ziw_reg/61-1PE.usfm

\id 1PE
\ide UTF-8
\h 1 Petulo
\toc1 1 Petulo
\toc2 1 Petulo
\toc3 1pe
\mt 1 Petulo
\c 1
\cl Sula 1
\p
\v 1 Petulo, mndima ywa Yesu Kulisito, mwe wajeni wazagale, mwa wasagulwe, mwe Poto yose, Galatiya Kapodokiya, Asiya na Bisiniya.
\v 2 Kulaila mo umanyi wa Chohile Tate mwa wakukile mwe Muye Ukukile, mwe uzumizi wa Yesu Kulisito na mwe kuwagilwa sakame yakwe, wedi utende wenyu no utondowazi wenyu wongezeke.
\p
\v 3 Chohile Tate ywa Zumbe dyetu Yesu Kulisito, na ajimbikwe, mwe ukulu wa mbazi zakwe, nakachinka kwelelwa uhya mwe ukankalu wa kuguha kujinkila uyuso wa Yesu Kulisito kulawa mwe wabanike.
\v 4 Mwe kuguha heukwangamila, hautende na wihi naho haukuhunguka, kawekiyani mo ulanga kwachausa chanyu.
\v 5 Mwe udahi wa Chohile wa dimwa kujinkila uzumizi mwe wambulwa uwo wiyaho uchintile kugubulwa mwe chipindi cho udumo.
\v 6 Elelwani mwe dino, mna haluse vyaungwa mwenyu namuone chinyulu mwe majezo ya mbuli ntuhu ntuhu.
\v 7 Dino ni kwaviya utondowazi wenyu udahe kujezwa utondowazi uwo ni uwagila kujinkila zahabu, uwo waga mwe moto uwo wajeza utondowazi wenyu, dino dyalaila chani utondowazi udahe kweleka ntogozi, ukuka na ntunyo mwe ugubulo wa Yesu Kulisito.
\v 8 Hamumuone yeye, mna mwamunga, hamumuone haluse, mna mwazumila mwa yeye naho mna kwelelwa hekukudaha kulongeka mwe kwelelwa uko kumemile mo Ukuka.
\v 9 Haluse mwahokela mwenye ulailo wa utondowazi wenyu, wambulwa we izi nafasi zenyu.
\p
\v 10 Waoni na walonda na kuza mwe kusinyisa kulanga wambulwa uno, kulanga wedi uwo watendile mwenyu.
\v 11 Nawalonda kumanya ni mbuli yani ya wambulwa uwo wizile. Nawalonda naho kumanya ni chipindi chihi Muye wa Kulisito emndani mwawo nendile akalonga mbwani nawo, dino nednile dikalaila chipindi umo akawagambila nkongo kulanga masulumizo ya Kulisito no Ukuka uwo hegu umtongele.
\v 12 Naigubula mwe waoni kugamba, nendile wakasankanila mbuli zino, naho siyo kwachausa chawo wenye, mna kwachausa chenyu, walonga mwe mbuli zino kujinkila wadya wakuleta mbuli yedi mwenyu mwe sila ya Muye Ukukile usigilwe kulawa ko ulanga, mbuli ambazo hata wandima walonga waungwa kugubuilwa kwakwe.
\p
\v 13 Ivyo talizani vigudi vya umanyi wenyu, mtende mhola mwe fanyanyi zenyu, mtende na ukankalu uchintile mo wedi uwo nauletwe mwenyu, chipindi cho kugubulwa mwa Yesu Kulisito.
\v 14 Saviya wana wakuzumila, msekutalizwa wenye ni tama izo mwazitongela chipindi umo nahemwina umanyi.
\v 15 Mna enga viya awetenge ivyo eli mkuka, nanywi naho mtende wakuka mwe ntendwa zenyu zose mkwikala.
\v 16 Kwaviya idolonywa tendani wakuka, kwaviya miye ni mkuka.
\p
\v 17 Naho hegu mketaanga Tate, yudya akukantila mwe uwagila kuligana na ndima ya chila mntu, sankanila chipindi cha ntaambo yako mwe kunyanyahala.
\v 18 Mmanya kugamba, hakutendile na hela hegu zahabu vintu vikubanika ivyo mgombolwe kulawa mwe ntendwa zenyu za uhezi izo mhinyile kulawa mwe watati zenyu.
