazumizi na waoni, kuwenka ayo kuvuta sakame, nicho chikuwagila.
\v 7 Niyo neva chilinge chikahitula, Heye Zumbe Chohile weye kulongoza mlanga mwa vyose, nkanto bzakwe ni chindedi na za wedi.
\v 8 Mndima ywa kaidi niyo etila kulawa mwe ibakuli yakwe kulanga kwe dizuwa, niyo enkwa luhenyo wa kuwoka wantu mo moto.
\v 9 Nawokwa kwa vuguto dikutisa, niyo waihuluta mbuli yedi ya Chohile, mta udahi mlanga mwe zinkomano zose, haweile hegu kumwinka yeye ntunyo.
\p
\v 10 Mndima ywa kwembingu ywa shano niyo ajida kulawa mwe bakuli dyakwe, mwe chiti cho ukulu cha mnyama na ziza niyo dyagubika useuta wakwe, nawaluma ameno kwaviya wakusulumilisa.
\v 11 Niyo wamhuluta Chohile ywa kwembingu kwaviya wasulumilaga na kuhutwa kwawo naho hawanati kujendeleza kweila kwachiya wachidamanye.
\v 12 Ndima ywa mtandatu naketila kulawa kwe bakuli ywakwe mwe idikolono idikulu, fulati na mazi yakwe niyo yanyala, chanim kudaha kutenda sila kwa Maseuta wakunga weze kulawa mashaliki.
\v 13 Niyo nawona myeye mitatu michafu iwoneke saviya majula yakulawa kuse ko mlomo wa yudya nyoka, yudya mnyama na yudya muoni wo udanti.
\v 14 Ni muye wa mpepo zikudamanya lagiso na mpituko nendile wakita kwa maseuta we isi chani kudaha kuwachisanya hamwenga kwa nkondo mwe zuwa nkulu dya Chohile uydya akwikala mlanga mwa vyose.
\v 15 Kaula neza saviya mbavi afazali yudya akwikala mwe kucheleza, akwika suche zakwe chani asekudaha kwitwa kweise lusi, na kuiwona soni yakwe.
\v 16 Nawaleta hamwenga hantu hetangwe mwe chiebulaiya Amagedini.
\p
\v 17 Mndima ywa mfungate naketila kulawa mwe bakuli yakwe mwe ulangazi, niyo izwi kulu niyo dyevika kulawa hantu hakukile na kulawa mwe chiti cha ukulu ikagamba isila.
\v 18 Nkutenda na misale ya manga wa mbaula, kubuma sindo za mbaula na zingiziko dikutisa singisiko kulu dye isi ambadyo hadisunguze kulaila mwe isi kulawa wantu wendile mwe isi ivyo ni singisiko kulu dijendeleze
\v 19 Mzi mkulu nawepanga mwe hantu hatatu, na mizi ya izisi niyo yagwa, niyo Chohile ekumbusaBabeli inkulu, niyo mawinka umzi uwo chikombe chendile chimema divai kulawa mwe mwa maya yakwe makulu.
\v 20 Chila chisiwa niyo chaga na magulu niyo yaga.
\v 21 Fula nkulu ya mayuwe, ikatenda na uzami wa talata niyo yasela kulawa kwe mbingu mlanga mwa wantu niyo wamligita Chohile kwa mahuluto ye fula ya mayuwe, kwaviya idya inkomano nendile iha vitendese.
\c 17
\cl Sula 17
\p
\v 1 Yumwenga ywa wandima mfungate nandile ana vitasa mfungate keza na kumgamba, soo hulagise mkanti wa mchilanga mkulu akwikala mlanga mwa amazi yalozize.
\v 2 Uyo maseuta we isi wadamanya mbuli ya kumgonya yeye, naho impombe yo ugonyi wakwe yekala we isi iwakola.
