ziw_reg/63-1JN.usfm

\id 1JN
\ide UTF-8
\h 1 Yohana
\toc1 1 Yohana
\toc2 1 Yohana
\toc3 1jn
\mt 1 Yohana
\c 1
\cl Sula 1
\p
\v 1 Chiya atendile chiyaho aho nkongo chiya chivile chiya chawone kwa meso yetu chiya nachikasinya na mikono yetu ichitoza chikulanga mbuli za ujima.
\v 2 Na udya nujima udamanywa kumanyika pwilili naho chiuwona na kudima na kuwagambila ujima wa kale na kale uwo wendile wi kwa tate na kudamanywa kumanyika kwetu.
\v 3 Chiya chawone na kuchiva chawgambilani kwenyu nanywi chani kugamba mdahe kutendeka hamwenga na suwe na kucitenda hamwenga na tate na mwana ywakwe Yesu Kulisito.
\v 4 Nachiwadolonyeze mbuli zino nyuwe chani kugamba kwelelwa kwenyu kutende kuligana.
\p
\v 5 Uno nuwo ulosi chivile kulawa kwetu na kuwagambila Chohile ni ulangazi mndani mwakwe hana chiza hata twentwe.
\v 6 Hegu chigamba kugamba chihamwenga naye mna chajenda mwe chiza chadanta naho hachikudamanya chindedi.
\v 7 Mna chinajenda no ulangazi oge viya eli mo ulangazi chatenda hamwenga suwe kwa suwe ne isakame ya Yesu Kulisito mwanawe yachisunta kulawa mwa masa yose.
\v 8 Hegu chinagamba hachina masa chedanta wenye na ichindedi hachimuli mndani mwetu.
\v 9 Mna chieila kudamanya masa yetu uyo ni mchindedi na wakuwagilwa na kuchusiza amasa yetu nakuchisunta na ubanasi wetu.
\v 10 Chinagamba kugamba hachidamanye masa chamtenda uyo kutenda ni mdanti ne izimbuli zakwe hazimuli mndani mwetu.
\c 2
\cl Sula 2
\p
\v 1 Wanangu huwaunga nawadolonyeza mbuli zino kwenyu chani msekudamanya mas mna hegu yumwenga ywenyu akadamanya masa chinanye akuchilongela ehamwenga na tate Yesu Kulisito uyo ni mwenye kuwagila.
\v 2 Uyo achiliganyiza amasa yetu naho sayo amasa yetu ayodu mna naho naulangazi mjima.
\p
\v 3 Mwe dino chimanya kugamba chimmanya uyo hegu nachizika vyedi ziya izakwe alongile.
\v 4 Uyo alongile simmanya Chohile mna hakuzitoza ziya izakwe alongile ni mdanti na chindedi hachimuli mndani mwakwe.
\v 5 Mna yoyose natoze izimbuli zakwe chindedi mo mntu yudya ukunga kwa Chohile kuchintizwa mwa dino chimanya kugamba chiyumo mndani mwakwe.
\v 6 Uyo akugamba ekala mndani mwa Chohile ingigwa yeye naye mwenye naho kujenda oge viya Yesu Kulisito akujenda.
\p
\v 7 Wambuya sikuwadolonyezeza nyuwe sigilizi hya, mna sigilizi ya kale ambayo namnanayo kukongela nkongo. Sigilizi ya kale ni ulosi uwo mwivile.
\v 8 Mwe ivyo nawadolonyezezani sigilizi hya, iyo ya chindedi mwa Kulisito na kwenyu, kwaviya chiza chajinka, na ulangazi wa chindedi umalanywa kale walangaza.
\v 9 Uyo akugamba kekala mo ulangazi mna amwihiwa mlikolo emwechiza kubula vino haluse.
\v 10 Uyo akumunga mlukolo ywakwe ekala mo ulangazi hakuna mbuli yoyose ikudaha kumsibila.