\v 19 Mna mkombolwa mwe sakame ya ntunyo ya Kulisito enga ya ngoto heina masa hata katitu.
\v 20 Kulisito nakawasagula heinati inkongelo ye isi mna haluse zuwa dino dyo udumo, kagubulwa mwenyu.
\v 21 Mwamzumila Chohile kujinkila yeye, uyo Chohile nakamuyusa kulawa mwe wabanike naho uyo nakamwinka ukuka chani kugamba, utondowazi wenyu no ukankalu utende mwe Chohile.
\p
\v 22 Mdamanya izinafasi zenyu, kutenda ntana mwe uzumizi wa chiya ichindedi, mwe kulanga ungi wa walukolo utende na unyolo, ivyo unganani, mwe kukazana kulawa mwe myuye.
\v 23 Mwajika kwelekwa nkanana ya kaidi siyo mwe mbeyu ikubanika mnaa mwe mbeyu heikubanika, kujinkila ujima na ulosi wa Chohile usigale.
\v 24 Kwaviya imili yose ni saviya mani na ukuka wakwe wose ni saviya luwa dya zani, zani dyanyuluka, na luwa dyalagala.
\q
\v 25 Mna ulosi wa Zumbe, wasigala kale na kale, uno ni ulosi uwo ukulongwa saviya mbuli yedi mwenyu.
\c 2
\cl Sula 2
\p
\v 1 Ivyo ikani hankanda wihi wose, udantilizi na usongaganyi, chinyulu na kusimanga.
\v 2 Saviya wana wateke, mbese mele yedi ya chimuye, chani kugamba, mdahe kukula mndani mo wambulwa,
\v 3 Saviya mluma kugamba Zumbe ni ywedi.
\p
\v 4 Soni kwakwe eleli yuwe jima dikwikala, ambadyo dilemelwa ni wantu mna idyo disagulwa ni Chohile naho ni dya mana kwakwe.
\v 5 Nyuwe naho ni saviya mayuwe, yemajima, yazengwa kulanga kwe inyumba ya chimuye, chani kutenda kulavyantambiko kukukile ambawo walavya majeleko ya chimuye yakuzumila kwa Chohile kujinkila Yesu Kulisito.
\v 6 Dolonyi dyalonga vino, kula sika mwe Sayuni yuwe dya hankanda, kulu disagulwe na dya mana yoyose akuzumila mwa yeye haone soni.
\p
\v 7 Ivyo ntunyo ni yenyu kwenyu nyuwe mkuzumila, mna yuwe dilemelwe ni wazesi dino ditenda yuwe kulu dya hankanda,
\p
\v 8 na yuwe dya kutowa na luwe lwa kwetowa, nawo wetowa wakulemela ulosi, kwaviya ambavyo nawo nivyo wasagulwe nadyo.
\p
\v 9 Mna nyuwe ni lukolo lusagulwe, ulavyantambiko, wa chiseuta si Ikukile, wantu wakulongozwa ni Chohile, chani kugamba, wadahe kugoneka ntendwa za maula za yudya etangwe kulawa kwe chiza kwiza ko ulangazi wakwe wa maula.
\v 10 Nyuwe nkongo hamtendile wantu, mna haluse nyuwe ni wantu wa Chohile, nyuwe hamhokele mbazi mna haluse mhokela mbazi.
\p
\v 11 Mkungwa siwetnga saviya wajeni na wakutumbwadika kweminya kulaila kwenyu kwe tama zihiye za masa ambazo zahigana nkondo na myuye yenyu.
\v 12 Mwaungwa kutenda na mazwela yedi, mgati mwe izisi, chani kugamba, saviya nawalonge hegu kugamba, mbuli za wavu, nazisinye ndima zenyu zedi na kumtogola Chohile mwe zuwa dya kwiza kwakwe.
\p
\v 13 Zumilani chila ulongozi wa chila mwana ywa mntu kwachausa cha Zumbe, ukatenda useuta saviya mkulu.
\v 14 Ukatenda ulongozi wa wasigilwa, kuwakantila wadamanya yehiye na kuwatogola wadya wakudamanya matana.
\v 15 Kwaviya ni matana ya Chohile, kugamba, kwakudamanya yedi mwawaza kulonga kwa kuhema kwa wantu wapuzi.