\p
\v 3 Mndima kaniguha mo muye kanigala kwe nyika niyo namuona mvyele keka mlanga mwe kala dinkundu kamema mazina ya mahuluto diya idikala nadina mitwi mfungate na mahembe mlongo umwenga
\v 4 Uyo mvyele kavikwa suche za zambalau inkundu naho kahamba kwa zahabu mayuwe ya yombe kulu na lulu, nandile katoza mo mkono wakwe chikombe cha zahabu chimemile vintu vya kwihiza vya uzavu vyo ukonyi wakwe.
\v 5 Mlanga mo uso wakwe didolonywa zina dya chinyele BABELI MKULU, MVYELE WA WACHILANGA NA VINTU VYA KWIHIZA VYE ISI.
\v 6 Niyo nawona kugamba umvyele uyo nendile kakolwa ni sakame ya wazumile ne isakame ya wabanike kwachausa cha Yesu, umo nimuone niyo nehelwa vidala.
\p
\v 7 Mna mndima niyo anigamba ni mbwani kwehelwa? Nahugambile vikuleka yudya mvyele na diya idikala dikumguha diya idikala nidyo dyenye imitwi mfungate na yudya anamahembe mlongo umwe.
\v 8 Diya idikala uone nadiyaho, hahali naho haluse, diheza kukwela kulawa mwe bome hedina uhelo, niyo dyajendeleza na ubanasi wadya wakwikala mwe isi, ni wadya ambawo mazina yawo hayadolonywe mwe chitabu cho ujima kukongela kwikwa udamanyo we isi na wehelwa wakadiwona idikala nediyaho kugamba hadihali haluse mna dihajihi kweza.
\v 9 Mwitango uno ni kwachausa cha umanyi wendile na udahi, mitwi mfungate ni magulu mfungate ambayo yudya mvyele ekalaga mlanga mwakwe.
\v 10 Naho ayo maseuta mfungate maseuta washano wagwa yumwenga eyaho na mtuhu hanati kwiza, mna aho akwizila nekale chidogo du.
\v 11 Dikala diyaho mna haluse hadihali idyo nadyo ni seuta wa mnane mna ni yumwenga mwa wadya maseuta mfungate naho aita mwe kubalanga.
\v 12 Yadya amahembe mlongo umwenga, uyawone ni maseuta mlongo mwe awo hawanati kuhokela useuta kwa saa dimwenga, hamwenga ne dikala.
\v 13 Wano wanalonga dimwe naho nawamwinke nguvu zawo na udahi diya idikala.
\v 14 Nawadamanye nkondo awamwenga na Mwana ngoto mna Mwana ngoto nawahude kwaviya Zumbe wa Mazumbe na Seuta wa Maseuta mwa yeye chitangwa, chisagulwa naho chiwazumizi wachindedi.
\v 15 Mndima niyo anigamba, yadya amazi uwine aho ekale yudya mchilanga ni wantu bunga dye isi na longa.
\v 16 Yadya amahembe uwone mlongo umwenga uyo ni diya idikala nawamwihiwe yudya mchilanga naho nawamwase ichedu naho elusi nawamdye umwili wakwe naho nawausilikize kwa moto.
\v 17 Chohile kaika mwe myuye yawo kwimula kwa mevano ya kumwinka idikala nguvu za useuta kubula mbuli ya Chohile aho naichinte.
\v 18 Yudya mvyele uwone ni mzi udya mkulu ukuwalongoza mwa maseuta we isi.
\c 18
\cl Sula 18
\p
\v 1 Akaheza ivintu vino simuona mndima mtuhu akasela has kulawa kwe mbingu yeye nandile ana udahi mkulu mwe isi, ing'ala kwa ukulu wakwe.
\v 2 Kaila kwa izwi kulu akagamba, ugwa, ugwa, udya umzi umkulu wa Babeli, utenda wikalo wa mapepo na wikalo wa chila muye wihye na wikalo wa chila madege yakwihiza.