\v 11 Mna uyo akumwihiwa mlukolo ywakwe emwechiza naho ajenda mwe chiza uyo hakumanya ni kuhi akwita kwaviya chiza, kwaviya kayatula ameso yakwe.
\p
\v 12 Nawadolonyezeza nyuwe wana huwaungani kwa viya mlekeilwa masa yenyu kwachausa che izindima zakwe.
\v 13 Nawadolonyezezani nyuwe watate kwaviya mmanya uyo endile kukongela nkongo, nawadolonyezezani nyuwe wabwabga kwaviya mumhuda yudya umbanasi, nawadolonyezezani nyuwe wana wadododo kwaviya mummanya tate.
\v 14 Nawadolonyezezani nyuwe watate kwaviya mummanya uyo endile kukongela nkongo nawadolonyezezani nyuwe wabwanga kwaviya mtoga na mbuli za Chohile b zekala mndani mwanyu naho mumhuda yudya umbanasi.
\p
\v 15 Msekunga isi hegu mbuli izo zimwe isi uneva yudya aguyunga isi, ungi wa kumunga tate haumuli mndani mwakwe.
\v 16 Mwe ivyo chila chintu chiyumo mwe isi, tama zihiye zo mwili, tama zihiye za meso, na kweduvya ko ujima, havikulawana na tate mna vyalawana ne isi.
\v 17 Isi ne izitama zakwe zikujinka mna uyo akudamanya yadya akunga Chohile uyo ekala kale na kale.
\p
\v 18 Wana wadodo ni chipindi chidumile oge viya mwivile kugamba akuhigana na Kulisito eza na iviya haluse wakuhigana na Kulisito weza kwa ivyo vili chimanya kugamba ni chipindi chichintile.
\v 19 Nawita zawo kulawa kwetu kwaviya nendile siyo wetu, saviya weli ni wakwetu nawajendeleza kutenda hamwenga nasuwe, mna chipindi weze waite zawo icho chilagisa nendile siwo wetu
\v 20 Mna mjelwa mavuta ya yudya akukile nanywi nyose mmanya chindedi.
\v 21 Sikuwadolonyezezani nyuwe kwaviya hamchimanyize ichindedi mna kwaviya mmanya kwachausa hahana lulimi wa chiya ichindedi.
\v 22 Ni yuhi ni mdanti mna nuyo akuhigana kugamba Yesu ni Kulisito? Yuno mntu ahigana na Kulisito yudya akuhiga tate na mawana.
\v 23 Hahali akuhigana na mwana akatenda na tate yoyose akumzumila mwana ananaye tate.
\v 24 Saviya nyuwe chiya mwivile kulawa nkongo lekani chongezeke kutenda mndani mwenyu oge viya mwivile kulawa nkongo na chikale mndani mwenyu naho namwikale mndani mo mwana na tete.
\v 25 Nadino ni lagano achinkile suwe ujima wa kale nakale.
\p
\v 26 Siwadolonyezezani yano nyuwe kulanga wadya ambawo hehu wawajenyeze nyuwe mo kwaga.
\v 27 Kwahausa chenyu, yadya amavuta myahokele kulawa kwawke yekala mndani mwenyu, naho hamkunga mntu yoyose kuwahinya, mna oge mavuta yakwe yawahinya kulanga mbuli zose ni chindedi na siyo udanti, naho taha hegu nayawahinya, ikalani mndani mwakwe.
\p
\v 28 Haluse wana huwaunga ikalani mndani mwakwe chani chipindi nanaile chidahe kutenda na ukankalu naho suko kuwona soni kulongozi kwakwe mo kwiza kwakwe.
\v 29 Oge mmanya kugamba uyo ni mta kuwagila mmanya kugamba chila yumwenga akudamanya kuwagila kelekwa nuyo.