\v 16 Saviya wantu walekeilwe, msekuujeseza ulekeilwa wenyu saviya chizibo cha mazavu, mna mtende saviya wandima wa Chohile.
\v 17 Watunyeni wantu wose, waungeni walukolo, mogoheni Chohile mtunyeni Seuta.
\p
\v 18 Wasigilwa wazumileni, Mazumbe wenyu kwa ntunyo zose siyo Zumbe weli wedi na kuhola, mna naho weli wavu.
\v 19 Kwaviya ntogozi hegu yoyose na ajijimize maumivu chipindi akasulumizwa hehena chindedi kwachausa cha mili yakwe kwa Chohile.
\v 20 Ni zongezekelo chani chiyumo saviya akuvika kutenda masa ukajika mjendeleze kukantilwa? Mna hegu mdamanya yedi naho msulumizwe kwa kukantilwa, ino ni ntogozi yedi kwa Chohile.
\v 21 Kwadino namwitangwa, kwachausa cha Kulisito naho nakasulumizwa kwachausa chenyu kawasiza mligano wa chausa chenyu kutimila nyayozakwe.
\v 22 Yeye hadamanye masa, naho haoneke udanti, wowose kwakwe
\q1
\v 23 Chipindi yeye eze asigilwe, havuzize madugano, eze asulumizwe, hatisize, mna kelevya mwenye kwakwe yeye akuwakantila kwa kuwagila.
\q1
\v 24 Yeye mwenye naye nakenula masa yetu mo umwili wakwe, ko mtwi, chani kugamba, chisekkutenda na hantu naho mwe masa, nakugamba chikale kwachausa cha vyedi kwa kutoigwa kwakwe nyuwe mhona.
\v 25 Wose mwikale mkusawasawa saviya goto dyagile mna haluse muya ko mdimi na mwamizi wa muye wenyu.
\c 3
\cl Sula 3
\p
\v 1 Kwasia ino nuywe ambawo ni wakwe mwaungigwa kelavya kwa wagosi wenyu wenye, chani saviya mwenyu hawanati kuditunya ulosi, kujinkila kwa mazwela ya wavyele zawo wadaha kuvutwa hehena ulosi,
\v 2 Kwaviya wowo wenye nawatende waona mazwela yenyu ni yedi hamwenga na ntunyo.
\v 3 Ino idamanyike siyo kwa kwelemba, kweise kusuka fili vintu vya zahabu hegu kuvala suche za yombe kulu.
\v 4 Mna vyaungwa vidamanyike kwa untu wi mndani we myuye na vitendese mo utana kunyanyahala na kuhola mwe myuye ambawo ni wayombe kulongozi kwa Chohile
\v 5 Kwaviya wavyele wakukile wehamba mwenye kwa sila ino na wana utondowazi mwa Chohile na wake wagosi wawo wenye.
\v 6 Kwa sila ino Sala nakamwiva Ibulahimu, na kumwitwnga yeye zumbe dyakwe, nyuwe haluse ni wanawe hegu namdamanye yendile matana hegu hamkogoha yehiye.
\p
\v 7 Kwe sila iyo, iyo nyuwe wagosi mwaungigwa kwikala na wavyele wenyu, mkamanya kugamba wowo ni wenyu, wavyele wasokele mkawamanya wowo ni wahokezi wenyu, wa jeleko dya ujima, damanyeni vino chani kugamba, malombezo yenyu asekuchindwa.
\p
\v 8 Vikadahika nyuwe wose mtende na dimwenga mtende na mbazi umbuya saviya walukolo wanyanyahala na wahoile.
\v 9 Mse kuliha wihi kwa wihi hegu mahuluto chihitu chakwe mjendeleze kujimbika, kwaviya vino mwitangwa chani kugamba, mdahe kulisi ujimbiko.
\v 10 Yudya akunga wikazi, na kuwona zuwa dyedi vyaungwa auchinde ululimi lwakwe kwa yehiye, na mlomo wakwe kulonga yehiye.
\q
\v 11 Naho ahituke na kuleka yehiye, na kudamanya matana alonde utondowazi na kuutimila.