\v 3 Kwaviya wantu wa si zose wanywa divai ikwingiza uchilanga wakwe, ambawo wamleteile maya maseuta we isi wagonywa ni yeye wachuluzi we isi atenda wagoli kwa nguvu na wikai wakwe wa tama.
\p
\v 4 Naho niyo neva izwi tuhu kulawa kwembingu dikugamba, mlaweni mwakwe wantu wangu chani mnase mkatongela amasa yakwe chani mnase mkahokela nkato yakwe yose.
\v 5 Masa yakwe ni chisungu saviya mlanga mwe mbingu na Chohile kakumbuka ntendwa zakwe zihiye.
\p
\v 6 Mliheni ivyo awalihile watuhu naho mkamlihe gana na mbili kwa viya atendile mwe chikumbe ahanganye, mhanganyizeni nkanana mbili kwachausa chakwe.
\v 7 Enga ivyo atunyeze mwenye nakekala kwa uchilanga mwinkeni masulumizo yalozize chinyulu kwaviya agamba mo muye wakwe sikala saviya seuta sibanikilwe ni mgosi naho siwona wakulombeza.
\v 8 Mna zuwa dimwenga dya nkomano yakwe dyambwila file mwe lombezo, na sala, na silikizwe kwa moto kwaviya Zumbe Chohile ni mta nguvu naho ni mkanti ywakwe.
\p
\v 9 Maseuta we isi wagonyizwe naye na kutenda mazezeta naye na waile na kulomboleza kwakuona mosi wo kuhya kwakwe.
\v 10 Nawachimale hale naye, kwa chunyulu, masulumizo yakwe wakagamba, na mluwone, namluwone umzi mkulu Babeli mzi una nguvu kwa saa dimwenga ukanti wako uheza.
\v 11 Wachuluzi wa mwe isi ilani na kulomboleza kwachausa chakwe kwaviya hehena hata yumwenga akugula vintu vyakwe naho.
\v 12 Vintu vya zahabu, hela, mayuwe ya yombe kulu, lulu, chitani yedi, zambalau, hakiki unkundu, aina zose za miti ya mhepe wedi chila chombo cha mahembe ya ntembo chila chombo chidamanywe kwa miti ya yombe kulu shaba chuma yuwe.
\v 13 Mdalasini, vilungo, uvumba, manemane, ubani, divai, mavuta, unga wedi, ngano, ng'ombe na ngoto falasi na magali na watalizwa myuye ya wantu.
\v 14 Matunda ungile kwa nguvu zako yahalawa kulawa kwako tama zako zose zimlawa havipatikane naho.
\v 15 Wachuluzi we vintu vino wapatile ugoli kwa umbuya wakwe nawachimale hale kulawa kwakwe kwaviya chunyulu cha masulumizo yakwe wakaila kwa izwi dya malombolezo.
\v 16 Wakagamba nauluwone, nauluwone, mzi udya mkulu uvaligwe chitani ntana, zambalau na inkundu naho kuhambwa kwa zahabu na vintu vya yombe kulu na lulu.
\v 17 Mndani mwe saa dimwenga ugoli wose uwo umlawa chi mlongoza meli na chila mtafi na wose wana mazi na wose wakudamanya ndima mwe bahali wachimala hale.
\v 18 Watula ndilo weze waone umosi ukuhya kwakwe wagamba, ni mzi wani ukuligana na mzi uno umkulu?
\v 19 Wadula msanga mlanga mwe mitwi yawo, niyo waila wakalawa mesozi wakalomboleza nawaluone na uluone umzi uwo mkulu ahantu hose nandile mwe zimeli zawo mwe bahali nandile wagoli kulawana na ugoli wakwe, mndani mwe saa dimwenga ubalangwa.
\p
\v 20 Elelwani mlanga mwakwe mwe mbingu nyuwe mzumile, wasigilwa, na waoni kwaviya Chohile kaleta ukanti mwenyu mlanga mwakwe.