\c 3
\cl Sula 3
\p
\v 1 Kaulani ni ungi wi zeze achinkile tate kugamba chitangwe wana wa Chohile na vino nivyo chili kwa vino isi haichimanyize kwa viya haumanyize uyo.
\v 2 Weyangu suwe haluse chi wana wa Chohile na hainati kuwonekana ivyo chili, chimanya kugamba Kulisito aneza kuwoneka nachifanane naye kwa viya nachimuwona oge ivyo vili.
\v 3 N chila yumwenga uyo anaukankalu uno ukulonga chipindi chikwiza icho chilagiswe kwakwe kusuntwa mwenye oge uyo ivyo eli akukile.
\v 4 Chila mntu akujesa kudamanya masa abalanga lagizo kwa viya kwaviya masa ni kubalanga lagano.
\v 5 Mmanya Kulisito kalagiswa chani kusa ubansi chindeddi na mndani mwakwe hamkwikala ubanasi.
\v 6 Hakuli hata yumwenga akwikala mndani mwakwe na kujendeleza kudamanya ubanasi, hakuna mntu hata yumwenga akwikla mo ubanasi uneva kawona hegu kamanya uyo.
\v 7 Wana huwaunga msekwitikila kwazwa ni mntu yoyose akudamanya kuwagila ni mta kuwagila oge viya Kulisito uyo ekale kuwagila.
\v 8 Akudamanya ubanasi ni ywa ibilisi kwaviya ibilisi ni mdamanya ubanasi kukongela aho nkongo kwaviya vino mwana ywa Chohile kalagisa chani adahe kuzibalanga izindima za ibilisi
\v 9 Yoyose elekwe ni Chohile hakudamanya masa kwa viya mbeyu za Chohile zekala mndani mwakwe hukudaha kuhikiliza kudamanya masa kwa viya kwelekwa ni Chohile.
\v 10 Kwa dino wana wa Chohile na wana wa ibilisi wamanyika yoyose hekudamanya chiya cho kuwagila suyo wa Chohile naho uyo hakudaha kumunga mlukolo ywakwe.
\p
\v 11 Kwaviya uno nuwo ulosi mwivile kulawa nkongo kugamba, chongigwa kungana suwe kwa suwe.
\v 12 Havikunga oge kaini uyo naktenda mo ubanasi niyo amkoma mlukolo ni kwambwani nakamkoma? Kwaviya ntendwa zakwe ni zo ubanasi, yudya mlukolo ywakwe nandile ni mwagila.
\v 13 Walukolo wangu msekwehelwa umo isi neiwehiwe.
\v 14 Chimanya chiheza kufosa mo kubanika na kwingila mo ujima kwa viya chawunga walukolo, yoyose yudya hena kunga ekala mo kubanika.
\v 15 Mntu yoyose akumwihiw mlukolo ywakwe ni mkomi na mmanya kugamba ujima wa kale na kale hokwikala mndani mwe mkomi.
\v 16 Mwe dino chimanya ungi kwaviya Kulisito nakaulavya ujima wakwe kwa chausa chetu naswi yachunga kulavya wikazi wetu kwachausa cha walukolo.
\v 17 Mna yoyo ana vintu naho amuwona mlukolo ywakwe ni mwenye kunga kuuchinda umuye wakwe wambazi kwachausa chakwe he ungi wa Chohile wekala zeze mndani mwakwe?
\v 18 Wanangu hunga chisekunga kwa milomo hegu ulosi uwodu mna kwakudamanya ntendwa na chindedi.
\p
\v 19 Mwe dino chimanya kugamba suwe chi mwe chindedi na yuye yetu imanyika kwa uyo.
\v 20 Uneva imyuye yetu yachikantila Chohile ni mkulu kujinka imyuye yetu na uyo kamanya mbuli zose.
\v 21 Wambuya hegu imyuye yetu haikuchikantila china ukankalu kwa Chohile.
\v 22 Naho chochose chikulombeza nachichihokele kulawa kwakwe kwaviya chazitoza izisigilizi zakwe na kudamanya yakuwagila kulongozi kwakwe.