\q
\v 12 Meso ya Zumbe yamuwona mwenye chindedi na magutwi yakwe yeva malombezo yakwe, mna uso wa Zumbe, hauwagile na wadya wakudamanya yehiye
\p
\v 13 Ni yani akudaha kuwslumiza nyuwe uneva mwahikiliza kudamanya matana.
\v 14 Mna hegu mkasulumizwa kwa chipindi, mjimbikwa, msekogoha yadya ambayo wowo wayogoha, msekutenda na nkama.
\v 15 Mna mwikeni Kulisito Zumbe mwe myuye yenyu, saviya akukile, mtende mwemalanya kale kumhitula chila mntu akuwauza nyuwe kwambwani mna msuhi kwa Chohile, damanyani vino kwa kuhola na ntunyo.
\v 16 Mtende na wedi chani kugamba, wantu wakuhuluta wikazi wenyu wedi mwa Kulisito wadahe kwingila soni, kwaviya walonga chihitu kugamba, nandile mkadamanya vihiye.
\v 17 Ni vyedi mno, uneva Chohile abesa, kugamba mwasulumizwa kwa kudamanya yedi kujinka kudamanya yehiye.
\v 18 Kulisito naye kasulumizwa nkanana imwenga, kwachausa cha masa, yeye ni mwenye chindedi kasulumizwa kwachausa chetu, katenda mjima mwe muye.
\v 19 Mwe Muye kaita kulonga myuye ambayo haluse imwe utalizawa.
\v 20 Haivile umo ujijimizi wa chohile nandile ukagojwa umo Nuhu mwe dizuwa dyo kusana isafisa, chohile awambule wantu wajeche, waantu mnane kulawa mwa mazi.
\v 21 Ino yendaga ni luvengo lwa ubatizo ukuwambula nyuwe haluse, siyo saviya kusunta uzavu kulawa ko mwili, mna saviya lombezo dyendile dyedi kwa Chohile kujinkila uyuso wa Kulisito.
\v 22 Yeye emomkono lwa kulume lwa Chohile, kaita kwembingu, mndima ywa kwembingu, ulongozi, na udahi vyaungwa vimtunye yeye.
\c 4
\cl Sula 4
\p
\v 1 Ivyo, kwaviya Kulisito kasulumizwa mo umwili, kwevikeni vyakwegombela vya izifanyanyi ziya, yeye asulumila mo umwili kausika masa.
\v 2 Mntu yuno hakujendeleza naho kwikala mwe izitama zo umwili, mna kwaviya akunga Chohile, mo kwikala kwa kwe kusigale.
\v 3 Kwaviya chipindi chijnkile chichinta kutenda mbuli ambazo si zilizize waunga kutenda, umolanyi, fanyanyi zihiye, ukozi, ubafu, ngasu za chipagani, na miviko ya matukulu, vikujela maya.
\v 4 Wafanyanya ni maula mkenega kutenda izimbuli izo hamwenga na wowo, ivyo walonga milosi ya wavui ikuwalanga nyuwe.
\v 5 Nawalavye uwazwa wakwe, emalanye kale, kuwakantila wemeso na wabanike.
\v 6 Kwachausa chino mbuli yedi ilongwa kwawo awo wabanike, kugamba, hata hegu wakantilwa kale mwe imili yawe saviya wantu, chani wadahe kutenda kutenda wajima kuligana na Chohile mwe Muye.
\v 7 Udumo wa mbuli zose weza, mtende mna umanyi wi vyedi, naho mtende na fanyanyi zedi kwachaausa che miviko yenyu.
\v 8 Kabula ya mbuli zose, mtende msankane mwe ungi kwa chila nyuwenga, kwaviya ungi haukulonda kugubula masa ya wantu watuhu.
\v 9 Lagisani chise, kwachila yumwenga mkaleka kufuzuma.
\v 10 Enga ivyo, chila yumwenga ywenyu, ahokele jeleko, ijeseni mwe kwambizana, saviya wakuchimaila vyedi, majeleko yalozize yakulavigwa bule ni Chohile.
\v 11 Hegu mntu akalonga, navitende saviya ulosi wa Chohile, naho hegu mntu akasankana, navitende saviya udahi enkigwe ni Chohile, chani kugamba, kwachila mbuli Chohile apate kutunywa kujinkila Yesu Kulisito Ukuka na udahi vina yeye kale na kale vitende ivyo.