\p
\v 21 Mndima mwenye nguvu kenula yumwenga saviya yuwe kulu dya kusagila, niyo adidula mwe bahali agamba kwe isila ino Babeli udya umzi umkulu naudulwe hasi kwa nguvu naho hauwonekane vituhu.
\v 22 Izwi dya visinds mgund vya wakubweda wakutowa miluli na magunda hawevike naho kwenyu hata fundi wa aina yoyose haonekane kwenyu hedu izwi dya tuli hadivike naho kwenyu.
\v 23 Ulangazi wata haulangaze mndani mwako izi dya msozi na msolwahadivigwe naho mndani mwako kwaviya wachuluzi wako ndile ni wakulu mwe isi na wantu wadantwa ni usai wako.
\v 24 Mndani mwakwe sakame ya waoni na mazumbe iyonekana na sakame ya wose wakomigwe mlanga mwe isi.
\c 19
\cl Sula 19
\p
\v 1 Vikaheza ivyo siva izwi saviya mwilo mkulu wa bunga dya wantu kwembingu dikagamba, mtogoleni Zumbe, ukuka, wambulwa, na udahi ni vya Chohile ywetu.
\q1
\v 2 Nkanto zakwe ni az chindedi, kwaviya kamkantila yudya mchilanga mkulu abalnge isi kwa ugonyi wakwe, kamlihiza chigoda kwa sakame ya wandima wakweiyo etile yeye mwenye.
\v 3 Nkanana ya kaidi wagamba, mtunyeni Zumbe mosi walawa kwakwe ulo na ulo.
\q1
\v 4 Wadya wadalahala moilongo midi na nne na vyumbe vimeso niyo vyamfunamila na kumvikila Chohile akwikala mwe chigoda cho uzumbe, nendile wakagamba tTaile, mtunyeni Zumbe.
\v 5 Niyo izwi dyalawa kwe chigoda cho uzumbe dyagamba mtunyeni Zumbe Chohile ywetu nyuwe wandima wakwe nyoseni, nyuwe mkumogoha yeye, wose hewene mhuli na wata udahi.
\v 6 Naho nivile izwi kulu saviya izwi dya fyo dya wantu, saviya izwi dya chivumilo cha mazi yalozize naho saviya ntuntumo ya lubaula ikugamba, Zumbne atogolwe ni Chohile ywetu maesuta wa mwe isi
\q1
\v 7 Naho chelelwe na kumtoila nchelejele na kumwinka ukulu kwaviya inyinka ye chinyemi cha Mwana ngoto chiza na umwali kemalanya kale.
\q1
\v 8 Kalekeilwa kuvikwa chitani chitana naho chikung'ala chitani chitana ni ntendwa za wazumile.
\p
\v 9 Mndima ywa kwembingu niyo alonga na miye yadolonye yano wajimbikwa wadya wagonekwe mwe ichinyemi che inyinka ya Mwana ngoto naho niyo agamba, uno ni ulosi wa chindedi wa Chohile.
\v 10 Niyo nfika madi mo ulongozi we viga vyakwe niyo namvikila, mna anigamba usekutenda vino miye ni mndima mnyawo na walukolo lwako mta kutoza ukuzi wakwe Yesu, mvikileni Chohile kwaviya ukuzi wa Yesu ni muye wa uoni.
\p
\v 11 Niyo nawona izimbingu zigubuka kaula nakuna falasi ing'aile yudya aikweile etangwa mchindedi na mkanuni akatila kwa kuwagila kungisa nkondo.
\v 12 Meso yakwe yenga moto ukwaka na mlanga mo mtwi wakwe, ana vilemba vilozize, ana zina didolonywe mlanga mwakwe, hedimanyike kwa wantu mafani kwa yeye mwenye.
\v 13 Kavala suche itufikwe mwe sakame, idizina dyakwe etangwa ulosi wedi wa Chohile.