\v 23 Nho ino niyo isigilizi yakwe ya kugamba chongigwa kuzumila na kungana suwe kwa suwe oge viya achinkile isigilizi yakwe.
\v 24 Akuzumila sigilizi zakwe ekala mndani mwakwe na Chohile ekala mndani mwakwe naho kwaviya chimanya kugamba ekala mndani mwetu kwa udya umuye achinkile.
\c 4
\cl Sula 4
\p
\v 1 Waungwa, msekuzumila chila muye, muujeze muye muwone hegu walawa mwa Chohile, mwe ivyo waoni walozize wadanti walaila mwe isi.
\v 2 Mwe dino nammanye muye wa Chohile chila muye nauzumile kugamba Yesu Kulisito keza mo mwili wa Chohile.
\v 3 Naho chila muye hewikumzumila Yesu Kulisito suwo wa Chohile, uno ni muye wa kumhiga Kulisito uwo mwivile kugamba weza na haluse wi mwe isi.
\p
\v 4 Nyuwe mwi wa Chohile wana wakungwa naho mwajika kuwahuma mwe viya yeye emndani mwenyu ni mkulu kujinka uyo emwe isi.
\v 5 Wowo ni we isi mwe viya wakulonga ni cha si ne isi yawetegeleza.
\v 6 Suwe ni wa Chohile uyo amanyize Chohile achetegeleza suwe, uyo eli suyo wa Chohile hakudaha kuchetegeleza, mwe dino chimanya muye wa chindedi na muye wa udanti.
\p
\v 7 Waungwa, chungane suwe kwa suwe mwe viya ungi ni wa Chohile naho chila yumwenga akunga kelekwa ni Chohile naho kammanya Chohile.
\v 8 Uyo hekunga hammanyize Chohile, mwe viya Chohile ni ungi.
\v 9 Mwe dino ungi wa Chohile naugubulwa mgati mwetu, kugamba Chohile kamsigila mwanwe wa ichindedi mwe isi chani chikale kujinkila yeye
\v 10 Mwe dino ungi siyo kugamba chimunga Chohile mna yeye nakachunga niyo amsigila mwanawe atende maliho ya masa yetu.
\v 11 Wambuya uneva Chohile kakachunga suwe iviya iviya chaungwa kungana suwe kwa suwe.
\p
\v 12 Hahana hata yumwenga amuwone Chohile hegu chikongana suwe kwa suwe Chohile ekala mndani mwetu na ungi wakwe wachinta mndani mwetu.
\v 13 Mwe dino chimanya kugamba chekala mndani mwakwe nye mndani mwetu, kwaviya kachinka Muye wakwe.
\v 14 Naho chiwona na kuukula kugamba tate kamsigila mwanawe kutenda mkombola ywe isi.
\v 15 Chila akumzumila kugamba Yesu ni mwana ywa Chohile, Chohile ekala mndani mwakwe nye mndani mwa Chohile.
\v 16 Naho chimanya na kuuzumila ungi ananawo Chohile mndani mwetu, Chohile ni ungi. Nye ekala mndani mwe ungi, ekala mndani mwa Chohile na Chohile ekala mndani mwekwe.
\v 17 Mwe ungi uno uchinta, uchintizwa mgati mwetu, chani chitende na ukankalu zuwa dya kukantilwa, kwa viya hegu yeye eli na suwe nivyo chili mwe isi ino.
\v 18 Hahana woga mndani mwe ungi, mna ungi uchintile, wadula woga kuse, kwaviya woga waligana na nkanto, mna uyo akogoha hachintile mo ungi.
\v 19 Chaunga kwaviya Chohile nakachunga nkongo.
\v 20 Uneva yumwenga nagambe namunga Chohile, mna amwihiwa mlukolo ywakwe, nimdanti kwaviya hekumunga mlukolo ywakwe akumuwona hakudaha kumunga Chohile uyo hemuone.