\v 12 Wmbuya msekuwaza jeo dikwiza kwajeza saviya chintu chijeni, mna kuna chintu chijeni nachikalaila kwenyu.
\v 13 Mna kwaviya kuzwela masulumizo ya Kulisito, mwelelwe, chani kugamba mwelewe hamwenga na kweleleswa mo ugubulo wa ukuka wakwe.
\v 14 Hegu mhulutwa kwachausa cha zina dya Kulisito, mjimbikwa, kwachausa cha muye wa ukuka na muye wa Chohile ekala mwenyu.
\v 15 Mna hasekutenda na yoyose, akusulumizwa saviya mkomi, mbavi, mdamanya wavu, hegu wakusankanila mbuli zesimile.
\v 16 Mna uneva mntu asulumizwa, saviya Mkulisito, asekuwona soni, mna amtunye Chohile mwe idizina idyo.
\v 17 Kwaviya chipindi chibula cha nkanto kukonga mwe nyumba ya Chohile, naho hegu vyakongela kwetu, navitende zeze kwa wadya hewekuzumila mbuli yedi ya Chohile?
\v 18 Naho hegu mta kuwagila ambulwa kujinkila yatogile, naitende zeze kwa mntu hekuwagila na mta masa?
\p
\v 19 Kwaviya wose wakusulumizwa kulawana na ungi wa Chohile, wenkiza untu wawo kwa mumbi mkanuni chani kuno wakasankanila yedi
\c 5
\cl Sula 5
\p
\v 1 Nawagambilani mdalahale mwiyumo hamwenga na nyuwe, miye nidalahale mnyenyu, na mwenye kuyawona masulumizo ya Kulisito na uyo iviya iviya ni nyetu mo ulangazi ulagiswe.
\v 2 Kwaviya nawajela muye nyuwe mdalahale, didimeni idibunga dya Chohile diyumo hamwenga na nyuwe disinyeni siyo kwa viya vyamungani mna kwaviya mwaungwa ivyo viukungwa ni Chohile, disinyeni siyo kwa kunga hela za soni mna kwa ungi.
\v 3 Msekutenda mazumbe kulanga kwa wantu we hasi mo kuwasinya kwenyu mna mtende na kusinywa mwe bunga.
\v 4 Aho mdimi mkulu nalagise namhokele ichilemba cha ukuka hewikwaza utana wakwe.
\p
\v 5 Iviya, iviya, nyuwe wabwanga wadodo mweseleze mwa wakulu wenyu, nyuwe nyose mvale kweseleza na kudamanyizana nyuwe kwa nyuwe kwaviya Chohile awalemela, wadya wekweduvya, mna awenka ntunyo wakweseleza.
\p
\v 6 Ivyo, mweseleze hasi ho mkono wa Chohile chani kugamba, awenule mwe chipindi chakwe.
\v 7 Mwikiyeni mbazi zenyu kulanga kwakwe kwaviya awasinya nyuwe.
\p
\v 8 Mtende wadahi, mtende waakusinyisa yudya umasa ywenyu, Ibilisi ni saviya kala dikutuntuma awanyatila akaunga mntu wa kumolola.
\v 9 Chimalani mwesime naye tendani na udahi mo utondowazi wenyu, mkamanya kugamba, walukolo wenyu weyuko kwe isi wajinkila masulumizo oge ayo.
\v 10 Naho namsulumile kwachipindi chijihi Chohile ywa ntunyo yose awetangeni mo ulangazi wa kale na kale mndani mwa Kulisito nawachintize na kuwatogeza na kuwajele udahi.
\v 11 Utana utende kwakwe kale na kale Taile.
\p
\v 12 Msalise Siliwano oge mlukolo mchindedi naho siwadolonyeza nyuwe kwa mkanti kujinkila kwakwe na wajele muye kuwagambila kugamba, ichonidolonye cha utondowazi wa chindedi cha Chohile chimalani mndani mwakwe.
\p
\v 13 Muwazumile weyuko Babeli wasagulwe, hamwenga na nyuwe wawalamsani na Mliko mwanangu awalamsani.
\v 14 Lamsanani chila yumwenga kwa busu dya ungi na utondowazi utende kwenyu, mwimndani mwa Kulisito.