\v 14 Wankondo wa kwembingu nendile wakamtimila mlanga mwe falasi ing'aile, wavikwa chitani ntana, ing'aile na ikukile.
\v 15 Komlomo wakwe kwalwa bamba dikukola dikusawanisa izisi na uyo awalongoze kwa nkome ya chumanaye ajanta viya vya mpombe kwa maya makulu ya Chohile alongoza mlanga mwa wose.
\v 16 Naye kadolonywa mlanga mwe suche zakwe na mwe diwambo dyakwe zina SEUTA YWA MASEUTA NA ZUMBE YWA MAZUMBE.
\p
\v 17 Nasiwona mndima ywa kwembingu kachimala mwe dizuwa, niyo etanga kwa izwi kulu madege yose yapuluka kulanga, sooni mdugane hamwenga kwe nkande inkulu ya Chohile.
\v 18 Soni mdye nyama ya waseuta nyama ya wakulu wa nkondo, nyama ya wantu wakulu, nyama ya falasi na awo wakupanda falasi na nyama ya wantu wose, walekeilwe na watalizwe, hewelekelwe na wata udahi.
\v 19 Siwona kala na maseuta wa kwe isi hamwenga na wankondo wawo, nendile nawemalanya kwa kutenda nkondo na yumwenga apandile falasi na wankondo weyawe.
\v 20 Idikala niyo dyagwilwa na waoni wakwe wa udanti atendile lagiso mwe udahi wakwe, kwevilagiso ivyo kawadanta wadya wahokele chiwalo che dikala naho nawavikile iditukulu dyakwe wose waidi wadulwa wachei wajima mwe diziwa dyo moto ukwaka kwa chibiliti.
\v 21 Wadya wabanike niyo wakomwa na mabamba yalaile mo mlomo wakwe yumwenga akweile mlanga mwe falasi, madege yose niyo yadya imba vye imili yakwe.
\c 20
\cl Sula 20
\p
\v 1 Akajika nasiwona mndima wa kwembingu akaesla na kulawa ko ulanga, akatenda no lufungulo wa bome hedina uhelo na minyolo mikulu mo mkono.
\v 2 Nawaditoza diya idizoka, nyoka ya chikale, uyo umwavu hegu naho Shetani niyo adinyinya mihilimo magana na mlongo.
\v 3 Nakamdula mwe bome hedina uhelo, niyo adinyinya na kudivenga mlanga mwakwe ino nandile ivyo chani kugamba asekudanta izisi naho kubula mihilimo magana na mlongo umo ikasila, akajika aho nalekeilwe mwe chipindi chiguhi.
\p
\v 4 Akajika nasiwona viti vya Chizumbe, nendile wavikaila wadya wendile wenkigwa udahi wa nkato iviya, iviya nasiwona naussi za wadya wendile wakantwa imitwi kwachausa cha ukuzi kulanga Yesu na mwe ulosi wa Chohile, nendile hawavikile mnyama hegu tukulu dyakwe naho nawalemela kuhokela luvengo mlanga mo uso hegu mkono, naweza mo ujima niyo walongoza hamwenga na Kulisito mwe mihilimo gana na mlongo.
\v 5 Wabanike wasigale hawezile mo ujima, kubula mihilimo gana umo ize yajike uno nuwo uyuso wa nkongo.
\v 6 Mjimbikwa na mkuka ni mntu yoyose akuguha hantu mo uyuso wa nkongo kubanika kwa kaidi hakuna udahi mlanga mwe wantu enga wano, nahatende na walavyantambiko wa Chohile na wa Kulisito naho nawalongoze naye mwe mihilimo gana na mlongo.
\p
\v 7 Ichipind mihilimo gana na mlongo umo ukabula udumo, mwavu nafungulwe kulawa mwe dijeleza enga msanga wa bahali.