\v 21 Naho dino niyo isigilizi chinanayo kulawa mwakwe, yeyose akumunga Chohile aungwa amunge mlukolo ywakwe naye.
\c 5
\cl Sula 5
\p
\v 1 Yeyose akuzumila kugamba Yesu Kulisito kelekwa ni Chohile naho yoyose akumunga yeye uyo alawa mwa tate naho awaunga wana wakwe.
\v 2 Mwe dino chimanya kugamba chawaunga wana wa Chohile chikamunga Chohile na kudamanya sigilizi zakwe.
\v 3 Vino nivyo chikumunga Chohile kugamba chazitoza izisigilizi zakwe, naho sigilizi zakwe zihuha.
\v 4 Mwe viya chila elekwe ni Chohile aihuma isi, naho uno nuwo ukuzi wokuchuma isi, utondowazi wetu.
\v 5 Niani aihumile isi? Ni yudya azumile kugamba Yesu ni mwa ywa Chohile.
\p
\v 6 Yuno nuyo ezile mwe mazi na sakame Yesu Kulisito, hezile du kwe mazi mna mwe mazi na sakame.
\v 7 Mweviya hana watatu wakukula,
\v 8 Muye mazi na sakame, wano watatu wevana [sinyisani ulosi uno, tate ulosi na Muye Ukukile hayakuwoneka mwe miliganyo yedi ya kale].
\v 9 Hegu chahokela ukuzi wawantu ukuzi wa Chohile ni mkulu kujinka uwo, kwaviya ukuzi wa Chohile ni uno kugammba nananawo ukuzi ukulanga na mwanawe.
\v 10 Uyo akumzumila mwanya ywa Chohile ananawo ukuzi mndani mwakwemwenye, naho yoyose hekumzumila Chohile kamtenda mdanti, kwaviya hauzumile ukuzi uwo Chohile achiletele kulanga mwanawe.
\v 11 Naho ukuzi nuwo uno kugamba Chohile nakachinka ujima wa kale na kale no ujima uno windani mwa mwanawe.
\v 12 Ananae mwana ana ujima henanaye mwana ywa Chohile hananawo ujima.
\p
\v 13 Siwadolonyezani yano mdahe kumanya kugamba mnanawo ujima wa kale na kale nyuwe mkuzumila mwe zina dya mwana ywa Chohile.
\v 14 Naho uno nuwo ukankalu chinanawo kulongozi kwawke kugamba hegu chikamlombeza chintu chochose viligane no ungi wakwe, nachive.
\v 15 Naho hegu chimanya kugamba achiva chochose chikumlombeza chimanye kugamba chinanacho icho chilombeze.
\p
\v 16 Saviya mntu akumuwona mlukolo ywakwe adamanya masa heikumwigaila file, yaungwangwa kumlombeza Chohile amwinke ujima nalonga mwe wadya awo masa yawo ni yadya heyekuleta file sikulonga kugamba ongigwa alombeze mwe vikulanga masa ayo.
\v 17 Wavu wose ni masa mna hana masa heyekuleta file.
\v 18 Chimanya kugamba elekwe ni Chohile hakudamanya masa, mna elekwe ni Chohile alelwa ni yeye mazuwa yose naho yudya umwavu hakudaha kumdamanya chihiye.
\v 19 Chimanya kugamba suwe ni Chohile naho chimanya kugamba isi yose uko hasi mwe isi yudya mwavu.
\v 20 Mna chimanya kugamba mwana ywa Chohile keza naho kachinka ubala, chimanye yeye atendile ichindedi na kugamba chiyumo mndani mwakwe yeye atendile wa chindedi hata mwe mwanawe Yesu Kulisito ni Chohile ywa chindedi na ujima wa kale na kale.
\p
\v 21 Wanangu hunga, kwenegeni na matukulu.