\v 8 Naite kuse kudanta izisi mwe ntendele nne ze isi, Gogu na magogu kwaleta hamwenga kwachausa cha nkumbizi, nawatende walozize saviya msanga wa bahali
\v 9 Nawaita mlanga mwe ntambalale ye isi, nawo nawazunguluka nkambi za wazumile, mzi ungigwe, mna moto nawiza kulawa mo ulanga na kuwalangaza.
\v 10 Mwavut uyo nakawadanta na muwadula mndani mwe ziwa dikwaka chibiliti umo umnyama ni muwoni ywa lulimi nendile wadulwa, nawasulumizwe msi na chilo kale na kale.
\p
\v 11 Akajika nasiwona chiti cha Uzumbe chikulu ching'aile na yudya endile ekale mlanga kwe isi no ulanga naziguluka hale kulawa mo wiyaho wakwe, mna hahatendile hantu hawo wowo kwita.
\v 12 Nasiwaona wabanike wabala na siyo wabala wachimala mwe chiti cho ukulu ne vitabu navigubulwa, akajika chitabu chituhu nachigubulwa, chitabu cho ujima, wabanike nawakantila mwe chila chidolonywe mndani mwe ivitabu, ulailo wa chila icho wadamanye.
\v 13 Bahali naiwalavya wabanike awo nendile mndani mwakwe, file na kuzimu naviwalavya wabanike awo wendile mndani mwakwe na wabanike wakantila ukuligana na viya wadamanye.
\v 14 File na kuzimu nazidulwa mndani mwe diziwa dyo umoto, ino ni file ya kaidi ziwa dyo umoto.
\v 15 Saviya zina dya yoyose hadiwoneke didolonywa mndani mwe ichitabu cho ujima, nakadulwa mndani mwe idiziwa dyo umoto
\c 21
\cl Sula 21
\p
\v 1 Niyo naona mbingu hya na si mpya, kwaviya mbingu ya nkongo na si ya nkongo zijinka kale, na bahali haitende iyaho.
\v 2 Siwona mzi ykukile, Yelusalemu mhya, useile kulawa kulanga kwa Chohile uhambigwe saviya mwali ahambigwe kwachausa cha mgosiwe.
\v 3 Siva izwi kulu dikulaila kwe chigoda cha uzumbe dikagamba, kaula wikazi wa Chohile wihamwenga na wantu, naye naekale hamwenga na wowo, nawatende wantu wakwe, Chohile naye natende ananawo, naye natendwe Chohile ywawo.
\v 4 Nahanguse chila sozi mwa ameso yawe, naho hakutende na kubanika naho, hegu kulombeza, hegu kwila, hegu, usungu, mbuli za kale zijinka kale.
\p
\v 5 Uyo ekale mwe ichigoda cho uzumbe niyo agamba, kaula natenda mbuli nzose kutenda hya agamba dolonya dino kwaviya ulosi uno ni wa ukanuni na wachindedi.
\v 6 Agamba mhil zino zijinka kale miye ni Alufa na Omega nkongo na udumo, kwa yoyose akuwona nchilu nanimpatile cha kunywa bila maliho vikulawa mwe mfajo wa mazi ya ujima.
\v 7 Yoyose akuhuda nayalisi yano, naye natende Chohile ywakwe yeye naye natende mwanangu.
\v 8 Mna enga ivyo vikale kwa waoga, hewekuzumila wakujela maya, wakomi, wagonyi, wasai, wakuvikila matukulu, wadanti woseni, hantu hawo nahatende mwe ziwa dya moto wa chibiliti ukoka iyo niyo ifile ya kaidi
\p
\v 9 Yumwenga ywa wandima wa kwembingu wa wadya mfungate niyo eza kwangu yumwenga nendile na bakuli mfungate yamemile nkomano mfungate ya udumo niyo agamba, so hano, nahulagise msolwa ywa Mwana ngoto.
\p
\v 10 Niyo aniguha hale chidogo mwe muye, kwelugulu lukulu naho lutali niyo anilagisa mzi ukukile Yelusalemu, ukasela hasi kulawa ko ulanga kwa Chohile.
\v 11 Yelusalemu wendaga na ukuka wa Chohile na utana wakwe wendaga saviya yuwe dya yombe kulu, yuwe dya chilole chitana cha Yasipi.
\v 12 Wendaga na ugoma mkulu mtali una nyivi milongo na midi hamwenga na wandima wa kwembingu, mlongo na waidi mwe zinyivi, mlanga mwe zinyivi nahadolonywa mazina ya makabila mlongo na waidi ya waizulaeli.
\v 13 Ntendle ya ulailo wa zuwa kwendaga na nchili ntatu, ntendele za kwe mwenye mzi nyivi ntatu, ntendele ya chibula nyivi ntatu, ntendele za uswelo wa zuwa nyivi ntatu.
\v 14 Ugoma wo mzi wendaga na misingi mlongo na midi mlanga mwakwe namna mazina mlongo umwenga na maidi ya wasigilwa mlongo umwenga wa Mwana ngoto.
\p
\v 15 Yumwenga alongile na miye endaga na chihimo cha nkome chidamanywe kwa zahabu kwachausa cha kuhimila umzi, izinyivi zakwe na ugoma wakwe.
\v 16 Umzi wikwa ugoma uligane utali na wangalamu wakwe, kauhima umzi kwa chihimo che nkome, utali wakwe ni chilo meta 12,000 utali wakwe, wangalamu kwita kulanga viligana.
\v 17 Iviya niyo ahima ugoma wakwe, unene wakwe wendaga mita 144 kwa vihimo vya chimntu navyo ni vihimo vya wandima wa kwembingu.
\p
\v 18 Ugoma wakwe uzengwa kwa yuwe dya Yasipi na umzi una zahabu ntana, saviya chelole chitana.
\v 19 Umsingi wo ugoma wendaga uhambwa na chilaaina ya yuwe dya yombe kulu dyankongo dyendaga yasipi, dya kaidi dyendaga dya yakuti samawi, dya katatu dyendaga kalikedoni, dya kane dyendaga zumalidi,
\v 20 dya shano dyendagasalidoniki dya mtandatu dyendaga akiki, dya mfungate dyendaga kilisoliso dya mnana dyendagazabalajadi, dya chenda dyendaga manjano na dya mlongo dyendagakilisopalaso, dya mlongo na imwe dyendagahiakinisiso, na dya mlongo na mbili dyendagaamesisito.
\v 21 Nyivi milongo na midi yendaga lulu mlongo na mbili chila lwivi ludamanywa kulawa mwe lulu imwenga, imitata yo mzi wendaga zahabu ntana, ikawoneka saviya chelole chitana.
\p
\v 22 Siwona nyumba ya vikilo yoyose mndani mo mzi, kwaviya Zumbe Chohile uyo akulongoza vyose na Mwana ngoto nuyo nyumba ya vikilo dyakwe.
\v 23 Mzi uwo hauna haja ya zuwa hegu mwezi chani kulangaza umzi, kwaviya ulang'azi wa Chohile walangaza mwakwe, naho taa yakwe ni Mwana ngoto.
\v 24 Wantu wa si zose nawatalamke mwe ukuka wakwe, waseuta wa si zose nawalete ugoli kwakwe mndani mwakwe.
\v 25 Nyivi zakwe hazivugalwe chipindi cha nomsi mna hahendaga na chilo hadya.
\v 26 Nawawalete wagoli na watunywa we isi mndani mwakwe,
\v 27 Naho hakuna wavu ukunga wingile mndani mwakwe, hegu yoyose akutenda mbuli yoyose yasoni hegu lulimi, hengile, mna ni wadya du wadolonywe amazina yawe yadolonywa mwe chitabu cha ujima cha Mwana ngoto.
\c 22
\cl Sula 22
\p
\v 1 Akaheza wandima walagisa golongo dya mazi ya ujima, mazi nendile yekaya ya mgawo saviya binauli nayakajolozeka kulwa mwe chi cha ululu cha Chohile na cha Mwana ngoto.
\v 2 Kujinkila hagati gati he dikolongo nahana mti wa ujima ukweleka aina mlongo na mbili za matunda na kweleka chila mwezi mani yo mti ni kwachausa cha kuhonya we izisi.
\v 3 Mna du hatende na ligito dyodyose, chiti cho ukulu chc Chohile na cha Mwana ngoto nachitende mndani mo mzi naho wandima wakwe nawamsankanile.
\v 4 Nawamuone uso wakwe na zina dyakwe naditende kulanga kwe vinengo vye zinyuso zawe.
\v 5 Hahatende na zuwa naho wala hahatende na kunga mwanga wa ta heu zuwa kwachausa cha Zumbe Chohile, na alagaze kulanga kwekwe nawo nawlongoze kale na kale.
\p
\v 6 Mndima anigamba milosi ino ni yakuzumilika chindedi, Zumbe Chohile ywa myuye ya waoni nakamtuma mndima ywakwe kuwalagisa wandima wakwe icho chikunga chilaile ivino hajihi.
\v 7 Kaula, neza upesi kajimbikwa uyo akuzumila milosi ya uoni mwe chitabu chino.
\p
\v 8 Miye yohana ni miye nivile na kuwona izimbuli zino nive na kuyaona niyo sigwa hasi mwenye kulongozi kwe viga vya mndima kumsankanila, mndima niyo anilagisa mbuli zino.
\v 9 Akanigamba, kusekudamanya vino, miye ni mndima mnyawo hamwenga na walukolo wako, waoni na wadya wakuzumila milosi ye chitabu chino, mumsankanile Chohile.
\v 10 Niyo anigamba usekuijela mhuli milosi ya waoni we chitabu chino, mna chipindi chisogela.
\v 11 Suyo mweny kuwagila ajendeleze kutenda mta kuwagila, ekale mkuka, na ajendeleze kutenda mkuka.
\p
\v 12 Kaula! Neza upesi jeleko dyangu diyuko hamwenga na miye, kumliha chila yumwenga kuligana na chiya adamanye.
\v 13 Miye ni Alufa na Omega, nkongo na udumo.
\v 14 Wajimbikwa wadya wasuntile izisuche zawe kugamba wapate ya uwagila wa kudya kulawa mo mti wo ujima na kwingila mo mzi kujinkila mwe nyuvi.
\v 15 Kuse kuna kuli, wasi, wagonyi, wakomi, wakusankanila matukulu, na chila mukuzi wa lulimi.
\p
\v 16 Miye Yesu simtuma mndima ywangu mukuzi kulanga mbuli zino kwa mavikilo, miye ni mwelesi ywa lweleko lwa Daudi ntondo ya mtondo ikung'ala.
\p
\v 17 Muye na bibi halusi agamba, soo! Na uyo akwiva agamba, soo! Yoyose mta nchilu naeze, na yoyose akubesa, na pate mazi ya ujima bule.
\p
\v 18 Namukwila chila mntu akwiva milosi ya uwoni we chitabu chino, hegu yoyose nongeze yano, Chohile na mongezeze nkomano zidolonywe mwe chitabu chino.
\v 19 Hegu mtu yoyose nause milosi ye chitabu chino cha muoni, Chohile nause hantu hakwe mo mti wo ujima na mo mzi ukukile ambawo mbuli zakwe zidolonywa mndani mwe chitabu chino.
\p
\v 20 UYo akumukwila mbuli zino alonga, haya neza upesi Taile soo! Zumbe Yesu!
\p
\v 21 Wedi wa Zumbe Yesu utende na chila mntu. Taile.